လုကာ 11
11
အခန်း (၁၁)
ကိုယ်တော်ယေရှုလော့အဆုတောင်းအောင်ငဟော့
(မဿဲ ၆.၉-၁၃၊ ၇.၇-၁၁)
1နှုတ်တောတ်တာ ကိုယ်တော်ယေရှုငဟော့ ခုဝေါတ်တာ ဆုတောင်းအောင်တို့။ ကိုယ်တော် ဆုတောင်းအောင်နောက်ဒုန်းဝါ တပည့်တော်ဒိတ်ကာဟော့ ပေါတ်နောတ်ကိုယ်တော်ငွါလူးလော့တဲ့ "ကိုယ်တော်၊ ရေနှစ်မင်္ဂလာဆရာယောဟန် လော့ ယတပည့်ဝဲ့ရာ အဆုတောင်းနည်း အစုပ်လောက်ကာ ကေ့နိဝါဟော အစုပ်ဝဲ့" သိမ်အလျှောက်တင်တို့။
2နီပေါင်ပိ ကိုယ်တော်လော့ ယနိဝါ "နောင်းနိဆုတောင်းအောင်ကနို
'ရွှေမြို့တော်ဝါအမော့ဟော့ ပအောင်ဘုရားဝေါ၊ ပအော်ဘုရား နာမတော်ငဟော့ ရိုသေလေးစားခြင်းမော့ပဲဆု၊
ပအောင်ဘုရား သာသနာတော်ငဟော ပေါ်ထွန်းဘဲဆု။
3ကေ့နိတောက်အလိုငဟော့ အအေးအုပ်ဗုန်းငဟော့ နှုတ်တောင်းအပိတ်တော်မှုဘွေ၊
4ကေ့နိအပေါ်ဝါ အပြစ်ကျူးလွန်ဟော့ ချောင်တကားဝါ ဟော့ ကေ့နိလော့ခွင့်လှို့တော်မှုလောက်ကာ
ကနိယာဟော့ ဒုစရိုက် အပြစ်သဲ့ဟော့ ခွင့်အလှို့ပိတ်ဘွေ့
ကနိယာဒုစရိုက်ကနိကျူးလွန်နိုင်းတောက် ဖြားရောင်းသွေးဆောင်ငဟော့ဟောကာကွယ်ပိတ်ဘွေ' သိမ်ဆုတောင်းအောင်ဘွေတွက်" သိမ်အမိန့်တော်မူတို့။
တုံအုံငဲ့၊ ရွီရဲ့၊ ဒိုက်ဆွတ်ခုတ်ကဲ့
5ခုတ်တောတ်တာ ကိုယ်တော်လော့နီပုံဥပအုဝေါတ်ဝို ဟော့အဟောက်တို့။ ကိုယ်တော်လော့ "နောင်နိဒိတ်ကာ ပေါတ်နောတ်ဟိဝါ မိတ်ဆွေအမော့ကနို။ နောင်နိဒိတ်ကာဟော့ ပေါတ်နောတ်ငဟော့ ယမိတ်ဆွေ ယအင်းနာစိ အရမ်းစိမ်ဝါအစိလော့တဲ့ 'မိတ်ဆွေ၊
6ကေ့ မိတ်ဆွေ ပေန်းနောတ် ခရီးစိနောက်ဒုန်းဝါအဖိုးလူးကြောင်းငို ယလော့အေးရိုင်ဟော့ ဘောင်းငှော မွက်သေးယကြောင်းငို ပေါင်မုန့်လုံးထွန်အပူးဝဲ့' သိမ်အဟောက်ကနို 7အင်းဒိတ်ကာအမော့ဟော့ယမိတ်ဆွေလော့ 'ကေ့ အနှောက်ယှက်သိုင်းသိ၊ ဒိုင်ဆွတ်ဟော့ ကခါ့ပုန်ဟီ၊ ကေ့စိုးနောင်ဝဲ့ဟော့ အိဒွန်းနာ ယနိအိမာက်ဟီ၊ ကေ့အိဒွန်းနာဟော့ထောန်ဟလော့သဲ့ ဘောင်းဟော့ အပိတ်ခုသိပ်လာ့ဟု' သိမ်ပြန်လောက်အဟောက်ဘွေဝဲ။ 8နောင်းနိဝါကေ့ကဟောက်ကနို ဆိုချောင်ငဟော့ ယမိတ်ဆွေ ဖြစ်ကြောင်းငို အိဒွန်းနာဟော့ထောန်လော့သဲ့ မောင်းဟော အပိတ်ဝဲဆိတ်ငှားလော့ဟော့ ဆက်လက်လော့တဲ့ အတုံးအုံကနို ယဂုဏ်သတင်းငဟော့ထိခိုက်ငှားအုံ ယလော့ အိဒွန်းနာဟော့ ထောန်လော့သဲ့ ဆိုချောင်လော့အတုံးအုံငဟော့ အပိတ်ကိုင်း။ 9အနီကြောင်းငို နောင်နိယာကဟောက်ဝဟော့ တုံအုန်ဘွေ့တို့၊ နောင်နိလော့ နောင်နိလာ့အာဝိုင်း။ ရွှီဘွေ့တို့၊ နောင်နိခွန်းနိုင်း။ ဒိုင်ဆွတ်ခုတ်ဘွေ့၊ ဒိုက်ဆွတ်ခုတ်ဟော့ ချောင်အားလုံးငါပ အဟူးပိတ်ကိုင်း။ 10ဘယ်သိမ်ကြောင်းငိုဝါနိုးပုဝါ တုန်းအုန်ဟော့ ချောင်အားလုံးလော့ ယနိ လာ့အဝိုင်း၊ ရွှီဟော့ချောင်လော့ အခွန်းနိုင်း၊ ဒိုက်ဆွတ်ခုတ်ဟော့ ချောင်တကားဝါ ဒိုက်ဆွတ်အဟူးပိတ်ကိုင်း။ 11နောင်နိဒိတ်ကာ စိုးနောင်ဝဲ့လော့ ငိုးကုန်ငေါတ်အတုန်းအုံကနို နီအနူးပိုးလော့ ငိုးကုန်ငေါတ်ပိတ်တအုံ ဖော်ကုန်ငေါတ်အပိတ်ကိုင်းရိုး။ 12တစ်လောက်ကာဆိတ်ငှားတစ်အုံ ယလော့အာတွေ့ အတုန်းအုံကနိုသေး ကင်းမြီးကောက် အပိတ်ကိုင်းရိုး။ 13အနီကြောင်းငို နောင်နိယဟော့ ပွယ်ငှားဟော့ ချောင်အဖြစ်ကနိပ နောင်နိစိုးနောင်ဝဲ့ယာ ပွယ်ဟော့ အရာဝဲ့နော နောင်နိပိတ်ကနို ရွှေမြို့တော်ဝါအမော့ငဟော့ ပအောင်ဘုရားရှင်လော့ဟော ယငွါတုန်းအုံဟော့ချောင်ငါ ပိုလော့ပဘုရားအမွင်ချို အပိတ်ကိုင်းဆိတ်ကမိုး" သိမ်အမိန့်တော်မူတို့။
ကိုယ်တော်ယေရှုငဟော့ ဗေလဇေဗုလ ထောက်ကာတန်ခိုးမော့ငဟော့
(မဿဲ ၁၂.၂၂-၃၀။ မာကု ၃.၂၀-၂၇)
14နှုတ်ဝေါတ်တာ ကိုယ်တော်ယေရှုလော့ ချောင်ပေန်းနောတ်တာ အို့အုံအစိုင်းငဟော့ ခွက်ရိုင် အလှာန်တို့။ ကိုယ်တော်ယေရှုလော့ အနီခွက်ရိုင်း အလှာန်ပိတ်စလော့ အနီချောင် စလော့သဲ့ အသက်အက်ကြောင်းငို ချောင်ပုရိသတ်သဲ့လော့ ယနိအံ့ဩသို့။ 15ဆိတ်လော့ဟော ချောင်တချို့လော့ "နီချောင်ငဟော့ ခွက်ရိုင်းရဟော့ရှန်ပလာန်း ဗေလဇေဗုလငှာဟော့#11.15 ဗေလလဇေဗုလ သိမ်အဟောက်ငဟော့ ဟောနီအခေတ်ဝါ အာဗြံဟံ ဘုရားရှင်ငဟော့ ကိုးကွယ်ငှားဟော့ချောင်ဒိတ်ကာ နောတ်ဘုရားဝဲဒိတ်ကာကာဟော့ ပေါတ်နောတ်နှာမည်မော့လော့သဲ့ ချောင်ငဲ့ငဟော့ ယနှာမိန်ငဟော့ မာရ်နောတ်ငဟော့ အရည်ညွှန်းနောက်ဒုန်းဝါ အဆုံးအုံငဟော့အဖြစ်။ တန်ခိုးဝို အနီပွယ်ငှားဟော့ချောင် အလှာန်နော အဖြစ်" သိမ်ယနိဟောက်။ 16အရာချောင်ငဲ့လော့ဟော ကိုယ်တော်ယနိစမ်းသပ်နှူးကြောင်းငို ဘုရားရှင်ငှာဟော့ နိမိတ်လက္ခဏာ အုဝေါတ်ဟိငဟော့အပြဝဲ့တောက် ယနိတုန်းအုံ။ 17ဆိတ်လော့ဟော ကိုယ်တော်လော့ ထော်ချောင်ငဲ့လော့ ဘောင်းယနိခင်းသိမ် အမှတ်ကြောင်းငို "နိုင်ငံဒိက်ကာ ဆန့်ကျင်ကွဲပြားအလော့ တောက်အောက်ကဟော့ နိုင်ငံတကား ယနိပျက်စီးလာ့ဝိုင့်။ အလှောက်ကာနော မိသားစုအုဝတ်တာဟော့ ယနိအချင်းချင်း ယနိဆိပ်ကနို အနီမိသားစု အပျက်စီးလာ့ဝိုင့်။ 18ထိုကြောင်းငို ဗေလဇေဗုလလော့ ပွယ်ငှားဟော့မာရ်နောတ်ဝို အချင်းချင်းအတိုက်အောက်ကနို ယကိုယ်တိုင်လော့ ဆန့်ကျင်လို့သဲ့ ယတိုင်းပြည်ယဟော့ဟော အကျပ်ကဲ။ တိုဝါကေ့လော့တစ်လောက်ကာကဟောက်လခြင်းငဟော့ ဗေလဇေဗုလလော့ ပွယ်ငှားဟော့ခွက်ရိုင်းရဲ့ အမောင်းထုတ်သိမ် တန်ကိုးငဟော့ ကေ့ဝါအပိတ်သိမ် နောင်နိလော့အဟောက်ကြောင်းအဖြစ်။ 19တကယ်လော့ ကေ့လော ဗေလဇေဗုလတန်ခိုးဝို ပွယ်ငှားဟော့ခွက်ရဲ့ဝဲ့ ကမောင်းထုတ်ကနို နောင်နိတပည့်လော့ဟော နီးတန်ခိုး ဆွန်အွမ်လော့သဲ့ ပွယ်ငှားဟော့ ခွက်ရိုင်းရဲ့ နောင်နိလှာန်ငိုး။ နီကြောင်းငို နောင်ငိုလော့စွပ်စွဲငဟော့ အမှားသိမ် နောင်နိတပည့်ကိုယ့်တိုင်လော့ သက်သေအပြ။ 20ဆိတ်လော့ဟော တကယ်လော့ ကေ့ယဟော့ ဘုရားရှင်တန်ခိုးတော် ဆွန်အွမ်ဟလော့ ပွယ်ငှားဟော့ ခွက်ရိုင်းရဲ့ ကလှာန်သိမ် ဟောက်ကနို နောင်နိငှာ ဘုရားရှင် သာသနာတော်ငဟော့ အဖိုးဟီသိမ်သက်သေ နောင်နိပြခုဟီ သိမ်အဖြစ်။ 21ခွန်အားမော့ဟော့ချောင်ငဟော့ လက်နက်အပြည့်စုံငဟော့ ခိုက်လော့တဲ့ ယအင်းငဟော့ အစောင့်ရှောက်ကနို ယအပိုင်စိုင်ငဟော့ ပစ္စည်း ငဟော့အလုံခြုံဝဲ။ 22ဆိတ်လော့ဟော ယထောက်ကာ အားမော့ဟော့ချောင်လော့ လူးလော့တဲ့ တောက်လော့အ နောင်အောင်ကနို ယလော့အားကိုးလငဟော့လက်နက်ဝဲ့လော့ ယလော့အပိုင်စိုင်ငဟော့ ပစ္စည်းဝဲ့ဟောဟော့ အခြားချောင်ငဲ့ဝါ အဖိုင့်ပိတ်ဝဲ။ 23ကေ့ပေါတ်သို ရပ်တည်ငှားဟော့ နီးပဆိတ်ကာဆိတ် ကေ့အဆန့်ကျင်ဟော့ချောင်ဖြစ်လော့တဲ့။ ဘုရားရှင်တောက် ချောင်ငဲ့ငဟော့ အစုဝဲ့တောက် ကူညီငှားဟော့ချောင်ငဟော့ ချောင်ငဲ့ ဘုရားရှင်ဝို အလှို့ဝါ အကွဲထွက်ဟော့ချောင်အဖြစ်" သိမ်အမိန့်တော်မူတို့။
ပြန်လော့လူးဘော်ဟော့ ခွက်ရိုင်
24ခုတ်ဝေါတ် ကိုယ်တော်ဆက်လော့တဲ့ "ပွယ်ငှားဟော့ခွက်ရိုင်းလော့ အပူးအူနောက်ဒွန်းချောင်ငှာဟော့ ရှုလော့သဲ့ အဒွန်းနောက်ဒွန်းနေရာအုဝတ်ရွှီလော့သဲ့ ကန္တာရ ဒိက်ကာ ကြောင်းအောင်လော့သဲ့အအွမ်း။ ဆိတ်လော့ဟော အဒွန်းနောက်ကိုင်းနေရာရွှီလော့ အလငှားကြောင်းငို ပွယ်ငှားဟော့ခွက်ရဲ့လော့ 'ကေ့ကအွမ်းနေက်ဒွန်းနာ ကေ့ကပြန်လော့ဝဲ' သိမ်အဟောက် ပြန်လော့အစိပေါ်တို့။ 25ပွယ်ငှားဟော့ခွက်ရိုင်း ပြန်လော့အဖိုးဘော်ပိစ လကိုဝါ အပူးကပ်ဟော့ချောင်ငဟော့ သန့်ရှင်းသပ်ရပ်လော့ အင်းလောက်ကာအွမ်းငဟော့ ချောင်မွက်ငှားဝဟော့ လှောက်ကာအဖြစ်သဟော့အခွန်းတို့။ 26အနီပိလော့ ပွယ်ငှားဟော့ခွက်ရိုင်းလော့ ယထောက်ကာ ပိုလော့ဆိုးဟော့ ပွယ်ငှားဟော့ ခွက်ရိုင်း ကုန်ရှေ့ အဘိက်အိပ်ကော့။ ယနိအားလုံးအနီချောင်ငှာလူးအလို့သဲ့ ယနိအွမ်းပိလော့ အနီချောင်အခြေအနေယဟော့ အရာန်ငါဟော့ထောက်ကာပိုလော့ အဆိုးလူးတို့" သိမ်အမိန့်တော်မူတို့။
အစစ်မှန်ငဟော့ အမှော့စံအပိတ်ခေါင်းလငဟော့
27ကိုယ်တော်ယေရှုလော့ ချော င်ပုရိတ်သတ်သာ အဟောတွန်းနာ နှတိုးနူးပေန်းနောတ်လော့ "ကိုယ်တော် ငဟော့ အသောက်အောက်လော့ အစောင့်ရှောက် ဟော့နှတိုးနူးဝဟော့ ပရိုးပအပျော်ရွှင်လအယ်ရိုး" သိမ် အလှုပ့်လှုပ့်ဝါ အလျှောက်တင်တို့။ 28နီပိစ ကိုယ်တော်လော့ "နီပေါလ်ဝဟော့ အမှန်။ ဆိတ်လော့ဟော ဘုရားရှင်လော့ အဟောက်ဝတ်တဟော့ မင်္ဂလာတရားတော်ဝဲ့ နာအာလာ့ လိုက်နာဟော့ချောင်ငဲ့နောပိုလော့တဲ့ ပျော်ဟော့ချောင်ငဲ့အဖြစ်ဝဲရိုး" သိမ်ပြန်လော့တဲ့ အဟောက်ဖော်တို့။
ချောင်ငဲ့လော့ ကိုယ်တော်ယေရှုဝါဟော့ နိမိတ်လက္ခဏာ ယနိတုန်းအုံငဟော့
(မဿဲ ၁၂.၃၈-၄၂)
29ချောင်ပရိတ်သတ်သဲ့လော့ ကိုယ်တော် ယနိဝိုင်းရံတွန်းနာကိုယ်တော်လော့ "တိုဝါခေတ်တာ ချောင်ငဲ့ယဟော့ ကီးကယ်ဆိုးဝါးဟော့ချောင်ငဲ့အဖြစ်။ ဘယ်သိမ်းကြောင်းငိုဝါနိုးပုဝါ ယနိငလော့ ကေ့ဝါ ဘုရားရှင်လော့အလှို့ငဟော့ သက်သေအပြဝဲတောက် အံ့ဖွယ်နိမိတ်လက္ခာငဟော့ ကေ့ဝါ အစိုင်းပိတ်ဝဲ ငဟော့ယနိတုံးအွမ်ကြောင်းငိုအဖြစ်။ ဆိတ်လော့ဟော ယနိလော့အမှုလအယ်ငဟော့ နမိတ်လက္ခဏာငဟော့ ရှေဂယခင်ဝါ ပရောဖက် ယောန#11.29 ယောန သည်ရှေးယခင်ကရှိခဲ့သော အရိယာသူတော်စင်တစ်ပါးဖြစ်၏။ အလွန်ကြီးမားသောငါးကြီးတစ်ကောင်သည် သူ့အား မျိုချခဲ့ပြီး သုံးရက်ကြာသောအခါ ဘုရားရှင်သည် ငါးကြီးအား ယောနကို ကုန်းပေါ်သို့ ပြန်လည်အန်ချစေခဲ့၏။ ဝါအဖြစ်ငဟောတ်ငဟော့နိုး နမိတ်လက္ခဏာဘောင်းနိုးအမှု့လအယ်။ 30ယောနငဟော့ နိနေဝေမြို့ဝါဟော့ချောင်ငဲ့အတောတ် နိမိတ်လက္ခဏာ အပြလှောက်ကာ ချောင်စိုးနော် ဝဟော့ဟော နီမျိုးဆက်ချောင်ငဲ့အတောတ် နိမိတ်လက္ခဏာအဖြစ်လူးဝိုင်း။ 31တရားစီရင်ဟော့ အချိန်အဖိုးကနို ရှေဘပြည်#11.31 ရှေဘပြည်ဘုရင်မသိမ်ဟောက်ငဟော့ တောင်ပိုင်း ဘုရင်မအဖြစ်။ (ဓမ္မရာဇဝင် ပထမစာစောင် အခန်း ၁၀း၁-၁၃) အစ္စရေးပြည်တောင်းပိုင်းငဟော့ ယတိုင်းပြည်အဖြစ်။ ရှန်ပလာန်းနူးဝဟော့ငဟော့ဟော တူဝါဟော့ခေတ် ချောင်ငဲ့ဝိုတွက်တူဝါ ထထမြောက်ရှန်သန်လော့တဲ့ မျိုးဆက်ဝဲ့ အမှားငဟော့ အပြစ်တောင်ဝဲ။ ဘယ်သိမ်ကောင်းငိုဝေါနိုးပုဝါ နီနတိုးနူးငဟော့ ဉာဏ်ပညာလင်းလော့တဲ့ ရှောလမုန်ဘုရင်လင်းငဟော့ အဆုံးအမငဟော့ ရောက်လအယ်ကြောင်းငို အလှို့ဝဦငဟော့တိုင်းပြည်ဝါ အလူးတို။ နေင်နိငဟော့ ကေ့လော့ကဟောက်လအယ်နိုးပုဝါ တူဝါနီနေရာဝါ ရှောလမုန်ထောက်ကာအလင်းဟိုက်ဟော့ချောင် နောင်နိဝိုတွက်တူဝါအမော့။ ဆိတ်လော့ဟော ယနိငဟော့ ယအဆုံးအမငဟော့ လက်ခေါင်းနအွမ်။ 32တစ်လောက်ကာ တရားစီရင်ဝဲ နုတ်အဖိုးပြီးစလော့ နိနေဝါမြို့သားဝဲ့ငဟော့ဟော တူဝါခေတ်ချောင်ငဲ့ဝိုအတွက်တူဝါ ထမြောက်လော့တဲ့အဟိုင်ကနို နီမျိုးဆက်ချောင်ငဲ့မှားယွင်းမှုများငဟော့ စလော့တဲ့စွဲဝဲ။ အကောင်းမှုဝါ နိနေဝေမြို့သားဝဲ့ငဟော့ ယောနလော့အဟော ပြောသွန်သင်လော့တဲ့ အရောက်လခွါ ယအပြစ်များငဟော့ နောင်တသံဝေဂရ အလကြောင်းငိုအဖြစ်။ နောင်နိငဟော့ ကေ့လော့ကဟော့လအယ်နိုးပုဝါ တူဝါနေရာဝါ ယောနထောက်ကာ ကြီးမြတ်ဟော့ချောင်ငဟော့ နောင်နိဝိုအတွက်တူဝါအမော့။ ဆိတ်လော့ဟော နေင်နိငဟော့ ယလော့အဆုံးအမငဟော့ ရောက်လလော့ဟော့ နောင်နတသံဝေဂ လအာဝအွမ်" သိမ်အမိန့်တော်မူတို့။
ကိုယ်ခန္ဓာဝါဟော့အဝါန်း
(မဿဲ ၅.၁၅၊ ၆.၂၂-၂၃)
33ကိုယ်တော်လော့ "မီးထွန်းလော့အသောက်ကဟော့ မီးအိမ် ငဟော့နီးလော့ဟော့ ထုဝအို့၊ တုံကောဝါဟောသောက်ကအို့၊ အင်းဒိက်ကာဝေါင်လူးဟော့ချောင်ငဲ့လော့ အဝမ်းအလာ့အာဝိုင့်တောတ် မီးအိမ်ငဟော့ မီးတောင်ငါနော ဘို့အလော့သဲ့သောက်။ 34နောင်နိ မိတ်ရဲ့ယဟော့ နောင်နိဟော့ခန္ဓာကိုယ်ဝါအဝါန်းပိတ်ငဟော့မီးအိမ်လှောက်နော အဖြစ်။ နောင်းမိတ်အပွယ်ကနို နောင်ခန္ဓာကိုယ် ဝဟော့ အလင်းရောင်အားလုံးလာ့အာသလော့သဲ့၊ နောင်မိတ်အပွယ်ငှားကနို ခန္ဓာကိုယ်အရာအားလုံး အရှုန်းငိုင်ဝဲ။ 35အနီကြောင်းငို နောင်ဝါအမော့အဝါန်းငဟော့ အရှုန်းဖြစ်ငှားအုံ သေသေချာချာစိုင်းဘွေ့တို့။ 36နီကြောင်းငို နောင်ငါခန္ဓာအုဝေါတ်ငဟော့ အရှုန်းသိမ်မွက်ဟားလော့သဲ့ မီးအိမ်ငါမွက်ဟော့ အဝါန်းဟော့ဝို နောင်အပေါ်ဝါ အဝါန်းလှောက်ကာ နေရာတိုင်းငါ အဝါန်းငိုင်" သိမ်အမိန့်တော်မူတို့။
ကိုယ်တော်ယေရှုလော့ ဖာရိရှဲလော့ ကျမ်းဟယ်ဟော့ဆရာဝဲ့ အဆုံးမငဟော့
(မဿဲ ၂၃.၁-၃၆။ မာကု ၁၂.၃၈-၄၀)
37အလှောက်အဟောက်ပုန်ပိစ ဖာရိရှဲပေန်းနောတ်လော့ ကိုယ်တော်ယေရှုဝါအအေးအုပ်ဝဲသိမ် အစို့ဝိုင်သိမ် ယအင်းနာအဖိတ်အိပ်ကြောင်းငို ကိုယ်တော် ငဟော့ စိလော့တဲ့ စားပွဲဝါအအွမ်းတို့။ 38ကိုယ်တော်ဝဟော့ ယအင်းနာစိလော့သဲ့ ဘုဝဲဘွက်ဝဲတောက်ဂျူးသလော့ထုံးစံအတိုင်း အကွက်ဘွတ်ငှားတစ်အုံ စားပွဲဝါ အုံးငဟော့ ဖာရိရှဲလော့အမှု့ပြီးစလော့ အံ့ဩတို့။ 39အနီကြောင်းငို ကိုယ်တော်လော့ ယဝါ "နောင်နိ ဖာရိရှဲရဲ့ဝဟော့ ပန်းကန်ခွက်ယောက်ငဟော့ အကြောင်းဝါအမော့ငဟော့တဲ့ နောင်နိအတွင်းစိတ်ဒိတ်ကာဟော့မူ လေဘတရားလော့ ညစ်ပေဆိုးညစ်တို့။ 40လူမိုက်ကဲ့နော၊ ဘုရားရှင်လော့ နောင်းနိခန္ဓာယ်ကိုလော့ နောင်နိအတွင်းစိတ်နလုံးသားငဟော့ဟော့ ဖန်ဆင်းပိတ်ဆိတ်ကမိုး။ 41နီကြောင်းငို ပေါငှားဟော့စိတ်ဝို လောပအလင်းငဟော့မော့ငှားတစ်အုံ နောင်နိဝါအမော့ငဟော့ စိအရာဝဲ့ ဆင်းရဲသားဝဲ့ယာ ပိတ်ဘွေတွက်။ တစ်လောက်ကာအပိတ်ကနို နောင်နိငဟော့ အမှန်စင်စက် ဘုရားရှင်ရှေ့ဝါ သန့်ရှင်းစင်ကြယ်ဝဲ့။ 42ဖာရိရှဲဝဲ့ နောင်နိယဟော့ ဒုက္ခနောင်နိခွန်းဟီ၊ နောင်နိယဟော့ ဘုရားရှင်နာ နောင်နိအဖွမ်းနာဟော့ဆုဟော့ အထိုက်အပါးရဲ့ ပွန်ငှာဝါဟော့ ပွန်နောတ် ယနိလှူ။ ဆိတ်လော့ဟော နောင်နိလော့ ယပွေးလှိုင်အိုင်နောက်သလို့ဘုရားရှင်ဟော နိုးအိုနောက်ကသိ။ နောင်နိယဟော့ ဘုရားရှင်နာ ပွန်ငှာဝါဟော့ ပွန်နောတ် နောင်နိပိတ်ထောက်ကာ အရာချောင်ငဲ့ ယာ မျှမျှတတကျင့်သုံးသလို့သဲ့ နောင်နိဟင်းရှေလာ့ဝိုင့်။ 43ဖာရိရှဲ ဝဲ့ဝေါ၊ နောင်နိလော့ ဒုက္ခနောင်နိခွန်းဟီ။ ဘယ်သိမ်ကြောင်းငိုဝေါနိုးပုဝါ ဓမ္မာရုံငဲ့#11.43 ဓမ္မာရုံသိမ်ဟောက်ငဟော့ ဂျူးချောင်ဝဲ့ အစုအူလော့ ကျမ်းစိုဖောက်နောက်ဒန်းဖြစ်လော့တဲ့ ယနိလော့ယုံကြည်မှု့ငဟော့ အကျန်ဝဲတောက် ဘုရားရှင်ငဟော့ အခို့နောက်ဒုန်းဝဲတောက် အဆောက်အအုံအဖြစ်။ ဝါဟော ရှေ့ဆုံးငါငုံးသလော့သဲ့ နေရာနောင်နိလောက်အောင်လာ့ဝဟော့ နောင်နိနိုးအိုနောက်။ ဈေးဒိက်ကာ ချောင်မနဲလော့ဂုဏ်ပြုအလော့ နောင်နိကြိုဆို ဝဟော့ဟော နောင်နိနိုးအိုနောက်ဟွန်း။ 44ဖာရိရှဲဝဲ့ နောင်နိဒုက္ခနောင်နိခွန်းလာဟီ၊ နောင်နိယဟော့ အမှတ်အသားမွက်ငှားဟော့ စူခူ လှောက်ကာနော အတူ။ ချောင်ငဲ့လော့ အမှတ်အသားမွက်ငှားဟော့နေရာ ပုဝါ ဟော့ အစိကနို ထိုချောင်ငဲ့ငဟော့ မစင်ကြယ်ခြင်းငဟော့ မစင်ကယ်ခြင်းငဟော့အဖိုးဝယ်" သိမ်အမိန့်တော်မူတို့။ 45ကျမ်းဟယ်ဟော့ဆရာပေန်းနောတ်လော့ ကိုယ်တော်ဝါ "ဆရာနီလှောက် အမိန့်ကဟော့ ကနိ အစော်ကားအာလောက်ကာအဖြစ်" သိမ်ပြန်လော့ အဟောက်ဘော်။ 46ကိုယ်တော်လော့ "ကျမ်းဟယ်ဟော့ဆရာဝဲ့ရော နောင်နိ ဒုက္ခနောင်နိခွန်းဟီ။ ဘယ်သိမ်ကြောင်းငိုဝေါနိုပုဝါ နောင်နိငဟော့ ချောင်အများလော့ အအလိုက်နာဝဲတောက် စည်းမျဉ်းစည်းကမ်းများငဟော့ ယနိတောက်ငဟော့နိုးပုဝါ ချေင်ငဲ့လော့အကိုယ့်ရှောက်လောက်ကာ အရေ့ငဟော့ဝန်ပို့များငဟော့ အကိုယ့်ဆောက်လောက်ကာအဖြစ်။ ဆိတ်လော့ဟော နောင်နိလော့ ထိုချောင်ငဲ့အကူညီဝဲ့တောက် အကွက်ရုံးစအော်ပစပ်အပ်။ 47ကျမ်းဟယ်ဟော့ချောင်ငဲ့ဟော့ ဒုက္ခစိုးဝဲ့ နောင်နိဖြစ်။ ဘယ်သိမ်ကြောင်းငိုဝေါနိုးပုဝါ လကိုဝါ နောင်နိဟံနူးဟံပိုးဝဲ့ အဒုတ်ဟော့ငဟော့ ပရောဖက်ဝဲ့အုတ်ကူငဟော့ အလှဆင်အလော့တဲ့ ယနိရှောက်။ 48အလှောက်နောင်နိစိုင်းယဟော့ နောင်နိဟန်ပိုးဝဲ့လော့ အစိုင်းရွက်တဟော့ အမှန်သိမ်နောင်နိခင်းကြောင်းငို အဖြစ်။ နိလော့ ပရောဖက်ဝဲ့ဒုတ်အလော့တဲ့ နောင်နိငဟော့ သင်္ချိုင်းခူဝဲ့ငဟော့ ပေါ့အုံယနိရှောက်ပိတ်ဟယ်တို့။ 49အနီကြောင်းငို ဘုရားရှင်အမွင်ချိုတော်ဝို ယနိ ပွယ်ငှားဟော့အကြောင်းငဲ့ ကဟောက်ဝတ်တဟော့ 'ရောဖက်လော့ တမာန်တော်ဝဲ့ ကလှို့ဝိုင်။ ဆိတ်လော့ဟော အနီ ပရောဖက်သဲ့ သာဝကဝဲ့ ဝဟော့ တချို့ဝဟော့ သုတ်တလို့သဲ့ တချို့နီး နောင်နိဟင်းဆိုင်ရိုင်' သိမ် အဖြစ်။ 50တနှုတ် လောကီစိုးဝဲ့ ပညာမွက်ဟော့ ပရောဖက်ငဲ့ အားလုံး ကမ္ဘာဦးစ တကွယ့်လော့ ယနိသုတ်ကြောင်းငို ဘုရားရှင်လော့ အပြစ်အပိတ်ကိုင်း။ 51နောင်နိဝါကေ့ကဟောက်ဝဲ့ ပထမအဒုတ်ခေါင်းလငဟော့ အာဗေလလော့#11.51 ကာအိန က အာဗေလ ဆိုတာအာဒံသား ပထမအတတ်ခံရဲ့သား (ကမ္ဘာဦးကျမ်း၄း၈) ကျုံလော့ ပူဇော်ပလ္လင်အကြားဝါ နေမာက်ဆုံးအသုတ်ခေါင်းအောင်လငဟော့ ဇာခရိ#11.51 ဇာခရိသိမ်ဟောက်ငဟော့ ရှေးပုရောဟိတ်ပေါတ်နောတ်ဖြစ်လော့တဲ့ ဘုရားရှင်နှုတ်ကပတ်တော်ဝဲ့ငဟော့ ဟောပြောကြောင်း အဒုတ်ခေါင်းလငဟော့အဖြစ်။ (ရာဇဝင်ချုပ် ဒုတိယစာစောင် ၂၄း၂၀-၂၂) တိုင်အုံ နောင်နိဖိုးဘေးဝဲ့လော့အဒုတ်ငဟော့အတောက် နောင်နိဝါဘုရားရှင်လော့ အပြစ်ပိတ်ကဲ။ 52"ကျမ်းဟယ်ဟော့ဆရာငဲ့ရိုး နောင်နိငဟော့ ဒုက္ခခေါင်လအယ်ဟီ။ ဘယ်သိမ်ကြောင်းငိုဝေါနိုးပုဝါ နောင်နိလော့ ချောင်ငဲ့ဝါ ဘုရားရှင်မှန်ကန်ငဟော့လောင်းငဟော့မှတ်ငှားအုံ အသားကြောင်ငိုအဖြစ်။ နောင်လော့ဟော ဆိုလောင်းဝိုလက်နုာငှားတစ်အုံ လိုက်နာဝဲ့ဟော့ချောင်ငဟော့ဟော့ နောင်နိသားစီးတို့။ 53နိကြောင်းငို ကိုယ်တော်လော့ ထိုအရပ်တာဟော့ ဆုလူးပြီးစလော့ ကျမ်းဟယ်ဟော့ဆရာလော့ ဖာရိရှဲများလော့ ကိုယ်တော်ဝါ အကြောင်းအရာဝဲ့လော့ ပတ်သက်လော့တဲ့ မေးခွန်းဝဲ့ငဟော့အနည်းငဟော့ ယနိစက်တို့။ 54ထိုချောင်ငဲ့လော့ ကိုယ်တော်လော့အဟောက်ငဟော့စကားဝဲ့ငဟော အမှားအုတ်ဝေါတ် အပိုလော့ ကိုယ်တော် ငဟော့ အပြစ်စွပ်စွဲတောက် တစ်လောက်ကာမေးခွင့်ဝဲယနိစက်တို့။
Currently Selected:
လုကာ 11: CEY
Highlight
Share
Copy
Want to have your highlights saved across all your devices? Sign up or sign in
Chin, Ekai (အီကိုင်(လ်) Bible by Beyond Translation is licensed under Creative Commons Attribution-ShareAlike 4.0 License.
လုကာ 11
11
အခန်း (၁၁)
ကိုယ်တော်ယေရှုလော့အဆုတောင်းအောင်ငဟော့
(မဿဲ ၆.၉-၁၃၊ ၇.၇-၁၁)
1နှုတ်တောတ်တာ ကိုယ်တော်ယေရှုငဟော့ ခုဝေါတ်တာ ဆုတောင်းအောင်တို့။ ကိုယ်တော် ဆုတောင်းအောင်နောက်ဒုန်းဝါ တပည့်တော်ဒိတ်ကာဟော့ ပေါတ်နောတ်ကိုယ်တော်ငွါလူးလော့တဲ့ "ကိုယ်တော်၊ ရေနှစ်မင်္ဂလာဆရာယောဟန် လော့ ယတပည့်ဝဲ့ရာ အဆုတောင်းနည်း အစုပ်လောက်ကာ ကေ့နိဝါဟော အစုပ်ဝဲ့" သိမ်အလျှောက်တင်တို့။
2နီပေါင်ပိ ကိုယ်တော်လော့ ယနိဝါ "နောင်းနိဆုတောင်းအောင်ကနို
'ရွှေမြို့တော်ဝါအမော့ဟော့ ပအောင်ဘုရားဝေါ၊ ပအော်ဘုရား နာမတော်ငဟော့ ရိုသေလေးစားခြင်းမော့ပဲဆု၊
ပအောင်ဘုရား သာသနာတော်ငဟော ပေါ်ထွန်းဘဲဆု။
3ကေ့နိတောက်အလိုငဟော့ အအေးအုပ်ဗုန်းငဟော့ နှုတ်တောင်းအပိတ်တော်မှုဘွေ၊
4ကေ့နိအပေါ်ဝါ အပြစ်ကျူးလွန်ဟော့ ချောင်တကားဝါ ဟော့ ကေ့နိလော့ခွင့်လှို့တော်မှုလောက်ကာ
ကနိယာဟော့ ဒုစရိုက် အပြစ်သဲ့ဟော့ ခွင့်အလှို့ပိတ်ဘွေ့
ကနိယာဒုစရိုက်ကနိကျူးလွန်နိုင်းတောက် ဖြားရောင်းသွေးဆောင်ငဟော့ဟောကာကွယ်ပိတ်ဘွေ' သိမ်ဆုတောင်းအောင်ဘွေတွက်" သိမ်အမိန့်တော်မူတို့။
တုံအုံငဲ့၊ ရွီရဲ့၊ ဒိုက်ဆွတ်ခုတ်ကဲ့
5ခုတ်တောတ်တာ ကိုယ်တော်လော့နီပုံဥပအုဝေါတ်ဝို ဟော့အဟောက်တို့။ ကိုယ်တော်လော့ "နောင်နိဒိတ်ကာ ပေါတ်နောတ်ဟိဝါ မိတ်ဆွေအမော့ကနို။ နောင်နိဒိတ်ကာဟော့ ပေါတ်နောတ်ငဟော့ ယမိတ်ဆွေ ယအင်းနာစိ အရမ်းစိမ်ဝါအစိလော့တဲ့ 'မိတ်ဆွေ၊
6ကေ့ မိတ်ဆွေ ပေန်းနောတ် ခရီးစိနောက်ဒုန်းဝါအဖိုးလူးကြောင်းငို ယလော့အေးရိုင်ဟော့ ဘောင်းငှော မွက်သေးယကြောင်းငို ပေါင်မုန့်လုံးထွန်အပူးဝဲ့' သိမ်အဟောက်ကနို 7အင်းဒိတ်ကာအမော့ဟော့ယမိတ်ဆွေလော့ 'ကေ့ အနှောက်ယှက်သိုင်းသိ၊ ဒိုင်ဆွတ်ဟော့ ကခါ့ပုန်ဟီ၊ ကေ့စိုးနောင်ဝဲ့ဟော့ အိဒွန်းနာ ယနိအိမာက်ဟီ၊ ကေ့အိဒွန်းနာဟော့ထောန်ဟလော့သဲ့ ဘောင်းဟော့ အပိတ်ခုသိပ်လာ့ဟု' သိမ်ပြန်လောက်အဟောက်ဘွေဝဲ။ 8နောင်းနိဝါကေ့ကဟောက်ကနို ဆိုချောင်ငဟော့ ယမိတ်ဆွေ ဖြစ်ကြောင်းငို အိဒွန်းနာဟော့ထောန်လော့သဲ့ မောင်းဟော အပိတ်ဝဲဆိတ်ငှားလော့ဟော့ ဆက်လက်လော့တဲ့ အတုံးအုံကနို ယဂုဏ်သတင်းငဟော့ထိခိုက်ငှားအုံ ယလော့ အိဒွန်းနာဟော့ ထောန်လော့သဲ့ ဆိုချောင်လော့အတုံးအုံငဟော့ အပိတ်ကိုင်း။ 9အနီကြောင်းငို နောင်နိယာကဟောက်ဝဟော့ တုံအုန်ဘွေ့တို့၊ နောင်နိလော့ နောင်နိလာ့အာဝိုင်း။ ရွှီဘွေ့တို့၊ နောင်နိခွန်းနိုင်း။ ဒိုင်ဆွတ်ခုတ်ဘွေ့၊ ဒိုက်ဆွတ်ခုတ်ဟော့ ချောင်အားလုံးငါပ အဟူးပိတ်ကိုင်း။ 10ဘယ်သိမ်ကြောင်းငိုဝါနိုးပုဝါ တုန်းအုန်ဟော့ ချောင်အားလုံးလော့ ယနိ လာ့အဝိုင်း၊ ရွှီဟော့ချောင်လော့ အခွန်းနိုင်း၊ ဒိုက်ဆွတ်ခုတ်ဟော့ ချောင်တကားဝါ ဒိုက်ဆွတ်အဟူးပိတ်ကိုင်း။ 11နောင်နိဒိတ်ကာ စိုးနောင်ဝဲ့လော့ ငိုးကုန်ငေါတ်အတုန်းအုံကနို နီအနူးပိုးလော့ ငိုးကုန်ငေါတ်ပိတ်တအုံ ဖော်ကုန်ငေါတ်အပိတ်ကိုင်းရိုး။ 12တစ်လောက်ကာဆိတ်ငှားတစ်အုံ ယလော့အာတွေ့ အတုန်းအုံကနိုသေး ကင်းမြီးကောက် အပိတ်ကိုင်းရိုး။ 13အနီကြောင်းငို နောင်နိယဟော့ ပွယ်ငှားဟော့ ချောင်အဖြစ်ကနိပ နောင်နိစိုးနောင်ဝဲ့ယာ ပွယ်ဟော့ အရာဝဲ့နော နောင်နိပိတ်ကနို ရွှေမြို့တော်ဝါအမော့ငဟော့ ပအောင်ဘုရားရှင်လော့ဟော ယငွါတုန်းအုံဟော့ချောင်ငါ ပိုလော့ပဘုရားအမွင်ချို အပိတ်ကိုင်းဆိတ်ကမိုး" သိမ်အမိန့်တော်မူတို့။
ကိုယ်တော်ယေရှုငဟော့ ဗေလဇေဗုလ ထောက်ကာတန်ခိုးမော့ငဟော့
(မဿဲ ၁၂.၂၂-၃၀။ မာကု ၃.၂၀-၂၇)
14နှုတ်ဝေါတ်တာ ကိုယ်တော်ယေရှုလော့ ချောင်ပေန်းနောတ်တာ အို့အုံအစိုင်းငဟော့ ခွက်ရိုင် အလှာန်တို့။ ကိုယ်တော်ယေရှုလော့ အနီခွက်ရိုင်း အလှာန်ပိတ်စလော့ အနီချောင် စလော့သဲ့ အသက်အက်ကြောင်းငို ချောင်ပုရိသတ်သဲ့လော့ ယနိအံ့ဩသို့။ 15ဆိတ်လော့ဟော ချောင်တချို့လော့ "နီချောင်ငဟော့ ခွက်ရိုင်းရဟော့ရှန်ပလာန်း ဗေလဇေဗုလငှာဟော့#11.15 ဗေလလဇေဗုလ သိမ်အဟောက်ငဟော့ ဟောနီအခေတ်ဝါ အာဗြံဟံ ဘုရားရှင်ငဟော့ ကိုးကွယ်ငှားဟော့ချောင်ဒိတ်ကာ နောတ်ဘုရားဝဲဒိတ်ကာကာဟော့ ပေါတ်နောတ်နှာမည်မော့လော့သဲ့ ချောင်ငဲ့ငဟော့ ယနှာမိန်ငဟော့ မာရ်နောတ်ငဟော့ အရည်ညွှန်းနောက်ဒုန်းဝါ အဆုံးအုံငဟော့အဖြစ်။ တန်ခိုးဝို အနီပွယ်ငှားဟော့ချောင် အလှာန်နော အဖြစ်" သိမ်ယနိဟောက်။ 16အရာချောင်ငဲ့လော့ဟော ကိုယ်တော်ယနိစမ်းသပ်နှူးကြောင်းငို ဘုရားရှင်ငှာဟော့ နိမိတ်လက္ခဏာ အုဝေါတ်ဟိငဟော့အပြဝဲ့တောက် ယနိတုန်းအုံ။ 17ဆိတ်လော့ဟော ကိုယ်တော်လော့ ထော်ချောင်ငဲ့လော့ ဘောင်းယနိခင်းသိမ် အမှတ်ကြောင်းငို "နိုင်ငံဒိက်ကာ ဆန့်ကျင်ကွဲပြားအလော့ တောက်အောက်ကဟော့ နိုင်ငံတကား ယနိပျက်စီးလာ့ဝိုင့်။ အလှောက်ကာနော မိသားစုအုဝတ်တာဟော့ ယနိအချင်းချင်း ယနိဆိပ်ကနို အနီမိသားစု အပျက်စီးလာ့ဝိုင့်။ 18ထိုကြောင်းငို ဗေလဇေဗုလလော့ ပွယ်ငှားဟော့မာရ်နောတ်ဝို အချင်းချင်းအတိုက်အောက်ကနို ယကိုယ်တိုင်လော့ ဆန့်ကျင်လို့သဲ့ ယတိုင်းပြည်ယဟော့ဟော အကျပ်ကဲ။ တိုဝါကေ့လော့တစ်လောက်ကာကဟောက်လခြင်းငဟော့ ဗေလဇေဗုလလော့ ပွယ်ငှားဟော့ခွက်ရိုင်းရဲ့ အမောင်းထုတ်သိမ် တန်ကိုးငဟော့ ကေ့ဝါအပိတ်သိမ် နောင်နိလော့အဟောက်ကြောင်းအဖြစ်။ 19တကယ်လော့ ကေ့လော ဗေလဇေဗုလတန်ခိုးဝို ပွယ်ငှားဟော့ခွက်ရဲ့ဝဲ့ ကမောင်းထုတ်ကနို နောင်နိတပည့်လော့ဟော နီးတန်ခိုး ဆွန်အွမ်လော့သဲ့ ပွယ်ငှားဟော့ ခွက်ရိုင်းရဲ့ နောင်နိလှာန်ငိုး။ နီကြောင်းငို နောင်ငိုလော့စွပ်စွဲငဟော့ အမှားသိမ် နောင်နိတပည့်ကိုယ့်တိုင်လော့ သက်သေအပြ။ 20ဆိတ်လော့ဟော တကယ်လော့ ကေ့ယဟော့ ဘုရားရှင်တန်ခိုးတော် ဆွန်အွမ်ဟလော့ ပွယ်ငှားဟော့ ခွက်ရိုင်းရဲ့ ကလှာန်သိမ် ဟောက်ကနို နောင်နိငှာ ဘုရားရှင် သာသနာတော်ငဟော့ အဖိုးဟီသိမ်သက်သေ နောင်နိပြခုဟီ သိမ်အဖြစ်။ 21ခွန်အားမော့ဟော့ချောင်ငဟော့ လက်နက်အပြည့်စုံငဟော့ ခိုက်လော့တဲ့ ယအင်းငဟော့ အစောင့်ရှောက်ကနို ယအပိုင်စိုင်ငဟော့ ပစ္စည်း ငဟော့အလုံခြုံဝဲ။ 22ဆိတ်လော့ဟော ယထောက်ကာ အားမော့ဟော့ချောင်လော့ လူးလော့တဲ့ တောက်လော့အ နောင်အောင်ကနို ယလော့အားကိုးလငဟော့လက်နက်ဝဲ့လော့ ယလော့အပိုင်စိုင်ငဟော့ ပစ္စည်းဝဲ့ဟောဟော့ အခြားချောင်ငဲ့ဝါ အဖိုင့်ပိတ်ဝဲ။ 23ကေ့ပေါတ်သို ရပ်တည်ငှားဟော့ နီးပဆိတ်ကာဆိတ် ကေ့အဆန့်ကျင်ဟော့ချောင်ဖြစ်လော့တဲ့။ ဘုရားရှင်တောက် ချောင်ငဲ့ငဟော့ အစုဝဲ့တောက် ကူညီငှားဟော့ချောင်ငဟော့ ချောင်ငဲ့ ဘုရားရှင်ဝို အလှို့ဝါ အကွဲထွက်ဟော့ချောင်အဖြစ်" သိမ်အမိန့်တော်မူတို့။
ပြန်လော့လူးဘော်ဟော့ ခွက်ရိုင်
24ခုတ်ဝေါတ် ကိုယ်တော်ဆက်လော့တဲ့ "ပွယ်ငှားဟော့ခွက်ရိုင်းလော့ အပူးအူနောက်ဒွန်းချောင်ငှာဟော့ ရှုလော့သဲ့ အဒွန်းနောက်ဒွန်းနေရာအုဝတ်ရွှီလော့သဲ့ ကန္တာရ ဒိက်ကာ ကြောင်းအောင်လော့သဲ့အအွမ်း။ ဆိတ်လော့ဟော အဒွန်းနောက်ကိုင်းနေရာရွှီလော့ အလငှားကြောင်းငို ပွယ်ငှားဟော့ခွက်ရဲ့လော့ 'ကေ့ကအွမ်းနေက်ဒွန်းနာ ကေ့ကပြန်လော့ဝဲ' သိမ်အဟောက် ပြန်လော့အစိပေါ်တို့။ 25ပွယ်ငှားဟော့ခွက်ရိုင်း ပြန်လော့အဖိုးဘော်ပိစ လကိုဝါ အပူးကပ်ဟော့ချောင်ငဟော့ သန့်ရှင်းသပ်ရပ်လော့ အင်းလောက်ကာအွမ်းငဟော့ ချောင်မွက်ငှားဝဟော့ လှောက်ကာအဖြစ်သဟော့အခွန်းတို့။ 26အနီပိလော့ ပွယ်ငှားဟော့ခွက်ရိုင်းလော့ ယထောက်ကာ ပိုလော့ဆိုးဟော့ ပွယ်ငှားဟော့ ခွက်ရိုင်း ကုန်ရှေ့ အဘိက်အိပ်ကော့။ ယနိအားလုံးအနီချောင်ငှာလူးအလို့သဲ့ ယနိအွမ်းပိလော့ အနီချောင်အခြေအနေယဟော့ အရာန်ငါဟော့ထောက်ကာပိုလော့ အဆိုးလူးတို့" သိမ်အမိန့်တော်မူတို့။
အစစ်မှန်ငဟော့ အမှော့စံအပိတ်ခေါင်းလငဟော့
27ကိုယ်တော်ယေရှုလော့ ချော င်ပုရိတ်သတ်သာ အဟောတွန်းနာ နှတိုးနူးပေန်းနောတ်လော့ "ကိုယ်တော် ငဟော့ အသောက်အောက်လော့ အစောင့်ရှောက် ဟော့နှတိုးနူးဝဟော့ ပရိုးပအပျော်ရွှင်လအယ်ရိုး" သိမ် အလှုပ့်လှုပ့်ဝါ အလျှောက်တင်တို့။ 28နီပိစ ကိုယ်တော်လော့ "နီပေါလ်ဝဟော့ အမှန်။ ဆိတ်လော့ဟော ဘုရားရှင်လော့ အဟောက်ဝတ်တဟော့ မင်္ဂလာတရားတော်ဝဲ့ နာအာလာ့ လိုက်နာဟော့ချောင်ငဲ့နောပိုလော့တဲ့ ပျော်ဟော့ချောင်ငဲ့အဖြစ်ဝဲရိုး" သိမ်ပြန်လော့တဲ့ အဟောက်ဖော်တို့။
ချောင်ငဲ့လော့ ကိုယ်တော်ယေရှုဝါဟော့ နိမိတ်လက္ခဏာ ယနိတုန်းအုံငဟော့
(မဿဲ ၁၂.၃၈-၄၂)
29ချောင်ပရိတ်သတ်သဲ့လော့ ကိုယ်တော် ယနိဝိုင်းရံတွန်းနာကိုယ်တော်လော့ "တိုဝါခေတ်တာ ချောင်ငဲ့ယဟော့ ကီးကယ်ဆိုးဝါးဟော့ချောင်ငဲ့အဖြစ်။ ဘယ်သိမ်းကြောင်းငိုဝါနိုးပုဝါ ယနိငလော့ ကေ့ဝါ ဘုရားရှင်လော့အလှို့ငဟော့ သက်သေအပြဝဲတောက် အံ့ဖွယ်နိမိတ်လက္ခာငဟော့ ကေ့ဝါ အစိုင်းပိတ်ဝဲ ငဟော့ယနိတုံးအွမ်ကြောင်းငိုအဖြစ်။ ဆိတ်လော့ဟော ယနိလော့အမှုလအယ်ငဟော့ နမိတ်လက္ခဏာငဟော့ ရှေဂယခင်ဝါ ပရောဖက် ယောန#11.29 ယောန သည်ရှေးယခင်ကရှိခဲ့သော အရိယာသူတော်စင်တစ်ပါးဖြစ်၏။ အလွန်ကြီးမားသောငါးကြီးတစ်ကောင်သည် သူ့အား မျိုချခဲ့ပြီး သုံးရက်ကြာသောအခါ ဘုရားရှင်သည် ငါးကြီးအား ယောနကို ကုန်းပေါ်သို့ ပြန်လည်အန်ချစေခဲ့၏။ ဝါအဖြစ်ငဟောတ်ငဟော့နိုး နမိတ်လက္ခဏာဘောင်းနိုးအမှု့လအယ်။ 30ယောနငဟော့ နိနေဝေမြို့ဝါဟော့ချောင်ငဲ့အတောတ် နိမိတ်လက္ခဏာ အပြလှောက်ကာ ချောင်စိုးနော် ဝဟော့ဟော နီမျိုးဆက်ချောင်ငဲ့အတောတ် နိမိတ်လက္ခဏာအဖြစ်လူးဝိုင်း။ 31တရားစီရင်ဟော့ အချိန်အဖိုးကနို ရှေဘပြည်#11.31 ရှေဘပြည်ဘုရင်မသိမ်ဟောက်ငဟော့ တောင်ပိုင်း ဘုရင်မအဖြစ်။ (ဓမ္မရာဇဝင် ပထမစာစောင် အခန်း ၁၀း၁-၁၃) အစ္စရေးပြည်တောင်းပိုင်းငဟော့ ယတိုင်းပြည်အဖြစ်။ ရှန်ပလာန်းနူးဝဟော့ငဟော့ဟော တူဝါဟော့ခေတ် ချောင်ငဲ့ဝိုတွက်တူဝါ ထထမြောက်ရှန်သန်လော့တဲ့ မျိုးဆက်ဝဲ့ အမှားငဟော့ အပြစ်တောင်ဝဲ။ ဘယ်သိမ်ကောင်းငိုဝေါနိုးပုဝါ နီနတိုးနူးငဟော့ ဉာဏ်ပညာလင်းလော့တဲ့ ရှောလမုန်ဘုရင်လင်းငဟော့ အဆုံးအမငဟော့ ရောက်လအယ်ကြောင်းငို အလှို့ဝဦငဟော့တိုင်းပြည်ဝါ အလူးတို။ နေင်နိငဟော့ ကေ့လော့ကဟောက်လအယ်နိုးပုဝါ တူဝါနီနေရာဝါ ရှောလမုန်ထောက်ကာအလင်းဟိုက်ဟော့ချောင် နောင်နိဝိုတွက်တူဝါအမော့။ ဆိတ်လော့ဟော ယနိငဟော့ ယအဆုံးအမငဟော့ လက်ခေါင်းနအွမ်။ 32တစ်လောက်ကာ တရားစီရင်ဝဲ နုတ်အဖိုးပြီးစလော့ နိနေဝါမြို့သားဝဲ့ငဟော့ဟော တူဝါခေတ်ချောင်ငဲ့ဝိုအတွက်တူဝါ ထမြောက်လော့တဲ့အဟိုင်ကနို နီမျိုးဆက်ချောင်ငဲ့မှားယွင်းမှုများငဟော့ စလော့တဲ့စွဲဝဲ။ အကောင်းမှုဝါ နိနေဝေမြို့သားဝဲ့ငဟော့ ယောနလော့အဟော ပြောသွန်သင်လော့တဲ့ အရောက်လခွါ ယအပြစ်များငဟော့ နောင်တသံဝေဂရ အလကြောင်းငိုအဖြစ်။ နောင်နိငဟော့ ကေ့လော့ကဟော့လအယ်နိုးပုဝါ တူဝါနေရာဝါ ယောနထောက်ကာ ကြီးမြတ်ဟော့ချောင်ငဟော့ နောင်နိဝိုအတွက်တူဝါအမော့။ ဆိတ်လော့ဟော နေင်နိငဟော့ ယလော့အဆုံးအမငဟော့ ရောက်လလော့ဟော့ နောင်နတသံဝေဂ လအာဝအွမ်" သိမ်အမိန့်တော်မူတို့။
ကိုယ်ခန္ဓာဝါဟော့အဝါန်း
(မဿဲ ၅.၁၅၊ ၆.၂၂-၂၃)
33ကိုယ်တော်လော့ "မီးထွန်းလော့အသောက်ကဟော့ မီးအိမ် ငဟော့နီးလော့ဟော့ ထုဝအို့၊ တုံကောဝါဟောသောက်ကအို့၊ အင်းဒိက်ကာဝေါင်လူးဟော့ချောင်ငဲ့လော့ အဝမ်းအလာ့အာဝိုင့်တောတ် မီးအိမ်ငဟော့ မီးတောင်ငါနော ဘို့အလော့သဲ့သောက်။ 34နောင်နိ မိတ်ရဲ့ယဟော့ နောင်နိဟော့ခန္ဓာကိုယ်ဝါအဝါန်းပိတ်ငဟော့မီးအိမ်လှောက်နော အဖြစ်။ နောင်းမိတ်အပွယ်ကနို နောင်ခန္ဓာကိုယ် ဝဟော့ အလင်းရောင်အားလုံးလာ့အာသလော့သဲ့၊ နောင်မိတ်အပွယ်ငှားကနို ခန္ဓာကိုယ်အရာအားလုံး အရှုန်းငိုင်ဝဲ။ 35အနီကြောင်းငို နောင်ဝါအမော့အဝါန်းငဟော့ အရှုန်းဖြစ်ငှားအုံ သေသေချာချာစိုင်းဘွေ့တို့။ 36နီကြောင်းငို နောင်ငါခန္ဓာအုဝေါတ်ငဟော့ အရှုန်းသိမ်မွက်ဟားလော့သဲ့ မီးအိမ်ငါမွက်ဟော့ အဝါန်းဟော့ဝို နောင်အပေါ်ဝါ အဝါန်းလှောက်ကာ နေရာတိုင်းငါ အဝါန်းငိုင်" သိမ်အမိန့်တော်မူတို့။
ကိုယ်တော်ယေရှုလော့ ဖာရိရှဲလော့ ကျမ်းဟယ်ဟော့ဆရာဝဲ့ အဆုံးမငဟော့
(မဿဲ ၂၃.၁-၃၆။ မာကု ၁၂.၃၈-၄၀)
37အလှောက်အဟောက်ပုန်ပိစ ဖာရိရှဲပေန်းနောတ်လော့ ကိုယ်တော်ယေရှုဝါအအေးအုပ်ဝဲသိမ် အစို့ဝိုင်သိမ် ယအင်းနာအဖိတ်အိပ်ကြောင်းငို ကိုယ်တော် ငဟော့ စိလော့တဲ့ စားပွဲဝါအအွမ်းတို့။ 38ကိုယ်တော်ဝဟော့ ယအင်းနာစိလော့သဲ့ ဘုဝဲဘွက်ဝဲတောက်ဂျူးသလော့ထုံးစံအတိုင်း အကွက်ဘွတ်ငှားတစ်အုံ စားပွဲဝါ အုံးငဟော့ ဖာရိရှဲလော့အမှု့ပြီးစလော့ အံ့ဩတို့။ 39အနီကြောင်းငို ကိုယ်တော်လော့ ယဝါ "နောင်နိ ဖာရိရှဲရဲ့ဝဟော့ ပန်းကန်ခွက်ယောက်ငဟော့ အကြောင်းဝါအမော့ငဟော့တဲ့ နောင်နိအတွင်းစိတ်ဒိတ်ကာဟော့မူ လေဘတရားလော့ ညစ်ပေဆိုးညစ်တို့။ 40လူမိုက်ကဲ့နော၊ ဘုရားရှင်လော့ နောင်းနိခန္ဓာယ်ကိုလော့ နောင်နိအတွင်းစိတ်နလုံးသားငဟော့ဟော့ ဖန်ဆင်းပိတ်ဆိတ်ကမိုး။ 41နီကြောင်းငို ပေါငှားဟော့စိတ်ဝို လောပအလင်းငဟော့မော့ငှားတစ်အုံ နောင်နိဝါအမော့ငဟော့ စိအရာဝဲ့ ဆင်းရဲသားဝဲ့ယာ ပိတ်ဘွေတွက်။ တစ်လောက်ကာအပိတ်ကနို နောင်နိငဟော့ အမှန်စင်စက် ဘုရားရှင်ရှေ့ဝါ သန့်ရှင်းစင်ကြယ်ဝဲ့။ 42ဖာရိရှဲဝဲ့ နောင်နိယဟော့ ဒုက္ခနောင်နိခွန်းဟီ၊ နောင်နိယဟော့ ဘုရားရှင်နာ နောင်နိအဖွမ်းနာဟော့ဆုဟော့ အထိုက်အပါးရဲ့ ပွန်ငှာဝါဟော့ ပွန်နောတ် ယနိလှူ။ ဆိတ်လော့ဟော နောင်နိလော့ ယပွေးလှိုင်အိုင်နောက်သလို့ဘုရားရှင်ဟော နိုးအိုနောက်ကသိ။ နောင်နိယဟော့ ဘုရားရှင်နာ ပွန်ငှာဝါဟော့ ပွန်နောတ် နောင်နိပိတ်ထောက်ကာ အရာချောင်ငဲ့ ယာ မျှမျှတတကျင့်သုံးသလို့သဲ့ နောင်နိဟင်းရှေလာ့ဝိုင့်။ 43ဖာရိရှဲ ဝဲ့ဝေါ၊ နောင်နိလော့ ဒုက္ခနောင်နိခွန်းဟီ။ ဘယ်သိမ်ကြောင်းငိုဝေါနိုးပုဝါ ဓမ္မာရုံငဲ့#11.43 ဓမ္မာရုံသိမ်ဟောက်ငဟော့ ဂျူးချောင်ဝဲ့ အစုအူလော့ ကျမ်းစိုဖောက်နောက်ဒန်းဖြစ်လော့တဲ့ ယနိလော့ယုံကြည်မှု့ငဟော့ အကျန်ဝဲတောက် ဘုရားရှင်ငဟော့ အခို့နောက်ဒုန်းဝဲတောက် အဆောက်အအုံအဖြစ်။ ဝါဟော ရှေ့ဆုံးငါငုံးသလော့သဲ့ နေရာနောင်နိလောက်အောင်လာ့ဝဟော့ နောင်နိနိုးအိုနောက်။ ဈေးဒိက်ကာ ချောင်မနဲလော့ဂုဏ်ပြုအလော့ နောင်နိကြိုဆို ဝဟော့ဟော နောင်နိနိုးအိုနောက်ဟွန်း။ 44ဖာရိရှဲဝဲ့ နောင်နိဒုက္ခနောင်နိခွန်းလာဟီ၊ နောင်နိယဟော့ အမှတ်အသားမွက်ငှားဟော့ စူခူ လှောက်ကာနော အတူ။ ချောင်ငဲ့လော့ အမှတ်အသားမွက်ငှားဟော့နေရာ ပုဝါ ဟော့ အစိကနို ထိုချောင်ငဲ့ငဟော့ မစင်ကြယ်ခြင်းငဟော့ မစင်ကယ်ခြင်းငဟော့အဖိုးဝယ်" သိမ်အမိန့်တော်မူတို့။ 45ကျမ်းဟယ်ဟော့ဆရာပေန်းနောတ်လော့ ကိုယ်တော်ဝါ "ဆရာနီလှောက် အမိန့်ကဟော့ ကနိ အစော်ကားအာလောက်ကာအဖြစ်" သိမ်ပြန်လော့ အဟောက်ဘော်။ 46ကိုယ်တော်လော့ "ကျမ်းဟယ်ဟော့ဆရာဝဲ့ရော နောင်နိ ဒုက္ခနောင်နိခွန်းဟီ။ ဘယ်သိမ်ကြောင်းငိုဝေါနိုပုဝါ နောင်နိငဟော့ ချောင်အများလော့ အအလိုက်နာဝဲတောက် စည်းမျဉ်းစည်းကမ်းများငဟော့ ယနိတောက်ငဟော့နိုးပုဝါ ချေင်ငဲ့လော့အကိုယ့်ရှောက်လောက်ကာ အရေ့ငဟော့ဝန်ပို့များငဟော့ အကိုယ့်ဆောက်လောက်ကာအဖြစ်။ ဆိတ်လော့ဟော နောင်နိလော့ ထိုချောင်ငဲ့အကူညီဝဲ့တောက် အကွက်ရုံးစအော်ပစပ်အပ်။ 47ကျမ်းဟယ်ဟော့ချောင်ငဲ့ဟော့ ဒုက္ခစိုးဝဲ့ နောင်နိဖြစ်။ ဘယ်သိမ်ကြောင်းငိုဝေါနိုးပုဝါ လကိုဝါ နောင်နိဟံနူးဟံပိုးဝဲ့ အဒုတ်ဟော့ငဟော့ ပရောဖက်ဝဲ့အုတ်ကူငဟော့ အလှဆင်အလော့တဲ့ ယနိရှောက်။ 48အလှောက်နောင်နိစိုင်းယဟော့ နောင်နိဟန်ပိုးဝဲ့လော့ အစိုင်းရွက်တဟော့ အမှန်သိမ်နောင်နိခင်းကြောင်းငို အဖြစ်။ နိလော့ ပရောဖက်ဝဲ့ဒုတ်အလော့တဲ့ နောင်နိငဟော့ သင်္ချိုင်းခူဝဲ့ငဟော့ ပေါ့အုံယနိရှောက်ပိတ်ဟယ်တို့။ 49အနီကြောင်းငို ဘုရားရှင်အမွင်ချိုတော်ဝို ယနိ ပွယ်ငှားဟော့အကြောင်းငဲ့ ကဟောက်ဝတ်တဟော့ 'ရောဖက်လော့ တမာန်တော်ဝဲ့ ကလှို့ဝိုင်။ ဆိတ်လော့ဟော အနီ ပရောဖက်သဲ့ သာဝကဝဲ့ ဝဟော့ တချို့ဝဟော့ သုတ်တလို့သဲ့ တချို့နီး နောင်နိဟင်းဆိုင်ရိုင်' သိမ် အဖြစ်။ 50တနှုတ် လောကီစိုးဝဲ့ ပညာမွက်ဟော့ ပရောဖက်ငဲ့ အားလုံး ကမ္ဘာဦးစ တကွယ့်လော့ ယနိသုတ်ကြောင်းငို ဘုရားရှင်လော့ အပြစ်အပိတ်ကိုင်း။ 51နောင်နိဝါကေ့ကဟောက်ဝဲ့ ပထမအဒုတ်ခေါင်းလငဟော့ အာဗေလလော့#11.51 ကာအိန က အာဗေလ ဆိုတာအာဒံသား ပထမအတတ်ခံရဲ့သား (ကမ္ဘာဦးကျမ်း၄း၈) ကျုံလော့ ပူဇော်ပလ္လင်အကြားဝါ နေမာက်ဆုံးအသုတ်ခေါင်းအောင်လငဟော့ ဇာခရိ#11.51 ဇာခရိသိမ်ဟောက်ငဟော့ ရှေးပုရောဟိတ်ပေါတ်နောတ်ဖြစ်လော့တဲ့ ဘုရားရှင်နှုတ်ကပတ်တော်ဝဲ့ငဟော့ ဟောပြောကြောင်း အဒုတ်ခေါင်းလငဟော့အဖြစ်။ (ရာဇဝင်ချုပ် ဒုတိယစာစောင် ၂၄း၂၀-၂၂) တိုင်အုံ နောင်နိဖိုးဘေးဝဲ့လော့အဒုတ်ငဟော့အတောက် နောင်နိဝါဘုရားရှင်လော့ အပြစ်ပိတ်ကဲ။ 52"ကျမ်းဟယ်ဟော့ဆရာငဲ့ရိုး နောင်နိငဟော့ ဒုက္ခခေါင်လအယ်ဟီ။ ဘယ်သိမ်ကြောင်းငိုဝေါနိုးပုဝါ နောင်နိလော့ ချောင်ငဲ့ဝါ ဘုရားရှင်မှန်ကန်ငဟော့လောင်းငဟော့မှတ်ငှားအုံ အသားကြောင်ငိုအဖြစ်။ နောင်လော့ဟော ဆိုလောင်းဝိုလက်နုာငှားတစ်အုံ လိုက်နာဝဲ့ဟော့ချောင်ငဟော့ဟော့ နောင်နိသားစီးတို့။ 53နိကြောင်းငို ကိုယ်တော်လော့ ထိုအရပ်တာဟော့ ဆုလူးပြီးစလော့ ကျမ်းဟယ်ဟော့ဆရာလော့ ဖာရိရှဲများလော့ ကိုယ်တော်ဝါ အကြောင်းအရာဝဲ့လော့ ပတ်သက်လော့တဲ့ မေးခွန်းဝဲ့ငဟော့အနည်းငဟော့ ယနိစက်တို့။ 54ထိုချောင်ငဲ့လော့ ကိုယ်တော်လော့အဟောက်ငဟော့စကားဝဲ့ငဟော အမှားအုတ်ဝေါတ် အပိုလော့ ကိုယ်တော် ငဟော့ အပြစ်စွပ်စွဲတောက် တစ်လောက်ကာမေးခွင့်ဝဲယနိစက်တို့။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chin, Ekai (အီကိုင်(လ်) Bible by Beyond Translation is licensed under Creative Commons Attribution-ShareAlike 4.0 License.