Dôm Bruk Ngak 4
4
Phi-e-rơ thong Yâng di anak Ginum Biai Mưdhir An
1Dalam tuk Phi-e-rơ thong Yâng krưh đôm thong bôl bhap yơ dôm gru mưliêng,#4:1 dôm gru mưliêng: Dalam tha thanôn blah vak tangin nạn dôm gru mưliêng prong. kar mong iơk huji, thong dôm urang Sa-đu-xê katung gaup mưrai. 2Khol nhu cao ci kaywa dwa ong pato pakai bôl bhap thong pablo laic dalam Pô Yê-su hu gruk diup vơk mưng lôg mưtai. 3Khol nhu mưk dwa ong jam tamư thang danuh ka tal harei hadei, kaywa tuk nan lingik krung hu xup. 4Yau nan min, hu ralô urang dalam thanôn khol nhu krung hu pang panôic Pô nan yơ dial, thong thanôn mưnuix likei dial Pô nôic limư ribau.
5Harei hadei, dôm kar pan akok, dôm ginôr taha, dôm gru pato adat nhom tak Yê-ru-sa-lem, 6thubik thong An-nat nạn gru mưliêng glong yatha, Kai-phe, Yâng, A-leg-xan-đơ thong abih urang bha di mưnga vôm gru mưliêng glong yatha. 7Khol nhu mưk dwa ong mưrai dang krưh khol nhu thong athul tanhi: “Nhơ gon xagta halei ngan nưmax angan thei bloh dôm xaai ngak kabha ni?” 8Kal nan Phi-e-rơ, bihu bak lamak Pô Nưbi Ginrơh đôm laic: “Pathau dôm kar pan akok thong ginôr taha! 9Mưyah harei ni khol dahlak gok athul tanhi kaywa krung hu ngak phôl ka tha urang jar jok, thong mưng ganap halei urang ni bihu pajru dhit, 10yơ likau abih rakaya thong abih bôl I-sra-ên xang thau laic nhơ di angan Pô Yê-su Krist mưnuix Na-xa-ret, Dê bloh rakaya krung hu pang đin ngok gai gan gak, thong Pô Lingik krung hu ngak ka diup vơk mưng lôg mưtai; êng nhơ di angan nan bloh urang ni bihu khang kadang, thong krưh dang di anak rakaya.
11Bhô nạn patau prong gok dôm ong nạn dôm ragei darap klāk tabiak,
Min gilaic jiơng patau akiêng thang.
12Ôh hu gruk dong paklah dalam dê halei pakan, kaywa pak ala lingik ôh hu angan halei pakan ƀai brei ka mưrôxak, piêh khol drei nhơ di nan bloh bihu dong.”
13Tuk ƀôh gruk khang hatai anưd Phi-e-rơ thong Yâng, thau pajip dwa ong nạn mưnuix gahêh bhian, baic takik, yơ khol nhu jang plơng kadơng thong krưn hu laic dwa ong krung hu bhian dok thong Pô Yê-su. 14Min kaywa ƀôh urang joh bihu pajru dhit dang taphia dwa ong, nan ka khol nhu ôh hu panôic haget piêh paraduh hu. 15Hadei di tuk pađar dwa ong niga truh di khol nhu, Ginum biai xin biai thong gaup 16laic: “Khol drei xang ngak haget thong hadôm urang ni? Kaywa abih drei dok tak Yê-ru-sa-lem jang thau, khol nhu biak krung hu ngak tha thunau crih tadoh roh thong khol drei ôh mưda kamlah cah bihu. 17Yau nan min, piêh bruk nan ôh ƀeg tabiak dalam bôl bhap paƀlwak tra, khol drei xang patayơt khol nhu ôh bihu mưk angan nan lang pato ka pathar pathar urang halei tra.” 18Yau nan, khol nhu iêu dwa ong tamư bloh pakaup nưmax angan Pô Yê-su bloh đôm ngan pato vơk. 19Min Phi-e-rơ thong Yâng thuuk: “Likau dôm ong xang êng xanưng iơk, di anak Pô Lingik hu njaup pang panôic dôm ong hơl di pang tui Pô Lingik lei? 20Kaywa khol dahlak ôh mưda ô đôm ka dôm kabha drei krung hu ƀôh thong hamit.” 21Hadei di tuk kakal gham tam, khol nhu palao dwa ong tabiak, ôh dwah bihu ganap halei piêh dan dun dwa ong kaywa hôic di bôl bhap, kaywa abih jang tahamid Pô Lingik ka bruk krung hu mưjiơng tabiak. 22Urang likei krung bihu thunau crih pajru dhit nan, krung hu hơl di pāk pluh thun.
23Hadei di tuk bihu palao tabiak, dwa ong mưrai tom dei ai drei, thong lak vơk abih kabha dôm gru mưliêng prong thong dôm ginôr taha krung hu đôm. 24Pang bloh, khol nhu tha hatai prong xap lang kar thong Pô Lingik laic: “Pô lơy, nạn Dê padak padang lingik, tanưh tathik, mưthong rim pakar dalam nan. 25Êng Bhô nhơ di Pô Nưbi Ginrơh krung hu bican tapa pabah muk kei Đa-vit khol dahlak, nạn halun Bhô, laic:
‘Kaywa habar dôm mưnuix Bôl-Lingiu dangih mưkek,
Thong kaywa habar ralô bôl padang anngak ôh hu hanim?
26Dôm patao ngok dunya brôk tagôk,
Dôm kwan pakrang nhom gaup,
Pagan gađi di Pô thong Dê bihu luk mưnhưk anưd Bhô.’
27 #
Lu 23:7-11.
Mat 27:1,2; Mag 15:1; Lu 23:1; Yâ 18:28,29. Biak rei, Hê-rôt thong Pôn-xơ Phi-lat thubik thong dôm mưnuix Bôl-Lingiu thong bôl I-sra-ên krung hu nhom gaup tak dhan ni piêh mưradhag vơk di Halun nưbi Bhô nạn Pô Yê-su, Dê krung bihu Bhô luk mưnhưk 28piêh ngak abih bruk tangin Bhô thong jamal Bhô krung hu jarô dahlau. 29Urak ni, likau di Pô pachang iơk panôic gham tam anưd khol nhu thong brei ka dôm halun Bhô khang hatai rao lang panôic Bhô. 30Likau yêr tangin Bhô tabiak piêh pajru dhit thong ngak dôm thunau ginrơh, nưm crih tapa angan Halun nưbi Bhô nạn Pô Yê-su.” 31Tuk lang kar bloh yơ libik nhom gaup tayun mưgei, abih drei jang bihu bak lamak Pô Nưbi Ginrơh, lang panôic Pô Lingik tha ganap khang hatai.
Tian anit ranam anưd dôm mưnuix dial Pô tamưrơp
32 #
Bruk 2:44,45. Kal nan, abih buk kram mưnuix dial Pô jang tha hatai ginum gimnit, ôh thei mong ƀang angui drei nạn anưd karei min hakê rim pakar drei nạn anưd harung. 33Dôm Xêh Pachai mưk gon xagta biak prong bloh ngak kaxan ka gruk Pô Yê-su diup vơk, thong Bhô tuh karun hanim prong pabha ngok abih drei. 34Ywa nan ka, ôh thei dalam dôm mưnuix dial Pô hal val, kaywa dôm urang hu hamu tanưh ngan thang danok jang pablei, ba jiên pablei bihu 35cek pak ala takai Xêh Pachai; bloh jiên nan bihu rabha takhat patui hanư jat ka yāup urang. 36Yô-sep, bha môn Lê-vi, dok pak palei Sip, hu dôm Xêh Pachai patah angan Ƀa-na-ƀa, ar nạn anưk likei gruk pajiông. 37Ong pablei alok hamu drei bloh ba jiên cek di takai dôm Xêh Pachai.
Currently Selected:
Dôm Bruk Ngak 4: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Dôm Bruk Ngak 4
4
Phi-e-rơ thong Yâng di anak Ginum Biai Mưdhir An
1Dalam tuk Phi-e-rơ thong Yâng krưh đôm thong bôl bhap yơ dôm gru mưliêng,#4:1 dôm gru mưliêng: Dalam tha thanôn blah vak tangin nạn dôm gru mưliêng prong. kar mong iơk huji, thong dôm urang Sa-đu-xê katung gaup mưrai. 2Khol nhu cao ci kaywa dwa ong pato pakai bôl bhap thong pablo laic dalam Pô Yê-su hu gruk diup vơk mưng lôg mưtai. 3Khol nhu mưk dwa ong jam tamư thang danuh ka tal harei hadei, kaywa tuk nan lingik krung hu xup. 4Yau nan min, hu ralô urang dalam thanôn khol nhu krung hu pang panôic Pô nan yơ dial, thong thanôn mưnuix likei dial Pô nôic limư ribau.
5Harei hadei, dôm kar pan akok, dôm ginôr taha, dôm gru pato adat nhom tak Yê-ru-sa-lem, 6thubik thong An-nat nạn gru mưliêng glong yatha, Kai-phe, Yâng, A-leg-xan-đơ thong abih urang bha di mưnga vôm gru mưliêng glong yatha. 7Khol nhu mưk dwa ong mưrai dang krưh khol nhu thong athul tanhi: “Nhơ gon xagta halei ngan nưmax angan thei bloh dôm xaai ngak kabha ni?” 8Kal nan Phi-e-rơ, bihu bak lamak Pô Nưbi Ginrơh đôm laic: “Pathau dôm kar pan akok thong ginôr taha! 9Mưyah harei ni khol dahlak gok athul tanhi kaywa krung hu ngak phôl ka tha urang jar jok, thong mưng ganap halei urang ni bihu pajru dhit, 10yơ likau abih rakaya thong abih bôl I-sra-ên xang thau laic nhơ di angan Pô Yê-su Krist mưnuix Na-xa-ret, Dê bloh rakaya krung hu pang đin ngok gai gan gak, thong Pô Lingik krung hu ngak ka diup vơk mưng lôg mưtai; êng nhơ di angan nan bloh urang ni bihu khang kadang, thong krưh dang di anak rakaya.
11Bhô nạn patau prong gok dôm ong nạn dôm ragei darap klāk tabiak,
Min gilaic jiơng patau akiêng thang.
12Ôh hu gruk dong paklah dalam dê halei pakan, kaywa pak ala lingik ôh hu angan halei pakan ƀai brei ka mưrôxak, piêh khol drei nhơ di nan bloh bihu dong.”
13Tuk ƀôh gruk khang hatai anưd Phi-e-rơ thong Yâng, thau pajip dwa ong nạn mưnuix gahêh bhian, baic takik, yơ khol nhu jang plơng kadơng thong krưn hu laic dwa ong krung hu bhian dok thong Pô Yê-su. 14Min kaywa ƀôh urang joh bihu pajru dhit dang taphia dwa ong, nan ka khol nhu ôh hu panôic haget piêh paraduh hu. 15Hadei di tuk pađar dwa ong niga truh di khol nhu, Ginum biai xin biai thong gaup 16laic: “Khol drei xang ngak haget thong hadôm urang ni? Kaywa abih drei dok tak Yê-ru-sa-lem jang thau, khol nhu biak krung hu ngak tha thunau crih tadoh roh thong khol drei ôh mưda kamlah cah bihu. 17Yau nan min, piêh bruk nan ôh ƀeg tabiak dalam bôl bhap paƀlwak tra, khol drei xang patayơt khol nhu ôh bihu mưk angan nan lang pato ka pathar pathar urang halei tra.” 18Yau nan, khol nhu iêu dwa ong tamư bloh pakaup nưmax angan Pô Yê-su bloh đôm ngan pato vơk. 19Min Phi-e-rơ thong Yâng thuuk: “Likau dôm ong xang êng xanưng iơk, di anak Pô Lingik hu njaup pang panôic dôm ong hơl di pang tui Pô Lingik lei? 20Kaywa khol dahlak ôh mưda ô đôm ka dôm kabha drei krung hu ƀôh thong hamit.” 21Hadei di tuk kakal gham tam, khol nhu palao dwa ong tabiak, ôh dwah bihu ganap halei piêh dan dun dwa ong kaywa hôic di bôl bhap, kaywa abih jang tahamid Pô Lingik ka bruk krung hu mưjiơng tabiak. 22Urang likei krung bihu thunau crih pajru dhit nan, krung hu hơl di pāk pluh thun.
23Hadei di tuk bihu palao tabiak, dwa ong mưrai tom dei ai drei, thong lak vơk abih kabha dôm gru mưliêng prong thong dôm ginôr taha krung hu đôm. 24Pang bloh, khol nhu tha hatai prong xap lang kar thong Pô Lingik laic: “Pô lơy, nạn Dê padak padang lingik, tanưh tathik, mưthong rim pakar dalam nan. 25Êng Bhô nhơ di Pô Nưbi Ginrơh krung hu bican tapa pabah muk kei Đa-vit khol dahlak, nạn halun Bhô, laic:
‘Kaywa habar dôm mưnuix Bôl-Lingiu dangih mưkek,
Thong kaywa habar ralô bôl padang anngak ôh hu hanim?
26Dôm patao ngok dunya brôk tagôk,
Dôm kwan pakrang nhom gaup,
Pagan gađi di Pô thong Dê bihu luk mưnhưk anưd Bhô.’
27 #
Lu 23:7-11.
Mat 27:1,2; Mag 15:1; Lu 23:1; Yâ 18:28,29. Biak rei, Hê-rôt thong Pôn-xơ Phi-lat thubik thong dôm mưnuix Bôl-Lingiu thong bôl I-sra-ên krung hu nhom gaup tak dhan ni piêh mưradhag vơk di Halun nưbi Bhô nạn Pô Yê-su, Dê krung bihu Bhô luk mưnhưk 28piêh ngak abih bruk tangin Bhô thong jamal Bhô krung hu jarô dahlau. 29Urak ni, likau di Pô pachang iơk panôic gham tam anưd khol nhu thong brei ka dôm halun Bhô khang hatai rao lang panôic Bhô. 30Likau yêr tangin Bhô tabiak piêh pajru dhit thong ngak dôm thunau ginrơh, nưm crih tapa angan Halun nưbi Bhô nạn Pô Yê-su.” 31Tuk lang kar bloh yơ libik nhom gaup tayun mưgei, abih drei jang bihu bak lamak Pô Nưbi Ginrơh, lang panôic Pô Lingik tha ganap khang hatai.
Tian anit ranam anưd dôm mưnuix dial Pô tamưrơp
32 #
Bruk 2:44,45. Kal nan, abih buk kram mưnuix dial Pô jang tha hatai ginum gimnit, ôh thei mong ƀang angui drei nạn anưd karei min hakê rim pakar drei nạn anưd harung. 33Dôm Xêh Pachai mưk gon xagta biak prong bloh ngak kaxan ka gruk Pô Yê-su diup vơk, thong Bhô tuh karun hanim prong pabha ngok abih drei. 34Ywa nan ka, ôh thei dalam dôm mưnuix dial Pô hal val, kaywa dôm urang hu hamu tanưh ngan thang danok jang pablei, ba jiên pablei bihu 35cek pak ala takai Xêh Pachai; bloh jiên nan bihu rabha takhat patui hanư jat ka yāup urang. 36Yô-sep, bha môn Lê-vi, dok pak palei Sip, hu dôm Xêh Pachai patah angan Ƀa-na-ƀa, ar nạn anưk likei gruk pajiông. 37Ong pablei alok hamu drei bloh ba jiên cek di takai dôm Xêh Pachai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.