Mota̱a̱ 8
8
1Reve A̱sulazuva a damma Musa u ka̱ra̱ a̱ 'ya̱wa̱ uba̱ta̱ wa Firi'awuna u damma yi, <<Apa ili i na A̱sulazuva a dammai, <Vu lyawa ama a̱ va̱ a̱ ka̱ra̱ tsa̱ra̱ a̱ 'ya̱wa̱ a yuwaan mu a̱ga̱nda̱. 2Nna̱ gba vu 'yuwan a lyawa le a̱ ka̱ra̱, a̱yi ɗa nda, n ta̱ lyungu a̱tsuma̱lima̱ o opoɗo a̱tsuma̱ e iɗa'a suru. 3Uɗolu wa̱ Nilu u ta shiwunlai no opoɗo. Hali a uwa o ukobu u tsugono tsa̱ wu na aasula e nven a̱ wu hali a̱ a̱ga̱da̱ a̱ wu, na̱ a 'wa va azagbain a̱ wu oɓolo na ama a̱ wu. A ta uwa e elele o uzusun wo opopofu a̱ wu, hali a ntaɗa ma alya a tsuwa tsa̱ wu. 4Opoɗo'o a̱ ta̱ da̱na̱ a 'yawusan a kumbusa wu na ama a̱ wu, oɓolo na azagbain a̱ wu suru.> >>
5A̱vu A̱sulazuva a damma Musa, <<Vu damma Haruna, <Canana ukere wa̱ wu na aaɗanga a̱ wu mejege zuva mini ne esu a̱ mini no oko'o. Vu zuwa opoɗo o uta̱ a̱tsuma̱ a̱ mini ma Masar suru na̱ ɗolu na aguga no oko'o hali o shiton iɗa'a.> >>
6A̱vu Haruna yuwan ne, a̱vu opoɗo e reme o utusa̱ a̱tsuma̱ a̱ mini, a̱vu a̱ ɓa̱ra̱ iɗa ya Masar. 7Reve ozo o tsuboci fo a yuwan tsuboci tse le, a̱vu a yuwan ili i ta̱, a zuwa opoɗo o uta̱ e iɗa ya Masar.
8Reve Firi'awuna ɗe Musa na̱ Haruna a̱vu u damma le, <<Patiyi A̱sulazuva u tawaa mu na ama a̱ va̱ opoɗo a nda, ɗaɗa maa lyawa ama'a a̱ 'ya̱wa̱ a yuwaan A̱sulazuva kucci.>>
9Reve Musa damma Firi'awuna, <<N lyawaa wu ta̱ vu ɗangwa, vu zuwa mantsa ma na maa yuwan ipati adama a̱ wu na azagbagbain a̱ wu na ama a̱ wu tsa̱ra̱ a tawa opoɗo'o uba̱ta̱ u ɗu na a 'wa ɗu, agba a̱za̱ o uɗolu wa̱ Nilu u ɗa a buwa.>>
10Reve Firi'awuna damma, <<Nfa'an!>> A̱vu Musa damma, <<N ta yuwan cine vu dammai, tsa̱ra̱ vu reve na za ri lo vadamma A̱sulazuva A̱sula̱ a̱ tsu shi. 11Opoɗo'o a lyawa wu, na̱ 'wa ɗu na azagbagbain a̱ wu na ama a̱ wu. A̱za̱ o uɗolu wa̱ Nilu u ɗa goon a lyawa.>>
12Ana Musa na̱ Haruna a lyawai Firi'awuna, reve Musa showen A̱sulazuva adama u tawa opoɗo'o a na u lyuguwa̱yi Firi'awuna ne ele. 13Reve A̱sulazuva a yuwan cine Musa dammai. A̱vu opoɗo'o a̱ kuwa̱ a 'wa le na a agalaci a 'wa le na̱ a̱ɗuma̱ e le suru. 14Reve o ɓoloto le aganga aganga, hali a zuwa iɗa'a i shama. 15Amma ana Firi'awuna enei ili i tawai, a̱vu u yuwisan aciyogbamu u zuwa atsuvu e ili i na Musa na̱ Haruna a dammai shi cine A̱sulazuva a dammai.
Ikurukuta
16Reve A̱sulazuva a damma Musa, <<Vu damma Haruna, u 'ya̱sa̱n aaɗanga a̱ yi zuva, a̱vu u faba ma̱buta̱ me iɗa. Ma̱buta̱'a̱ suru a̱tsuma̱ a Masar u to o'wo ikurukuta.>> 17A̱vu a yuwan ne. Haruna canana ta̱ ukere wa̱ yi na aaɗanga a̱ yi, a̱vu u faba ma̱buta̱ me iɗa'a, a̱vu ikurukuta i reme a kumbusa ama ni inama. Ma̱buta̱ me iɗa ma Masar suru mo o'wo ta̱ ikurukuta. 18A̱vu ozo o tsuboci a yuwan a̱tyo a na aa yuwan, agba a gura shi. Reve ikurukuta'a i ɓa̱ru ama ni inama.
19Reve ozo o tsuboci'i a damma Firi'awuna, <<Nda ukere wa̱ A̱sula̱ u ɗa u yuwain ili i nda.>> Agba u bula̱ aciyogbamu a̱ yi shi, cine A̱sulazuva a dammai ɗe.
A̱tsuma̱lima̱ a Ayun
20Reve A̱sulazuva a damma Musa, <<Vu 'yon nfa'an nu usana, adama vu ga'asan na̱ Firi'awuna o ure wu uɗolu, a̱vu vu damma yi, <Apa ili i na A̱sulazuva a dammai: Vu lyawa ama a̱ va̱ a̱ ka̱ra̱, adama a̱ 'ya̱wa̱ a yuwaan mu a̱ga̱nda̱. 21Nna̱ vaa lyawa le a̱ ka̱ra̱ shi, n ta lyawa oɓolo a ayun a̱ 'ya̱wa̱ uba̱ta̱ wa azagbain a̱ wu na ama a̱ wu, hali a 'wa ɗu. 'Wa va ama a Masar a ta shiwan na ayun, hali ni iɗa i na ama a̱ ri.
22<< <Agba o urana u ndolo, n ta tawa iɗa ya Goshen a̱ nge'en, uba̱ta̱ u na ama a̱ va̱ a̱ ri nden. Oɓolo a ayun a̱ da̱na̱ ɗe shi, tsa̱ra̱ i reve a̱mu A̱sulazuva n te iɗa i nda. 23Ne ɗa maa kasa ama a̱ va̱ na ama a̱ wu. Iroci i nda i ta fara nfa'an.> >>
24Reve A̱sulazuva a yuwan ne. Oɓolo a ayun o ɓoloto ta̱ o u'wa wa Firi'awuna na a 'wa va azagbagbain a̱ yi. Iɗa ya Masar i la̱ngwa̱ ta̱ suru no oɓolo ayun. 25Reve Firi'awuna ɗe Musa na̱ Haruna a̱vu u damma, <<Ka̱ra̱i i 'ya̱wa̱ i yuwaan A̱sula̱ kucci a̱tsuma̱ e iɗa'a.>> 26Amma reve Musa damma, <<Ili i mejege i ɗa tsu yuwan kucci'i pa nda shi, adama a na kucci na tsa ca A̱sulazuva A̱sula̱ a̱ tsu u to wo o'wo ili yi idaba e ekere aza a Masar. Na̱ tsu yuwain kuci na ri ili yi idaba e esu le ama a Masar aa vuvara tsu shi? 27Tsu 'yuwan tsu ciga tsu yuwan mmalu mu rana ta'atsu a̱tsumona adama tsu yuwaan A̱sulazuva A̱sula̱ a̱ tsu kucci cine u damma ntsu.>> 28Reve Firi'awuna damma, <<N ta lyawa ɗu i ka̱ra̱ tsa̱ra̱ i yuwaan A̱sulazuva A̱sula̱ a̱ ɗu kucci a̱tsumona, amma i 'yuwan i ciga i ka̱ra̱ alanga wan, i patiya mu.>> 29Reve Musa usu, <<Gogo tsunda, n ta̱ lyawa uba̱ta̱ wa̱ wu, n ta pati A̱sulazuva nfa'an ayu'un a ta kasa na̱ Firi'awuna na azagbain a̱ yi waru na ama a̱ yi. Agba she na̱ Firi'awuna a̱a̱ da̱shi luluma̱ ama shi, u kuɗa̱ a lyawa le ka̱ra̱ a yuwaan A̱sulazuva kucci shi wan.>> 30Reve Musa lyawa Firi'awuna a̱vu u yuwan ipati a̱ tyo e ekere a A̱sulazuva. 31Reve A̱sulazuva a yuwan cine Musa patiyi, reve u tawa oɓolo ayu'un e ekere a Firi'awuna na azagbain a̱ yi na ama a̱yi, agba ko aayun a̱ ta̱ a buwa shi. 32Reve Firi'awuna gbamisa aci a mantsa ma nda, a̱vu u kuɗa̱ a lyawa ama'a a̱ ka̱ra̱.
Currently Selected:
Mota̱a̱ 8: TSW
Highlight
Share
Copy
Want to have your highlights saved across all your devices? Sign up or sign in
©️2025 Language Development and Translation Initiative (LDTI)
Mota̱a̱ 8
8
1Reve A̱sulazuva a damma Musa u ka̱ra̱ a̱ 'ya̱wa̱ uba̱ta̱ wa Firi'awuna u damma yi, <<Apa ili i na A̱sulazuva a dammai, <Vu lyawa ama a̱ va̱ a̱ ka̱ra̱ tsa̱ra̱ a̱ 'ya̱wa̱ a yuwaan mu a̱ga̱nda̱. 2Nna̱ gba vu 'yuwan a lyawa le a̱ ka̱ra̱, a̱yi ɗa nda, n ta̱ lyungu a̱tsuma̱lima̱ o opoɗo a̱tsuma̱ e iɗa'a suru. 3Uɗolu wa̱ Nilu u ta shiwunlai no opoɗo. Hali a uwa o ukobu u tsugono tsa̱ wu na aasula e nven a̱ wu hali a̱ a̱ga̱da̱ a̱ wu, na̱ a 'wa va azagbain a̱ wu oɓolo na ama a̱ wu. A ta uwa e elele o uzusun wo opopofu a̱ wu, hali a ntaɗa ma alya a tsuwa tsa̱ wu. 4Opoɗo'o a̱ ta̱ da̱na̱ a 'yawusan a kumbusa wu na ama a̱ wu, oɓolo na azagbain a̱ wu suru.> >>
5A̱vu A̱sulazuva a damma Musa, <<Vu damma Haruna, <Canana ukere wa̱ wu na aaɗanga a̱ wu mejege zuva mini ne esu a̱ mini no oko'o. Vu zuwa opoɗo o uta̱ a̱tsuma̱ a̱ mini ma Masar suru na̱ ɗolu na aguga no oko'o hali o shiton iɗa'a.> >>
6A̱vu Haruna yuwan ne, a̱vu opoɗo e reme o utusa̱ a̱tsuma̱ a̱ mini, a̱vu a̱ ɓa̱ra̱ iɗa ya Masar. 7Reve ozo o tsuboci fo a yuwan tsuboci tse le, a̱vu a yuwan ili i ta̱, a zuwa opoɗo o uta̱ e iɗa ya Masar.
8Reve Firi'awuna ɗe Musa na̱ Haruna a̱vu u damma le, <<Patiyi A̱sulazuva u tawaa mu na ama a̱ va̱ opoɗo a nda, ɗaɗa maa lyawa ama'a a̱ 'ya̱wa̱ a yuwaan A̱sulazuva kucci.>>
9Reve Musa damma Firi'awuna, <<N lyawaa wu ta̱ vu ɗangwa, vu zuwa mantsa ma na maa yuwan ipati adama a̱ wu na azagbagbain a̱ wu na ama a̱ wu tsa̱ra̱ a tawa opoɗo'o uba̱ta̱ u ɗu na a 'wa ɗu, agba a̱za̱ o uɗolu wa̱ Nilu u ɗa a buwa.>>
10Reve Firi'awuna damma, <<Nfa'an!>> A̱vu Musa damma, <<N ta yuwan cine vu dammai, tsa̱ra̱ vu reve na za ri lo vadamma A̱sulazuva A̱sula̱ a̱ tsu shi. 11Opoɗo'o a lyawa wu, na̱ 'wa ɗu na azagbagbain a̱ wu na ama a̱ wu. A̱za̱ o uɗolu wa̱ Nilu u ɗa goon a lyawa.>>
12Ana Musa na̱ Haruna a lyawai Firi'awuna, reve Musa showen A̱sulazuva adama u tawa opoɗo'o a na u lyuguwa̱yi Firi'awuna ne ele. 13Reve A̱sulazuva a yuwan cine Musa dammai. A̱vu opoɗo'o a̱ kuwa̱ a 'wa le na a agalaci a 'wa le na̱ a̱ɗuma̱ e le suru. 14Reve o ɓoloto le aganga aganga, hali a zuwa iɗa'a i shama. 15Amma ana Firi'awuna enei ili i tawai, a̱vu u yuwisan aciyogbamu u zuwa atsuvu e ili i na Musa na̱ Haruna a dammai shi cine A̱sulazuva a dammai.
Ikurukuta
16Reve A̱sulazuva a damma Musa, <<Vu damma Haruna, u 'ya̱sa̱n aaɗanga a̱ yi zuva, a̱vu u faba ma̱buta̱ me iɗa. Ma̱buta̱'a̱ suru a̱tsuma̱ a Masar u to o'wo ikurukuta.>> 17A̱vu a yuwan ne. Haruna canana ta̱ ukere wa̱ yi na aaɗanga a̱ yi, a̱vu u faba ma̱buta̱ me iɗa'a, a̱vu ikurukuta i reme a kumbusa ama ni inama. Ma̱buta̱ me iɗa ma Masar suru mo o'wo ta̱ ikurukuta. 18A̱vu ozo o tsuboci a yuwan a̱tyo a na aa yuwan, agba a gura shi. Reve ikurukuta'a i ɓa̱ru ama ni inama.
19Reve ozo o tsuboci'i a damma Firi'awuna, <<Nda ukere wa̱ A̱sula̱ u ɗa u yuwain ili i nda.>> Agba u bula̱ aciyogbamu a̱ yi shi, cine A̱sulazuva a dammai ɗe.
A̱tsuma̱lima̱ a Ayun
20Reve A̱sulazuva a damma Musa, <<Vu 'yon nfa'an nu usana, adama vu ga'asan na̱ Firi'awuna o ure wu uɗolu, a̱vu vu damma yi, <Apa ili i na A̱sulazuva a dammai: Vu lyawa ama a̱ va̱ a̱ ka̱ra̱, adama a̱ 'ya̱wa̱ a yuwaan mu a̱ga̱nda̱. 21Nna̱ vaa lyawa le a̱ ka̱ra̱ shi, n ta lyawa oɓolo a ayun a̱ 'ya̱wa̱ uba̱ta̱ wa azagbain a̱ wu na ama a̱ wu, hali a 'wa ɗu. 'Wa va ama a Masar a ta shiwan na ayun, hali ni iɗa i na ama a̱ ri.
22<< <Agba o urana u ndolo, n ta tawa iɗa ya Goshen a̱ nge'en, uba̱ta̱ u na ama a̱ va̱ a̱ ri nden. Oɓolo a ayun a̱ da̱na̱ ɗe shi, tsa̱ra̱ i reve a̱mu A̱sulazuva n te iɗa i nda. 23Ne ɗa maa kasa ama a̱ va̱ na ama a̱ wu. Iroci i nda i ta fara nfa'an.> >>
24Reve A̱sulazuva a yuwan ne. Oɓolo a ayun o ɓoloto ta̱ o u'wa wa Firi'awuna na a 'wa va azagbagbain a̱ yi. Iɗa ya Masar i la̱ngwa̱ ta̱ suru no oɓolo ayun. 25Reve Firi'awuna ɗe Musa na̱ Haruna a̱vu u damma, <<Ka̱ra̱i i 'ya̱wa̱ i yuwaan A̱sula̱ kucci a̱tsuma̱ e iɗa'a.>> 26Amma reve Musa damma, <<Ili i mejege i ɗa tsu yuwan kucci'i pa nda shi, adama a na kucci na tsa ca A̱sulazuva A̱sula̱ a̱ tsu u to wo o'wo ili yi idaba e ekere aza a Masar. Na̱ tsu yuwain kuci na ri ili yi idaba e esu le ama a Masar aa vuvara tsu shi? 27Tsu 'yuwan tsu ciga tsu yuwan mmalu mu rana ta'atsu a̱tsumona adama tsu yuwaan A̱sulazuva A̱sula̱ a̱ tsu kucci cine u damma ntsu.>> 28Reve Firi'awuna damma, <<N ta lyawa ɗu i ka̱ra̱ tsa̱ra̱ i yuwaan A̱sulazuva A̱sula̱ a̱ ɗu kucci a̱tsumona, amma i 'yuwan i ciga i ka̱ra̱ alanga wan, i patiya mu.>> 29Reve Musa usu, <<Gogo tsunda, n ta̱ lyawa uba̱ta̱ wa̱ wu, n ta pati A̱sulazuva nfa'an ayu'un a ta kasa na̱ Firi'awuna na azagbain a̱ yi waru na ama a̱ yi. Agba she na̱ Firi'awuna a̱a̱ da̱shi luluma̱ ama shi, u kuɗa̱ a lyawa le ka̱ra̱ a yuwaan A̱sulazuva kucci shi wan.>> 30Reve Musa lyawa Firi'awuna a̱vu u yuwan ipati a̱ tyo e ekere a A̱sulazuva. 31Reve A̱sulazuva a yuwan cine Musa patiyi, reve u tawa oɓolo ayu'un e ekere a Firi'awuna na azagbain a̱ yi na ama a̱yi, agba ko aayun a̱ ta̱ a buwa shi. 32Reve Firi'awuna gbamisa aci a mantsa ma nda, a̱vu u kuɗa̱ a lyawa ama'a a̱ ka̱ra̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Language Development and Translation Initiative (LDTI)