လုကာ 12
12
အခန်း (၁၂)
သူတော်ကောင်းယောင်ဆောင်ဟေက သတိအီဟေကား
(မဿဲ ၁၀:၂၆-၂၇)
1အိမ်မာအချိန်ငါ ထောင်းပေါင်းများစွာက လူထုပရိသတ်ပြောင်စာ စုဝေးကို ဟူးဝါအိမ်ဟူးဝါ ပျက်မနီးဒင့်ယေ့ ငါ့လင်ကဟေ။ ကိုယ်တော်ယေရူစာ တပည့်တော်ရက်အင် မလားကင်းမ ငါ့ဆနပ်ဟေကနာ " #12:1 တဆေးငါ့ဟေကားနာ တဗန်း(ဖ်)တုပ်ဟေကရပ် တဗန်း(ဖ်)ရက်ပွားမနီး ထည်ဟေကား ဆီတစ်မျိူးဖြစ်ကို့ မှနေရာယာ ဖာရိရှဲရက်ကား သူတော်ကောင်းဆောင်ဟေကားရက်အင် တဆေးဒေလေ လူးရက်အင် ကူးစက်ကို့ ပျံ့နှံ့ဇိစ်ကအကြောင်းငင် ရည်ညွန်းပီးဟေ။ ဖာရိရှဲရက်ဒေလေ သူတော်ကောင်းယောင်ဆောင်ကလူးရက်အဖြစ်စာရောက်မှ သတိပီးယင့်။ အမာရက်က ဆိုးညစ်က လွမ်းမိုးမူရက်နာ တာဗန့်ယာ တဆေ့ပျံ့နှံ့ကလင်ကဒေ အယောက်ကလူးရက်ထနဲ့ ပျံ့နှံကလင်ငန်ကား။ 2လူးရက်နာ အဆေးပီးဟေကား အူဇာရက်အင် ဘုရားရှင်စာ ဖွင့်ဆနပ်လင်ကား။ ဘုရားရှင်စာ အမာရက် အဆေးကဇိစ် ကြိုးစားကစုတ်ရက်အင် ထုတ်ဖော်လင်ကား။ 3မှအကြောင့် "အမှောင်ထဲယာ ယိုးယိုးဆာငါ့တုန်းဟေကား တူး(ဖ်)ရက်နာ လူးစုတ်ရက်ချေးမနီး ကြေငြာကဒေလေဖြစ်လင်ကားဖြစ်ကို့ အလုံပိတ်ပီဟေကား အခန်းထဲယာ ယိုးယိုးဆာငါ့တုန်းဟေကား တူး(ဖ်)ရက်နာ ကိန်းဆာဟာနို(လ်)ဖုံးငါဘင်း ဟော်ကို့ပြိစ်တုန်းကဒေလေ ဖြစ်လင်ကား"ငါ့ကို ငါ့လင်ကဟေ။
အစက်ပိုဂါလူး
(မဿဲ ၁၀:၂၈-၃၁)
4အယောက်ဟက်တာ ကိုယ်တော်နာ "မိတ်ဆွေရက် ၊ ကနင်းဖူ(ဖ်)ဆာ အတေးယင့်ဂီး။ နနိန်ရက်အင် ကတိုက်ဟေကားလူးရက်အင် အစက်ဂီးယေ့။ အမာရက်နာ နနိန်ရက်အင် ကတိုက်ကို့ကျီးနဲ့က(လ်) အိမ်မှတောင်မာပိုကို့ ကနာမနီး ဆူးဝင်ယေ့ လိစ်လင်လှုကားအရိနန်း။ 5ညီးင့ဒင့်ယေ့ နနိန်ရက်အစက်ပိုကလူးက(လ်) ဘုရားရှင်တစ်ပါးတည်းမယ်ဖြစ်ဟေ။ ဘုရားရှင်နာ နနိန်ရက်ကအဆက်အင် လာဓူ(ဖ်)လှုကတောင်မဒင့် ငရဲယာပါ(လ်)လှုကား အခွင့်အာဏာငါဟေကအတောင်း ဘုရားရှင်ငင်မယ် နနိန်ရက် အမှန်တကယ် အစက်သင့်ဟေ။ 6အူဆီဆာ#12:6 အိမ်မှခေတ်အား စာကလေးငါ့ဟေကင့်နာ ဆင်းရဲဆားရက် ဆာဟေကား အူဆာတစ်မျိုးဖြစ်ဟေ။ ငါးမှာယင် ပဲနိဒင်္ဂါးနှစ်ပြားအိမ်#12:6 ယက်တာလိစ်အားခအိမ်ညီးမျှဟေကား ဒေနာရီဒင်္ဂါးက ၁၆ ပုံ ၁ပုံအိမ် တန်ဖိုးညီမျှဟေကား ရောမကြေးဒင်္ဂါး အချေဟေအရိလေ့။ ညီးင့ဒင့်ယေ ဘုရားရှင်နာ တန်ဖိုးအငါကား အိမ်မှအူဆီဆာအထဲယာကား မာရာဒင့် တန်ဖိုးပီဟေ။ 7ဘုရားရှင်ကအတွက် နနိန်ရက်နာ အိမ်မှအူဆာရက်တောင်မာဒင့် တန်ဖိုးငါကလူးရက်ဖြစ်ဟေ။ နနိန်ရက်က အဟူးဖုံးငါကား အာဟူးမိအရေအတွင်အင်ဒင့် ဘုရားရှင် ဂရုစိုက်ဟေကတောင်း နနိန်ရက် အစက်ဂီယေ့။
ခရစ်တော်ယင် ဝန်ခံဟေကား
(မဿဲ ၁၀:၃၂-၃၃။ မဿဲ ၁၀:၁၉-၂၀၊ ၁၂:၃၂)
8ဆက်လက်ကို့ ကိုယ်တော်နာ "နနိန်ရက်အင် ငါငန်းကား၊ ရိကက်ကလူးရိယင့် လူးရက်ကရှေ့ယာ ငါကတပည့်ဖြစ်ကြောင်းငင် ဝန်ခံနဲ့က(လ်) လူ့သားတော်ဖြစ်ဟေကား ငါယေ့ ဘုရားရှင်အိမ်မက်တာ အမာက ဟမန်းဒေဝါရက်ကရှေ့ယာ အိမ်မှလူးနာ ငါ့ကတပည့်ဖြစ် ကြောင့်ငင် ဝန်ခံငန်ကားဖြစ်ဟေ။ 9ညီးင့ဒင့်ယေ့ ရိကက်ကားလူးရိယင့် လူးရက်ကရှေ့ယာ ငါကတပည့်အရိပါ(လ်)ငါ့ကို ငါ့နဲ့က(လ်) ငါယေ့ ဘုရားရှင်အိမ်မက်တာ အမာက ဟမန်းဒေဝါရက်ကရှေ့ယာ အိမ်မှလူးနာ ငါကတပည့်အရိကား အကြောင်းငင် ဝန်ခံငန်ကားဖြစ်ဟေ။ 10လူ့သားတော်ဖြစ်ဟေကား ငင် ပြစ်မှားဟေကားလူးရက်အင် ဘုရားရှင်နာ ခွင့်လွတ်လင်ကဖြစ်ကယေ့ ဉာဏ်အလင်းတော်ယင် ပြစ်မှားဟေကား ရိကက်ကားလူးရိယင့် ဘုရားရှင်နာ ခွင့်လွတ်လင်ကားအရိပါ(လ်)။ 11လူးရက်နာ ငါကအကြောင်းအိမ် နနိန်ရက်အင် ဓမ္မာရုံရက်အာ၊ ပြောင်ကလူးရက်အိမ် အုပ်ချူပ်ကလူးရက်ကရှေ့ယာ တရားစီရင်ကဇိစ်အော်က ဟင်းပိုကရပ် နင် အဆာမီပြိစ်နက်ပိုကား အရိနဲ့ အပါနာကအပါနာ ခုခံကာကွယ်ပိုကားငါ့ဟေက အစိုးရိမ်ယေ့။ 12အဇာရိကို့အငါနဲ့က(လ်) ဉာဏ်အလင်းတော်နာ နနိန်ရက်အဆာမီချေပကို့ပြိစ်ပိုကယား ငါ့ဟေကား အိမ်မှအချိန်ငါဒင့် ဆနိန်ကို့အီလင်ကား"ငါ့ကို ငါ့လင်ကဟေ။
သူဌေးမိုက် ပုံဥပမာ
13မှနောက်အာ လူထုပရိသတ်ထဲယာက ဟူးဝါနာ ကိုယ်တော်ယေရူယင် "ကိုယ်တော် အဗာ(ဖ်)အဆိန်းမိ ငါ့ရက်ကအတွက် ပီဒက်ကအမွေရက်အင် မံအီကဇိစ် ငါကအပါးယင် ငါ့အီယန်"ငါ့ကို ကိုယ်တော်ယင် လျှောက်တင်လင်ကဟေ။ 14အိမ်မှကရပ် ကိုယ်တော်နာ "မိတ်ဆွေ၊ နနိန်ရက်ကား အငြင်းပွားမူအတွက် ဆုံးဖြတ်ချက် အဟြတ်အီကဇိစ် တရားသူကြီးအဖြစ် အယူက(လ်) ငင်ခန့်အပ်ပီဒက်ကယား"ငါ့ကို ငါ့လင်ကဟေ။ 15မှနောက်အာ ကိုယ်တော်နာ လူထုပရိသတ်ရက်အင် "လောဘပြောင်ဟေကား အမျိူးမျိူးရက်အင် ရှောင်ကြည်ယင့်ဂီး။ အဇာရိကိုအငါနဲ့ နနိန်ရက် ပိုင်ဆိုင်ဟေကား စည်းစိမ်ဥစ္စာရက်နာ နနိန်ရက်က အဆက်အင် လုံခြုံစိတ်ချလှူမနီး အအီလှုကတောင်းဖြစ်ဟေ"ငါ့ကို ငါ့လင်ကဟေ။ 16မှနောက်အာ ကိုယ်တော်ယေရှုနာ လူထုပရိသတ်အင် ပုံဥပမာဆူးဝါအိမ် ငါ့ဆနပ်ကနာ "ဟက်တာကရပ် အဆီပန်းဖြစ်ဟေကား လယ်ပြင်ငင် ပိုင်ဆိုင်ဟေကား သူဌေးဟူးဝါငါ့လင်ကဟေ။ 17မှအကြောင့်အိမ် အမာနာ "ငါက အဆီးပနှံရက်အင် သိုလှောင်ပီးဂါဇီစ် နေရာအကုန့်နန်းကတောင်း အတတ် ငါအဆမှီလိစ်ပိုကာယား " ငါးဂို့ စဉ်းစားတုန်းလင်ဟေ။ 18မှနောက်အာ အမာနာ "ငါအဆာမီလိစ်ပိုကယားငါဟေကချေးယင်နန်း။ ငါကအင်ကဒိန်းအဟိုးငင် အစီးကို တဗျင်းပြောင်ဟေကား အင်ကဒိန်းအနန်းငင် ပြုကျီးနဲ့က(လ်) အဆီပနှံရက်အိမ်မက်တာ ငါကစည်းစိမ်ဥစ္စာရက်အင် သိမ်းပီကား။ 19မဒေငါ့နဲ့က(လ်) ငါက အယောက်ကနှစ်ပေါင်းများစွာအတွက် လုံလောက်ဟေကား အူဇာမီရက်ငင်နန်းရိကို အလိစ်လိစ်ကအစိုးနန်းဖြစ်ကို့ ငါသက်တောင့်သက်သာအိမ် အနားလာကို စားလိုက်၊ သောက်လိုက်အိမ် ပျော်ပျော်မယ်တုန်းကဟေ"ငါ့ကို ငါ့လင်ကဟေ။ 20ညီးင့ဒင့်ယေ့ ဘုရားရှင်နာ အမင် "နင်လူမိုက်၊ ယက်ထင့်နိုက်အာ နင်ဆိန်းလင်ပေါ်ကား။ မဒေဖြစ်ကို့ နင်စုဆောင်းပီကား ပစ္စည်းဥစ္စာရက်နာ နင်ကအတွက်အရိထမ်း အယောက်ကလူးရက်ကအတွက်မယ် ဖြစ်ကလင်ငန်ကား"ငါ့ကို ငါ့လင်ကဟေ။ 21မှနောက်အာ ကိုယ်တော်ယေရူနာ "အမာနာ ဘုရားရှင်ကရှေ့တော်မှောက်အာ ကြွယ်ဝချမ်းသာကအရိ(လ်)ထမ်း အပါနာကအတွက်မယ် အူဇာရက်အင်သိုးလှောင်ပီကို ချမ်းသာဟေငါ့ကို အပါနာကအပါနာက ထင်တုန်းကလူးရက် ကြုံပေါ်ကားအရာမယ်ဖြစ်ဟေ"ငါ့ကို ငါ့လင်ကဟေ။
စိုးရိမ်ဟေကား
(မဿဲ ၆:၂၅-၃၄)
22အယောက်ဟက်တာ ကိုယ်တော်ယေရှုနာ တပည့်တော်ရက်အင် "မှဒေဖြစ်ဂို့ နနိန်ရက်အင် ငါ ငှားကက်ကားနာ နနိန်ရက်က အသက်ရှင်သန်ကဇီစ်အတွက် လိုအပ်ဟေကားအူဇာရက်အင် အစိုးရိမ်ငဲ။ နနိန်ရက်ထနဲ့ ပုတ်ဆာကဇိစ်အလုံလောက်က အရိနဲ့ ပါဇူတူ(ဖ်)ကဇိစ် အဝတ်အစားအလုံလောက်ကယေ့ အစိုးရိမ်ဂီးယေ့။ 23အဇာရိကို့အငါနဲ့ အစားတောင်မာဒင့် နနိန်ရက်ကအဆက်နာ ပိုကိုအရေးကြီးကို့ အဝတ်စားတောင်မာဒင့် နနိန်ရက်က ခန္တာကိုယ်နာ ပိုကိုအရေးကြီးဟေ။ 24အူဟရက်အင်ယူးဝင့်။ အမာရက်နာ အဖင်းအစုပ်ထမ်း၊ အဟန်ကတောင်မှာဒင့် သိုလှောင်စရာ အင်ကဒိန်းရက်အ(လ်) အငါ့ပါ(လ်)။ မဒေဖြစ်ကဒင့် ဘုရားရှင်နာ အမာရက်အင် ကျွေးမွေးပီဟေ။ နနိန်ရက်နာ အူဆီရက်တောင်မာဒင့် ပိုကိုအဖိုးထိုက်တန်ဟေ အရိလဲ။ 25နနိန်ရက်ကအထဲယာ အယူနာ စိုးရိမ်ပူပန်တုန်းအားဖြင့် အပါနာကအဆက်အင် တစ်နာရီတောင်မှာ ပိုကို့ရှည်ဇိစ်ဟေယား။ 26နနိန်ရက်နာ အတတ်ကဒေလေကား အသေးဖွဲ့ကိစ္စရက်အင်ဒင့် အလိစ်လှုနဲ့က(လ်) အယောက်ကကိစ္စရက်အင် အဇာရိကပူပန်တုန်းကယား။ 27မလိမ်းငါကအပန်းရက် အဆာမီ ပြောင်ဟေယေားငါ့ဟေကား ယူဝင်း။ အမာရက်နာ ခက်ခဲပင်ပန်းဟေကား အလိစ်အင်အလိစ်ပါ(လ်)။ ပါဇူရက်အင်ယေ့ အဆုံးပါ(လ်)။ ညီးင့ဒင့်ယေ့ နနိန်ရက်အင် ငါငါ့ကက်ကနာ အယင်ဟိုက်ကရပ်ကား ဘုန်းကျက်သရေပြည့်စုံဒက်ဟေက ရှောလမုန်ဘုရင်ကြီးနာ ကနင်းဟေကား ပါဇူရက်အင်တူဒက်ကက်ယေ့ အမာကအဝတ်စားရက်နာ အိမ်မှအပန်းအထဲယာက တစ်ပွင်ဒက်ဆာဒင့် အကနင်းပါ(လ်)။ 28အို ယုံကြည်ချက်နည်းပါးကလူးရက် အချိန်ကာလစိတ်ဆာမယ် ဆိမ်းကို အယောက်ယက်တာ နှင်နူ(ဖ်)ရက်အိမ်မက်တာ ဗန်(ဖ်)ဗုံးထဲယာ မလောက်ကဟင်းပိုကား မလိမ်းအပန်းရက်အင်ဒင့် ဘုရားရှင်နာ ကနင်းမနီး အလှဆင်အီနဲ့က(လ်) နနိန်ရက်အင် ပိုကိုကနင်းမနီး အလှဆင်အီယန်ကအရိလဲ။ 29နင် အဇာက(လ်)ဆာပိုကား၊ အဇာက(လ်)အူပိုကား ငါ့ဟေကား ရက်ပိုက်စဉ်းစားကို့ အတုန်းငဲ။ အိမ်မှအူဇာရက်အင် စိတ်ပူကို့အတုန်းငဲ။ 30ဘုရားရှင်ငင် အချေးကလူးရက်မယ် အိမ်မှအူဇာရက်ကအတွက် စိုးရိမ်ပူပန်ပေါ်ဟေ။ ညီးငါ့ဒင့်ယေ ရွှေမြို့တော်ဝါငါ့ဟေကား အဗား(ဖ်)ဘုရားရှင်နာ နနိန်ရက်ကလိုအပ်ဟေကား အူဇာရက်အင် ချေးတုန်းကတောင်း နနိန်ရက်နာ အိမ်မှအူဇာရက်ကအတွက် စိုးရိမ်ပူပန်ကို့အတုန်းသင့်ပါ(လ်)။ 31မှအကြောင့် ဘုရားရှင်ကသာသနာတော် အတွက်မယ် ဦးစားအီကိုလိစ်အင်။ မဒေငါ့တောင်းမယ် နနိန်ရက်စိုးကက်ဟေကား အူဇာစုတ်ရက်အင် ဘုရားရှင်နာ လုံလုံလောက်လောက် ဖြည့်ဆည်းအီလင်ကားဖြစ်ဟေ။
ရွှေမြို့တော်ဘဏ္ဍာ
(မဿဲ ၆:၁၉-၂၁)
32အယောက်ဟက်တာ ကိုယ်တော်နာ "သိုးဆာအုပ်စုအိမ်တူဟေကား ငါကတပည့်ရက် ငါနာနနိန်ရက်က သိုးထိန်းအိမ်တူဟေ။ မှအကြောင့် နနိန်ရက်နာ အစက်သင့်ပါ(လ်)။ ရွှေမြို့တော်ဝါငါ့ဟေကား နနိန်ရက်က အဗား(ဖ်)ဘုရားရှင်နာ ရွှေမြို့တော်ဝါ နနိန်ရက်အိမ်မက်တာ အုပ်စိုးကဇိစ် အလိုငါဟေ။ 33မှအကြောင့် နနိန်ရက်က ငါဟေကားဥစ္စာရက်အင်အချေးဂို့ ဆင်းရဲဆားရက်ဇီစ် မန်အီယင်။ မှနည်းအိမ် နင်စာ ထာဝရတည်မြဲ့ကား ပစ္စည်းဥစ္စာယင် နင်ကိုယ်တိုင် စောင့်ရှောက်ကို့ယူတုန်းလင်လူကား။ နင်ကပစ္စည်းဥစ္စာရက်အင် သူခိုးရက်အထုန်ဗာ(ဖ်)လှုပါ(လ်)၊ အပူ(ဖ်)ဆာရက် အဖျက်ဆီလှုကား ရွှေမြို့တော်ဝါမယ် နနိန်ရက်က ပစ္စည်းဥစ္စာရက်အင် သိမ်းဆည်းယင့်ဂီး။ 34အဇာကြောင့်နဲ့ နနိန်ရက်ကား ဥစ္စာရတနာငါဟေကား နေရာယာ နနိန်ရက်ကစိတ်နှလုံးယေ့ ထုန်တုန်းကတောင်း ဖြစ်ဟေ။
ကိုယ်တော်ယေရူပြန့်ဗန်ကဇိစ်အတွက် အဆင်သင့်ပြင်ဆင်ယင့်ဂီး
35ကိုယ်တော်ယေရူနာ ဆက်လက်ကို့ "အငှားဆာရက်နာ ခါးပန်းအင် ကနင်းဖူး(ဖ်)တန်ကို့#12:35 ခါးပန်းအင် ကနင်းဖူးဆာတန်ဟေငါ့ဟေကားနာ အိမ်မှခေတ်အာ ဂျူးလူမျိုးရက်နာ အတာမိတ်ဆာတိုးဟေကား ဝတ်ရုံရှည်ရက်အင် တူးကထောင်းဟေ။ ဝတ်ရုံအရင်းငင် ခါးထိတင်ကို့ ချိတ်ပီကဇိစ် ခါးပန်းအင် သုံးနက်ကနာ လွတ်လွတ်လပ်လပ်အိမ် လင်လှူမနီးဖြစ်ဟေ။ မီးအိမ်အင်ထွန်းကို့ သခင်ပြန့်ငန်ကားအချိန်ငင် စောင်တုန်းကဒေလေ နနိန်ရက်အ(လ်) ငါပြန့်ငန်ကားအချိန်ငင် အဆင်သင့်စောင်တုန်းငင့်။ 36အပါနာရက်ကာ သခင်စာမင်္ဂလာဆောင်ပွဲငါဘင်းပြန်းဗန်ဂို့ အဟင်းဟောက်ဟေကရပ် ချက်ချင်းရိကို့ ဖွင့်အီကဇိစ် စောင်တုန်းဟေကား အငှားဆာရက်တလေ ငါပြန့်ငန်ကရပ်အ(လ်) အဆင်သင့်စောင်တုန်းငင့်ဂီး။ 37သခင်ပြန်ငန်ကအချိန်ငါ အမာကအငှားဆာရက်အင် အဆင်သင့်ဖြစ်တုန်းကပိုနဲ့က(လ်) အိမ်မှအငှားဆာရက်နာ တဗျင်းကံမီလင်ကား။ ငါအမှန်ငါ့ပေါ်နဲ့က(လ်) သခင်နာ အမာကခါးပန်းအင်စည်းကို အိမ်မားအငှားဆာရက်ဇိစ် ဆာကဇမ်းရက်အိမ် ကျွေးမွေးလင်ကား။ 38သခင်နာ ထင့်နိုက်အချိန် (အရိနဲ့) ဟင်းအချီမီအချိန်ငါ ပြန့်ကို့ထုန်ဗာ(ဖ်)ကရပ် သတိအိမ် အဆင်သင့်စောင်တုန်းဟေကား အငှားဆာရက်အင် ပိုနဲ့က(လ်) တဗျင်းနှစ်သက်လင်ကား။ 39ညီးငါ့ဒင့်ယေ မှအူဇာယင်နားလည်ယင့် ကိန်းဆိမ်းနာ သူခိုးအဆီအချိန်ငါ ဗန်ကားချေးနဲက(လ်) အမာစာ သတိဝီရီယားအိမ်တုန်းကတောင်း သူခိုးနာ အမာကကိန်းငင် ဆင်ကို့ကူလင်လူကားအရိပါ(လ်)။ 40မှအကြောင့် အချိန်မရွေး အဆင်သင့်ဖြစ်တုန်း ယင့်ဂီး။ အဇာရိကိုငါ့နဲ့က(လ်) လူ့သားတော်ဖြစ်ဟေကားငါနာ နနိန်ရက်မထက်မှတ်ကအချိန်ငါ ပြန်ကိုကြွဗန်(ဖ်) ကဖြစ်ဟေ"ငါ့ကို ငါ့လင်ကဟေ။ 41အိမ်မှအခါ ပေတရုနာ ကိုယ်တော်ယင် "ကိုယ်တော်၊ မှပုံဥပမာနာ ငါ့ရက်အတွက်မယ် ငါ့ပီကလဲ အရိနဲ့ လူတိုင်းကအတွက်လဲ" ငါးဂို့ ကတာလင်ကဟေ။ 42အိမ်မှကရပ် ကိုယ်တော်နာ "ငါနာ မှတူးစုတ်ရက်အင် လူတိုင်းကအတွက် ငါ့ဆနပ်ဟေကားဖြစ်ဟေ။ သခင်နာ အမာကမိသားစုရက်အင် အုပ်ချုပ်ကဇိစ်အိမ် အချိန်တန်နဲ့က(လ်) ဆာကဇမ်းရက် စီစဉ်အီကဇိစ် ဉာဏ်ပညာအိမ်ပြည့်စုံကို သစ္စာရှိငါဟေကား အငှားဆာဟူးဝါယင့် ခေါင်းဆောင်အဖြစ် တာဝန်အီကို့ကျီးဟေကရပ် အမာနာ လင်းစံဗြောင်ငါ ခရီးပြုလင်ကဟေ။ 43အချိန်တဗျင်းကြားကို့ကျီးဟေကရပ် သခင်နာ ကိန်းငါပြန့်ကိုထုန်ဗာ(ဖ်)ဟေကရပ် အငှားဆာနာ အမာကတာဝန်ငင် ကနင်းဖူး(ဖ်)ဖူး(ဖ်)လိစ်ပီးကား ပိုနဲ့က(လ်) သခင်နာ အမင် တဗျင်းနှစ်သက်လင်ကဖြစ်ဟေ။ 44နနိန်ရက်အင် ငါ အမှန်ငါ့ဆနပ်အန်ကား။ သခင်နာ အမာပိုင်ဆိုင်ဟေကား ပစ္စည်းဥစ္စာစုတ်ရက်အင် ထိန်းသိမ်းစောင့်ရှောက်ကဇိစ် အိမ်မှအငှားဆာယင် ယုံယုံကြည်ကြည်အိမ် အက်လင်ကားဖြစ်ဟေ။ 45ညီးင့ဒင့်ယေ့ အိမ်မားအငှားဆာနာ "ငါကသခင်နာ ကိန်းငါ ပြန့်ဗန်ကဇိစ်အတွက် အချိန်ကြားနိမ့်ကဖြစ်ဟေ" ငါ့ကို ထင်ကို အယောက်ကအငှားဆာရက်အင် ပေါက်ကို့ အူဆာတုန်းနဲ့က(လ်) 46အိမ်မားအငှားဆာက သခင်နာ အမာအထင်မှတ်ကအချိန်အိမ် အမာအချေးကအချိန်ငါ ပြန့်ထုန်ဗာ(ဖ်)ကို အမင် ပြင်းထန်ကအပြစ်ဒဏ်ရက်အင်အီကို သစ္စာတရားအငါကား အငှားဆာရက်အိမ်မက်တာ ပီလင်ကား။ 47သခင်က စိုးကက်ကချေးယန်ယန်အာ အပြင်ဆင်ပါ(လ်)၊ အရိနဲ့ သခင်လိစ်ဇိစ်ကက်ကား အူဇာယင် လိစ်ကိုအပီကအငှားဆာစာ တဗျင်းကနာမပေါက်က ဟင်းလင်ပေါ်ကား။ 48ညီးင့ဒင့်ယေ့ သခင်ကအလိုတော်ယင် အချေးထမ်း အပြစ်လိစ်တိ(လ်)ဟေကား အငှားဆာက(လ်) စိတ်ဆာမယ် ပေါက်ကဟင်းလင်ပေါ်ကား။ ဘောင်းကိုပေးကမ်းက ဟင်းပိုကလူတိုင်းနာ ဘောင်းကိုစိန်ဟေကဟင်းလင်ပိုကား။ ပြောင်ဟေကား တာဝန်ရက်အင် အီကဟင်းပိုကလူးကမှဘင်းယေ့ ဘောင်းကိုကစိန်ဟေကဟင်းလင်ပိုကား။
ကိုယ်တော်ယေရူကသတင်းတူးနာ လူးရက်ကကြားယာ သဘောထားကွဲလွဲကား
(မဿဲ ၁၀:၃၄-၃၆)
49အယောက်ဟက်တာ ကိုယ်တော်နာ "ဗန်(ဖ်)နာ ရွှေယင်သန့်စင်ဇိစ်ကဒေလေ နနိန်ရက်အင်ယေ့ သန့်စင်ဇိစ်ဟေကား တရားစီရင်ဟေကားလိစ်ကဇိစ် မှကမ္ဘာမြေပေါ်ဝါ ငါဗန်(ဖ်)ပေါ်ကဖြစ်ဟေ။ ဘုရားရှင်နာ နနိန်ရက်အင် တရားစီရင်ကအချိန်နာ လိစ်ပြီးသားဖြစ်ကဇိစ်အတွက် ငါဆုစိန်ကျီးယင်နန်းဖြစ်ဟေ။ 50ညီးငါဒင့်ယေ ငါစာ မလားကင့်မ ဒုက္ခဝေဒနာအိမ် ဆိန်းခြင်းဖြစ်ဟေကား နှစ်ခြင်းမင်္ဂလာ ဆူယင် ဟင်းပိုနိမ့်ကား။ အိမ်မှရယက် အကျီးနိမ့်ကားအချိန်ထိ ငါနာ တဗျင်းသောကထုန်အန် ပိုနိမ့်ကား။ 51ငါနာ မှလောကယာကြွဗန်ကနာ လူးရက်ကကြားယာ ငြိမ်းချမ်းဇိစ်ကအတွက် ကြွဗန်(ဖ်)ကားငါ့ကို့ ထင်ကို့အတုန်းငဲ။ အိမ်မှအစား လူးရက်ကကြားယာ စိတ်ဝမ်းကွဲမနီး ငါကြွဗန်ကဖြစ်ဟေ။ 52အဇာရိကို့အငါနဲ့ အတတ်ပင်စဂို့ လူငါးယောက်ငါဟေကား မိသားစုတစ်စုဝါ နိန်ဟူးနာဟိုက်တာ၊ ဆုံးဟူးနာဟိုက်တာ ဟူးဝါအိမ်ဟူးဝါ စိတ်ဝမ်းကွဲလင်ကား။ 53အဗာ(ဖ်)အိမ်အဆာ၊ အနူးအိမ်အဆာအိ၊ အယုံ့ဟာမာအိမ် အာနှင်းရက် ဟူးဝါအိမ်ဟူးဝါ စိတ်ဝမ်းကွဲလင်ကာ"ငါ့ကို ငါ့လင်ကဟေ။
အချိန်အခါယင် နားလည်ဟေကား
(မဿဲ ၁၆:၂-၃)
54ကျီးကအိမ် ကိုယ်တော်ယေရူနာ လူထုပရိသတ်အင် "နနိန်ရက်နာ အနောက်အရပ်အာက ထိန်းပါ(လ်)ကဟြင်ရ်ဂြိလ်ယင်ပေါ်နဲ့က(လ်) ဟြရ်ဗန်(ဖ်)ယန်ကဟေငါ့ကို ဟူးဝါအိမ်ဟူးဝါ ငါ့ထောင်းဟေ။ နနိန်ရက်က ငါ့ကဒေလေဖြစ်ဟေ။ 55တောင်ဘက်မုန်ယက်ယိုးဝန်ဂါခါ ရာသီဥတုပူပြင်းငန်ကဟေ ငါ့ဟေကား နနိန်ရက်ငါ့ထောင်းဟေ။ နနိန်ရက်က ငါ့ကဒေလေယေ့ဖြစ်ဟေ။ 56သူတော်ကောင်းယောင်ဆောင်တုန်းကလူးရက်၊ နနိန်ရက်နာ ကောင်းဂါလက်အိမ် ကဇက်အင်ယူကို ရာသီဥတုယင် ခန့်မှန်းလှုကယေ့ အတတ်လက်ရှိယာ အဇာဖြစ်တုန်းဟေငါ့ဟေကား အဇာရိကိုခွဲခြားကိုအချေးကယား။ 57နနိန်ရက်နာ မှန်ကန်ကအူဇာရက်အင်ရွေးချယ်ကို့လိစ်ကဇိစ် အပါနာကအပါနာ အဇာရိကို ဆင်ခြင်အသုံးသပ်ကယား။ 58လူးဟူးဝါနာ နင်ငင် တရားစွဲနဲ့က(လ်) တရားရုံးငါအထုန်မီဘင်း ကြိုတင်ညှိနိူင်းကို ကျေအေးဇိစ်ကား ကြိုးစားယင့်ဂီး။ မှဒေအရိနဲ့က(လ်) အမာနာ နင်ငင် တရားကြီးကမားအော်လားကလင်ကို့ တရားသူကြီးနာ နင်ငင် အပြစ်ဒစ်အဟြတ်ရ်ကို့ တာဝန်ငါဟေကားလူးရက်က တာဟူးဝါအက်ကို နင်ငင် ထောင်းငါအဟြရ်လင်ကား။ 59ငါငါ့ကက်ကားနာ နင်င(လ်) ထောင်ငါဘင်း အပြုပေါ်မိ နင်အီပိုကားအူဇာစုတ်ရက်အင် အီလင်ပိုကားဖြစ်ဟေ"ငါ့ကို ငါ့လင်ကဟေ။
Currently Selected:
လုကာ 12: CKH
Highlight
Share
Copy
Want to have your highlights saved across all your devices? Sign up or sign in
Thet (သက်) Bible by Beyond Translation is licensed under Creative Commons Attribution-ShareAlike 4.0 License.
လုကာ 12
12
အခန်း (၁၂)
သူတော်ကောင်းယောင်ဆောင်ဟေက သတိအီဟေကား
(မဿဲ ၁၀:၂၆-၂၇)
1အိမ်မာအချိန်ငါ ထောင်းပေါင်းများစွာက လူထုပရိသတ်ပြောင်စာ စုဝေးကို ဟူးဝါအိမ်ဟူးဝါ ပျက်မနီးဒင့်ယေ့ ငါ့လင်ကဟေ။ ကိုယ်တော်ယေရူစာ တပည့်တော်ရက်အင် မလားကင်းမ ငါ့ဆနပ်ဟေကနာ " #12:1 တဆေးငါ့ဟေကားနာ တဗန်း(ဖ်)တုပ်ဟေကရပ် တဗန်း(ဖ်)ရက်ပွားမနီး ထည်ဟေကား ဆီတစ်မျိူးဖြစ်ကို့ မှနေရာယာ ဖာရိရှဲရက်ကား သူတော်ကောင်းဆောင်ဟေကားရက်အင် တဆေးဒေလေ လူးရက်အင် ကူးစက်ကို့ ပျံ့နှံ့ဇိစ်ကအကြောင်းငင် ရည်ညွန်းပီးဟေ။ ဖာရိရှဲရက်ဒေလေ သူတော်ကောင်းယောင်ဆောင်ကလူးရက်အဖြစ်စာရောက်မှ သတိပီးယင့်။ အမာရက်က ဆိုးညစ်က လွမ်းမိုးမူရက်နာ တာဗန့်ယာ တဆေ့ပျံ့နှံ့ကလင်ကဒေ အယောက်ကလူးရက်ထနဲ့ ပျံ့နှံကလင်ငန်ကား။ 2လူးရက်နာ အဆေးပီးဟေကား အူဇာရက်အင် ဘုရားရှင်စာ ဖွင့်ဆနပ်လင်ကား။ ဘုရားရှင်စာ အမာရက် အဆေးကဇိစ် ကြိုးစားကစုတ်ရက်အင် ထုတ်ဖော်လင်ကား။ 3မှအကြောင့် "အမှောင်ထဲယာ ယိုးယိုးဆာငါ့တုန်းဟေကား တူး(ဖ်)ရက်နာ လူးစုတ်ရက်ချေးမနီး ကြေငြာကဒေလေဖြစ်လင်ကားဖြစ်ကို့ အလုံပိတ်ပီဟေကား အခန်းထဲယာ ယိုးယိုးဆာငါ့တုန်းဟေကား တူး(ဖ်)ရက်နာ ကိန်းဆာဟာနို(လ်)ဖုံးငါဘင်း ဟော်ကို့ပြိစ်တုန်းကဒေလေ ဖြစ်လင်ကား"ငါ့ကို ငါ့လင်ကဟေ။
အစက်ပိုဂါလူး
(မဿဲ ၁၀:၂၈-၃၁)
4အယောက်ဟက်တာ ကိုယ်တော်နာ "မိတ်ဆွေရက် ၊ ကနင်းဖူ(ဖ်)ဆာ အတေးယင့်ဂီး။ နနိန်ရက်အင် ကတိုက်ဟေကားလူးရက်အင် အစက်ဂီးယေ့။ အမာရက်နာ နနိန်ရက်အင် ကတိုက်ကို့ကျီးနဲ့က(လ်) အိမ်မှတောင်မာပိုကို့ ကနာမနီး ဆူးဝင်ယေ့ လိစ်လင်လှုကားအရိနန်း။ 5ညီးင့ဒင့်ယေ့ နနိန်ရက်အစက်ပိုကလူးက(လ်) ဘုရားရှင်တစ်ပါးတည်းမယ်ဖြစ်ဟေ။ ဘုရားရှင်နာ နနိန်ရက်ကအဆက်အင် လာဓူ(ဖ်)လှုကတောင်မဒင့် ငရဲယာပါ(လ်)လှုကား အခွင့်အာဏာငါဟေကအတောင်း ဘုရားရှင်ငင်မယ် နနိန်ရက် အမှန်တကယ် အစက်သင့်ဟေ။ 6အူဆီဆာ#12:6 အိမ်မှခေတ်အား စာကလေးငါ့ဟေကင့်နာ ဆင်းရဲဆားရက် ဆာဟေကား အူဆာတစ်မျိုးဖြစ်ဟေ။ ငါးမှာယင် ပဲနိဒင်္ဂါးနှစ်ပြားအိမ်#12:6 ယက်တာလိစ်အားခအိမ်ညီးမျှဟေကား ဒေနာရီဒင်္ဂါးက ၁၆ ပုံ ၁ပုံအိမ် တန်ဖိုးညီမျှဟေကား ရောမကြေးဒင်္ဂါး အချေဟေအရိလေ့။ ညီးင့ဒင့်ယေ ဘုရားရှင်နာ တန်ဖိုးအငါကား အိမ်မှအူဆီဆာအထဲယာကား မာရာဒင့် တန်ဖိုးပီဟေ။ 7ဘုရားရှင်ကအတွက် နနိန်ရက်နာ အိမ်မှအူဆာရက်တောင်မာဒင့် တန်ဖိုးငါကလူးရက်ဖြစ်ဟေ။ နနိန်ရက်က အဟူးဖုံးငါကား အာဟူးမိအရေအတွင်အင်ဒင့် ဘုရားရှင် ဂရုစိုက်ဟေကတောင်း နနိန်ရက် အစက်ဂီယေ့။
ခရစ်တော်ယင် ဝန်ခံဟေကား
(မဿဲ ၁၀:၃၂-၃၃။ မဿဲ ၁၀:၁၉-၂၀၊ ၁၂:၃၂)
8ဆက်လက်ကို့ ကိုယ်တော်နာ "နနိန်ရက်အင် ငါငန်းကား၊ ရိကက်ကလူးရိယင့် လူးရက်ကရှေ့ယာ ငါကတပည့်ဖြစ်ကြောင်းငင် ဝန်ခံနဲ့က(လ်) လူ့သားတော်ဖြစ်ဟေကား ငါယေ့ ဘုရားရှင်အိမ်မက်တာ အမာက ဟမန်းဒေဝါရက်ကရှေ့ယာ အိမ်မှလူးနာ ငါ့ကတပည့်ဖြစ် ကြောင့်ငင် ဝန်ခံငန်ကားဖြစ်ဟေ။ 9ညီးင့ဒင့်ယေ့ ရိကက်ကားလူးရိယင့် လူးရက်ကရှေ့ယာ ငါကတပည့်အရိပါ(လ်)ငါ့ကို ငါ့နဲ့က(လ်) ငါယေ့ ဘုရားရှင်အိမ်မက်တာ အမာက ဟမန်းဒေဝါရက်ကရှေ့ယာ အိမ်မှလူးနာ ငါကတပည့်အရိကား အကြောင်းငင် ဝန်ခံငန်ကားဖြစ်ဟေ။ 10လူ့သားတော်ဖြစ်ဟေကား ငင် ပြစ်မှားဟေကားလူးရက်အင် ဘုရားရှင်နာ ခွင့်လွတ်လင်ကဖြစ်ကယေ့ ဉာဏ်အလင်းတော်ယင် ပြစ်မှားဟေကား ရိကက်ကားလူးရိယင့် ဘုရားရှင်နာ ခွင့်လွတ်လင်ကားအရိပါ(လ်)။ 11လူးရက်နာ ငါကအကြောင်းအိမ် နနိန်ရက်အင် ဓမ္မာရုံရက်အာ၊ ပြောင်ကလူးရက်အိမ် အုပ်ချူပ်ကလူးရက်ကရှေ့ယာ တရားစီရင်ကဇိစ်အော်က ဟင်းပိုကရပ် နင် အဆာမီပြိစ်နက်ပိုကား အရိနဲ့ အပါနာကအပါနာ ခုခံကာကွယ်ပိုကားငါ့ဟေက အစိုးရိမ်ယေ့။ 12အဇာရိကို့အငါနဲ့က(လ်) ဉာဏ်အလင်းတော်နာ နနိန်ရက်အဆာမီချေပကို့ပြိစ်ပိုကယား ငါ့ဟေကား အိမ်မှအချိန်ငါဒင့် ဆနိန်ကို့အီလင်ကား"ငါ့ကို ငါ့လင်ကဟေ။
သူဌေးမိုက် ပုံဥပမာ
13မှနောက်အာ လူထုပရိသတ်ထဲယာက ဟူးဝါနာ ကိုယ်တော်ယေရူယင် "ကိုယ်တော် အဗာ(ဖ်)အဆိန်းမိ ငါ့ရက်ကအတွက် ပီဒက်ကအမွေရက်အင် မံအီကဇိစ် ငါကအပါးယင် ငါ့အီယန်"ငါ့ကို ကိုယ်တော်ယင် လျှောက်တင်လင်ကဟေ။ 14အိမ်မှကရပ် ကိုယ်တော်နာ "မိတ်ဆွေ၊ နနိန်ရက်ကား အငြင်းပွားမူအတွက် ဆုံးဖြတ်ချက် အဟြတ်အီကဇိစ် တရားသူကြီးအဖြစ် အယူက(လ်) ငင်ခန့်အပ်ပီဒက်ကယား"ငါ့ကို ငါ့လင်ကဟေ။ 15မှနောက်အာ ကိုယ်တော်နာ လူထုပရိသတ်ရက်အင် "လောဘပြောင်ဟေကား အမျိူးမျိူးရက်အင် ရှောင်ကြည်ယင့်ဂီး။ အဇာရိကိုအငါနဲ့ နနိန်ရက် ပိုင်ဆိုင်ဟေကား စည်းစိမ်ဥစ္စာရက်နာ နနိန်ရက်က အဆက်အင် လုံခြုံစိတ်ချလှူမနီး အအီလှုကတောင်းဖြစ်ဟေ"ငါ့ကို ငါ့လင်ကဟေ။ 16မှနောက်အာ ကိုယ်တော်ယေရှုနာ လူထုပရိသတ်အင် ပုံဥပမာဆူးဝါအိမ် ငါ့ဆနပ်ကနာ "ဟက်တာကရပ် အဆီပန်းဖြစ်ဟေကား လယ်ပြင်ငင် ပိုင်ဆိုင်ဟေကား သူဌေးဟူးဝါငါ့လင်ကဟေ။ 17မှအကြောင့်အိမ် အမာနာ "ငါက အဆီးပနှံရက်အင် သိုလှောင်ပီးဂါဇီစ် နေရာအကုန့်နန်းကတောင်း အတတ် ငါအဆမှီလိစ်ပိုကာယား " ငါးဂို့ စဉ်းစားတုန်းလင်ဟေ။ 18မှနောက်အာ အမာနာ "ငါအဆာမီလိစ်ပိုကယားငါဟေကချေးယင်နန်း။ ငါကအင်ကဒိန်းအဟိုးငင် အစီးကို တဗျင်းပြောင်ဟေကား အင်ကဒိန်းအနန်းငင် ပြုကျီးနဲ့က(လ်) အဆီပနှံရက်အိမ်မက်တာ ငါကစည်းစိမ်ဥစ္စာရက်အင် သိမ်းပီကား။ 19မဒေငါ့နဲ့က(လ်) ငါက အယောက်ကနှစ်ပေါင်းများစွာအတွက် လုံလောက်ဟေကား အူဇာမီရက်ငင်နန်းရိကို အလိစ်လိစ်ကအစိုးနန်းဖြစ်ကို့ ငါသက်တောင့်သက်သာအိမ် အနားလာကို စားလိုက်၊ သောက်လိုက်အိမ် ပျော်ပျော်မယ်တုန်းကဟေ"ငါ့ကို ငါ့လင်ကဟေ။ 20ညီးင့ဒင့်ယေ့ ဘုရားရှင်နာ အမင် "နင်လူမိုက်၊ ယက်ထင့်နိုက်အာ နင်ဆိန်းလင်ပေါ်ကား။ မဒေဖြစ်ကို့ နင်စုဆောင်းပီကား ပစ္စည်းဥစ္စာရက်နာ နင်ကအတွက်အရိထမ်း အယောက်ကလူးရက်ကအတွက်မယ် ဖြစ်ကလင်ငန်ကား"ငါ့ကို ငါ့လင်ကဟေ။ 21မှနောက်အာ ကိုယ်တော်ယေရူနာ "အမာနာ ဘုရားရှင်ကရှေ့တော်မှောက်အာ ကြွယ်ဝချမ်းသာကအရိ(လ်)ထမ်း အပါနာကအတွက်မယ် အူဇာရက်အင်သိုးလှောင်ပီကို ချမ်းသာဟေငါ့ကို အပါနာကအပါနာက ထင်တုန်းကလူးရက် ကြုံပေါ်ကားအရာမယ်ဖြစ်ဟေ"ငါ့ကို ငါ့လင်ကဟေ။
စိုးရိမ်ဟေကား
(မဿဲ ၆:၂၅-၃၄)
22အယောက်ဟက်တာ ကိုယ်တော်ယေရှုနာ တပည့်တော်ရက်အင် "မှဒေဖြစ်ဂို့ နနိန်ရက်အင် ငါ ငှားကက်ကားနာ နနိန်ရက်က အသက်ရှင်သန်ကဇီစ်အတွက် လိုအပ်ဟေကားအူဇာရက်အင် အစိုးရိမ်ငဲ။ နနိန်ရက်ထနဲ့ ပုတ်ဆာကဇိစ်အလုံလောက်က အရိနဲ့ ပါဇူတူ(ဖ်)ကဇိစ် အဝတ်အစားအလုံလောက်ကယေ့ အစိုးရိမ်ဂီးယေ့။ 23အဇာရိကို့အငါနဲ့ အစားတောင်မာဒင့် နနိန်ရက်ကအဆက်နာ ပိုကိုအရေးကြီးကို့ အဝတ်စားတောင်မာဒင့် နနိန်ရက်က ခန္တာကိုယ်နာ ပိုကိုအရေးကြီးဟေ။ 24အူဟရက်အင်ယူးဝင့်။ အမာရက်နာ အဖင်းအစုပ်ထမ်း၊ အဟန်ကတောင်မှာဒင့် သိုလှောင်စရာ အင်ကဒိန်းရက်အ(လ်) အငါ့ပါ(လ်)။ မဒေဖြစ်ကဒင့် ဘုရားရှင်နာ အမာရက်အင် ကျွေးမွေးပီဟေ။ နနိန်ရက်နာ အူဆီရက်တောင်မာဒင့် ပိုကိုအဖိုးထိုက်တန်ဟေ အရိလဲ။ 25နနိန်ရက်ကအထဲယာ အယူနာ စိုးရိမ်ပူပန်တုန်းအားဖြင့် အပါနာကအဆက်အင် တစ်နာရီတောင်မှာ ပိုကို့ရှည်ဇိစ်ဟေယား။ 26နနိန်ရက်နာ အတတ်ကဒေလေကား အသေးဖွဲ့ကိစ္စရက်အင်ဒင့် အလိစ်လှုနဲ့က(လ်) အယောက်ကကိစ္စရက်အင် အဇာရိကပူပန်တုန်းကယား။ 27မလိမ်းငါကအပန်းရက် အဆာမီ ပြောင်ဟေယေားငါ့ဟေကား ယူဝင်း။ အမာရက်နာ ခက်ခဲပင်ပန်းဟေကား အလိစ်အင်အလိစ်ပါ(လ်)။ ပါဇူရက်အင်ယေ့ အဆုံးပါ(လ်)။ ညီးင့ဒင့်ယေ့ နနိန်ရက်အင် ငါငါ့ကက်ကနာ အယင်ဟိုက်ကရပ်ကား ဘုန်းကျက်သရေပြည့်စုံဒက်ဟေက ရှောလမုန်ဘုရင်ကြီးနာ ကနင်းဟေကား ပါဇူရက်အင်တူဒက်ကက်ယေ့ အမာကအဝတ်စားရက်နာ အိမ်မှအပန်းအထဲယာက တစ်ပွင်ဒက်ဆာဒင့် အကနင်းပါ(လ်)။ 28အို ယုံကြည်ချက်နည်းပါးကလူးရက် အချိန်ကာလစိတ်ဆာမယ် ဆိမ်းကို အယောက်ယက်တာ နှင်နူ(ဖ်)ရက်အိမ်မက်တာ ဗန်(ဖ်)ဗုံးထဲယာ မလောက်ကဟင်းပိုကား မလိမ်းအပန်းရက်အင်ဒင့် ဘုရားရှင်နာ ကနင်းမနီး အလှဆင်အီနဲ့က(လ်) နနိန်ရက်အင် ပိုကိုကနင်းမနီး အလှဆင်အီယန်ကအရိလဲ။ 29နင် အဇာက(လ်)ဆာပိုကား၊ အဇာက(လ်)အူပိုကား ငါ့ဟေကား ရက်ပိုက်စဉ်းစားကို့ အတုန်းငဲ။ အိမ်မှအူဇာရက်အင် စိတ်ပူကို့အတုန်းငဲ။ 30ဘုရားရှင်ငင် အချေးကလူးရက်မယ် အိမ်မှအူဇာရက်ကအတွက် စိုးရိမ်ပူပန်ပေါ်ဟေ။ ညီးငါ့ဒင့်ယေ ရွှေမြို့တော်ဝါငါ့ဟေကား အဗား(ဖ်)ဘုရားရှင်နာ နနိန်ရက်ကလိုအပ်ဟေကား အူဇာရက်အင် ချေးတုန်းကတောင်း နနိန်ရက်နာ အိမ်မှအူဇာရက်ကအတွက် စိုးရိမ်ပူပန်ကို့အတုန်းသင့်ပါ(လ်)။ 31မှအကြောင့် ဘုရားရှင်ကသာသနာတော် အတွက်မယ် ဦးစားအီကိုလိစ်အင်။ မဒေငါ့တောင်းမယ် နနိန်ရက်စိုးကက်ဟေကား အူဇာစုတ်ရက်အင် ဘုရားရှင်နာ လုံလုံလောက်လောက် ဖြည့်ဆည်းအီလင်ကားဖြစ်ဟေ။
ရွှေမြို့တော်ဘဏ္ဍာ
(မဿဲ ၆:၁၉-၂၁)
32အယောက်ဟက်တာ ကိုယ်တော်နာ "သိုးဆာအုပ်စုအိမ်တူဟေကား ငါကတပည့်ရက် ငါနာနနိန်ရက်က သိုးထိန်းအိမ်တူဟေ။ မှအကြောင့် နနိန်ရက်နာ အစက်သင့်ပါ(လ်)။ ရွှေမြို့တော်ဝါငါ့ဟေကား နနိန်ရက်က အဗား(ဖ်)ဘုရားရှင်နာ ရွှေမြို့တော်ဝါ နနိန်ရက်အိမ်မက်တာ အုပ်စိုးကဇိစ် အလိုငါဟေ။ 33မှအကြောင့် နနိန်ရက်က ငါဟေကားဥစ္စာရက်အင်အချေးဂို့ ဆင်းရဲဆားရက်ဇီစ် မန်အီယင်။ မှနည်းအိမ် နင်စာ ထာဝရတည်မြဲ့ကား ပစ္စည်းဥစ္စာယင် နင်ကိုယ်တိုင် စောင့်ရှောက်ကို့ယူတုန်းလင်လူကား။ နင်ကပစ္စည်းဥစ္စာရက်အင် သူခိုးရက်အထုန်ဗာ(ဖ်)လှုပါ(လ်)၊ အပူ(ဖ်)ဆာရက် အဖျက်ဆီလှုကား ရွှေမြို့တော်ဝါမယ် နနိန်ရက်က ပစ္စည်းဥစ္စာရက်အင် သိမ်းဆည်းယင့်ဂီး။ 34အဇာကြောင့်နဲ့ နနိန်ရက်ကား ဥစ္စာရတနာငါဟေကား နေရာယာ နနိန်ရက်ကစိတ်နှလုံးယေ့ ထုန်တုန်းကတောင်း ဖြစ်ဟေ။
ကိုယ်တော်ယေရူပြန့်ဗန်ကဇိစ်အတွက် အဆင်သင့်ပြင်ဆင်ယင့်ဂီး
35ကိုယ်တော်ယေရူနာ ဆက်လက်ကို့ "အငှားဆာရက်နာ ခါးပန်းအင် ကနင်းဖူး(ဖ်)တန်ကို့#12:35 ခါးပန်းအင် ကနင်းဖူးဆာတန်ဟေငါ့ဟေကားနာ အိမ်မှခေတ်အာ ဂျူးလူမျိုးရက်နာ အတာမိတ်ဆာတိုးဟေကား ဝတ်ရုံရှည်ရက်အင် တူးကထောင်းဟေ။ ဝတ်ရုံအရင်းငင် ခါးထိတင်ကို့ ချိတ်ပီကဇိစ် ခါးပန်းအင် သုံးနက်ကနာ လွတ်လွတ်လပ်လပ်အိမ် လင်လှူမနီးဖြစ်ဟေ။ မီးအိမ်အင်ထွန်းကို့ သခင်ပြန့်ငန်ကားအချိန်ငင် စောင်တုန်းကဒေလေ နနိန်ရက်အ(လ်) ငါပြန့်ငန်ကားအချိန်ငင် အဆင်သင့်စောင်တုန်းငင့်။ 36အပါနာရက်ကာ သခင်စာမင်္ဂလာဆောင်ပွဲငါဘင်းပြန်းဗန်ဂို့ အဟင်းဟောက်ဟေကရပ် ချက်ချင်းရိကို့ ဖွင့်အီကဇိစ် စောင်တုန်းဟေကား အငှားဆာရက်တလေ ငါပြန့်ငန်ကရပ်အ(လ်) အဆင်သင့်စောင်တုန်းငင့်ဂီး။ 37သခင်ပြန်ငန်ကအချိန်ငါ အမာကအငှားဆာရက်အင် အဆင်သင့်ဖြစ်တုန်းကပိုနဲ့က(လ်) အိမ်မှအငှားဆာရက်နာ တဗျင်းကံမီလင်ကား။ ငါအမှန်ငါ့ပေါ်နဲ့က(လ်) သခင်နာ အမာကခါးပန်းအင်စည်းကို အိမ်မားအငှားဆာရက်ဇိစ် ဆာကဇမ်းရက်အိမ် ကျွေးမွေးလင်ကား။ 38သခင်နာ ထင့်နိုက်အချိန် (အရိနဲ့) ဟင်းအချီမီအချိန်ငါ ပြန့်ကို့ထုန်ဗာ(ဖ်)ကရပ် သတိအိမ် အဆင်သင့်စောင်တုန်းဟေကား အငှားဆာရက်အင် ပိုနဲ့က(လ်) တဗျင်းနှစ်သက်လင်ကား။ 39ညီးငါ့ဒင့်ယေ မှအူဇာယင်နားလည်ယင့် ကိန်းဆိမ်းနာ သူခိုးအဆီအချိန်ငါ ဗန်ကားချေးနဲက(လ်) အမာစာ သတိဝီရီယားအိမ်တုန်းကတောင်း သူခိုးနာ အမာကကိန်းငင် ဆင်ကို့ကူလင်လူကားအရိပါ(လ်)။ 40မှအကြောင့် အချိန်မရွေး အဆင်သင့်ဖြစ်တုန်း ယင့်ဂီး။ အဇာရိကိုငါ့နဲ့က(လ်) လူ့သားတော်ဖြစ်ဟေကားငါနာ နနိန်ရက်မထက်မှတ်ကအချိန်ငါ ပြန်ကိုကြွဗန်(ဖ်) ကဖြစ်ဟေ"ငါ့ကို ငါ့လင်ကဟေ။ 41အိမ်မှအခါ ပေတရုနာ ကိုယ်တော်ယင် "ကိုယ်တော်၊ မှပုံဥပမာနာ ငါ့ရက်အတွက်မယ် ငါ့ပီကလဲ အရိနဲ့ လူတိုင်းကအတွက်လဲ" ငါးဂို့ ကတာလင်ကဟေ။ 42အိမ်မှကရပ် ကိုယ်တော်နာ "ငါနာ မှတူးစုတ်ရက်အင် လူတိုင်းကအတွက် ငါ့ဆနပ်ဟေကားဖြစ်ဟေ။ သခင်နာ အမာကမိသားစုရက်အင် အုပ်ချုပ်ကဇိစ်အိမ် အချိန်တန်နဲ့က(လ်) ဆာကဇမ်းရက် စီစဉ်အီကဇိစ် ဉာဏ်ပညာအိမ်ပြည့်စုံကို သစ္စာရှိငါဟေကား အငှားဆာဟူးဝါယင့် ခေါင်းဆောင်အဖြစ် တာဝန်အီကို့ကျီးဟေကရပ် အမာနာ လင်းစံဗြောင်ငါ ခရီးပြုလင်ကဟေ။ 43အချိန်တဗျင်းကြားကို့ကျီးဟေကရပ် သခင်နာ ကိန်းငါပြန့်ကိုထုန်ဗာ(ဖ်)ဟေကရပ် အငှားဆာနာ အမာကတာဝန်ငင် ကနင်းဖူး(ဖ်)ဖူး(ဖ်)လိစ်ပီးကား ပိုနဲ့က(လ်) သခင်နာ အမင် တဗျင်းနှစ်သက်လင်ကဖြစ်ဟေ။ 44နနိန်ရက်အင် ငါ အမှန်ငါ့ဆနပ်အန်ကား။ သခင်နာ အမာပိုင်ဆိုင်ဟေကား ပစ္စည်းဥစ္စာစုတ်ရက်အင် ထိန်းသိမ်းစောင့်ရှောက်ကဇိစ် အိမ်မှအငှားဆာယင် ယုံယုံကြည်ကြည်အိမ် အက်လင်ကားဖြစ်ဟေ။ 45ညီးင့ဒင့်ယေ့ အိမ်မားအငှားဆာနာ "ငါကသခင်နာ ကိန်းငါ ပြန့်ဗန်ကဇိစ်အတွက် အချိန်ကြားနိမ့်ကဖြစ်ဟေ" ငါ့ကို ထင်ကို အယောက်ကအငှားဆာရက်အင် ပေါက်ကို့ အူဆာတုန်းနဲ့က(လ်) 46အိမ်မားအငှားဆာက သခင်နာ အမာအထင်မှတ်ကအချိန်အိမ် အမာအချေးကအချိန်ငါ ပြန့်ထုန်ဗာ(ဖ်)ကို အမင် ပြင်းထန်ကအပြစ်ဒဏ်ရက်အင်အီကို သစ္စာတရားအငါကား အငှားဆာရက်အိမ်မက်တာ ပီလင်ကား။ 47သခင်က စိုးကက်ကချေးယန်ယန်အာ အပြင်ဆင်ပါ(လ်)၊ အရိနဲ့ သခင်လိစ်ဇိစ်ကက်ကား အူဇာယင် လိစ်ကိုအပီကအငှားဆာစာ တဗျင်းကနာမပေါက်က ဟင်းလင်ပေါ်ကား။ 48ညီးင့ဒင့်ယေ့ သခင်ကအလိုတော်ယင် အချေးထမ်း အပြစ်လိစ်တိ(လ်)ဟေကား အငှားဆာက(လ်) စိတ်ဆာမယ် ပေါက်ကဟင်းလင်ပေါ်ကား။ ဘောင်းကိုပေးကမ်းက ဟင်းပိုကလူတိုင်းနာ ဘောင်းကိုစိန်ဟေကဟင်းလင်ပိုကား။ ပြောင်ဟေကား တာဝန်ရက်အင် အီကဟင်းပိုကလူးကမှဘင်းယေ့ ဘောင်းကိုကစိန်ဟေကဟင်းလင်ပိုကား။
ကိုယ်တော်ယေရူကသတင်းတူးနာ လူးရက်ကကြားယာ သဘောထားကွဲလွဲကား
(မဿဲ ၁၀:၃၄-၃၆)
49အယောက်ဟက်တာ ကိုယ်တော်နာ "ဗန်(ဖ်)နာ ရွှေယင်သန့်စင်ဇိစ်ကဒေလေ နနိန်ရက်အင်ယေ့ သန့်စင်ဇိစ်ဟေကား တရားစီရင်ဟေကားလိစ်ကဇိစ် မှကမ္ဘာမြေပေါ်ဝါ ငါဗန်(ဖ်)ပေါ်ကဖြစ်ဟေ။ ဘုရားရှင်နာ နနိန်ရက်အင် တရားစီရင်ကအချိန်နာ လိစ်ပြီးသားဖြစ်ကဇိစ်အတွက် ငါဆုစိန်ကျီးယင်နန်းဖြစ်ဟေ။ 50ညီးငါဒင့်ယေ ငါစာ မလားကင့်မ ဒုက္ခဝေဒနာအိမ် ဆိန်းခြင်းဖြစ်ဟေကား နှစ်ခြင်းမင်္ဂလာ ဆူယင် ဟင်းပိုနိမ့်ကား။ အိမ်မှရယက် အကျီးနိမ့်ကားအချိန်ထိ ငါနာ တဗျင်းသောကထုန်အန် ပိုနိမ့်ကား။ 51ငါနာ မှလောကယာကြွဗန်ကနာ လူးရက်ကကြားယာ ငြိမ်းချမ်းဇိစ်ကအတွက် ကြွဗန်(ဖ်)ကားငါ့ကို့ ထင်ကို့အတုန်းငဲ။ အိမ်မှအစား လူးရက်ကကြားယာ စိတ်ဝမ်းကွဲမနီး ငါကြွဗန်ကဖြစ်ဟေ။ 52အဇာရိကို့အငါနဲ့ အတတ်ပင်စဂို့ လူငါးယောက်ငါဟေကား မိသားစုတစ်စုဝါ နိန်ဟူးနာဟိုက်တာ၊ ဆုံးဟူးနာဟိုက်တာ ဟူးဝါအိမ်ဟူးဝါ စိတ်ဝမ်းကွဲလင်ကား။ 53အဗာ(ဖ်)အိမ်အဆာ၊ အနူးအိမ်အဆာအိ၊ အယုံ့ဟာမာအိမ် အာနှင်းရက် ဟူးဝါအိမ်ဟူးဝါ စိတ်ဝမ်းကွဲလင်ကာ"ငါ့ကို ငါ့လင်ကဟေ။
အချိန်အခါယင် နားလည်ဟေကား
(မဿဲ ၁၆:၂-၃)
54ကျီးကအိမ် ကိုယ်တော်ယေရူနာ လူထုပရိသတ်အင် "နနိန်ရက်နာ အနောက်အရပ်အာက ထိန်းပါ(လ်)ကဟြင်ရ်ဂြိလ်ယင်ပေါ်နဲ့က(လ်) ဟြရ်ဗန်(ဖ်)ယန်ကဟေငါ့ကို ဟူးဝါအိမ်ဟူးဝါ ငါ့ထောင်းဟေ။ နနိန်ရက်က ငါ့ကဒေလေဖြစ်ဟေ။ 55တောင်ဘက်မုန်ယက်ယိုးဝန်ဂါခါ ရာသီဥတုပူပြင်းငန်ကဟေ ငါ့ဟေကား နနိန်ရက်ငါ့ထောင်းဟေ။ နနိန်ရက်က ငါ့ကဒေလေယေ့ဖြစ်ဟေ။ 56သူတော်ကောင်းယောင်ဆောင်တုန်းကလူးရက်၊ နနိန်ရက်နာ ကောင်းဂါလက်အိမ် ကဇက်အင်ယူကို ရာသီဥတုယင် ခန့်မှန်းလှုကယေ့ အတတ်လက်ရှိယာ အဇာဖြစ်တုန်းဟေငါ့ဟေကား အဇာရိကိုခွဲခြားကိုအချေးကယား။ 57နနိန်ရက်နာ မှန်ကန်ကအူဇာရက်အင်ရွေးချယ်ကို့လိစ်ကဇိစ် အပါနာကအပါနာ အဇာရိကို ဆင်ခြင်အသုံးသပ်ကယား။ 58လူးဟူးဝါနာ နင်ငင် တရားစွဲနဲ့က(လ်) တရားရုံးငါအထုန်မီဘင်း ကြိုတင်ညှိနိူင်းကို ကျေအေးဇိစ်ကား ကြိုးစားယင့်ဂီး။ မှဒေအရိနဲ့က(လ်) အမာနာ နင်ငင် တရားကြီးကမားအော်လားကလင်ကို့ တရားသူကြီးနာ နင်ငင် အပြစ်ဒစ်အဟြတ်ရ်ကို့ တာဝန်ငါဟေကားလူးရက်က တာဟူးဝါအက်ကို နင်ငင် ထောင်းငါအဟြရ်လင်ကား။ 59ငါငါ့ကက်ကားနာ နင်င(လ်) ထောင်ငါဘင်း အပြုပေါ်မိ နင်အီပိုကားအူဇာစုတ်ရက်အင် အီလင်ပိုကားဖြစ်ဟေ"ငါ့ကို ငါ့လင်ကဟေ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Thet (သက်) Bible by Beyond Translation is licensed under Creative Commons Attribution-ShareAlike 4.0 License.