Ufaru 16
16
Hajara na̱ Isma'ila
1Agba Saraya ka va Aburam koto u shi u matsaan yi mawun shi, agba u ta̱ na aagbashi o usheli wa Masar, aala a̱ yi a ɗa Hajara. 2A̱vu Saraya damma vali va̱ yi Aburam, <<A̱sulazuva a ɗa nda a putsa numu na̱ limatan. Nye yaa putsa wu, vu von na aagbashi o usheli a̱ va̱? Ko u ta̱ tsura̱a̱ mu muwun.>> A̱vu Aburam usu adanshi a na ka va̱ yi Saraya dammai. 3A mantsa mo ndolo, Aburam da̱na̱ ta̱ na a'wan kupa ana u da̱nuyi e iɗa ya Ka'ana. Yashi i ɗaɗa Saraya ka va Aburam tarai Hajara usheli wa Masar, aagbashi a̱ yi, reve u ca Aburam vali va̱ yi, wo o'wo ka va̱ yi. 4Reve u von na̱ Hajara, a̱vu u yuwan a̱a̱tsuma̱. Reve ana we enei u ta̱ na̱ a̱a̱tsuma̱, a̱vu u tara mma va asula va̱ yi ili waru shi. 5Ɗaɗa Saraya tsu damma Aburam, <<Lyawa iwuya i na vu yuwaan numu u kuru wu! N ca wu ta̱ aagbashi o usheli a̱ va̱ adama vu gbagbala, agba ana we enei u ta̱ na̱ a̱a̱tsuma̱, u tara mu ili i ro waru shi. She na̱ A̱sulazuva e ge'eto wu na̱ a̱mu!>> 6Amma a̱vu Aburam damma Saraya, <<Aagbashi o usheli a̱ wu u te e ekere a̱ wu, yuwan na̱ a̱yi cine vu cigai.>> Reve Saraya suɗato yi lon, a̱vu u suma u lyawa yi. 7Reve malingata ma̱ A̱sulazuva ma̱ tsura̱ yi a̱ nge'en n lyusu mini a̱tsumona, lyusu mini na ri o ure a̱ tyo Shur. 8Reve u damma, <<Hajara aagbashi o usheli a Saraya, te vu uta̱i waru te vee tyo?>> A̱vu u damma, <<Ilaɗi i ɗa maa yan e ekere a mma va asula va̱ Saraya.>> 9Reve malingata ma̱ A̱sulazuva ma damma yi, <<Ka̱mba̱ ya mma va asula va̱ wu, vu kuru yi.>> 10Reve waru malingata ma̱ A̱sulazuva'a ma damma yi, <<N ta̱ zuwa ugundo wa̱ wu u bala lon hali a gura kece le shi adama a̱ a̱bunda̱.>> 11A̱vu malingata ma̱ A̱sulazuva'a ma damma yi, <<Gogo nda vu ta̱ na̱ a̱a̱tsuma̱ waru vu ta mantsa ulobo; vu ca yi aala Isma'ila, adama a na A̱sulazuva a uwwa ta̱ mesun ma̱ a̱tsuma̱lima̱ a̱ wu. 12U to o'wo vuma na ahali o mololi mo una, ukere wa̱ yi a agaba na̱ koyan ɗa, waru ukere wa̱ koyan a agaba na̱ a̱yi; waru wa̱a̱ da̱nu lafiya na̱ a̱za̱ a̱ yi shi.>> 13Ɗaɗa u ɗeyi A̱sulazuva a na a yuwain adanshi na̱ a̱yi, <<A̱vu ɗa A̱sula̱ a na e ene numu>>, adama a na u damma ta̱, <<Na amayun me ene ta̱ A̱sula̱ reve m buwa wuma cina me ene yi?>> 14Adama o ndolo a ɗa e ɗeyi ooko'o'o Biya Lahai Roi (urevu wa̱ yi u ɗa ooko'o a za wuma na e ene numu). U ta̱ lo e memere ma Kedesh na̱ Bere.
15Hajara matsaan ta̱ Aburam ulobo, a̱vu Aburam ca ulobo u na Hajara matsain aala Isma'ila #16:15 E elentsu a aza a Yahuda, aala <<Isma'ila>> urevu wa̱ yi u ɗa <<A̱sula̱ a uwwa ta̱.>> 16Aburam da̱na̱ ta̱ na a'wan kupakunla̱ na̱ a̱za̱ a̱ ta̱li a yashi i na Hajara matsaan niyi Isma'ila.
Currently Selected:
Ufaru 16: TSW
Highlight
Share
Compare
Copy
Want to have your highlights saved across all your devices? Sign up or sign in
©️2025 Language Development and Translation Initiative (LDTI)
Ufaru 16
16
Hajara na̱ Isma'ila
1Agba Saraya ka va Aburam koto u shi u matsaan yi mawun shi, agba u ta̱ na aagbashi o usheli wa Masar, aala a̱ yi a ɗa Hajara. 2A̱vu Saraya damma vali va̱ yi Aburam, <<A̱sulazuva a ɗa nda a putsa numu na̱ limatan. Nye yaa putsa wu, vu von na aagbashi o usheli a̱ va̱? Ko u ta̱ tsura̱a̱ mu muwun.>> A̱vu Aburam usu adanshi a na ka va̱ yi Saraya dammai. 3A mantsa mo ndolo, Aburam da̱na̱ ta̱ na a'wan kupa ana u da̱nuyi e iɗa ya Ka'ana. Yashi i ɗaɗa Saraya ka va Aburam tarai Hajara usheli wa Masar, aagbashi a̱ yi, reve u ca Aburam vali va̱ yi, wo o'wo ka va̱ yi. 4Reve u von na̱ Hajara, a̱vu u yuwan a̱a̱tsuma̱. Reve ana we enei u ta̱ na̱ a̱a̱tsuma̱, a̱vu u tara mma va asula va̱ yi ili waru shi. 5Ɗaɗa Saraya tsu damma Aburam, <<Lyawa iwuya i na vu yuwaan numu u kuru wu! N ca wu ta̱ aagbashi o usheli a̱ va̱ adama vu gbagbala, agba ana we enei u ta̱ na̱ a̱a̱tsuma̱, u tara mu ili i ro waru shi. She na̱ A̱sulazuva e ge'eto wu na̱ a̱mu!>> 6Amma a̱vu Aburam damma Saraya, <<Aagbashi o usheli a̱ wu u te e ekere a̱ wu, yuwan na̱ a̱yi cine vu cigai.>> Reve Saraya suɗato yi lon, a̱vu u suma u lyawa yi. 7Reve malingata ma̱ A̱sulazuva ma̱ tsura̱ yi a̱ nge'en n lyusu mini a̱tsumona, lyusu mini na ri o ure a̱ tyo Shur. 8Reve u damma, <<Hajara aagbashi o usheli a Saraya, te vu uta̱i waru te vee tyo?>> A̱vu u damma, <<Ilaɗi i ɗa maa yan e ekere a mma va asula va̱ Saraya.>> 9Reve malingata ma̱ A̱sulazuva ma damma yi, <<Ka̱mba̱ ya mma va asula va̱ wu, vu kuru yi.>> 10Reve waru malingata ma̱ A̱sulazuva'a ma damma yi, <<N ta̱ zuwa ugundo wa̱ wu u bala lon hali a gura kece le shi adama a̱ a̱bunda̱.>> 11A̱vu malingata ma̱ A̱sulazuva'a ma damma yi, <<Gogo nda vu ta̱ na̱ a̱a̱tsuma̱ waru vu ta mantsa ulobo; vu ca yi aala Isma'ila, adama a na A̱sulazuva a uwwa ta̱ mesun ma̱ a̱tsuma̱lima̱ a̱ wu. 12U to o'wo vuma na ahali o mololi mo una, ukere wa̱ yi a agaba na̱ koyan ɗa, waru ukere wa̱ koyan a agaba na̱ a̱yi; waru wa̱a̱ da̱nu lafiya na̱ a̱za̱ a̱ yi shi.>> 13Ɗaɗa u ɗeyi A̱sulazuva a na a yuwain adanshi na̱ a̱yi, <<A̱vu ɗa A̱sula̱ a na e ene numu>>, adama a na u damma ta̱, <<Na amayun me ene ta̱ A̱sula̱ reve m buwa wuma cina me ene yi?>> 14Adama o ndolo a ɗa e ɗeyi ooko'o'o Biya Lahai Roi (urevu wa̱ yi u ɗa ooko'o a za wuma na e ene numu). U ta̱ lo e memere ma Kedesh na̱ Bere.
15Hajara matsaan ta̱ Aburam ulobo, a̱vu Aburam ca ulobo u na Hajara matsain aala Isma'ila #16:15 E elentsu a aza a Yahuda, aala <<Isma'ila>> urevu wa̱ yi u ɗa <<A̱sula̱ a uwwa ta̱.>> 16Aburam da̱na̱ ta̱ na a'wan kupakunla̱ na̱ a̱za̱ a̱ ta̱li a yashi i na Hajara matsaan niyi Isma'ila.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
©️2025 Language Development and Translation Initiative (LDTI)