Icya mbere cya Samweli 6
6
Abafilisiti basubiza Ubushyinguro bw’Imana muri Israheli
1Ubushyinguro bw’Uhoraho bumara amezi arindwi mu gihugu cy’Abafilisiti. 2Bukeye, Abafilisiti bahamagara abaherezabitambo n’abapfumu, barababaza bati «Tugenze dute Ubushyinguro bw’Uhoraho? Mutwereke uko twabigenza, kugira ngo tubusubize iyo bwari buri.» 3Barabasubiza bati «Niba musubijeyo Ubushyinguro bw’Imana ya Israheli; ntimubwohereze bwonyine, ahubwo mugerekeho n’amaturo y’impongano. Muzaboneraho kurokoka kandi munamenye impamvu ikiganza cy’Imana gikomeza kubamerera nabi.» 4Baravuga bati «Ni mpongano ki tugomba kuyitura?» Barabasubiza bati «Muture ibibyimba bitanu bishushanyije muri zahabu n’imbeba#6.4 imbeba: twavuga ko ibyago Abafilisiti bagize biri ukubiri: mbere na mbere bose bafashwe n’ibibyimba, ubundi imbeba zirabatera, ziyogoza igihugu cyabo (6.5). eshanu zikozwe muri zahabu, mukurikije uko umubare w’abatware b’Abafilisiti ungana, kuko ari icyago musangiye mwese n’abatware banyu. 5Muzakore rero ibishushanyo by’ibibyimba byanyu, n’iby’imbeba zayogoje igihugu cyanyu, kandi mukuze Imana ya Israheli. Bishobotse, yazunamura ikiganza cyayo kuri mwe, ku mana zanyu no ku gihugu cyanyu. 6Bimaze iki kunangira umutima wanyu nk’Abanyamisiri na Farawo? Imana imaze kubabuza uburyo se, ntibabarekuye bakagenda? 7Nimukore rero igare rishya, mufate inka ebyiri zonsa kandi zitigeze zikorera umutwaro. Muzikureho izazo#6.7 muzikureho izazo: izo nka z’imbyeyi nizemera zikagenda zitaye inyana zazo, birababera ikimenyetso cy’uko ari Imana ubwayo izishoreye. muzisubize mu kiraro, maze muzihambireho iryo gare. 8Muzafate kandi Ubushyinguro bw’Uhoraho mubushyire kuri iryo gare, naho bya bintu bya zahabu mwoherejeho amaturo y’impongano, mubishyire mu gasanduku mugatereke iruhande rw’Ubushyinguro bw’Uhoraho, maze mubureke bugende. 9Nuko muzitegereze: nibuzamuka bwerekeje i Betishemeshi, bugana mu gihugu cye, tuzamenyeraho ko ari Uhoraho ubwe waduteye icyago kingana gitya. Nibitaba bityo, tuzamenyeraho ko atari ikiganza cye cyaduteye, ahubwo ko ari impanuka yatugwiririye.»
10Nuko babigenza batyo: bafata inka ebyiri zonsa, bazihambiraho igare kandi basubiza inyana zazo mu kiraro. 11Bashyira Ubushyinguro bw’Uhoraho kuri rya gare, hamwe n’agasanduku karimo za mbeba zikozwe muri zahabu n’ibishushanyo by’ibibyimba byabo. 12Nuko izo nka ziboneza inzira yose igana i Betishemeshi, zigenda zabira nta gukebuka iburyo cyangwa ibumoso. Abatware b’Abafilisiti barazishorera kugera ku rugabano rwa Betishemeshi.
Ubushyinguro bugera i Betishemeshi
13Abantu b’i Betishemeshi bagesaga ingano mu kibaya. Ngo bubure amaso, babona Ubushyinguro bw’Imana bubagana, maze birabashimisha cyane. 14Nuko igare rigeze mu murima wa Yozuwe i Betishemeshi rirahagarara. Aho hantu hari ibuye rinini#6.14 ibuye rinini: ibuye ryose rinini, bashoboraga kurihinduramo urutambiro. Kuba izo nka zarageze iruhande rw’iryo buye zigahagarara, byababereye ikimenyetso cy’uko Uhoraho ashaka ko aho hantu bahamuturira igitambo. cyane. Baherako basatura imbaho zikoze rya gare, maze za nka bazitura Uhoraho ho igitambo. 15Abalevi bari bamanuye Ubushyinguro bw’Uhoraho, hamwe n’agasanduku karimo bya bintu bya zahabu kari kumwe na bwo, babishyira hejuru ya rya buye rinini. Nuko uwo munsi, abantu b’i Betishemeshi bahaturira Uhoraho ibitambo by’amoko yose. 16Maze ba batware batanu b’Abafilisiti bamaze kubibona, bagaruka i Ekironi uwo munsi.
17Ngibyo ibibyimba bya zahabu Abafilisiti bahaye Uhoraho ho amaturo y’impongano: kimwe cyari icya Ashidodi, ikindi cya Gaza, ikindi cya Ashikeloni, ikindi cya Gati, n’ikindi cya Ekironi. 18Kandi bamuhaye n’imbeba zikozwe muri zahabu, zingana n’umubare w’imigi abo batware batanu b’Abafilisiti bategekaga, kuva ku mugi uzitiwe kugeza ku rusisiro rutazitiwe. Gihamya y’ibyo iracyariho na n’ubu: ni rya buye rinini, aho bashyize Ubushyinguro bw’Uhoraho, ricyiri muri uwo murima wa Yozuwe i Betishemeshi.
19Nyamara, mu bantu b’i Betishemeshi, bene Yekonyahu ntibari bishimye igihe Ubushyinguro bw’Uhoraho buje, maze Uhoraho abicamo#6.19 abicamo: uretse Abafilisiti, n’Abayisraheli ubwabo bahise baboneraho ukuntu Ubushyinguro buteye ubwoba ku batabwubaha bose. abantu mirongo irindwi. Nuko rubanda rwose birabashavuza, kuko Uhoraho yabahannye bikomeye.
Ubushyinguro bugera i Kiriyati‐Yeyarimu
20Abantu b’i Betishemeshi baravuga bati «Ni nde ushobora guhagarara imbere y’Uhoraho, Imana Nyir’ubutagatifu?» Barongera bati «Mbese ubundi yadusiga akajya he?» 21Nuko bohereza intumwa i Kiriyati‐Yeyarimu kuvuga, bati «Abafilisiti bagaruye Ubushyinguro bw’Uhoraho. Nimumanuke mubujyane iwanyu.»
Currently Selected:
Icya mbere cya Samweli 6: KBNT
Highlight
Share
Compare
Copy
Want to have your highlights saved across all your devices? Sign up or sign in
Kinyarwanda Bibiliya Ntagatifu, Verbum Bible © The Bible Society of Rwanda, Rép. Dém. du Congo, 2012.
Icya mbere cya Samweli 6
6
Abafilisiti basubiza Ubushyinguro bw’Imana muri Israheli
1Ubushyinguro bw’Uhoraho bumara amezi arindwi mu gihugu cy’Abafilisiti. 2Bukeye, Abafilisiti bahamagara abaherezabitambo n’abapfumu, barababaza bati «Tugenze dute Ubushyinguro bw’Uhoraho? Mutwereke uko twabigenza, kugira ngo tubusubize iyo bwari buri.» 3Barabasubiza bati «Niba musubijeyo Ubushyinguro bw’Imana ya Israheli; ntimubwohereze bwonyine, ahubwo mugerekeho n’amaturo y’impongano. Muzaboneraho kurokoka kandi munamenye impamvu ikiganza cy’Imana gikomeza kubamerera nabi.» 4Baravuga bati «Ni mpongano ki tugomba kuyitura?» Barabasubiza bati «Muture ibibyimba bitanu bishushanyije muri zahabu n’imbeba#6.4 imbeba: twavuga ko ibyago Abafilisiti bagize biri ukubiri: mbere na mbere bose bafashwe n’ibibyimba, ubundi imbeba zirabatera, ziyogoza igihugu cyabo (6.5). eshanu zikozwe muri zahabu, mukurikije uko umubare w’abatware b’Abafilisiti ungana, kuko ari icyago musangiye mwese n’abatware banyu. 5Muzakore rero ibishushanyo by’ibibyimba byanyu, n’iby’imbeba zayogoje igihugu cyanyu, kandi mukuze Imana ya Israheli. Bishobotse, yazunamura ikiganza cyayo kuri mwe, ku mana zanyu no ku gihugu cyanyu. 6Bimaze iki kunangira umutima wanyu nk’Abanyamisiri na Farawo? Imana imaze kubabuza uburyo se, ntibabarekuye bakagenda? 7Nimukore rero igare rishya, mufate inka ebyiri zonsa kandi zitigeze zikorera umutwaro. Muzikureho izazo#6.7 muzikureho izazo: izo nka z’imbyeyi nizemera zikagenda zitaye inyana zazo, birababera ikimenyetso cy’uko ari Imana ubwayo izishoreye. muzisubize mu kiraro, maze muzihambireho iryo gare. 8Muzafate kandi Ubushyinguro bw’Uhoraho mubushyire kuri iryo gare, naho bya bintu bya zahabu mwoherejeho amaturo y’impongano, mubishyire mu gasanduku mugatereke iruhande rw’Ubushyinguro bw’Uhoraho, maze mubureke bugende. 9Nuko muzitegereze: nibuzamuka bwerekeje i Betishemeshi, bugana mu gihugu cye, tuzamenyeraho ko ari Uhoraho ubwe waduteye icyago kingana gitya. Nibitaba bityo, tuzamenyeraho ko atari ikiganza cye cyaduteye, ahubwo ko ari impanuka yatugwiririye.»
10Nuko babigenza batyo: bafata inka ebyiri zonsa, bazihambiraho igare kandi basubiza inyana zazo mu kiraro. 11Bashyira Ubushyinguro bw’Uhoraho kuri rya gare, hamwe n’agasanduku karimo za mbeba zikozwe muri zahabu n’ibishushanyo by’ibibyimba byabo. 12Nuko izo nka ziboneza inzira yose igana i Betishemeshi, zigenda zabira nta gukebuka iburyo cyangwa ibumoso. Abatware b’Abafilisiti barazishorera kugera ku rugabano rwa Betishemeshi.
Ubushyinguro bugera i Betishemeshi
13Abantu b’i Betishemeshi bagesaga ingano mu kibaya. Ngo bubure amaso, babona Ubushyinguro bw’Imana bubagana, maze birabashimisha cyane. 14Nuko igare rigeze mu murima wa Yozuwe i Betishemeshi rirahagarara. Aho hantu hari ibuye rinini#6.14 ibuye rinini: ibuye ryose rinini, bashoboraga kurihinduramo urutambiro. Kuba izo nka zarageze iruhande rw’iryo buye zigahagarara, byababereye ikimenyetso cy’uko Uhoraho ashaka ko aho hantu bahamuturira igitambo. cyane. Baherako basatura imbaho zikoze rya gare, maze za nka bazitura Uhoraho ho igitambo. 15Abalevi bari bamanuye Ubushyinguro bw’Uhoraho, hamwe n’agasanduku karimo bya bintu bya zahabu kari kumwe na bwo, babishyira hejuru ya rya buye rinini. Nuko uwo munsi, abantu b’i Betishemeshi bahaturira Uhoraho ibitambo by’amoko yose. 16Maze ba batware batanu b’Abafilisiti bamaze kubibona, bagaruka i Ekironi uwo munsi.
17Ngibyo ibibyimba bya zahabu Abafilisiti bahaye Uhoraho ho amaturo y’impongano: kimwe cyari icya Ashidodi, ikindi cya Gaza, ikindi cya Ashikeloni, ikindi cya Gati, n’ikindi cya Ekironi. 18Kandi bamuhaye n’imbeba zikozwe muri zahabu, zingana n’umubare w’imigi abo batware batanu b’Abafilisiti bategekaga, kuva ku mugi uzitiwe kugeza ku rusisiro rutazitiwe. Gihamya y’ibyo iracyariho na n’ubu: ni rya buye rinini, aho bashyize Ubushyinguro bw’Uhoraho, ricyiri muri uwo murima wa Yozuwe i Betishemeshi.
19Nyamara, mu bantu b’i Betishemeshi, bene Yekonyahu ntibari bishimye igihe Ubushyinguro bw’Uhoraho buje, maze Uhoraho abicamo#6.19 abicamo: uretse Abafilisiti, n’Abayisraheli ubwabo bahise baboneraho ukuntu Ubushyinguro buteye ubwoba ku batabwubaha bose. abantu mirongo irindwi. Nuko rubanda rwose birabashavuza, kuko Uhoraho yabahannye bikomeye.
Ubushyinguro bugera i Kiriyati‐Yeyarimu
20Abantu b’i Betishemeshi baravuga bati «Ni nde ushobora guhagarara imbere y’Uhoraho, Imana Nyir’ubutagatifu?» Barongera bati «Mbese ubundi yadusiga akajya he?» 21Nuko bohereza intumwa i Kiriyati‐Yeyarimu kuvuga, bati «Abafilisiti bagaruye Ubushyinguro bw’Uhoraho. Nimumanuke mubujyane iwanyu.»
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Kinyarwanda Bibiliya Ntagatifu, Verbum Bible © The Bible Society of Rwanda, Rép. Dém. du Congo, 2012.