Luk 17
17
Ngulai la uyum äng käh chok hawu
Mathi 18:6-7,21-22; Mak 9:42
1Hnüpak khaw a Yĕsu la etebeih tih khäla tak, “Ngulai äng nawkraw nawkaih saw äng käh lawphah lo aih saw dä. Awlaw äi huih lawphah lotih khrawng koong che awbawng khrusaw mäyei. 2Äi yawchu ah tih khrawng khäl dukäng käh hngata ngulai lawm äng nichih puinawk saw thawka, ähngäl äng lung len khontila mretäng nähiyän saw bang pawi khäh. 3Äi äng nini bi kawi saw äng sidih äng mäi khäl! Nata nawu khälla ngulai ini bi hi, anih a bäunaw bäichu. Ngulai känäng ini lung ini hleyeyal khaw, anih a ähläh pekal bäichu. 4Awlaw, hnüpak äng kräng seh nang lukhrunga epret thänei bala, kei kulung ke hleyeyal däk ting kräng seh krawnal bala ana takal hi, anih a ähläh pekal bäi.”
5Äi pänäng teh hmueitih khälla Boi a ini tak, “Kini yum khrawng chang sawke.”
6Boi la takal, “Monniyang chih chaw tih dä nangnih a nini yum mäi hi, hut thinga nuyung kung läktäng thou tila mret äng achätal ting nini tak hi äila ha nangnih kheu khinai.”
7Tawk chawm khäl, hngasaw hngat samphomah kiyong kän hiyah thän laithän kän loal hi, ne eiyeih saw koong omal hnäh ting awmawh paw la paneyal ei? 8Paneyal hnawh! Äichaw a, ani la krawn bala dä takai, “Eisaw ächän ataw. Kei ei pän ngasaw sawgraw necheng äng awat khonei tila tawei awlaw kei a ete long. Äi pänäng nang eiyal bäi. 9Awmawh paw la hawu saw huih hngasaw la ükütni bi chak koong awmawh paw la äkiyä tawngeiyalei? 10Äi huih kawchawng chawng, Kei kanang taksaw huih nini thänei hi nini hawuvai, ‘Keinih usum vawngah tih hngasaw khäl dä awlaw Keinih a khrawng awp saw bi khäl dä kini bisaw.’”
Yĕsu la pochong ha unu lawga mawh khäla awpawi poh al
11Yĕsu Yĕlusalema echet lawma Samali la Galil mräh je äng echetei tun saw. 12Äi khaw a Ani nam hngata vawng. Unu lawga mawh pochong ha awhlawm hlaw a ja ula ini mäi saw khom. 13Anih hek ula ini hawu, “Yĕsu, Boi o! Keinih a khrawng jenei.”
14Yĕsu la anih pawta soei bala hawu, “Chet khäl, nini kantha pujawtih khäla adawneyal khäl” Anih chetpe chetpe unu lawga lawma ini pawiyal chak. 15Anih dukäng käh pochongak la awpawiyal saw hmuh ei ni, ani krawnal bala athak hehek bala Hnadaga a awphiyaw. 16Ani Yĕsu khochouwa khogru düläng mäi bala awpawiyal saw koong äkiyä tawngeyal. Ni khrawng che Samali pre a käh khrawng mäihüt saw.
17Yĕsu la hi, “Kei pochong ha khrawnga awpawi poal nga ei awlaw pochong koh mawnga äm?” 18Awhngaw yapsaw hngat Hnadaga a äkiyä tawngei a krawnal. Äini kei yapsaw che Hnadaga a äkiyä tawngeyala krawnal u. 19Äi pänäng Yĕsu la äi khrawnga takal, “Thouwal tila chetal nang käh yum la nanga awpawi ini poh al däk.”
Mawng Hnadaga pre loaih saw äng käh kheu
Mathi 24:23-28,37-41
20Hnüpak khaw a Pherasai hngat pai hnih la Yĕsu a ini hi, “Mawng Hnadaga pre itih khaw a loalaih saw äm?” Yĕsu la anih a krawn bala takal, “Mawng Hnadaga pre loalaih saw che awhngaw ei khäh, äi nini mik äng nini hmuaih saw yap hiyah. 21Mawng Hnadaga pre che niya dä hiyah thän äiya dä ting hngat la ha hawu hnäng hnawh u. Iyaäm Hnadaga la nangnih a anang khiyup däk.”
22Äi pänäng Ani la etebeih tih a tak, “Hnüpak ni huih ikhin loai, nangnih luhchaw chaw mawngei saw khin nini hmu aih khiyangai. Äini nangnih äi hmuh lah hnawh chu. 23Khrawng khälla nangnih a anang takai, ‘So khäl, niya dä luhchaw chaw awlaw äiya dä Luhchaw chaw.’ Äini äi khaw a chetai chu awlaw täm ha tämai chu. 24Khraih kha liliuh wei hi hawn chah känäng uyummak ihuih awa pütchak äm, Luhchaw Chaw loalaih saw khaw a äi huih ükütni la ini hmuh ai. 25Äini Luhchaw chaw la täkchah awbawng dukhah khawmaih mawsaw. Awlaw tukatäng käh khrawng khälla Ani a lawei hnawh u. 26Noha katäng ihuih thänei äm, Luhchaw Chaw käh khin khaw a ha äi huih dä thäneyeih saw.#Jinisis 6:5-8 27Noha long äng kawiyah saw awlaw tuilen äng hang hang krakah saw sawgraw, khrawng khäl eiok saw äng, phiya ini nawk saw la ini pekei saw äng ini mäi hüt.”#Jinisis 7:6-24
28Awlaw Lot khaw a äi huih kawchawng chawng thänei hüt. Äi khaw a khrawng khälla ei ok, jeh tuk, chäh khaih awlaw im pawi im pawi tunaih saw khäl äng dä ini lung pek ula ini mäihüt saw. 29Äini Lot la Sawdom nam hlät bala chetal khaw a, äi hnüpa hawn känäng mei la salphar#17:29 Ni salphar che pholong be. Ni salphar che atoi tu hu huih mawt nawm. Ni salphar la khrawng hil hnängah pak ha poh hnäng. Ni äng akantha ha oo nawk. äng käh kho kraw bala khrawng khäl kheni ini düchak.#Jinisis 18:20-19:25 30Äi huih kawchawng chawng Luhchaw Chaw loal khawngah khrawng khäl piyaw ula ini mäiyei.
31Äi hnüpa ubang tĕh khrung äng mäi äm äi khrawng im duk känäng vawn lawkeyala awdawnga komalah seh. Äi huih ubang akhanga mäi äm, ani krawn bala ima loalah seh. 32Lot phiya iba thänei hüt saw äm nini lung äng khawyeiyal chawm khäl.#Jinisis 19:26#17:32 Lot phia iba thänei hüt saw äm: Ani la Hnadaga kheu khinah koong u hnung pawta sot ni chi pela äthänei al. Hnadaga kheu khinah.
33Ula awsawk heneyeih koong ohno ei äm, ani la päiyah saw sawk uhiyumeyei. Awlaw ula awsawk hiyumei äm, ani la awsawk henei hnängai.#Mathi 10:39; 16:25; Mak 8:35; Luk 9:24; Yohan 12:25 34Kei nangnih a kanang tak, äi yawna khrawng pochong hnih phawk hngat äng utu ihni ipai. Äi häih känäng pochongaka lawk hmueyalai awlaw pochongaka che tawk hmueiyalai. 35-36Äi khaw a, hmutaw pochong hnih la utula mong ihni nangai. Pochongaka che lawk hmueiyalai awlaw pochongak che tawkal hmueiyei.
37Äidä etebeih tih la ini hi, “Boi o, ni khäl mawnga thäneyeih saw äm?” Yĕsu la takal, “Mawnga bang oyok mäi äm, äiya langdah ini chuh ei.”
Currently Selected:
Luk 17: CSH
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Luk 17
17
Ngulai la uyum äng käh chok hawu
Mathi 18:6-7,21-22; Mak 9:42
1Hnüpak khaw a Yĕsu la etebeih tih khäla tak, “Ngulai äng nawkraw nawkaih saw äng käh lawphah lo aih saw dä. Awlaw äi huih lawphah lotih khrawng koong che awbawng khrusaw mäyei. 2Äi yawchu ah tih khrawng khäl dukäng käh hngata ngulai lawm äng nichih puinawk saw thawka, ähngäl äng lung len khontila mretäng nähiyän saw bang pawi khäh. 3Äi äng nini bi kawi saw äng sidih äng mäi khäl! Nata nawu khälla ngulai ini bi hi, anih a bäunaw bäichu. Ngulai känäng ini lung ini hleyeyal khaw, anih a ähläh pekal bäichu. 4Awlaw, hnüpak äng kräng seh nang lukhrunga epret thänei bala, kei kulung ke hleyeyal däk ting kräng seh krawnal bala ana takal hi, anih a ähläh pekal bäi.”
5Äi pänäng teh hmueitih khälla Boi a ini tak, “Kini yum khrawng chang sawke.”
6Boi la takal, “Monniyang chih chaw tih dä nangnih a nini yum mäi hi, hut thinga nuyung kung läktäng thou tila mret äng achätal ting nini tak hi äila ha nangnih kheu khinai.”
7Tawk chawm khäl, hngasaw hngat samphomah kiyong kän hiyah thän laithän kän loal hi, ne eiyeih saw koong omal hnäh ting awmawh paw la paneyal ei? 8Paneyal hnawh! Äichaw a, ani la krawn bala dä takai, “Eisaw ächän ataw. Kei ei pän ngasaw sawgraw necheng äng awat khonei tila tawei awlaw kei a ete long. Äi pänäng nang eiyal bäi. 9Awmawh paw la hawu saw huih hngasaw la ükütni bi chak koong awmawh paw la äkiyä tawngeiyalei? 10Äi huih kawchawng chawng, Kei kanang taksaw huih nini thänei hi nini hawuvai, ‘Keinih usum vawngah tih hngasaw khäl dä awlaw Keinih a khrawng awp saw bi khäl dä kini bisaw.’”
Yĕsu la pochong ha unu lawga mawh khäla awpawi poh al
11Yĕsu Yĕlusalema echet lawma Samali la Galil mräh je äng echetei tun saw. 12Äi khaw a Ani nam hngata vawng. Unu lawga mawh pochong ha awhlawm hlaw a ja ula ini mäi saw khom. 13Anih hek ula ini hawu, “Yĕsu, Boi o! Keinih a khrawng jenei.”
14Yĕsu la anih pawta soei bala hawu, “Chet khäl, nini kantha pujawtih khäla adawneyal khäl” Anih chetpe chetpe unu lawga lawma ini pawiyal chak. 15Anih dukäng käh pochongak la awpawiyal saw hmuh ei ni, ani krawnal bala athak hehek bala Hnadaga a awphiyaw. 16Ani Yĕsu khochouwa khogru düläng mäi bala awpawiyal saw koong äkiyä tawngeyal. Ni khrawng che Samali pre a käh khrawng mäihüt saw.
17Yĕsu la hi, “Kei pochong ha khrawnga awpawi poal nga ei awlaw pochong koh mawnga äm?” 18Awhngaw yapsaw hngat Hnadaga a äkiyä tawngei a krawnal. Äini kei yapsaw che Hnadaga a äkiyä tawngeyala krawnal u. 19Äi pänäng Yĕsu la äi khrawnga takal, “Thouwal tila chetal nang käh yum la nanga awpawi ini poh al däk.”
Mawng Hnadaga pre loaih saw äng käh kheu
Mathi 24:23-28,37-41
20Hnüpak khaw a Pherasai hngat pai hnih la Yĕsu a ini hi, “Mawng Hnadaga pre itih khaw a loalaih saw äm?” Yĕsu la anih a krawn bala takal, “Mawng Hnadaga pre loalaih saw che awhngaw ei khäh, äi nini mik äng nini hmuaih saw yap hiyah. 21Mawng Hnadaga pre che niya dä hiyah thän äiya dä ting hngat la ha hawu hnäng hnawh u. Iyaäm Hnadaga la nangnih a anang khiyup däk.”
22Äi pänäng Ani la etebeih tih a tak, “Hnüpak ni huih ikhin loai, nangnih luhchaw chaw mawngei saw khin nini hmu aih khiyangai. Äini nangnih äi hmuh lah hnawh chu. 23Khrawng khälla nangnih a anang takai, ‘So khäl, niya dä luhchaw chaw awlaw äiya dä Luhchaw chaw.’ Äini äi khaw a chetai chu awlaw täm ha tämai chu. 24Khraih kha liliuh wei hi hawn chah känäng uyummak ihuih awa pütchak äm, Luhchaw Chaw loalaih saw khaw a äi huih ükütni la ini hmuh ai. 25Äini Luhchaw chaw la täkchah awbawng dukhah khawmaih mawsaw. Awlaw tukatäng käh khrawng khälla Ani a lawei hnawh u. 26Noha katäng ihuih thänei äm, Luhchaw Chaw käh khin khaw a ha äi huih dä thäneyeih saw.#Jinisis 6:5-8 27Noha long äng kawiyah saw awlaw tuilen äng hang hang krakah saw sawgraw, khrawng khäl eiok saw äng, phiya ini nawk saw la ini pekei saw äng ini mäi hüt.”#Jinisis 7:6-24
28Awlaw Lot khaw a äi huih kawchawng chawng thänei hüt. Äi khaw a khrawng khälla ei ok, jeh tuk, chäh khaih awlaw im pawi im pawi tunaih saw khäl äng dä ini lung pek ula ini mäihüt saw. 29Äini Lot la Sawdom nam hlät bala chetal khaw a, äi hnüpa hawn känäng mei la salphar#17:29 Ni salphar che pholong be. Ni salphar che atoi tu hu huih mawt nawm. Ni salphar la khrawng hil hnängah pak ha poh hnäng. Ni äng akantha ha oo nawk. äng käh kho kraw bala khrawng khäl kheni ini düchak.#Jinisis 18:20-19:25 30Äi huih kawchawng chawng Luhchaw Chaw loal khawngah khrawng khäl piyaw ula ini mäiyei.
31Äi hnüpa ubang tĕh khrung äng mäi äm äi khrawng im duk känäng vawn lawkeyala awdawnga komalah seh. Äi huih ubang akhanga mäi äm, ani krawn bala ima loalah seh. 32Lot phiya iba thänei hüt saw äm nini lung äng khawyeiyal chawm khäl.#Jinisis 19:26#17:32 Lot phia iba thänei hüt saw äm: Ani la Hnadaga kheu khinah koong u hnung pawta sot ni chi pela äthänei al. Hnadaga kheu khinah.
33Ula awsawk heneyeih koong ohno ei äm, ani la päiyah saw sawk uhiyumeyei. Awlaw ula awsawk hiyumei äm, ani la awsawk henei hnängai.#Mathi 10:39; 16:25; Mak 8:35; Luk 9:24; Yohan 12:25 34Kei nangnih a kanang tak, äi yawna khrawng pochong hnih phawk hngat äng utu ihni ipai. Äi häih känäng pochongaka lawk hmueyalai awlaw pochongaka che tawk hmueiyalai. 35-36Äi khaw a, hmutaw pochong hnih la utula mong ihni nangai. Pochongaka che lawk hmueiyalai awlaw pochongak che tawkal hmueiyei.
37Äidä etebeih tih la ini hi, “Boi o, ni khäl mawnga thäneyeih saw äm?” Yĕsu la takal, “Mawnga bang oyok mäi äm, äiya langdah ini chuh ei.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh