Epesus 3
3
Pal bui sturi yamni Ju apia uplika nani ra smalkaia adarka brin ba
1Naha tâwan, yang Pal, Kraist Jisas tâwan silak ra sna, man nani Ju apia nani mampa ra pain kaia ba dukiara. 2Bamna man nani pat kaiki kaia sma, nahki Gâd ai latwan lâka bri ba mita, witin naha warkka na yang mihti ra aikan, man nani mampa ra pain kaia ba dukiara.#Kol 1.25. 3Gâd ai tânka dahra prakan ra bri kan ba param marikan,#Gal 1.12. yang pali ra sin aikan kaikri, pat bîla prahni mai ulbatna ba baku. 4Aisi kaikma bara man nani sip sma kaikaia, Kraist ra diara yukukan bâra ba yang kaikisna, 5piua luan ra diara kum yukukan ra kan, upla kumi ra sin baha dukia ba param saki marikras kan ba, sakuna naiwa lika Gâd Spiritka bâk, ai apastilka holikira nani ra bara ai prapitka nani sut ra param marikan. 6Naha sika diara yukukan ra kan ba: Swaki sakan lâka smalkanka bâk, Ju apia nani sin Ju nani wal baku, Gâd yamnika nani wina ai dukia bribia, kan sim wîna tara sirpika nani sa, bamna Gâd mita Kraist Jisas bâk, dîa pramis daukan ba wina sin ai dukia brisa.#Kol 1.26-27.
7Bamna yang na, Gâd ai uplika nani ra diara yaia win ba sturka yamni albika takri. Gâd naha na aikan, witin ai karnika tara wal wark dauki ba kat. 8Gâd uplika sirpi nani sut tilara, yang na kau sirpi pali sna;#2 Ko 15.9. sakuna Gâd mita ban adar aikan, Kraist yuyaka sip kulki sakras ba, Ju apia uplika nani ra smalkaia. 9Bara adar sin aikan upla sut yarka kaikbia, Gâd patitara piua wina diara yukuki bri kan ba dîa kata sapa, witinka sika diara nani sut paskan ba. 10Bamna baku takan, baha mita nanara serts bâk Gâd ai sinska lâka sât sât ba yaka param kaikbia, baha nani kasbrika purara tâ aimaki nani ba bara karnika alki nani ba sut. 11Gâd naha daukan, witin patitara piua ra ban kaia ra ba wina dîa daukaia luki kan ba, bara wan Dawan Jisas Kraist wal tnata kat daukan. 12Kraist bâk pri pali sa Gâd lamara yawan waia, witin ra kasak lukan lâka bri ba hilpka ra. 13Baha mita, mamkabisna man nani swapni nani kama apia, yang na man nani dukiamra pât wahwisna ba tâwan, kan naha na man nani mampa ra prana kum sa.
Kraist latwanka ba
14Baha tâwan Aisa mawanra luli krikisna, 15witinka ba wina upla sut kiamka ba ai nina brisa, kasbrika purara bara naha tasba ra sin. 16Aisa ra puri sunisna ai prana kukanka ba wina, Gâd ai Spiritka ba ni man nani ra karnikam bara dîa daukaia karnika sin maikbia, 17kasak lukisma ba mita, Kraist man nani kupiam ra iwi kabia, bara baku mika man nani latwan lâka wakia nani purara karna taki tihu pali bapram kabia, 18bara baku mika man nani pain tânkam brima lalukra nani sut aikuki, Kraist latwanka lâka yahpika ba, yarika ba, tihuka ba, purara ba. 19Bahamna, puri sunisna baha latwanka lâka tânka ba man nani brima, baha tânka ba kau tihu sa tânka wala sut kaikan wan dauki ba wal, bara baha mita Gâd latwanka lâka ni aibanhwan pali kama.
20Bara Gâd ra mayunan kabia, witin lika sip pali sa yawan dîa makabia ba bara wan kupia ra luki ba sut kau pura luki daukaia, ai karnika yawan ra wark dauki ba ni. 21¡Serts ra bara Kraist Jisas ra, Gâd ba mayunan kabia, piua nani sut ra, bara ban kaia ra ban kabia! Baku kabia.
Currently Selected:
Epesus 3: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
Epesus 3
3
Pal bui sturi yamni Ju apia uplika nani ra smalkaia adarka brin ba
1Naha tâwan, yang Pal, Kraist Jisas tâwan silak ra sna, man nani Ju apia nani mampa ra pain kaia ba dukiara. 2Bamna man nani pat kaiki kaia sma, nahki Gâd ai latwan lâka bri ba mita, witin naha warkka na yang mihti ra aikan, man nani mampa ra pain kaia ba dukiara.#Kol 1.25. 3Gâd ai tânka dahra prakan ra bri kan ba param marikan,#Gal 1.12. yang pali ra sin aikan kaikri, pat bîla prahni mai ulbatna ba baku. 4Aisi kaikma bara man nani sip sma kaikaia, Kraist ra diara yukukan bâra ba yang kaikisna, 5piua luan ra diara kum yukukan ra kan, upla kumi ra sin baha dukia ba param saki marikras kan ba, sakuna naiwa lika Gâd Spiritka bâk, ai apastilka holikira nani ra bara ai prapitka nani sut ra param marikan. 6Naha sika diara yukukan ra kan ba: Swaki sakan lâka smalkanka bâk, Ju apia nani sin Ju nani wal baku, Gâd yamnika nani wina ai dukia bribia, kan sim wîna tara sirpika nani sa, bamna Gâd mita Kraist Jisas bâk, dîa pramis daukan ba wina sin ai dukia brisa.#Kol 1.26-27.
7Bamna yang na, Gâd ai uplika nani ra diara yaia win ba sturka yamni albika takri. Gâd naha na aikan, witin ai karnika tara wal wark dauki ba kat. 8Gâd uplika sirpi nani sut tilara, yang na kau sirpi pali sna;#2 Ko 15.9. sakuna Gâd mita ban adar aikan, Kraist yuyaka sip kulki sakras ba, Ju apia uplika nani ra smalkaia. 9Bara adar sin aikan upla sut yarka kaikbia, Gâd patitara piua wina diara yukuki bri kan ba dîa kata sapa, witinka sika diara nani sut paskan ba. 10Bamna baku takan, baha mita nanara serts bâk Gâd ai sinska lâka sât sât ba yaka param kaikbia, baha nani kasbrika purara tâ aimaki nani ba bara karnika alki nani ba sut. 11Gâd naha daukan, witin patitara piua ra ban kaia ra ba wina dîa daukaia luki kan ba, bara wan Dawan Jisas Kraist wal tnata kat daukan. 12Kraist bâk pri pali sa Gâd lamara yawan waia, witin ra kasak lukan lâka bri ba hilpka ra. 13Baha mita, mamkabisna man nani swapni nani kama apia, yang na man nani dukiamra pât wahwisna ba tâwan, kan naha na man nani mampa ra prana kum sa.
Kraist latwanka ba
14Baha tâwan Aisa mawanra luli krikisna, 15witinka ba wina upla sut kiamka ba ai nina brisa, kasbrika purara bara naha tasba ra sin. 16Aisa ra puri sunisna ai prana kukanka ba wina, Gâd ai Spiritka ba ni man nani ra karnikam bara dîa daukaia karnika sin maikbia, 17kasak lukisma ba mita, Kraist man nani kupiam ra iwi kabia, bara baku mika man nani latwan lâka wakia nani purara karna taki tihu pali bapram kabia, 18bara baku mika man nani pain tânkam brima lalukra nani sut aikuki, Kraist latwanka lâka yahpika ba, yarika ba, tihuka ba, purara ba. 19Bahamna, puri sunisna baha latwanka lâka tânka ba man nani brima, baha tânka ba kau tihu sa tânka wala sut kaikan wan dauki ba wal, bara baha mita Gâd latwanka lâka ni aibanhwan pali kama.
20Bara Gâd ra mayunan kabia, witin lika sip pali sa yawan dîa makabia ba bara wan kupia ra luki ba sut kau pura luki daukaia, ai karnika yawan ra wark dauki ba ni. 21¡Serts ra bara Kraist Jisas ra, Gâd ba mayunan kabia, piua nani sut ra, bara ban kaia ra ban kabia! Baku kabia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua