Preritʹ 27
27
Pol Romnaʹ ḍaharre
1Jâkhni siddhanto enge hona abodo jahajte Itâli caʹbohaʹ, tâkhni Pol ar arho koyekṭeʹ âdmi bundionkhoiʹ Julio nutumte miʹhor sotopotiaʹ tire ma hona. Julio tahalene somraṭren nijeren sonno dolren miṭiʹ sotopoti. 2Ale Adramuttio bondornaʹ miṭiʹ jahajre deʹketeʹ caloʹlaʹ lagonale. Esianaʹ eṭaʹ eṭaʹ bondorre caloʹlaʹte jahajdo saprogi tahalena. Mesiḍoniâ prodisâmnaʹ Thisoloniki sohorren Arisṭarkho ale saote tahalene.
3Aleyaʹ jahaj pora din Sidonre tengona. Julioho Pol suliʹ bes manja beboharkede ar âni âniren gatekoṭheʹ caloʹlaʹte onumoti makidie jate âniren gateko jate âni dorkari jinispotro madareyako. 4Tayomte aṛe khoiʹ arho aleyaʹ jahaj bâgikedako. Hoi aleyaʹ ulṭâhate tahalena anate Saipras dipnaʹ aka tora hoi bang tahalena aledo ana tora calonale. 5Tayomte ale Kilikiâ ar Pamfuliânaʹ samnere akaṭaʹ marang ganga tahalena ana marang ganga paromketeʹ Lukiâ prodisâmnaʹ Mura sohorre hiʹ aṭonale. 6Sotopoti aṛe Alekjandrioaʹ miṭiʹ jahaj namkedako. Ana jahajdo Itâli disâm caloʹsana mente ânite ale idiketeʹ ana jahajre deʹne.
7Aleyaʹ jahaj aima din khoiʹ aima aste aste caloketeʹ aima kosṭote Klidon sohornaʹ sorre hiʹna, kheʹ hoite ale ar bang lahasoleʹleye. Tâkhni aledo Kriṭ dipnaʹ aka hate hoi bang tahalena ana hate sabketeʹ Solmoninaʹ kandhatora calonale. 8Marng ganganaʹ kandha dharoketeʹ kosṭoketeʹ caloʹte ale sundri nutumnaʹ miṭiʹ daʹ jahaj ghaṭre hiʹnale. Ananaʹ sorrigi tahalena Laseya sohor.
9Nengkaketeʹgi aima din kaṭona. Tâkhni upâsnaʹ porob mucitʹketeʹ leyardin prai hiʹngekana. Anate tâkhni jahajte caʹlaʹ miṭiʹ bipodnaʹ bepar hona. Niâ laʹte Polte jahajren âdmiko sabdhanko laʹte metakeʹkoe, 10"Lelpe, ing lel namding aboaʹ niâ caloʹ ḍaharre aima khuti hoʹhaʹ. Ana khuti je khâli jahaj ar jinispotronaʹ hoʹhaʹ anado bang, aboaʹ jiuinaʹho khuti hoʹhaʹ." 11Sotopoti kheʹ Polaʹ katha bang atenketeʹ jahajren kepten ar jahajren mâlikaʹ katha atenkede. 12Ana Jahaj doheyaʹ ghaṭre leyardin kaṭelaʹtedo subidhanaʹ jaga bangkana mente ḍher bhag âdmi ṭhikkedako je, aṛekhoiʹ caloʹ ehopketeʹ sombhob holenkheʹ Foinikiâre caloketeʹ leyardin kaṭelaʹ hoʹhaʹ. Foinikiâ tahalena Kriṭ dipnaʹ jahaj ghaṭ. Niâ ghaṭnaʹ dâkkhin pachia ar uttâr pachia hate failagi tahalena.
Ândhi
13Tayomte jâkhni aste aste dâkkhinnaʹ hoi hoilaʹ lagone tâkhni angko monekedako angko akaṭaʹ koiledako anagi hokana. Niâ laʹte angko jahajnaʹ nonggor rakapketeʹ Kriṭ dipnaʹ kandha dharoketeʹ calonako. 14Kheʹ miʹghâṛiʹ tayomgi ana dip khoiʹ urakulo nutumte miṭiʹ suktisâli ândhi aghatlaʹ lagone. 15Aledo hoi hate bang laha darelenale, analaʹte laha hate caʹaʹ kurumuṭu bâgiketeʹ jahajdo hoite bhaso caloʹlaʹte makedale.
16Tayomte Koda nutumte miṭiʹ huṛing dipnaʹ aka hate hoi bang tahalena ale ana hate sabketeʹ calonale ar jahajre aka lâukâ tahana ana lâukâ aima kosṭoketeʹ dhongsonaʹ ti khoiʹ ale baconale. 17Âdmiko lâukâ jahajre ṭanoketeʹ rakapkedako ar ana tayom ḍorte jahajnaʹ panjorre tolkedako jate ananaʹ taktako bang ocogoʹa. Surti nutumte ganganaʹ corre jahaj aṭkonaʹ botorte palko agroketeʹ jahaj hoite caloʹte ma hona.
18Ândhinaʹ aima aghatte aleyaʹ jahajdo emonketeʹ hiluʹlaʹ lagona je, pora din âdmiko jahajnaʹ jinispotro daʹre giṛilaʹ lagonako. 19Pedinnaʹ dinre angko nijeyaʹ tite jahajnaʹ jinispotrokoho giṛikedako. 20Aima din khoiʹ sing cando se ipil ekegi bang lelnamlenako ar aima ândhitigi tahane. Mucitʹre ale bacoʹaʹ sanam asa bâgikedale.
21Âdmiko aima din khoiʹ itâʹgi bang jomkadako mente Pol angko samnere tengoketeʹ menkede, "Lelpe, ingâʹ katha atenketeʹ Kriṭ dip khoiʹ jahaj bang bâgiaʹgi apeyaʹ ucit tahalena. Tahale niâ bipod ar khutinaʹ ti khoiʹ ape bacokoʹapehoteʹ. 22Kheʹ nitoʹ ingte ape nehoreʹpeing, ape monre sâhus dohepe, karon aperen ekegi oho gojoʹako, kebol niâ jahajgi nosṭoʹhaʹ. 23Ing ekeren âdmikâning ar ekeoaʹ seoaing âni Issorren miṭiʹ sorgodut hola nindâ ingâʹ sorre tengone, 24ar menkede, Pol, alo botoroʹam. Amdo Romio rajaoaʹ samnere tengonlaʹ hoʹtamhaʹ. Niâ jahajre ekeko am suliʹ caʹkanako angko sanamkhoiʹaʹ jiui Issor dayaketeʹ am danokaʹmeye.' 25Niâ laʹte ape monre sâhus dohepe. Issor cetanre ingâʹ niâ pâtyu menaʹa je, Ânite ing ja metakâdinge anagi hoʹhaʹ. 26Kheʹ abodo jahan miṭiʹ dipre tâkiʹ ujugoʹlaʹ hoʹtabohaʹ."
Jahaj râputʹ
27Aledo Adriâ marang ganganaʹ cetan tora niâlaka caloʹtigi tahanale. Ândhinaʹ coddo dinnaʹ din tala nindâ nâbikkoaʹ mone hona angko ḍâṛire hiʹngekanako. 28Angko songketeʹ lelkedako aṛenaʹ daʹ âsi hat gaḍlaʹgiâ. Niânaʹ thoṛa tayom angko arho songketeʹ lelkedako je, aṛenaʹ daʹ sâṭ hatgiâ. 29Dirire tâkijoʹaʹ botorte jahajnaʹ taynom hate khoiʹ angko poneya nonggor giṛikedako ar dinrenaʹ marsal laʹte koijonglaʹ lagonako. 30Tayomte jahajren nâbikko nir caloʹ laʹte jahajnaʹ samne hate khoiʹ nonggor giṛiaʹ bhanketeʹ jahajnaʹ lâokâ gangare agrokedako. 31Tâkhni Polte sotopoti ar sonnoko metakeʹkoe, "Nako nâbikko jahajre bang tahelenkheʹ ape oho bacoʹape." 32Tâkhni sonnoko lâukânaʹ ḍor getʹkedako jate lâokâ daʹre ujuʹngena.
33Setaʹ lahare Pol sanamkhoiʹ thoṛa jom laʹte nehorketeʹ metakeʹkoe, "Tihin coddo din hona, itâʹ hoʹa bang hoʹa ana cintâketeʹ ape begor jomte menaʹpeya, aka jomaʹgi bang jomkadape. 34Nitoʹ ingte ape thoṛa jomlaʹte nehoreʹpeing. Baco tahen laʹte to thoṛa jomaʹ dorkar. Lelape, apeyaʹ bohoʹnaʹ miṭiʹ upho oho nosṭoʹa." 35Niâ katha menketeʹ Pol piṭhâ engeketeʹ angko sanamkhoiʹ samnerigi Issor dhonnobad makidie ar ana kecaʹketeʹ jomlaʹ lagone. 36Tâkhni angko sâhus namketeʹ jomlaʹ lagonako. 37Ale jahajre moṭ barso chiyattorhor tahalenale. 38Sanamkhoiʹ laiʹ bi jom tayom jahajnaʹ hamal kom laʹte bâki fosol marang gangare giṛigirikedako.
39Setaʹbera angkodo ana jaga bang cinhu dareledako, kheʹ emon miṭiʹ kâṭiʹ ganga lelnamkedako akaṭaʹnaʹ kandha gitilte pereʹ tahalena. Tâkhni angko ṭhikkedako, sombhob holenkheʹ jahaj ana kandhare rakabkohaʹ. 40Inâlaʹte angko jahajnaʹ nonggor getʹketeʹ gangarigi giṛikedako ar hâlnaʹ ḍorko larakedako. Niâ tayom angko hoi hate samnenaʹ pal rakapketeʹ ana gitil kandha hate caloʹlaʹ lagonako. 41Lahanaʹ ongso saṭlaka bâisungena mente jahaj ocolngena ar ḍheote taynom hate kecaʹ kecaʹketeʹ râputoʹlaʹ lagona.
42Tâkhni sonnokote bundionkhoiʹ goiʹ girikokohaʹ mente ṭhikkedako, jate angko talaren ekeho heloketeʹ bang nir darenako. 43Kheʹ sotopoti Polaʹ jiui bacelaʹ kurumuṭulede mente sonnokoaʹ icchâlaka bang kâmisoleʹkoe. Âni hukum makeʹkoe, ekeko helo baṛeyako angkodo palhere jahaj khoiʹ ṭappo agroketeʹ ḍâṛire rakaboʹmanko, 44ar bâki sanamkhoiʹ jahajnaʹ takta se eṭaʹ kecaʹkote kandhare caʹmanko. Nengkaketeʹ sanamkhoiʹgi manjate ḍâṛire pâhcunako.
Currently Selected:
Preritʹ 27: EKL
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Preritʹ 27
27
Pol Romnaʹ ḍaharre
1Jâkhni siddhanto enge hona abodo jahajte Itâli caʹbohaʹ, tâkhni Pol ar arho koyekṭeʹ âdmi bundionkhoiʹ Julio nutumte miʹhor sotopotiaʹ tire ma hona. Julio tahalene somraṭren nijeren sonno dolren miṭiʹ sotopoti. 2Ale Adramuttio bondornaʹ miṭiʹ jahajre deʹketeʹ caloʹlaʹ lagonale. Esianaʹ eṭaʹ eṭaʹ bondorre caloʹlaʹte jahajdo saprogi tahalena. Mesiḍoniâ prodisâmnaʹ Thisoloniki sohorren Arisṭarkho ale saote tahalene.
3Aleyaʹ jahaj pora din Sidonre tengona. Julioho Pol suliʹ bes manja beboharkede ar âni âniren gatekoṭheʹ caloʹlaʹte onumoti makidie jate âniren gateko jate âni dorkari jinispotro madareyako. 4Tayomte aṛe khoiʹ arho aleyaʹ jahaj bâgikedako. Hoi aleyaʹ ulṭâhate tahalena anate Saipras dipnaʹ aka tora hoi bang tahalena aledo ana tora calonale. 5Tayomte ale Kilikiâ ar Pamfuliânaʹ samnere akaṭaʹ marang ganga tahalena ana marang ganga paromketeʹ Lukiâ prodisâmnaʹ Mura sohorre hiʹ aṭonale. 6Sotopoti aṛe Alekjandrioaʹ miṭiʹ jahaj namkedako. Ana jahajdo Itâli disâm caloʹsana mente ânite ale idiketeʹ ana jahajre deʹne.
7Aleyaʹ jahaj aima din khoiʹ aima aste aste caloketeʹ aima kosṭote Klidon sohornaʹ sorre hiʹna, kheʹ hoite ale ar bang lahasoleʹleye. Tâkhni aledo Kriṭ dipnaʹ aka hate hoi bang tahalena ana hate sabketeʹ Solmoninaʹ kandhatora calonale. 8Marng ganganaʹ kandha dharoketeʹ kosṭoketeʹ caloʹte ale sundri nutumnaʹ miṭiʹ daʹ jahaj ghaṭre hiʹnale. Ananaʹ sorrigi tahalena Laseya sohor.
9Nengkaketeʹgi aima din kaṭona. Tâkhni upâsnaʹ porob mucitʹketeʹ leyardin prai hiʹngekana. Anate tâkhni jahajte caʹlaʹ miṭiʹ bipodnaʹ bepar hona. Niâ laʹte Polte jahajren âdmiko sabdhanko laʹte metakeʹkoe, 10"Lelpe, ing lel namding aboaʹ niâ caloʹ ḍaharre aima khuti hoʹhaʹ. Ana khuti je khâli jahaj ar jinispotronaʹ hoʹhaʹ anado bang, aboaʹ jiuinaʹho khuti hoʹhaʹ." 11Sotopoti kheʹ Polaʹ katha bang atenketeʹ jahajren kepten ar jahajren mâlikaʹ katha atenkede. 12Ana Jahaj doheyaʹ ghaṭre leyardin kaṭelaʹtedo subidhanaʹ jaga bangkana mente ḍher bhag âdmi ṭhikkedako je, aṛekhoiʹ caloʹ ehopketeʹ sombhob holenkheʹ Foinikiâre caloketeʹ leyardin kaṭelaʹ hoʹhaʹ. Foinikiâ tahalena Kriṭ dipnaʹ jahaj ghaṭ. Niâ ghaṭnaʹ dâkkhin pachia ar uttâr pachia hate failagi tahalena.
Ândhi
13Tayomte jâkhni aste aste dâkkhinnaʹ hoi hoilaʹ lagone tâkhni angko monekedako angko akaṭaʹ koiledako anagi hokana. Niâ laʹte angko jahajnaʹ nonggor rakapketeʹ Kriṭ dipnaʹ kandha dharoketeʹ calonako. 14Kheʹ miʹghâṛiʹ tayomgi ana dip khoiʹ urakulo nutumte miṭiʹ suktisâli ândhi aghatlaʹ lagone. 15Aledo hoi hate bang laha darelenale, analaʹte laha hate caʹaʹ kurumuṭu bâgiketeʹ jahajdo hoite bhaso caloʹlaʹte makedale.
16Tayomte Koda nutumte miṭiʹ huṛing dipnaʹ aka hate hoi bang tahalena ale ana hate sabketeʹ calonale ar jahajre aka lâukâ tahana ana lâukâ aima kosṭoketeʹ dhongsonaʹ ti khoiʹ ale baconale. 17Âdmiko lâukâ jahajre ṭanoketeʹ rakapkedako ar ana tayom ḍorte jahajnaʹ panjorre tolkedako jate ananaʹ taktako bang ocogoʹa. Surti nutumte ganganaʹ corre jahaj aṭkonaʹ botorte palko agroketeʹ jahaj hoite caloʹte ma hona.
18Ândhinaʹ aima aghatte aleyaʹ jahajdo emonketeʹ hiluʹlaʹ lagona je, pora din âdmiko jahajnaʹ jinispotro daʹre giṛilaʹ lagonako. 19Pedinnaʹ dinre angko nijeyaʹ tite jahajnaʹ jinispotrokoho giṛikedako. 20Aima din khoiʹ sing cando se ipil ekegi bang lelnamlenako ar aima ândhitigi tahane. Mucitʹre ale bacoʹaʹ sanam asa bâgikedale.
21Âdmiko aima din khoiʹ itâʹgi bang jomkadako mente Pol angko samnere tengoketeʹ menkede, "Lelpe, ingâʹ katha atenketeʹ Kriṭ dip khoiʹ jahaj bang bâgiaʹgi apeyaʹ ucit tahalena. Tahale niâ bipod ar khutinaʹ ti khoiʹ ape bacokoʹapehoteʹ. 22Kheʹ nitoʹ ingte ape nehoreʹpeing, ape monre sâhus dohepe, karon aperen ekegi oho gojoʹako, kebol niâ jahajgi nosṭoʹhaʹ. 23Ing ekeren âdmikâning ar ekeoaʹ seoaing âni Issorren miṭiʹ sorgodut hola nindâ ingâʹ sorre tengone, 24ar menkede, Pol, alo botoroʹam. Amdo Romio rajaoaʹ samnere tengonlaʹ hoʹtamhaʹ. Niâ jahajre ekeko am suliʹ caʹkanako angko sanamkhoiʹaʹ jiui Issor dayaketeʹ am danokaʹmeye.' 25Niâ laʹte ape monre sâhus dohepe. Issor cetanre ingâʹ niâ pâtyu menaʹa je, Ânite ing ja metakâdinge anagi hoʹhaʹ. 26Kheʹ abodo jahan miṭiʹ dipre tâkiʹ ujugoʹlaʹ hoʹtabohaʹ."
Jahaj râputʹ
27Aledo Adriâ marang ganganaʹ cetan tora niâlaka caloʹtigi tahanale. Ândhinaʹ coddo dinnaʹ din tala nindâ nâbikkoaʹ mone hona angko ḍâṛire hiʹngekanako. 28Angko songketeʹ lelkedako aṛenaʹ daʹ âsi hat gaḍlaʹgiâ. Niânaʹ thoṛa tayom angko arho songketeʹ lelkedako je, aṛenaʹ daʹ sâṭ hatgiâ. 29Dirire tâkijoʹaʹ botorte jahajnaʹ taynom hate khoiʹ angko poneya nonggor giṛikedako ar dinrenaʹ marsal laʹte koijonglaʹ lagonako. 30Tayomte jahajren nâbikko nir caloʹ laʹte jahajnaʹ samne hate khoiʹ nonggor giṛiaʹ bhanketeʹ jahajnaʹ lâokâ gangare agrokedako. 31Tâkhni Polte sotopoti ar sonnoko metakeʹkoe, "Nako nâbikko jahajre bang tahelenkheʹ ape oho bacoʹape." 32Tâkhni sonnoko lâukânaʹ ḍor getʹkedako jate lâokâ daʹre ujuʹngena.
33Setaʹ lahare Pol sanamkhoiʹ thoṛa jom laʹte nehorketeʹ metakeʹkoe, "Tihin coddo din hona, itâʹ hoʹa bang hoʹa ana cintâketeʹ ape begor jomte menaʹpeya, aka jomaʹgi bang jomkadape. 34Nitoʹ ingte ape thoṛa jomlaʹte nehoreʹpeing. Baco tahen laʹte to thoṛa jomaʹ dorkar. Lelape, apeyaʹ bohoʹnaʹ miṭiʹ upho oho nosṭoʹa." 35Niâ katha menketeʹ Pol piṭhâ engeketeʹ angko sanamkhoiʹ samnerigi Issor dhonnobad makidie ar ana kecaʹketeʹ jomlaʹ lagone. 36Tâkhni angko sâhus namketeʹ jomlaʹ lagonako. 37Ale jahajre moṭ barso chiyattorhor tahalenale. 38Sanamkhoiʹ laiʹ bi jom tayom jahajnaʹ hamal kom laʹte bâki fosol marang gangare giṛigirikedako.
39Setaʹbera angkodo ana jaga bang cinhu dareledako, kheʹ emon miṭiʹ kâṭiʹ ganga lelnamkedako akaṭaʹnaʹ kandha gitilte pereʹ tahalena. Tâkhni angko ṭhikkedako, sombhob holenkheʹ jahaj ana kandhare rakabkohaʹ. 40Inâlaʹte angko jahajnaʹ nonggor getʹketeʹ gangarigi giṛikedako ar hâlnaʹ ḍorko larakedako. Niâ tayom angko hoi hate samnenaʹ pal rakapketeʹ ana gitil kandha hate caloʹlaʹ lagonako. 41Lahanaʹ ongso saṭlaka bâisungena mente jahaj ocolngena ar ḍheote taynom hate kecaʹ kecaʹketeʹ râputoʹlaʹ lagona.
42Tâkhni sonnokote bundionkhoiʹ goiʹ girikokohaʹ mente ṭhikkedako, jate angko talaren ekeho heloketeʹ bang nir darenako. 43Kheʹ sotopoti Polaʹ jiui bacelaʹ kurumuṭulede mente sonnokoaʹ icchâlaka bang kâmisoleʹkoe. Âni hukum makeʹkoe, ekeko helo baṛeyako angkodo palhere jahaj khoiʹ ṭappo agroketeʹ ḍâṛire rakaboʹmanko, 44ar bâki sanamkhoiʹ jahajnaʹ takta se eṭaʹ kecaʹkote kandhare caʹmanko. Nengkaketeʹ sanamkhoiʹgi manjate ḍâṛire pâhcunako.
©️2025 Bible Students Fellowship of Bangladesh