Mota̱a̱ 17
17
Mini ma aatali
1Reve ama a Isra'ila suru a̱ 'yon a̱ A̱tsumona a̱ Sin, reve e reme igaru ba̱ta̱ ba̱ta̱ cine A̱sulazuva a zuwa nle. Reve a̱ va̱la̱ Refidim, agba a̱ tsura̱ mini ma na oo sowo shi. 2Reve a uwa mawasan na̱ Musa a dansa, <<Ca tsu mini tsu sowo.>> A̱vu Musa usu, <<Adama a̱ nye yaa yuwusan na̱ a̱mu? Adama a̱ nye ya̱a̱ lyungusa̱ A̱sulazuva?>>
3Ana wo o'woi ama a ta uwwusa akuli lon, reve a̱ da̱shi uwa a yuwusaan Musa adanshawuya. A̱vu a damma, <<Adama a̱ nye vu uta̱a̱ ntsu e iɗa ya Masar, a̱tsu na̱ muwun n tsu ni iliyamunga i tsu, tsa̱ra̱ tsu kuwa̱ na akuli?>>
4A̱vu u showen A̱sulazuva u damma, <<Cine maa yuwan na ama a nda? Ele ɗa nda a cigai a vuvara mu na atali tsa̱ra̱ o una mu.>>
5Reve A̱sulazuva a̱ usu yi, <<Tara azagbain o ro a̱tsuma̱ a ama na̱ a̱vu, reve i uwa elime a ama'a. Waru vu tara aaɗanga a na vu fabayi Uɗolu wa̱ Nilu. 6Na̱ vu rawa a aatali a na a̱ ri a Masasan ma Horeb n ta̱ da̱na̱ ɗe oɓolo na̱ a̱vu. Reve vu faba aatali'i, mini ma̱ to uta̱ adama ama o sowo.>> A̱vu Musa yuwan ne a̱ ma̱ka̱ka̱n ma azagbain a Isra'ila ele a̱ a̱ka̱nla̱. 7U ɗe ta̱ uba̱ta̱'a̱ Masa na̱ Meriba adama a na aza a Isra'ila a yuwain mawasan na adama a na a̱ lyungwa̱i A̱sulazuva ana a dammai, <<A̱sulazuva o to oɓolo na̱ a̱tsu ko gba shi?>>
A lyuwai aza a Amaleka
8Reve aza a Amaleka a̱ ta̱wa̱ a yuwan uvon na aza a Isra'ila a Refidim. 9A̱vu Musa damma vuma ro, za na a̱ tsu ɗe Josuwa, <<Ɗangwaa tsu ali o ro a̱tsuma̱ a ama, tsa̱ra̱ a̱ 'ya̱wa̱ a yuwan uvon na aza a Amaleka. Nfa'an n te isawan zuva va aagaɗi reve n guza̱ aaɗanga a̱ A̱sula̱ a na a̱ ri o ukere u va̱.>>
10Reve Josuwa yuwan ili i na Musa damma niyi. U tara ta̱ ama a̱ yi, reve a̱ 'ya̱wa̱ a yuwan uvon na aza a Amaleka cine u dammai. Reve Musa na̱ Haruna na̱ Huru a katsa zuva va aagaɗi'i. 11Na̱ Musa 'ya̱sa̱n ekere a̱ yi zuva, reve aza a Isra'ila a uwa a lyuwusa aci. Agba nu u ka̱mba̱to ekere a̱ yi, reve aza a Amaleka a uwa a lyuwusa aci. 12Ne ɗa uvo'on u lyuwai elime hali ekere a Musa a̱ ɗa̱mba̱. Ɗaɗa Haruna na̱ Huru a tarai aatali, reve a zuwa yi u da̱nu ɗe. Reve ele e isawan za ta̱ o ukere u nda za ta̱ o ukere u ndeɗe, a̱vu a̱ 'ya̱sa̱n yi ekere'e zuva hali a̱ tyo o ulivu. 13Adama o ndolo a̱vu Josuwa lyuwa a̱soja a Amaleka nu uvon. 14Reve A̱sulazuva a damma Musa, <<Ɗana ili i nda a aatagada adama o ucuwusan, a̱vu vu damma Josuwa a na n ta tawa aza a Amaleka suru suru o uvaɗi.>> 15Reve Musa suwa masa'a a̱vu u ca yi aala, A̱sulazuva a ɗa atuta a̱ va̱. 16U damma, <<A̱ 'ya̱sa̱n ta̱ ekere a̱ tyo a̱ nda̱na̱ta̱ ma̱ A̱sulazuva. A̱sulazuva a ta yuwan uvon na aza a Amaleka diga mantsa hali a̱ tyo mantsa.>>
Currently Selected:
Mota̱a̱ 17: TSW
Highlight
Share
Copy
Want to have your highlights saved across all your devices? Sign up or sign in
©️2025 Language Development and Translation Initiative (LDTI)
Mota̱a̱ 17
17
Mini ma aatali
1Reve ama a Isra'ila suru a̱ 'yon a̱ A̱tsumona a̱ Sin, reve e reme igaru ba̱ta̱ ba̱ta̱ cine A̱sulazuva a zuwa nle. Reve a̱ va̱la̱ Refidim, agba a̱ tsura̱ mini ma na oo sowo shi. 2Reve a uwa mawasan na̱ Musa a dansa, <<Ca tsu mini tsu sowo.>> A̱vu Musa usu, <<Adama a̱ nye yaa yuwusan na̱ a̱mu? Adama a̱ nye ya̱a̱ lyungusa̱ A̱sulazuva?>>
3Ana wo o'woi ama a ta uwwusa akuli lon, reve a̱ da̱shi uwa a yuwusaan Musa adanshawuya. A̱vu a damma, <<Adama a̱ nye vu uta̱a̱ ntsu e iɗa ya Masar, a̱tsu na̱ muwun n tsu ni iliyamunga i tsu, tsa̱ra̱ tsu kuwa̱ na akuli?>>
4A̱vu u showen A̱sulazuva u damma, <<Cine maa yuwan na ama a nda? Ele ɗa nda a cigai a vuvara mu na atali tsa̱ra̱ o una mu.>>
5Reve A̱sulazuva a̱ usu yi, <<Tara azagbain o ro a̱tsuma̱ a ama na̱ a̱vu, reve i uwa elime a ama'a. Waru vu tara aaɗanga a na vu fabayi Uɗolu wa̱ Nilu. 6Na̱ vu rawa a aatali a na a̱ ri a Masasan ma Horeb n ta̱ da̱na̱ ɗe oɓolo na̱ a̱vu. Reve vu faba aatali'i, mini ma̱ to uta̱ adama ama o sowo.>> A̱vu Musa yuwan ne a̱ ma̱ka̱ka̱n ma azagbain a Isra'ila ele a̱ a̱ka̱nla̱. 7U ɗe ta̱ uba̱ta̱'a̱ Masa na̱ Meriba adama a na aza a Isra'ila a yuwain mawasan na adama a na a̱ lyungwa̱i A̱sulazuva ana a dammai, <<A̱sulazuva o to oɓolo na̱ a̱tsu ko gba shi?>>
A lyuwai aza a Amaleka
8Reve aza a Amaleka a̱ ta̱wa̱ a yuwan uvon na aza a Isra'ila a Refidim. 9A̱vu Musa damma vuma ro, za na a̱ tsu ɗe Josuwa, <<Ɗangwaa tsu ali o ro a̱tsuma̱ a ama, tsa̱ra̱ a̱ 'ya̱wa̱ a yuwan uvon na aza a Amaleka. Nfa'an n te isawan zuva va aagaɗi reve n guza̱ aaɗanga a̱ A̱sula̱ a na a̱ ri o ukere u va̱.>>
10Reve Josuwa yuwan ili i na Musa damma niyi. U tara ta̱ ama a̱ yi, reve a̱ 'ya̱wa̱ a yuwan uvon na aza a Amaleka cine u dammai. Reve Musa na̱ Haruna na̱ Huru a katsa zuva va aagaɗi'i. 11Na̱ Musa 'ya̱sa̱n ekere a̱ yi zuva, reve aza a Isra'ila a uwa a lyuwusa aci. Agba nu u ka̱mba̱to ekere a̱ yi, reve aza a Amaleka a uwa a lyuwusa aci. 12Ne ɗa uvo'on u lyuwai elime hali ekere a Musa a̱ ɗa̱mba̱. Ɗaɗa Haruna na̱ Huru a tarai aatali, reve a zuwa yi u da̱nu ɗe. Reve ele e isawan za ta̱ o ukere u nda za ta̱ o ukere u ndeɗe, a̱vu a̱ 'ya̱sa̱n yi ekere'e zuva hali a̱ tyo o ulivu. 13Adama o ndolo a̱vu Josuwa lyuwa a̱soja a Amaleka nu uvon. 14Reve A̱sulazuva a damma Musa, <<Ɗana ili i nda a aatagada adama o ucuwusan, a̱vu vu damma Josuwa a na n ta tawa aza a Amaleka suru suru o uvaɗi.>> 15Reve Musa suwa masa'a a̱vu u ca yi aala, A̱sulazuva a ɗa atuta a̱ va̱. 16U damma, <<A̱ 'ya̱sa̱n ta̱ ekere a̱ tyo a̱ nda̱na̱ta̱ ma̱ A̱sulazuva. A̱sulazuva a ta yuwan uvon na aza a Amaleka diga mantsa hali a̱ tyo mantsa.>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Language Development and Translation Initiative (LDTI)