Alajiya 7
7
Ugbozu
1Aala a sa'ani a la'a ta̱ mani'i ma̱ ma̱guru ulobonu,
waru urana wu ukwa̱ u la'a ta̱ urana u limatan.
2U la'a ta̱ a̱ 'ya̱wa̱ o u'wa u na a̱ ri a̱ a̱tsuma̱la̱ngu,
na a̱ ya̱wa̱ o u'wa u na a yuwusan a̱buki,
adama a na ukwa̱ a̱ yi ɗa ukosu u vuma,
u ta̱ da̱na̱ ulobonu za na ri wuma suru u da̱na̱ na̱ nda okolo a̱ yi.
3U ta la'a ulobonu a na a yuwan a̱tsuma̱la̱ngu
a na a yuwan izo'oshi,
adama a na ulukutu we esu
u tsu ta̱wa̱a̱ ta̱ na̱ ma̱za̱nga̱ mo ookolo.
4Ookolo a za vu ugbozu
u tsu yuwan ta̱ majiyan mo ukwa̱
amma okolo o ulo a tsu yuwan ta̱
majiyan ma na wa uwwa uyo'o goon.
5U ta la'a a na vuma a uwwa tsuɓari tsa za vu ugbozu,
a na uwwa ishipa yi ica yo olo.
6Izo'oshi yu ulo u ta̱ tse e ilama ya awanda
a na lyuwusa na̱ akina o ugundo wu upondo.
Nda fo ili ya̱ pere i ɗa.
7Amayun ule'e u tsu zuwa ta̱
za vu ugbozu ka̱mba̱ ulo,
u ushishi wu utowusu wu una̱
u tsu lungusa̱ ta̱ okolo a sa'ani.
8U ta la'a nu ukosu wi ili nu ufaru wa̱ yi,
u ta la'a na̱ za va a ankuri
na̱ za va aciyogbamu.
9She vu da̱na̱ za na tsu yuwan upan go'o wan,
adama a na ulo u ɗa u tsu da̱na̱ tapu nu upan.
10She vu damma,
<< Nye i zuwai rana vu ufaru a la'ai a̱za̱ gogo?>>
Adama a na yeci i nda'a, yeci yu ugbozu u ɗa shi.
11Ugbozu u tu ulobonu cine a agadu a̱ ri,
u tu ulobonu e ekere aza a na a̱ ri wuma.
12Ugbozu mapari ma ɗa,
u tsu yuwaan ta̱ vuma mapari
cine ikebe i tsu yuwusan.
Mapari ma na ugbozu
u tsu yuwaan za na ri na̱ yi,
a̱ yi ɗa ulobonu wu urevu.
13Vi idana ulinga wa̱ A̱sula̱,
za ne aa gura ba̱ruwa̱ ili i na u konzoi?
14A rana mawwa mo uyo'o, vu yuwan ma̱za̱nga̱,
a rana va̱ a̱tsuma̱lima̱ waru, vu petelyuwe,
A̱sula̱ a ɗa a yuwain ejere le'e,
ne ɗa vaɗilima̱ e reve,
wa gura reve ili i na ya fara na̱ yi ɗe elime shi.
Nden n wuma
15A̱tsuma̱ a rana va̱, va̱ pere, me ene ta̱ ili i nda suru.
Vuma va̱ a̱ɓula̱ tsu kuwa̱ ta̱ u tsu jima shi,
na̱ a̱ɓula̱ a̱ yi suru,
za vi iwuya tsu jima ta̱
ni iwuya i na waa yuwusan suru.
16She vu tara aciya̱wu za va̱ a̱ɓula̱ lon wan,
agba vu roco aciya̱wu,
a̱vu za vu ugbozu ɗa lon wan.
Adama nye ɗa vo una aciya̱wu?
17She vu da̱na̱ za vi iwuya wan,
agba she vu da̱na̱ a yuwusan tsulo wan.
Adama nye ɗa va̱a̱ kuwa̱,
babu na mantsa ma̱ wu ma rawai?
18U ta la'aa wu na vo toni a̱sa̱la̱ e re a nda
a na vo toni za ta̱ a̱vu vu lyawa za ta̱.
Adama a na vuma na a uwwusa wovon wa̱ A̱sula̱,
u ta gura yuwan tsutoni ni ili i nda suru.
19Ugbozu u tsu ca ta̱ za vu ugbozu ucira,
ula'awu na ama kupa a na a̱ ri o tsugono a̱ lyuci.
20Amayun, babu vuma va̱ a̱ɓula̱ o uvaɗi u nda,
za na a yuwusan ili i mejege mantsa suru,
babu na u yuwain unusu.
21She vu ca ugbozu wa̱ wu suru
e ili i na ama a dansa wan,
u ta̱ gura wo'o vu uwwa agbashi a̱ wu
a̱ ta̱ isulusa wu.
22Adama a na a̱vu aciya̱wu vu reve ta̱ okolo a̱ wu
na̱ a̱bunda̱ vu tsu isula ta̱ ozo o ro.
23N yuwan ta ulinga nu ugbozu u va̱, adama a na ma kurato ili i nda suru, a̱vu n damma,
<<N yuwan ta̱ majiyan ma na ma̱ da̱na̱ za vu ugbozu,>>
amma ili'i u la'a ta̱ ucira u va̱.
24Nden mu uvaɗi u ta̱ a̱ru'un lon,
ili yu usa̱n i mereve i ɗa.
Zane ɗa aa gura reve ili yu usokowu wa̱ yi?
25N vadala ta̱ n zuwa aciya̱va̱ a̱tsuma̱ e izami yu urevu,
n yuwan ibingi, n zami yu ugbozu,
nu usuwu u yeci i va̱,
a̱vu fo n reve tsulo tsi iwuya,
na̱ cine tsulo tsu ujaru tsa̱ a̱ ri.
26A̱vu n cina ili i na i la'ai ukwa̱ okono,
a̱yi ɗa ka na icigi ya̱ yi maza ma ɗa,
za na okolo a̱ yi igolo i ɗa
ukatalu we ekere a̱ yi tsa akani a ɗa.
Vuma na tsu yo'ono to A̱sula̱ ookolo
u ta la'a ekere a̱ yi.
Amma vuma na a yuwusan unusu
wa la'a ekere a̱ yi shi.
27Ka̱lyuwa̱, ili i na n cinai, udammu wu za va a alajiya,
<<N da̱shishi ta̱ ili i ta̱ a̱ ya̱wa̱ a za va̱ ire
a̱vu n rito ili na̱ a̱bunda̱
adama n reve usuwu u yeci i va̱,
28u usuwu u na okolo a̱ va̱ a cigai,
agba n tsura̱i shi.
Ununa u dammu u ri a̱ yi ɗa,
<N tsura̱ ta̱ vuma ta̱ za vu ugbozu goon,
a̱tsuma̱ ali ukpakukupa,
agba a̱tsuma̱ a̱ma̱ci suru
n tsura̱ ka ta̱ za vu ugbozu shi.>
29Ka̱lyuwa̱, a̱yi nda ɗa goon n tsura̱i,
A̱sula̱ a yuwan ta̱ vaɗilima̱ no okolo a̱ mejege,
amma a̱vu tsu lungusa̱ aciya̱tsu.>>
Currently Selected:
Alajiya 7: TSW
Highlight
Share
Compare
Copy
Want to have your highlights saved across all your devices? Sign up or sign in
©️2025 Language Development and Translation Initiative (LDTI)
Alajiya 7
7
Ugbozu
1Aala a sa'ani a la'a ta̱ mani'i ma̱ ma̱guru ulobonu,
waru urana wu ukwa̱ u la'a ta̱ urana u limatan.
2U la'a ta̱ a̱ 'ya̱wa̱ o u'wa u na a̱ ri a̱ a̱tsuma̱la̱ngu,
na a̱ ya̱wa̱ o u'wa u na a yuwusan a̱buki,
adama a na ukwa̱ a̱ yi ɗa ukosu u vuma,
u ta̱ da̱na̱ ulobonu za na ri wuma suru u da̱na̱ na̱ nda okolo a̱ yi.
3U ta la'a ulobonu a na a yuwan a̱tsuma̱la̱ngu
a na a yuwan izo'oshi,
adama a na ulukutu we esu
u tsu ta̱wa̱a̱ ta̱ na̱ ma̱za̱nga̱ mo ookolo.
4Ookolo a za vu ugbozu
u tsu yuwan ta̱ majiyan mo ukwa̱
amma okolo o ulo a tsu yuwan ta̱
majiyan ma na wa uwwa uyo'o goon.
5U ta la'a a na vuma a uwwa tsuɓari tsa za vu ugbozu,
a na uwwa ishipa yi ica yo olo.
6Izo'oshi yu ulo u ta̱ tse e ilama ya awanda
a na lyuwusa na̱ akina o ugundo wu upondo.
Nda fo ili ya̱ pere i ɗa.
7Amayun ule'e u tsu zuwa ta̱
za vu ugbozu ka̱mba̱ ulo,
u ushishi wu utowusu wu una̱
u tsu lungusa̱ ta̱ okolo a sa'ani.
8U ta la'a nu ukosu wi ili nu ufaru wa̱ yi,
u ta la'a na̱ za va a ankuri
na̱ za va aciyogbamu.
9She vu da̱na̱ za na tsu yuwan upan go'o wan,
adama a na ulo u ɗa u tsu da̱na̱ tapu nu upan.
10She vu damma,
<< Nye i zuwai rana vu ufaru a la'ai a̱za̱ gogo?>>
Adama a na yeci i nda'a, yeci yu ugbozu u ɗa shi.
11Ugbozu u tu ulobonu cine a agadu a̱ ri,
u tu ulobonu e ekere aza a na a̱ ri wuma.
12Ugbozu mapari ma ɗa,
u tsu yuwaan ta̱ vuma mapari
cine ikebe i tsu yuwusan.
Mapari ma na ugbozu
u tsu yuwaan za na ri na̱ yi,
a̱ yi ɗa ulobonu wu urevu.
13Vi idana ulinga wa̱ A̱sula̱,
za ne aa gura ba̱ruwa̱ ili i na u konzoi?
14A rana mawwa mo uyo'o, vu yuwan ma̱za̱nga̱,
a rana va̱ a̱tsuma̱lima̱ waru, vu petelyuwe,
A̱sula̱ a ɗa a yuwain ejere le'e,
ne ɗa vaɗilima̱ e reve,
wa gura reve ili i na ya fara na̱ yi ɗe elime shi.
Nden n wuma
15A̱tsuma̱ a rana va̱, va̱ pere, me ene ta̱ ili i nda suru.
Vuma va̱ a̱ɓula̱ tsu kuwa̱ ta̱ u tsu jima shi,
na̱ a̱ɓula̱ a̱ yi suru,
za vi iwuya tsu jima ta̱
ni iwuya i na waa yuwusan suru.
16She vu tara aciya̱wu za va̱ a̱ɓula̱ lon wan,
agba vu roco aciya̱wu,
a̱vu za vu ugbozu ɗa lon wan.
Adama nye ɗa vo una aciya̱wu?
17She vu da̱na̱ za vi iwuya wan,
agba she vu da̱na̱ a yuwusan tsulo wan.
Adama nye ɗa va̱a̱ kuwa̱,
babu na mantsa ma̱ wu ma rawai?
18U ta la'aa wu na vo toni a̱sa̱la̱ e re a nda
a na vo toni za ta̱ a̱vu vu lyawa za ta̱.
Adama a na vuma na a uwwusa wovon wa̱ A̱sula̱,
u ta gura yuwan tsutoni ni ili i nda suru.
19Ugbozu u tsu ca ta̱ za vu ugbozu ucira,
ula'awu na ama kupa a na a̱ ri o tsugono a̱ lyuci.
20Amayun, babu vuma va̱ a̱ɓula̱ o uvaɗi u nda,
za na a yuwusan ili i mejege mantsa suru,
babu na u yuwain unusu.
21She vu ca ugbozu wa̱ wu suru
e ili i na ama a dansa wan,
u ta̱ gura wo'o vu uwwa agbashi a̱ wu
a̱ ta̱ isulusa wu.
22Adama a na a̱vu aciya̱wu vu reve ta̱ okolo a̱ wu
na̱ a̱bunda̱ vu tsu isula ta̱ ozo o ro.
23N yuwan ta ulinga nu ugbozu u va̱, adama a na ma kurato ili i nda suru, a̱vu n damma,
<<N yuwan ta̱ majiyan ma na ma̱ da̱na̱ za vu ugbozu,>>
amma ili'i u la'a ta̱ ucira u va̱.
24Nden mu uvaɗi u ta̱ a̱ru'un lon,
ili yu usa̱n i mereve i ɗa.
Zane ɗa aa gura reve ili yu usokowu wa̱ yi?
25N vadala ta̱ n zuwa aciya̱va̱ a̱tsuma̱ e izami yu urevu,
n yuwan ibingi, n zami yu ugbozu,
nu usuwu u yeci i va̱,
a̱vu fo n reve tsulo tsi iwuya,
na̱ cine tsulo tsu ujaru tsa̱ a̱ ri.
26A̱vu n cina ili i na i la'ai ukwa̱ okono,
a̱yi ɗa ka na icigi ya̱ yi maza ma ɗa,
za na okolo a̱ yi igolo i ɗa
ukatalu we ekere a̱ yi tsa akani a ɗa.
Vuma na tsu yo'ono to A̱sula̱ ookolo
u ta la'a ekere a̱ yi.
Amma vuma na a yuwusan unusu
wa la'a ekere a̱ yi shi.
27Ka̱lyuwa̱, ili i na n cinai, udammu wu za va a alajiya,
<<N da̱shishi ta̱ ili i ta̱ a̱ ya̱wa̱ a za va̱ ire
a̱vu n rito ili na̱ a̱bunda̱
adama n reve usuwu u yeci i va̱,
28u usuwu u na okolo a̱ va̱ a cigai,
agba n tsura̱i shi.
Ununa u dammu u ri a̱ yi ɗa,
<N tsura̱ ta̱ vuma ta̱ za vu ugbozu goon,
a̱tsuma̱ ali ukpakukupa,
agba a̱tsuma̱ a̱ma̱ci suru
n tsura̱ ka ta̱ za vu ugbozu shi.>
29Ka̱lyuwa̱, a̱yi nda ɗa goon n tsura̱i,
A̱sula̱ a yuwan ta̱ vaɗilima̱ no okolo a̱ mejege,
amma a̱vu tsu lungusa̱ aciya̱tsu.>>
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
©️2025 Language Development and Translation Initiative (LDTI)