Mag 2
2
Pô Yê-su pajru rwak mưtai arak
(Ma-thi-ơ 9:1-8; Lu-ka 5:17-26)
1Hadei di dôm harei, Pô Yê-su gilaic vơk dhan Ka-ƀê-na-um, bôl bhap hamit khao Bhô dok dalam thang 2nan yơ patom gaup vơk biak ralô, thangak di anak baƀang lijang ôh dok libik halei hwơng. Bhô lang anga ka khol nhu. 3Tuk nan hu pāk urang cakông tha urang mưtai arak mai ka Bhô. 4Kaywa tapôr ralô, khol nhu ôh mưda ba urang nan mưrai jek Bhô bihu nan ka krung hu blơk pabung thang ngok libik Bhô dok; bloh mưng gilong hwơng nan mưnok nhu ginro katong mưnuix mưtai arak trun. 5Thau ka sagar khol nhu, Pô Yê-su bican thong urang mưtai arak: “Anưk lơy, danuh glaic anưk krung bihu ampun.” 6Min hu dôm gru pato adat dok pak nan thrơh bidha di dalam tian laic: 7“Habar urang ni đôm yau nan? Biak nạn hanoh niêm! Klāk Pô Lingik tabiak, dok thei hu mưda ampun glaic?” 8Mat ar Pô Yê-su krung hu krưn thau vêt dôm haget khol nhu krưh dok đôm thong gaup nan ka bican: “Ywa haget dalam tian khol hư xanưng yau nan? 9Tui khol hư, di dalam bruk pađar urang mưtai arak laic: ‘Glaic anưk krung bihu ampun,’ thong bruk pađar: ‘Xang dang tagôk gilam katong drei bloh nao’ yơ bruk halei ƀôn hơl? 10Min, piêh khol hư thau laic dok di dunya Anưk Mưnuix hu aco gon ampun glaic” — Bhô bican thong mưnuix mưtai arak — 11“Ita đôm thong hư, xang dang tagôk, gilam katong thong nao thang!” 12Urang mưtai arak dang tagôk, binhêt gilam katong tabiak nao pak anak abih drei thangak abih drei jang plơng kadơng thong tahamid Pô Lingik laic: “Khol drei ôh bhian ƀôh bruk halei yau nan!”
Pô Yê-su iêu Lê-vi
(Ma-thi-ơ 9:9-13; Lu-ka 5:27-32)
13Pô Yê-su gilaic nao nôic gah tathik; abih tapôr ralô mưrai tom Bhô, thong Bhô pato pakai khol nhu. 14Di jalan nao, Bhô ƀôh Lê-vi, anưk A-phê, krưh dok libik mưk jiư yơ bican thong ong: “Xang tui Ita.” Lê-vi dang tagôk nao tui Bhô. 15Tuk Pô Yê-su krưh dok ƀang tak thang Lê-vi, hu ralô mưnuix mưk jiư thong ra hu glaic dok mưthong paban thong Bhô thong dôm anưk xêh Bhô, kaywa dalam thanôn nan hu ralô urang krung hu tui Bhô. 16Dôm gru pato adat bha di kavôm Pha-ri-si ƀôh Bhô ƀang thong dôm ra hu glaic thong mưnuix mưk jiư yơ đôm thong dôm anưk xêh Bhô laic: “Ywa haget Bhô gilaic ƀang harung thong mưnuix mưk jiư thong urang danuh glaic?” 17Hamit yau nan, Pô Yê-su đôm: “Mưnuix khang kadang ôh hajat tal gru bet ô, min nạn mưnuix rwak kik. Ita mưrai ôh njaup piêh iêu mưnuix kahanôt, min iêu ra hu glaic.”
Panôic tanhi ka gruk ikak tian ơk
(Ma-thi-ơ 9:14-17; Lu-ka 5:33-39)
18Kal nạn dôm anưk xêh Yâng thong mưnuix Pha-ri-si jang ikak tian ơk, hu mưnuix mai pathau thong Pô Yê-su laic: “Ywa haget dôm anưk xêh Yâng thong anưk xêh tapôr Pha-ri-si jang ikak tian ơk, dok dôm anưk xêh gru gilaic ôh ikak tian ơk?” 19Pô Yê-su thuuk: “Hu mưda halei tôi dok tamưbha đam likhah gilaic ikak tian ơk tuk pacei mưtau krưh dok thong khol nhu? Dalam tuk pacei mưtau dok thong khol nhu, khol nhu ôh mưda ikak tian ơk bihu. 20Min tal tuk pacei mưtau bihu ba nao truh di khol nhu, dalam harei nan khol nhu ikak tian ơk. 21Ôh thei bal ao klak mưng khan bai birau, mưyah ngak yau nan banal mưca kajung tahak ao klak, thong libik tahak mưca bik jhak hơl. 22Lijang ôh thei tuh alag birau tamư tabik kalik klak; mưyah ngak yau nan, mưca alag ngak taraic tabik, alag lihik bloh tabik lijang ôh dok, [min alag birau xang padang dalam tabik kalik birau.”]#2:22 [min... birau]: Dalam tha thanôn blah vak tangin ôh hu dôm akhar ni.
Panôic pađao ka harei Sa-ƀat
(Ma-thi-ơ 12:1-8; Lu-ka 6:1-5)
23Dalam harei Sa-ƀat Pô Yê-su nao thrang tapa along hamu padai abei. Tuk dok krưh nao dôm anưk xêh Bhô raup catek hadôm tangi padai. 24Dôm urang Pha-ri-si đôm thong Bhô: “Mưni, habar anưk xêh Gru ngak kabha ôh bihu idin ngak dalam harei Sa-ƀat?” 25Bhô thuuk: “Khol hư ô ka bhian pôic kadha Đa-vit krung hu ngak tuk ong mưthong dôm urang nao tui lek tamư rakun ơk lipa ô? 26Dalam rai A-bia-tha ngak gru mưliêng glong yatha, Đa-vit krung hu tamư thang Pô Lingik ƀang tapei limah thong brei ka dôm urang nao tui ong ƀang gêk, kanê tapei nan ciêt hu dôm gru mưliêng mưng bihu idin ƀang.” 27Bloh Bhô bican: “Harei Sa-ƀat bihu padak padang ka mưrôxak, mih ôh njaup mưrôxak bihu padak padang ka harei Sa-ƀat. 28Ywa nan ka, Anưk Mưnuix lijang nạn Pô harei Sa-ƀat.”
Currently Selected:
Mag 2: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Mag 2
2
Pô Yê-su pajru rwak mưtai arak
(Ma-thi-ơ 9:1-8; Lu-ka 5:17-26)
1Hadei di dôm harei, Pô Yê-su gilaic vơk dhan Ka-ƀê-na-um, bôl bhap hamit khao Bhô dok dalam thang 2nan yơ patom gaup vơk biak ralô, thangak di anak baƀang lijang ôh dok libik halei hwơng. Bhô lang anga ka khol nhu. 3Tuk nan hu pāk urang cakông tha urang mưtai arak mai ka Bhô. 4Kaywa tapôr ralô, khol nhu ôh mưda ba urang nan mưrai jek Bhô bihu nan ka krung hu blơk pabung thang ngok libik Bhô dok; bloh mưng gilong hwơng nan mưnok nhu ginro katong mưnuix mưtai arak trun. 5Thau ka sagar khol nhu, Pô Yê-su bican thong urang mưtai arak: “Anưk lơy, danuh glaic anưk krung bihu ampun.” 6Min hu dôm gru pato adat dok pak nan thrơh bidha di dalam tian laic: 7“Habar urang ni đôm yau nan? Biak nạn hanoh niêm! Klāk Pô Lingik tabiak, dok thei hu mưda ampun glaic?” 8Mat ar Pô Yê-su krung hu krưn thau vêt dôm haget khol nhu krưh dok đôm thong gaup nan ka bican: “Ywa haget dalam tian khol hư xanưng yau nan? 9Tui khol hư, di dalam bruk pađar urang mưtai arak laic: ‘Glaic anưk krung bihu ampun,’ thong bruk pađar: ‘Xang dang tagôk gilam katong drei bloh nao’ yơ bruk halei ƀôn hơl? 10Min, piêh khol hư thau laic dok di dunya Anưk Mưnuix hu aco gon ampun glaic” — Bhô bican thong mưnuix mưtai arak — 11“Ita đôm thong hư, xang dang tagôk, gilam katong thong nao thang!” 12Urang mưtai arak dang tagôk, binhêt gilam katong tabiak nao pak anak abih drei thangak abih drei jang plơng kadơng thong tahamid Pô Lingik laic: “Khol drei ôh bhian ƀôh bruk halei yau nan!”
Pô Yê-su iêu Lê-vi
(Ma-thi-ơ 9:9-13; Lu-ka 5:27-32)
13Pô Yê-su gilaic nao nôic gah tathik; abih tapôr ralô mưrai tom Bhô, thong Bhô pato pakai khol nhu. 14Di jalan nao, Bhô ƀôh Lê-vi, anưk A-phê, krưh dok libik mưk jiư yơ bican thong ong: “Xang tui Ita.” Lê-vi dang tagôk nao tui Bhô. 15Tuk Pô Yê-su krưh dok ƀang tak thang Lê-vi, hu ralô mưnuix mưk jiư thong ra hu glaic dok mưthong paban thong Bhô thong dôm anưk xêh Bhô, kaywa dalam thanôn nan hu ralô urang krung hu tui Bhô. 16Dôm gru pato adat bha di kavôm Pha-ri-si ƀôh Bhô ƀang thong dôm ra hu glaic thong mưnuix mưk jiư yơ đôm thong dôm anưk xêh Bhô laic: “Ywa haget Bhô gilaic ƀang harung thong mưnuix mưk jiư thong urang danuh glaic?” 17Hamit yau nan, Pô Yê-su đôm: “Mưnuix khang kadang ôh hajat tal gru bet ô, min nạn mưnuix rwak kik. Ita mưrai ôh njaup piêh iêu mưnuix kahanôt, min iêu ra hu glaic.”
Panôic tanhi ka gruk ikak tian ơk
(Ma-thi-ơ 9:14-17; Lu-ka 5:33-39)
18Kal nạn dôm anưk xêh Yâng thong mưnuix Pha-ri-si jang ikak tian ơk, hu mưnuix mai pathau thong Pô Yê-su laic: “Ywa haget dôm anưk xêh Yâng thong anưk xêh tapôr Pha-ri-si jang ikak tian ơk, dok dôm anưk xêh gru gilaic ôh ikak tian ơk?” 19Pô Yê-su thuuk: “Hu mưda halei tôi dok tamưbha đam likhah gilaic ikak tian ơk tuk pacei mưtau krưh dok thong khol nhu? Dalam tuk pacei mưtau dok thong khol nhu, khol nhu ôh mưda ikak tian ơk bihu. 20Min tal tuk pacei mưtau bihu ba nao truh di khol nhu, dalam harei nan khol nhu ikak tian ơk. 21Ôh thei bal ao klak mưng khan bai birau, mưyah ngak yau nan banal mưca kajung tahak ao klak, thong libik tahak mưca bik jhak hơl. 22Lijang ôh thei tuh alag birau tamư tabik kalik klak; mưyah ngak yau nan, mưca alag ngak taraic tabik, alag lihik bloh tabik lijang ôh dok, [min alag birau xang padang dalam tabik kalik birau.”]#2:22 [min... birau]: Dalam tha thanôn blah vak tangin ôh hu dôm akhar ni.
Panôic pađao ka harei Sa-ƀat
(Ma-thi-ơ 12:1-8; Lu-ka 6:1-5)
23Dalam harei Sa-ƀat Pô Yê-su nao thrang tapa along hamu padai abei. Tuk dok krưh nao dôm anưk xêh Bhô raup catek hadôm tangi padai. 24Dôm urang Pha-ri-si đôm thong Bhô: “Mưni, habar anưk xêh Gru ngak kabha ôh bihu idin ngak dalam harei Sa-ƀat?” 25Bhô thuuk: “Khol hư ô ka bhian pôic kadha Đa-vit krung hu ngak tuk ong mưthong dôm urang nao tui lek tamư rakun ơk lipa ô? 26Dalam rai A-bia-tha ngak gru mưliêng glong yatha, Đa-vit krung hu tamư thang Pô Lingik ƀang tapei limah thong brei ka dôm urang nao tui ong ƀang gêk, kanê tapei nan ciêt hu dôm gru mưliêng mưng bihu idin ƀang.” 27Bloh Bhô bican: “Harei Sa-ƀat bihu padak padang ka mưrôxak, mih ôh njaup mưrôxak bihu padak padang ka harei Sa-ƀat. 28Ywa nan ka, Anưk Mưnuix lijang nạn Pô harei Sa-ƀat.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.