Yâng 18
18
Gruk pađik pađwa, gruk mưtai thong gruk diup vơk anưd Pô Yê-su
(18:1 – 21:25)
Pô Yê-su gok mưk
(Ma-thi-ơ 26:47-56; Mag 14:43-50; Lu-ka 22:47-53)
1Hadei di tuk lang kar, Pô Yê-su nao thong dôm anưk xêh tapa gah dêh croh Kêt-rôn; tak nan hu tha kavôm bơn, Bhô mưthong dôm anưk xêh nao tamư tak nan. 2Yu-đa Ic-ka-ri-ôt, ra lambil Bhô, lijang thau libik nạn kaywa Pô Yê-su thong dôm anưk xêh bhian nhom tak nan. 3Yau nan, Yu-đa ba tha vakak jabôl thubik thong kadi kadai anưd dôm gru mưliêng prong thong mưnuix Pha-ri-si mưrai nan, pan mưnhưk, plung thong akha. 4Pô Yê-su thau abih dôm bruk haget mưca mưjiơng tabiak ka drei, nan ka nao tal thong tanhi: “Khol hư dwah thei?” 5Khol nhu thuuk: “Yê-su, mưnuix Na-xa-ret.” Pô Yê-su đôm: “Êng Ita ni!” Yu-đa, ra lambil Bhô lijang dang tak nan thong khol nhu. 6Tuk Pô Yê-su đôm: “Êng Ita ni” bloh khol nhu jang kadun vơk thong jalơh trun di haluk. 7Bhô gilaic tanhi: “Khol hư dwah thei?” Khol nhu thuuk: “Yê-su, mưnuix Na-xa-ret.” 8Pô Yê-su đôm: “Ita krung hu đôm thong khol hư, êng Ita ni. Yau nan, mưyah khol hư dwah mưk Ita yơ xang lôi ka dôm urang ni nao.” 9Kabha ni thit panôic Bhô krung hu đôm: “Anưk ôh lôi lihik tha urang halei dalam dôm urang Amư bihu ƀai brei ka Anưk.” 10Si-môn Phi-e-rơ hu tha ƀek padak, binhêt thwak tabiak, tong halun gru mưliêng glong yatha, tacoh kleh tangi hanuk nhu. Halun nạn angan Man-cu. 11#Mat 26:39; Mag 14:36; Lu 22:42.Pô Yê-su pađar Phi-e-rơ: “Xang cuk padak hư tamư harum! Panhin bloh Amư krung hu ƀai brei ka Ita, Ita gilaic ôh mưnhum ô?”
Pô Yê-su di anak An-ne – Phi-e-rơ kamlah Pô
(Ma-thi-ơ 26:59-75; Mag 14:55-72; Lu-ka 22:55-71)
12Tuk nan, bôl bala thong kar pan akok thong dôm kadi kadai mưnuix Yo Thaic mưk Pô Yê-su thong girak vơk. 13Dahlau yatha, khol nhu ba Bhô tal An-nat, kaywa ong nan thuma Kai-phe, urang dok ngak gru mưliêng glong yatha dalam thun nan. 14#Yâ 11:49,50.Êng Kai-phe nạn urang krung hu biai thong dôm urang Yo Thaic laic: “Dak lôi tha urang mưtai kaywa abih bôl yơ siam hơl.”
Phi-e-rơ kamlah Pô Yê-su
(Ma-thi-ơ 26:69-70; Mag 14:66-68; Lu-ka 22:55-57)
15Si-môn Phi-e-rơ thong tha anưk xêh pakan nao tui Pô Yê-su. Anưk xêh ni krưn bưn gru mưliêng glong yatha, nan ka tamư thong Pô Yê-su dalam ƀlang thang gru mưliêng glong yatha. 16Dok Phi-e-rơ dang pak lingiu jek baƀang. Yau nan, anưk xêh dêh, nạn urang krưn bưn gru mưliêng glong yatha, tabiak nao đôm thong urang kamei khik baƀang, bloh ba Phi-e-rơ tamư. 17Urang kamei khik baƀang đôm thong Phi-e-rơ: “Ôh njaup ong lijang nạn tha dalam dôm anưk xêh urang dêh ô?” Phi-e-rơ thuuk: “Ôh njaup dahlak.” 18Kaywa lingik lian nan ka dôm halun thong dôm kadi kadai mưk hadang buh apui, bloh dang paghang. Phi-e-rơ lijang dang paghang thong khol nhu.
Gru mưliêng glong yatha athul tanhi Pô Yê-su
(Ma-thi-ơ 26:59-66; Mag 14:55-64; Lu-ka 22:66-71)
19Gru mưliêng glong yatha tanhi Pô Yê-su ka dôm anưk xêh thong bruk Bhô pato pakai. 20Pô Yê-su thuuk: “Ita krung hu đôm pajip ka dunya. Ita thapkal pato dalam dôm thang nhom thong huji, libik abih mưnuix Yo Thaic nhom gaup, mih Ita ôh đôm kabha haget dađaup kavơk ô. 21Habar hư pajoh pakhen Ita? Kưk tanhi dôm urang krung hu pang Ita iơk Ita krung hu đôm haget thong khol nhu. Dôm urang nan thau dôm kabha Ita krung hu đôm.” 22Tuk Bhô birau đôm bloh, tha ra dalam kavôm kadi kadai dok dang tak nan mưk tangin apah di ƀok Bhô thong đôm: “Hư khin thuuk thong gru mưliêng glong yatha yau nan habar?” 23Pô Yê-su thuuk: “Mưyah Ita đôm xwel, xang pato tabiak libik xwel mek; dok mưyah Ita đôm njaup, habar hư gilaic pah Ita?” 24An-nat pađar ba Pô Yê-su jang gok girak mưrai tom gru mưliêng glong yatha Kai-phe.
Phi-e-rơ kamlah Pô Yê-su vơk
(Ma-thi-ơ 26:71-75; Mag 14:69-72; Lu-ka 22:58-62)
25Tuk Si-môn Phi-e-rơ krưh dok paghang apui, khol nhu tanhi ong: “Xaai lijang nạn tha dalam thanôn dôm anưk xêh ong nạn njaup halei?” Phi-e-rơ kamlah thong thuuk: “Ôh njaup dahlak.” 26Tha urang dalam dôm halun anưd gru mưliêng glong yatha, hu gaup gan thong urang krung hu gok Phi-e-rơ tacoh kleh tangi đôm: “Ôh njaup êng dahlak krung hu ƀôh xaai dok dalam bơn thong ong nan ô?” 27Phi-e-rơ gilaic kamlah tha ƀang tra, yơ mưnuk kanjot.
Pô Yê-su di anak Phi-lat
(Ma-thi-ơ 27:1-2, 11-14; Mag 15:1-5; Lu-ka 23:1-5)
28Khol nhu ba Pô Yê-su mưng thang Kai-phe mưrai mưdhir kwan pakrang nưgar. Tuk nan vār gôk pagê. Êng khol nhu ôh tamư dalam mưdhir, piêh klah di haruk haram, thong bihu ƀang Rija Gan Tapa. 29Ywa nan ka, Phi-lat tabiak nao, mưrai tom khol nhu thong đôm: “Khol hư palek palam urang ni ka bruk haget?” 30Khol nhu thuuk: “Mưyah ong ni ôh njaup mưnuix ngak ag, khol dahlak ôh jao ka kwan.” 31Phi-lat đôm thong khol nhu: “Khol hư kưk ba ong nan nao bloh bican inư tui adat khol hư.” Mưnuix Yo Thaic pathau: “Khol dahlak ôh bihu idin binax pathar pathar urang halei.” 32#Yâ 3:14; Yâ 12:32.Kabha ni thit panôic Pô Yê-su krung hu đôm tal bruk Bhô xang mưtai ganap halei. 33Phi-lat gilaic tamư mưdhir kwan pakrang, pachai ba Pô Yê-su mưrai thong tanhi Bhô: “Hư hu njaup nạn patao bôl Yo Thaic halei?” 34Pô Yê-su thuuk: “Hư đôm kabha ni nạn êng gimnit hư, ngan krung hu thei đôm thong hư ka Ita?” 35Phi-lat thuuk: “Ita ôh njaup nạn mưnuix Yo Thaic ô? Êng paran hư thong dôm gru mưliêng prong krung hu ba jao hakak hư ka ita. Yau nan hư krung hu ngak haget?” 36Pô Yê-su thuuk: “Dit biya Ita ôh bha di dunya ni. Mưyah dit biya Ita bha di dunya ni yơ dôm urang tui Ita krung hu mưthuh, ôh lôi ka Ita gok jao tamư tangin dôm urang Yo Thaic. Min dit biya Ita ôh bha di dunya ni.” 37Phi-lat đôm: “Yau nan hư nạn patao habar?” Pô Yê-su thuuk: “Êng hư đôm Ita nạn patao. Kaywa gađi gadha nan Ita krung hu mưnưk tabiak, thong ywa gađi gadha nan Ita krung hu mưrai dunya piêh ngak kaxan ka tantu. Thei bha di tantu jang hamit xap Ita.” 38Phi-lat tanhi: “Tantu nạn haget?”
Pô Yê-su gok padok an binax
(Ma-thi-ơ 27:15-31; Mag 15:6-20; Lu-ka 23:13-25)
Hadei di tuk krung hu đôm yau nan, Phi-lat gilaic tabiak nao gōk bôl Yo Thaic thong đôm: “Ita ôh dwah ƀôh urang ni hu glaic haget trah. 39Min tui adat caƀat khol hư, kưk tal Rija Gan Tapa yơ ita palao ka khol hư tha radanuh. Yau nan, khol hư hu ưng ita palao patao bôl Yo Thaic ka khol hư halei?” 40Khol nhu gilaic prêu prong xap: “Jôi palao nhu, xang palao Ƀa-ra-ƀa!” Ƀa-ra-ƀa takrung nạn tha ban poh blah.
Currently Selected:
Yâng 18: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Yâng 18
18
Gruk pađik pađwa, gruk mưtai thong gruk diup vơk anưd Pô Yê-su
(18:1 – 21:25)
Pô Yê-su gok mưk
(Ma-thi-ơ 26:47-56; Mag 14:43-50; Lu-ka 22:47-53)
1Hadei di tuk lang kar, Pô Yê-su nao thong dôm anưk xêh tapa gah dêh croh Kêt-rôn; tak nan hu tha kavôm bơn, Bhô mưthong dôm anưk xêh nao tamư tak nan. 2Yu-đa Ic-ka-ri-ôt, ra lambil Bhô, lijang thau libik nạn kaywa Pô Yê-su thong dôm anưk xêh bhian nhom tak nan. 3Yau nan, Yu-đa ba tha vakak jabôl thubik thong kadi kadai anưd dôm gru mưliêng prong thong mưnuix Pha-ri-si mưrai nan, pan mưnhưk, plung thong akha. 4Pô Yê-su thau abih dôm bruk haget mưca mưjiơng tabiak ka drei, nan ka nao tal thong tanhi: “Khol hư dwah thei?” 5Khol nhu thuuk: “Yê-su, mưnuix Na-xa-ret.” Pô Yê-su đôm: “Êng Ita ni!” Yu-đa, ra lambil Bhô lijang dang tak nan thong khol nhu. 6Tuk Pô Yê-su đôm: “Êng Ita ni” bloh khol nhu jang kadun vơk thong jalơh trun di haluk. 7Bhô gilaic tanhi: “Khol hư dwah thei?” Khol nhu thuuk: “Yê-su, mưnuix Na-xa-ret.” 8Pô Yê-su đôm: “Ita krung hu đôm thong khol hư, êng Ita ni. Yau nan, mưyah khol hư dwah mưk Ita yơ xang lôi ka dôm urang ni nao.” 9Kabha ni thit panôic Bhô krung hu đôm: “Anưk ôh lôi lihik tha urang halei dalam dôm urang Amư bihu ƀai brei ka Anưk.” 10Si-môn Phi-e-rơ hu tha ƀek padak, binhêt thwak tabiak, tong halun gru mưliêng glong yatha, tacoh kleh tangi hanuk nhu. Halun nạn angan Man-cu. 11#Mat 26:39; Mag 14:36; Lu 22:42.Pô Yê-su pađar Phi-e-rơ: “Xang cuk padak hư tamư harum! Panhin bloh Amư krung hu ƀai brei ka Ita, Ita gilaic ôh mưnhum ô?”
Pô Yê-su di anak An-ne – Phi-e-rơ kamlah Pô
(Ma-thi-ơ 26:59-75; Mag 14:55-72; Lu-ka 22:55-71)
12Tuk nan, bôl bala thong kar pan akok thong dôm kadi kadai mưnuix Yo Thaic mưk Pô Yê-su thong girak vơk. 13Dahlau yatha, khol nhu ba Bhô tal An-nat, kaywa ong nan thuma Kai-phe, urang dok ngak gru mưliêng glong yatha dalam thun nan. 14#Yâ 11:49,50.Êng Kai-phe nạn urang krung hu biai thong dôm urang Yo Thaic laic: “Dak lôi tha urang mưtai kaywa abih bôl yơ siam hơl.”
Phi-e-rơ kamlah Pô Yê-su
(Ma-thi-ơ 26:69-70; Mag 14:66-68; Lu-ka 22:55-57)
15Si-môn Phi-e-rơ thong tha anưk xêh pakan nao tui Pô Yê-su. Anưk xêh ni krưn bưn gru mưliêng glong yatha, nan ka tamư thong Pô Yê-su dalam ƀlang thang gru mưliêng glong yatha. 16Dok Phi-e-rơ dang pak lingiu jek baƀang. Yau nan, anưk xêh dêh, nạn urang krưn bưn gru mưliêng glong yatha, tabiak nao đôm thong urang kamei khik baƀang, bloh ba Phi-e-rơ tamư. 17Urang kamei khik baƀang đôm thong Phi-e-rơ: “Ôh njaup ong lijang nạn tha dalam dôm anưk xêh urang dêh ô?” Phi-e-rơ thuuk: “Ôh njaup dahlak.” 18Kaywa lingik lian nan ka dôm halun thong dôm kadi kadai mưk hadang buh apui, bloh dang paghang. Phi-e-rơ lijang dang paghang thong khol nhu.
Gru mưliêng glong yatha athul tanhi Pô Yê-su
(Ma-thi-ơ 26:59-66; Mag 14:55-64; Lu-ka 22:66-71)
19Gru mưliêng glong yatha tanhi Pô Yê-su ka dôm anưk xêh thong bruk Bhô pato pakai. 20Pô Yê-su thuuk: “Ita krung hu đôm pajip ka dunya. Ita thapkal pato dalam dôm thang nhom thong huji, libik abih mưnuix Yo Thaic nhom gaup, mih Ita ôh đôm kabha haget dađaup kavơk ô. 21Habar hư pajoh pakhen Ita? Kưk tanhi dôm urang krung hu pang Ita iơk Ita krung hu đôm haget thong khol nhu. Dôm urang nan thau dôm kabha Ita krung hu đôm.” 22Tuk Bhô birau đôm bloh, tha ra dalam kavôm kadi kadai dok dang tak nan mưk tangin apah di ƀok Bhô thong đôm: “Hư khin thuuk thong gru mưliêng glong yatha yau nan habar?” 23Pô Yê-su thuuk: “Mưyah Ita đôm xwel, xang pato tabiak libik xwel mek; dok mưyah Ita đôm njaup, habar hư gilaic pah Ita?” 24An-nat pađar ba Pô Yê-su jang gok girak mưrai tom gru mưliêng glong yatha Kai-phe.
Phi-e-rơ kamlah Pô Yê-su vơk
(Ma-thi-ơ 26:71-75; Mag 14:69-72; Lu-ka 22:58-62)
25Tuk Si-môn Phi-e-rơ krưh dok paghang apui, khol nhu tanhi ong: “Xaai lijang nạn tha dalam thanôn dôm anưk xêh ong nạn njaup halei?” Phi-e-rơ kamlah thong thuuk: “Ôh njaup dahlak.” 26Tha urang dalam dôm halun anưd gru mưliêng glong yatha, hu gaup gan thong urang krung hu gok Phi-e-rơ tacoh kleh tangi đôm: “Ôh njaup êng dahlak krung hu ƀôh xaai dok dalam bơn thong ong nan ô?” 27Phi-e-rơ gilaic kamlah tha ƀang tra, yơ mưnuk kanjot.
Pô Yê-su di anak Phi-lat
(Ma-thi-ơ 27:1-2, 11-14; Mag 15:1-5; Lu-ka 23:1-5)
28Khol nhu ba Pô Yê-su mưng thang Kai-phe mưrai mưdhir kwan pakrang nưgar. Tuk nan vār gôk pagê. Êng khol nhu ôh tamư dalam mưdhir, piêh klah di haruk haram, thong bihu ƀang Rija Gan Tapa. 29Ywa nan ka, Phi-lat tabiak nao, mưrai tom khol nhu thong đôm: “Khol hư palek palam urang ni ka bruk haget?” 30Khol nhu thuuk: “Mưyah ong ni ôh njaup mưnuix ngak ag, khol dahlak ôh jao ka kwan.” 31Phi-lat đôm thong khol nhu: “Khol hư kưk ba ong nan nao bloh bican inư tui adat khol hư.” Mưnuix Yo Thaic pathau: “Khol dahlak ôh bihu idin binax pathar pathar urang halei.” 32#Yâ 3:14; Yâ 12:32.Kabha ni thit panôic Pô Yê-su krung hu đôm tal bruk Bhô xang mưtai ganap halei. 33Phi-lat gilaic tamư mưdhir kwan pakrang, pachai ba Pô Yê-su mưrai thong tanhi Bhô: “Hư hu njaup nạn patao bôl Yo Thaic halei?” 34Pô Yê-su thuuk: “Hư đôm kabha ni nạn êng gimnit hư, ngan krung hu thei đôm thong hư ka Ita?” 35Phi-lat thuuk: “Ita ôh njaup nạn mưnuix Yo Thaic ô? Êng paran hư thong dôm gru mưliêng prong krung hu ba jao hakak hư ka ita. Yau nan hư krung hu ngak haget?” 36Pô Yê-su thuuk: “Dit biya Ita ôh bha di dunya ni. Mưyah dit biya Ita bha di dunya ni yơ dôm urang tui Ita krung hu mưthuh, ôh lôi ka Ita gok jao tamư tangin dôm urang Yo Thaic. Min dit biya Ita ôh bha di dunya ni.” 37Phi-lat đôm: “Yau nan hư nạn patao habar?” Pô Yê-su thuuk: “Êng hư đôm Ita nạn patao. Kaywa gađi gadha nan Ita krung hu mưnưk tabiak, thong ywa gađi gadha nan Ita krung hu mưrai dunya piêh ngak kaxan ka tantu. Thei bha di tantu jang hamit xap Ita.” 38Phi-lat tanhi: “Tantu nạn haget?”
Pô Yê-su gok padok an binax
(Ma-thi-ơ 27:15-31; Mag 15:6-20; Lu-ka 23:13-25)
Hadei di tuk krung hu đôm yau nan, Phi-lat gilaic tabiak nao gōk bôl Yo Thaic thong đôm: “Ita ôh dwah ƀôh urang ni hu glaic haget trah. 39Min tui adat caƀat khol hư, kưk tal Rija Gan Tapa yơ ita palao ka khol hư tha radanuh. Yau nan, khol hư hu ưng ita palao patao bôl Yo Thaic ka khol hư halei?” 40Khol nhu gilaic prêu prong xap: “Jôi palao nhu, xang palao Ƀa-ra-ƀa!” Ƀa-ra-ƀa takrung nạn tha ban poh blah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.