Prerit 15
15
Mothani ojarok Jirusalemw malailaikha
1Jihudiya amchoi daini kaisa kainwi borog Siriya Antiyokhiyagw phaika arw paitoai takhuk roknw arai hinwi phwrwngni nangkha, "Mosini kerongnalni maping nokhnw sunnot khalaijiya hingkhlai nokh sumsok daini tekhokma mangalak." 2Obwbai Pol tei Barnobabai i borogrokni akattiya tokra tokri ongkha. Jerw thi ongkha je, Pol tei Barnoba Antiyokhiyani kaisa kainwi paitoai roknw logeo lagwi Jirusalemw thangnai tei pirisai rokbai arw mothani okara chakara rokbai i kothoy lagwi kok salailainai. 3Antiyokhiyani motha boknw thanai thikhai rwkha. Phoinikiya arw Somoriya amchoini bisingtwi thangnai jorago Pol tei Barnoba borogroknw sakha, Bejihudirok tama khalaywi Kaitorni aita philka. I kothonw khanagwi paitoai takhukrok jotho kabangma tongthok jalaikha. 4Jephini Pol tei Barnoba Jirusalemo phaika aiphuo mothani borogrok, okara chakararok tei pirisairok srangma bai boknw yachagwi lakha. Bokni bisingtwi Kaitor jebw khalaijak obwroknw bok jothonw sakha. 5Paitoai rokni bisingw jebwrok Phorisi dagini borog tong bok bachagwi sakha, "Bejihudiroknw sunnot khalaitai tei bok Mosini kerongnal palenaitwi aithani boknw tholmwng rwthai kalaiyw." 6Aiphuo pirisairok tei mothani okara chakararok i bedisanw lagwi oansokni tei kok salaini bagwi kwrwngsa jegao thumja laikha. 7Kabang kok salainai jerw Pitor bachagwi boknw sakha,"Takhukrok, nokhlai siyw je, kabangma sal aguo nokhni bisingni Kaitor anw saywi lajak, ani bukhokni kothomani koknw khanagwi Bejihudirok paitok naitwi. 8Kaitor jothoni bakhanw siyw. Bw chwnw jekhalaywi Phala Kathar rwjak, Bw Bejihudi roknwbw yachakjak obwnw phunokni bagwi boknwbw Phala Kathar rwjak. 9Bw chini tei bokni bisingw juta hinwi mwngsa tonjiya, twmwi himba bok paitokjak hinwi Bw bokni bakhanwbw kwchwng khalaijak. 10Iswkhlai chini hodaipirirok eba chwng je poja hormanjiya o poja Bejihudi paitoai rokni pharkungw tisagwi tani nokh Kaitornw bajai naini chaitokdok? 11Ohwi! Khanadi, chwng paitogw je, Subrai Jisuni khakhammabai Bejihudi paitoairok jekhalaywi sumsok daini tekhokma manjak obwtwijar chwngbw tekhokma manjak." 12Aiphuo pandani jotho phwrwk onglaikha, tei Pol arw Barnobani bisingtwi Kaitor Bejihudi rokni bisingw jebwrok amok samung tangjak obwnw bokni bukhokni khanani nangkha. 13Bokni kok sagwi paikhalai jerw Jakob sakha, "Takhukrok, khanadi. 14Kaitor Bini borog ongni bagwi Bejihudirokni bising daini kisasa borognw saywi lagwi phunukha je, Bejihudirokni bagwibo Bini oansokma tongw. I koknwse Simon Pitor chwnw sakha. 15I kokbai diyari rokni kokbw miliyw, twmwi himba elembagw suijak tongo:
16"'Obwni jerw ang phaywi Dayudni kalaywi tongjak nok arw tangwi tisanw. Jebw nachra ongwi paijak obwnw arw tangwi tisanw, arw obwnw thi khalainw,
17jate kothe jotho borogrok, kok ongkha je Bejihudiroknw ani hinwi ringjajak bok anw rutubnaitwi, Subrai, jebw imwtwijar samungrok tang,
18i samungrok aguni jimin sirwjak.'"
19Jakob arw sakha, "Aithani ani maping je Bejihudirok Kaitorni aita philwi phaidok boknw chwng tekto rwthaiya. 20Obwni naikhalai chwng bokni dayw imwroknw sagwi koktun kwrwngsa suitai je, bok imwtwijar chamwng roknw chayatwi jebw roknw mataini dayw dali rwjak, obw ongkha ikimni maping antha. Bok lalaiya bader tonglainai samung daini saknw kachalw tonnaitwi arw totara sebwi buthalnai sadoanni bakhan chayatwi eba thwi nwngyatwi. 21I tholmwngrok boknw rwmani gam, twmwi himba Mosi jebw sajak obw jotho aulio kabangma kabangma sal aguni jimin pirijak tei bw jebw suiywi kalangjak obw poti lengkhonai salw thumnok rogw pokrejadok."
Bejihudirokni dayw suinai koktun
22Aiphuo pirisairok, mothani okara chakararok arw mothani kothe borogrok thi khlaikha je, bok kaisa kainwi borognw saywi lagwi Pol tei Barnobani logeyo Antiyokhiyagw honw. Bok Jihuda tei Silnw saywi lakha (I Jihudanw Borsobba hinwi ringw). Paitoai takhukrokni bisingw imwrok kainwi ongkha oja. 23Bokbai baksa i koktunnw hoka:
"Antiyokhiya, Siriya tei Kilikiyani Bejihudi paitoai takhukrokni dayw chwng pirisairok tei mothani okara chakararok arw nokhni takhukrok i koktunnw suidok. 24Chwng khanaka je, chini tholmungni bade imwtwijar kaisa kainwi borog idaini thangwi jatejar kok sagwi nokhni khanw tongmaya chamaya khalaywi tisajak arw nokhnw jatejar bedisa dayw khibijak. 25Aithani chwng jotho kokbaksa ongwi borog kainwi kaitham saywi lagwi chini khajani aphak Barnoba tei Polbai baksa nokhni dayw boknw hoka. 26Barnoba arw Pol chini Subrai Jisu Khristoni bagwi thwimungni sakangbai sakang ongjak. 27Chwng Jihuda arw Silnw hoka, chwng jebw suijak omo bok nokhni dayw bukhokbaibw sanaitwi. 28Phala Kathar arw chwng imwnwse gam hinwi bakha kaha je, i nangru kothoyrokni bade nokhni sakao arw mwngsa poja rwyatwi. 29O nangru kothoyrok ongkha nokh mataini dayw usrijak chamung tachadi, thwi tachadi, totara sebwi buthaljak sadoanni bakhan tachadi tei lalaiya bader tonglainai samung ta khalaidi. I samung roknw khalaiya tongkhalai nokhni bagwi gam. Hamalai."
30Jirusalem motha o kaibrwi borognw Antiyokhiyao hokha. Odayw bok mothani borogroknw thumwi o koktunnw boknw rwkha. 31Borogrok koktunnw cherkha tei odayw je khastoni kok tong omobai tongthokjakha. 32Jihuda tei Sil sakrokbw ongkha diyari, arw bok kabangma kok sagwi odaini takhuk roknw khabaja rwkha tei bokni paitokma bangrwgwi boknw pharan ganang khalaywi tisakha. 33-34Antiyokhiyao bok salnwi saltam tongwi paikhlai, Antiyokhiya aulini takhukrok Jihuda tei Silnw hamari rwkha tei jerw boknw Jirusalemni takhukrokni dayw philwi hoka, 35Matwr Pol tei Barnoba Antiyokhiyao tongkha. Odayw bok arw kainwi kaitham bai baksa Subraini kok phwrwngni tei pirni nangkha.
Pol arw Barnoba juda ongkha
36Talnwi taltham jerw Pol Barnobanw sakha, "Je jega rogw chwng Subraini kok pirkha himdi tabok o jotho jega rogw philwi thangwi paitoai takhukrokbai malaigana tei bok ta khalaywi himdok omonw naigana." 37Aiphuo Barnoba Johonnw bokni logeyw lani naikha. O Johonnw Mark hinwibo ringjagw, 38matwr Pol oansokkha, Pamphuliyao je oaisa boknw yakarwi thangkha tei bokhbai arw samung tangjiya bwnw logeyo laya tongmani gam. 39Aiphuo Pol tei Barnobani bisingw iswkjora mapita miliniya ongkha je, bok kaisabai kaisa daini juda ongwi paikha. Barnoba Marknw lagwi rungtorbai Saipras twibongw thangka, 40arw Pol lakha Silnw saywi. Aiphuo Antiyokhiyani takhukrok Pol tei Silnw Subraini khakhammani yagw tisagwi rwgwi paiywi jerw bok thangka. 41Pol Siriya tei Kilikiyani bisingtwi thangwi odaini jotho motharoknw pharan ganang khalaywi tisakha.
Currently Selected:
Prerit 15: TPE
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Prerit 15
15
Mothani ojarok Jirusalemw malailaikha
1Jihudiya amchoi daini kaisa kainwi borog Siriya Antiyokhiyagw phaika arw paitoai takhuk roknw arai hinwi phwrwngni nangkha, "Mosini kerongnalni maping nokhnw sunnot khalaijiya hingkhlai nokh sumsok daini tekhokma mangalak." 2Obwbai Pol tei Barnobabai i borogrokni akattiya tokra tokri ongkha. Jerw thi ongkha je, Pol tei Barnoba Antiyokhiyani kaisa kainwi paitoai roknw logeo lagwi Jirusalemw thangnai tei pirisai rokbai arw mothani okara chakara rokbai i kothoy lagwi kok salailainai. 3Antiyokhiyani motha boknw thanai thikhai rwkha. Phoinikiya arw Somoriya amchoini bisingtwi thangnai jorago Pol tei Barnoba borogroknw sakha, Bejihudirok tama khalaywi Kaitorni aita philka. I kothonw khanagwi paitoai takhukrok jotho kabangma tongthok jalaikha. 4Jephini Pol tei Barnoba Jirusalemo phaika aiphuo mothani borogrok, okara chakararok tei pirisairok srangma bai boknw yachagwi lakha. Bokni bisingtwi Kaitor jebw khalaijak obwroknw bok jothonw sakha. 5Paitoai rokni bisingw jebwrok Phorisi dagini borog tong bok bachagwi sakha, "Bejihudiroknw sunnot khalaitai tei bok Mosini kerongnal palenaitwi aithani boknw tholmwng rwthai kalaiyw." 6Aiphuo pirisairok tei mothani okara chakararok i bedisanw lagwi oansokni tei kok salaini bagwi kwrwngsa jegao thumja laikha. 7Kabang kok salainai jerw Pitor bachagwi boknw sakha,"Takhukrok, nokhlai siyw je, kabangma sal aguo nokhni bisingni Kaitor anw saywi lajak, ani bukhokni kothomani koknw khanagwi Bejihudirok paitok naitwi. 8Kaitor jothoni bakhanw siyw. Bw chwnw jekhalaywi Phala Kathar rwjak, Bw Bejihudi roknwbw yachakjak obwnw phunokni bagwi boknwbw Phala Kathar rwjak. 9Bw chini tei bokni bisingw juta hinwi mwngsa tonjiya, twmwi himba bok paitokjak hinwi Bw bokni bakhanwbw kwchwng khalaijak. 10Iswkhlai chini hodaipirirok eba chwng je poja hormanjiya o poja Bejihudi paitoai rokni pharkungw tisagwi tani nokh Kaitornw bajai naini chaitokdok? 11Ohwi! Khanadi, chwng paitogw je, Subrai Jisuni khakhammabai Bejihudi paitoairok jekhalaywi sumsok daini tekhokma manjak obwtwijar chwngbw tekhokma manjak." 12Aiphuo pandani jotho phwrwk onglaikha, tei Pol arw Barnobani bisingtwi Kaitor Bejihudi rokni bisingw jebwrok amok samung tangjak obwnw bokni bukhokni khanani nangkha. 13Bokni kok sagwi paikhalai jerw Jakob sakha, "Takhukrok, khanadi. 14Kaitor Bini borog ongni bagwi Bejihudirokni bising daini kisasa borognw saywi lagwi phunukha je, Bejihudirokni bagwibo Bini oansokma tongw. I koknwse Simon Pitor chwnw sakha. 15I kokbai diyari rokni kokbw miliyw, twmwi himba elembagw suijak tongo:
16"'Obwni jerw ang phaywi Dayudni kalaywi tongjak nok arw tangwi tisanw. Jebw nachra ongwi paijak obwnw arw tangwi tisanw, arw obwnw thi khalainw,
17jate kothe jotho borogrok, kok ongkha je Bejihudiroknw ani hinwi ringjajak bok anw rutubnaitwi, Subrai, jebw imwtwijar samungrok tang,
18i samungrok aguni jimin sirwjak.'"
19Jakob arw sakha, "Aithani ani maping je Bejihudirok Kaitorni aita philwi phaidok boknw chwng tekto rwthaiya. 20Obwni naikhalai chwng bokni dayw imwroknw sagwi koktun kwrwngsa suitai je, bok imwtwijar chamwng roknw chayatwi jebw roknw mataini dayw dali rwjak, obw ongkha ikimni maping antha. Bok lalaiya bader tonglainai samung daini saknw kachalw tonnaitwi arw totara sebwi buthalnai sadoanni bakhan chayatwi eba thwi nwngyatwi. 21I tholmwngrok boknw rwmani gam, twmwi himba Mosi jebw sajak obw jotho aulio kabangma kabangma sal aguni jimin pirijak tei bw jebw suiywi kalangjak obw poti lengkhonai salw thumnok rogw pokrejadok."
Bejihudirokni dayw suinai koktun
22Aiphuo pirisairok, mothani okara chakararok arw mothani kothe borogrok thi khlaikha je, bok kaisa kainwi borognw saywi lagwi Pol tei Barnobani logeyo Antiyokhiyagw honw. Bok Jihuda tei Silnw saywi lakha (I Jihudanw Borsobba hinwi ringw). Paitoai takhukrokni bisingw imwrok kainwi ongkha oja. 23Bokbai baksa i koktunnw hoka:
"Antiyokhiya, Siriya tei Kilikiyani Bejihudi paitoai takhukrokni dayw chwng pirisairok tei mothani okara chakararok arw nokhni takhukrok i koktunnw suidok. 24Chwng khanaka je, chini tholmungni bade imwtwijar kaisa kainwi borog idaini thangwi jatejar kok sagwi nokhni khanw tongmaya chamaya khalaywi tisajak arw nokhnw jatejar bedisa dayw khibijak. 25Aithani chwng jotho kokbaksa ongwi borog kainwi kaitham saywi lagwi chini khajani aphak Barnoba tei Polbai baksa nokhni dayw boknw hoka. 26Barnoba arw Pol chini Subrai Jisu Khristoni bagwi thwimungni sakangbai sakang ongjak. 27Chwng Jihuda arw Silnw hoka, chwng jebw suijak omo bok nokhni dayw bukhokbaibw sanaitwi. 28Phala Kathar arw chwng imwnwse gam hinwi bakha kaha je, i nangru kothoyrokni bade nokhni sakao arw mwngsa poja rwyatwi. 29O nangru kothoyrok ongkha nokh mataini dayw usrijak chamung tachadi, thwi tachadi, totara sebwi buthaljak sadoanni bakhan tachadi tei lalaiya bader tonglainai samung ta khalaidi. I samung roknw khalaiya tongkhalai nokhni bagwi gam. Hamalai."
30Jirusalem motha o kaibrwi borognw Antiyokhiyao hokha. Odayw bok mothani borogroknw thumwi o koktunnw boknw rwkha. 31Borogrok koktunnw cherkha tei odayw je khastoni kok tong omobai tongthokjakha. 32Jihuda tei Sil sakrokbw ongkha diyari, arw bok kabangma kok sagwi odaini takhuk roknw khabaja rwkha tei bokni paitokma bangrwgwi boknw pharan ganang khalaywi tisakha. 33-34Antiyokhiyao bok salnwi saltam tongwi paikhlai, Antiyokhiya aulini takhukrok Jihuda tei Silnw hamari rwkha tei jerw boknw Jirusalemni takhukrokni dayw philwi hoka, 35Matwr Pol tei Barnoba Antiyokhiyao tongkha. Odayw bok arw kainwi kaitham bai baksa Subraini kok phwrwngni tei pirni nangkha.
Pol arw Barnoba juda ongkha
36Talnwi taltham jerw Pol Barnobanw sakha, "Je jega rogw chwng Subraini kok pirkha himdi tabok o jotho jega rogw philwi thangwi paitoai takhukrokbai malaigana tei bok ta khalaywi himdok omonw naigana." 37Aiphuo Barnoba Johonnw bokni logeyw lani naikha. O Johonnw Mark hinwibo ringjagw, 38matwr Pol oansokkha, Pamphuliyao je oaisa boknw yakarwi thangkha tei bokhbai arw samung tangjiya bwnw logeyo laya tongmani gam. 39Aiphuo Pol tei Barnobani bisingw iswkjora mapita miliniya ongkha je, bok kaisabai kaisa daini juda ongwi paikha. Barnoba Marknw lagwi rungtorbai Saipras twibongw thangka, 40arw Pol lakha Silnw saywi. Aiphuo Antiyokhiyani takhukrok Pol tei Silnw Subraini khakhammani yagw tisagwi rwgwi paiywi jerw bok thangka. 41Pol Siriya tei Kilikiyani bisingtwi thangwi odaini jotho motharoknw pharan ganang khalaywi tisakha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh