Ma-thi-ơ 19
19
Rapajan Pô Yê-su tak nưgar Yu-đê thong Yê-ru-sa-lem
(19:1 – 25:46)
Masalah pakloh gaup
(Mag 10:1-12)
1Tuk pato dôm kabha ni bloh, Pô Yê-su niga nưgar Ga-li-lê, nao tal bhum nưgar Yu-đê gah dêh krong Yô-đar. 2Tapôr mưnuix biak ralô nao tui Bhô; tak nan Bhô pajru dhit rwak ka khol nhu.
3Dôm urang Pha-ri-si mưrai piêh long Bhô thong tanhi laic: “Tha urang bihu idin pakloh hadiup drei kaywa pathar pathar gađi gadha lei thoh?” 4Bhô thuuk: “Khol hư ka pôic ô? Mưng phunti Dê Xapajiơng krung hu padak padang mưnuix likei thong mưnuix kamei, 5thong bican: ‘Kaywa gađi gadha nan, urang likei mưca niga di amek amư bloh pagam thong hadiup drei; thong mưca dwa urang gilaic hajiơng tha rilo.’ 6Yau nan hadiup pathang ôh dok dwa tra, min ciêt nạn tha rilo. Yau nan, mưrôxak ôh bihu klah nưh dôm urang bloh Pô Lingik krung hu pagam!”
7 #
Mat 5:31. Khol nhu gilaic tanhi Bhô: “Mưyah yau nan, habar Mô-se gilaic tathit brei biar pakloh, bloh klāk hadiup?” 8Bhô thuuk: “Kaywa tian khol hư khang kưg, yơ Mô-se brei idin pakloh hadiup; min mưng tuk phunti ôh hu yau nan. 9#Mat 5:32; I Kô 7:10,11.Dok Ita đôm thong khol hư: Phak urang pathang halei pakloh hadiup ôh njaup kaywa hadiup payar,#19:9 ôh njaup kaywa hadiup payar: Dalam tha thanôn blah vak tangin nạn ôh kaywa gađi gadha hadiup payar thong tanrok glaic ƀang glai mưtah. bloh nao khing urang pakan yơ urang pathang nan tanrok glaic ƀang glai mưtah#19:9 tanrok glaic ƀang glai mưtah: Dalam tha thanôn blah vak tangin nạn tanrok glaic ƀang glai mưtah, dok thei khing kamei gok pakloh lijang tanrok glaic ƀang glai mưtah..” 10Dôm anưk xêh pathau laic: “Mưyah ciêt hu mưda pakloh hadiup kaywa di gađi gadha nan min, dak ôh khing kamei dok hơl.” 11Min Bhô thuuk: “Ôh njaup thei lijang hu mưda tôk bihu gruk lang pato ni ô, ciêt hu dôm urang bihu ƀai brei min. 12Kaywa hu dôm urang gok baxeh xari mưng tuk birau mưnưk; hu urang gok baxeh xari kaywa tangin mưnuix urang, thong hu urang gok baxeh xari êng drei kaywa di Dit Biya Thôr Riga. Mưnuix halei hu mưda tôk bihu gruk lang pato ni, xang tôk mưk.”
Pô Yê-su tadhau phôl ka anưk rineh
(Mag 10:13-16; Lu-ka 18:15-17)
13Tuk nan mưnuix urang ba dôm anưk rineh mưrai piêh Bhô cek tangin thong lang kar, min dôm anưk xêh xayok khol nhu. 14Pô Yê-su bican: “Xang lôi dôm anưk rineh mưrai tom Ita, jôi ghak drưh khol nhu kaywa Dit Biya Thôr Riga bha di dôm urang drơh yau dôm anưk rineh nan.” 15Bhô cek tangin di khol nhu, bloh niga truh libik nan.
Urang likei dam ginup mưda
(Mag 10:17-31; Lu-ka 18:18-30)
16Tuk nan hu tha urang mưrai tanhi Bhô: “Pathau Gru, dahlak xang ngak kabha siam halei piêh bihu gruk diup rit rai?” 17Pô Yê-su thuuk: “Habar hư tanhi Ita ka kabha siam? Ciêt hu tha Dê siam phôl min. Mưyah hư ưng tamư gruk diup, xang ngak tui dôm vahi.” 18Urang nan tanhi: “Dôm vahi halei?” Pô Yê-su thuuk: “Hư jôi pamưtai mưnuix, jôi payar, jôi klek xavah, jôi ngak kaxan lor; 19xang pôkja amek amư hư thong anit ranam mưnuix jek taphia yau êng drei.” 20Urang dam nan thuuk: “Dahlak krung hu khik abih kabha ni, dahlak hu dok u tha kabha haget lei?” 21Pô Yê-su thuuk: “Mưyah hư ưng hu tamo tamê, xang nao, pablei dôm haget drei hu thong rabha takhat ka urang kathot yơ hư mưca hu gilang banrik ngok thôr riga; bloh xang mưrai tui Ita.” 22Tuk pang panôic ni, urang dam nan rau ri klāk nao, kaywa nhu hu ralô drap ar.
23Pô Yê-su bican thong dôm anưk xêh: “Biak jơh, Ita đôm thong khol hư, urang ginup mưda tamư Dit Biya Thôr Riga nạn biak kan. 24Ita gilaic đôm thong khol hư, unta lwak tapa gilong jarum dok ƀôn hơl mưnuix ginup mưda tamư Dit Biya Pô Lingik.” 25Dôm anưk xêh pang kabha ni, bloh plơng kadơng harơh thong đôm laic: “Yau nan thei mưda bihu dong paklah?” 26Pô Yê-su mong khol nhu thong bican: “Mưrôxak ôh mưda ngak bihu kabha ni, min Pô Lingik ngak bihu abih gruk.” 27Phi-e-rơ pathau laic: “Pathau Bhô, khol dahlak krung hu klāk abih bloh tui Bhô, nan yơ khol dahlak mưca bihu haget?” 28#Mat 25:31. Lu 22:30.Pô Yê-su thuuk: “Biak jơh, Ita đôm thong khol hư, tal vagtu rim pakar xalih birau, tuk Anưk Mưnuix mưca biđang ngok thing mưnga xêh mưlang Bhô, yơ khol hư nạn dôm urang krung hu tui Ita, lijang mưca dok ngok tha pluh dwa thing mưnga, piêh bican inư tha pluh dwa mông I-sra-ên. 29Pathar pathar mưnuix halei kaywa di angan Ita bloh klāk lôi thang danok, dei ai likei, dei ai kamei, amek amư, anưk bik, hamu tanưh, urang nan mưca tôk bihu tha rituh ƀang hơl, thong bihu mưvarih gruk diup rit rai. 30#Mat 20:16; Lu 13:30.Min hu ralô urang tamưrơp mưca gilaic jiơng taluic, thong mưnuix taluic mưca gilaic jiơng tamưrơp.”
Currently Selected:
Ma-thi-ơ 19: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Ma-thi-ơ 19
19
Rapajan Pô Yê-su tak nưgar Yu-đê thong Yê-ru-sa-lem
(19:1 – 25:46)
Masalah pakloh gaup
(Mag 10:1-12)
1Tuk pato dôm kabha ni bloh, Pô Yê-su niga nưgar Ga-li-lê, nao tal bhum nưgar Yu-đê gah dêh krong Yô-đar. 2Tapôr mưnuix biak ralô nao tui Bhô; tak nan Bhô pajru dhit rwak ka khol nhu.
3Dôm urang Pha-ri-si mưrai piêh long Bhô thong tanhi laic: “Tha urang bihu idin pakloh hadiup drei kaywa pathar pathar gađi gadha lei thoh?” 4Bhô thuuk: “Khol hư ka pôic ô? Mưng phunti Dê Xapajiơng krung hu padak padang mưnuix likei thong mưnuix kamei, 5thong bican: ‘Kaywa gađi gadha nan, urang likei mưca niga di amek amư bloh pagam thong hadiup drei; thong mưca dwa urang gilaic hajiơng tha rilo.’ 6Yau nan hadiup pathang ôh dok dwa tra, min ciêt nạn tha rilo. Yau nan, mưrôxak ôh bihu klah nưh dôm urang bloh Pô Lingik krung hu pagam!”
7 #
Mat 5:31. Khol nhu gilaic tanhi Bhô: “Mưyah yau nan, habar Mô-se gilaic tathit brei biar pakloh, bloh klāk hadiup?” 8Bhô thuuk: “Kaywa tian khol hư khang kưg, yơ Mô-se brei idin pakloh hadiup; min mưng tuk phunti ôh hu yau nan. 9#Mat 5:32; I Kô 7:10,11.Dok Ita đôm thong khol hư: Phak urang pathang halei pakloh hadiup ôh njaup kaywa hadiup payar,#19:9 ôh njaup kaywa hadiup payar: Dalam tha thanôn blah vak tangin nạn ôh kaywa gađi gadha hadiup payar thong tanrok glaic ƀang glai mưtah. bloh nao khing urang pakan yơ urang pathang nan tanrok glaic ƀang glai mưtah#19:9 tanrok glaic ƀang glai mưtah: Dalam tha thanôn blah vak tangin nạn tanrok glaic ƀang glai mưtah, dok thei khing kamei gok pakloh lijang tanrok glaic ƀang glai mưtah..” 10Dôm anưk xêh pathau laic: “Mưyah ciêt hu mưda pakloh hadiup kaywa di gađi gadha nan min, dak ôh khing kamei dok hơl.” 11Min Bhô thuuk: “Ôh njaup thei lijang hu mưda tôk bihu gruk lang pato ni ô, ciêt hu dôm urang bihu ƀai brei min. 12Kaywa hu dôm urang gok baxeh xari mưng tuk birau mưnưk; hu urang gok baxeh xari kaywa tangin mưnuix urang, thong hu urang gok baxeh xari êng drei kaywa di Dit Biya Thôr Riga. Mưnuix halei hu mưda tôk bihu gruk lang pato ni, xang tôk mưk.”
Pô Yê-su tadhau phôl ka anưk rineh
(Mag 10:13-16; Lu-ka 18:15-17)
13Tuk nan mưnuix urang ba dôm anưk rineh mưrai piêh Bhô cek tangin thong lang kar, min dôm anưk xêh xayok khol nhu. 14Pô Yê-su bican: “Xang lôi dôm anưk rineh mưrai tom Ita, jôi ghak drưh khol nhu kaywa Dit Biya Thôr Riga bha di dôm urang drơh yau dôm anưk rineh nan.” 15Bhô cek tangin di khol nhu, bloh niga truh libik nan.
Urang likei dam ginup mưda
(Mag 10:17-31; Lu-ka 18:18-30)
16Tuk nan hu tha urang mưrai tanhi Bhô: “Pathau Gru, dahlak xang ngak kabha siam halei piêh bihu gruk diup rit rai?” 17Pô Yê-su thuuk: “Habar hư tanhi Ita ka kabha siam? Ciêt hu tha Dê siam phôl min. Mưyah hư ưng tamư gruk diup, xang ngak tui dôm vahi.” 18Urang nan tanhi: “Dôm vahi halei?” Pô Yê-su thuuk: “Hư jôi pamưtai mưnuix, jôi payar, jôi klek xavah, jôi ngak kaxan lor; 19xang pôkja amek amư hư thong anit ranam mưnuix jek taphia yau êng drei.” 20Urang dam nan thuuk: “Dahlak krung hu khik abih kabha ni, dahlak hu dok u tha kabha haget lei?” 21Pô Yê-su thuuk: “Mưyah hư ưng hu tamo tamê, xang nao, pablei dôm haget drei hu thong rabha takhat ka urang kathot yơ hư mưca hu gilang banrik ngok thôr riga; bloh xang mưrai tui Ita.” 22Tuk pang panôic ni, urang dam nan rau ri klāk nao, kaywa nhu hu ralô drap ar.
23Pô Yê-su bican thong dôm anưk xêh: “Biak jơh, Ita đôm thong khol hư, urang ginup mưda tamư Dit Biya Thôr Riga nạn biak kan. 24Ita gilaic đôm thong khol hư, unta lwak tapa gilong jarum dok ƀôn hơl mưnuix ginup mưda tamư Dit Biya Pô Lingik.” 25Dôm anưk xêh pang kabha ni, bloh plơng kadơng harơh thong đôm laic: “Yau nan thei mưda bihu dong paklah?” 26Pô Yê-su mong khol nhu thong bican: “Mưrôxak ôh mưda ngak bihu kabha ni, min Pô Lingik ngak bihu abih gruk.” 27Phi-e-rơ pathau laic: “Pathau Bhô, khol dahlak krung hu klāk abih bloh tui Bhô, nan yơ khol dahlak mưca bihu haget?” 28#Mat 25:31. Lu 22:30.Pô Yê-su thuuk: “Biak jơh, Ita đôm thong khol hư, tal vagtu rim pakar xalih birau, tuk Anưk Mưnuix mưca biđang ngok thing mưnga xêh mưlang Bhô, yơ khol hư nạn dôm urang krung hu tui Ita, lijang mưca dok ngok tha pluh dwa thing mưnga, piêh bican inư tha pluh dwa mông I-sra-ên. 29Pathar pathar mưnuix halei kaywa di angan Ita bloh klāk lôi thang danok, dei ai likei, dei ai kamei, amek amư, anưk bik, hamu tanưh, urang nan mưca tôk bihu tha rituh ƀang hơl, thong bihu mưvarih gruk diup rit rai. 30#Mat 20:16; Lu 13:30.Min hu ralô urang tamưrơp mưca gilaic jiơng taluic, thong mưnuix taluic mưca gilaic jiơng tamưrơp.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.