1 Jan 1
1
Raya kaia bîla ba
1Diara nani sut mahka tâ krikan piua ra pat paskan bâra kan ba dukiara man nani ra ulbisna,#Jn 1.1; 1 Jn 2.13,14. yang nani kiaima ni dîa walri ba bara naikra ni dîa kaikri ba. Kan yang nani naikra pali ni kaikri bara mihti pali ni sin alki banhri. Baha sika Raya kaia Bîla ba.#Jn 1.1,4; 6.68. 2Naha Rayaka na latan takan bara yang nani kaikri,#Jn 1.14,18. witniska sin aisari. Man nani ra yang nani mai smalkisna naha raya ban kaia lâka na dukiara, witinka Aisa wal kan bara yawan ra param takan ba tânka nani. 3Bamna dîa yang nani kaikri bara walri ba, baha tânka man nani ra param saki aisisna, baha mita man nani lika yang nani wal asla kama, sim yang nani kasak pali Gâd Aisa bara ai Luhpia Jisas Kraist wal asla sna ba baku. 4Baku bamna, sturka nani na mai ulbisna, lilia lâka brisma ba, aiska pali takbia dukiara.
Gâd ba ingni sa
5Naha smalkanka sika Jisas Kraist mita yang nani ra mairikan, bara pana man nani ra mai smalkisna ba: Gâd ba ingni bara witin ra tihmia tânka kumi sin âpu sa. 6Yawan lika Gâd wal asla sa wisi aisi kabia kuna tihmia ra ban takaskisa kaka, yawan lika dîa aisi ba bara dîa dauki ba sut mapara kunin aisisa. 7Sakuna yawan ingni ra takaskisa kaka, sim Gâd ingni ra ba baku, yawan lika pana pana wan walka wal asla pali sa, bara Gâd Luhpia Jisas Kraist tâlia mita, wan saurka nani sut wina klin wan sakan sa.
8Yawan ba saurka kumi sin âpu sa wibia kaka, wan lukanka ra kunin munisa, bara diara kasak ba kumi sin yawan ra âpu sa. 9Sakuna Gâd ra wan saurka nani dahra sâkbia kaka, yawan sip sa kasak luki kaia, diara kasak ba witin daukbia; wan saurka nani sut swih tikbia, bara wan watawanka lâka sut ba wina sikbi klin wan sâkbia. 10Sakuna yawan saura yaras wibia kaka, Gâd ba kuninkira sakisa, bara yawan lika witin smalkanka bîla ba kasak pali alki brih daukras sa.#S L 20.9.
Currently Selected:
1 Jan 1: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua