Mag 12
12
Arkatê ka dôm urang apah bơn nho
(Ma-thi-ơ 21:33-46; Lu-ka 20:9-19)
1Pô Yê-su raup angui arkatê đôm thong khol nhu: “Hu tha urang dêh pala tha bơn nho, paga yơng tom dar, coh barahum ep nho, darap tha kurasi khik, bloh brei ka mưnuix urang apah, thong nao tapa tha nưgar pakan. 2Tuk bal mưrai, pô bơn pađar tha urang halun mưrai gōk dôm urang apah bơn nho piêh mưk tha nôk laba mưng bơn nho. 3Min khol nhu mưk halun, tong poh bloh tiaup nao tangin thoh. 4Urang pô gilaic pađar halun pakan mai, khol nhu tong tamư akok bloh padhi padhak urang nan. 5Pô bơn pađar tha halun pakan mai yơ khol nhu pamưtai. Ralô halun pakan lijang gok dok dang yau nan rei, mưnuix yơ gok tong, ra yơ gok pamưtai. 6Pô bơn ciêt dok tha urang, nan nạn anưk likei drei uranam. Taluic ong pađar anưk drei nao, êng xanưng: ‘Mưca khol nhu kađa tagrơk anưk likei drei!’ 7Min mưnok pala nho nan xin biai thong gaup: ‘Sani nạn anưk mưvarih. Mưni, xang pamưtai nhu yơ ƀang angui nhu mưca bha di khol drei.’ 8Khol nhu mưk anưk likei nan, pamưtai bloh parah tabiak lingiu bơn nho. 9Yau nan, pô bơn nho mưca ngak haget? Mưca ong nan mai thubang dôm ra pala nho nan, bloh jao bơn nho ka dôm urang pakan. 10Khol hư ô ka bhian pôic panôic Agal Nưbi ni ô:
‘Patau gok ragei darap klāk tabiak,
Krung hu gilaic jiơng patau akiêng thang;
11Sani nạn bruk Pô ngak,
Thong nan nạn gruk langka di anak mưta khol drei’?”
12Dôm kar pan akok Yo Thaic ưng dwah ganap mưk Bhô, kaywa thau Bhô angui arkatê nan đôm ka khol nhu. Min khol nhu gilaic hôic di bôl bhap birau mưng klāk Bhô bloh nao.
Pô Lingik thong Sê-sa
(Ma-thi-ơ 22:15-22; Lu-ka 20:20-26)
13Hadei di nan, khol nhu pađar dôm urang kavôm Pha-ri-si thong kavôm Hê-rôt mưrai tom gōk Pô Yê-su piêh dwah gilong mưk takai dalam panôic Bhô đôm. 14Khol nhu mai đôm thong Bhô: “Pathau Gru, khol dahlak thau Gru nạn mưnuix tapi tapak ôh kađa tagrơk thei; kaywa Gru ôh mong thei tui gah lingiu, min pato jalan ƀāk Pô Lingik ganap apthap. Yau nan, bruk hakak jiư ka Sê-sa hu njaup adat halei? Khol dahlak xang hakak ngan ôh xang hakak?” 15Thau bihu mưnuh jalan adat baniai khol nhu, Bhô đôm: “Ywa haget khol hư long Ita? Xang ba ka Ita tha boh jiên đơ-ni-ê.” 16Khol nhu ba ka Bhô tha boh jiên. Bhô tanhi: “Thek thong angan ni anưd thei?” Khol nhu thuuk: “Anưd Sê-sa.” 17Pô Yê-su bican: “Anưd Sê-sa xang biyar ka Sê-sa, thong xang biyar ka Pô Lingik biyar ka Pô Lingik dôm haget anưd Pô Lingik.” Khol nhu biak plơng kadơng ka Bhô.
Pajoh pakhen ka gruk diup vơk
(Ma-thi-ơ 22:23-33; Lu-ka 20:27-40)
18 #
Bruk 23:8. Tha thanôn mưnuix bha kavôm Sa-đu-xê, nạn dôm mưnuix đôm laic ôh hu gruk diup vơk, mưrai tanhi Bhô: 19“Pathau Gru, Mô-se krung hu ƀai brei ka khol dahlak adat ni: ‘Mưyah tha urang xaai tapa urai, klāk hadiup gilaic ôh hu anưk, yơ adei urang nan xang khing kamei bilau nan piêh pajiơng anưk hu pajeh ka xaai drei.’ 20Hu tajuh dei ai dêh, urang xaai kacwa khing kamei, bloh mưtai, ôh hu anưk. 21Urang ya dwa khing kamei bilau nan, bloh lijang mưtai, ôh hu anưk, urang ya klau lijang yau nan. 22Abih tajuh urang jang ôh hu anưk. Hadei luic, urang kamei lijang mưtai. 23Tuk diup vơk, urang kamei nan mưca nạn hadiup thei? Kaywa bih tajuh urang jang krung hu khing kanai ngak hadiup.” 24Pô Yê-su thuuk: “Hu njaup kaywa ôh dul thau Agal Nưbi thong gon xagta Pô Lingik bloh khol hư krung hu chung kaic? 25Kaywa tuk mưng lôg mưtai diup vơk, mưnuix urang ôh khing kamei lijang ôh khing likei, min mưca yau umat dok ngok thôr riga. 26Dok bruk urang mưtai bihu diup vơk, khol hư ô ka pôic kanen kadha ka rôm darôi apui ƀang dalam tapuk Mô-se ô? Kaywa habar Pô Lingik krung hu bican thong ong, ‘Ita nạn Pô Lingik Ap-ra-ham, Pô Lingik I-sag, Pô Lingik Ya-kôp?’ 27Bhô ôh njaup nạn Pô Lingik anưd ra mưtai, min anưd ra diup. Biak khol hư chung mưtrak.”
Vahi samkhan yatha
(Ma-thi-ơ 22:34-40; Lu-ka 10:25-38)
28Tha dalam dôm gru pato adat mưrai jek, pang Pô Yê-su thong mưnuix Sa-đu-xê jajek thong gaup, ƀôh Pô Yê-su lang pađao jioi, yơ tanhi Bhô: “Dalam dôm vahi, kabha halei samkhan yatha?” 29Pô Yê-su thuuk: “Vahi samkhan yatha nạn, ‘Bôl I-sra-ên, xang pangik pang, Pô, Pô Lingik khol drei nạn Pô ralai. 30Hư xang bih tian, bih thap xwan, bih mat ar, bih prưn bloh anit ranam Pô nạn Pô Lingik hư.’ 31Kabha ya dwa nạn: ‘Hư xang anit mưnuix jek taphia yau êng drei.’ Ôh hu vahi halei prong hơl dwa kabha ni.” 32Gru pato adat đôm: “Pathau Gru, biak njaup yau Gru đôm, Pô Lingik ciêt hu tha, klāk Bhô tabiak ôh hu Dê halei pakan. 33Biak rei, anit ranam Pô bih tian, bih mat ar, bih prưn thong anit mưnuix jek taphia yau êng drei, dok samkhan hơl bruk limah abih kaya ƀai cuh khiak thong dôm kaya ƀai pakan.” 34#Lu 10:25-28.Ƀôh urang nan thuuk panôic jag karag, Pô Yê-su đôm: “Hư ôh atah di Dit Biya Pô Lingik ô.” Bloh di nan ôh dok thei khin tanhi Bhô vơk.
Dê Krist thong patao Đa-vit
(Ma-thi-ơ 22:41-46; Lu-ka 20:41-44)
35Tuk krưh dok lang pato dalam huji, Pô Yê-su ba tabiak tha kanen tanhi: “Ngak habar dôm gru pato adat gilaic hu mưda đôm Dê Krist nạn anưk Đa-vit? 36Êng Đa-vit bihu Pô Nưbi Ginrơh padrut, krung hu đôm laic:
‘Pô Yê-hô-va bican thong Pô dahlak:
Xang dok gah hanuk Ita,
Ka tal tuk Ita cek dôm ra thutruh Anưk di ala takai Anưk.’
37Êng Đa-vit iêu Bhô nạn Pô, nan yơ habar Bhô nạn anưk patao Đa-vit bihu?” Tapôr bôl pangik pang Bhô tha ganap xơh xai.
Tayơt jom thong dôm gru pato adat
(Ma-thi-ơ 23:1-36; Lu-ka 20:45-47)
38Dalam tuk pato pakai, Bhô đôm: “Xang caga dôm gru pato adat, nạn dôm urang xơh cuk ao dhai nao rah, takrư bihu mưnuix urang xalam drei di libik darak ding, 39ưng dok di kik samkhan yatha dalam dôm thang nhom thong libik angan ji yatha dalam dôm vār đam payak. 40Khol nhu lôn thang dôm urang kamei bilau bloh mưngak lang kar atah nôic. Mưca khol nhu gok dan dun trak hơl.”
Gruk ƀai limah anưd tha urang kamei bilau
(Lu-ka 21:1-4)
41Pô Yê-su dok jom thong hôp limah, thong glang pachang bôl bhap tuk khol nhu buh jiên tamư hôp. 42Ralô urang mưda buh tamư biak ralô jiên. Lijang hu tha urang kamei bilau kathot mai buh tamư hôp dwa boh jiên xit, yom tha nôk pāk boh jiên Rô-ma. 43Bhô iêu dôm anưk xêh mưrai bloh đôm: “Biak jơh, Ita đôm thong khol hư, urang kamei bilau kathot ni krung hu buh jiên tamư hôp limah ralô hơl di bih urang pakan. 44Kaywa dôm urang pakan mưk jiên dalah pariak libeh piêh limah; dok urang kamei bilau ni, biak kathot riƀah min krung hu limah bih dôm haget drei hu, nạn abih dôm haget piêh rong drei diup.”
Currently Selected:
Mag 12: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Mag 12
12
Arkatê ka dôm urang apah bơn nho
(Ma-thi-ơ 21:33-46; Lu-ka 20:9-19)
1Pô Yê-su raup angui arkatê đôm thong khol nhu: “Hu tha urang dêh pala tha bơn nho, paga yơng tom dar, coh barahum ep nho, darap tha kurasi khik, bloh brei ka mưnuix urang apah, thong nao tapa tha nưgar pakan. 2Tuk bal mưrai, pô bơn pađar tha urang halun mưrai gōk dôm urang apah bơn nho piêh mưk tha nôk laba mưng bơn nho. 3Min khol nhu mưk halun, tong poh bloh tiaup nao tangin thoh. 4Urang pô gilaic pađar halun pakan mai, khol nhu tong tamư akok bloh padhi padhak urang nan. 5Pô bơn pađar tha halun pakan mai yơ khol nhu pamưtai. Ralô halun pakan lijang gok dok dang yau nan rei, mưnuix yơ gok tong, ra yơ gok pamưtai. 6Pô bơn ciêt dok tha urang, nan nạn anưk likei drei uranam. Taluic ong pađar anưk drei nao, êng xanưng: ‘Mưca khol nhu kađa tagrơk anưk likei drei!’ 7Min mưnok pala nho nan xin biai thong gaup: ‘Sani nạn anưk mưvarih. Mưni, xang pamưtai nhu yơ ƀang angui nhu mưca bha di khol drei.’ 8Khol nhu mưk anưk likei nan, pamưtai bloh parah tabiak lingiu bơn nho. 9Yau nan, pô bơn nho mưca ngak haget? Mưca ong nan mai thubang dôm ra pala nho nan, bloh jao bơn nho ka dôm urang pakan. 10Khol hư ô ka bhian pôic panôic Agal Nưbi ni ô:
‘Patau gok ragei darap klāk tabiak,
Krung hu gilaic jiơng patau akiêng thang;
11Sani nạn bruk Pô ngak,
Thong nan nạn gruk langka di anak mưta khol drei’?”
12Dôm kar pan akok Yo Thaic ưng dwah ganap mưk Bhô, kaywa thau Bhô angui arkatê nan đôm ka khol nhu. Min khol nhu gilaic hôic di bôl bhap birau mưng klāk Bhô bloh nao.
Pô Lingik thong Sê-sa
(Ma-thi-ơ 22:15-22; Lu-ka 20:20-26)
13Hadei di nan, khol nhu pađar dôm urang kavôm Pha-ri-si thong kavôm Hê-rôt mưrai tom gōk Pô Yê-su piêh dwah gilong mưk takai dalam panôic Bhô đôm. 14Khol nhu mai đôm thong Bhô: “Pathau Gru, khol dahlak thau Gru nạn mưnuix tapi tapak ôh kađa tagrơk thei; kaywa Gru ôh mong thei tui gah lingiu, min pato jalan ƀāk Pô Lingik ganap apthap. Yau nan, bruk hakak jiư ka Sê-sa hu njaup adat halei? Khol dahlak xang hakak ngan ôh xang hakak?” 15Thau bihu mưnuh jalan adat baniai khol nhu, Bhô đôm: “Ywa haget khol hư long Ita? Xang ba ka Ita tha boh jiên đơ-ni-ê.” 16Khol nhu ba ka Bhô tha boh jiên. Bhô tanhi: “Thek thong angan ni anưd thei?” Khol nhu thuuk: “Anưd Sê-sa.” 17Pô Yê-su bican: “Anưd Sê-sa xang biyar ka Sê-sa, thong xang biyar ka Pô Lingik biyar ka Pô Lingik dôm haget anưd Pô Lingik.” Khol nhu biak plơng kadơng ka Bhô.
Pajoh pakhen ka gruk diup vơk
(Ma-thi-ơ 22:23-33; Lu-ka 20:27-40)
18 #
Bruk 23:8. Tha thanôn mưnuix bha kavôm Sa-đu-xê, nạn dôm mưnuix đôm laic ôh hu gruk diup vơk, mưrai tanhi Bhô: 19“Pathau Gru, Mô-se krung hu ƀai brei ka khol dahlak adat ni: ‘Mưyah tha urang xaai tapa urai, klāk hadiup gilaic ôh hu anưk, yơ adei urang nan xang khing kamei bilau nan piêh pajiơng anưk hu pajeh ka xaai drei.’ 20Hu tajuh dei ai dêh, urang xaai kacwa khing kamei, bloh mưtai, ôh hu anưk. 21Urang ya dwa khing kamei bilau nan, bloh lijang mưtai, ôh hu anưk, urang ya klau lijang yau nan. 22Abih tajuh urang jang ôh hu anưk. Hadei luic, urang kamei lijang mưtai. 23Tuk diup vơk, urang kamei nan mưca nạn hadiup thei? Kaywa bih tajuh urang jang krung hu khing kanai ngak hadiup.” 24Pô Yê-su thuuk: “Hu njaup kaywa ôh dul thau Agal Nưbi thong gon xagta Pô Lingik bloh khol hư krung hu chung kaic? 25Kaywa tuk mưng lôg mưtai diup vơk, mưnuix urang ôh khing kamei lijang ôh khing likei, min mưca yau umat dok ngok thôr riga. 26Dok bruk urang mưtai bihu diup vơk, khol hư ô ka pôic kanen kadha ka rôm darôi apui ƀang dalam tapuk Mô-se ô? Kaywa habar Pô Lingik krung hu bican thong ong, ‘Ita nạn Pô Lingik Ap-ra-ham, Pô Lingik I-sag, Pô Lingik Ya-kôp?’ 27Bhô ôh njaup nạn Pô Lingik anưd ra mưtai, min anưd ra diup. Biak khol hư chung mưtrak.”
Vahi samkhan yatha
(Ma-thi-ơ 22:34-40; Lu-ka 10:25-38)
28Tha dalam dôm gru pato adat mưrai jek, pang Pô Yê-su thong mưnuix Sa-đu-xê jajek thong gaup, ƀôh Pô Yê-su lang pađao jioi, yơ tanhi Bhô: “Dalam dôm vahi, kabha halei samkhan yatha?” 29Pô Yê-su thuuk: “Vahi samkhan yatha nạn, ‘Bôl I-sra-ên, xang pangik pang, Pô, Pô Lingik khol drei nạn Pô ralai. 30Hư xang bih tian, bih thap xwan, bih mat ar, bih prưn bloh anit ranam Pô nạn Pô Lingik hư.’ 31Kabha ya dwa nạn: ‘Hư xang anit mưnuix jek taphia yau êng drei.’ Ôh hu vahi halei prong hơl dwa kabha ni.” 32Gru pato adat đôm: “Pathau Gru, biak njaup yau Gru đôm, Pô Lingik ciêt hu tha, klāk Bhô tabiak ôh hu Dê halei pakan. 33Biak rei, anit ranam Pô bih tian, bih mat ar, bih prưn thong anit mưnuix jek taphia yau êng drei, dok samkhan hơl bruk limah abih kaya ƀai cuh khiak thong dôm kaya ƀai pakan.” 34#Lu 10:25-28.Ƀôh urang nan thuuk panôic jag karag, Pô Yê-su đôm: “Hư ôh atah di Dit Biya Pô Lingik ô.” Bloh di nan ôh dok thei khin tanhi Bhô vơk.
Dê Krist thong patao Đa-vit
(Ma-thi-ơ 22:41-46; Lu-ka 20:41-44)
35Tuk krưh dok lang pato dalam huji, Pô Yê-su ba tabiak tha kanen tanhi: “Ngak habar dôm gru pato adat gilaic hu mưda đôm Dê Krist nạn anưk Đa-vit? 36Êng Đa-vit bihu Pô Nưbi Ginrơh padrut, krung hu đôm laic:
‘Pô Yê-hô-va bican thong Pô dahlak:
Xang dok gah hanuk Ita,
Ka tal tuk Ita cek dôm ra thutruh Anưk di ala takai Anưk.’
37Êng Đa-vit iêu Bhô nạn Pô, nan yơ habar Bhô nạn anưk patao Đa-vit bihu?” Tapôr bôl pangik pang Bhô tha ganap xơh xai.
Tayơt jom thong dôm gru pato adat
(Ma-thi-ơ 23:1-36; Lu-ka 20:45-47)
38Dalam tuk pato pakai, Bhô đôm: “Xang caga dôm gru pato adat, nạn dôm urang xơh cuk ao dhai nao rah, takrư bihu mưnuix urang xalam drei di libik darak ding, 39ưng dok di kik samkhan yatha dalam dôm thang nhom thong libik angan ji yatha dalam dôm vār đam payak. 40Khol nhu lôn thang dôm urang kamei bilau bloh mưngak lang kar atah nôic. Mưca khol nhu gok dan dun trak hơl.”
Gruk ƀai limah anưd tha urang kamei bilau
(Lu-ka 21:1-4)
41Pô Yê-su dok jom thong hôp limah, thong glang pachang bôl bhap tuk khol nhu buh jiên tamư hôp. 42Ralô urang mưda buh tamư biak ralô jiên. Lijang hu tha urang kamei bilau kathot mai buh tamư hôp dwa boh jiên xit, yom tha nôk pāk boh jiên Rô-ma. 43Bhô iêu dôm anưk xêh mưrai bloh đôm: “Biak jơh, Ita đôm thong khol hư, urang kamei bilau kathot ni krung hu buh jiên tamư hôp limah ralô hơl di bih urang pakan. 44Kaywa dôm urang pakan mưk jiên dalah pariak libeh piêh limah; dok urang kamei bilau ni, biak kathot riƀah min krung hu limah bih dôm haget drei hu, nạn abih dôm haget piêh rong drei diup.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.