Hibru Nani 7
7
Jisas, Melkisedek baku prîs kum
1Naha Melkisedek na, Salem kingka kan bara Gâd Laih Purara iwi ba prîska kan. Ebraham ba war aiklabi king nani iki tiki si kli tawi aula kan ba ra, Melkisedek taki wih witin wal prawi, yamni munan. 2Ebraham mita war aiklabi diara nani dakbi brin ba matawalsip bani wina kumi ba, witin ra yan.#Bla St 14.17-20. Melkisedek nina tânka pas ba lika “king kasakkira”; bara witin Salem kingka kan ba mita, ai nina tânka ba sin “kupia kumi lâka kingka”. Salem tânka ba “kupia kumi lâka” sa. 3Witin ba aisikas, yaptikas bara ya kiamka sapa sin upla kaikras ban takisa; ahkia aisubi takan bara ahkia pruan sapa sin upla tânka kaikras. Witin ba lika Gâd Luhpia wal baku sa: witin ba prîs aimaki ban sa, ban kaia ra.
4Baku bamna, ¡man nani kaiks, nahki witin lika upla tara pali kan ba! Ebraham wan damika ba mita war aiklabi king nani wina diara win takan ba matawalsip bani wina kumi ba witin ra yaban. 5Libai kiamka prîs nani ba, Moses lâka ba kat adar brisa, upla nani diara bri ba wina matawalsip bani wina kumi ba briaia, bara baha kat sika witin ai taika nani wina saki ba,#Kul K 18.21. witin nani wal baku Ebraham kiamka nani sa sakuna. 6Melkisedek ba Libai kiamka apia kan, sakuna Ebraham wina matawalsip mânka wina kumi ba saki muni, witinka Gâd pramiska nani saki kan. Baku Melkisedek ba Ebraham ra yamni munan; 7bara upla kumi sin naha tânka mapara sip aisaras sa: yamni muni uplika ba wih yamni bri ba wal, yamni muni ba kau tara sa. 8Nahara yawan tilara, matawalsip mânka wina kumi saki bri uplika ba lika prui uplika nani sa; sakuna Melkisedek mapa ra lika, Ulbanka ra upla kum ban raya iwi baku dukiara aisisa. 9Bara sip sa wiaia, Ebraham ba matawalsip mânka wina kumi prais ba aibapan ba ra, Libai bara ai kiamka prîs nani ba sut sin Melkisedek ra aibapan, witinka nani nanara matawalsip mânka wina kumi saki yabi ba. 10Kan Libai pali ba kau aisubi takras kan, sakuna sip sa wiaia, witin ba ai damika Ebraham wîna tara ra kan, Melkisedek witin wal wih prawan bamna.
11Israel nisanka ba, Libai prîska nani bâk Moses lâka ba brin, witinka nani Eran kiamka kan ba. Ban kaka, naha nani ba baha lâka nina bliki nani kan bara kasak aihwa daukaia sip kan kaka, prîs wala bal takaia want apia kan, witin ba Melkisedek prîska lâka baku wina, kuna Eran sâtka lika apia. 12Kan prîs nani lâka ba aihka lakan sa kaka, lâ ba sin aihka lakaia sa. 13Bara wan Dawan, witinka dukiara Ulbanka ra naha dukia aisi na, Israel taika wala wina sa; bara baha taika wina kau upla kumi sin prîs aimakras sa. 14Upla sut kaikisa, wan Dawan ba Juda taika wina takan, bara Moses ba prîs nani dukiara aisin ba ra, naha taika dukiara diara kum pan aisaras kata.
15Bara tânka na kau param takisa; prîs raya kum bal takan sa, bara witin ba Melkisedek wal baku sa. 16Witin ba lika upla nani lâka bara kulkanka nani wina sin prîs takras; witin ba sip sauhki tikras rayaka karnika mita prîs aimakan. 17Kan Ulbanka ra Gâd ba naku wisa:
“Man ba ban kaia ra prîs kama,
Melkisedek prîska lâka ba baku.”#Law 110.4.
18Baku bamna, lâ bîla almuk kata ba tnaya ra laki swin sa, baha ba uya swapni bara upla ra sin hilp yaras kan ba mita. 19Kan Moses lâka ba mita diara kumi sin sip aiska aihwa pali daukras kata. Bara nanara baha watlika ra, yawan diara bîla kaikaia lâka kau pain kum brisa, bara baha bâk yawan lika Gâd lamara aula.
20Naha na Gâd swer taki pali aisi daukan. Wala nani ba prîs mangkan ba ra, swer takan lâka âpu daukan. 21Sakuna Jisas lika swer taki prîs mangkan sa, kan Ulbanka ra Gâd mita witin ra wisata:
“Dawan swer taki aisin,
bara witin ai lukanka ba lakbia apia:
‘Man ba ban kaia ra prîs kama.’ ”#Law 110.4.
22Baha mita, Jisas bui sika lâ daukan wala kum dauki raitka yabi ba. 23Prîs wala nani ba ailal kata, kan witin nani ba pruan bara ai warkka ba sip ban daukras kan. 24Sakuna Jisas lika pruras raya ban sa, bara witin prîs warkka dauki ba upla wala ra laki yabras sa. 25Baha mita, nanara bara ban kaia ra, witin bâk Gâd lamara wi nani ba ra witin mita swaki sakaia sip sa, kan witin ba ban kaia ra raya iwisa, witin nani tâwan Gâd ra makabaia dukiara.
26Baku bamna, Jisas sika prîs tara yawan want kan ba. Witin ba holikira sa, pât kumi sin âpu, saurka kumi sin daukras; witin ba upla saurakira nani wina tnaya ra sakan sa, bara kasbrika purara nani purkara bukan sa. 27Witin ba prîs tara wala nani baku apia sa; witin ba yu bani daiwan nani iki sakripais dauki yabaia want apia sa, ai saurka nani dukiara pas, bara baha ningkara upla wala nani saurka nani dukiara.#Lib 9.7. Witin aima kumi baman sakripais daukan, baha sika witin ai wîna tara yaban ba. 28Moses lâka ba upla kasak aihwa apia nani ba prîs tara mangkisa; sakuna Gâd swer taki aisin bîla, lâ ningkara takan ba ai Luhpia ba prîs tara mangkisa, witinka ban kaia ra aiska aihwa daukan ba.
Currently Selected:
Hibru Nani 7: MSKTU
Highlight
Copy
Compare
Share
Want to have your highlights saved across all your devices? Sign up or sign in
© 2010 Bible Society in Nicaragua
Hibru Nani 7
7
Jisas, Melkisedek baku prîs kum
1Naha Melkisedek na, Salem kingka kan bara Gâd Laih Purara iwi ba prîska kan. Ebraham ba war aiklabi king nani iki tiki si kli tawi aula kan ba ra, Melkisedek taki wih witin wal prawi, yamni munan. 2Ebraham mita war aiklabi diara nani dakbi brin ba matawalsip bani wina kumi ba, witin ra yan.#Bla St 14.17-20. Melkisedek nina tânka pas ba lika “king kasakkira”; bara witin Salem kingka kan ba mita, ai nina tânka ba sin “kupia kumi lâka kingka”. Salem tânka ba “kupia kumi lâka” sa. 3Witin ba aisikas, yaptikas bara ya kiamka sapa sin upla kaikras ban takisa; ahkia aisubi takan bara ahkia pruan sapa sin upla tânka kaikras. Witin ba lika Gâd Luhpia wal baku sa: witin ba prîs aimaki ban sa, ban kaia ra.
4Baku bamna, ¡man nani kaiks, nahki witin lika upla tara pali kan ba! Ebraham wan damika ba mita war aiklabi king nani wina diara win takan ba matawalsip bani wina kumi ba witin ra yaban. 5Libai kiamka prîs nani ba, Moses lâka ba kat adar brisa, upla nani diara bri ba wina matawalsip bani wina kumi ba briaia, bara baha kat sika witin ai taika nani wina saki ba,#Kul K 18.21. witin nani wal baku Ebraham kiamka nani sa sakuna. 6Melkisedek ba Libai kiamka apia kan, sakuna Ebraham wina matawalsip mânka wina kumi ba saki muni, witinka Gâd pramiska nani saki kan. Baku Melkisedek ba Ebraham ra yamni munan; 7bara upla kumi sin naha tânka mapara sip aisaras sa: yamni muni uplika ba wih yamni bri ba wal, yamni muni ba kau tara sa. 8Nahara yawan tilara, matawalsip mânka wina kumi saki bri uplika ba lika prui uplika nani sa; sakuna Melkisedek mapa ra lika, Ulbanka ra upla kum ban raya iwi baku dukiara aisisa. 9Bara sip sa wiaia, Ebraham ba matawalsip mânka wina kumi prais ba aibapan ba ra, Libai bara ai kiamka prîs nani ba sut sin Melkisedek ra aibapan, witinka nani nanara matawalsip mânka wina kumi saki yabi ba. 10Kan Libai pali ba kau aisubi takras kan, sakuna sip sa wiaia, witin ba ai damika Ebraham wîna tara ra kan, Melkisedek witin wal wih prawan bamna.
11Israel nisanka ba, Libai prîska nani bâk Moses lâka ba brin, witinka nani Eran kiamka kan ba. Ban kaka, naha nani ba baha lâka nina bliki nani kan bara kasak aihwa daukaia sip kan kaka, prîs wala bal takaia want apia kan, witin ba Melkisedek prîska lâka baku wina, kuna Eran sâtka lika apia. 12Kan prîs nani lâka ba aihka lakan sa kaka, lâ ba sin aihka lakaia sa. 13Bara wan Dawan, witinka dukiara Ulbanka ra naha dukia aisi na, Israel taika wala wina sa; bara baha taika wina kau upla kumi sin prîs aimakras sa. 14Upla sut kaikisa, wan Dawan ba Juda taika wina takan, bara Moses ba prîs nani dukiara aisin ba ra, naha taika dukiara diara kum pan aisaras kata.
15Bara tânka na kau param takisa; prîs raya kum bal takan sa, bara witin ba Melkisedek wal baku sa. 16Witin ba lika upla nani lâka bara kulkanka nani wina sin prîs takras; witin ba sip sauhki tikras rayaka karnika mita prîs aimakan. 17Kan Ulbanka ra Gâd ba naku wisa:
“Man ba ban kaia ra prîs kama,
Melkisedek prîska lâka ba baku.”#Law 110.4.
18Baku bamna, lâ bîla almuk kata ba tnaya ra laki swin sa, baha ba uya swapni bara upla ra sin hilp yaras kan ba mita. 19Kan Moses lâka ba mita diara kumi sin sip aiska aihwa pali daukras kata. Bara nanara baha watlika ra, yawan diara bîla kaikaia lâka kau pain kum brisa, bara baha bâk yawan lika Gâd lamara aula.
20Naha na Gâd swer taki pali aisi daukan. Wala nani ba prîs mangkan ba ra, swer takan lâka âpu daukan. 21Sakuna Jisas lika swer taki prîs mangkan sa, kan Ulbanka ra Gâd mita witin ra wisata:
“Dawan swer taki aisin,
bara witin ai lukanka ba lakbia apia:
‘Man ba ban kaia ra prîs kama.’ ”#Law 110.4.
22Baha mita, Jisas bui sika lâ daukan wala kum dauki raitka yabi ba. 23Prîs wala nani ba ailal kata, kan witin nani ba pruan bara ai warkka ba sip ban daukras kan. 24Sakuna Jisas lika pruras raya ban sa, bara witin prîs warkka dauki ba upla wala ra laki yabras sa. 25Baha mita, nanara bara ban kaia ra, witin bâk Gâd lamara wi nani ba ra witin mita swaki sakaia sip sa, kan witin ba ban kaia ra raya iwisa, witin nani tâwan Gâd ra makabaia dukiara.
26Baku bamna, Jisas sika prîs tara yawan want kan ba. Witin ba holikira sa, pât kumi sin âpu, saurka kumi sin daukras; witin ba upla saurakira nani wina tnaya ra sakan sa, bara kasbrika purara nani purkara bukan sa. 27Witin ba prîs tara wala nani baku apia sa; witin ba yu bani daiwan nani iki sakripais dauki yabaia want apia sa, ai saurka nani dukiara pas, bara baha ningkara upla wala nani saurka nani dukiara.#Lib 9.7. Witin aima kumi baman sakripais daukan, baha sika witin ai wîna tara yaban ba. 28Moses lâka ba upla kasak aihwa apia nani ba prîs tara mangkisa; sakuna Gâd swer taki aisin bîla, lâ ningkara takan ba ai Luhpia ba prîs tara mangkisa, witinka ban kaia ra aiska aihwa daukan ba.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2010 Bible Society in Nicaragua