ရှာန်လုကာ 21
21
အခန်း (၂၁)
မုဆိုးမဘင်းအလှူ
(ရှာန်မာကု ၁၂:၄၁-၄၄)
1ကိုယ်တော်ယေရှုယောက် တပယ့်တော်တာတ်ကား ဗိမာန်တော်ဝါမ်းနောင်းဘေ ငှါနင်းမှါခ့်ခါ ကိုယ်တော်ကား အန်းပါအောပါယူဝါမ်မှါခ့်ခါ ဆွာမ်းဘင်းဆိတ်တာတ်ကား ဗိမာန်တော်ဝါမ်းနောင်းဘင်း အလှူခံသေတ္တာနောင်းဘေ အလှူစါန်းဘန်းနင်းကြီဘင်းနာတေ ကတုံန်ရာန်မှာ။ 2ဆာန်းရဲသဘင်း မုဆိုးမဟော်ဝါရီးဒါး တန်ဖိုးစစ်ပင်း ဖူးကလိန်းပါတ်တေ အလှူခံသေတ္တာနောင်းဘေ စါန်းဘန်းနင်းဘင်းနာတေ ကတုံန်မှာ။ 3အန်၌မှါခ့်ခါ ကိုယ်တော်ကား “ဟနိမ်တေ ငါချီလားတေငှေါကူ။ ဆာန်းရဲသဘင်းမုဆိုးမကား တခြားသမီတေထာတ် ပိုသဘန်းလှူတာန်လားထှာမှာ။ 4ဟမာန်တွာတ်ငှေါဘန်းတာတ်ငှေါ အန်ဘင်းဆွာမ်းဘင်းဆိတ်တာတ်ကား အန်တာတ်ပစ္စည်းဥစ္စာတေဘင်း အစစ်ဆာတေ၌ လှူသလားထှာမှာ။ အန်နိမ်စါန်းငှေါဒီ အဘင်းမုဆိုးမကား ဆာန်းရဲသဒီဒါး ဟိန်အဆာတ်စားဘန်းနင်းရန်ကွန်း လိုသနင်းဘန်း ဖူးဆွန်ကွန်းတေ လှူသလားထှာမှာ” ညယ် မိန့်တော်မူသမှာ။
ဗိမာန်တော်ပြတ်စီးသကူဘင်းနာတေကြိုသဘန်းမိန့်သဘင်း
(ရှာန်မဿဲ ၂၄:၁-၂။ ရှာန်မာကု ၁၃:၁-၂)
5စီးမှါခ့်ခါ ကိုယ်တော်ယေရှုဘင်း တပယ့်တော်စယ်ယာကား အကြီးကျယ်ကတန်ဘင်း လုံးကရှီတေယောက် ကတန်ဘန်းနင်းဘင်း ဗိမာန်တော်ကား ဟာနယ်တင့်တယ်သမှာငှေါဘင်းနာယောက် ဘုရားရှာန်ဒေ သမီဆတာတ်လှူသပဲဘင်း ပစ္စည်းတေရီးဒါး တင့်တယ်သမှာညယ် ငှေါဘန်းနင်းကြီးမှာ။ 6ကိုယ်တော်ကား “ဟနိမ်ကတုံန်လူနင်း အဘင်းနာယောက် ပတ်သက်သဘန်း ဟနိမ်တေ ငါငှေါကူ။ အန်ဘင်းတေကား လုံးကရှီ ဟုတ်အာယောက် ဟုတ်အာစဲ နဂိုနေရာဘေ တာန်သဘန်း အကျန်သလားထုတ် ဆွန်ကွန်း ဖြတ်ဆီးခံဒထှာကူဘင်းအချိန် ထုတ်အီကူ” ညယ် မိန့်သမှာ။
ကတုံန်ကြီထှာကူဘင်းအခက်ခဲတုံန်းတေ
(ရှာန်မဿဲ ၂၄:၃-၁၄။ ရှာန်မာကု ၁၃:၃-၁၃)
7အန်၌မှါခ့်ခါ တပယ့်တော်တာတ်ကား ကိုယ်တော်ဒေ “ကိုယ်တော်၊ အန်ဘင်းအဖြစ်ပျက်တေကား ဟာကားအချိန်ဘေထှာရီကူတေ။ အန်ဘင်းတေ ထှာရီကူဘင်းအချိန်မှါခ့်ခါ ဟမာန်နိမိတ်လက္ခာဏာတေ ပေါ်ဒီကူတေ” ညယ် စိန်ယူဘန်း လျှောက်တာန်သမှာ။
8ကိုယ်တော်ကား “ဟနိမ်ကား သမီပက်သလားဒေအခံသထှာကွန်း ဆတီးအွန်ကြီး။ ဟမာန်တွာတ်ငှေါဘန်းတာတ်ငှေါ သမီဆတာတ်ကား ငါနာမယ်တေနပ်ပန်း ‘ငါကား မေရှိယထှာမှာ’ ညယ်ယောက် ‘အချိန်ကား ထုတ်ပိန်’ ညယ် ငှေါကြီးကူ။ အန်နိမ်စါန်းငှေါဒီ အန်တာတ်တေ အယုံသကြီးဆာ။ 9ဟနိမ်ကား စစ်ပွဲတေယောက်၊ တော်လှန်ပုန်ကန်သဘင်း ဆတာန်းတေဒေသက်ပူမှါခ့်ခါ အစာတ်ကြီးဆာ။ အန်ဘင်းအဖြစ်အပျက်တေကား အရာန်ထှာရီကူထှာမှာ။ အန်နိမ်စါန်းငှေါဒီ ကမ္ဘာတုံန်း အဆုံးသတ်ကား ချတ်ချန်းထှာရီယုတ်ကလားအချီရား” ညယ်မိန့်တော်မူသမှာ။
10ကိုယ်တော်ကား ဆာတ်သဘန်း “သမီဆာတစ်မျိုးယောက် တစ်မျိုး၊ နိုင်ငံတစ်နိုင်ငံယောက်တစ်နိုင်ငံ စစ်ထှာကြီးကူ။ 11နေရာတိုင်းဘေ ကာငလျင်အွန်ဘင်းတေ၊ ယုတ်တင်အူဒင်တေ ခေါင်းပါးသဘင်းတေယောက် ကပ်ရောဂါတေ ထှာကြီးဆွန်နီကူ။ ဟမုခ်စောက်ပေရီး စါတ်ထာတ်မဲဘင်း နိမိတ်လက္ခဏာတေပေါ်ဒီကူ။
12အန်နိမ်စါန်းငှေါဒီ အန်ဘင်းနာတေအထှာကြီ သမီဆာတာတ်ကား ငါအတွာတ်ဟွန် ဟနိမ်တေရင်ဘန်း နှိပ်စါတ်သကြီးကူ။ ဟနိမ်တေ ဓမ္မာရုံဘေ စစ်ဆေးသဘန်းနာ အကျဉ်းချသဒင် ထောင်နောင်းဘေ ဆာတ်ကြီးကူထှာဘန်း ရှာန်းပလာန်တုံန်းတေယောက် ရှာန်းပလာန်ရှာတာတ်မန်းပါ ကော်ဘန်း စစ်ဆေးသလားတေ ခံသထှာကူ။ 13အန်နိမ်စါန်းငှေါဒီ အန်ဘင်းတေကား မာန်းဂလာဆတာန်းတေ ဟောသကာဒင် ဟနိမ်ဘင်း အခွာမ်းအရေးထှာရီကူ။ 14အမှာတွာတ် ဟနိမ်ကောတ်ဟနိမ် ကာကွယ်သဒင် ဟာနိမ် ပြန်သဘန်း ငှေါဟာန်းထှာကူ ငှေါဘင်းနာတေ အစာတ်ကြီးဆာ။ 15ဟမာန်အတွာတ်ငှေါဘန်းတာတ်ငှေါ ဟနိမ်ဘင်း ရန်သူဟော်ဝါစဲ ဟနိမ်တေ အဆန့်ကျင်သရန်ကွန်း ငှေါရန်ဘင်းအခွာမ်းယောက် ဉာဏ်ပညာတေ ဟနိမ်တေ ငါအီကူ။ 16ဟနိမ်ဘင်း အမယ်အဝါ၊ အမူးနရှီ၊ ဆွေမျိုးတေ၊ မိတ်ဆွေတေစဲဒါး ဟနိမ်တေ အာဏာငှါလားဆိတ်တာတ်ပါ အပ်သကူ။ အန်တာတ်ကား ဟနိမ်တေ သာန်းရှီးကြီးကူ။ 17ငါအတွာတ်ဟွန် သမီဆာ၌တိုင်းကား ဟနိမ်တေ ယူးနီကြီးကူ။ 18အန်နိမ်စါန်းငှေါဒီ ဟနိမ်ဟလာန်းစောက်ပင်း ဟလာန်းဟူးပယ်ယာစဲ ပြတ်စီးသကလားအချီရား။ 19ဟနိမ်ကား ငါစောက်ပေယုံကြည်သဘန်း အသစ္စာအပြတ်သဘန်းကား ဘုရားရှာန်ကား ဟနိမ်တေ ဟာ၌မှါခ့်ခါစဲ အရှီးဘင်း အဆာတ်တေ အီကူ” ညယ်မိန့်တော်မူသမှာ။
ဂျေရုဆလင်မြို့ပြတ်စီးသကူဘင်းအကြောင်း
(ရှာန်မဿဲ ၂၄:၁၅-၂၁။ ရှာန်မာကု ၁၃:၁၄-၁၉)
20စီးမှါခ့်ခါ ကိုယ်တော်ကား ဆာတ်သဘန်း “ဂျေရုဆလင်မြို့တေ စစ်ဆားတေကလောင်းတုံန်း ဝိုင်းဒီလားတေ ကတုံန်မှါခ့်ခါ အန်ဘင်းမြို့ကား အမှါတ်ကြီ ပြတ်စီးသကဘန်းငှေါဘင်းတေ မိန်းရှာတ်ခါပဲကြီး။ 21အန်ကားအချိန်ဘေ ယုဒပြေဘေငှါဘင်း သမီဆာတေကား ကယာစောက်ပါ ကပ်ဟယ်ကြီးကူ။ မြို့နောင်းဘေငှါဘင်း သမီဆတာတ်ရီးဒါး မြို့ပြာန်ပါ ကာတ်ပူကြီးထှာဘန်း ထိန်တေဘင်း သမီဆတာတ်ရီးဒါး မြို့နောင်းပါ အဆာန်ကြီးဆာ။ 22ဟမာန်တွာတ်ငှေါဘန်းတာတ်ငှေါ အန်ဘင်းအချိန်ကား ဘုရားရှာန်ကား ဂျေရုဆလင်မြို့ဘေငှါဘင်းဆိတ်တာတ်တေ အပြစ်အီကူဘင်း မာန်းရာတ်တေထှာမှာ။ အန်နိမ်အပြစ်အီဘင်းကား ကျမ်းကျိန်းနောင်းဘေ ပရောဖက်တာတ် ကြိုတာန်သဘန်း ရေးသပဲဘင်းနာတေဒေ ပြေ့စုံသစိန်းကူထှာမှာ။ 23အန်ဘင်းမာန်းရာတ်တေကား ပုတ်ကာန်ဘင်းအီးရှီတေယောက်၊ ပန်နယားရှရှာငါဘင်း အမယ်တာတ်အတွာတ် အကြီးကျယ် ဆိုးရွားသဘင်းအချိန်ထှာကူ။ ဟမာန်တွာတ်ငှေါဘန်းတာတ်ငှေါ ယုဒပြေဘင်းသမီဆတာတ်ကား ဒုက္ခဆာန်းရဲတုံန်းတေ ခံသကြီးထှာဘန်း ဘုရားရှာန်ရီးဒါး အန်ဘင်းဆိတ်တာတ်တေ အကြီးကျယ် အပြစ်အီကူဘင်းအတွာတ်ထှာမှာ။ 24စယ်ယာဘင်းဆိတ်တာတ်ကား သာန်ယောက် သာန်းရှီးခံသထှာဘန်း တခြားဘင်း သမီဆတာတ်ရီဒါး တခြားတိုင်းပြေတေပါ ရင်ဘန်း ကော်လားခံသထှာကူ။ ဂျူးသမီဆာအချီဘင်းဆိတ်တာတ်ကား ဂျေရုဆလင်မြို့တေ သိမ်းသဘန်း အန်တာတ်တေ ဘုရားရှာန်အခွာမ်းအီပဲဘင်း အချိန်ထုတ် ဂျေရုဆလင်မြို့ဘင်း သမီဆတာတ်တေ ဖိနှိပ်အုပ်ချုပ်သကြီးကူ” ညယ်မိန့်တော်မူသမှာ။
သမီဆာဆားတော်ပြန်သဘန်းကြွဒီဟာန်းဘင်း
(ရှာန်မဿဲ ၂၄:၂၉-၃၁။ ရှာန်မာကု ၁၃:၂၄-၂၇)
25စီးမှါခ့်ခါ ကိုယ်တော်ကား “စမိတ်၊ ဆတားယောက် အူလူရှီတာရာတေဘေ ထူးဆန်းသဘင်းနိမိတ်လက္ခဏာတေ ထှာရီကူ။ ကမ္ဘာစောက်ပေငှါဘင်း သမီဆာတေရီး အကြီးကျယ်ဝါတ်ပင်း ပါမ်လယ်သမုဒ္ဒရာတေဘင်း လှိုင်းဆကလားတေအတွာတ် အန်တာတ်အဆေင်ကား ကရောင်ခြောက်ခြားထှာဘန်း အကြီးကျယ်စါတ်ပန်း နင်းကြီးထှာကူ။ 26ဟမုခ်စောက်ပေ ငှါဘင်းအားလုံးကား နဂိုနေရာဘေအဘိုဘန်း ရွေ့သလာန်ဘဲဘင်းအတွာတ် သမီဆတာတ်ကား ကမ္ဘာစောက်ပေ ပန်းနူထှာဟာန်းရီကူဘင်း ဘေးဒုက္ခတေဒေ ဒဲဘန်းနာ အကြီးကျယ်စါတ်ပန်း မတ်နင်းကြီးဆွန်နာန်ကူ။ 27စီးမှါခ့်ခါ သမီဆတာတ်ကား အန်နိမ်အဖြစ်ပျက်တေထှာနင်းမှါခ့်ခါ သမီဆာဆားတော်ကား အကြီးကျယ်တုံန်းဘင်း တန်ခိုးတော်တေ၊ အရောင်အဝါတေ ယားဘန်း ဟာန်းချီနောင်းဟက် ကြွဒီကူဘင်းနာတေ သမီဆတာတ်ဖူးသလူကြီးကူ။ 28အမှာတွာတ် အန်နိမ်စာတ်ထာတ်မဲဘင်း အဖြစ်ပျက်တေ စသဘန်းထှာရီမှါခ့်ခါ ဘုရားရှာန်ကား ဟနိမ်တေ အမှါတ်ကြီ ဒုက္ခဆာန်းရဲဟက် ကယ်သကဘန်းဘင်းအတွာတ် စပ်ပန်းနာ ဟနိမ်ဟလာန်းဒေ ငါန်းဘန်းပဲကြီး” ညယ် မိန့်တော်မူသမှာ။
ဆာန်းညက်ကွုန်ဥပမာ
(ရှာန်မဿဲ ၂၄:၃၂-၃၅။ ရှာန်မာကု ၁၃:၂၈-၃၁)
29စီးမှါခ့်ခါ ကိုယ်တော်ကား အန်တာတ်တေ ဥပမာတစ်ပုဒ်အာယောက် ငှေါကာမှာ။ ကိုယ်တော်ကား “ဆာန်းညက်ကလွုန်ယောက် တခြားကလွုန်တေဒေ ယူကြီး။ 30အန်ဘင်းကလွုန်တေကား သသာပ်အဒီးရှရှာတေ ပူရီဘန်းကား နွေထုတ်ပန်း ငှေါဘင်းနာတေ ဟနိမ်အလိုအလျောက် မိန်းရှာတ်ခါမှာ။ 31အန်ဘင်းအတိုင်း ဟနိမ်တေ ငါငှေါရီဘင်း စါတ်ထာတ်မဲဘင်း နိမိတ်လက္ခာတေ ထှာရီဘင်းတေ ကတုံန်မှါခ့်ခါ ဘုရားရှာန်ဘင်းသာသနာတော် အမှါတ်ကြီ ထှာရီကဘန်းငှေါဘင်းနာတေ ဟနိမ် မိန်းရှာတ်ခါပဲကြီး။
32ဟနိမ်တေ ငါချီလားတေငှေါကူ။ အရာတ်အဆာတ်စားဘန်းနင်းဘင်းဆိတ်တာတ် အရှီးကြီ အဘင်းအဖြစ်ပျက်တေ ဆွန်ကွန်းထှာကူ။ 33ဟမုခ်ယောက် ကာကား အမြဲတမ်းငှါနင်းကူအချီဒီဒါး ငါတူးတေကား အမြဲငှါပန်းနင်းကူ” ညယ်မိန့်တော်မူသမှာ။
ဆတီးပဲကြီး
34စီးမှါခ့်ခါ ကိုယ်တော်ကား “ယုတ်လား အူလား အကြီးကျယ်မှါတ်သဘန်း၊ ဘဝအတွာတ်ကားရာန်ညယ် ဟနိမ်ဘင်းအချိန်တေ အဆွန်ကွန်း ဆတီးယောက် ဆင်ခြင်သကြီး။ အန်နိမ်အချီဘန်းကား အန်ဘင်းမာန်းရာတ်ကား ထောင်ချောက်နိမ် ဟနိမ်ပါ ဗြုန်းစားတုံန်းထုတ်အီကူ။ 35အန်ဘင်းမာန်းရာတ်ကား အဘင်းကမ္ဘာစောက်ပေငှါဘင်း သမီဆာတာတ်စောက်ပေ ထုတ်အီကူ။ 36အမှာတွာတ် ဟနိမ်ကား ထှာရီကူဘင်းတေဟက် လွောပ်သဘန်း သမီဆာဆားတော်မန်းဘေ ရဲရဲစပ်လူကွန်း အမြဲတမ်း ဆတီးပဲဘန်း ဆုစိန်နင်းကြီး” ညယ်မိန့်တော်မူသမှာ။
37စီးမှါခ့်ခါ ကိုယ်တော်ကား နခူမှါခ့်ခါ ဗိမာန်တော်ဘေ တရားတော်တေဒေ ဟောသကာ ဆွောန်သကာဘန်း စမိတ်ဆာန်မှါခ့်ခါ သံလွင်ကယာစောက်ပါလာန်ဘန်း နာတ်ကြယ်ကျယ်ရာလုံး အန်ဘင်းကယာဘေ နင်းမှာ။ 38သမီဆာတာတ်ရီးဒါး ကိုယ်တော်ဘင်း တရားတော်တေဒေ သက်ကြီးကူညယ် ဗိမာန်တော်ပါ အတိုင်စောင်းရှီ ဒီကြီးမှာ။
Currently Selected:
ရှာန်လုကာ 21: ZKD
Highlight
Share
Copy
Want to have your highlights saved across all your devices? Sign up or sign in
Kadu Bible by Beyond Translation is licensed under Creative Commons Attribution-ShareAlike 4.0 License.
ရှာန်လုကာ 21
21
အခန်း (၂၁)
မုဆိုးမဘင်းအလှူ
(ရှာန်မာကု ၁၂:၄၁-၄၄)
1ကိုယ်တော်ယေရှုယောက် တပယ့်တော်တာတ်ကား ဗိမာန်တော်ဝါမ်းနောင်းဘေ ငှါနင်းမှါခ့်ခါ ကိုယ်တော်ကား အန်းပါအောပါယူဝါမ်မှါခ့်ခါ ဆွာမ်းဘင်းဆိတ်တာတ်ကား ဗိမာန်တော်ဝါမ်းနောင်းဘင်း အလှူခံသေတ္တာနောင်းဘေ အလှူစါန်းဘန်းနင်းကြီဘင်းနာတေ ကတုံန်ရာန်မှာ။ 2ဆာန်းရဲသဘင်း မုဆိုးမဟော်ဝါရီးဒါး တန်ဖိုးစစ်ပင်း ဖူးကလိန်းပါတ်တေ အလှူခံသေတ္တာနောင်းဘေ စါန်းဘန်းနင်းဘင်းနာတေ ကတုံန်မှာ။ 3အန်၌မှါခ့်ခါ ကိုယ်တော်ကား “ဟနိမ်တေ ငါချီလားတေငှေါကူ။ ဆာန်းရဲသဘင်းမုဆိုးမကား တခြားသမီတေထာတ် ပိုသဘန်းလှူတာန်လားထှာမှာ။ 4ဟမာန်တွာတ်ငှေါဘန်းတာတ်ငှေါ အန်ဘင်းဆွာမ်းဘင်းဆိတ်တာတ်ကား အန်တာတ်ပစ္စည်းဥစ္စာတေဘင်း အစစ်ဆာတေ၌ လှူသလားထှာမှာ။ အန်နိမ်စါန်းငှေါဒီ အဘင်းမုဆိုးမကား ဆာန်းရဲသဒီဒါး ဟိန်အဆာတ်စားဘန်းနင်းရန်ကွန်း လိုသနင်းဘန်း ဖူးဆွန်ကွန်းတေ လှူသလားထှာမှာ” ညယ် မိန့်တော်မူသမှာ။
ဗိမာန်တော်ပြတ်စီးသကူဘင်းနာတေကြိုသဘန်းမိန့်သဘင်း
(ရှာန်မဿဲ ၂၄:၁-၂။ ရှာန်မာကု ၁၃:၁-၂)
5စီးမှါခ့်ခါ ကိုယ်တော်ယေရှုဘင်း တပယ့်တော်စယ်ယာကား အကြီးကျယ်ကတန်ဘင်း လုံးကရှီတေယောက် ကတန်ဘန်းနင်းဘင်း ဗိမာန်တော်ကား ဟာနယ်တင့်တယ်သမှာငှေါဘင်းနာယောက် ဘုရားရှာန်ဒေ သမီဆတာတ်လှူသပဲဘင်း ပစ္စည်းတေရီးဒါး တင့်တယ်သမှာညယ် ငှေါဘန်းနင်းကြီးမှာ။ 6ကိုယ်တော်ကား “ဟနိမ်ကတုံန်လူနင်း အဘင်းနာယောက် ပတ်သက်သဘန်း ဟနိမ်တေ ငါငှေါကူ။ အန်ဘင်းတေကား လုံးကရှီ ဟုတ်အာယောက် ဟုတ်အာစဲ နဂိုနေရာဘေ တာန်သဘန်း အကျန်သလားထုတ် ဆွန်ကွန်း ဖြတ်ဆီးခံဒထှာကူဘင်းအချိန် ထုတ်အီကူ” ညယ် မိန့်သမှာ။
ကတုံန်ကြီထှာကူဘင်းအခက်ခဲတုံန်းတေ
(ရှာန်မဿဲ ၂၄:၃-၁၄။ ရှာန်မာကု ၁၃:၃-၁၃)
7အန်၌မှါခ့်ခါ တပယ့်တော်တာတ်ကား ကိုယ်တော်ဒေ “ကိုယ်တော်၊ အန်ဘင်းအဖြစ်ပျက်တေကား ဟာကားအချိန်ဘေထှာရီကူတေ။ အန်ဘင်းတေ ထှာရီကူဘင်းအချိန်မှါခ့်ခါ ဟမာန်နိမိတ်လက္ခာဏာတေ ပေါ်ဒီကူတေ” ညယ် စိန်ယူဘန်း လျှောက်တာန်သမှာ။
8ကိုယ်တော်ကား “ဟနိမ်ကား သမီပက်သလားဒေအခံသထှာကွန်း ဆတီးအွန်ကြီး။ ဟမာန်တွာတ်ငှေါဘန်းတာတ်ငှေါ သမီဆတာတ်ကား ငါနာမယ်တေနပ်ပန်း ‘ငါကား မေရှိယထှာမှာ’ ညယ်ယောက် ‘အချိန်ကား ထုတ်ပိန်’ ညယ် ငှေါကြီးကူ။ အန်နိမ်စါန်းငှေါဒီ အန်တာတ်တေ အယုံသကြီးဆာ။ 9ဟနိမ်ကား စစ်ပွဲတေယောက်၊ တော်လှန်ပုန်ကန်သဘင်း ဆတာန်းတေဒေသက်ပူမှါခ့်ခါ အစာတ်ကြီးဆာ။ အန်ဘင်းအဖြစ်အပျက်တေကား အရာန်ထှာရီကူထှာမှာ။ အန်နိမ်စါန်းငှေါဒီ ကမ္ဘာတုံန်း အဆုံးသတ်ကား ချတ်ချန်းထှာရီယုတ်ကလားအချီရား” ညယ်မိန့်တော်မူသမှာ။
10ကိုယ်တော်ကား ဆာတ်သဘန်း “သမီဆာတစ်မျိုးယောက် တစ်မျိုး၊ နိုင်ငံတစ်နိုင်ငံယောက်တစ်နိုင်ငံ စစ်ထှာကြီးကူ။ 11နေရာတိုင်းဘေ ကာငလျင်အွန်ဘင်းတေ၊ ယုတ်တင်အူဒင်တေ ခေါင်းပါးသဘင်းတေယောက် ကပ်ရောဂါတေ ထှာကြီးဆွန်နီကူ။ ဟမုခ်စောက်ပေရီး စါတ်ထာတ်မဲဘင်း နိမိတ်လက္ခဏာတေပေါ်ဒီကူ။
12အန်နိမ်စါန်းငှေါဒီ အန်ဘင်းနာတေအထှာကြီ သမီဆာတာတ်ကား ငါအတွာတ်ဟွန် ဟနိမ်တေရင်ဘန်း နှိပ်စါတ်သကြီးကူ။ ဟနိမ်တေ ဓမ္မာရုံဘေ စစ်ဆေးသဘန်းနာ အကျဉ်းချသဒင် ထောင်နောင်းဘေ ဆာတ်ကြီးကူထှာဘန်း ရှာန်းပလာန်တုံန်းတေယောက် ရှာန်းပလာန်ရှာတာတ်မန်းပါ ကော်ဘန်း စစ်ဆေးသလားတေ ခံသထှာကူ။ 13အန်နိမ်စါန်းငှေါဒီ အန်ဘင်းတေကား မာန်းဂလာဆတာန်းတေ ဟောသကာဒင် ဟနိမ်ဘင်း အခွာမ်းအရေးထှာရီကူ။ 14အမှာတွာတ် ဟနိမ်ကောတ်ဟနိမ် ကာကွယ်သဒင် ဟာနိမ် ပြန်သဘန်း ငှေါဟာန်းထှာကူ ငှေါဘင်းနာတေ အစာတ်ကြီးဆာ။ 15ဟမာန်အတွာတ်ငှေါဘန်းတာတ်ငှေါ ဟနိမ်ဘင်း ရန်သူဟော်ဝါစဲ ဟနိမ်တေ အဆန့်ကျင်သရန်ကွန်း ငှေါရန်ဘင်းအခွာမ်းယောက် ဉာဏ်ပညာတေ ဟနိမ်တေ ငါအီကူ။ 16ဟနိမ်ဘင်း အမယ်အဝါ၊ အမူးနရှီ၊ ဆွေမျိုးတေ၊ မိတ်ဆွေတေစဲဒါး ဟနိမ်တေ အာဏာငှါလားဆိတ်တာတ်ပါ အပ်သကူ။ အန်တာတ်ကား ဟနိမ်တေ သာန်းရှီးကြီးကူ။ 17ငါအတွာတ်ဟွန် သမီဆာ၌တိုင်းကား ဟနိမ်တေ ယူးနီကြီးကူ။ 18အန်နိမ်စါန်းငှေါဒီ ဟနိမ်ဟလာန်းစောက်ပင်း ဟလာန်းဟူးပယ်ယာစဲ ပြတ်စီးသကလားအချီရား။ 19ဟနိမ်ကား ငါစောက်ပေယုံကြည်သဘန်း အသစ္စာအပြတ်သဘန်းကား ဘုရားရှာန်ကား ဟနိမ်တေ ဟာ၌မှါခ့်ခါစဲ အရှီးဘင်း အဆာတ်တေ အီကူ” ညယ်မိန့်တော်မူသမှာ။
ဂျေရုဆလင်မြို့ပြတ်စီးသကူဘင်းအကြောင်း
(ရှာန်မဿဲ ၂၄:၁၅-၂၁။ ရှာန်မာကု ၁၃:၁၄-၁၉)
20စီးမှါခ့်ခါ ကိုယ်တော်ကား ဆာတ်သဘန်း “ဂျေရုဆလင်မြို့တေ စစ်ဆားတေကလောင်းတုံန်း ဝိုင်းဒီလားတေ ကတုံန်မှါခ့်ခါ အန်ဘင်းမြို့ကား အမှါတ်ကြီ ပြတ်စီးသကဘန်းငှေါဘင်းတေ မိန်းရှာတ်ခါပဲကြီး။ 21အန်ကားအချိန်ဘေ ယုဒပြေဘေငှါဘင်း သမီဆာတေကား ကယာစောက်ပါ ကပ်ဟယ်ကြီးကူ။ မြို့နောင်းဘေငှါဘင်း သမီဆတာတ်ရီးဒါး မြို့ပြာန်ပါ ကာတ်ပူကြီးထှာဘန်း ထိန်တေဘင်း သမီဆတာတ်ရီးဒါး မြို့နောင်းပါ အဆာန်ကြီးဆာ။ 22ဟမာန်တွာတ်ငှေါဘန်းတာတ်ငှေါ အန်ဘင်းအချိန်ကား ဘုရားရှာန်ကား ဂျေရုဆလင်မြို့ဘေငှါဘင်းဆိတ်တာတ်တေ အပြစ်အီကူဘင်း မာန်းရာတ်တေထှာမှာ။ အန်နိမ်အပြစ်အီဘင်းကား ကျမ်းကျိန်းနောင်းဘေ ပရောဖက်တာတ် ကြိုတာန်သဘန်း ရေးသပဲဘင်းနာတေဒေ ပြေ့စုံသစိန်းကူထှာမှာ။ 23အန်ဘင်းမာန်းရာတ်တေကား ပုတ်ကာန်ဘင်းအီးရှီတေယောက်၊ ပန်နယားရှရှာငါဘင်း အမယ်တာတ်အတွာတ် အကြီးကျယ် ဆိုးရွားသဘင်းအချိန်ထှာကူ။ ဟမာန်တွာတ်ငှေါဘန်းတာတ်ငှေါ ယုဒပြေဘင်းသမီဆတာတ်ကား ဒုက္ခဆာန်းရဲတုံန်းတေ ခံသကြီးထှာဘန်း ဘုရားရှာန်ရီးဒါး အန်ဘင်းဆိတ်တာတ်တေ အကြီးကျယ် အပြစ်အီကူဘင်းအတွာတ်ထှာမှာ။ 24စယ်ယာဘင်းဆိတ်တာတ်ကား သာန်ယောက် သာန်းရှီးခံသထှာဘန်း တခြားဘင်း သမီဆတာတ်ရီဒါး တခြားတိုင်းပြေတေပါ ရင်ဘန်း ကော်လားခံသထှာကူ။ ဂျူးသမီဆာအချီဘင်းဆိတ်တာတ်ကား ဂျေရုဆလင်မြို့တေ သိမ်းသဘန်း အန်တာတ်တေ ဘုရားရှာန်အခွာမ်းအီပဲဘင်း အချိန်ထုတ် ဂျေရုဆလင်မြို့ဘင်း သမီဆတာတ်တေ ဖိနှိပ်အုပ်ချုပ်သကြီးကူ” ညယ်မိန့်တော်မူသမှာ။
သမီဆာဆားတော်ပြန်သဘန်းကြွဒီဟာန်းဘင်း
(ရှာန်မဿဲ ၂၄:၂၉-၃၁။ ရှာန်မာကု ၁၃:၂၄-၂၇)
25စီးမှါခ့်ခါ ကိုယ်တော်ကား “စမိတ်၊ ဆတားယောက် အူလူရှီတာရာတေဘေ ထူးဆန်းသဘင်းနိမိတ်လက္ခဏာတေ ထှာရီကူ။ ကမ္ဘာစောက်ပေငှါဘင်း သမီဆာတေရီး အကြီးကျယ်ဝါတ်ပင်း ပါမ်လယ်သမုဒ္ဒရာတေဘင်း လှိုင်းဆကလားတေအတွာတ် အန်တာတ်အဆေင်ကား ကရောင်ခြောက်ခြားထှာဘန်း အကြီးကျယ်စါတ်ပန်း နင်းကြီးထှာကူ။ 26ဟမုခ်စောက်ပေ ငှါဘင်းအားလုံးကား နဂိုနေရာဘေအဘိုဘန်း ရွေ့သလာန်ဘဲဘင်းအတွာတ် သမီဆတာတ်ကား ကမ္ဘာစောက်ပေ ပန်းနူထှာဟာန်းရီကူဘင်း ဘေးဒုက္ခတေဒေ ဒဲဘန်းနာ အကြီးကျယ်စါတ်ပန်း မတ်နင်းကြီးဆွန်နာန်ကူ။ 27စီးမှါခ့်ခါ သမီဆတာတ်ကား အန်နိမ်အဖြစ်ပျက်တေထှာနင်းမှါခ့်ခါ သမီဆာဆားတော်ကား အကြီးကျယ်တုံန်းဘင်း တန်ခိုးတော်တေ၊ အရောင်အဝါတေ ယားဘန်း ဟာန်းချီနောင်းဟက် ကြွဒီကူဘင်းနာတေ သမီဆတာတ်ဖူးသလူကြီးကူ။ 28အမှာတွာတ် အန်နိမ်စာတ်ထာတ်မဲဘင်း အဖြစ်ပျက်တေ စသဘန်းထှာရီမှါခ့်ခါ ဘုရားရှာန်ကား ဟနိမ်တေ အမှါတ်ကြီ ဒုက္ခဆာန်းရဲဟက် ကယ်သကဘန်းဘင်းအတွာတ် စပ်ပန်းနာ ဟနိမ်ဟလာန်းဒေ ငါန်းဘန်းပဲကြီး” ညယ် မိန့်တော်မူသမှာ။
ဆာန်းညက်ကွုန်ဥပမာ
(ရှာန်မဿဲ ၂၄:၃၂-၃၅။ ရှာန်မာကု ၁၃:၂၈-၃၁)
29စီးမှါခ့်ခါ ကိုယ်တော်ကား အန်တာတ်တေ ဥပမာတစ်ပုဒ်အာယောက် ငှေါကာမှာ။ ကိုယ်တော်ကား “ဆာန်းညက်ကလွုန်ယောက် တခြားကလွုန်တေဒေ ယူကြီး။ 30အန်ဘင်းကလွုန်တေကား သသာပ်အဒီးရှရှာတေ ပူရီဘန်းကား နွေထုတ်ပန်း ငှေါဘင်းနာတေ ဟနိမ်အလိုအလျောက် မိန်းရှာတ်ခါမှာ။ 31အန်ဘင်းအတိုင်း ဟနိမ်တေ ငါငှေါရီဘင်း စါတ်ထာတ်မဲဘင်း နိမိတ်လက္ခာတေ ထှာရီဘင်းတေ ကတုံန်မှါခ့်ခါ ဘုရားရှာန်ဘင်းသာသနာတော် အမှါတ်ကြီ ထှာရီကဘန်းငှေါဘင်းနာတေ ဟနိမ် မိန်းရှာတ်ခါပဲကြီး။
32ဟနိမ်တေ ငါချီလားတေငှေါကူ။ အရာတ်အဆာတ်စားဘန်းနင်းဘင်းဆိတ်တာတ် အရှီးကြီ အဘင်းအဖြစ်ပျက်တေ ဆွန်ကွန်းထှာကူ။ 33ဟမုခ်ယောက် ကာကား အမြဲတမ်းငှါနင်းကူအချီဒီဒါး ငါတူးတေကား အမြဲငှါပန်းနင်းကူ” ညယ်မိန့်တော်မူသမှာ။
ဆတီးပဲကြီး
34စီးမှါခ့်ခါ ကိုယ်တော်ကား “ယုတ်လား အူလား အကြီးကျယ်မှါတ်သဘန်း၊ ဘဝအတွာတ်ကားရာန်ညယ် ဟနိမ်ဘင်းအချိန်တေ အဆွန်ကွန်း ဆတီးယောက် ဆင်ခြင်သကြီး။ အန်နိမ်အချီဘန်းကား အန်ဘင်းမာန်းရာတ်ကား ထောင်ချောက်နိမ် ဟနိမ်ပါ ဗြုန်းစားတုံန်းထုတ်အီကူ။ 35အန်ဘင်းမာန်းရာတ်ကား အဘင်းကမ္ဘာစောက်ပေငှါဘင်း သမီဆာတာတ်စောက်ပေ ထုတ်အီကူ။ 36အမှာတွာတ် ဟနိမ်ကား ထှာရီကူဘင်းတေဟက် လွောပ်သဘန်း သမီဆာဆားတော်မန်းဘေ ရဲရဲစပ်လူကွန်း အမြဲတမ်း ဆတီးပဲဘန်း ဆုစိန်နင်းကြီး” ညယ်မိန့်တော်မူသမှာ။
37စီးမှါခ့်ခါ ကိုယ်တော်ကား နခူမှါခ့်ခါ ဗိမာန်တော်ဘေ တရားတော်တေဒေ ဟောသကာ ဆွောန်သကာဘန်း စမိတ်ဆာန်မှါခ့်ခါ သံလွင်ကယာစောက်ပါလာန်ဘန်း နာတ်ကြယ်ကျယ်ရာလုံး အန်ဘင်းကယာဘေ နင်းမှာ။ 38သမီဆာတာတ်ရီးဒါး ကိုယ်တော်ဘင်း တရားတော်တေဒေ သက်ကြီးကူညယ် ဗိမာန်တော်ပါ အတိုင်စောင်းရှီ ဒီကြီးမှာ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kadu Bible by Beyond Translation is licensed under Creative Commons Attribution-ShareAlike 4.0 License.