Mak 1
1
Tuilüh pektih Yohan käh sidawng
Mathi 3:1-12; Luk 3:1-18; Yohan 1:19-28
1Ni sidawng pawi che Mesaya Yĕsu käh, Ani Hnadaga chaw. 2Hnadaga sidawng hiyawktih Aijaya la oyok hüt,
“So e, nang hmawi mawh a Kei käh sidawng hiyawktih kei keteh.
Ani la nang käh lawm poh bala awtawkai.#Malakhai 3:1
3Täulung chinga pochongak käh asam la hek bala che awhawu,
‘Boi koong lawm po chula ächän taw khäl!
Ani koong lawm chokchok po khäl!’” #Aijaya 40:3
4Awlaw ni kheu khäl ihisaw a thänei. Tuilüh pektih Yohan ala honga ämäi hüt, awlaw ani kheu khina lotih khäl khäka tara haw hüt. Khrawng khälla ngulai känäng ini lung hleyeyal ula awlaw anih käh ngulai Hnadaga la ähläh pekal hmawna tuilüh ini lawkeyeih saw tak. 5Äi khaw a Yudia pre lekchaw la Yĕlusalem mräh äng käh khrawng kheni thok ula Yohan äng ini khomeyeih koong awlaw kheu ini khinaih koong ani khäka ini chet. Khrawng khälla ngulai ini poh ting ini khawmeiyal ni, Yohan la anih a Yawldan hlonga tuilüh epek.
6Yohan la ut ting ini taksaw mäksetdava hmul äng käh wat awat hüt awlaw awnvun äng käh khabaih äng ani la echeng khonei hüt. Ani la khawng khäu pü la khoitui eei ok hüt. 7Ani la ni huih sidawng hiyawk, “Kei pänäng pochongak khrawng olo tun. Ani che kei thawka tha mawh dä. Kei hngasaw huih bok ngala Ani käh thanap jäi kusuh aih saw bang tawn nga. 8Kei nangnih a tui äng tuilüh kanang pek, äini Ani la Asanh chang Khraw äng tuilüh anang pekai.”
Yĕsu käh tuilüh la chawmsi
Mathi 3:13-4:11; Luk 3:21-22; 4:1-13
9Hnüpak khaw a Galil pre a käh Nazaret känäng Yĕsu olo, awlaw Yawldan hlong äng Yohan la Ani a tuilüh pek. 10Yĕsu tui duk känäng othowal ni, hawn phawl hnih a phawlei bala ohongei saw awlaw Asanh chang Khraw khü huih ani khäka o kom saw hmuh. 11Äi khaw a hawn pre känäng asam hngat la hawu, “Nang dä Kei kekhetsaw chaw, nang koong Kei mawmawt kawpiyaw.”
12Äi pänäng Asanh chang Khraw la Yĕsu a täu lungchinga eteh. 13Äiya Ani khomhnüp hligip ämäi. Äi khaw a, Mannat la Ani a awchawm. Äiya mäksetdava khäl ha ini mäi hüt. Äini hawn natchaw khälla Ani a sokhre ula ini tawk hüt.
Yĕsu la ngaw mawn tih pochong hli a panei
Mathi 4:12-22; Luk 4:14,15; 5:1-11
14Yohan thong im äng heng nawk hmuei pänäng Galil pre lekchaw a Yĕsu echet. Äiya Ani la Hnadaga käh sidawng pawi kheu awhiyawk. 15Ani la atak, “Khin thänei, Mawng Hnadaga pre kena lo däk. Äi koong ngulai känäng nini lung hleyeyal khäl awlaw sidawng pawi yumei khäl!”
16Hnüpak khaw a Galil guda kawm äng Yĕsu chetei khaw a, Simon la ani nawu Endu la kawn ihni chawnh saw hmuh. A hnih che dum ihni mäi hüt. 17Yĕsu la a hnih a panei bala a tak, “Kei ängtu lo hnih. Khrawng khäla iba kei käh tebeih nihni poh aih lah saw äm, kei nang hnih a kanang chokai.” 18Äi khaw a kawn hiyänal häih la Yĕsu ängtu ahnih ihni chet. 19Äiche äi känäng bitchaw hlawm hlaw a echet ni, Jebidi chaw Yakub la Yohana Yĕsu la hmuh. A hnih long äng om häih la kawn ihni khoiyal tunsaw. 20A hnih a uhmuh saw ängtu Yĕsu la a hnih a apanei. Äidä ahnih la ahnih paw Jebidi a ahngasaw khäl ängtu long äng taw hüt häih la Yĕsu ängtu ihni chet.
Yĕsu la pawyahtih khraw othoh al
Luk 4:31-37
21Yĕsu tebeih tih äng Kawpalnahum mräh a chet. Äiche düm khomhnüp äng Ani Yudi ini lumeidün ima chet bala chokaih saw chah. 22Ani la chok saw äng khrawng khäl ini maw chak. Iyaäm Mosi käh thung choktih khäl huih chok saw hiyah äini päng tih huih dä Ani la chok saw.
23Yĕsu la ochok tun khaw a täk ting, Yudi ini lumeidün ima khrawse la mawn saw khrawng hngat la hek bala che awhawu, 24“Nazarina käh Yĕsu o, keinih khäka iya nolo saw äm? Keinih a khraka nang nolo saw ei? Kei kaw hmawt khäh nang u äm. Nang Hnadaga käh äi Asanh chang Hngat dä!” 25Äini Yĕsu la pawyahtih khraw a hekei bala tak, “Kräuvai ti, ani duk känäng thokal!” 26Äi pawyahtih khraw la äi khrawnga atha mäiyak säkei sawk bala äi khrawng duk känäng athak hek bala che othokal. 27Äiya mäitih khrawng kheni ini maw chak, awlaw hngat la hngat ini kräuvei, “Niche i äm? Nangkei a kheu tha khrawng chok saw ei? Ani kräu saw che päng tih huih, pawyahtih khraw khäla ha atak chi hi, pawyahtih khraw la ani kheu ini ngei!”
28Äidä Galil pre lekchaw a käh üküt laa Yĕsu kheu alanda i khrih ei chak.
Yĕsu la awbawng lawgase a awpawi poh al
Mathi 8:14-17; Luk 4:38-41
29Äi pänäng Yudi ini lumeidün im känäng thokal häih la Simon la Endu ima Yakub la Yohan ha Yĕsu ängtu ihni chet hüt. 30Simon pui kawl koong hiyawl bala mäi hüt. Yĕsu aphaw saw ängtu Yĕsu a awkawl saw hawuvei pek. 31Äi khaw a Yĕsu ani kena echet, äidä thouh waih koong ani kut bin bala äjäh. Äi äng ani awkawl saw awpawiyal, awlaw ani la anih koong eiok opoh pekal.
32Äi hnüpa khoni kraw al pänäng khrawng khälla awbawng lawgase la khrawse la mawnsaw khrawng khäla Yĕsu khäka ini lo. 33Äi khaw a mräh a käh khrawng kheni im tamkha khäka lo ula ini chuh ei. 34Yĕsu la awbawng lawgase khäla awpawi poh al awlaw awbawng khrawse othoh al. Äini pawiyatih khraw khäla Ani la kräu saw kah. Iyaäm Ani che u äm, äi khrawse khälla ini hmawt khäh.
Yĕsu la ala honga suh tongei
35Hnüpak pänäng Yĕsu akhonäng othou awlaw im hlät bala suh tongei a täu lungchinga chet. 36Hnung äng Ani a suiyala Simon la awnghaw khrawng khäl ini chet. 37Ani a sui ula ini bünal pänäng ini tak, “Khrawng kheni la nanga anang suiyal.”
38Äini Yĕsu la krawn bala tak, “Che khäl, kei tara haw hnäng hmawna, nangkei kena käh nam khäla chet äng khä. Äi koong dä kei kolo saw.”
39Äi huih Galil a käh üküt laa Yĕsu chet bala Yudi ini lumeidün ima tara haw awlaw khrawse khäl ha otho al.
Yĕsu la unu lawga kopeitih khrawng hngata sahnal sawk
Mathi 8:1-4; Luk 5:12-16
40Hnüpak khaw a unu lawga kopeitih khrawng hngat Yĕsu khäka lo bala khokgru dül äng ani hmawi mawh a om bala tak, “Nang dä nühlü ei khaw, kei a asanh nopoh al hnäng.”
41Äi khrawng lukhrunga Yĕsu a mawmawt khetjen kawi. Ani la ukut phranei bala ani a bin. Yĕsu la tak, “Kei kühlü, nang asanh thäneiyal!” 42Äi awhawu saw äng tutu ani käh unu lawga awpawiyal. 43Äi khaw a Yĕsu la ani a eteh al, äini ayang sidih kheu hngat tak, 44“So e, ni kheu hngata ha hawupekaiti. Äini pujawtih#1:44 ‘Pujawtih’ u äm, äi ha phawng hmuei. Niya Pujawtih che äiba mäi nawtih pujawtih hiyah. Ni Pujawtih che Äi khaw a Yĕlusalema käh Hnadaga ima bi hüttih pujawtih dä. hngat khäka chet tila naw pawiyal saw a dawneiyal. Äi pänäng Mosi la hawu hüt saw huih ahlu al.#Livitika 14:2-31 Äi khaw nang nasahnal däk ting khrawng khälla ini hmawtai.”
45Äini äi khrawng la apranga chet bala che äi kheu i khrih chak. Äi koong Yĕsu a awbawng khrawng khälla ana vaneinawk chak ni, hngat nama ha khrawng khälla hmu hmawna Yĕsu chet hnäng tiyah. Ani täu lung chinga dä ämäi lah. Äi thän ha yapyap la känäng khrawng khäl Ani khäka ini lo.
Currently Selected:
Mak 1: CSH
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Mak 1
1
Tuilüh pektih Yohan käh sidawng
Mathi 3:1-12; Luk 3:1-18; Yohan 1:19-28
1Ni sidawng pawi che Mesaya Yĕsu käh, Ani Hnadaga chaw. 2Hnadaga sidawng hiyawktih Aijaya la oyok hüt,
“So e, nang hmawi mawh a Kei käh sidawng hiyawktih kei keteh.
Ani la nang käh lawm poh bala awtawkai.#Malakhai 3:1
3Täulung chinga pochongak käh asam la hek bala che awhawu,
‘Boi koong lawm po chula ächän taw khäl!
Ani koong lawm chokchok po khäl!’” #Aijaya 40:3
4Awlaw ni kheu khäl ihisaw a thänei. Tuilüh pektih Yohan ala honga ämäi hüt, awlaw ani kheu khina lotih khäl khäka tara haw hüt. Khrawng khälla ngulai känäng ini lung hleyeyal ula awlaw anih käh ngulai Hnadaga la ähläh pekal hmawna tuilüh ini lawkeyeih saw tak. 5Äi khaw a Yudia pre lekchaw la Yĕlusalem mräh äng käh khrawng kheni thok ula Yohan äng ini khomeyeih koong awlaw kheu ini khinaih koong ani khäka ini chet. Khrawng khälla ngulai ini poh ting ini khawmeiyal ni, Yohan la anih a Yawldan hlonga tuilüh epek.
6Yohan la ut ting ini taksaw mäksetdava hmul äng käh wat awat hüt awlaw awnvun äng käh khabaih äng ani la echeng khonei hüt. Ani la khawng khäu pü la khoitui eei ok hüt. 7Ani la ni huih sidawng hiyawk, “Kei pänäng pochongak khrawng olo tun. Ani che kei thawka tha mawh dä. Kei hngasaw huih bok ngala Ani käh thanap jäi kusuh aih saw bang tawn nga. 8Kei nangnih a tui äng tuilüh kanang pek, äini Ani la Asanh chang Khraw äng tuilüh anang pekai.”
Yĕsu käh tuilüh la chawmsi
Mathi 3:13-4:11; Luk 3:21-22; 4:1-13
9Hnüpak khaw a Galil pre a käh Nazaret känäng Yĕsu olo, awlaw Yawldan hlong äng Yohan la Ani a tuilüh pek. 10Yĕsu tui duk känäng othowal ni, hawn phawl hnih a phawlei bala ohongei saw awlaw Asanh chang Khraw khü huih ani khäka o kom saw hmuh. 11Äi khaw a hawn pre känäng asam hngat la hawu, “Nang dä Kei kekhetsaw chaw, nang koong Kei mawmawt kawpiyaw.”
12Äi pänäng Asanh chang Khraw la Yĕsu a täu lungchinga eteh. 13Äiya Ani khomhnüp hligip ämäi. Äi khaw a, Mannat la Ani a awchawm. Äiya mäksetdava khäl ha ini mäi hüt. Äini hawn natchaw khälla Ani a sokhre ula ini tawk hüt.
Yĕsu la ngaw mawn tih pochong hli a panei
Mathi 4:12-22; Luk 4:14,15; 5:1-11
14Yohan thong im äng heng nawk hmuei pänäng Galil pre lekchaw a Yĕsu echet. Äiya Ani la Hnadaga käh sidawng pawi kheu awhiyawk. 15Ani la atak, “Khin thänei, Mawng Hnadaga pre kena lo däk. Äi koong ngulai känäng nini lung hleyeyal khäl awlaw sidawng pawi yumei khäl!”
16Hnüpak khaw a Galil guda kawm äng Yĕsu chetei khaw a, Simon la ani nawu Endu la kawn ihni chawnh saw hmuh. A hnih che dum ihni mäi hüt. 17Yĕsu la a hnih a panei bala a tak, “Kei ängtu lo hnih. Khrawng khäla iba kei käh tebeih nihni poh aih lah saw äm, kei nang hnih a kanang chokai.” 18Äi khaw a kawn hiyänal häih la Yĕsu ängtu ahnih ihni chet. 19Äiche äi känäng bitchaw hlawm hlaw a echet ni, Jebidi chaw Yakub la Yohana Yĕsu la hmuh. A hnih long äng om häih la kawn ihni khoiyal tunsaw. 20A hnih a uhmuh saw ängtu Yĕsu la a hnih a apanei. Äidä ahnih la ahnih paw Jebidi a ahngasaw khäl ängtu long äng taw hüt häih la Yĕsu ängtu ihni chet.
Yĕsu la pawyahtih khraw othoh al
Luk 4:31-37
21Yĕsu tebeih tih äng Kawpalnahum mräh a chet. Äiche düm khomhnüp äng Ani Yudi ini lumeidün ima chet bala chokaih saw chah. 22Ani la chok saw äng khrawng khäl ini maw chak. Iyaäm Mosi käh thung choktih khäl huih chok saw hiyah äini päng tih huih dä Ani la chok saw.
23Yĕsu la ochok tun khaw a täk ting, Yudi ini lumeidün ima khrawse la mawn saw khrawng hngat la hek bala che awhawu, 24“Nazarina käh Yĕsu o, keinih khäka iya nolo saw äm? Keinih a khraka nang nolo saw ei? Kei kaw hmawt khäh nang u äm. Nang Hnadaga käh äi Asanh chang Hngat dä!” 25Äini Yĕsu la pawyahtih khraw a hekei bala tak, “Kräuvai ti, ani duk känäng thokal!” 26Äi pawyahtih khraw la äi khrawnga atha mäiyak säkei sawk bala äi khrawng duk känäng athak hek bala che othokal. 27Äiya mäitih khrawng kheni ini maw chak, awlaw hngat la hngat ini kräuvei, “Niche i äm? Nangkei a kheu tha khrawng chok saw ei? Ani kräu saw che päng tih huih, pawyahtih khraw khäla ha atak chi hi, pawyahtih khraw la ani kheu ini ngei!”
28Äidä Galil pre lekchaw a käh üküt laa Yĕsu kheu alanda i khrih ei chak.
Yĕsu la awbawng lawgase a awpawi poh al
Mathi 8:14-17; Luk 4:38-41
29Äi pänäng Yudi ini lumeidün im känäng thokal häih la Simon la Endu ima Yakub la Yohan ha Yĕsu ängtu ihni chet hüt. 30Simon pui kawl koong hiyawl bala mäi hüt. Yĕsu aphaw saw ängtu Yĕsu a awkawl saw hawuvei pek. 31Äi khaw a Yĕsu ani kena echet, äidä thouh waih koong ani kut bin bala äjäh. Äi äng ani awkawl saw awpawiyal, awlaw ani la anih koong eiok opoh pekal.
32Äi hnüpa khoni kraw al pänäng khrawng khälla awbawng lawgase la khrawse la mawnsaw khrawng khäla Yĕsu khäka ini lo. 33Äi khaw a mräh a käh khrawng kheni im tamkha khäka lo ula ini chuh ei. 34Yĕsu la awbawng lawgase khäla awpawi poh al awlaw awbawng khrawse othoh al. Äini pawiyatih khraw khäla Ani la kräu saw kah. Iyaäm Ani che u äm, äi khrawse khälla ini hmawt khäh.
Yĕsu la ala honga suh tongei
35Hnüpak pänäng Yĕsu akhonäng othou awlaw im hlät bala suh tongei a täu lungchinga chet. 36Hnung äng Ani a suiyala Simon la awnghaw khrawng khäl ini chet. 37Ani a sui ula ini bünal pänäng ini tak, “Khrawng kheni la nanga anang suiyal.”
38Äini Yĕsu la krawn bala tak, “Che khäl, kei tara haw hnäng hmawna, nangkei kena käh nam khäla chet äng khä. Äi koong dä kei kolo saw.”
39Äi huih Galil a käh üküt laa Yĕsu chet bala Yudi ini lumeidün ima tara haw awlaw khrawse khäl ha otho al.
Yĕsu la unu lawga kopeitih khrawng hngata sahnal sawk
Mathi 8:1-4; Luk 5:12-16
40Hnüpak khaw a unu lawga kopeitih khrawng hngat Yĕsu khäka lo bala khokgru dül äng ani hmawi mawh a om bala tak, “Nang dä nühlü ei khaw, kei a asanh nopoh al hnäng.”
41Äi khrawng lukhrunga Yĕsu a mawmawt khetjen kawi. Ani la ukut phranei bala ani a bin. Yĕsu la tak, “Kei kühlü, nang asanh thäneiyal!” 42Äi awhawu saw äng tutu ani käh unu lawga awpawiyal. 43Äi khaw a Yĕsu la ani a eteh al, äini ayang sidih kheu hngat tak, 44“So e, ni kheu hngata ha hawupekaiti. Äini pujawtih#1:44 ‘Pujawtih’ u äm, äi ha phawng hmuei. Niya Pujawtih che äiba mäi nawtih pujawtih hiyah. Ni Pujawtih che Äi khaw a Yĕlusalema käh Hnadaga ima bi hüttih pujawtih dä. hngat khäka chet tila naw pawiyal saw a dawneiyal. Äi pänäng Mosi la hawu hüt saw huih ahlu al.#Livitika 14:2-31 Äi khaw nang nasahnal däk ting khrawng khälla ini hmawtai.”
45Äini äi khrawng la apranga chet bala che äi kheu i khrih chak. Äi koong Yĕsu a awbawng khrawng khälla ana vaneinawk chak ni, hngat nama ha khrawng khälla hmu hmawna Yĕsu chet hnäng tiyah. Ani täu lung chinga dä ämäi lah. Äi thän ha yapyap la känäng khrawng khäl Ani khäka ini lo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh