Rô-ma 1
1
Gruk dong tabuh kaywa sagar
(1:1-17)
Panôic tanhi ravang
1Phao-lô, halun Dê Krist Yê-su, bihu iêu piêh ngak Xêh Pachai thong bihu cek karei ka Khao Siam Pô Lingik, 2nạn Khao Siam krung hu Pô Lingik krung hu bican he mưng dahlau tapa dôm pakat hôr Bhô dalam Agal Nưbi. 3Nan nạn Khao Siam ka Anưk Bhô, nạn Dê bloh ka nôk thap bihu pajiơng tabiak mưng talei pajeh patao Đa-vit; 4dok ka nôk mat xwan thah nưbi#1:4 mat xwan thah nưbi: Ngan nạn Pô Nưbi Ginrơh., yơ kaywa gruk diup vơk anưd Bhô mưng lôg mưtai, bihu pađang akhan nạn Anưk Pô Lingik gon xagta, nạn Pô Yê-su Krist, Pô khol drei. 5Nhơ di Bhô, khol dahlak krung hu tôk karun hanim thong rapajan Xêh Pachai, piêh kaywa di angan Bhô ba graup paran mưrai gruk pang tui ywa sagar. 6Dei ai lijang dok dalam thanôn dôm urang bihu iêu piêh bha di Pô Yê-su Krist. 7Dahlak taka paywa ka dôm urang uranam Pô Lingik tak dhan Rô-ma, nạn dôm urang bihu iêu ngak xêh nưbi.
Likau kanư Pô Lingik, Amư khol drei, thong Pô nạn Pô Yê-su Krist ƀai karun hanim thong thug siam ka dei ai!
Panôic lang kar thong đwa karun
8Dahlau yatha, nhơ di Pô Yê-su Krist, dahlak đwa karun Pô Lingik dahlak ka abih dei ai, kaywa sagar dei ai krung bihu ƀeg graup nưrah. 9Pô Lingik, Dê krung hu dahlak bih tian ragxa tapa bruk rao lang Khao Siam ka Anưk Bhô, ngak kaxan ka dahlak laic dahlak takung bau tal dei ai 10yāup tuk lang kar. Dahlak neh likau Pô Lingik, kaywa jamal Bhô, pơh jalan ka dahlak hu binhôr mưrai tom dei ai. 11Kaywa dahlak biak cong mưrai ravang dei ai piêh klah rabha thong dei ai karun bha Nưbi Ginrơh, nhơ di nan dei ai bihu khang kajap; 12ar nạn piêh khol drei hu mưda paxơh gaup mưng sagar khol drei, ar nạn anưd dei ai thong anưd dahlak.
13 #
Bruk 19:21. Pathau dei ai, dahlak ưng dei ai thau laic krung hu ralô ƀang dahlak darô mai ravang dei ai piêh ywak pwak takik ralô bingu boh dalam dei ai, lijang yau dalam abih mưnuix Bôl-Lingiu pakan; min ka tal mưni jang gok kađah kađe. 14Dahlak tavak thre di mưnuix Hi-lap thong mưnuix dabwan, mưnuix haluh ilimô thong mưnuix luk tapun. 15Ywa nan ka, dahlak lijang jamji bihu rao lang Khao Siam ka dei ai, nạn dôm urang krưh dok diup pak Rô-ma gêk.
Gon xagta Khao Siam
16 #
Mag 8:38. Biak rei, dahlak ôh mưlau mưlit di Khao Siam ô, kaywa sani nạn gon xagta anưd Pô Lingik piêh dong abih drei dial, dahlau nạn mưnuix Yo Thaic, hadei nạn mưnuix Bôl-Lingiu.#1:16 mưnuix Bôl-Lingiu: Ngan nạn mưnuix đôm xap Hi-lap. 17Kaywa dalam Khao Siam ni, gruk kahanôt Pô Lingik bihu sahadah mưng sagar tal sagar, yau hu panôic vak: “Mưnuix kahanôt mưca diup kaywa sagar.”
Danuh glaic anưd mưrôxak thong gruk bican inư anưd Pô Lingik
(1:18 – 3:20)
Danuh glaic mưrôxak
18Binhôr dangih mưkek Pô Lingik mưng thôr riga bihu sahadah piêh mưradhag vơk abih gruk blơk lôg thong xag mưjưy anưd dôm ra angui gruk xag mưjưy bloh gam tatơk tantu. 19Kaywa dôm haget mưnuix urang hu mưda thau ka Pô Lingik yơ jalang jalôi pajơ, kaywa Pô Lingik krung hu sahadah ka khol nhu bloh. 20Dôm haget ka Pô Lingik bloh mưta haram ôh ƀôh bihu, ar nạn gon xagta rit rai thong yang mưnuh Bhô, yơ mưng vār padak padang dunya mưnuix urang krung hu thwat tik jalang jalôi tuk glang pachang dôm pakar bwak, nan yơ khol nhu ôh mưda kamlah bihu. 21#Êph 4:17,18.Kanê krung hu thau Pô Lingik, khol nhu jang ôh ciup papôk glong Bhô nạn Pô Lingik thong ôh đwa karun Pô, min kưk mưnưgxa bal glai; tung tian gila gilap gilaic jiơng xup palup. 22Khol nhu êng tao drei nạn jag karag, min krung hu gilaic jiơng hanrôi taba bloh. 23Khol nhu krung hu xalih xêh mưlang Pô Lingik bhian diup piêh mưk thek hayap mưrôxak pao tayah, ngan anưd cim parim, athur bhiêp, hai pukar kalan rôi.
24Ywa nan ka Pô Lingik krung hu klāk cek khol nhu ka dôm ragơh tathrưg di tian drei, lek tamư gruk mưrag tachaup piêh ngak jhak rup pabhap gaup, 25kaywa khol nhu krung hu xalih tantu Pô Lingik piêh mưk gruk lor kator; khol nhu xambah thong ragxa pakar bwak kala kaywa Dê Xapajiơng, nạn Bhô đang bihu pôk mưyom rit rai! A-men.
26Kaywa êng di gađi gadha nan bloh Pô Lingik krung hu klāk cek khol nhu ka mưyut mưyau đang tachaup ƀok. Êng urang kamei lijang krung hu xalih ganap yut phiap tapa ganap yut mưgilaic phiap. 27Urang likei lijang yau nan, klāk ganap yut lingai phiap thong urang kamei bloh hakul cuh mưyut mưyau thong gaup, urang likei ngak kabha tachaup ƀok thong urang likei, êng khol nhu mưca xang ciup gruk pamưk tamar lek thong gaup thong gruk xuk calah drei. 28Kaywa khol nhu ôh lo krưn thau Pô Lingik, nan ka Pô Lingik krung hu klāk cek ka tha mat ar pran pao piêh ngak kabha ôh lek thong gaup.
29Khol nhu bak lamak dôm kabha tidak adil, xag mưjưy, tathrưg lagơh, jhak njah, jhak hatai; pamưtai mưnuix, jāk mưthao, lor kator, dađaup jhak; 30đôm bilei, thoh thar, mưbai limuk Pô Lingik, harơh harang, ganan, mưyeh, harat ngak kabha ag, ôh pang panôic amek amư. 31Gila gilit, ôh đôm, ôh thau anit thei, ôh hu tian athur alim. 32Khol nhu libeh di thau hakum jakar Pô Lingik darô laic dôm urang tanrok dôm glaic yau nan ka đang mưtai. Ywa nan ka min ô kan khol nhu ngak dôm kabha nan, gilaic dok bak yom ka urang pakan ngak vơk.
Currently Selected:
Rô-ma 1: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Rô-ma 1
1
Gruk dong tabuh kaywa sagar
(1:1-17)
Panôic tanhi ravang
1Phao-lô, halun Dê Krist Yê-su, bihu iêu piêh ngak Xêh Pachai thong bihu cek karei ka Khao Siam Pô Lingik, 2nạn Khao Siam krung hu Pô Lingik krung hu bican he mưng dahlau tapa dôm pakat hôr Bhô dalam Agal Nưbi. 3Nan nạn Khao Siam ka Anưk Bhô, nạn Dê bloh ka nôk thap bihu pajiơng tabiak mưng talei pajeh patao Đa-vit; 4dok ka nôk mat xwan thah nưbi#1:4 mat xwan thah nưbi: Ngan nạn Pô Nưbi Ginrơh., yơ kaywa gruk diup vơk anưd Bhô mưng lôg mưtai, bihu pađang akhan nạn Anưk Pô Lingik gon xagta, nạn Pô Yê-su Krist, Pô khol drei. 5Nhơ di Bhô, khol dahlak krung hu tôk karun hanim thong rapajan Xêh Pachai, piêh kaywa di angan Bhô ba graup paran mưrai gruk pang tui ywa sagar. 6Dei ai lijang dok dalam thanôn dôm urang bihu iêu piêh bha di Pô Yê-su Krist. 7Dahlak taka paywa ka dôm urang uranam Pô Lingik tak dhan Rô-ma, nạn dôm urang bihu iêu ngak xêh nưbi.
Likau kanư Pô Lingik, Amư khol drei, thong Pô nạn Pô Yê-su Krist ƀai karun hanim thong thug siam ka dei ai!
Panôic lang kar thong đwa karun
8Dahlau yatha, nhơ di Pô Yê-su Krist, dahlak đwa karun Pô Lingik dahlak ka abih dei ai, kaywa sagar dei ai krung bihu ƀeg graup nưrah. 9Pô Lingik, Dê krung hu dahlak bih tian ragxa tapa bruk rao lang Khao Siam ka Anưk Bhô, ngak kaxan ka dahlak laic dahlak takung bau tal dei ai 10yāup tuk lang kar. Dahlak neh likau Pô Lingik, kaywa jamal Bhô, pơh jalan ka dahlak hu binhôr mưrai tom dei ai. 11Kaywa dahlak biak cong mưrai ravang dei ai piêh klah rabha thong dei ai karun bha Nưbi Ginrơh, nhơ di nan dei ai bihu khang kajap; 12ar nạn piêh khol drei hu mưda paxơh gaup mưng sagar khol drei, ar nạn anưd dei ai thong anưd dahlak.
13 #
Bruk 19:21. Pathau dei ai, dahlak ưng dei ai thau laic krung hu ralô ƀang dahlak darô mai ravang dei ai piêh ywak pwak takik ralô bingu boh dalam dei ai, lijang yau dalam abih mưnuix Bôl-Lingiu pakan; min ka tal mưni jang gok kađah kađe. 14Dahlak tavak thre di mưnuix Hi-lap thong mưnuix dabwan, mưnuix haluh ilimô thong mưnuix luk tapun. 15Ywa nan ka, dahlak lijang jamji bihu rao lang Khao Siam ka dei ai, nạn dôm urang krưh dok diup pak Rô-ma gêk.
Gon xagta Khao Siam
16 #
Mag 8:38. Biak rei, dahlak ôh mưlau mưlit di Khao Siam ô, kaywa sani nạn gon xagta anưd Pô Lingik piêh dong abih drei dial, dahlau nạn mưnuix Yo Thaic, hadei nạn mưnuix Bôl-Lingiu.#1:16 mưnuix Bôl-Lingiu: Ngan nạn mưnuix đôm xap Hi-lap. 17Kaywa dalam Khao Siam ni, gruk kahanôt Pô Lingik bihu sahadah mưng sagar tal sagar, yau hu panôic vak: “Mưnuix kahanôt mưca diup kaywa sagar.”
Danuh glaic anưd mưrôxak thong gruk bican inư anưd Pô Lingik
(1:18 – 3:20)
Danuh glaic mưrôxak
18Binhôr dangih mưkek Pô Lingik mưng thôr riga bihu sahadah piêh mưradhag vơk abih gruk blơk lôg thong xag mưjưy anưd dôm ra angui gruk xag mưjưy bloh gam tatơk tantu. 19Kaywa dôm haget mưnuix urang hu mưda thau ka Pô Lingik yơ jalang jalôi pajơ, kaywa Pô Lingik krung hu sahadah ka khol nhu bloh. 20Dôm haget ka Pô Lingik bloh mưta haram ôh ƀôh bihu, ar nạn gon xagta rit rai thong yang mưnuh Bhô, yơ mưng vār padak padang dunya mưnuix urang krung hu thwat tik jalang jalôi tuk glang pachang dôm pakar bwak, nan yơ khol nhu ôh mưda kamlah bihu. 21#Êph 4:17,18.Kanê krung hu thau Pô Lingik, khol nhu jang ôh ciup papôk glong Bhô nạn Pô Lingik thong ôh đwa karun Pô, min kưk mưnưgxa bal glai; tung tian gila gilap gilaic jiơng xup palup. 22Khol nhu êng tao drei nạn jag karag, min krung hu gilaic jiơng hanrôi taba bloh. 23Khol nhu krung hu xalih xêh mưlang Pô Lingik bhian diup piêh mưk thek hayap mưrôxak pao tayah, ngan anưd cim parim, athur bhiêp, hai pukar kalan rôi.
24Ywa nan ka Pô Lingik krung hu klāk cek khol nhu ka dôm ragơh tathrưg di tian drei, lek tamư gruk mưrag tachaup piêh ngak jhak rup pabhap gaup, 25kaywa khol nhu krung hu xalih tantu Pô Lingik piêh mưk gruk lor kator; khol nhu xambah thong ragxa pakar bwak kala kaywa Dê Xapajiơng, nạn Bhô đang bihu pôk mưyom rit rai! A-men.
26Kaywa êng di gađi gadha nan bloh Pô Lingik krung hu klāk cek khol nhu ka mưyut mưyau đang tachaup ƀok. Êng urang kamei lijang krung hu xalih ganap yut phiap tapa ganap yut mưgilaic phiap. 27Urang likei lijang yau nan, klāk ganap yut lingai phiap thong urang kamei bloh hakul cuh mưyut mưyau thong gaup, urang likei ngak kabha tachaup ƀok thong urang likei, êng khol nhu mưca xang ciup gruk pamưk tamar lek thong gaup thong gruk xuk calah drei. 28Kaywa khol nhu ôh lo krưn thau Pô Lingik, nan ka Pô Lingik krung hu klāk cek ka tha mat ar pran pao piêh ngak kabha ôh lek thong gaup.
29Khol nhu bak lamak dôm kabha tidak adil, xag mưjưy, tathrưg lagơh, jhak njah, jhak hatai; pamưtai mưnuix, jāk mưthao, lor kator, dađaup jhak; 30đôm bilei, thoh thar, mưbai limuk Pô Lingik, harơh harang, ganan, mưyeh, harat ngak kabha ag, ôh pang panôic amek amư. 31Gila gilit, ôh đôm, ôh thau anit thei, ôh hu tian athur alim. 32Khol nhu libeh di thau hakum jakar Pô Lingik darô laic dôm urang tanrok dôm glaic yau nan ka đang mưtai. Ywa nan ka min ô kan khol nhu ngak dôm kabha nan, gilaic dok bak yom ka urang pakan ngak vơk.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.