Romio 5
5
Sânti ar hub
1Karon Issorre abodo pâtyukanabo mente abo dhârmik mente atangkaʹboe ar ana laʹtigi Probhu Jisu Khrisṭoaʹ karonte Issor ar abo talare sânti hokâniʹ. 2Issoraʹ niâ akaṭaʹ dayanaʹ ḍaharte nitoʹ caʹkanabo aṛedo abo Khrisṭoaʹ talate pâtyutigi pâhcukanabo. Issoraʹ mohima bhagnaʹ asate abodo huboʹkanabo. 3Emon ki sanam duk ar kosṭo talareho abodo huboʹabo, karon abo baṛeyabo je niâko somossare abo sahonaʹ ḍaharte âyur idiboe. 4Sahotedo aboaʹ sobhab keṭektaboe ar niâ keṭeʹ sobhabte abodo jiuire asa maboe. Nanaʹ jodo hoʹkana khâṭi sobhab ar khâṭi jonaʹ asa. 5Niâ asate abo bang giuʹsoboe, karon Issorte Aiaʹ ma Pobitro Atta talate aboaʹ ontor Ânioaʹ dulârte pereʹkaʹtaboe.
6Jâkhni abo nije bacoaʹ sukti bang tahelentaboa tâkhni Khrisṭo abo laʹte goiʹne. Ṭhik somaire Khrisṭodo abo laka dusṭu âdmiko laʹte goiʹne. 7Dhârmik laʹtedo ekeho nijeoaʹ jiui bang maʹako. Kheʹ hoito aima kom âdmigi manja âdmi laʹtedo nijeoaʹ jiui majahanako. 8Kheʹ Issorte je abo dulârboe ananaʹ proman niâgiâ je, abodo jâkhni pâpi tahelenabo tâkhni Khrisṭo abo laʹte goiʹne.
9Issorte Khrisṭoaʹ meyom talate abo dhârmik mente atangkaʹboe. Tahale niâ sârido tiniʹgi bang niscita je Khrisṭoaʹ goiʹnaʹ talate abodo Issoraʹ edre khoiʹ bacoʹbohaʹ. 10Abo jâkhni Issorren dusmân tahelenabo tâkhni Âniren hopontetʹ goiʹ talate Âni saote abo milukanabo. Nengkaketeʹ milukanabo mente Khrisṭoaʹ jiui talate niscoi abo pap khoiʹ bacoʹbohaʹ. 11Kheʹ khâli anado bang je, nitoʹ abodo Issor saote huboʹabo. Abodo aboren Probhu Jisu Khrisṭoaʹ talate ana hub namkadabo, akaṭaʹtedo abo nitoʹ Issor salaʹ milukanabo.
Jiuido Khrisṭoaʹ talate ar goiʹdo Adomaʹ talate hiʹkana
12Adomaʹ obaddhonaʹ talate alka dhârtire pap hiʹlena, enkagi âniaʹ pap salaʹ sanamkhoiʹ cetanre hiʹkana goiʹ. Ar nengkaketeʹgi goiʹdo sanam âdmiṭheʹ hiʹkana karon sanamkhoiʹgi papkadako. 13Issoraʹ maonaʹ Mosioaʹ ân hijuʹ laharigi dhârtire pap tahelena, inre ân bang tahelena anate Issorte âdmikoaʹ pap bang sabtakosane. 14Kheʹ Adomaʹ somai khoiʹ ehobketeʹ Mosioaʹ somai dhâbiʹ sanamkhoiʹ cetanrigi goiʹdo rajlede. Emon ki, Issoraʹ hukum bang manoketeʹ ekekodo Adom laka bang papkadako angko cetanreho goiʹdo rajlede.
Ekeoaʹ hijuʹaʹ katha tahelentaia Adomdo tahelene miʹhate khoiʹ âni Jisu Khrisṭoaʹgi chubi. 15Kheʹ Adomaʹ pap alkana Issoraʹ begor damnaʹ dando bang angkana. Adomaʹ pap laʹte aima âdmigi goiʹnako kheʹ Jisu Khrisṭoaʹ talate aima âdmigi Issoraʹ dayanaʹ dante jiui namkadako. 16Ar Issoraʹ dayanaʹ dan talate akaṭaʹ hiʹna anado Adomaʹ miṭiʹ papnaʹ jo khoiʹdo eṭaʹgiâ. Karon miṭiʹ papnaʹ karonte sanam âdmigi sâstinaʹ joggo mente sab hona, kheʹ aima âdmi papreho Jisuoaʹ goiʹ talate nirdos mente sab hona. 17Nado sârigiâ, miʹhor papkede, ar âni miʹhoraʹ pap laʹte sanamkhoiʹ goiʹnako. Kheʹ ekeko Issorṭheʹ khoiʹ daya namako ar dhârmik mente nije atangoʹaʹ odhikar dan hisâbte namako, angkodo sârigi Âni miṭiʹ âdmi mane Jisu Khrisṭoaʹ talate jiui pereʹketeʹ rajkohaʹ.
18Anate Adomaʹ miṭiʹ papte alka sanam âdmigi sâstinaʹ joggo mente sab hoʹa. Engkaketeʹgi Khrisṭoaʹ miṭiʹ nei kâminaʹ talate sanam âdmigi dhârmik mente atang darenako ar anado hoʹkana ononto jiui. 19Alka miʹhoraʹ obaddhotanaʹ talate aima horgi pâpi mente dharo holena, engkagi miṭiʹ âdmioaʹ baddhotanaʹ talate aima âdmigi dhârmik ho darenako. 20Ân ma hona jate pap arho ḍheroʹa. Kheʹ akakore pap ḍherna aṛedo Issoraʹ dayaho arho aimaketeʹ ḍherna. 21Pap akalka sanamkhoiʹaʹ cetanre rajkede ar goiʹ âgukede, ṭhik engkaketeʹgi Issoraʹ dayanaʹ dhârmiknaʹ talate ar Probhu Jisu Khrisṭoaʹ talate abo ononto jiui maboe.
Currently Selected:
Romio 5: EKL
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Romio 5
5
Sânti ar hub
1Karon Issorre abodo pâtyukanabo mente abo dhârmik mente atangkaʹboe ar ana laʹtigi Probhu Jisu Khrisṭoaʹ karonte Issor ar abo talare sânti hokâniʹ. 2Issoraʹ niâ akaṭaʹ dayanaʹ ḍaharte nitoʹ caʹkanabo aṛedo abo Khrisṭoaʹ talate pâtyutigi pâhcukanabo. Issoraʹ mohima bhagnaʹ asate abodo huboʹkanabo. 3Emon ki sanam duk ar kosṭo talareho abodo huboʹabo, karon abo baṛeyabo je niâko somossare abo sahonaʹ ḍaharte âyur idiboe. 4Sahotedo aboaʹ sobhab keṭektaboe ar niâ keṭeʹ sobhabte abodo jiuire asa maboe. Nanaʹ jodo hoʹkana khâṭi sobhab ar khâṭi jonaʹ asa. 5Niâ asate abo bang giuʹsoboe, karon Issorte Aiaʹ ma Pobitro Atta talate aboaʹ ontor Ânioaʹ dulârte pereʹkaʹtaboe.
6Jâkhni abo nije bacoaʹ sukti bang tahelentaboa tâkhni Khrisṭo abo laʹte goiʹne. Ṭhik somaire Khrisṭodo abo laka dusṭu âdmiko laʹte goiʹne. 7Dhârmik laʹtedo ekeho nijeoaʹ jiui bang maʹako. Kheʹ hoito aima kom âdmigi manja âdmi laʹtedo nijeoaʹ jiui majahanako. 8Kheʹ Issorte je abo dulârboe ananaʹ proman niâgiâ je, abodo jâkhni pâpi tahelenabo tâkhni Khrisṭo abo laʹte goiʹne.
9Issorte Khrisṭoaʹ meyom talate abo dhârmik mente atangkaʹboe. Tahale niâ sârido tiniʹgi bang niscita je Khrisṭoaʹ goiʹnaʹ talate abodo Issoraʹ edre khoiʹ bacoʹbohaʹ. 10Abo jâkhni Issorren dusmân tahelenabo tâkhni Âniren hopontetʹ goiʹ talate Âni saote abo milukanabo. Nengkaketeʹ milukanabo mente Khrisṭoaʹ jiui talate niscoi abo pap khoiʹ bacoʹbohaʹ. 11Kheʹ khâli anado bang je, nitoʹ abodo Issor saote huboʹabo. Abodo aboren Probhu Jisu Khrisṭoaʹ talate ana hub namkadabo, akaṭaʹtedo abo nitoʹ Issor salaʹ milukanabo.
Jiuido Khrisṭoaʹ talate ar goiʹdo Adomaʹ talate hiʹkana
12Adomaʹ obaddhonaʹ talate alka dhârtire pap hiʹlena, enkagi âniaʹ pap salaʹ sanamkhoiʹ cetanre hiʹkana goiʹ. Ar nengkaketeʹgi goiʹdo sanam âdmiṭheʹ hiʹkana karon sanamkhoiʹgi papkadako. 13Issoraʹ maonaʹ Mosioaʹ ân hijuʹ laharigi dhârtire pap tahelena, inre ân bang tahelena anate Issorte âdmikoaʹ pap bang sabtakosane. 14Kheʹ Adomaʹ somai khoiʹ ehobketeʹ Mosioaʹ somai dhâbiʹ sanamkhoiʹ cetanrigi goiʹdo rajlede. Emon ki, Issoraʹ hukum bang manoketeʹ ekekodo Adom laka bang papkadako angko cetanreho goiʹdo rajlede.
Ekeoaʹ hijuʹaʹ katha tahelentaia Adomdo tahelene miʹhate khoiʹ âni Jisu Khrisṭoaʹgi chubi. 15Kheʹ Adomaʹ pap alkana Issoraʹ begor damnaʹ dando bang angkana. Adomaʹ pap laʹte aima âdmigi goiʹnako kheʹ Jisu Khrisṭoaʹ talate aima âdmigi Issoraʹ dayanaʹ dante jiui namkadako. 16Ar Issoraʹ dayanaʹ dan talate akaṭaʹ hiʹna anado Adomaʹ miṭiʹ papnaʹ jo khoiʹdo eṭaʹgiâ. Karon miṭiʹ papnaʹ karonte sanam âdmigi sâstinaʹ joggo mente sab hona, kheʹ aima âdmi papreho Jisuoaʹ goiʹ talate nirdos mente sab hona. 17Nado sârigiâ, miʹhor papkede, ar âni miʹhoraʹ pap laʹte sanamkhoiʹ goiʹnako. Kheʹ ekeko Issorṭheʹ khoiʹ daya namako ar dhârmik mente nije atangoʹaʹ odhikar dan hisâbte namako, angkodo sârigi Âni miṭiʹ âdmi mane Jisu Khrisṭoaʹ talate jiui pereʹketeʹ rajkohaʹ.
18Anate Adomaʹ miṭiʹ papte alka sanam âdmigi sâstinaʹ joggo mente sab hoʹa. Engkaketeʹgi Khrisṭoaʹ miṭiʹ nei kâminaʹ talate sanam âdmigi dhârmik mente atang darenako ar anado hoʹkana ononto jiui. 19Alka miʹhoraʹ obaddhotanaʹ talate aima horgi pâpi mente dharo holena, engkagi miṭiʹ âdmioaʹ baddhotanaʹ talate aima âdmigi dhârmik ho darenako. 20Ân ma hona jate pap arho ḍheroʹa. Kheʹ akakore pap ḍherna aṛedo Issoraʹ dayaho arho aimaketeʹ ḍherna. 21Pap akalka sanamkhoiʹaʹ cetanre rajkede ar goiʹ âgukede, ṭhik engkaketeʹgi Issoraʹ dayanaʹ dhârmiknaʹ talate ar Probhu Jisu Khrisṭoaʹ talate abo ononto jiui maboe.
©️2025 Bible Students Fellowship of Bangladesh