Ufaru 9
9
Akucunu a̱ A̱sula̱ a̱ tyo ya̱ Nuhu
1Reve A̱sula̱ a zuwaa Nuhu na̱ muwun ma̱ yi aba'un, reve u damma, <<I tsura̱ muwun, i yuwan a̱bunda̱ lon i shiton uvaɗi. 2Inama yu uvaɗi suru, na̱ nnunu n tsu'yan suru, na̱ cu'un vi ili yi ika̱ta̱pu biti, na̱ mugula n na n ri a̱ mini suru a̱ ta̱ a̱ da̱na̱ a uwwusa wovon wa̱ wu, reve a sumusa wu. A zuwa le ta̱ o ukere u ɗu. 3Ili i na biti i ri e ijinga̱ɗu i ri wuma i to o'wo ilyalya i ɗu; waru cine n ca nɗu a̱vu'un suru, ne ɗa n ca nɗu ili biti. 4She de yaa tama nama na̱ mpasa ma̱ yi shi, adama a na mpasa wuma u ɗa. 5Na̱ vuma ro una ɗu, n ta tsupaa ɗu nu ukwa̱. Waru nama na biti una nɗu n ta tsupaa ɗu. N ta tsupaa vuma biti adama a mpasa mu za va̱ yi.>> 6<<Za na ocoi mpasa n vuma suru,
o to oco mpasa ma̱ yi ne ekere a vuma ro;
adama a na A̱sula̱
a yuwan ta̱ vaɗilima̱ oroci a̱ yi. 7Agba a̱ɗu, i matsan muwun, i yuwan a̱bunda̱ lon, i bala a̱tsuma̱ o uvaɗi i yuwan a̱bunda̱ lon a̱tsuma̱ a̱ yi.>> 8Reve A̱sula̱ a damma Nuhu, oɓolo no olobo a̱ yi, 9<<N ta yuwusan akucunu na̱ a̱ɗu, nu ugundo u ɗu we elime, 10ni ili i wuma i na i ri oɓolo na̱ a̱ɗu suru, na̱ nnunu, ni inama yu u'wa, na̱ cu'un vu nama vu uvaɗi na ri na̱ a̱ɗu suru ili i wuma i na suru yu uta̱i a wantsun oɓolo na̱ a̱ɗu. 11N ta yuwusan akucunu na̱ a̱ɗu. A̱a̱ da̱shi lyuwa ili i wuma suru na̱ mini shi, ko ke'en. Waru a̱a̱ da̱shi yuwan mini cu'un na aa lyuwa uvaɗi shi.>> 12A̱vu A̱sula̱ a damma, <<A̱yi nda a̱yi ɗa iroci ya akucunu a̱ va̱ na̱ a̱ɗu ni ili i wuma suru, hali mantsa me elime suru. 13N zuwa ta̱ kambu#9:13 Kambu a̱yi ɗa Agana a̱ tsu ɗe bakan gizo. va̱ a̱ wunla̱, wo o'wo iroci ya akucunu a̱ va̱ nu uvaɗi. 14A mantsa ma na n zuwai eleshe a̱ ɓa̱ruyi uvaɗi, reve e ene kambu a̱tsuma̱ e eleshe'e, 15n ta cuwan na akucunu a̱ va̱ na̱ a̱ɗu na̱ cu'un vi ili i wuma suru. Mini ma̱a̱ da̱shi yuwan a̱bunda̱ hali na waa lyuwa ili i wuma suru shi. 16Na̱ kambu'u u ri e eleshe, n te ene yi reve n cuwan na akucunu a na a̱ ri n koto shi a na a̱ ri e memere ma̱ A̱sula̱ ni ili i wuma biti i na i ri o uvaɗi.>> 17A̱sula̱ a damma ta̱ Nuhu, <<A̱yi nda a̱yi ɗa iroci ya akucunu a na n zuwai na̱ a̱mu ni ili i wuma i na i ri o uvaɗi biti.>>
Nuhu no olobo a̱ yi
18Olobo a̱ Nuhu aza a na o uta̱i a wantsu'un ele ɗa Shem, na̱ Ham na̱ Jafe. (Ham ɗa matsain Ka'ana.) 19Ele ama a ta'atsu a nda ele ɗa muwun ma̱ Nuhu, waru e ekere e le ɗa uvaɗi suru u bazai na ama. 20Nuhu cimbi ɗa, a̱yi ɗa u fara cu'wa̱in uɗuma̱ u inabi. 21Reve urana u ro u sowo masayan ma̱ ina̱bi'i a̱vu wo o'wo usowu, ɗaɗa u voyin ataɓu o oogodo a̱ yi. 22Reve Ham dada va Ka'ana, we ene ataɓu a dada va̱ yi, reve u damma azakpakpara e re a̱ yi a alanga. 23Ɗaɗa Shem na̱ Jafe a tarai ayala, reve a zuwa avangaci e le. A̱vu a wala na̱ cicina̱, a̱vu a pala ataɓu a dada le, urewesu u le uvadalu, adama e ene ataɓu a dada le wan. 24Ana usowu u lyawai Nuhu a̱vu u reve ili i na mokosoto mo ulobo ma̱ yi ma yuwaan niyi, 25a̱vu u damma,
<<Una̱ u te reme Ka'ana!
U to o'wo aagbashi a agbashi a̱ muwun ma̱ a̱na̱wun ma̱ yi.>>
26Reve waru u damma,
<<Lyawa A̱sulazuva, A̱sula̱ a̱ Shem a̱ da̱na̱ na aba'un,
reve Ka'ana o o'wo aagbashi a̱ yi.
27Lyawa A̱sula̱ a zuwa Jafe da̱shi bala, reve u da̱nu o ogodo a̱ Shem,
a̱vu Ka'ana o o'wo aagbashi a̱ yi.>>
28Ana mini mo ukwain, Nuhu yuwisan ta̱ a'wan ukpakuta'atsu na̱ kupoton (350). 29Nuhu yuwan ta̱ a'wan ukpakukucci na̱ kupoton (950) suru suru, reve u kuwa̱.
Currently Selected:
Ufaru 9: TSW
Highlight
Share
Copy
Want to have your highlights saved across all your devices? Sign up or sign in
©️2025 Language Development and Translation Initiative (LDTI)
Ufaru 9
9
Akucunu a̱ A̱sula̱ a̱ tyo ya̱ Nuhu
1Reve A̱sula̱ a zuwaa Nuhu na̱ muwun ma̱ yi aba'un, reve u damma, <<I tsura̱ muwun, i yuwan a̱bunda̱ lon i shiton uvaɗi. 2Inama yu uvaɗi suru, na̱ nnunu n tsu'yan suru, na̱ cu'un vi ili yi ika̱ta̱pu biti, na̱ mugula n na n ri a̱ mini suru a̱ ta̱ a̱ da̱na̱ a uwwusa wovon wa̱ wu, reve a sumusa wu. A zuwa le ta̱ o ukere u ɗu. 3Ili i na biti i ri e ijinga̱ɗu i ri wuma i to o'wo ilyalya i ɗu; waru cine n ca nɗu a̱vu'un suru, ne ɗa n ca nɗu ili biti. 4She de yaa tama nama na̱ mpasa ma̱ yi shi, adama a na mpasa wuma u ɗa. 5Na̱ vuma ro una ɗu, n ta tsupaa ɗu nu ukwa̱. Waru nama na biti una nɗu n ta tsupaa ɗu. N ta tsupaa vuma biti adama a mpasa mu za va̱ yi.>> 6<<Za na ocoi mpasa n vuma suru,
o to oco mpasa ma̱ yi ne ekere a vuma ro;
adama a na A̱sula̱
a yuwan ta̱ vaɗilima̱ oroci a̱ yi. 7Agba a̱ɗu, i matsan muwun, i yuwan a̱bunda̱ lon, i bala a̱tsuma̱ o uvaɗi i yuwan a̱bunda̱ lon a̱tsuma̱ a̱ yi.>> 8Reve A̱sula̱ a damma Nuhu, oɓolo no olobo a̱ yi, 9<<N ta yuwusan akucunu na̱ a̱ɗu, nu ugundo u ɗu we elime, 10ni ili i wuma i na i ri oɓolo na̱ a̱ɗu suru, na̱ nnunu, ni inama yu u'wa, na̱ cu'un vu nama vu uvaɗi na ri na̱ a̱ɗu suru ili i wuma i na suru yu uta̱i a wantsun oɓolo na̱ a̱ɗu. 11N ta yuwusan akucunu na̱ a̱ɗu. A̱a̱ da̱shi lyuwa ili i wuma suru na̱ mini shi, ko ke'en. Waru a̱a̱ da̱shi yuwan mini cu'un na aa lyuwa uvaɗi shi.>> 12A̱vu A̱sula̱ a damma, <<A̱yi nda a̱yi ɗa iroci ya akucunu a̱ va̱ na̱ a̱ɗu ni ili i wuma suru, hali mantsa me elime suru. 13N zuwa ta̱ kambu#9:13 Kambu a̱yi ɗa Agana a̱ tsu ɗe bakan gizo. va̱ a̱ wunla̱, wo o'wo iroci ya akucunu a̱ va̱ nu uvaɗi. 14A mantsa ma na n zuwai eleshe a̱ ɓa̱ruyi uvaɗi, reve e ene kambu a̱tsuma̱ e eleshe'e, 15n ta cuwan na akucunu a̱ va̱ na̱ a̱ɗu na̱ cu'un vi ili i wuma suru. Mini ma̱a̱ da̱shi yuwan a̱bunda̱ hali na waa lyuwa ili i wuma suru shi. 16Na̱ kambu'u u ri e eleshe, n te ene yi reve n cuwan na akucunu a na a̱ ri n koto shi a na a̱ ri e memere ma̱ A̱sula̱ ni ili i wuma biti i na i ri o uvaɗi.>> 17A̱sula̱ a damma ta̱ Nuhu, <<A̱yi nda a̱yi ɗa iroci ya akucunu a na n zuwai na̱ a̱mu ni ili i wuma i na i ri o uvaɗi biti.>>
Nuhu no olobo a̱ yi
18Olobo a̱ Nuhu aza a na o uta̱i a wantsu'un ele ɗa Shem, na̱ Ham na̱ Jafe. (Ham ɗa matsain Ka'ana.) 19Ele ama a ta'atsu a nda ele ɗa muwun ma̱ Nuhu, waru e ekere e le ɗa uvaɗi suru u bazai na ama. 20Nuhu cimbi ɗa, a̱yi ɗa u fara cu'wa̱in uɗuma̱ u inabi. 21Reve urana u ro u sowo masayan ma̱ ina̱bi'i a̱vu wo o'wo usowu, ɗaɗa u voyin ataɓu o oogodo a̱ yi. 22Reve Ham dada va Ka'ana, we ene ataɓu a dada va̱ yi, reve u damma azakpakpara e re a̱ yi a alanga. 23Ɗaɗa Shem na̱ Jafe a tarai ayala, reve a zuwa avangaci e le. A̱vu a wala na̱ cicina̱, a̱vu a pala ataɓu a dada le, urewesu u le uvadalu, adama e ene ataɓu a dada le wan. 24Ana usowu u lyawai Nuhu a̱vu u reve ili i na mokosoto mo ulobo ma̱ yi ma yuwaan niyi, 25a̱vu u damma,
<<Una̱ u te reme Ka'ana!
U to o'wo aagbashi a agbashi a̱ muwun ma̱ a̱na̱wun ma̱ yi.>>
26Reve waru u damma,
<<Lyawa A̱sulazuva, A̱sula̱ a̱ Shem a̱ da̱na̱ na aba'un,
reve Ka'ana o o'wo aagbashi a̱ yi.
27Lyawa A̱sula̱ a zuwa Jafe da̱shi bala, reve u da̱nu o ogodo a̱ Shem,
a̱vu Ka'ana o o'wo aagbashi a̱ yi.>>
28Ana mini mo ukwain, Nuhu yuwisan ta̱ a'wan ukpakuta'atsu na̱ kupoton (350). 29Nuhu yuwan ta̱ a'wan ukpakukucci na̱ kupoton (950) suru suru, reve u kuwa̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Language Development and Translation Initiative (LDTI)