LUKA 21
21
Libodja dja Muntaka mobola bodjenge
(Mk. 12:41-44)
1Ntango edjaliki Yezu pene na eyoma ya lobomba mosolo o Tempelo, anaeniki bato basu babomengo bakakeli mosolo mwa bango o eboko ya lobo mosolo o Tempelo. 2Aeniki mpe muntaka wa mobola owawela moloi akeliki misolo mibale mia bibende. 3Bona yezu akoliki: Yabwele nakoli nabino: Muntaka yo mobola mpe moweli moloi apei, mosolo mwa moike loleka bato banso. 4Mpo bato bana banso babomengo bapei tu ndambo eti ya bomengo bwa bango bwa boike. Kasi anta muntaka yo abeki mobola mpe apeiki munso mubeki nande mpoya lobika.
Lobebisama la tempelo lusakolamiki
(Mt. 24:1-8; Mk. 13:1-8)
5Mokia mwa yango bayekoli bande basu bamasiki lokolela Tempelo. Bakoliki: Keka mabanga malau ma tempelo! Koba, keka makambo malau ma mapeiki bato Libanza mpoya lo makembisa! Kasi Yezu akoliki. 6Tika nabokolela likambo djoko ontina ya makambo ma makaeni bino. Mikolo mikayei ntango ekabukia ndako enso. Mabanga manso makabwakema onse. 7Bona bango bamotuniki: Moteyi, makambo mana maka kelama ntango ndei?Elombo ndei ekalolaka te makambo ma maengeli makelama? 8Bona Yezu akoliki nabango: Bokeba 'te moto wawi bito abokosa mpoya ntango ekayei. Nakoli bo mpoya mikolo mikayei, bato babaike bakakolo na bipo 'te balo na bokonzi bwanga. Bakakolo 'te balo Masiya, bakakolo mpe 'te, nsuka ya mokili ekomi pene. Kasi bobambola bito. 9Ntango eokiwe 'te mokili mukabundi mpe bato bakatombeli ekolo ya bango, lobanga bito. Mpambanya makambo mana maengeli lokelama yambo, kasi nsuka ya mokili ndeiya mbala yawi bito. 10Bona akoliki nabango: Ekolo yawi ekabunda na ekolo esu, mpe bokonzi bwawi buka bunda na bokonzi bosu. 11Ekaba mpe lonyikana la mombi bwa bokali mpe bato nde bawei nanzala mpe basu nde bawei na maloli mamakali ma makoki lozwama omokili mobimba. Mpe lolenge lunso lalolela la nsomo luka bima mpe bilembo bia bokamoi bia nsomo bika kelama olikolo ma maka bangia bato mpe makaenisi 'te nsuka ya mokili mu mukomi pene.
(Mt. 10:17-22; Mt. 13:9-13)
12Kasi obo bwa makambo mana, baka bokanga, baka bonkolo, baka bosambisa obiyoma bia makita mpe baka bokela oboloko. Mpe mpoya nkombo yanga, baka bokamba obo bwa bakonzi mpe bayangeli. 13Makambo mango makabopa nzela yalo tatola nkombo yanga. 14Kasi lobosana bito lomitungia bito mpoya makambo ma makakolo we mpoya lobandimisa 'te oiba ongambo bito obo mpenza. 15Naka bopa mayele mpo oeba ndei eka kolowe. Wawi bito ontei ya babaka bofundi nde aikoka lobotelemela bito to lokolo 'te olo na libunga. 16Ata ba nyango bau mpenza mpe baongo bau mpe biboto biawu, Biboto biawu mpe bebi nau baka boteke omboka bakonzi; Mpe bakonzi baka boma bansu, ontei ya bino. 17Bato banso baka boina mpoya nkombo yanga. 18Kasi Libanza aka bobatela na mbeba inso ya seko. 19Te okoika mpiko ondako ya ndenge ina nya oka nzanga loambola nga, Libanza oka bopa bomoyi bwa seko.
(Mt. 24:15-21; Mt. 13:14-19)
20Kasi ntango ekaene bino basoda babanguna badjingi engumba ya Yelusaleme, bo bokaeba te badjingi babebia engumba ena enso mpo moto wawi bito aleme omoi. 21Ontango ena, ba badjali o etuka ya Yudeya baengeli lolota mangomba mpe lobombama. Ba badjali o engumba Yelusaleme baengeli loumwana o yango, mpe bino bakaba omala boingela koba lokpela o engumba yango bito. 22Mpoya ntango ye, Libanza akapa bato ba Yelusaleme etumbu. Etumbu ye ekakokia makambo manso masakolaka banzeni mpe bakomiki mpoya mango omakomi. 23Yango ekaba ntango yoko ya ebe mpenza mpoya bantaka baka nyungisa bana babati mabele ontango ena. Mpambanya bato baka nyokwama nabokali omokili mu munso mpe Libanza akapa bato ba etumbu ekali. 24Bakababoma na mopanga mpe bakaba bo baumbu obikolo binso. Bapagano baka nyata o engumba yelusaleme kino ntango ya bango ekakoka.
Loya la Mwana wa moto
(Mt. 24:29-35; Mk. 13:24-31)
25Bona bilembo bia lokamwa bikaenene na moi, osanza, mpe naminzoto; Omokili, bato baka tonda na nsomo mpe lobanga mpoya lokito lonene mpe mula mwa yango. 26Bato babaike baka banga mpenza mpe baka lembe nzoto. Mpambanya baka banga be mpoya makambo ma mamasi lokela mawa omombi. Libanza aka nyikinya minzoto bitando uto biyoma biayango bi bongi olikolo. 27Ontango ena bato obiyoma binso baka nzene nga, mwana wa moto. Nakaya omombi munzingami na mampata, Lolakela nguya enene mpe nkembo ya longenge. 28Ntango makambo mango mamasi lokelama, telua na mpiko mpe tombola nzoto ya bino na elikia. Mpambanya esi bito Libanza aka bobikia nabobe mpe nabololi. 29Bona akoliki nabango eyele ye: Bokeka mwete mwa mosuke mpe nzete iyoko inso. 30Te nkasi ikoki likolo dja yango, bokaeba bino, mpenza 'te eleko ya molunge ekomi pene. 31Tu bona ntango ekaene bino makambo ma maka kelami, bokaeba 'te bokonzi bwa Libanza budjingi buya. 32Yabwele nakoli nabino: Bato baekekeye nde baiwa bito, boo te makambo mana manso makelama. 33Likolo na mokili bikaleka, kasi maloba manga nde maileka bito. 34Kasi, Bokeba mpe bokeba nandenge elo bino na bomoi. Lodja to lomele be bito. Lolekia ntango yau bo bito. Lolekia ntango mpambanya naloba na mikakatano omamanyi mau mpo obomoi bwau. Te okelaka bona mokolo muna muka bokamwisa. Ekaya ntango ekakewe bito. 35Mpambanya, mokolo muna muka kpelaa bato banso bamokili bo bonzanga. 36Ba ekenge ntango inso. Sambela Libanza abopa bokali mpo oba sembo o makambo manso ma makelama mpe oteme lodjanga boni obo bwanga, mwana wa moto. 37Omoi, Yezu abeki akateyi olopango la Tempelo, mpe mpokwa inso abeki aka bima o engumba mpe lotuka butu mobimba ongomba ye ekebeka bango ngomba ya mwete mwa olive. 38Mpe nampombolo, bato banso babeki bakayei ombokande o tempelo ya libanza.
Currently Selected:
LUKA 21: NDW
Highlight
Share
Copy
Want to have your highlights saved across all your devices? Sign up or sign in
Ndobo Bible by Beyond Translation is licensed under Creative Commons Attribution-ShareAlike 4.0 License.
LUKA 21
21
Libodja dja Muntaka mobola bodjenge
(Mk. 12:41-44)
1Ntango edjaliki Yezu pene na eyoma ya lobomba mosolo o Tempelo, anaeniki bato basu babomengo bakakeli mosolo mwa bango o eboko ya lobo mosolo o Tempelo. 2Aeniki mpe muntaka wa mobola owawela moloi akeliki misolo mibale mia bibende. 3Bona yezu akoliki: Yabwele nakoli nabino: Muntaka yo mobola mpe moweli moloi apei, mosolo mwa moike loleka bato banso. 4Mpo bato bana banso babomengo bapei tu ndambo eti ya bomengo bwa bango bwa boike. Kasi anta muntaka yo abeki mobola mpe apeiki munso mubeki nande mpoya lobika.
Lobebisama la tempelo lusakolamiki
(Mt. 24:1-8; Mk. 13:1-8)
5Mokia mwa yango bayekoli bande basu bamasiki lokolela Tempelo. Bakoliki: Keka mabanga malau ma tempelo! Koba, keka makambo malau ma mapeiki bato Libanza mpoya lo makembisa! Kasi Yezu akoliki. 6Tika nabokolela likambo djoko ontina ya makambo ma makaeni bino. Mikolo mikayei ntango ekabukia ndako enso. Mabanga manso makabwakema onse. 7Bona bango bamotuniki: Moteyi, makambo mana maka kelama ntango ndei?Elombo ndei ekalolaka te makambo ma maengeli makelama? 8Bona Yezu akoliki nabango: Bokeba 'te moto wawi bito abokosa mpoya ntango ekayei. Nakoli bo mpoya mikolo mikayei, bato babaike bakakolo na bipo 'te balo na bokonzi bwanga. Bakakolo 'te balo Masiya, bakakolo mpe 'te, nsuka ya mokili ekomi pene. Kasi bobambola bito. 9Ntango eokiwe 'te mokili mukabundi mpe bato bakatombeli ekolo ya bango, lobanga bito. Mpambanya makambo mana maengeli lokelama yambo, kasi nsuka ya mokili ndeiya mbala yawi bito. 10Bona akoliki nabango: Ekolo yawi ekabunda na ekolo esu, mpe bokonzi bwawi buka bunda na bokonzi bosu. 11Ekaba mpe lonyikana la mombi bwa bokali mpe bato nde bawei nanzala mpe basu nde bawei na maloli mamakali ma makoki lozwama omokili mobimba. Mpe lolenge lunso lalolela la nsomo luka bima mpe bilembo bia bokamoi bia nsomo bika kelama olikolo ma maka bangia bato mpe makaenisi 'te nsuka ya mokili mu mukomi pene.
(Mt. 10:17-22; Mt. 13:9-13)
12Kasi obo bwa makambo mana, baka bokanga, baka bonkolo, baka bosambisa obiyoma bia makita mpe baka bokela oboloko. Mpe mpoya nkombo yanga, baka bokamba obo bwa bakonzi mpe bayangeli. 13Makambo mango makabopa nzela yalo tatola nkombo yanga. 14Kasi lobosana bito lomitungia bito mpoya makambo ma makakolo we mpoya lobandimisa 'te oiba ongambo bito obo mpenza. 15Naka bopa mayele mpo oeba ndei eka kolowe. Wawi bito ontei ya babaka bofundi nde aikoka lobotelemela bito to lokolo 'te olo na libunga. 16Ata ba nyango bau mpenza mpe baongo bau mpe biboto biawu, Biboto biawu mpe bebi nau baka boteke omboka bakonzi; Mpe bakonzi baka boma bansu, ontei ya bino. 17Bato banso baka boina mpoya nkombo yanga. 18Kasi Libanza aka bobatela na mbeba inso ya seko. 19Te okoika mpiko ondako ya ndenge ina nya oka nzanga loambola nga, Libanza oka bopa bomoyi bwa seko.
(Mt. 24:15-21; Mt. 13:14-19)
20Kasi ntango ekaene bino basoda babanguna badjingi engumba ya Yelusaleme, bo bokaeba te badjingi babebia engumba ena enso mpo moto wawi bito aleme omoi. 21Ontango ena, ba badjali o etuka ya Yudeya baengeli lolota mangomba mpe lobombama. Ba badjali o engumba Yelusaleme baengeli loumwana o yango, mpe bino bakaba omala boingela koba lokpela o engumba yango bito. 22Mpoya ntango ye, Libanza akapa bato ba Yelusaleme etumbu. Etumbu ye ekakokia makambo manso masakolaka banzeni mpe bakomiki mpoya mango omakomi. 23Yango ekaba ntango yoko ya ebe mpenza mpoya bantaka baka nyungisa bana babati mabele ontango ena. Mpambanya bato baka nyokwama nabokali omokili mu munso mpe Libanza akapa bato ba etumbu ekali. 24Bakababoma na mopanga mpe bakaba bo baumbu obikolo binso. Bapagano baka nyata o engumba yelusaleme kino ntango ya bango ekakoka.
Loya la Mwana wa moto
(Mt. 24:29-35; Mk. 13:24-31)
25Bona bilembo bia lokamwa bikaenene na moi, osanza, mpe naminzoto; Omokili, bato baka tonda na nsomo mpe lobanga mpoya lokito lonene mpe mula mwa yango. 26Bato babaike baka banga mpenza mpe baka lembe nzoto. Mpambanya baka banga be mpoya makambo ma mamasi lokela mawa omombi. Libanza aka nyikinya minzoto bitando uto biyoma biayango bi bongi olikolo. 27Ontango ena bato obiyoma binso baka nzene nga, mwana wa moto. Nakaya omombi munzingami na mampata, Lolakela nguya enene mpe nkembo ya longenge. 28Ntango makambo mango mamasi lokelama, telua na mpiko mpe tombola nzoto ya bino na elikia. Mpambanya esi bito Libanza aka bobikia nabobe mpe nabololi. 29Bona akoliki nabango eyele ye: Bokeka mwete mwa mosuke mpe nzete iyoko inso. 30Te nkasi ikoki likolo dja yango, bokaeba bino, mpenza 'te eleko ya molunge ekomi pene. 31Tu bona ntango ekaene bino makambo ma maka kelami, bokaeba 'te bokonzi bwa Libanza budjingi buya. 32Yabwele nakoli nabino: Bato baekekeye nde baiwa bito, boo te makambo mana manso makelama. 33Likolo na mokili bikaleka, kasi maloba manga nde maileka bito. 34Kasi, Bokeba mpe bokeba nandenge elo bino na bomoi. Lodja to lomele be bito. Lolekia ntango yau bo bito. Lolekia ntango mpambanya naloba na mikakatano omamanyi mau mpo obomoi bwau. Te okelaka bona mokolo muna muka bokamwisa. Ekaya ntango ekakewe bito. 35Mpambanya, mokolo muna muka kpelaa bato banso bamokili bo bonzanga. 36Ba ekenge ntango inso. Sambela Libanza abopa bokali mpo oba sembo o makambo manso ma makelama mpe oteme lodjanga boni obo bwanga, mwana wa moto. 37Omoi, Yezu abeki akateyi olopango la Tempelo, mpe mpokwa inso abeki aka bima o engumba mpe lotuka butu mobimba ongomba ye ekebeka bango ngomba ya mwete mwa olive. 38Mpe nampombolo, bato banso babeki bakayei ombokande o tempelo ya libanza.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ndobo Bible by Beyond Translation is licensed under Creative Commons Attribution-ShareAlike 4.0 License.