Luke 8
8
Iban Emi Ekesiede Mkpo Abaŋa Jesus ye Mbed Nsie
1Ke mme ini ebede, Jesus ye mbed Nsie dueba asaŋa ke obi ke obi, ye mme iduŋ iŋwɔŋ, ɔkwɔrɔ onyuŋ atiŋ eti mbuk ono mme owo abaŋa Obi Ubɔŋ Abasi. 2Ndusuk iban ŋko, emi Jesus akanamde udɔŋɔ akura mmo onyuŋ ebinde ndedehe Spirit osioŋo ke idem, ama onyuŋ asaŋa ye mmo. Kied ke otu mme iban oro edi Mary emi okotude obi emi ekerede Magdala, emi Jesus akanamde ndedehe Spirit itiakaba ɔwɔrɔ enye ke idem. 3Owo eŋwen ke otu mme iban emi ekedi Joanna ŋwan Chuza akama-ukpɔhɔre Herod, ye Susanna, ye ediwak iban efen. Kpukpri mme iban oro ada akuk ye se mmo enyenede onyuŋ esie mkpo abaŋa Jesus ye mme mbed Nsie.
Ŋke Abaŋade Asuan Mkpasip
(Matthew 13.1-9; Mark 4.1-9)
4Ndin Usen kied, ediwak otu owo emi okotude ke mme nsihi-nsihi obi edi, obune akanare Jesus akuk. Ekem Jesus ada ŋke emi ekpep mmo mkpo, ete, 5“Ato-iŋwɔŋ ɔkɔwɔrɔ aka ke iŋwɔŋ nsie ndisuan mkpasip ibokpod. Nte enye osuk asuande, ndisuk mkpasip oro ɔduɔŋɔ ke mben akpo-usuŋ, mme owo edighi mmo, mme inuen onyuŋ ataŋ mmo ata. 6Ndusuk mkpasip ɔduɔŋɔ ke enyɔŋ itiad. Mme mkpasip oro etibe, edi kini mibigike mmo eyemere koro mmo mmɔŋ mikɔduhɔ ino mmo ke enyɔŋ itiad oro. 7Ndusuk eken ɔduɔŋɔ ke isɔŋ emi ɔyɔhɔde ye etu ŋkukim. Ndin ŋkukim oro ɔkɔri afuk nsek ibokpod oro onyuŋ owud mmo. 8Edi ndusuk mme mkpasip efen ɔduɔŋɔ ke eti isɔŋ, etibe, onyuŋ eŋwum mfri utip ikikie.” Kini Jesus atiŋde kpukpri mkpo emi ama, Enye ɔdɔhɔ ke ɔkpɔsɔŋ uyi ete, “Owo ekededi emi ekemede okup se Ntiŋde, yak enye anwana ndidiɔŋɔ se ɔwɔrɔde.”
Mme Mbed Uyum Ndidiɔŋɔ Se Nke Asuan mkpasip Ɔwɔrɔde
(Matthew 13.10-17; Mark 4.10-12)
9Ekem mme mbed ebup Jesus, ete, “Ŋke emi ɔwɔrɔ didie?” 10Enye aboro mmo ete, “Abasi ono mmufo mfɔn ndidiɔŋɔ ndibe akpaniko iko emi abaŋade Obi Ubɔŋ Abasi. Edi Ami nda ŋke mkpep mbun eŋwen emi midehe mbed Nni mkpo, mbak osu nte prophet Isaiah ewedde ke ŋwed Abasi, ete
“Mmo iyekwid se Ami Nnamde, edi mmo ididiɔŋɔke se ɔwɔrɔde,
Mmo iyonyuŋ ikup se Ami ntiŋde edi idiŋwuahake mmo se ɔwɔrɔde.”
Jesus Atiŋ Se Ŋke Asuan Mkpasip Ɔwɔrɔde
(Matthew 13.18-23; Mark 4.13-20)
11Ndin Jesus ɔdɔhɔ mmo ete, Yak ntiŋ nno mmufo se mme ŋke oro ɔwɔrɔde: “Mkpasip oro ada ono iko Abasi.” 12Ndusuk owo etie nte mben akpo-usuŋ emi ndusuk mkpasip oro ɔkɔduɔŋɔde. Mmo okup Iko Abasi, edi Satan edimen iko Abasi oro efep ke esid mmo, mbak mmo idinim ke akpaniko inyuŋ ibɔhɔke idiɔk-mkpo. 13Ndusuk owo etie nte isɔŋ itiad emi ndusuk mkpasip ɔkɔduɔŋɔde. Kini uto mbun oro okupde iko Abasi, mmo abo ke inemesid, edi mmo iyakke iko Abasi ɔkɔri onyuŋ enehede aduk mmo ke esid. Mmo onyuŋ enim Iko Abasi ke akpri asisid ini, edi kini idume edide, mmo inimke Abasi aba ke akpaniko. 14Ndusuk owo etie nte ikɔd ŋkukim emi ndusuk mkpasip oro ɔkɔduɔŋɔde. Mmo okup Iko Abasi, edi nte ini ebede, mmo ayak ekikere ye inyene ye inem uwem emi etimere mmo. Ke ntak emi, mmo inyuŋ ikemeke ndikɔri ke Spirit. 15Edi ndusuk owo etie nte eti isɔŋ emi ndusuk mkpasip oro ɔkɔduɔŋɔde. Mbun emi okup iko Abasi onyuŋ ɔsɔŋɔ eyire enye ke edinam akpaniko nyuŋ ndu eti uwem, enyuŋ ebak Abasi ke ofri esid.
Se Ŋke Udume Utuenikaŋ Ɔwɔrɔde
(Mark 4.21-25)
16Jesus aka isi atiŋ ete, “Owo ndumekied, idumeke utuenikaŋ ida abaŋ ifuk, me ndinim enye ke idak mkpo nna. Edi utuke oro, oduri enye ke mkpo uduri-utuenikaŋ, mbak kpukpri owo eke adukde ufɔk oro ekpekwid uŋwana.” 17Emi ɔwɔrɔ ete, kpukpri mkpo ekededi emi edibede ke emi iyayarade, mkpɔ eke edipdedip iyonyuŋ iwɔrɔ aŋwa-aŋwa mme owo ekwid.
18Ke ntak oro, mmufo itim ikpaŋ utɔŋ ke se Ntiŋde nno mmufo, koro Abasi oyono mbun emi oyumde ndifiɔk se Ami mkpepde ifiɔk ɔyɔhɔ-ɔyɔhɔ. Edi mme mbun oro miyumke ndifiɔk se Ami mkpepde, Abasi iyabo mmo idem akpri ifiɔk emi mmo ekenyenede.
Eka Jesus Ye Ndito-Eka Nsie Edi Ebine Enye
(Matthew 12.46-50; Mark 3.31-35)
19Usen kied, nte Jesus osuk ekpepde mkpo, eka Nsie ye ndito-eka Nsie edi ndikwid Enye. Edi mmo ikemeke ndisaŋa mkpere Enye koro ediwak owo okobunede akanare Enye. 20Edi owo ɔdɔhɔ Enye ete, eka Mfo ye ndito-uka mmo ke awa ada, koyum ndikwid fi. 21Edi Jesus aboro mmo ete, “Mbun emi okupde Iko Abasi onyuŋ anam se Iko Abasi etemede, onyuŋ etie nte eka ye ndito-eka Mmi.”
Ofum Ye Mbufid Mmɔŋ Okup Uyi Jesus
(Matthew 8.23-27; Mark 4.35-41)
22Usen kied, Jesus aduk ke ubum ye mme mbed Nsie, oyuŋ ɔdɔhɔ mmo ete, “Yak nnyin iwad ika ke edem inyaŋ Gerasenet oko, emi enyuŋ ediɔŋɔde ŋko nte inyaŋ Galilee. Ndin mmo awad ubum esi.” 23Nte mmo osuk awadde ubum aka, Jesus ade-idap. Ndondo oro, ɔkpɔsɔŋ ofum ɔtɔŋɔ ndifum ke inyaŋ, mmɔŋ onyuŋ ɔtɔŋɔ ndiyɔhɔ ke ubum, ndin ndik anam mmo me mmumo idisip.
24Edi mme mbed atuak Jesus ke idap, ete, Andikpep, Andikpep, ŋwam nnyin, koro nnyin idikpaŋa. Ndin Jesus adahada, asua ono ofum ye mbufid mmɔŋ, ndin mmo odube, inyaŋ onyuŋ ana suŋ. 25Ndin Enye ɔdɔhɔ mme mbed Nsie ete, “Nsinam mmufo mibuɔdke idem ke Ami?” Ndik anam kpukpri mme mbed, idem onyuŋ akpa mmo tutu mmo ɔdɔhɔ kied eken ete, “Nsuto owo idi emi? Enye asua ono ofim ye mbufid mmoŋ, mmo onyuŋ mmo okup uyi Nsie?”
Jesus Ebin Ndedehe Spirit Esi Owo Ke Idem
(Matthew 8.28; 9.1; Mark 5.1-20)
26Jesus ye mme mbed Nsie awad ebe ke inyaŋ obi Galilee, edibehe ke esuk obi emi ekerede Gerasa. 27Kini Jesus ye mme mbed Nsie ɔwɔrɔde ke ubum, owo kied emi mme ndedehe Spirit okodude enye idem ke anyan ini, edisube ye Jesus. Owo emi ekesiduŋ ke ufɔk, ke obi Gerasa, edi idahami enye ayaduŋ ke mme udi, inyuŋ isineke ɔfɔŋ ke idem.
28Kini emi owo emi ekwidde Jesus, enye ɔtɔŋɔ edɔŋ ke ukud Jesus onyuŋ ofri ke ɔkpɔsɔŋ uyi ete, “Daha kpɔŋ nnyin, Jesus Eyin Abasi andikoŋ-ŋkan. Mekpe fi ubɔk, kutuhɔde nnyin!” 29Owo emi akatiŋ emi, koro Jesus akasuade ono ndedehe Spirit, ete, ɔwɔrɔ enye ke idem. Koro ke anyan ini oro mme ndedehe Spirit ɔtuhɔrede enye, mme owo ada ŋkpɔkɔbi eyiri enye ke ubɔk ye ukud, edi enye ekibi mme ŋkpɔkɔbi oro. Edi ediwak ini mme ndedehe Spirit oro ɔtuhɔre enye, onyuŋ anam enye ɔnyɔŋ ekesine ke wilderness.
30Jesus ebup enye ete, ekere didie? Enye ete, “Nnyin ikere Legion, oro ɔwɔrɔ Udim.” Enye akasiak enyiŋ emi koro mme ndedehe Spirit okodude enye ke idem ama awak. 31Ndin mme ndedehe Spirit oro osuk aka isi ekpe Jesus ubɔk ete, yak Enye ikidɔhɔ mmumo iwuɔŋɔ ikaduŋ ke ntotuŋe obube emi Abasi esinyuŋ onode mme ndedehe Spirit ufen.
32Kini mkpo emi osuk etibede, udim ediwak edi ufɔk ama odu ke obud emi ekperede do kadia mkpo. Mme ndedehe Spirit oro ekpe Jesus ubɔk ete, ayak mmumo iduk ke idem mme edi ufɔk oro, Enye onyuŋ ayak mmo. 33Ndin mme ndedehe Spirit oro ɔwɔrɔ ke idem owo oro, onyuŋ aduk ke idem mme edi ufɔk oro. Ndin mme edi ufɔk oro efeŋe ke usɔp-usɔp ɔsuhɔde ke obud oro ɔdɔŋɔ ke inyaŋ, onyuŋ akpaŋa.
34Kini mbun emi okosuk ekpemede mme edi emi ekwidde se itibede ino edi mmo, mmo efeŋe ɔkpɔŋ itie oro ye ndik, aka ke obi mmo ye ke mme iŋwɔŋ emi odude ke nkan ŋkuk oro, onyuŋ atiŋ ono kpukpri owo se itibede. 35Ndin mbun oro aka ndisie se iketibede. Mmo edi ke itie Jesus okodude, onyuŋ ekwid nte owo oro Jesus ekebinde ndedehe Spirit esi ke idem, etiede suŋ ke ukud Jesus, esine ɔfɔŋ, onyuŋ ɔdiɔŋɔ idem. Kini mme mbun oro ekwidde mkpo emi, ndik mmo abaŋa Jesus. 36Mbun emi ekekwidde se Jesus akanamde, onyuŋ atiŋ ono mbun emi edide idaha oro nte Jesus ekebinde ndedehe Spirit esi owo emi ke idem. 37Ndin mme mbun aduŋde ke ŋkan ŋkuk obi Gadasa, ɔdɔhɔ Jesus ete ɔkpɔŋ obi mmumo, koro ndik anamde mmo abaŋa Enye. Ndin Jesus aduk ubum ye mme mbed Nsie ɔkpɔŋ itie oro onyuŋ afiak aka edem inyaŋ eken, 38Mbemisi Jesus ye mme mbed Nsie ɔkpɔŋ itie oro, owo oro Jesus ekebinde ndedehe Spirit esi ke idem, ekpe Jesus ubɔk ete, Ɔbɔŋ mbɔk, “Yak nsaŋa ye Ofo.” Edi Jesus inyimeke onyuŋ ɔdɔhɔ enye ete, 39“Fiak nyɔŋ bine ubun mfo, nyuŋ ka katiŋ no mme owo kpukpri utibe mkpo emi Abasi anamde ono fi.” Ndin enye adaha ɔnyɔŋ, onyuŋ asaŋa ke ofri obi, atiŋ ono mme owo se Jesus anamde ono enye.
Jesus Ɔkɔk Akpri Eyin Ɔŋwɔŋ Anwan Udɔŋɔ Onyuŋ Anam Ŋwan Emi Ɔkɔdɔŋɔde Uwɔrɔ Iyip Okup Nsɔŋidem
40Kini Jesus ye mme mbed Nsie, afiakde ɔnyɔŋ aka edem inyaŋ eken emi odude ke Galilee, ediwak owo adara Enye, koro mmo kpukpri okosuk ebedde Enye. 41Ndin owo kied emi ekerede Jairus, emi okonyuŋ edide kied ke otu mme mbɔŋ ke Synagogue, asaŋa ekpere Jesus, ɔtɔŋɔ edɔŋ ke ukud Jesus, onyuŋ ekpe Enye ubɔk ete, edi ke ufɔk emo. 42Koro ŋkukura eyin aŋwan kied emi enye enyenede, emi edide eyin-ɔŋwɔŋ isua dueba, ɔdɔŋɔde ekpere ndikpa ndin enye ekpe Jesus ubɔk ete, edinam idem ɔsɔŋ eyin oro. Ekem Jesus asaŋa ye enye, edi nte Jesus osuk akade, mme owo owure adian Enye ke nkaŋ edem iba. 43Ŋwan kied emi ɔkɔdɔŋɔde uwɔrɔ iyip ke isua dueba onyuŋ odu ke ufuɔd otu owo oro. Enye ama abiad kpukpri akuk nsie ono mbia-ibɔk, edi ukpɔk mmo ndumekied ikemeke inam udɔŋɔ uwɔrɔ iyip oro akura enye. 44Ŋwan emi asaŋa ndibe-ndibe akade Jesus ke edem, onyuŋ atuk mben ɔfɔŋ-idem Nsie mbak udɔŋɔ nsie akura, ndin ndondo oro, uwɔrɔ iyip etre.
45Ndin Jesus ebup otu owo ete, “Ene-owo ikatuk Nŋi? Edi mbun emi akanarede Enye ɔdɔhɔde ete ke mmumo itukke Enye.” Ndin Peter ye mbun emi okodude ye Enye ɔdɔhɔ, Enye, ete, “Andikpep, mbun emi akanarede fi akuk awak, Ke ntra, owo ekededi ekeme ndituk fi.”
46Edi Jesus ɔdɔhɔ ete, “Ami mɔdiɔŋo nte ke owo atuk Nŋi, koro mekwid nte ke odudu ukɔk udɔŋɔ otu Mi ke idem ɔwɔrɔ.” 47Kini ŋwan oro akatukde Enye ekwidde ke Jesus ɔdiɔŋɔ ke emo ima ituk Enye, idem enyek enye ye ndik. Ŋwan emi ɔtɔŋɔ edɔŋ ke ukud Jesus, onyuŋ atiŋ ke isi kpukpri otu owo ntak emi enye akatukde Jesus, ye nte udɔŋɔ nsie akakurade kpak ndondo oro enye akatukde Jesus. 48Edi Jesus ɔdɔhɔ enye ete, “Edima aŋwan, kup idadesid, ekɔk fi udɔŋɔ mfo koro ofo ekenimde ke akpaniko ete ke Ami mekeme ndikɔk fi udɔŋɔ. Nyɔŋ, yak Abasi aka isi ono fi emem.”
49Nte Jesus osuk atiŋde iko ye ŋwan oro, owo otu ufɔk Jairus, edidɔhɔ enye ete, “Eyin mfo aŋwan, akpa.” Ufɔn iduhɔ ofo ndifina andikpep aba.
50Kini Jesus okupde se owo oro atiŋde, Enye ɔdɔhɔ Jairus ete, “Kufehe ndik, ka nim Mi ke akpaniko,” ndin enye iyɔtɔŋɔ ntak idu uwem.
51Kini mmo esimde ufɔk Jairus, Jesus ikayakke owo ndumekied etiene Enye aduk esid-ufɔk oro, ke eside efep Peter, James, John ye eka ye ete eyin oro. 52Kini mmo adukde ufɔk oro, kpukpri mbun emi odude do, ke atuaŋa ke ɔkpɔsɔŋ uyi onyuŋ eseme eyin oro akpade. Edi Jesus ɔdɔhɔ mmo ete, “Ikitua aba, koro eyin emi ikpaha-akpa, enye onyuŋ ade-idap.”
53Kini mmo okupde se Jesus atiŋde, mmo asak Enye, koro mmo ɔdiɔŋɔde ete ke eyin oro ama akpa. 54Edi Jesus aduk ubed eyin oro, onyuŋ amim eyin oro suŋ-suŋ ke ubɔk, ɔdɔhɔ enye ke ɔkpɔsɔŋ uyi ete, “Eyin Nni, dahada ke enyɔŋ.” 55Ndin ndondo oro, enye esed ke mkpa afiak odu uwem. Jesus ɔdɔhɔ eka ye ete nsie ete ono enye udia adia. 56Idem ama akpa ete ye eka nsie eti-eti, edi Jesus ɔdɔhɔ yak mmo, ikineme siketibede ino ukpɔk owo ndumekied kied.
Currently Selected:
Luke 8: IDE
Highlight
Share
Copy
Want to have your highlights saved across all your devices? Sign up or sign in
Idere Bible by Beyond Translation is licensed under Creative Commons Attribution-ShareAlike 4.0 License.
Luke 8
8
Iban Emi Ekesiede Mkpo Abaŋa Jesus ye Mbed Nsie
1Ke mme ini ebede, Jesus ye mbed Nsie dueba asaŋa ke obi ke obi, ye mme iduŋ iŋwɔŋ, ɔkwɔrɔ onyuŋ atiŋ eti mbuk ono mme owo abaŋa Obi Ubɔŋ Abasi. 2Ndusuk iban ŋko, emi Jesus akanamde udɔŋɔ akura mmo onyuŋ ebinde ndedehe Spirit osioŋo ke idem, ama onyuŋ asaŋa ye mmo. Kied ke otu mme iban oro edi Mary emi okotude obi emi ekerede Magdala, emi Jesus akanamde ndedehe Spirit itiakaba ɔwɔrɔ enye ke idem. 3Owo eŋwen ke otu mme iban emi ekedi Joanna ŋwan Chuza akama-ukpɔhɔre Herod, ye Susanna, ye ediwak iban efen. Kpukpri mme iban oro ada akuk ye se mmo enyenede onyuŋ esie mkpo abaŋa Jesus ye mme mbed Nsie.
Ŋke Abaŋade Asuan Mkpasip
(Matthew 13.1-9; Mark 4.1-9)
4Ndin Usen kied, ediwak otu owo emi okotude ke mme nsihi-nsihi obi edi, obune akanare Jesus akuk. Ekem Jesus ada ŋke emi ekpep mmo mkpo, ete, 5“Ato-iŋwɔŋ ɔkɔwɔrɔ aka ke iŋwɔŋ nsie ndisuan mkpasip ibokpod. Nte enye osuk asuande, ndisuk mkpasip oro ɔduɔŋɔ ke mben akpo-usuŋ, mme owo edighi mmo, mme inuen onyuŋ ataŋ mmo ata. 6Ndusuk mkpasip ɔduɔŋɔ ke enyɔŋ itiad. Mme mkpasip oro etibe, edi kini mibigike mmo eyemere koro mmo mmɔŋ mikɔduhɔ ino mmo ke enyɔŋ itiad oro. 7Ndusuk eken ɔduɔŋɔ ke isɔŋ emi ɔyɔhɔde ye etu ŋkukim. Ndin ŋkukim oro ɔkɔri afuk nsek ibokpod oro onyuŋ owud mmo. 8Edi ndusuk mme mkpasip efen ɔduɔŋɔ ke eti isɔŋ, etibe, onyuŋ eŋwum mfri utip ikikie.” Kini Jesus atiŋde kpukpri mkpo emi ama, Enye ɔdɔhɔ ke ɔkpɔsɔŋ uyi ete, “Owo ekededi emi ekemede okup se Ntiŋde, yak enye anwana ndidiɔŋɔ se ɔwɔrɔde.”
Mme Mbed Uyum Ndidiɔŋɔ Se Nke Asuan mkpasip Ɔwɔrɔde
(Matthew 13.10-17; Mark 4.10-12)
9Ekem mme mbed ebup Jesus, ete, “Ŋke emi ɔwɔrɔ didie?” 10Enye aboro mmo ete, “Abasi ono mmufo mfɔn ndidiɔŋɔ ndibe akpaniko iko emi abaŋade Obi Ubɔŋ Abasi. Edi Ami nda ŋke mkpep mbun eŋwen emi midehe mbed Nni mkpo, mbak osu nte prophet Isaiah ewedde ke ŋwed Abasi, ete
“Mmo iyekwid se Ami Nnamde, edi mmo ididiɔŋɔke se ɔwɔrɔde,
Mmo iyonyuŋ ikup se Ami ntiŋde edi idiŋwuahake mmo se ɔwɔrɔde.”
Jesus Atiŋ Se Ŋke Asuan Mkpasip Ɔwɔrɔde
(Matthew 13.18-23; Mark 4.13-20)
11Ndin Jesus ɔdɔhɔ mmo ete, Yak ntiŋ nno mmufo se mme ŋke oro ɔwɔrɔde: “Mkpasip oro ada ono iko Abasi.” 12Ndusuk owo etie nte mben akpo-usuŋ emi ndusuk mkpasip oro ɔkɔduɔŋɔde. Mmo okup Iko Abasi, edi Satan edimen iko Abasi oro efep ke esid mmo, mbak mmo idinim ke akpaniko inyuŋ ibɔhɔke idiɔk-mkpo. 13Ndusuk owo etie nte isɔŋ itiad emi ndusuk mkpasip ɔkɔduɔŋɔde. Kini uto mbun oro okupde iko Abasi, mmo abo ke inemesid, edi mmo iyakke iko Abasi ɔkɔri onyuŋ enehede aduk mmo ke esid. Mmo onyuŋ enim Iko Abasi ke akpri asisid ini, edi kini idume edide, mmo inimke Abasi aba ke akpaniko. 14Ndusuk owo etie nte ikɔd ŋkukim emi ndusuk mkpasip oro ɔkɔduɔŋɔde. Mmo okup Iko Abasi, edi nte ini ebede, mmo ayak ekikere ye inyene ye inem uwem emi etimere mmo. Ke ntak emi, mmo inyuŋ ikemeke ndikɔri ke Spirit. 15Edi ndusuk owo etie nte eti isɔŋ emi ndusuk mkpasip oro ɔkɔduɔŋɔde. Mbun emi okup iko Abasi onyuŋ ɔsɔŋɔ eyire enye ke edinam akpaniko nyuŋ ndu eti uwem, enyuŋ ebak Abasi ke ofri esid.
Se Ŋke Udume Utuenikaŋ Ɔwɔrɔde
(Mark 4.21-25)
16Jesus aka isi atiŋ ete, “Owo ndumekied, idumeke utuenikaŋ ida abaŋ ifuk, me ndinim enye ke idak mkpo nna. Edi utuke oro, oduri enye ke mkpo uduri-utuenikaŋ, mbak kpukpri owo eke adukde ufɔk oro ekpekwid uŋwana.” 17Emi ɔwɔrɔ ete, kpukpri mkpo ekededi emi edibede ke emi iyayarade, mkpɔ eke edipdedip iyonyuŋ iwɔrɔ aŋwa-aŋwa mme owo ekwid.
18Ke ntak oro, mmufo itim ikpaŋ utɔŋ ke se Ntiŋde nno mmufo, koro Abasi oyono mbun emi oyumde ndifiɔk se Ami mkpepde ifiɔk ɔyɔhɔ-ɔyɔhɔ. Edi mme mbun oro miyumke ndifiɔk se Ami mkpepde, Abasi iyabo mmo idem akpri ifiɔk emi mmo ekenyenede.
Eka Jesus Ye Ndito-Eka Nsie Edi Ebine Enye
(Matthew 12.46-50; Mark 3.31-35)
19Usen kied, nte Jesus osuk ekpepde mkpo, eka Nsie ye ndito-eka Nsie edi ndikwid Enye. Edi mmo ikemeke ndisaŋa mkpere Enye koro ediwak owo okobunede akanare Enye. 20Edi owo ɔdɔhɔ Enye ete, eka Mfo ye ndito-uka mmo ke awa ada, koyum ndikwid fi. 21Edi Jesus aboro mmo ete, “Mbun emi okupde Iko Abasi onyuŋ anam se Iko Abasi etemede, onyuŋ etie nte eka ye ndito-eka Mmi.”
Ofum Ye Mbufid Mmɔŋ Okup Uyi Jesus
(Matthew 8.23-27; Mark 4.35-41)
22Usen kied, Jesus aduk ke ubum ye mme mbed Nsie, oyuŋ ɔdɔhɔ mmo ete, “Yak nnyin iwad ika ke edem inyaŋ Gerasenet oko, emi enyuŋ ediɔŋɔde ŋko nte inyaŋ Galilee. Ndin mmo awad ubum esi.” 23Nte mmo osuk awadde ubum aka, Jesus ade-idap. Ndondo oro, ɔkpɔsɔŋ ofum ɔtɔŋɔ ndifum ke inyaŋ, mmɔŋ onyuŋ ɔtɔŋɔ ndiyɔhɔ ke ubum, ndin ndik anam mmo me mmumo idisip.
24Edi mme mbed atuak Jesus ke idap, ete, Andikpep, Andikpep, ŋwam nnyin, koro nnyin idikpaŋa. Ndin Jesus adahada, asua ono ofum ye mbufid mmɔŋ, ndin mmo odube, inyaŋ onyuŋ ana suŋ. 25Ndin Enye ɔdɔhɔ mme mbed Nsie ete, “Nsinam mmufo mibuɔdke idem ke Ami?” Ndik anam kpukpri mme mbed, idem onyuŋ akpa mmo tutu mmo ɔdɔhɔ kied eken ete, “Nsuto owo idi emi? Enye asua ono ofim ye mbufid mmoŋ, mmo onyuŋ mmo okup uyi Nsie?”
Jesus Ebin Ndedehe Spirit Esi Owo Ke Idem
(Matthew 8.28; 9.1; Mark 5.1-20)
26Jesus ye mme mbed Nsie awad ebe ke inyaŋ obi Galilee, edibehe ke esuk obi emi ekerede Gerasa. 27Kini Jesus ye mme mbed Nsie ɔwɔrɔde ke ubum, owo kied emi mme ndedehe Spirit okodude enye idem ke anyan ini, edisube ye Jesus. Owo emi ekesiduŋ ke ufɔk, ke obi Gerasa, edi idahami enye ayaduŋ ke mme udi, inyuŋ isineke ɔfɔŋ ke idem.
28Kini emi owo emi ekwidde Jesus, enye ɔtɔŋɔ edɔŋ ke ukud Jesus onyuŋ ofri ke ɔkpɔsɔŋ uyi ete, “Daha kpɔŋ nnyin, Jesus Eyin Abasi andikoŋ-ŋkan. Mekpe fi ubɔk, kutuhɔde nnyin!” 29Owo emi akatiŋ emi, koro Jesus akasuade ono ndedehe Spirit, ete, ɔwɔrɔ enye ke idem. Koro ke anyan ini oro mme ndedehe Spirit ɔtuhɔrede enye, mme owo ada ŋkpɔkɔbi eyiri enye ke ubɔk ye ukud, edi enye ekibi mme ŋkpɔkɔbi oro. Edi ediwak ini mme ndedehe Spirit oro ɔtuhɔre enye, onyuŋ anam enye ɔnyɔŋ ekesine ke wilderness.
30Jesus ebup enye ete, ekere didie? Enye ete, “Nnyin ikere Legion, oro ɔwɔrɔ Udim.” Enye akasiak enyiŋ emi koro mme ndedehe Spirit okodude enye ke idem ama awak. 31Ndin mme ndedehe Spirit oro osuk aka isi ekpe Jesus ubɔk ete, yak Enye ikidɔhɔ mmumo iwuɔŋɔ ikaduŋ ke ntotuŋe obube emi Abasi esinyuŋ onode mme ndedehe Spirit ufen.
32Kini mkpo emi osuk etibede, udim ediwak edi ufɔk ama odu ke obud emi ekperede do kadia mkpo. Mme ndedehe Spirit oro ekpe Jesus ubɔk ete, ayak mmumo iduk ke idem mme edi ufɔk oro, Enye onyuŋ ayak mmo. 33Ndin mme ndedehe Spirit oro ɔwɔrɔ ke idem owo oro, onyuŋ aduk ke idem mme edi ufɔk oro. Ndin mme edi ufɔk oro efeŋe ke usɔp-usɔp ɔsuhɔde ke obud oro ɔdɔŋɔ ke inyaŋ, onyuŋ akpaŋa.
34Kini mbun emi okosuk ekpemede mme edi emi ekwidde se itibede ino edi mmo, mmo efeŋe ɔkpɔŋ itie oro ye ndik, aka ke obi mmo ye ke mme iŋwɔŋ emi odude ke nkan ŋkuk oro, onyuŋ atiŋ ono kpukpri owo se itibede. 35Ndin mbun oro aka ndisie se iketibede. Mmo edi ke itie Jesus okodude, onyuŋ ekwid nte owo oro Jesus ekebinde ndedehe Spirit esi ke idem, etiede suŋ ke ukud Jesus, esine ɔfɔŋ, onyuŋ ɔdiɔŋɔ idem. Kini mme mbun oro ekwidde mkpo emi, ndik mmo abaŋa Jesus. 36Mbun emi ekekwidde se Jesus akanamde, onyuŋ atiŋ ono mbun emi edide idaha oro nte Jesus ekebinde ndedehe Spirit esi owo emi ke idem. 37Ndin mme mbun aduŋde ke ŋkan ŋkuk obi Gadasa, ɔdɔhɔ Jesus ete ɔkpɔŋ obi mmumo, koro ndik anamde mmo abaŋa Enye. Ndin Jesus aduk ubum ye mme mbed Nsie ɔkpɔŋ itie oro onyuŋ afiak aka edem inyaŋ eken, 38Mbemisi Jesus ye mme mbed Nsie ɔkpɔŋ itie oro, owo oro Jesus ekebinde ndedehe Spirit esi ke idem, ekpe Jesus ubɔk ete, Ɔbɔŋ mbɔk, “Yak nsaŋa ye Ofo.” Edi Jesus inyimeke onyuŋ ɔdɔhɔ enye ete, 39“Fiak nyɔŋ bine ubun mfo, nyuŋ ka katiŋ no mme owo kpukpri utibe mkpo emi Abasi anamde ono fi.” Ndin enye adaha ɔnyɔŋ, onyuŋ asaŋa ke ofri obi, atiŋ ono mme owo se Jesus anamde ono enye.
Jesus Ɔkɔk Akpri Eyin Ɔŋwɔŋ Anwan Udɔŋɔ Onyuŋ Anam Ŋwan Emi Ɔkɔdɔŋɔde Uwɔrɔ Iyip Okup Nsɔŋidem
40Kini Jesus ye mme mbed Nsie, afiakde ɔnyɔŋ aka edem inyaŋ eken emi odude ke Galilee, ediwak owo adara Enye, koro mmo kpukpri okosuk ebedde Enye. 41Ndin owo kied emi ekerede Jairus, emi okonyuŋ edide kied ke otu mme mbɔŋ ke Synagogue, asaŋa ekpere Jesus, ɔtɔŋɔ edɔŋ ke ukud Jesus, onyuŋ ekpe Enye ubɔk ete, edi ke ufɔk emo. 42Koro ŋkukura eyin aŋwan kied emi enye enyenede, emi edide eyin-ɔŋwɔŋ isua dueba, ɔdɔŋɔde ekpere ndikpa ndin enye ekpe Jesus ubɔk ete, edinam idem ɔsɔŋ eyin oro. Ekem Jesus asaŋa ye enye, edi nte Jesus osuk akade, mme owo owure adian Enye ke nkaŋ edem iba. 43Ŋwan kied emi ɔkɔdɔŋɔde uwɔrɔ iyip ke isua dueba onyuŋ odu ke ufuɔd otu owo oro. Enye ama abiad kpukpri akuk nsie ono mbia-ibɔk, edi ukpɔk mmo ndumekied ikemeke inam udɔŋɔ uwɔrɔ iyip oro akura enye. 44Ŋwan emi asaŋa ndibe-ndibe akade Jesus ke edem, onyuŋ atuk mben ɔfɔŋ-idem Nsie mbak udɔŋɔ nsie akura, ndin ndondo oro, uwɔrɔ iyip etre.
45Ndin Jesus ebup otu owo ete, “Ene-owo ikatuk Nŋi? Edi mbun emi akanarede Enye ɔdɔhɔde ete ke mmumo itukke Enye.” Ndin Peter ye mbun emi okodude ye Enye ɔdɔhɔ, Enye, ete, “Andikpep, mbun emi akanarede fi akuk awak, Ke ntra, owo ekededi ekeme ndituk fi.”
46Edi Jesus ɔdɔhɔ ete, “Ami mɔdiɔŋo nte ke owo atuk Nŋi, koro mekwid nte ke odudu ukɔk udɔŋɔ otu Mi ke idem ɔwɔrɔ.” 47Kini ŋwan oro akatukde Enye ekwidde ke Jesus ɔdiɔŋɔ ke emo ima ituk Enye, idem enyek enye ye ndik. Ŋwan emi ɔtɔŋɔ edɔŋ ke ukud Jesus, onyuŋ atiŋ ke isi kpukpri otu owo ntak emi enye akatukde Jesus, ye nte udɔŋɔ nsie akakurade kpak ndondo oro enye akatukde Jesus. 48Edi Jesus ɔdɔhɔ enye ete, “Edima aŋwan, kup idadesid, ekɔk fi udɔŋɔ mfo koro ofo ekenimde ke akpaniko ete ke Ami mekeme ndikɔk fi udɔŋɔ. Nyɔŋ, yak Abasi aka isi ono fi emem.”
49Nte Jesus osuk atiŋde iko ye ŋwan oro, owo otu ufɔk Jairus, edidɔhɔ enye ete, “Eyin mfo aŋwan, akpa.” Ufɔn iduhɔ ofo ndifina andikpep aba.
50Kini Jesus okupde se owo oro atiŋde, Enye ɔdɔhɔ Jairus ete, “Kufehe ndik, ka nim Mi ke akpaniko,” ndin enye iyɔtɔŋɔ ntak idu uwem.
51Kini mmo esimde ufɔk Jairus, Jesus ikayakke owo ndumekied etiene Enye aduk esid-ufɔk oro, ke eside efep Peter, James, John ye eka ye ete eyin oro. 52Kini mmo adukde ufɔk oro, kpukpri mbun emi odude do, ke atuaŋa ke ɔkpɔsɔŋ uyi onyuŋ eseme eyin oro akpade. Edi Jesus ɔdɔhɔ mmo ete, “Ikitua aba, koro eyin emi ikpaha-akpa, enye onyuŋ ade-idap.”
53Kini mmo okupde se Jesus atiŋde, mmo asak Enye, koro mmo ɔdiɔŋɔde ete ke eyin oro ama akpa. 54Edi Jesus aduk ubed eyin oro, onyuŋ amim eyin oro suŋ-suŋ ke ubɔk, ɔdɔhɔ enye ke ɔkpɔsɔŋ uyi ete, “Eyin Nni, dahada ke enyɔŋ.” 55Ndin ndondo oro, enye esed ke mkpa afiak odu uwem. Jesus ɔdɔhɔ eka ye ete nsie ete ono enye udia adia. 56Idem ama akpa ete ye eka nsie eti-eti, edi Jesus ɔdɔhɔ yak mmo, ikineme siketibede ino ukpɔk owo ndumekied kied.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Idere Bible by Beyond Translation is licensed under Creative Commons Attribution-ShareAlike 4.0 License.