Mag 8
8
Pô Yê-su thrơh tapei ka pāk ribau urang ƀang
(Ma-thi-ơ 15:32-39)
1Dalam dôm harei nan, gilaic hu tha tapôr bôl patom nhom thong khol nhu ôh hu haget piêh ƀang, nan ka Pô Yê-su iêu dôm anưk xêh mưrai đôm: 2“Ita ganơh anit tapôr bôl ni, kaywa khol nhu krung hu dok thong Ita klau harei bloh urak ni ôh hu haget ƀang trah. 3Mưyah Ita lôi ka khol nhu tian ơk nao thang, hôic di khol nhu mưca klwak mưk mưtưh jalan, dalam khol nhu hu tha thanôn urang mưng atah mai.” 4Anưk xêh thuuk laic: “Di krưh libik bhum kamrang ni, ngak habar hu mưda dwah tal tapei ka khol nhu ƀang?” 5Bhô tanhi: “Khol hư hu hadôm tapei?” Khol nhu pathau: “Hu tajuh kleh.” 6Bhô thurah ka tapôr bôl dok dala di tanưh; mưk tajuh kleh tapei, đwa karun, bloh pek tabiak yêr ka dôm anưk xêh piêh rabha takhat ka bôl bhap. 7Dôm anưk xêh lijang hu hadôm ikan xit; Pô Yê-su đwa karun, bloh thurah ba nao rabha takhat yau nan. 8Thei thei jang ƀang trei laơh thong khol nhu dôn patom vơk bihu tajuh habai bak dôm kleh tapei libeh. 9Thanôn mưnuix ƀang nôic pāk ribau. Pô Yê-su brei ka bôl bhap nao thang, 10dok Bhô thubik dôm anưk xêh trun gilai nao tapa bhum Đa-ma-nu-tha.
Likau nưm crih mưng lingik
(Ma-thi-ơ 16:1-4)
11 #
Mat 12:38; Lu 11:16. Hu dôm urang Pha-ri-si mưrai thong jajek thong Bhô, khol nhu likau di Bhô tha nưm crih mai mưng thôr riga piêh long Bhô. 12#Mat 12:39; Lu 11:29.Pô Yê-su thwak yava dalam tian bloh tanhi: “Ywa haget rai rak ni đôk dwah nưm crih? Ita đôm biak thong khol hư, mưca ôh hu tha nưm crih halei bihu ƀai brei ka rai rak ni ô.” 13Bloh Bhô niga di khol nhu, gilaic vơk gilai thong tapa takai tathik gah dêh.
Boh tapei anưd mưnuix Pha-ri-si thong Hê-rôt
(Ma-thi-ơ 16:5-12)
14Dôm anưk xêh var ba tapei tui; dalam gilai khol nhu ciêt hu tha kleh tapei min. 15#Lu 12:1.Bhô pahadar khol nhu: “Xang ajut thong caga boh tapei anưd mưnuix Pha-ri-si thong boh tapei anưd tapôr Hê-rôt.”#8:15 Hê-rôt: Dalam tha thanôn nạn tapôr Hê-rôt. 16Dôm anưk xêh xin biai thong gaup: “Hu mưda khol drei ôh hu tapei.” 17Thau kabha nan, Pô Yê-su đôm: “Habar khol hư xin biai thong gaup ka bruk khol hư ôh hu tapei? Khol hư jang ôh dul ôh thau ô habar? Tung tian khol hư jang dok khang kưg min? 18#Mag 4:12.Habar khol hư hu mưta bloh ôh ƀôh? Hu tangi bloh ôh hamit? Khol hư ôh kanal ô? 19Tuk Ita apek limư kleh tapei ka limư ribau urang, khol hư dôn patom bihu hadôm habai bak tapei libeh?” Khol nhu thuuk: “Tha pluh dwa habai.” 20“Dok tuk Ita apek tajuh kleh tapei ka pāk ribau urang, khol hư dôn patom bihu hadôm habai bak tapei libeh?” Khol nhu thuuk: “Tajuh habai.” 21Bhô bican: “Khol hư jang ôh dul ô habar?”
Urang tagloh dok tak Ƀêt-sai-đa
22Pô Yê-su thong anưk xêh tamư palei Ƀêt-sai-đa. Mưnuix urang ba mai ka Bhô tha ra tagloh thong neh likau Bhô ravơk nhu. 23Bhô pan tangin urang tagloh dui nhu tabiak truh di palei, luk ia pabah di mưta thong cek tangin ngok nhu, bloh tanhi: “Hư hu ƀôh haget lei?” 24Urang tagloh talāk tagôk bloh thuuk: “Dahlak ƀôh mưnuix urang, min mong khol nhu drơh phun kayau dok krưh pađôn.” 25Pô Yê-su gilaic cek tangin ngok mưta nhu, nhu patom mat mong, mưta bihu thulih thong nhu ƀôh pajip rim pakar. 26Pô Yê-su brei ka nhu nao thang thong kakei: “Jôi gilaic tamư dalam palei.”
Phi-e-rơ pađang akhan Pô Yê-su nạn Anưk Pô Lingik
(Ma-thi-ơ 16:13-20; Lu-ka 9:18-21)
27Pô Yê-su mưthong dôm anưk xêh nao truh di nan, tamư dôm palei jek dhan Sê-sa-rê Phi-lip. Rah jalan, Bhô tanhi dôm anưk xêh laic: “Dunya đôm Ita nạn thei?” 28#Mag 6:14,15; Lu 9:7,8.Khol nhu thuuk: “Mưnuix ni yơ đôm Gru nạn Yâng Bap-tit, mưnuix dêh laic Ê-li; mưnuix pakan đôm nạn tha dalam dôm pakat hôr.” 29#Yâ 6:68,69.Bhô tanhi: “Dok khol hư yơ đôm Ita nạn thei?” Phi-e-rơ pathau laic: “Gru nạn Dê Krist.” 30Pô Yê-su tathit ka dôm anưk xêh ôh bihu đôm ka Bhô thong thei.
Pô Yê-su brei thau dahlau gruk mưtai thong diup vơk
(Ma-thi-ơ 16:21-28; Lu-ka 9:22-27)
31Kal nan, Bhô raup pato dôm anưk xêh laic Anưk Mưnuix xang ciup ralô khak, xang gok dôm ginôr taha, dôm gru mưliêng prong thong dôm gru pato adat kamlah klāk, xang gok pamưtai thong hadei di klau harei diup vơk. 32Bhô đôm jalang jalôi bruk ni thong dôm anưk xêh. Phi-e-rơ ba Bhô tabiak karei thong ƀwah Bhô. 33Min Pô Yê-su yơng vơk mong dôm anưk xêh bloh xayok Phi-e-rơ: “Hơic Sa-tan, xang kadun tabiak gah likuk Ita, kaywa hư ôh xanưng tal bruk Pô Lingik, min ciêt xanưng tal bruk mưrôxak.”
34 #
Mat 10:38; Lu 14:27. Hadei di nan, Bhô iêu bôl bhap thong dôm anưk xêh mưrai bloh đôm: “Mưyah thei ưng tui Ita xang klāk lôi êng drei, gilam gai gan gak drei bloh tui Ita. 35#Mat 10:39; Lu 17:33; Yâ 12:25.Kaywa thei ưng dong xwan diup drei yơ mưca lihik, dok thei lihik xwan diup kaywa di Ita thong Khao Siam, yơ dong bihu xwan diup drei. 36Mưyah tha urang hu abih dunya mai lihik thap xwan drei yơ hu hanim haget? 37Urang nan mưca mưk haget bloh xalih vơk thap xwan drei? 38Mưyah thei mưlau mưlit ka Ita thong anga Ita di krưh rai payar danuh glaic ni, yơ Anưk Mưnuix lijang mưca mưlau mưlit ka mưnuix nạn tuk Bhô thubik thong dôm umat nưbi biđang mưrai dalam xêh mưlang Amư Bhô.”
Currently Selected:
Mag 8: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Mag 8
8
Pô Yê-su thrơh tapei ka pāk ribau urang ƀang
(Ma-thi-ơ 15:32-39)
1Dalam dôm harei nan, gilaic hu tha tapôr bôl patom nhom thong khol nhu ôh hu haget piêh ƀang, nan ka Pô Yê-su iêu dôm anưk xêh mưrai đôm: 2“Ita ganơh anit tapôr bôl ni, kaywa khol nhu krung hu dok thong Ita klau harei bloh urak ni ôh hu haget ƀang trah. 3Mưyah Ita lôi ka khol nhu tian ơk nao thang, hôic di khol nhu mưca klwak mưk mưtưh jalan, dalam khol nhu hu tha thanôn urang mưng atah mai.” 4Anưk xêh thuuk laic: “Di krưh libik bhum kamrang ni, ngak habar hu mưda dwah tal tapei ka khol nhu ƀang?” 5Bhô tanhi: “Khol hư hu hadôm tapei?” Khol nhu pathau: “Hu tajuh kleh.” 6Bhô thurah ka tapôr bôl dok dala di tanưh; mưk tajuh kleh tapei, đwa karun, bloh pek tabiak yêr ka dôm anưk xêh piêh rabha takhat ka bôl bhap. 7Dôm anưk xêh lijang hu hadôm ikan xit; Pô Yê-su đwa karun, bloh thurah ba nao rabha takhat yau nan. 8Thei thei jang ƀang trei laơh thong khol nhu dôn patom vơk bihu tajuh habai bak dôm kleh tapei libeh. 9Thanôn mưnuix ƀang nôic pāk ribau. Pô Yê-su brei ka bôl bhap nao thang, 10dok Bhô thubik dôm anưk xêh trun gilai nao tapa bhum Đa-ma-nu-tha.
Likau nưm crih mưng lingik
(Ma-thi-ơ 16:1-4)
11 #
Mat 12:38; Lu 11:16. Hu dôm urang Pha-ri-si mưrai thong jajek thong Bhô, khol nhu likau di Bhô tha nưm crih mai mưng thôr riga piêh long Bhô. 12#Mat 12:39; Lu 11:29.Pô Yê-su thwak yava dalam tian bloh tanhi: “Ywa haget rai rak ni đôk dwah nưm crih? Ita đôm biak thong khol hư, mưca ôh hu tha nưm crih halei bihu ƀai brei ka rai rak ni ô.” 13Bloh Bhô niga di khol nhu, gilaic vơk gilai thong tapa takai tathik gah dêh.
Boh tapei anưd mưnuix Pha-ri-si thong Hê-rôt
(Ma-thi-ơ 16:5-12)
14Dôm anưk xêh var ba tapei tui; dalam gilai khol nhu ciêt hu tha kleh tapei min. 15#Lu 12:1.Bhô pahadar khol nhu: “Xang ajut thong caga boh tapei anưd mưnuix Pha-ri-si thong boh tapei anưd tapôr Hê-rôt.”#8:15 Hê-rôt: Dalam tha thanôn nạn tapôr Hê-rôt. 16Dôm anưk xêh xin biai thong gaup: “Hu mưda khol drei ôh hu tapei.” 17Thau kabha nan, Pô Yê-su đôm: “Habar khol hư xin biai thong gaup ka bruk khol hư ôh hu tapei? Khol hư jang ôh dul ôh thau ô habar? Tung tian khol hư jang dok khang kưg min? 18#Mag 4:12.Habar khol hư hu mưta bloh ôh ƀôh? Hu tangi bloh ôh hamit? Khol hư ôh kanal ô? 19Tuk Ita apek limư kleh tapei ka limư ribau urang, khol hư dôn patom bihu hadôm habai bak tapei libeh?” Khol nhu thuuk: “Tha pluh dwa habai.” 20“Dok tuk Ita apek tajuh kleh tapei ka pāk ribau urang, khol hư dôn patom bihu hadôm habai bak tapei libeh?” Khol nhu thuuk: “Tajuh habai.” 21Bhô bican: “Khol hư jang ôh dul ô habar?”
Urang tagloh dok tak Ƀêt-sai-đa
22Pô Yê-su thong anưk xêh tamư palei Ƀêt-sai-đa. Mưnuix urang ba mai ka Bhô tha ra tagloh thong neh likau Bhô ravơk nhu. 23Bhô pan tangin urang tagloh dui nhu tabiak truh di palei, luk ia pabah di mưta thong cek tangin ngok nhu, bloh tanhi: “Hư hu ƀôh haget lei?” 24Urang tagloh talāk tagôk bloh thuuk: “Dahlak ƀôh mưnuix urang, min mong khol nhu drơh phun kayau dok krưh pađôn.” 25Pô Yê-su gilaic cek tangin ngok mưta nhu, nhu patom mat mong, mưta bihu thulih thong nhu ƀôh pajip rim pakar. 26Pô Yê-su brei ka nhu nao thang thong kakei: “Jôi gilaic tamư dalam palei.”
Phi-e-rơ pađang akhan Pô Yê-su nạn Anưk Pô Lingik
(Ma-thi-ơ 16:13-20; Lu-ka 9:18-21)
27Pô Yê-su mưthong dôm anưk xêh nao truh di nan, tamư dôm palei jek dhan Sê-sa-rê Phi-lip. Rah jalan, Bhô tanhi dôm anưk xêh laic: “Dunya đôm Ita nạn thei?” 28#Mag 6:14,15; Lu 9:7,8.Khol nhu thuuk: “Mưnuix ni yơ đôm Gru nạn Yâng Bap-tit, mưnuix dêh laic Ê-li; mưnuix pakan đôm nạn tha dalam dôm pakat hôr.” 29#Yâ 6:68,69.Bhô tanhi: “Dok khol hư yơ đôm Ita nạn thei?” Phi-e-rơ pathau laic: “Gru nạn Dê Krist.” 30Pô Yê-su tathit ka dôm anưk xêh ôh bihu đôm ka Bhô thong thei.
Pô Yê-su brei thau dahlau gruk mưtai thong diup vơk
(Ma-thi-ơ 16:21-28; Lu-ka 9:22-27)
31Kal nan, Bhô raup pato dôm anưk xêh laic Anưk Mưnuix xang ciup ralô khak, xang gok dôm ginôr taha, dôm gru mưliêng prong thong dôm gru pato adat kamlah klāk, xang gok pamưtai thong hadei di klau harei diup vơk. 32Bhô đôm jalang jalôi bruk ni thong dôm anưk xêh. Phi-e-rơ ba Bhô tabiak karei thong ƀwah Bhô. 33Min Pô Yê-su yơng vơk mong dôm anưk xêh bloh xayok Phi-e-rơ: “Hơic Sa-tan, xang kadun tabiak gah likuk Ita, kaywa hư ôh xanưng tal bruk Pô Lingik, min ciêt xanưng tal bruk mưrôxak.”
34 #
Mat 10:38; Lu 14:27. Hadei di nan, Bhô iêu bôl bhap thong dôm anưk xêh mưrai bloh đôm: “Mưyah thei ưng tui Ita xang klāk lôi êng drei, gilam gai gan gak drei bloh tui Ita. 35#Mat 10:39; Lu 17:33; Yâ 12:25.Kaywa thei ưng dong xwan diup drei yơ mưca lihik, dok thei lihik xwan diup kaywa di Ita thong Khao Siam, yơ dong bihu xwan diup drei. 36Mưyah tha urang hu abih dunya mai lihik thap xwan drei yơ hu hanim haget? 37Urang nan mưca mưk haget bloh xalih vơk thap xwan drei? 38Mưyah thei mưlau mưlit ka Ita thong anga Ita di krưh rai payar danuh glaic ni, yơ Anưk Mưnuix lijang mưca mưlau mưlit ka mưnuix nạn tuk Bhô thubik thong dôm umat nưbi biđang mưrai dalam xêh mưlang Amư Bhô.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.