Lu-ka 10
10
Pô Yê-su pachai tajuh pluh dwa anưk xêh tabiak nao
1Hadei di nan, Pô Yê-su kamưnrat tajuh pluh dwa#10:1 tajuh pluh dwa: Dalam tha thanôn blah vak tangin nạn tajuh pluh. anưk xêh pakan thong pachai yāup yau nao dahlau di Bhô tamư abih dhan thong dôm libik bloh êng Bhô mưca nao. 2#Mat 9:37,38.Bhô bican thong khol nhu: “Bal mưnik yơ biak apho, min mưnuix ywak yơ takik. Yau nan, xang likau kanư Pô bal mưnik pađar ralô mưnuix ywak tamư bal mưnik Bhô. 3#Mat 10:16.Xang nao! Mưni, Ita pachai khol hư nao yau pabo anưk nao di krưh tapôr athau thing. 4Jôi ba kadung jiên, tabik, kalik jwak, thong jôi xalam thei rah jalan. 5Mưyah khol hư tamư thang halei, dahlau yatha xang đôm: ‘Likau kanư gruk thug siam dok thong thang ni!’ 6Mưyah thang nan hu mưnuix đang tôk thug siam yơ gruk thug siam khol hư mưca dok di urang nan; mưyah thoh yơ gruk thug siam nan mưca gilaic mai thong khol hư. 7#I Kô 9:14; I Ti 5:18.Xang dok vơk thang nan, ƀang mưnhum thong khol nhu, kaywa mưnuix ngak kong đang bihu jiên kong drei. Jôi klāk thang ni tapa thang pakan. 8Tuk khol hư tamư dhan halei bloh hu mưnuix urang rok daa khol hư, xang ƀang kaya khol nhu thai ka khol hư. 9Xang pajru dhit ka urang rwak tak nan thong đôm thong khol nhu laic: ‘Dit Biya Pô Lingik krung hu mưrai jek khol hư.’ 10#Bruk 13:51.Min tuk khol hư tamư tha dhan bloh khol nhu ôh rok daa khol hư, xang tabiak lingiu jalan thong đôm: 11#Mat 10:7-14; Mag 6:8-11; Lu 9:3-5.‘Bahkan dhul mul di dhan khol hư đam tamư takai, khol dahlak lijang tapơh hacih piêh pagan gađi thong khol hư; yau nan min, xang thau ka kabha ni: Dit Biya Pô Lingik krung hu mưrai jek khol hư pajơ.’ 12#Mat 11:24. Mat 10:15.Ita đôm thong khol hư, tal harei bican inư, dhan Sô-đôm mưca ciup tamar njôl hơl dhan nan.
Xayok dôm dhan ôh dial
(Ma-thi-ơ 11:20-24)
13Lihin din ka hư, dhan Kô-ra-xin! Lihin din ka hư, dhan Ƀêt-sai-đa! Mưyah dôm thunau crih krung hu klan krưh khol hư bloh ba klan pak dhan Ti-rơ thong dhan Si-đôn, yơ khol nhu krung hu cuk ao khan bai bong, đwa habau thong tumal mưng livik pajơ. 14Yau nan, tal harei bican inư, dhan Ti-rơ thong dhan Si-đôn mưca ciup tamar njôl hơl khol hư. 15Dok hư,
Dhan Ka-ƀê-na-um, mưca hư bihu papôk tagôk tal thôr riga habar?
Ôh, mưca hư gok paglơh trun tal tajôt xala!#10:15 tajôt xala: Dalam xap Hi-lap nạn Hades đôm ka camoh ra mưtai mưdok.
16 #
Mat 10:40; Mag 9:37; Lu 9:48; Yâ 13:20. Thei pang khol hư, ar nạn pang Ita; thei kamlah klāk khol hư nạn kamlah klāk Ita. Thei kamlah klāk Ita ar nạn kamlah klāk Dê krung hu pachai Ita.”
Dôm anưk xêh gilaic mai
17Tajuh pluh dwa#10:17 Tajuh pluh dwa: Dalam tha thanôn blah vak tangin nạn Tajuh pluh. anưk xêh bui ôn gilaic mai pathau laic: “Pô lơy, dalam angan Pô, dôm ajin xang ciup halar tui khol dahlak.” 18Pô Yê-su bican thong khol nhu: “Ita krung hu ƀôh Sa-tan mưng lingik xak trun yau cakala. 19Mưni, Ita krung hu ƀai brei ka khol hư aco gon piêh jwak jek ula, diêng thong abih xagti anưd ra thutruh ala takai. Ôh kabha haget ngak utan khol hư bihu. 20Yau nan min, jôi ôn kaywa dôm ajin halar tui khol hư, bloh xang ôn kaywa angan khol hư krung bihu vak ngok thôr riga.”
Khao Siam bihu sahadah ka mưnuix yor yau anưk rineh
(Ma-thi-ơ 11:25-27; 13:16-17)
21Tuk nan, Pô Yê-su bui ôn dalam Pô Nưbi Ginrơh bloh đôm: “Pathau Amư nạn Pô anưd thôr riga thong tanưh riya! Anưk pôk mưyom Amư kaywa Amư krung hu padaup dôm kabha ni thong mưnuix jag karag thong haluh ilimô bloh sahadah ka anưk rineh! Biak jơh, pathau Amư, kaywa kabha ni ghơh di hatai Amư. 22#Yâ 3:35. Yâ 10:15.Amư krung hu jao abih gruk ka Anưk. Klāk Amư tabiak, ôh thei thau Anưk, klāk tabiak Anưk thong mưnuix halei Anưk ưng sahadah yơ lijang ôh thei thau Amư.” 23Bloh Bhô gilaic vơk bican karei thong dôm anưk xêh: “Phôl ka mưta bihu ƀôh kabha khol hư ƀôh! 24Kaywa Ita đôm thong khol hư, hu ralô pakat hôr thong dôm patao cong ƀôh kabha khol hư ƀôh bloh ôh bihu ƀôh, cong pang kabha khol hư pang ôh bihu pang.”
Arkatê ka mưnuix Sa-ma-ri siam phôl
25 #
Mat 22:35-40; Mag 12:28-34. Tuk nan, hu tha urang gru adat dang tagôk tanhi piêh long Pô Yê-su laic: “Pathau Gru, dahlak xang ngak haget piêh bihu liêng gruk diup rit rai?” 26Bhô thuuk: “Dalam hakum jakar hu vak kabha haget? Hư pôic bloh thau yau halei?” 27Urang nan pathau: “Hư xang bih tian, bih thap xwan, bih prưn, bih mat ar bloh anit ranam Pô nạn Pô Lingik hư; thong anit ranam mưnuix jek taphia yau êng drei.” 28Pô Yê-su bican: “Hư thuuk njaup lô. Xang ngak kabha nan ka hư mưca diup.”
29Min ưng xakrưn ka drei nạn urang kahanôt, ong pathau thong Pô Yê-su: “Thei nạn mưnuix jek taphia dahlak?” 30Pô Yê-su thuuk: “Hu tha urang mưng dhan Yê-ru-sa-lem trun pak dhan Yê-ri-kô gok poh blah. Mưnok poh blah xwak abih khan ao thong tong poh bloh klāk nao, lôi urang nan mưtưh diup mưtưh mưtai. 31Kal nan, hu tha gru mưliêng pap bơp trun nao jalan nan, ƀôh urang gok rijan yơ pleh tha gah bloh nao. 32Lijang drơh yau nan, hu tha urang Lê-vi mưrai tal, ƀôh yơ nao pleh tapa gah dêh bloh nao. 33Min hu tha urang Sa-ma-ri nao jalan, mưrai jek ƀôh urang gok rijan yơ padrut tian athur alim 34binhêt patug mai, mưk mưnhưk thong alag luk tamư nưm tathram, papok vơk, bloh vơh urang gok rijan tagôk ngok athur drei thong ba nao tal thang padei piêh pathên. 35Harei hadei, ong mưk dwa đơ-ni-ê yêr ka pô thang padei bloh kakei đôm: ‘Xang pathên urang ni, mưyah karang hơl vơk, tuk gilaic mai mưca dahlak biyar vơk.’ 36Tui hư xanưng, dalam klau urang nan, thei nạn mưnuix jek taphia thong ra gok poh blah?” 37Gru adat thuuk: “Êng nạn urang krung hu sahadah tian athur alim ka urang gok rijan.” Pô Yê-su bican: “Xang nao ngak tui yau nan.”
Ma-thê thong Ma-ri
38 #
Yâ 11:1. Tuk mưthong nao jalan thong dôm anưk xêh, Pô Yê-su tamư tha palei dêh. Hu tha urang kamei angan Ma-thê rok daa Bhô tamư thang drei. 39Nai hu tha urang adei kamei angan Ma-ri dok yôk takai Pô Yê-su piêh pangik pang panôic Bhô. 40Dok Ma-thê kưk ajal thuvar thong bruk ragxa, nan yơ nai mưrai pathau thong Bhô: “Pô lơy, adei dahlak krung hu lôi ka dahlak ragxa tha drei, Pô ôh xanưng tal ô? Likau di Pô pađar nhu pajup dahlak ngan!” 41Pô thuuk: “Ma-thê, Mathê lơy, hư uh tarak thong mưbuk mưbar ka ralô kabha; 42min ciêt hu tha kabha hajat min. Ma-ri krung hu rwah nôk siam, nạn nôk mưca ôh thei mưblah di nai bihu.”
Currently Selected:
Lu-ka 10: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Lu-ka 10
10
Pô Yê-su pachai tajuh pluh dwa anưk xêh tabiak nao
1Hadei di nan, Pô Yê-su kamưnrat tajuh pluh dwa#10:1 tajuh pluh dwa: Dalam tha thanôn blah vak tangin nạn tajuh pluh. anưk xêh pakan thong pachai yāup yau nao dahlau di Bhô tamư abih dhan thong dôm libik bloh êng Bhô mưca nao. 2#Mat 9:37,38.Bhô bican thong khol nhu: “Bal mưnik yơ biak apho, min mưnuix ywak yơ takik. Yau nan, xang likau kanư Pô bal mưnik pađar ralô mưnuix ywak tamư bal mưnik Bhô. 3#Mat 10:16.Xang nao! Mưni, Ita pachai khol hư nao yau pabo anưk nao di krưh tapôr athau thing. 4Jôi ba kadung jiên, tabik, kalik jwak, thong jôi xalam thei rah jalan. 5Mưyah khol hư tamư thang halei, dahlau yatha xang đôm: ‘Likau kanư gruk thug siam dok thong thang ni!’ 6Mưyah thang nan hu mưnuix đang tôk thug siam yơ gruk thug siam khol hư mưca dok di urang nan; mưyah thoh yơ gruk thug siam nan mưca gilaic mai thong khol hư. 7#I Kô 9:14; I Ti 5:18.Xang dok vơk thang nan, ƀang mưnhum thong khol nhu, kaywa mưnuix ngak kong đang bihu jiên kong drei. Jôi klāk thang ni tapa thang pakan. 8Tuk khol hư tamư dhan halei bloh hu mưnuix urang rok daa khol hư, xang ƀang kaya khol nhu thai ka khol hư. 9Xang pajru dhit ka urang rwak tak nan thong đôm thong khol nhu laic: ‘Dit Biya Pô Lingik krung hu mưrai jek khol hư.’ 10#Bruk 13:51.Min tuk khol hư tamư tha dhan bloh khol nhu ôh rok daa khol hư, xang tabiak lingiu jalan thong đôm: 11#Mat 10:7-14; Mag 6:8-11; Lu 9:3-5.‘Bahkan dhul mul di dhan khol hư đam tamư takai, khol dahlak lijang tapơh hacih piêh pagan gađi thong khol hư; yau nan min, xang thau ka kabha ni: Dit Biya Pô Lingik krung hu mưrai jek khol hư pajơ.’ 12#Mat 11:24. Mat 10:15.Ita đôm thong khol hư, tal harei bican inư, dhan Sô-đôm mưca ciup tamar njôl hơl dhan nan.
Xayok dôm dhan ôh dial
(Ma-thi-ơ 11:20-24)
13Lihin din ka hư, dhan Kô-ra-xin! Lihin din ka hư, dhan Ƀêt-sai-đa! Mưyah dôm thunau crih krung hu klan krưh khol hư bloh ba klan pak dhan Ti-rơ thong dhan Si-đôn, yơ khol nhu krung hu cuk ao khan bai bong, đwa habau thong tumal mưng livik pajơ. 14Yau nan, tal harei bican inư, dhan Ti-rơ thong dhan Si-đôn mưca ciup tamar njôl hơl khol hư. 15Dok hư,
Dhan Ka-ƀê-na-um, mưca hư bihu papôk tagôk tal thôr riga habar?
Ôh, mưca hư gok paglơh trun tal tajôt xala!#10:15 tajôt xala: Dalam xap Hi-lap nạn Hades đôm ka camoh ra mưtai mưdok.
16 #
Mat 10:40; Mag 9:37; Lu 9:48; Yâ 13:20. Thei pang khol hư, ar nạn pang Ita; thei kamlah klāk khol hư nạn kamlah klāk Ita. Thei kamlah klāk Ita ar nạn kamlah klāk Dê krung hu pachai Ita.”
Dôm anưk xêh gilaic mai
17Tajuh pluh dwa#10:17 Tajuh pluh dwa: Dalam tha thanôn blah vak tangin nạn Tajuh pluh. anưk xêh bui ôn gilaic mai pathau laic: “Pô lơy, dalam angan Pô, dôm ajin xang ciup halar tui khol dahlak.” 18Pô Yê-su bican thong khol nhu: “Ita krung hu ƀôh Sa-tan mưng lingik xak trun yau cakala. 19Mưni, Ita krung hu ƀai brei ka khol hư aco gon piêh jwak jek ula, diêng thong abih xagti anưd ra thutruh ala takai. Ôh kabha haget ngak utan khol hư bihu. 20Yau nan min, jôi ôn kaywa dôm ajin halar tui khol hư, bloh xang ôn kaywa angan khol hư krung bihu vak ngok thôr riga.”
Khao Siam bihu sahadah ka mưnuix yor yau anưk rineh
(Ma-thi-ơ 11:25-27; 13:16-17)
21Tuk nan, Pô Yê-su bui ôn dalam Pô Nưbi Ginrơh bloh đôm: “Pathau Amư nạn Pô anưd thôr riga thong tanưh riya! Anưk pôk mưyom Amư kaywa Amư krung hu padaup dôm kabha ni thong mưnuix jag karag thong haluh ilimô bloh sahadah ka anưk rineh! Biak jơh, pathau Amư, kaywa kabha ni ghơh di hatai Amư. 22#Yâ 3:35. Yâ 10:15.Amư krung hu jao abih gruk ka Anưk. Klāk Amư tabiak, ôh thei thau Anưk, klāk tabiak Anưk thong mưnuix halei Anưk ưng sahadah yơ lijang ôh thei thau Amư.” 23Bloh Bhô gilaic vơk bican karei thong dôm anưk xêh: “Phôl ka mưta bihu ƀôh kabha khol hư ƀôh! 24Kaywa Ita đôm thong khol hư, hu ralô pakat hôr thong dôm patao cong ƀôh kabha khol hư ƀôh bloh ôh bihu ƀôh, cong pang kabha khol hư pang ôh bihu pang.”
Arkatê ka mưnuix Sa-ma-ri siam phôl
25 #
Mat 22:35-40; Mag 12:28-34. Tuk nan, hu tha urang gru adat dang tagôk tanhi piêh long Pô Yê-su laic: “Pathau Gru, dahlak xang ngak haget piêh bihu liêng gruk diup rit rai?” 26Bhô thuuk: “Dalam hakum jakar hu vak kabha haget? Hư pôic bloh thau yau halei?” 27Urang nan pathau: “Hư xang bih tian, bih thap xwan, bih prưn, bih mat ar bloh anit ranam Pô nạn Pô Lingik hư; thong anit ranam mưnuix jek taphia yau êng drei.” 28Pô Yê-su bican: “Hư thuuk njaup lô. Xang ngak kabha nan ka hư mưca diup.”
29Min ưng xakrưn ka drei nạn urang kahanôt, ong pathau thong Pô Yê-su: “Thei nạn mưnuix jek taphia dahlak?” 30Pô Yê-su thuuk: “Hu tha urang mưng dhan Yê-ru-sa-lem trun pak dhan Yê-ri-kô gok poh blah. Mưnok poh blah xwak abih khan ao thong tong poh bloh klāk nao, lôi urang nan mưtưh diup mưtưh mưtai. 31Kal nan, hu tha gru mưliêng pap bơp trun nao jalan nan, ƀôh urang gok rijan yơ pleh tha gah bloh nao. 32Lijang drơh yau nan, hu tha urang Lê-vi mưrai tal, ƀôh yơ nao pleh tapa gah dêh bloh nao. 33Min hu tha urang Sa-ma-ri nao jalan, mưrai jek ƀôh urang gok rijan yơ padrut tian athur alim 34binhêt patug mai, mưk mưnhưk thong alag luk tamư nưm tathram, papok vơk, bloh vơh urang gok rijan tagôk ngok athur drei thong ba nao tal thang padei piêh pathên. 35Harei hadei, ong mưk dwa đơ-ni-ê yêr ka pô thang padei bloh kakei đôm: ‘Xang pathên urang ni, mưyah karang hơl vơk, tuk gilaic mai mưca dahlak biyar vơk.’ 36Tui hư xanưng, dalam klau urang nan, thei nạn mưnuix jek taphia thong ra gok poh blah?” 37Gru adat thuuk: “Êng nạn urang krung hu sahadah tian athur alim ka urang gok rijan.” Pô Yê-su bican: “Xang nao ngak tui yau nan.”
Ma-thê thong Ma-ri
38 #
Yâ 11:1. Tuk mưthong nao jalan thong dôm anưk xêh, Pô Yê-su tamư tha palei dêh. Hu tha urang kamei angan Ma-thê rok daa Bhô tamư thang drei. 39Nai hu tha urang adei kamei angan Ma-ri dok yôk takai Pô Yê-su piêh pangik pang panôic Bhô. 40Dok Ma-thê kưk ajal thuvar thong bruk ragxa, nan yơ nai mưrai pathau thong Bhô: “Pô lơy, adei dahlak krung hu lôi ka dahlak ragxa tha drei, Pô ôh xanưng tal ô? Likau di Pô pađar nhu pajup dahlak ngan!” 41Pô thuuk: “Ma-thê, Mathê lơy, hư uh tarak thong mưbuk mưbar ka ralô kabha; 42min ciêt hu tha kabha hajat min. Ma-ri krung hu rwah nôk siam, nạn nôk mưca ôh thei mưblah di nai bihu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.