Mark 8
8
Jisas bui upla 4,000 plun dakakisa
(Mt 15.32-39)
1Baha piua ra upla ailal pali asla takan, sakuna plun piaia diara âpu kan. Bara Jisas ai disaipilka nani ra wini, naku win:
2—Naha uplika nani dukiara sari lukisna, kan pat yu yumhpa yang wal nâra sa, witin nani diara piaia sin âpu sa. 3Ai watla nani ra plun piras blikamna kaka, yabal ra plun bla prubia, kan tila nani ba laih pali wina balan bamna.
4Ai disaipilka nani pana witin ra win:
—¿Bara ani wina plun dakakbia ki, naha pliska ra upla kum sin iwras sa bamna?
5Jisas witin nani ra makabi walan:
—¿Man nani brit nahki brisma?
Bara witin nani bila:
—Brit 7.
6Bara Jisas mita adar yan upla nani sut tasba ra iwbia, bara ai mihta ra brit 7 ba brih, Gâd ra tingki win. Ningkara kriki ai disaipilka nani ra yan, bara witin nani bui upla nani ra yuan. 7Inska nani sin bri kan, bara Jisas yamni muni yuaia blikan. 8Sut pih ai âuyapah takan. Bara kau yuyaka kriwan nani ba wahbi baskit 7 banhkan. 9Uplika nani pin ba 4,000 prais kan. Bara Jisas mita baha nani ba mahka blikan wan. 10Bara mahka duri ra ai disaipilka nani wal aimaki, Dalmanuta tasbaya ra wan.
Parisi nani sain aihka kum makabisa
(Mt 16.1-4; Lk 12.54-56)
11Bamna parisi nani bal, Jisas wal mahka aisi blahwan. Bara ai traika kaiki, makaban kasbrika purara ba wina sain aihka kum marikbia.#Mt 12.38; Lk 11.16. 12Jisas ai wingka karna aubi puhbi, naku win:
—¿Dîa kan naha uplika nani sain aihka kum makabisa?#Mt 12.39; Lk 11.29. Kasak pali mai wisni: Sain kum sin naha uplika nani ra yan kabia apia.
13Bara baha nani swi si duri ra kli aimaki, lakun baila wala ra wan.
Parisi nani îska ba
(Mt 16.5-12)
14Witin nani ai âuya tiwan piaia dukia wirâ brih waia, kan brit kumi baman baha dwarka bilara bri kan. 15Bara Jisas karna aisi smalkan:
—Kaiks, damra wals parisi nani îska ba,#Lk 12.1. Herod îska dukiara sin.
16Bara disaipil nani pana pana naku aisi kan:
—Yawan brit âpu sika.
17Jisas baha walan, bara naku win:
—¿Man nani dîa muni brit âpu wisma? ¿Kau kaikras sma, tânka sin pain briras sma ki? ¿Kupiam ban karna sa ki? 18¿Namkra ni kaikras, kiamam ni sin walras ki?#Jir 5.21; Isi 12.2; Mk 4.12. ¿Kupiam kraukras ki? 19Yang brit matsip kriki upla 5,000 ra yuatna ba ningkara, ¿baskit nahki prais brit yuyaka nani banhkram ki?
Witin nani bila:
—12.
20—Bara brit 7 kriki 4,000 ra yuatna ba ra, ¿baskit nahki prais wahbi banhkram?
Witin nani bila:
—7.
21Bara Jisas bila:
—¿Kau man nani tânka briras sma ki?
Jisas bui Betsaida waitna blain kum ra rakisa
22Witin nani Betsaida ra wan, upla nani mita waitna blain kum Jisas ra brih balan, bara witin ra makaban ai mihta ni kangbia. 23Jisas waitna blain ba mihta ra alki, tawan wina brih sakan. Yabalaya ai nakra ra yuki, ai mihta purara kahbi, makabi walan diara kaikaia sip sa sapa. 24Blain ba mahka kaikan, bara naku win:
—Yang lika upla nani ba kaikisna. Dus baku sa, sakuna witin nani wapisa.
25Jisas kli ai mihta ai nakra nani purara kahban, bara waitnika ba pain pali kaikan, diara sut ba latan pali kaiki kan. 26Jisas mita ai watla ra blikan wan, bara naku win:
—Kli tawan ra tawi balpara.
Pita latan wisa Jisas ba Kraist sa
(Mt 16.13-20; Lk 9.18-21)
27Naha ningkara, Jisas ai disaipilka nani aikuki Sesaria, Pilipai tawanka sirpi nani ra wan. Bara yabal lilara Jisas ai disaipilka nani ra makabi walan:
—¿Upla nani yang ba ya sna wisa?
28Witin nani bila:
—Tila nani bila man ba Jan Tatahbra wisa, wala nani bila Ilayas, wala nani bila man ba prapit nani wina kum sma.#Mk 6.14-15; Lk 9.7-8; Ecl 48.4.
29Bara witin nani ra makabi walan:
—¿Bara man nani, yang na ya sna ai wisma ki?
Bara Pita win:
—Man lika Misaya.#Jn 6.68-69.
30Sakuna Jisas adar yaban upla kumi ra sin wibia apia.
Jisas ai pruanka dukiara aisisa
(Mt 16.21-28; Lk 9.22-27)
31Bara Jisas mahka smalkan, Upla Luhpia Waitna ba pât kasak wahwaia sa, upla bara almuk nani mita, prîs nani, bara Lâ Smasmalkra nani mita sin lulkan kabia. Witin ra ikbia, sakuna yu yumhpa ra kli bubia. 32Naha na latan pali aisin. Bara Pita mita Jisas ba plis tnaya ra saki bri si, lawi daukan. 33Sakuna Jisas kir tawi ai disaipilka nani ra kaiki, bara Pita ra lawi dauki, aisin:
—¡Yang wina taki was, Sitan! Kan lukankam ba Gâd lukanka baku apia sa, sakuna upla lukanka ba brisma.
34Bara Jisas ai disaipilka nani ra bara upla nani ra sin wini, naku win:
—Ya ya yang nini blikan dauki kaka, ai wîna ba kulkbia apia, bara ai dusa prihni ba brih, nini blîkbia.#Mt 10.38; Lk 14.27; Jn 12.24. 35Kan ya ya ai rayaka swaki sakaia lukbia ba, baha lika tikbia. Sakuna ya ya yang tâiwan, bara smalkanki yamni ba tâwan sin ai rayaka tikbia kaka, witin lika swaki sâkbia.#Mt 10.39; Lk 17.33; Jn 12.25. 36¿Bamna dîa mapara hilp sa upla kum tasba aiska na saki bribia, sakuna ai sulka ba tikbia kaka? 37¿Upla ba kli ai rayaka briaia dukiara, nahki mana aibapaia sip sa ki? 38Ya ya yang dukira, smalkanki yamni ba dukiara sin, naha piua uplika lukras bara saura nani na mawanra ai swira lukbia kaka, Upla Luhpia Waitna sna na sin, witin nani dukiara swiri lukamna, Aisiki prana ra insal holikira nani aikuki balamna piua ra.
Currently Selected:
Mark 8: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
Mark 8
8
Jisas bui upla 4,000 plun dakakisa
(Mt 15.32-39)
1Baha piua ra upla ailal pali asla takan, sakuna plun piaia diara âpu kan. Bara Jisas ai disaipilka nani ra wini, naku win:
2—Naha uplika nani dukiara sari lukisna, kan pat yu yumhpa yang wal nâra sa, witin nani diara piaia sin âpu sa. 3Ai watla nani ra plun piras blikamna kaka, yabal ra plun bla prubia, kan tila nani ba laih pali wina balan bamna.
4Ai disaipilka nani pana witin ra win:
—¿Bara ani wina plun dakakbia ki, naha pliska ra upla kum sin iwras sa bamna?
5Jisas witin nani ra makabi walan:
—¿Man nani brit nahki brisma?
Bara witin nani bila:
—Brit 7.
6Bara Jisas mita adar yan upla nani sut tasba ra iwbia, bara ai mihta ra brit 7 ba brih, Gâd ra tingki win. Ningkara kriki ai disaipilka nani ra yan, bara witin nani bui upla nani ra yuan. 7Inska nani sin bri kan, bara Jisas yamni muni yuaia blikan. 8Sut pih ai âuyapah takan. Bara kau yuyaka kriwan nani ba wahbi baskit 7 banhkan. 9Uplika nani pin ba 4,000 prais kan. Bara Jisas mita baha nani ba mahka blikan wan. 10Bara mahka duri ra ai disaipilka nani wal aimaki, Dalmanuta tasbaya ra wan.
Parisi nani sain aihka kum makabisa
(Mt 16.1-4; Lk 12.54-56)
11Bamna parisi nani bal, Jisas wal mahka aisi blahwan. Bara ai traika kaiki, makaban kasbrika purara ba wina sain aihka kum marikbia.#Mt 12.38; Lk 11.16. 12Jisas ai wingka karna aubi puhbi, naku win:
—¿Dîa kan naha uplika nani sain aihka kum makabisa?#Mt 12.39; Lk 11.29. Kasak pali mai wisni: Sain kum sin naha uplika nani ra yan kabia apia.
13Bara baha nani swi si duri ra kli aimaki, lakun baila wala ra wan.
Parisi nani îska ba
(Mt 16.5-12)
14Witin nani ai âuya tiwan piaia dukia wirâ brih waia, kan brit kumi baman baha dwarka bilara bri kan. 15Bara Jisas karna aisi smalkan:
—Kaiks, damra wals parisi nani îska ba,#Lk 12.1. Herod îska dukiara sin.
16Bara disaipil nani pana pana naku aisi kan:
—Yawan brit âpu sika.
17Jisas baha walan, bara naku win:
—¿Man nani dîa muni brit âpu wisma? ¿Kau kaikras sma, tânka sin pain briras sma ki? ¿Kupiam ban karna sa ki? 18¿Namkra ni kaikras, kiamam ni sin walras ki?#Jir 5.21; Isi 12.2; Mk 4.12. ¿Kupiam kraukras ki? 19Yang brit matsip kriki upla 5,000 ra yuatna ba ningkara, ¿baskit nahki prais brit yuyaka nani banhkram ki?
Witin nani bila:
—12.
20—Bara brit 7 kriki 4,000 ra yuatna ba ra, ¿baskit nahki prais wahbi banhkram?
Witin nani bila:
—7.
21Bara Jisas bila:
—¿Kau man nani tânka briras sma ki?
Jisas bui Betsaida waitna blain kum ra rakisa
22Witin nani Betsaida ra wan, upla nani mita waitna blain kum Jisas ra brih balan, bara witin ra makaban ai mihta ni kangbia. 23Jisas waitna blain ba mihta ra alki, tawan wina brih sakan. Yabalaya ai nakra ra yuki, ai mihta purara kahbi, makabi walan diara kaikaia sip sa sapa. 24Blain ba mahka kaikan, bara naku win:
—Yang lika upla nani ba kaikisna. Dus baku sa, sakuna witin nani wapisa.
25Jisas kli ai mihta ai nakra nani purara kahban, bara waitnika ba pain pali kaikan, diara sut ba latan pali kaiki kan. 26Jisas mita ai watla ra blikan wan, bara naku win:
—Kli tawan ra tawi balpara.
Pita latan wisa Jisas ba Kraist sa
(Mt 16.13-20; Lk 9.18-21)
27Naha ningkara, Jisas ai disaipilka nani aikuki Sesaria, Pilipai tawanka sirpi nani ra wan. Bara yabal lilara Jisas ai disaipilka nani ra makabi walan:
—¿Upla nani yang ba ya sna wisa?
28Witin nani bila:
—Tila nani bila man ba Jan Tatahbra wisa, wala nani bila Ilayas, wala nani bila man ba prapit nani wina kum sma.#Mk 6.14-15; Lk 9.7-8; Ecl 48.4.
29Bara witin nani ra makabi walan:
—¿Bara man nani, yang na ya sna ai wisma ki?
Bara Pita win:
—Man lika Misaya.#Jn 6.68-69.
30Sakuna Jisas adar yaban upla kumi ra sin wibia apia.
Jisas ai pruanka dukiara aisisa
(Mt 16.21-28; Lk 9.22-27)
31Bara Jisas mahka smalkan, Upla Luhpia Waitna ba pât kasak wahwaia sa, upla bara almuk nani mita, prîs nani, bara Lâ Smasmalkra nani mita sin lulkan kabia. Witin ra ikbia, sakuna yu yumhpa ra kli bubia. 32Naha na latan pali aisin. Bara Pita mita Jisas ba plis tnaya ra saki bri si, lawi daukan. 33Sakuna Jisas kir tawi ai disaipilka nani ra kaiki, bara Pita ra lawi dauki, aisin:
—¡Yang wina taki was, Sitan! Kan lukankam ba Gâd lukanka baku apia sa, sakuna upla lukanka ba brisma.
34Bara Jisas ai disaipilka nani ra bara upla nani ra sin wini, naku win:
—Ya ya yang nini blikan dauki kaka, ai wîna ba kulkbia apia, bara ai dusa prihni ba brih, nini blîkbia.#Mt 10.38; Lk 14.27; Jn 12.24. 35Kan ya ya ai rayaka swaki sakaia lukbia ba, baha lika tikbia. Sakuna ya ya yang tâiwan, bara smalkanki yamni ba tâwan sin ai rayaka tikbia kaka, witin lika swaki sâkbia.#Mt 10.39; Lk 17.33; Jn 12.25. 36¿Bamna dîa mapara hilp sa upla kum tasba aiska na saki bribia, sakuna ai sulka ba tikbia kaka? 37¿Upla ba kli ai rayaka briaia dukiara, nahki mana aibapaia sip sa ki? 38Ya ya yang dukira, smalkanki yamni ba dukiara sin, naha piua uplika lukras bara saura nani na mawanra ai swira lukbia kaka, Upla Luhpia Waitna sna na sin, witin nani dukiara swiri lukamna, Aisiki prana ra insal holikira nani aikuki balamna piua ra.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua