Kulki Kaikanka TÂ BÎLA NANI
TÂ BÎLA NANI
Naha ulbanka wauhkataya na, nina mâkisa, Kulki Kaikan wauhkataya. Moses upla nani ba kulki kaikan, Sainai ilka wina kau taki waras kan ba ra. Kiamka kum luan ba ningkara, Moab, Jordan lalma tani ra wan, bahara sin kli upla nani ba kulki kaikan. Kulki kaikan wauhkataya ra, pas sapta wâl ba, Israel luhpia nani kulki kaikan ba numbika nani wan marikisa. Kiamka bani ba sin, pas tâura kulki kaikan, aiklaklabra dakni kulki bri ba baku.
Baku bamna, Impakan Sturka wauhkataya ba ban dauki waia sa, kan bahara ulban sa, upla iwras tasbaya ra, dîa takan ba sturka nani: Sainai wina Jordan lalma ra wan ba sturka nani, 40 mani alkan ba sturka, awala tara lui wan ba, baku sin pramis tasbaya ra diman ba.
Wauhkataya pas sapta 9 nani ra ulban sa, impaki waia dukiara ridi takan ba tânka nani, lâ nani brin ba sturka, lilia tara aima wala kli daukaia ba sturka sin.
Sapta wala 12 nani ba ra ulban sa, Sainai ra dîa takan ba, bara Moab ra impaki wan ba tânka nani. Ulbanka prahni kum sin bâra sa, baha lika wark sât sât nani takan ba, bara Idsip wina taki Moab ra diman ra dîa nani takan ba tânka sapta nani (22—32). Lâs sapta walhwal nani ra marikisa, diara tânka nani kum kum Jordan luaia kainara.
Wauhkataya na tânka tara sa, kan Israel luhpia nani spiritka aiska ba bukisa; yabalka nani marikisa, traika kaikan nani pura luisa upla iwras tasbaya ra. Israel luhpia nani ba, piua bani ra sari kan, baku sin sibrin bri kan. Trabil nani bri kan piua ra, Moses bara Gâd mapara sin bûi kan. Piua kum kum ra lika wilin kan bîla walaia bara wapni iwaia. Sturka ulbanka na aiska tilara kau tara kulki ba sika, Gâd kasak tânka kat upla nani wal lâ daukan ba. Bara upla siknis nani ra piua bani main kaiki ba, ai swapnika nani tilara. Baku sin tara kulkan sa, Moses ai wapnika lâka ba, bara spiritka karna taki ba. Piua nani kum kum ra ai kupia alki takaskras kauhi kan ba. Gâd bara ai uplika ra latwan kaiki bamna, ban swapni takras, takaskras sin ai tâura impaki kan. Baha sât sturka nani naha wauhkataya ra ulban sa.
Currently Selected:
Kulki Kaikanka TÂ BÎLA NANI: MSKTU
Highlight
Copy
Compare
Share
Want to have your highlights saved across all your devices? Sign up or sign in
© 2010 Bible Society in Nicaragua
Kulki Kaikanka TÂ BÎLA NANI
TÂ BÎLA NANI
Naha ulbanka wauhkataya na, nina mâkisa, Kulki Kaikan wauhkataya. Moses upla nani ba kulki kaikan, Sainai ilka wina kau taki waras kan ba ra. Kiamka kum luan ba ningkara, Moab, Jordan lalma tani ra wan, bahara sin kli upla nani ba kulki kaikan. Kulki kaikan wauhkataya ra, pas sapta wâl ba, Israel luhpia nani kulki kaikan ba numbika nani wan marikisa. Kiamka bani ba sin, pas tâura kulki kaikan, aiklaklabra dakni kulki bri ba baku.
Baku bamna, Impakan Sturka wauhkataya ba ban dauki waia sa, kan bahara ulban sa, upla iwras tasbaya ra, dîa takan ba sturka nani: Sainai wina Jordan lalma ra wan ba sturka nani, 40 mani alkan ba sturka, awala tara lui wan ba, baku sin pramis tasbaya ra diman ba.
Wauhkataya pas sapta 9 nani ra ulban sa, impaki waia dukiara ridi takan ba tânka nani, lâ nani brin ba sturka, lilia tara aima wala kli daukaia ba sturka sin.
Sapta wala 12 nani ba ra ulban sa, Sainai ra dîa takan ba, bara Moab ra impaki wan ba tânka nani. Ulbanka prahni kum sin bâra sa, baha lika wark sât sât nani takan ba, bara Idsip wina taki Moab ra diman ra dîa nani takan ba tânka sapta nani (22—32). Lâs sapta walhwal nani ra marikisa, diara tânka nani kum kum Jordan luaia kainara.
Wauhkataya na tânka tara sa, kan Israel luhpia nani spiritka aiska ba bukisa; yabalka nani marikisa, traika kaikan nani pura luisa upla iwras tasbaya ra. Israel luhpia nani ba, piua bani ra sari kan, baku sin sibrin bri kan. Trabil nani bri kan piua ra, Moses bara Gâd mapara sin bûi kan. Piua kum kum ra lika wilin kan bîla walaia bara wapni iwaia. Sturka ulbanka na aiska tilara kau tara kulki ba sika, Gâd kasak tânka kat upla nani wal lâ daukan ba. Bara upla siknis nani ra piua bani main kaiki ba, ai swapnika nani tilara. Baku sin tara kulkan sa, Moses ai wapnika lâka ba, bara spiritka karna taki ba. Piua nani kum kum ra ai kupia alki takaskras kauhi kan ba. Gâd bara ai uplika ra latwan kaiki bamna, ban swapni takras, takaskras sin ai tâura impaki kan. Baha sât sturka nani naha wauhkataya ra ulban sa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2010 Bible Society in Nicaragua