Ufaru 45
45
Isuhu damma ta̱ azakpakpara za na a̱yi u ri
1Isuhu gba gura kaɓa asuvu a̱ yi a̱ ma̱ka̱ka̱n ma agbashi a̱ yi shi. Ɗaɗa u salai u dammai, <<Uta̱i suru nɗu i buwa tsu ure.>> Adama o ndolo ko za da̱na̱ lo shi a mantsa ma na u dammai a̱za̱ a̱ yi zane u ri. 2Ɗaɗa u shoyin nu uɗyo lon, hali aza a Masar a uwwa. Reve alabari a rawa o u'wa wa Firi'awuna.
3A̱vu Isuhu damma a̱za̱ a̱ yi, <<A̱mu ɗa Isuhu. Dada va̱ buwa ta̱ wuma hali n gogo?>> Agba a̱za̱ a̱ yi a gura usu yi shi adama a na a uwwai wovon wa̱ yi lon.
4A̱vu Isuhu damma le, <<Ta̱wa̱i zuzu na̱ a̱mu wo'o.>> Reve a rawa zuzu na̱ a̱yi. A̱vu u damma, <<A̱mu ɗa Isuhu zawa'a ɗu, za na i winai a̱ tyo Masar. 5Gogo she u damaton ɗu ko yu uwwa upan wa aciya̱ɗu adama a na i wina numu pa wan, A̱sula̱ a ɗa a̱ lyungu numu elime a̱ ɗu tsa̱ra̱ n wawa wuma. 6A'wan e ire a ɗa nda a na e temei ambulu e iɗa i nda, a'wan o ton a na a̱a̱ ta̱wa̱ aa yuwan cimba ko ugasa shi. 7A̱sula̱ waru u lyungu mu ta̱ elime a̱ ɗu, tsa̱ra̱ n wawa ɗu o ure u mawawa u gbain, tsa̱ra̱ a̱ɗu na̱ muwun n ɗu i kuwa̱ wan.
8<<Adama o ndolo, A̱sula̱ a ɗa za na lyungu numu pa, a̱ɗu ɗa shi. Waru a̱yi ɗa u zuwa numu mo o'wo tsa dada e ekere a Firi'awuna na̱ zagbain o u'wa wa̱ yi na̱ za tsugbain tsi iɗa ya Masar suru.
9<<Jika̱i, i 'ya̱wa̱ uba̱ta̱ wa dada va̱, i damma yi, <Apa ili i na ulobo wa̱ wu Isuhu dammai: A̱sula̱ a zuwa mu ta̱ mo o'wo zagbain e iɗa ya Masar suru. Vu ta̱wa̱ ya̱'a̱ va̱ gogo, she vu jima wan. 10Vu ta̱ da̱nu e iɗa ya̱ Goshen e iɗa ya Masar. Vu ta̱ da̱nu zuzu na̱ a̱mu, a̱vu na̱ muwun ma̱ wu na̱ muwun n tsukaya ma̱ wu, na̱ mgbele ma̱ wu ni ikyon ya̱ wu, no oɓolo e inan ni ili i na vu ri ne ele suru. 11Lo ɗa maa lyuwato wu, adama a na a'wan o ton a na a̱a̱ ta̱wa̱ aza a ambulu a ɗa, tsa̱ra̱ voo o'wo za vu ulambu wan, a̱vu na̱ muwun ma̱ wu, na aza a na a̱ ri oɓolo na̱ a̱vu suru.> >>
12Reve Isuhu damma, <<Gogo gba ye ene ta̱ ne esu a̱ ɗu, ne ɗa fo vawun va̱ Banyami we ene ta̱, a na a̱mu ɗa na amayun n yuwain adanshi na̱ a̱ɗu. 13I damma dada va̱ cine a ca numu tsugbain lon a̱tsuma̱ a Masar. Waru i damma yi a ɗa e ili i na ye enei suru, reve i jika̱ i ta̱wa̱ na̱ a̱yi.>>
14Reve Isuhu katala yinlu i mawun ma̱ a̱na̱wun ma̱ yi Banyami nu u yuwin aɓara, reve gba fo Banyami katala yi, a̱vu a̱ shon oɓolo. 15Reve Isuhu toni a̱za̱ a̱ yi nu u katali na̱ wo ocosuyi aɓara adama e le, ɗaɗa a farai a yuwusan adanshi va̱ni le na asuvu nden.
Firi'awuna banuyi Yakubu a̱ tyo Masar
16Ana alabari'i a rawai o u'wa wa Firi'awuna a na azakpakpara a̱ Isuhu a̱ ta̱wa̱ ta, Firi'awuna uwwa ta̱ uyo'o na̱ a̱yi na azagbain a̱ yi suru. 17Reve Firi'awuna damma Isuhu, <<Vu damma a̱za̱ a̱ wu a tanuwa nloli n le itana reve a̱ jika̱ a̱ ka̱mba̱ e iɗa ya Ka'ana. 18Vu damma le a̱ ta̱wa̱ na̱ dada va̱ wu na̱ ama o u'wa u ɗu suru, a̱ ta̱wa̱ uba̱ta̱ u va̱. A̱mu n ta ca le upasu wi iɗa i na i la'ai ulobonu a̱tsuma̱ e iɗa ya Masar, waru i ta lyuwu utsuru wi iɗa'a.
19<<Waru vu damma le a tara ikeke yi inan ya Masar adama a̱ muwun na̱ a̱ma̱ci e le, reve a̱ ta̱wa̱ na̱ dada le pa. 20She a dama adama e itana i le wan, adama a na ili i na i la'ai ulobonu e iɗa ya Masar suru u to o'wo za ɗu.>>
21Ne ɗa gba muwun ma Yakubu n yuwain. Reve gba Isuhu ca le Ikeke yi inan cine Firi'awuna dammai. A̱vu u ca le ilyalya i na a lyuwa o ure. 22Za suru a̱tsuma̱ a̱ le u ca yi ta̱ a̱tugu a sa'avu aza a wukalu, amma a̱vu u ca Banyami shekel azurufa ukpakuta'atsu (300) na̱ a̱tugu a sa'avu a wukalu o ton. 23Reve u lyunguwa̱ dada va̱ yi na̱ nloli kupa ni itana i na i la'ai ulobonu ya Masar, waru na̱ a̱na̱wun o nloli kupa utanuwu ni ishina oɓolo na̱ cu'un vi ilyalya suru na waa lyuwa o ure. 24Ɗaɗa u lyawai a̱za̱ a̱ yi a̱ ka̱ra̱. A mantsa ma na a̱za̱ a̱ yi'i a̱ ri azama a̱ ka̱ra̱, reve u damma le, <<She i yuwan nla̱ngi o ure wan.>>
25Reve a lyawa Masar a̱vu a̱ ka̱ra̱ a̱tyo e iɗa ya Ka'ana uba̱ta̱ wa dada le Yakubu. 26Reve a damma yi, <<Hali na ana'an Isuhu ta̱ wuma! A̱yi ɗa za tsugbain tsi iɗa ya Masar suru.>> A̱vu Yakubu yuwan asalama lon hali u kuɗa̱ a̱ usu ili i na a dammai. 27Amma a na a damma niyi ili a na Isuhu dammai suru, waru a na we enei ikeke i na Isuhu lyunguyi adama a tara yi a̱ tyo Masar, reve ugbozu wa̱ yi u ka̱mba̱ o ure. 28Reve Yakubu damma, <<Amayun a ɗa! Mawun ma̱ va̱ Isuhu ma buwa ta̱ wuma. N ta̱ 'ya̱wa̱ me ene yi kafu n kuwa̱.>>
Currently Selected:
Ufaru 45: TSW
Highlight
Share
Copy
Want to have your highlights saved across all your devices? Sign up or sign in
©️2025 Language Development and Translation Initiative (LDTI)
Ufaru 45
45
Isuhu damma ta̱ azakpakpara za na a̱yi u ri
1Isuhu gba gura kaɓa asuvu a̱ yi a̱ ma̱ka̱ka̱n ma agbashi a̱ yi shi. Ɗaɗa u salai u dammai, <<Uta̱i suru nɗu i buwa tsu ure.>> Adama o ndolo ko za da̱na̱ lo shi a mantsa ma na u dammai a̱za̱ a̱ yi zane u ri. 2Ɗaɗa u shoyin nu uɗyo lon, hali aza a Masar a uwwa. Reve alabari a rawa o u'wa wa Firi'awuna.
3A̱vu Isuhu damma a̱za̱ a̱ yi, <<A̱mu ɗa Isuhu. Dada va̱ buwa ta̱ wuma hali n gogo?>> Agba a̱za̱ a̱ yi a gura usu yi shi adama a na a uwwai wovon wa̱ yi lon.
4A̱vu Isuhu damma le, <<Ta̱wa̱i zuzu na̱ a̱mu wo'o.>> Reve a rawa zuzu na̱ a̱yi. A̱vu u damma, <<A̱mu ɗa Isuhu zawa'a ɗu, za na i winai a̱ tyo Masar. 5Gogo she u damaton ɗu ko yu uwwa upan wa aciya̱ɗu adama a na i wina numu pa wan, A̱sula̱ a ɗa a̱ lyungu numu elime a̱ ɗu tsa̱ra̱ n wawa wuma. 6A'wan e ire a ɗa nda a na e temei ambulu e iɗa i nda, a'wan o ton a na a̱a̱ ta̱wa̱ aa yuwan cimba ko ugasa shi. 7A̱sula̱ waru u lyungu mu ta̱ elime a̱ ɗu, tsa̱ra̱ n wawa ɗu o ure u mawawa u gbain, tsa̱ra̱ a̱ɗu na̱ muwun n ɗu i kuwa̱ wan.
8<<Adama o ndolo, A̱sula̱ a ɗa za na lyungu numu pa, a̱ɗu ɗa shi. Waru a̱yi ɗa u zuwa numu mo o'wo tsa dada e ekere a Firi'awuna na̱ zagbain o u'wa wa̱ yi na̱ za tsugbain tsi iɗa ya Masar suru.
9<<Jika̱i, i 'ya̱wa̱ uba̱ta̱ wa dada va̱, i damma yi, <Apa ili i na ulobo wa̱ wu Isuhu dammai: A̱sula̱ a zuwa mu ta̱ mo o'wo zagbain e iɗa ya Masar suru. Vu ta̱wa̱ ya̱'a̱ va̱ gogo, she vu jima wan. 10Vu ta̱ da̱nu e iɗa ya̱ Goshen e iɗa ya Masar. Vu ta̱ da̱nu zuzu na̱ a̱mu, a̱vu na̱ muwun ma̱ wu na̱ muwun n tsukaya ma̱ wu, na̱ mgbele ma̱ wu ni ikyon ya̱ wu, no oɓolo e inan ni ili i na vu ri ne ele suru. 11Lo ɗa maa lyuwato wu, adama a na a'wan o ton a na a̱a̱ ta̱wa̱ aza a ambulu a ɗa, tsa̱ra̱ voo o'wo za vu ulambu wan, a̱vu na̱ muwun ma̱ wu, na aza a na a̱ ri oɓolo na̱ a̱vu suru.> >>
12Reve Isuhu damma, <<Gogo gba ye ene ta̱ ne esu a̱ ɗu, ne ɗa fo vawun va̱ Banyami we ene ta̱, a na a̱mu ɗa na amayun n yuwain adanshi na̱ a̱ɗu. 13I damma dada va̱ cine a ca numu tsugbain lon a̱tsuma̱ a Masar. Waru i damma yi a ɗa e ili i na ye enei suru, reve i jika̱ i ta̱wa̱ na̱ a̱yi.>>
14Reve Isuhu katala yinlu i mawun ma̱ a̱na̱wun ma̱ yi Banyami nu u yuwin aɓara, reve gba fo Banyami katala yi, a̱vu a̱ shon oɓolo. 15Reve Isuhu toni a̱za̱ a̱ yi nu u katali na̱ wo ocosuyi aɓara adama e le, ɗaɗa a farai a yuwusan adanshi va̱ni le na asuvu nden.
Firi'awuna banuyi Yakubu a̱ tyo Masar
16Ana alabari'i a rawai o u'wa wa Firi'awuna a na azakpakpara a̱ Isuhu a̱ ta̱wa̱ ta, Firi'awuna uwwa ta̱ uyo'o na̱ a̱yi na azagbain a̱ yi suru. 17Reve Firi'awuna damma Isuhu, <<Vu damma a̱za̱ a̱ wu a tanuwa nloli n le itana reve a̱ jika̱ a̱ ka̱mba̱ e iɗa ya Ka'ana. 18Vu damma le a̱ ta̱wa̱ na̱ dada va̱ wu na̱ ama o u'wa u ɗu suru, a̱ ta̱wa̱ uba̱ta̱ u va̱. A̱mu n ta ca le upasu wi iɗa i na i la'ai ulobonu a̱tsuma̱ e iɗa ya Masar, waru i ta lyuwu utsuru wi iɗa'a.
19<<Waru vu damma le a tara ikeke yi inan ya Masar adama a̱ muwun na̱ a̱ma̱ci e le, reve a̱ ta̱wa̱ na̱ dada le pa. 20She a dama adama e itana i le wan, adama a na ili i na i la'ai ulobonu e iɗa ya Masar suru u to o'wo za ɗu.>>
21Ne ɗa gba muwun ma Yakubu n yuwain. Reve gba Isuhu ca le Ikeke yi inan cine Firi'awuna dammai. A̱vu u ca le ilyalya i na a lyuwa o ure. 22Za suru a̱tsuma̱ a̱ le u ca yi ta̱ a̱tugu a sa'avu aza a wukalu, amma a̱vu u ca Banyami shekel azurufa ukpakuta'atsu (300) na̱ a̱tugu a sa'avu a wukalu o ton. 23Reve u lyunguwa̱ dada va̱ yi na̱ nloli kupa ni itana i na i la'ai ulobonu ya Masar, waru na̱ a̱na̱wun o nloli kupa utanuwu ni ishina oɓolo na̱ cu'un vi ilyalya suru na waa lyuwa o ure. 24Ɗaɗa u lyawai a̱za̱ a̱ yi a̱ ka̱ra̱. A mantsa ma na a̱za̱ a̱ yi'i a̱ ri azama a̱ ka̱ra̱, reve u damma le, <<She i yuwan nla̱ngi o ure wan.>>
25Reve a lyawa Masar a̱vu a̱ ka̱ra̱ a̱tyo e iɗa ya Ka'ana uba̱ta̱ wa dada le Yakubu. 26Reve a damma yi, <<Hali na ana'an Isuhu ta̱ wuma! A̱yi ɗa za tsugbain tsi iɗa ya Masar suru.>> A̱vu Yakubu yuwan asalama lon hali u kuɗa̱ a̱ usu ili i na a dammai. 27Amma a na a damma niyi ili a na Isuhu dammai suru, waru a na we enei ikeke i na Isuhu lyunguyi adama a tara yi a̱ tyo Masar, reve ugbozu wa̱ yi u ka̱mba̱ o ure. 28Reve Yakubu damma, <<Amayun a ɗa! Mawun ma̱ va̱ Isuhu ma buwa ta̱ wuma. N ta̱ 'ya̱wa̱ me ene yi kafu n kuwa̱.>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Language Development and Translation Initiative (LDTI)