LUKA 16
16
Eyele mpoya mosali mobe
1Yesu akoli na bayekoli bande eyele ye: «Mokumi moko abaka na mosali wande mpoya lobatela bikei biande. Bona bafundiki mosali wango omboka mokumi 'te akabebie bikei biande». 2Mokumi amobeki mpe akoli nande, «makambo ndei maoki nga mpoyau? Unkolela ndenge ekeliwe mosala mwau mpoya bikei biande, mpambanya nde oiba koba mokonzi wamisala mianga bito». 3Mosali akoliki bo onse ya motema: naka kelandei, pambanya mokonzi wanga adjingi adjumola mosala? Naiba mpenza nabokali bito mpo nakela maala, mpe longa Onga bikei bia bato, nakaoka booni. 4Naebi likambo likakelanga mpo bato badjamba omandako mabango ntango ekasila mosala. 5Bona abeki bato banso babeki namanyongo ma mokonzi wande. Atuni moto waboo: Olo na nyongo motuya boi omboka mokonzi wanga? 6Moto ona angei: Tono nkama moko ya mali. Mosali akoliki nande: Bo munkanda mwa nyongo mpe djala noki, mpe koma munkanda mosu mwa batono ntuku itano. 7Mosali wande atuniki moto mosu: Bona we olo na nyongo motuya boi? Yo amoongidjeli: Saki munkama ya masangu. Mosali akoliki nande: bo munkanda mwa nyongo, mpe koma munkanda mosu mwa saki ntuku mwambe. 8Bona mokonzi akumisiki mosali ona wa mobe, mpo akeliki mayele manso. Mpambanya bana bamokili mu balo na mayele maike ontei ya bango, loleka bana ba moyi. 9Yezu akobiki lokolo, bona nakoli nabino: bato bakoki lozwa mosolo nalolenge la lobe. Kasi boengeli tomosalela mpoya lokela bolau na bato balo na bosenga bwa lisungi. Nabona bakaba bebi nabino. Bokawa, moko mokolo. Nabona bato bana bakaba naesengo ya loboene oyema ena 'te eyoma eke bika bato mpoya seko. 10Yo olo sembo na makambo ma mati, akaba mpe sembo na makambo ma manene; mpe moto oiba sembo na makambo ma-ma mati bito, ndaiba mpe sembo na makambo ma manene bito. 11Na nayango, 'te boiba na boyambi bito mpoya lotambwisa bomengo bu bulo mokili mu, bona nzanga na ntembe Libanza ndai bokelela motema nya na bomengo bwa solo bwa lola. 12Te oiba sembo bito mpoya lokamba bikei bia moto mosu, bona djanga ntembe Libanza ndaipa ekei bito mpoyau lokamba. 13Mosali wawi bito aikoka asalela bakonzi babale bito. Mpambanya akaina wawi mpe akazinga mosu; te mpe akatosa moko mpe akatiola omoko. Yango ena boikoka bito te bokelela libanza mpe mosolo. 14Bafaliseo mpe badjingiki mosolo na loleka, tango eokiki bango makambo mana manso bamoseki. 15Yezu akoliki nabango 'te: Bino nde boka mikomisi sembo omiyo ma bato basu, Kasi Libanza aebi mitema mia bino. Mpoya makambo ma makaene bato na motuya munene eiba na motuya bito omiyo ma Libanza.
Mibeko mpe bokonzi bwa Libanza
(Mt. 11:12-13)
16Mibeko mia Moze mpe makomi ma banzeni ebeki ba tabwisi babino tee Yowane mobatisi, ayeki mpe asakoliki. Kasi antewa aka nakoli nsango elau ekeki bokonzi bwa libanza mpe bato babaike baka meki na mpowa ekali lokoma etei ya bokonzi bwa Libanza. 17Eiba bolelu bito mpo likolo mokili bileka, kasi mpo mibeko anta likomi djawi liumwa bito.
(Mt. 5:32)
18Te moloi abomi libala na mwali wande mpe abali mosu, akakeli ekobo. Moloi munso obali muntaka obomi libala akakeli ekobo.
Moto wa bozwi mpe mobola Lazalo
19Bona Yezu akoliki na moto wawi mokumi abeki akalati bilamba bia motuya mpe bia bilau, mpe abeki akakeli nteke mikolo minso. 20Mobola moko nkombo yande lazalo, abeki na mampota nzoto inso,abeki aka tuki omunoko mwande mwa ndako. 21Abeki akadjingi lotonda tu na mpumbulu ibeki ikakpei omesa mia mokumi. Kasi mambwa mabeki maka peli mpota yande. 22Mobola aweiki mpe banzelu bamotombiki pio na Abalayama. Moto wabo wa bomengo mpe aweiki, mpe bamokundiki. 23Omokia, akeiki oeyoma lufelo. Ntango ebekiyo atomboliki miyo mpe aeniki Abalayama esi mpe Lazalo adjali pio nande. 24Bona angangi: tata Abalayama, undjokela mawa, mpe untomela lazalo mpo ankelela nsonge ya mosai mwande omai mpe, mpo antangidjela olo lemu, mpambanya nakaoki bololi omweya mu. 25Kasi Abalayama amoongidjeli: mwana wanga, manya nabolau bikei biawu ntango ebeki we na bomoi, nzokande lazalo abeki nabololi. Antewa yo abondisami wa, kasi, we okomi nabololi. 26Koba, libulu linene lika lokaboli biyo nabino; nandenge 'te moto munso odjingi aumwana wa mpo akende omboka bino, akoka bito, mpe ondjingi 'te amela uto moi mpo aya wa omboka biyo, akoka bito. 27Moto wa nkita akoliki: tata, nabobondeli toma Lazalo ondako ya ongo wanga, 28Mpamba bito nabei na biboto bitano, akende aka bapalela mpo bango bayawa bito oeyoma ya bololi bo. 29Kasi Abalayama amongidjeli: biboto biawu balo na mobeko mwa Moze mpe mikanda mia komaka banzeni, engeli batosa ma makomiki bango. 30Kasi akoliki koba: Te, tata Abalayama: Nsoki moto wawi auti omboka bawei mpe akei omboka bango, wana nde babongoli mitema! 31Bona Abalayama amongidjeliki: Bo baboyei looka Moze na banzeni, nde baiyambolanya ata moto asekwei obawei!
Currently Selected:
LUKA 16: NDW
Highlight
Share
Copy
Want to have your highlights saved across all your devices? Sign up or sign in
Ndobo Bible by Beyond Translation is licensed under Creative Commons Attribution-ShareAlike 4.0 License.
LUKA 16
16
Eyele mpoya mosali mobe
1Yesu akoli na bayekoli bande eyele ye: «Mokumi moko abaka na mosali wande mpoya lobatela bikei biande. Bona bafundiki mosali wango omboka mokumi 'te akabebie bikei biande». 2Mokumi amobeki mpe akoli nande, «makambo ndei maoki nga mpoyau? Unkolela ndenge ekeliwe mosala mwau mpoya bikei biande, mpambanya nde oiba koba mokonzi wamisala mianga bito». 3Mosali akoliki bo onse ya motema: naka kelandei, pambanya mokonzi wanga adjingi adjumola mosala? Naiba mpenza nabokali bito mpo nakela maala, mpe longa Onga bikei bia bato, nakaoka booni. 4Naebi likambo likakelanga mpo bato badjamba omandako mabango ntango ekasila mosala. 5Bona abeki bato banso babeki namanyongo ma mokonzi wande. Atuni moto waboo: Olo na nyongo motuya boi omboka mokonzi wanga? 6Moto ona angei: Tono nkama moko ya mali. Mosali akoliki nande: Bo munkanda mwa nyongo mpe djala noki, mpe koma munkanda mosu mwa batono ntuku itano. 7Mosali wande atuniki moto mosu: Bona we olo na nyongo motuya boi? Yo amoongidjeli: Saki munkama ya masangu. Mosali akoliki nande: bo munkanda mwa nyongo, mpe koma munkanda mosu mwa saki ntuku mwambe. 8Bona mokonzi akumisiki mosali ona wa mobe, mpo akeliki mayele manso. Mpambanya bana bamokili mu balo na mayele maike ontei ya bango, loleka bana ba moyi. 9Yezu akobiki lokolo, bona nakoli nabino: bato bakoki lozwa mosolo nalolenge la lobe. Kasi boengeli tomosalela mpoya lokela bolau na bato balo na bosenga bwa lisungi. Nabona bakaba bebi nabino. Bokawa, moko mokolo. Nabona bato bana bakaba naesengo ya loboene oyema ena 'te eyoma eke bika bato mpoya seko. 10Yo olo sembo na makambo ma mati, akaba mpe sembo na makambo ma manene; mpe moto oiba sembo na makambo ma-ma mati bito, ndaiba mpe sembo na makambo ma manene bito. 11Na nayango, 'te boiba na boyambi bito mpoya lotambwisa bomengo bu bulo mokili mu, bona nzanga na ntembe Libanza ndai bokelela motema nya na bomengo bwa solo bwa lola. 12Te oiba sembo bito mpoya lokamba bikei bia moto mosu, bona djanga ntembe Libanza ndaipa ekei bito mpoyau lokamba. 13Mosali wawi bito aikoka asalela bakonzi babale bito. Mpambanya akaina wawi mpe akazinga mosu; te mpe akatosa moko mpe akatiola omoko. Yango ena boikoka bito te bokelela libanza mpe mosolo. 14Bafaliseo mpe badjingiki mosolo na loleka, tango eokiki bango makambo mana manso bamoseki. 15Yezu akoliki nabango 'te: Bino nde boka mikomisi sembo omiyo ma bato basu, Kasi Libanza aebi mitema mia bino. Mpoya makambo ma makaene bato na motuya munene eiba na motuya bito omiyo ma Libanza.
Mibeko mpe bokonzi bwa Libanza
(Mt. 11:12-13)
16Mibeko mia Moze mpe makomi ma banzeni ebeki ba tabwisi babino tee Yowane mobatisi, ayeki mpe asakoliki. Kasi antewa aka nakoli nsango elau ekeki bokonzi bwa libanza mpe bato babaike baka meki na mpowa ekali lokoma etei ya bokonzi bwa Libanza. 17Eiba bolelu bito mpo likolo mokili bileka, kasi mpo mibeko anta likomi djawi liumwa bito.
(Mt. 5:32)
18Te moloi abomi libala na mwali wande mpe abali mosu, akakeli ekobo. Moloi munso obali muntaka obomi libala akakeli ekobo.
Moto wa bozwi mpe mobola Lazalo
19Bona Yezu akoliki na moto wawi mokumi abeki akalati bilamba bia motuya mpe bia bilau, mpe abeki akakeli nteke mikolo minso. 20Mobola moko nkombo yande lazalo, abeki na mampota nzoto inso,abeki aka tuki omunoko mwande mwa ndako. 21Abeki akadjingi lotonda tu na mpumbulu ibeki ikakpei omesa mia mokumi. Kasi mambwa mabeki maka peli mpota yande. 22Mobola aweiki mpe banzelu bamotombiki pio na Abalayama. Moto wabo wa bomengo mpe aweiki, mpe bamokundiki. 23Omokia, akeiki oeyoma lufelo. Ntango ebekiyo atomboliki miyo mpe aeniki Abalayama esi mpe Lazalo adjali pio nande. 24Bona angangi: tata Abalayama, undjokela mawa, mpe untomela lazalo mpo ankelela nsonge ya mosai mwande omai mpe, mpo antangidjela olo lemu, mpambanya nakaoki bololi omweya mu. 25Kasi Abalayama amoongidjeli: mwana wanga, manya nabolau bikei biawu ntango ebeki we na bomoi, nzokande lazalo abeki nabololi. Antewa yo abondisami wa, kasi, we okomi nabololi. 26Koba, libulu linene lika lokaboli biyo nabino; nandenge 'te moto munso odjingi aumwana wa mpo akende omboka bino, akoka bito, mpe ondjingi 'te amela uto moi mpo aya wa omboka biyo, akoka bito. 27Moto wa nkita akoliki: tata, nabobondeli toma Lazalo ondako ya ongo wanga, 28Mpamba bito nabei na biboto bitano, akende aka bapalela mpo bango bayawa bito oeyoma ya bololi bo. 29Kasi Abalayama amongidjeli: biboto biawu balo na mobeko mwa Moze mpe mikanda mia komaka banzeni, engeli batosa ma makomiki bango. 30Kasi akoliki koba: Te, tata Abalayama: Nsoki moto wawi auti omboka bawei mpe akei omboka bango, wana nde babongoli mitema! 31Bona Abalayama amongidjeliki: Bo baboyei looka Moze na banzeni, nde baiyambolanya ata moto asekwei obawei!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ndobo Bible by Beyond Translation is licensed under Creative Commons Attribution-ShareAlike 4.0 License.