Matiu 16
16
Parisi nani bara sadiusi nani sain aihka kum makabisa
(Mk 8.11-13; Lk 12.54-56)
1Parisi nani bara sadiusi nani sin Jisas ra kaikaia wan; bara traika kaiki muni, witin ra makaban kasbrika purara ba wina sain aihka kum witin nani ra marikbia.#Mt 12.38; Lk 11.16.
2Sakuna baha nani ra win: “Tutni piua, man nani naku wisma: ‘Kasbrika ba pauni sa bamna, yawan piu pain bri kabia’; 3bara titan piua, man nani wisma: ‘Naiwa piu saura kabia, kan kasbrika ba pauni bara tihmu bri bamna.’ Man nani ba kasbrika nani wina tânka laki kaiki wiaia sip sma kaka, ¿nahki kan naha piua sainka nani ba tânka pliki saki wiras sma ba? 4Naha uplika watawikira nani kasakka lâka briras ba, sain aihka kum makabisa;#Mt 12.39; Lk 11.29. sakuna witin nani ra sain kumi sin marikbia apia, sakuna Jona sainka ba baman lika.”
Bara Jisas baha nani swi si, mahka wan.
Parisi nani îska ba
(Mk 8.14-21)
5Disaipil nani lakun baila wala ra luan ba ra, brit brih waia kan ba âuya tiwan. 6Bara Jisas mita witin nani ra win:
—Aman kaiks, parisi nani bara sadiusi nani îska ba dukiara pain damra wali bas.#Lk 12.1.
7Bamna disaipil nani ba ai mânka pana pana aisi kaiki kan:
—Witin baha wisa yawan brit bri balras kan ba mita.
8Jisas baha walan, bara witin nani ra win:
—¿Dîa kan man nani brit âpu wisma? Man nani kasak lukan lâka sirpi brisma. 9¿Man nani kau tânka briras, kupiam sin kraukras ki upla 5,000 ra brit matsip yuatna ba,#Mt 14.17-21. bara kau baskit nani nahki wahbatma ba sin? 10¿Bara brit 7 ni waitna 4,000 tilara yuatna ba,#Mt 15.34-38. bara kau baskit nani nahki wahbatma ba sin kupiam kraukras ki? 11¿Nahki kan man nani tânka briras kapram, yang bui man nani ra brit dukiara lika mai aisaras kapri ba? Parisi nani bara sadiusi nani îska ba dukiara pain damra wali bas.
12Ba kat lika disaipil nani tânka brin, Jisas bui brit ra îs mangki ba dukiara lika aisaras kan, sakuna parisi nani bara sadiusi nani smalkanka dukiara aisi kan.
Pita param aisisa Jisas lika Misaya sa
(Mk 8.27-30; Lk 9.18-21)
13Jisas ba Sesaria Pilipai tasbaya ra balan ba ra, ai disaipilka nani ra makabi walan:
—¿Yang, Upla Luhpia Waitna na, upla nani ya sna ai wisa?
14Witin nani bila:
—Kum kum bila man ba Jan Tatahbra, wala nani bîla Ilayas, wala nani bila lika man ba Jirimaya, apia kaka prapit wala kum.#Mt 14.1-2; Mk 6.14-15; Lk 9.7-8; Ecl 48.4,10.
15Bara Jisas mita win:
—Bara man nani, ¿yang na ya sna ai wisma ki?
16Saiman Pita bila:
—Man ba Misaya, Gâd rayakira ba Luhpia.#Jn 6.68-69.
17Bara Jisas witin ra win:
—Man ba yamni pali sma, Saiman, Jona luhpia, kan naha na Aisiki kasbrika purara ba mamrikan sa, upla kumi mita lika apia. 18Bara yang mai wisna: Man ba Pita, baha tânka lika “walpa”, bara naha walpaya purara sertski mâkamna, bara prura karnika pali mita sin pura lubia apia. 19Kasbrika purara ba Kingka lâka kî mihta ba maikamna; dîa dîa naha tasba ra wilkma ba, kasbrika purara ba sin wilkan kabia; bara dîa naha tasba ra lanhkma ba, kasbrika purara ba sin lanhkan kabia.#Mt 18.18; Jn 20.23.
20Bara Jisas ai disaipilka nani ra adar yan upla kumi ra sin wibia apia witin ba Kraist sa.
Jisas ai pruanka dukiara aisisa
(Mk 8.31—9.1; Lk 9.22-27)
21Baha piua wina Jisas ai disaipilka nani ra mahka smalkan, witin ba Jerusalem ra waia kabia, bara wihta almuk nani, prîs wihtka nani bara Lâ Smasmalkra nani sut mita munka kasak pât wauhbia. Bara sin win witin ra ikbia, sakuna yu yumhpa ra kli bukan kabia. 22Bara Pita mita Jisas ba tnaya ra saki, lawi dauki, win:
—¡Dawan, Gâd baku lika sip daukbia apia! ¡Mampara sip baku takbia apia!
23Sakuna Jisas kir tawi, Pita ra win:
—¡Sitan, yang wina taki was, kan yang maipara mini batakaika pali sma! Man ba upla nani baku lukisma, Gâd luki baku lika apia.
24Bara Jisas ai disaipilka nani ra win:
—Ya yang nini blikan dauki kaka, witin ai wîna ba kulkaia apia sa, bara ai dusa prihni ba brih, nini blîkbia.#Mt 10.38; Lk 14.27; Jn 12.24. 25Bamna ya ya ai rayaka swaki sakaia lukbia ba, witin lika baha ba tikbia; sakuna ya yang tâiwan ai rayaka tikbia kaka, baha ba kli bribia.#Mt 10.39; Lk 17.33; Jn 12.25. 26¿Bamna upla mapara dîa hilp kabia ki tasba aiska na bribia, sakuna ai sulka ba tikbia kaka? ¿Upla ba ai sulka mana nahki aibapaia sip sa ki? 27Kan Upla Luhpia Waitna ba ai Aisika prana ra ai insalka nani kira balbia ba ra,#Mt 25.31. upla bani ra dîa daukan ba mana aibapbia.#Law 62.11-12; S L 24.12; Jir 17.10; Isi 18.30; 33.20; Ro 2.6. 28Kasak pali man nani ra mai wisna, nahara upla kum kum na lika prubia apia, Upla Luhpia Waitna ai prana wal balbia ba witin nani kaiki banhbia kat.
Currently Selected:
Matiu 16: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
Matiu 16
16
Parisi nani bara sadiusi nani sain aihka kum makabisa
(Mk 8.11-13; Lk 12.54-56)
1Parisi nani bara sadiusi nani sin Jisas ra kaikaia wan; bara traika kaiki muni, witin ra makaban kasbrika purara ba wina sain aihka kum witin nani ra marikbia.#Mt 12.38; Lk 11.16.
2Sakuna baha nani ra win: “Tutni piua, man nani naku wisma: ‘Kasbrika ba pauni sa bamna, yawan piu pain bri kabia’; 3bara titan piua, man nani wisma: ‘Naiwa piu saura kabia, kan kasbrika ba pauni bara tihmu bri bamna.’ Man nani ba kasbrika nani wina tânka laki kaiki wiaia sip sma kaka, ¿nahki kan naha piua sainka nani ba tânka pliki saki wiras sma ba? 4Naha uplika watawikira nani kasakka lâka briras ba, sain aihka kum makabisa;#Mt 12.39; Lk 11.29. sakuna witin nani ra sain kumi sin marikbia apia, sakuna Jona sainka ba baman lika.”
Bara Jisas baha nani swi si, mahka wan.
Parisi nani îska ba
(Mk 8.14-21)
5Disaipil nani lakun baila wala ra luan ba ra, brit brih waia kan ba âuya tiwan. 6Bara Jisas mita witin nani ra win:
—Aman kaiks, parisi nani bara sadiusi nani îska ba dukiara pain damra wali bas.#Lk 12.1.
7Bamna disaipil nani ba ai mânka pana pana aisi kaiki kan:
—Witin baha wisa yawan brit bri balras kan ba mita.
8Jisas baha walan, bara witin nani ra win:
—¿Dîa kan man nani brit âpu wisma? Man nani kasak lukan lâka sirpi brisma. 9¿Man nani kau tânka briras, kupiam sin kraukras ki upla 5,000 ra brit matsip yuatna ba,#Mt 14.17-21. bara kau baskit nani nahki wahbatma ba sin? 10¿Bara brit 7 ni waitna 4,000 tilara yuatna ba,#Mt 15.34-38. bara kau baskit nani nahki wahbatma ba sin kupiam kraukras ki? 11¿Nahki kan man nani tânka briras kapram, yang bui man nani ra brit dukiara lika mai aisaras kapri ba? Parisi nani bara sadiusi nani îska ba dukiara pain damra wali bas.
12Ba kat lika disaipil nani tânka brin, Jisas bui brit ra îs mangki ba dukiara lika aisaras kan, sakuna parisi nani bara sadiusi nani smalkanka dukiara aisi kan.
Pita param aisisa Jisas lika Misaya sa
(Mk 8.27-30; Lk 9.18-21)
13Jisas ba Sesaria Pilipai tasbaya ra balan ba ra, ai disaipilka nani ra makabi walan:
—¿Yang, Upla Luhpia Waitna na, upla nani ya sna ai wisa?
14Witin nani bila:
—Kum kum bila man ba Jan Tatahbra, wala nani bîla Ilayas, wala nani bila lika man ba Jirimaya, apia kaka prapit wala kum.#Mt 14.1-2; Mk 6.14-15; Lk 9.7-8; Ecl 48.4,10.
15Bara Jisas mita win:
—Bara man nani, ¿yang na ya sna ai wisma ki?
16Saiman Pita bila:
—Man ba Misaya, Gâd rayakira ba Luhpia.#Jn 6.68-69.
17Bara Jisas witin ra win:
—Man ba yamni pali sma, Saiman, Jona luhpia, kan naha na Aisiki kasbrika purara ba mamrikan sa, upla kumi mita lika apia. 18Bara yang mai wisna: Man ba Pita, baha tânka lika “walpa”, bara naha walpaya purara sertski mâkamna, bara prura karnika pali mita sin pura lubia apia. 19Kasbrika purara ba Kingka lâka kî mihta ba maikamna; dîa dîa naha tasba ra wilkma ba, kasbrika purara ba sin wilkan kabia; bara dîa naha tasba ra lanhkma ba, kasbrika purara ba sin lanhkan kabia.#Mt 18.18; Jn 20.23.
20Bara Jisas ai disaipilka nani ra adar yan upla kumi ra sin wibia apia witin ba Kraist sa.
Jisas ai pruanka dukiara aisisa
(Mk 8.31—9.1; Lk 9.22-27)
21Baha piua wina Jisas ai disaipilka nani ra mahka smalkan, witin ba Jerusalem ra waia kabia, bara wihta almuk nani, prîs wihtka nani bara Lâ Smasmalkra nani sut mita munka kasak pât wauhbia. Bara sin win witin ra ikbia, sakuna yu yumhpa ra kli bukan kabia. 22Bara Pita mita Jisas ba tnaya ra saki, lawi dauki, win:
—¡Dawan, Gâd baku lika sip daukbia apia! ¡Mampara sip baku takbia apia!
23Sakuna Jisas kir tawi, Pita ra win:
—¡Sitan, yang wina taki was, kan yang maipara mini batakaika pali sma! Man ba upla nani baku lukisma, Gâd luki baku lika apia.
24Bara Jisas ai disaipilka nani ra win:
—Ya yang nini blikan dauki kaka, witin ai wîna ba kulkaia apia sa, bara ai dusa prihni ba brih, nini blîkbia.#Mt 10.38; Lk 14.27; Jn 12.24. 25Bamna ya ya ai rayaka swaki sakaia lukbia ba, witin lika baha ba tikbia; sakuna ya yang tâiwan ai rayaka tikbia kaka, baha ba kli bribia.#Mt 10.39; Lk 17.33; Jn 12.25. 26¿Bamna upla mapara dîa hilp kabia ki tasba aiska na bribia, sakuna ai sulka ba tikbia kaka? ¿Upla ba ai sulka mana nahki aibapaia sip sa ki? 27Kan Upla Luhpia Waitna ba ai Aisika prana ra ai insalka nani kira balbia ba ra,#Mt 25.31. upla bani ra dîa daukan ba mana aibapbia.#Law 62.11-12; S L 24.12; Jir 17.10; Isi 18.30; 33.20; Ro 2.6. 28Kasak pali man nani ra mai wisna, nahara upla kum kum na lika prubia apia, Upla Luhpia Waitna ai prana wal balbia ba witin nani kaiki banhbia kat.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua