Ufaru 18
18
A̱sulazuva a yuwaan ta̱ Ibrahim na̱ Saratu Nzuwulai m Mawun
1A̱sulazuva o roco ta̱ aciya̱yi a̱ tyo uba̱ta̱ wa Ibrahim zuzu na̱ ɗanga Oku va Mamure, a̱yi lo nden zuzu nu una̱ntsu wo oogodo a̱ yi urana a marawaa a aci. 2U ka̱lyuwa̱ ta̱ zuva reve we ene ali a ta'atsu mishin zuzu na̱ a̱yi. Ana we ene nle, u suma ta̱ diga ɗe o una̱ntsu wo oogodo a̱ yi adama u ga'an ne ele, reve u kingyo a̱ tyo e iɗa. 3Reve u damma, <<Zagbain va̱, na̱ ma̱a̱ tsura̱ isa'ani e ekere a̱ wu, she vu pasa u'wa wa aagbashi a̱ wu wan. 4Lyawa a̱ ta̱wa̱a̱ wu na̱ ma̱mini adama i sa'a ana a̱ ɗu, reve yi ivuwan e ikyun yu uɗanga i nda. 5Lyawa n ta̱wa̱a̱ ɗu no opopofu wa'a, adama i tama i tsura̱ ucira, ni i yuwan ne, reve wo o'wo i ka̱ra̱ adama a na i ta̱wa̱i uba̱ta̱ wa aagbashi a̱ ɗu.>>
Reve a damma yi, <<Yuwan cine vu dammai vaa yuwan suru.>> 6Reve Ibrahim jika̱ a̱vu u uwa a̱tsuma̱ o oogodo u 'ya̱wa̱ uba̱ta̱ u na Saratu ri, reve u damma yi, <<Jika̱ vu foɓo nkundatsu n ta'atsu n yira i lashi adama vu lapa le vu yuwan opopofu.>>
7A̱vu Ibrahim suma a̱ tyo uba̱ta̱ o oɓolo e inan, reve u tara moggono ma̱ ma̱dindim me inama ma sa'ani a̱vu u ca aagbashi a̱ yi za na lapula niyi gogo go ulobonu. 8Reve u tara maani na̱ maani ma̱ a̱ga̱ɓa̱, na̱ ma̱dindim ma na a su'wain reve u zuwa a̱ ma̱ka̱ka̱n me le. Reve u zami uba̱ta̱ wi isawan e ikyun yu uɗanga ele o utamu. 9Reve a damma yi, <<Te ɗa ka va̱ wu Saratu?>> Reve u damma, <<U ta̱ ɗe o oogodo.>>
10Reve vuma ta̱ le damma yi <<Amayun n ta̱ lo a̱ ta̱wisa̱ uba̱ta̱ wa̱ wu nkoli a mantsa ma nda waru ka va̱ wu Saratu ta̱ tsura̱ mawun mo ulobo.>> Agba Saratu da̱na̱ ta̱ lo o ucina̱ wa̱ yi a uwwusa ili i na u da̱na̱i a dansa, a̱yi lo zuzu nu una̱ntsu wo oogodoꞌo.
11Gogo gba Ibrahim na̱ Saratu ka va̱ yi a kutsa ta̱ ɗe a̱bunda̱ lon, Saratu buwa e eneshe a̱shinda̱ shi.
12A̱vu Saratu zo'oso a̱tsuma̱ o okolo a̱ yi, adansa, <<Ana a̱mu n kutsai ɗe suru suru waru vali va̱ kutsa ta̱ ɗe cine ma̱a̱ tsura̱ uyo'o u limatan?>>
13Reve A̱sulazuva a damma Ibrahim, <<Adama a̱ nye Saratu zo'osoi, reve u damma, <Na amayun a ɗa gba maa yuwan a̱a̱tsuma̱ a̱mu ɗa nda n kutsai ɗe?> 14Ili i ta̱ lo i na i la'ai ucira wa̱ A̱sulazuva? A mantsa ma nda gan nkoli n ta burisa wu waru Saratu ka va̱ wu u ta̱ da̱na̱ nu ulobo.>> 15Reve Saratu wasan u damma, <<N zo'oso shi,>> adama a na wu uwwusa ta̱ wovon. Reve u usu yi, <<Amayun vu zo'oso ta̱.>>
Ibrahim pati ta̱ adama o Sodom
16Reve ama'a a lyawa uba̱ta̱'a, reve a kumba agaɗi a na ee ene Sodom. Reve Ibrahim shewun le adama we ene uka̱ru u le.
17Reve A̱sulazuva a damma o okolo a̱ yi, <<N to sokoo Ibrahim ili i na n cigai n yuwan? 18Na amayun Ibrahim to o'wo a̱ba̱jini e iɗa waru u ta̱ da̱na̱ nu ucira lon, waru uvaɗi ma̱ɓula̱ u ta̱ tsura̱ aba'un adama a̱ yi. 19Adama a na n ɗangwa yi ta̱ adama u rono ugundo wa̱ yi aɗanga nu u'wa wa̱ yi a̱za̱ a̱ a̱ca̱pa̱ a̱ yi ma̱ɓula̱ o toni ure u va̱, a yuwusan ili i sa'ani ni ili i mejege, adama A̱sulazuva o shiton nzuwulai mi ili i na u yuwayin Ibrahim.>> 20Reve A̱sulazuva a damma, <<Ana wo o'woi mesun ma yuwan ta̱ a̱bunda̱ a̱ tyo e ekere o Sodom na̱ Gomora waru unusu u le u ka̱ra̱ ta̱ wira̱, 21n ta̱ cipa̱ me ene ko a ta yuwusan cine mesun ma̱ ta̱wusa̱ ya̱'a̱ va̱. Na̱ ne ɗa shi, n te ene.>>
22Diga lo reve ama'a a vadala a̱ ka̱mba̱ a̱ tyo Sodom, reve gba Ibrahim isawan a̱ ma̱ka̱ka̱n ma̱ A̱sulazuva. 23Reve Ibrahim ta̱wa̱ zuzu na̱ a̱yi reve we ece yi, <<Na amayun a ɗa voo kototo a̱za̱ a̱ a̱ɓula̱ oɓolo na aza a avama? 24Lyawa a damma a̱ ta̱ tsura̱ ama kupoton a̱za̱ a̱ a̱ɓula̱ a̱tsuma̱ a̱ lyuci gbai'in, vu ta̱ kototo uba̱ta̱'a̱ suru suru? Vaa yuwaan le ankuri adama a ama a̱ a̱ɓula̱ kupoton o ndolo aza a na a̱ ri pe na̱ nden shi? 25Amayun, voo una a̱za̱ a̱ a̱ɓula̱ na̱ a̱za̱ o unusu shi. Ili i ndolo i ri n yuwan ne shi! Vaa yuwan tsundolo shi. Na̱ vu yuwan ne, vu to foro a̱za̱ a̱ a̱ɓula̱ na̱ a̱za̱ o unusu. Ili i ndolo i ri n yuwan shi. Za na a yuwaan uvaɗi ma̱ɓula̱ uge'etosu u ta yuwusan ili i mejege.>> 26Reve A̱sulazuva a damma, <<Nna̱ n tsura̱ ama kupoton a̱za̱ a̱ a̱ɓula̱ a̱tsuma̱ a̱ lyuci gbai'in, n ta yuwaan uba̱ta̱ suru ankuri adama e le.>> 27Reve Ibrahim yuwisan adanshi, <<Yuwan ankuri yuwaan mu gafura va adanshi a na maa yuwusan babu wovon a yuwusan na̱ a̱vu Zagbain. A̱mu ma̱buta̱ ma ɗa no okomo goon. 28Na a lamba ama o ton a̱tsuma̱ a kupoton o ndolo a̱za̱ a̱ a̱ɓula̱, vu to kototo lyuci'i adama a na a lambai ama o ton o ndolo?>> Reve u damma, <<Adama a ama amunga no ozo o ton a̱ a̱ɓula̱ o ndolo mo kototo yi shi.>> 29Reve u da̱shi yuwisan adanshi na̱ a̱yi, u damma, <<Na̱ a̱ tsura̱ ama amunga gba?>> Reve u damma yi, <<Adama a ama amunga o ndolo moo kototo yi shi.>>
30Reve u damma <<She Zagbain yuwan upan na̱ a̱mu wan na̱ n yuwisan adanshi. Na̱ a̱ tsura̱ ama a̱ a̱ɓula̱ mata'atsu, gba?>> Reve u damma, <<Na̱ a̱ tsura̱ ama mata'atsu, moo kototo yi shi adama a ama mata'atsu o ndolo.>> 31Reve Ibrahim yuwisan adanshi, <<Yuwan ankuri yuwaan mu gafura va adanshi a na maa yuwusan babu wovon a yuwusan na̱ a̱vu Zagbain. A damma a̱ tsura̱ ta̱ ama ushin gba?>> Reve u usu, <<Adama a ama ushin o ndolo, moo kototo yi shi.>> 32Reve u damma, <<She Zagbain yuwan upan na̱ a̱mu wan na̱ n da̱shi yuwan adanshi na̱ a̱vu u ta̱ goon. A damma a̱ tsura̱ ta̱ ama kupa gba?>> Reve Zagbain usu, <<Adama a ama kupa o ndolo moo kototo yi shi.>> 33Ana A̱sulazuva o kotoi adanshi na̱ Ibrahim reve u yuwan uka̱ru wa̱ yi, reve gba Ibrahim ka̱ra̱ a̱ ka̱mba̱ o u'wa wa̱ yi.
Currently Selected:
Ufaru 18: TSW
Highlight
Share
Compare
Copy
Want to have your highlights saved across all your devices? Sign up or sign in
©️2025 Language Development and Translation Initiative (LDTI)
Ufaru 18
18
A̱sulazuva a yuwaan ta̱ Ibrahim na̱ Saratu Nzuwulai m Mawun
1A̱sulazuva o roco ta̱ aciya̱yi a̱ tyo uba̱ta̱ wa Ibrahim zuzu na̱ ɗanga Oku va Mamure, a̱yi lo nden zuzu nu una̱ntsu wo oogodo a̱ yi urana a marawaa a aci. 2U ka̱lyuwa̱ ta̱ zuva reve we ene ali a ta'atsu mishin zuzu na̱ a̱yi. Ana we ene nle, u suma ta̱ diga ɗe o una̱ntsu wo oogodo a̱ yi adama u ga'an ne ele, reve u kingyo a̱ tyo e iɗa. 3Reve u damma, <<Zagbain va̱, na̱ ma̱a̱ tsura̱ isa'ani e ekere a̱ wu, she vu pasa u'wa wa aagbashi a̱ wu wan. 4Lyawa a̱ ta̱wa̱a̱ wu na̱ ma̱mini adama i sa'a ana a̱ ɗu, reve yi ivuwan e ikyun yu uɗanga i nda. 5Lyawa n ta̱wa̱a̱ ɗu no opopofu wa'a, adama i tama i tsura̱ ucira, ni i yuwan ne, reve wo o'wo i ka̱ra̱ adama a na i ta̱wa̱i uba̱ta̱ wa aagbashi a̱ ɗu.>>
Reve a damma yi, <<Yuwan cine vu dammai vaa yuwan suru.>> 6Reve Ibrahim jika̱ a̱vu u uwa a̱tsuma̱ o oogodo u 'ya̱wa̱ uba̱ta̱ u na Saratu ri, reve u damma yi, <<Jika̱ vu foɓo nkundatsu n ta'atsu n yira i lashi adama vu lapa le vu yuwan opopofu.>>
7A̱vu Ibrahim suma a̱ tyo uba̱ta̱ o oɓolo e inan, reve u tara moggono ma̱ ma̱dindim me inama ma sa'ani a̱vu u ca aagbashi a̱ yi za na lapula niyi gogo go ulobonu. 8Reve u tara maani na̱ maani ma̱ a̱ga̱ɓa̱, na̱ ma̱dindim ma na a su'wain reve u zuwa a̱ ma̱ka̱ka̱n me le. Reve u zami uba̱ta̱ wi isawan e ikyun yu uɗanga ele o utamu. 9Reve a damma yi, <<Te ɗa ka va̱ wu Saratu?>> Reve u damma, <<U ta̱ ɗe o oogodo.>>
10Reve vuma ta̱ le damma yi <<Amayun n ta̱ lo a̱ ta̱wisa̱ uba̱ta̱ wa̱ wu nkoli a mantsa ma nda waru ka va̱ wu Saratu ta̱ tsura̱ mawun mo ulobo.>> Agba Saratu da̱na̱ ta̱ lo o ucina̱ wa̱ yi a uwwusa ili i na u da̱na̱i a dansa, a̱yi lo zuzu nu una̱ntsu wo oogodoꞌo.
11Gogo gba Ibrahim na̱ Saratu ka va̱ yi a kutsa ta̱ ɗe a̱bunda̱ lon, Saratu buwa e eneshe a̱shinda̱ shi.
12A̱vu Saratu zo'oso a̱tsuma̱ o okolo a̱ yi, adansa, <<Ana a̱mu n kutsai ɗe suru suru waru vali va̱ kutsa ta̱ ɗe cine ma̱a̱ tsura̱ uyo'o u limatan?>>
13Reve A̱sulazuva a damma Ibrahim, <<Adama a̱ nye Saratu zo'osoi, reve u damma, <Na amayun a ɗa gba maa yuwan a̱a̱tsuma̱ a̱mu ɗa nda n kutsai ɗe?> 14Ili i ta̱ lo i na i la'ai ucira wa̱ A̱sulazuva? A mantsa ma nda gan nkoli n ta burisa wu waru Saratu ka va̱ wu u ta̱ da̱na̱ nu ulobo.>> 15Reve Saratu wasan u damma, <<N zo'oso shi,>> adama a na wu uwwusa ta̱ wovon. Reve u usu yi, <<Amayun vu zo'oso ta̱.>>
Ibrahim pati ta̱ adama o Sodom
16Reve ama'a a lyawa uba̱ta̱'a, reve a kumba agaɗi a na ee ene Sodom. Reve Ibrahim shewun le adama we ene uka̱ru u le.
17Reve A̱sulazuva a damma o okolo a̱ yi, <<N to sokoo Ibrahim ili i na n cigai n yuwan? 18Na amayun Ibrahim to o'wo a̱ba̱jini e iɗa waru u ta̱ da̱na̱ nu ucira lon, waru uvaɗi ma̱ɓula̱ u ta̱ tsura̱ aba'un adama a̱ yi. 19Adama a na n ɗangwa yi ta̱ adama u rono ugundo wa̱ yi aɗanga nu u'wa wa̱ yi a̱za̱ a̱ a̱ca̱pa̱ a̱ yi ma̱ɓula̱ o toni ure u va̱, a yuwusan ili i sa'ani ni ili i mejege, adama A̱sulazuva o shiton nzuwulai mi ili i na u yuwayin Ibrahim.>> 20Reve A̱sulazuva a damma, <<Ana wo o'woi mesun ma yuwan ta̱ a̱bunda̱ a̱ tyo e ekere o Sodom na̱ Gomora waru unusu u le u ka̱ra̱ ta̱ wira̱, 21n ta̱ cipa̱ me ene ko a ta yuwusan cine mesun ma̱ ta̱wusa̱ ya̱'a̱ va̱. Na̱ ne ɗa shi, n te ene.>>
22Diga lo reve ama'a a vadala a̱ ka̱mba̱ a̱ tyo Sodom, reve gba Ibrahim isawan a̱ ma̱ka̱ka̱n ma̱ A̱sulazuva. 23Reve Ibrahim ta̱wa̱ zuzu na̱ a̱yi reve we ece yi, <<Na amayun a ɗa voo kototo a̱za̱ a̱ a̱ɓula̱ oɓolo na aza a avama? 24Lyawa a damma a̱ ta̱ tsura̱ ama kupoton a̱za̱ a̱ a̱ɓula̱ a̱tsuma̱ a̱ lyuci gbai'in, vu ta̱ kototo uba̱ta̱'a̱ suru suru? Vaa yuwaan le ankuri adama a ama a̱ a̱ɓula̱ kupoton o ndolo aza a na a̱ ri pe na̱ nden shi? 25Amayun, voo una a̱za̱ a̱ a̱ɓula̱ na̱ a̱za̱ o unusu shi. Ili i ndolo i ri n yuwan ne shi! Vaa yuwan tsundolo shi. Na̱ vu yuwan ne, vu to foro a̱za̱ a̱ a̱ɓula̱ na̱ a̱za̱ o unusu. Ili i ndolo i ri n yuwan shi. Za na a yuwaan uvaɗi ma̱ɓula̱ uge'etosu u ta yuwusan ili i mejege.>> 26Reve A̱sulazuva a damma, <<Nna̱ n tsura̱ ama kupoton a̱za̱ a̱ a̱ɓula̱ a̱tsuma̱ a̱ lyuci gbai'in, n ta yuwaan uba̱ta̱ suru ankuri adama e le.>> 27Reve Ibrahim yuwisan adanshi, <<Yuwan ankuri yuwaan mu gafura va adanshi a na maa yuwusan babu wovon a yuwusan na̱ a̱vu Zagbain. A̱mu ma̱buta̱ ma ɗa no okomo goon. 28Na a lamba ama o ton a̱tsuma̱ a kupoton o ndolo a̱za̱ a̱ a̱ɓula̱, vu to kototo lyuci'i adama a na a lambai ama o ton o ndolo?>> Reve u damma, <<Adama a ama amunga no ozo o ton a̱ a̱ɓula̱ o ndolo mo kototo yi shi.>> 29Reve u da̱shi yuwisan adanshi na̱ a̱yi, u damma, <<Na̱ a̱ tsura̱ ama amunga gba?>> Reve u damma yi, <<Adama a ama amunga o ndolo moo kototo yi shi.>>
30Reve u damma <<She Zagbain yuwan upan na̱ a̱mu wan na̱ n yuwisan adanshi. Na̱ a̱ tsura̱ ama a̱ a̱ɓula̱ mata'atsu, gba?>> Reve u damma, <<Na̱ a̱ tsura̱ ama mata'atsu, moo kototo yi shi adama a ama mata'atsu o ndolo.>> 31Reve Ibrahim yuwisan adanshi, <<Yuwan ankuri yuwaan mu gafura va adanshi a na maa yuwusan babu wovon a yuwusan na̱ a̱vu Zagbain. A damma a̱ tsura̱ ta̱ ama ushin gba?>> Reve u usu, <<Adama a ama ushin o ndolo, moo kototo yi shi.>> 32Reve u damma, <<She Zagbain yuwan upan na̱ a̱mu wan na̱ n da̱shi yuwan adanshi na̱ a̱vu u ta̱ goon. A damma a̱ tsura̱ ta̱ ama kupa gba?>> Reve Zagbain usu, <<Adama a ama kupa o ndolo moo kototo yi shi.>> 33Ana A̱sulazuva o kotoi adanshi na̱ Ibrahim reve u yuwan uka̱ru wa̱ yi, reve gba Ibrahim ka̱ra̱ a̱ ka̱mba̱ o u'wa wa̱ yi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
©️2025 Language Development and Translation Initiative (LDTI)