Romio 11
11
Issorte Jihudi âdmiko bang bâgikaʹkoe
1Ingte ape kulipekâning, "Issorte ki Aiʹren âdmiko bâgigirikaʹkoe?" Tinreho bang. Karon ingho Abrahamren bongsokâning ar Benjamin gusṭiren miṭiʹ Israyelkâning.
2Lahatigi Issorte ekeko Aiʹren âdmi mente bacholeʹkoe angkodo Ânite bang bâgikaʹkoe. Nâbi Elioaʹ bisoite pobitro sastrore itâʹ menlede ana ki ape bang baṛeyape? Âni Israyelkoaʹ biruddhe Issorṭheʹ lâilede, 3"Probhu, nakotedo Amren nâbiko goiʹkaʹkoako ar Amaʹ sirâko râputʹkadako. Kebol inggi jiuitʹ miningâ, ar ingho gojeng laʹte angko kurumuṭudako."#1 Rajako 19:10-14 4Kheʹ Issortedo Elio itâʹ uttor malidie? Issoraʹ uttor, nitoʹho Ingren "Sat hajar âdmi baco dohokaʹkoing, ekedo Bal debotaṭheʹ bang ukrumoʹkanako."#1 Rajako 19:10-18
5Ṭhik engkaketeʹgi nitho thoṛa âdmi abo talare menaʹkoa, ekedo Issor Aiaʹ dayatigi bachongekaʹkoe. 6Issorte judi Aiʹren âdmiko dayatigi bachongekaʹkoe tahale nato tinreho akoaʹ kâmi talatedo bang. Karon judi anagi hoʹahoteʹ tahale dayado ar daya bang tahenahoteʹ.
7Niânaʹ manedo hoʹkana je Israyelren thoṛa bachouniʹ âdmigi ana namledako akaṭaʹdo sanamkhoiʹ sendraledako. Ar eṭaʹ sanamkhoiʹaʹ mondo reṭhangekantakoa.
8Akalka pobitro sastrore ol menaʹa,
"Issorte angko bemaʹ atta makaʹkoe,#Jisaio 29:10
anate angkodo tihing dhâbiʹ akoaʹ metʹte lelketeʹho bang lelako
ar luturte atenketeʹho bang atenako."#Dosarbiboron 29:4
9Raja Dâudho menlede,
"Angkoaʹ bhojnaʹ porobko fad ar jhampa laka hoʹtakoman,
anako jate angkoaʹ tohodoʹaʹ karon hoʹtakoa, ar angkoaʹ akaṭaʹ sâsti angko jate anagi namako.#Siringko 69:22-23
10Angkoaʹ metʹdo ândhuâʹtakoʹman jate angko bang lel namako,
ar sanam somai angkoaʹ deyado kokyo tahentakoman.
11Ingdo mening, jâkhni Jihudiko tohotʹlenako tâkhni ki angkodo dhongsolenako? Tisho bang, karon angkoaʹ pap laʹtigi Ojihudiko Issorte pap khoiʹ bacokaʹkoe jate angko Jihudiko bhitârre hingsâ janamoʹtakoa. 12Tahale lel namoʹa, Jihudikoaʹ pap laʹte Ojihudiko aima âsirbad namkedako. Jâkhni sanam Jihudiko Issoraʹ rajjore bolonkohaʹ tâkhni angko saote sanamkhoiʹ laʹte tiniʹgi bang ḍher âsirbad hijuʹhaʹ.
Issorte Ojihudiko bacokoe
13Ojihudiko, ingte ape metapekâning, Ojihudiko laʹte prerit hisâbte ing ingâʹ seoa kâmi laʹte gouroboʹing. 14Niâ kâmi talate ingte jate ingren nijeren âdmikoaʹ hingsâ ḍhertakoing ar angko tala khoiʹ thoṛa âdmi baco darekoing. 15Jihudikote jâkhni Issor bâgikidiako tâkhni dhârtiren bâki âdmiko Âni hate âcur calenako. Anate Issor jâkhni Jihudiko saote sutru khoiʹ gatene tâkhni ana goiʹonko jiui mako laka. 16Judi piṭhânaʹ palhe kecaʹ Issor ma hoʹa, tahale goṭa piṭhâgi pobitrogiâ, judi darenaʹ jar pobitro hoʹa tahale ḍhârkoho pobitro hoʹhaʹ.
17Ape Ojihudikodo bir jolpai darenaʹ ḍhârkanape ar aṛekhoiʹ ape getʹâguketeʹ roheonaʹ jolpai darere kolomkaʹpeya. Apedo thoṛa ḍhârnaʹ jaga engekadape akaṭaʹdo getʹ girihokana. Ar ana roheonaʹ dare saote salaʹkanape mente ape ana âsirbad namdape. 18Tahale apedo ana getʹonaʹ ḍhârko khoiʹ nije alo marang moneʹape. Judi moneʹape tahale disâ dohepe je, ape darenaʹ goṛa bang sab dohodape borong goṛatigi ape sab dohopekane. 19Ape hoito menpehaʹ, "Ana ḍhârko getʹholena jate abo aṛe joṛai darenabo." 20He, ṭhikgiâ. Khrisṭore binpâtyu tahelenako mentigi angkodo getʹkaʹkoako ar apeyaʹ pâtyu tahelentapeya mentigi apedo ana darere joṛailenape. Niâte alo ohongkarape borong botoroʹpe, 21karon Issorte alka asol ḍhârkogi rehai bang makaʹkoe engkagi apeyaʹ Khrisṭore pâtyu bang tahelekheʹ apeho Ânite oho rehai mapeye.
22Lelpe, miʹ somairigi Issor tinâʹ mayaiʹkane ar kâṭhingie. Jeko getʹholenako angko laʹte Ânido koṛagi tahalene. Ar Âni ape cetanre mayoʹheʹ, judi ape Ânioaʹ maya cetanre pâtyu doheyape, bangkheʹ apeho getʹgiṛi hoʹhaʹ. 23Getʹonaʹ ḍhârko judi Khrisṭore pâtyuʹlaʹ ehobako tahale anako arho ana darenaʹ ongso hongenkohaʹ. Karon Issoraʹ angko arho joṛaimakoaʹ khomota menaʹtaia. 24Ape Ojihudikodo miṭiʹ bir jolpai darenaʹ ḍhâr laka tahelenape, ar aṛe khoiʹ getʹ âguketeʹ jolpai darere joṛaikaʹpeyako. Tahale ekeko Jihudikanape apedo ana darenaʹ asol ḍhâr akaṭaʹdo getʹgiriholena, apedo tiniʹ algatigi Issorte apeyaʹ dare suliʹ ape joṛaidareʹehoteʹ!
Israyelkodo Issorre pâtyuʹkohaʹ
25Ingren boihako, Ing koing je, ape Jihudiko nije laite alo bisi gorboʹape. Anate ingte Israyel âdmikoaʹ itâʹ ghoṭolena ana bisoite baionaʹ sâriaʹ lâikohuʹ. Angko talare ekekodo reṭhangekanako, ar tinkhâniʹ bang ape Ojihudiko purâte Issorre bang pâtyuʹkanako indhâbiʹ angkodo engkagi tahankohaʹ. 26Ana somai Israyelren sanam âdmi bacoʹkohaʹ. Pobitro sastrore ol menaʹa,
"Sion khoiʹ bacoiʹ hijuʹheʹ.
Ânite Jakobaʹ gusṭiren âdmikoaʹ tala khoiʹ sanam odhormo sâhingtakoheʹ.
27Ingte jâkhni angkoaʹ pap cabetakohuʹ tâkhni niâgi hoʹhaʹ
angko laʹte Ingâʹ teyaraʹ naoa cukti."#Jisaio 59:20-21
28Manja khobor atanglaʹ osikârkadako anate Jihudikodo Issorren dusmân hokanako. Ape ekeko Ojihudikanape ape gorope laʹtigi nengka hokâniʹ, Kheʹ Jihudikodo nitho Issorren bachouniʹ âdmikanako. Angkoren Sederen âdmiko laʹte Issorte angko dulârkokane. 29Issorte akaṭaʹ dan makaʹboe ana Âni bang âcurngeye ar bachonge âdmikodo Ânite âsirbadkotigi tahene. 30Ape akalaka miʹ somai Issoraʹ obaddho tahelenape, kheʹ nitoʹ Jihudikoaʹ obaddho laʹtigi Issoraʹ maya namkadape, 31ṭhik engkaketeʹgi apeho maya namkadape mente angkoho nitoʹ obaddhoʹkanako jate angkoho Issoraʹ maya nam dareʹako. 32Sanam âdmigi Issoraʹ obaddhokanako ar ana laʹte Ânite angko bundikoe. Âni ana rikie jate Âni angko sanamkhoiʹ maya darekoe.
Issordo maranggie
33Issoraʹdo aima dhon menaʹtaia ar Âniaʹ gen ar buddhido aima khândringgitaia, Âniaʹ bicâr ar Ânioaʹ sanam ḍahardo bang bujhujutuʹa.
34"Ekete Probhuaʹ mon bujhu darekaʹtaye?
Ar eketigi se Âni poramorso ma dareye?"#Jisaio 40:13
35"Issoraʹ biruddhe ekeyaʹ dâbi menaʹa je,
âniaʹ ana dâbi Âni manelaʹ hoʹtaihaʹ?"#Iyob 41:11
36Sanamaʹgito Âniṭheʹ khoiʹ ar Ânioaʹ talatigi hijuʹa ar sanamaʹgi Âni laʹtigi menaʹa. Cirokal Âniaʹgi gourob hoʹtaiman. Amen.
Currently Selected:
Romio 11: EKL
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Romio 11
11
Issorte Jihudi âdmiko bang bâgikaʹkoe
1Ingte ape kulipekâning, "Issorte ki Aiʹren âdmiko bâgigirikaʹkoe?" Tinreho bang. Karon ingho Abrahamren bongsokâning ar Benjamin gusṭiren miṭiʹ Israyelkâning.
2Lahatigi Issorte ekeko Aiʹren âdmi mente bacholeʹkoe angkodo Ânite bang bâgikaʹkoe. Nâbi Elioaʹ bisoite pobitro sastrore itâʹ menlede ana ki ape bang baṛeyape? Âni Israyelkoaʹ biruddhe Issorṭheʹ lâilede, 3"Probhu, nakotedo Amren nâbiko goiʹkaʹkoako ar Amaʹ sirâko râputʹkadako. Kebol inggi jiuitʹ miningâ, ar ingho gojeng laʹte angko kurumuṭudako."#1 Rajako 19:10-14 4Kheʹ Issortedo Elio itâʹ uttor malidie? Issoraʹ uttor, nitoʹho Ingren "Sat hajar âdmi baco dohokaʹkoing, ekedo Bal debotaṭheʹ bang ukrumoʹkanako."#1 Rajako 19:10-18
5Ṭhik engkaketeʹgi nitho thoṛa âdmi abo talare menaʹkoa, ekedo Issor Aiaʹ dayatigi bachongekaʹkoe. 6Issorte judi Aiʹren âdmiko dayatigi bachongekaʹkoe tahale nato tinreho akoaʹ kâmi talatedo bang. Karon judi anagi hoʹahoteʹ tahale dayado ar daya bang tahenahoteʹ.
7Niânaʹ manedo hoʹkana je Israyelren thoṛa bachouniʹ âdmigi ana namledako akaṭaʹdo sanamkhoiʹ sendraledako. Ar eṭaʹ sanamkhoiʹaʹ mondo reṭhangekantakoa.
8Akalka pobitro sastrore ol menaʹa,
"Issorte angko bemaʹ atta makaʹkoe,#Jisaio 29:10
anate angkodo tihing dhâbiʹ akoaʹ metʹte lelketeʹho bang lelako
ar luturte atenketeʹho bang atenako."#Dosarbiboron 29:4
9Raja Dâudho menlede,
"Angkoaʹ bhojnaʹ porobko fad ar jhampa laka hoʹtakoman,
anako jate angkoaʹ tohodoʹaʹ karon hoʹtakoa, ar angkoaʹ akaṭaʹ sâsti angko jate anagi namako.#Siringko 69:22-23
10Angkoaʹ metʹdo ândhuâʹtakoʹman jate angko bang lel namako,
ar sanam somai angkoaʹ deyado kokyo tahentakoman.
11Ingdo mening, jâkhni Jihudiko tohotʹlenako tâkhni ki angkodo dhongsolenako? Tisho bang, karon angkoaʹ pap laʹtigi Ojihudiko Issorte pap khoiʹ bacokaʹkoe jate angko Jihudiko bhitârre hingsâ janamoʹtakoa. 12Tahale lel namoʹa, Jihudikoaʹ pap laʹte Ojihudiko aima âsirbad namkedako. Jâkhni sanam Jihudiko Issoraʹ rajjore bolonkohaʹ tâkhni angko saote sanamkhoiʹ laʹte tiniʹgi bang ḍher âsirbad hijuʹhaʹ.
Issorte Ojihudiko bacokoe
13Ojihudiko, ingte ape metapekâning, Ojihudiko laʹte prerit hisâbte ing ingâʹ seoa kâmi laʹte gouroboʹing. 14Niâ kâmi talate ingte jate ingren nijeren âdmikoaʹ hingsâ ḍhertakoing ar angko tala khoiʹ thoṛa âdmi baco darekoing. 15Jihudikote jâkhni Issor bâgikidiako tâkhni dhârtiren bâki âdmiko Âni hate âcur calenako. Anate Issor jâkhni Jihudiko saote sutru khoiʹ gatene tâkhni ana goiʹonko jiui mako laka. 16Judi piṭhânaʹ palhe kecaʹ Issor ma hoʹa, tahale goṭa piṭhâgi pobitrogiâ, judi darenaʹ jar pobitro hoʹa tahale ḍhârkoho pobitro hoʹhaʹ.
17Ape Ojihudikodo bir jolpai darenaʹ ḍhârkanape ar aṛekhoiʹ ape getʹâguketeʹ roheonaʹ jolpai darere kolomkaʹpeya. Apedo thoṛa ḍhârnaʹ jaga engekadape akaṭaʹdo getʹ girihokana. Ar ana roheonaʹ dare saote salaʹkanape mente ape ana âsirbad namdape. 18Tahale apedo ana getʹonaʹ ḍhârko khoiʹ nije alo marang moneʹape. Judi moneʹape tahale disâ dohepe je, ape darenaʹ goṛa bang sab dohodape borong goṛatigi ape sab dohopekane. 19Ape hoito menpehaʹ, "Ana ḍhârko getʹholena jate abo aṛe joṛai darenabo." 20He, ṭhikgiâ. Khrisṭore binpâtyu tahelenako mentigi angkodo getʹkaʹkoako ar apeyaʹ pâtyu tahelentapeya mentigi apedo ana darere joṛailenape. Niâte alo ohongkarape borong botoroʹpe, 21karon Issorte alka asol ḍhârkogi rehai bang makaʹkoe engkagi apeyaʹ Khrisṭore pâtyu bang tahelekheʹ apeho Ânite oho rehai mapeye.
22Lelpe, miʹ somairigi Issor tinâʹ mayaiʹkane ar kâṭhingie. Jeko getʹholenako angko laʹte Ânido koṛagi tahalene. Ar Âni ape cetanre mayoʹheʹ, judi ape Ânioaʹ maya cetanre pâtyu doheyape, bangkheʹ apeho getʹgiṛi hoʹhaʹ. 23Getʹonaʹ ḍhârko judi Khrisṭore pâtyuʹlaʹ ehobako tahale anako arho ana darenaʹ ongso hongenkohaʹ. Karon Issoraʹ angko arho joṛaimakoaʹ khomota menaʹtaia. 24Ape Ojihudikodo miṭiʹ bir jolpai darenaʹ ḍhâr laka tahelenape, ar aṛe khoiʹ getʹ âguketeʹ jolpai darere joṛaikaʹpeyako. Tahale ekeko Jihudikanape apedo ana darenaʹ asol ḍhâr akaṭaʹdo getʹgiriholena, apedo tiniʹ algatigi Issorte apeyaʹ dare suliʹ ape joṛaidareʹehoteʹ!
Israyelkodo Issorre pâtyuʹkohaʹ
25Ingren boihako, Ing koing je, ape Jihudiko nije laite alo bisi gorboʹape. Anate ingte Israyel âdmikoaʹ itâʹ ghoṭolena ana bisoite baionaʹ sâriaʹ lâikohuʹ. Angko talare ekekodo reṭhangekanako, ar tinkhâniʹ bang ape Ojihudiko purâte Issorre bang pâtyuʹkanako indhâbiʹ angkodo engkagi tahankohaʹ. 26Ana somai Israyelren sanam âdmi bacoʹkohaʹ. Pobitro sastrore ol menaʹa,
"Sion khoiʹ bacoiʹ hijuʹheʹ.
Ânite Jakobaʹ gusṭiren âdmikoaʹ tala khoiʹ sanam odhormo sâhingtakoheʹ.
27Ingte jâkhni angkoaʹ pap cabetakohuʹ tâkhni niâgi hoʹhaʹ
angko laʹte Ingâʹ teyaraʹ naoa cukti."#Jisaio 59:20-21
28Manja khobor atanglaʹ osikârkadako anate Jihudikodo Issorren dusmân hokanako. Ape ekeko Ojihudikanape ape gorope laʹtigi nengka hokâniʹ, Kheʹ Jihudikodo nitho Issorren bachouniʹ âdmikanako. Angkoren Sederen âdmiko laʹte Issorte angko dulârkokane. 29Issorte akaṭaʹ dan makaʹboe ana Âni bang âcurngeye ar bachonge âdmikodo Ânite âsirbadkotigi tahene. 30Ape akalaka miʹ somai Issoraʹ obaddho tahelenape, kheʹ nitoʹ Jihudikoaʹ obaddho laʹtigi Issoraʹ maya namkadape, 31ṭhik engkaketeʹgi apeho maya namkadape mente angkoho nitoʹ obaddhoʹkanako jate angkoho Issoraʹ maya nam dareʹako. 32Sanam âdmigi Issoraʹ obaddhokanako ar ana laʹte Ânite angko bundikoe. Âni ana rikie jate Âni angko sanamkhoiʹ maya darekoe.
Issordo maranggie
33Issoraʹdo aima dhon menaʹtaia ar Âniaʹ gen ar buddhido aima khândringgitaia, Âniaʹ bicâr ar Ânioaʹ sanam ḍahardo bang bujhujutuʹa.
34"Ekete Probhuaʹ mon bujhu darekaʹtaye?
Ar eketigi se Âni poramorso ma dareye?"#Jisaio 40:13
35"Issoraʹ biruddhe ekeyaʹ dâbi menaʹa je,
âniaʹ ana dâbi Âni manelaʹ hoʹtaihaʹ?"#Iyob 41:11
36Sanamaʹgito Âniṭheʹ khoiʹ ar Ânioaʹ talatigi hijuʹa ar sanamaʹgi Âni laʹtigi menaʹa. Cirokal Âniaʹgi gourob hoʹtaiman. Amen.
©️2025 Bible Students Fellowship of Bangladesh