Dôm Bruk Ngak 2
2
Pô Nưbi Ginrơh jrang trun
1Tal harei Rija Limư Akok Karaup, dôm anưk xêh patom nhom tha libik. 2Asak, hu danưy yava mưng thôr riga mưrai yau yava angin yuk jhaw jhaw, bak graup thang anưk xêh dok. 3Dôm anưk xêh ƀôh dôm dalah yau dalah mưng apui bhat tabiak, thong đam di yāup urang dalam khol nhu. 4Abih jang bihu bak lamak Pô Nưbi Ginrơh, raup đôm dôm xap pakan,#2:4 xap pakan: Dalam xap Hi-lap nạn glossa ar nạn đôm mưng dalah. tui yau Pô Nưbi Ginrơh brei ka khol nhu đôm.
5Kal nan hu dôm urang Yo Thaic hag takrư agama mưng dôm bôl dalam dunya mưrai, dok lơh ywa tak Yê-ru-sa-lem. 6Tuk hamit xap nan, bôl bhap katung gaup mưrai thong plơng kadơng kaywa yāup urang lijang pang dôm anưk xêh đôm xap paran drei. 7Khol nhu biak plơng kadơng thong tanhi gaup: “Abih urang dok đôm nạn ôh njaup mưnuix Ga-li-lê ô? 8Yau nan habar yāup urang khol drei lijang pang khol nhu đôm xap paran drei? 9Mưni nạn mưnuix Ƀat-thê, mưnuix Mê-đi, mưnuix Ê-la-mit, ra dok tak Mê-sô-pô-ta-mi, Yu-đê, Kap-pa-đôg, Pông, A-si-a, 10Phi-ri-gi, Pam-phi-li, Ai-kâp, abih bhum gah Li-ƀi jek Ki-re-ne, thong tôi mưng Rô-ma mưrai, 11abih mưnuix Yo Thaic ngan mưnuix tui agama Yo Thaic, mưnuix Kơ-rêt thong A-râp gêk, khol drei lijang pang khol nhu angui xap khol drei bloh đôm ka dôm bruk gon xagta Pô Lingik.” 12Abih drei jang plơng kadơng thong karung karang, đôm thong gaup: “Bruk ni hu ar haget?” 13Min gilaic hu ra klao bilei laic: “Khol nhu mưbuk alag birau min.”
Kadha lang anưd Phi-e-rơ
14Phi-e-rơ krưh dang thong tha pluh tha Xêh Pachai, ƀai panôic đôm thong bôl bhap: “Pathau dei ai nạn mưnuix Yo Thaic thong abih mưnuix dok pak Yê-ru-sa-lem! Xang thau pajip kabha ni thong pangik pang panôic dahlak đôm: 15Dôm urang ni ôh njaup mưbuk yau dei ai xanưng ô, kaywa urak ni birau nạn thalipan tuk pagê! 16Min sani nạn kabha Pô krung hu bican tapa pakat hôr Yô-ên:
17‘Pô Lingik bican: Dalam dôm harei taluic,
Mưca Ita tuh Pô Nưbi Ginrơh Ita ngok graup rilo darah;
Anưk likei thong anưk kamei khol hư mưca đôm hôr,
Dam dara mưca ƀôh catôi,
Thong urang taha mưca ƀôh panik lipei.
18Njaup, dalam dôm harei nan, mưca Ita tuh Pô Nưbi Ginrơh Ita ngok dôm halun likei thong halun kamei Ita,
Bloh mưca khol nhu đôm hôr;
19Mưca Ita gilaic ngak dôm thunau ginrơh ngok thôr riga,
Thong nưm crih di ala tanưh, nạn darah, apui, thong lipong athak.
20Mưca ia harei gilaic jiơng xup palup,
Ia bilan mưca gilaic bhông yau darah,
Dahlau di harei prong di prong thong xêh mưlang Pô mưrai.
21Thong thei kanư likau di angan Pô yơ mưca bihu dong.’
22Mưnuix I-sra-ên lơy, likau xang pang dahlak đôm: Pô Yê-su mưnuix Na-xa-ret krung bihu Pô Lingik pakrưn pak anak dei ai mưng dôm bruk gon xagta, dôm thunau ginrơh, thong nưm crih. Tapa di Bhô, Pô Lingik krung hu ngak dôm kabha nan di krưh dei ai yau êng dei ai jang thau pajip. 23#Mat 27:35; Mag 15:24; Lu 23:33; Yâ 19:18.Bhô krung hu gok jao tui thukak radak krung hu jarô thong gruk Pô Lingik thau dahlau, dôm ong hu nhim tangin dôm ra xag mưjưy#2:23 ra xag mưjưy: Dalam xap Hi-lap nạn anomos ar nạn ra ôh hu hakum jakar, đôm xam ka mưnuix Bôl-Lingiu. pang đin di Pô ngok gai gan gak bloh pamưtai. 24#Mat 28:5,6; Mag 16:6; Lu 24:5.Min Pô Lingik krung hu ngak ka Pô diup vơk, talơh taleh Bhô klah di dôm pađik pađwa, gruk mưtai, kaywa nhu ôh mưda pan khik Pô bihu. 25Kaywa patao Đa-vit hu đôm ka Bhô:
‘Dahlak takung ƀôh Pô dok di anak dahlak,
Kaywa Bhô dok gah hanuk dahlak, nan yơ dahlak ôh bik gok tayun mưgei.
26Ywa nan ka, tian dahlak bui be, dalah dahlak ôn tabôn,
Thong thap dahlak lijang mưca lơh padei dalam pachôm,
27Mưca Pô ôh klāk thap xwan dahlak libik tajôt xala,#2:27 tajôt xala: Dalam xap Hi-lap nạn Hades đôm ka camoh ra mưtai mưdok.
Lijang ôh lôi Dê Nưbi Bhô ƀôh gruk pao tayah.
28Pô krung hu brei ka dahlak thau jalan gruk diup,
Lijang mưca ngak ka dahlak boh ôn bak lamak di anak Bhô.’
29Dei ai lơy, dahlak hu mưda đôm mat thong dei ai laic Đa-vit muk kei khol drei, nạn mưnuix krung hu mưtai, bihu dar, thong urak ni tanum ong jang dok thong khol drei. 30Min ong nạn tha pakat hôr, thau Pô Lingik krung hu hapah laic mưca Bhô papôk tha urang bha talei pajeh ong dok ngok thing mưnga drei. 31Ywa nan ka, mưnuix krung hu ƀôh dahlau bloh thong đôm ka gruk diup vơk anưd Dê Krist laic:
Bhô ôh gok klāk libik tajôt xala,
Rup pabhap Bhô ôh ƀôh gruk bhôic rôic.
32Pô Lingik krung hu ngak ka Pô Yê-su ni diup vơk; abih khol dahlak jang ngak kaxan ka kabha nan. 33Hadei di tuk krung bihu papôk glong dok gah hanuk Pô Lingik thong krung hu tôk mưk panôic he ka Pô Nưbi Ginrơh mưng pak Amư, Bhô tuh Pô Nưbi Ginrơh tabiak yau dei ai krưh ƀôh thong hamit. 34Patao Đa-vit ôh bik tagôk thôr riga, min êng ong hu đôm:
‘Pô Yê-hô-va krung hu bican thong Pô dahlak laic:
Xang dok gah hanuk Ita,
35Ka tal tuk halei Ita padok dôm ra thutruh anưk ngak libik cek takai ka anưk.’
36Ywa nan ka, abih bôl I-sra-ên xang thau kardak laic Pô Yê-su ni, Dê bloh dei ai krung hu pang đin ngok gai gan gak, krung bihu Pô Lingik papôk ngak Pô thong Dê Krist.”
37Tuk pang kabha nan, tian pađik yau cakak, khol nhu binhêt tanhi Phi-e-rơ thong dôm Xêh Pachai pakan laic: “Dei ai lơy, khol dahlak xang ngak haget ni?” 38Phi-e-rơ thuuk: “Xang tumal, yāup urang xang nưmax angan Pô Yê-su Krist tôk ƀap-tem piêh bihu ampun glaic drei, bloh mưca tôk mưk kaya alin nạn Pô Nưbi Ginrơh. 39Kaywa panôic he nan cek caga ka dei ai, thong ka anưk taco dei ai, thong ka abih drei dok atah, ar nan abih dôm urang bloh Pô nạn Pô Lingik khol drei mưca iêu.” 40Phi-e-rơ gilaic mưk ralô panôic ngak kaxan, bloh pabruh khol nhu laic: “Dei ai xang dong êng drei klah truh di rai rak xag mưjưy ni!” 41Yau nan, dôm urang takabal panôic nan jang tôk ƀap-tem, thong dalam harei nan, hu nôic klau ribau urang paƀlwak tamư Nhom Nưbi.
Gruk ginum tha thong tiak anit ranam anưd dôm mưnuix dial Pô tamưrơp
42Dôm mưnuix dial Pô harat hatai khik panôic pato dôm Xêh Pachai, hajei atadha thong dei ai, rija apek tapei, thong gruk lang kar. 43Abih drei jang hôic taka kaywa hu ralô thunau ginrơh thong nưm crih bihu ngak tapa dôm Xêh Pachai. 44#Bruk 4:32-35.Abih mưnuix dial Pô jang ginum vơk thong gaup thong mưk rim pakar ngak anưd harung. 45Khol nhu pablei abih ƀang angui, drap ar drei hu bloh rabha takhat ka gaup patui kanư jat yāup urang. 46Harei halei khol nhu lijang harat hatai mưrai huji; mưng thang ni tal thang dêh, khol nhu pek tapei ƀang vār mưthong gaup thong tian bui be, tapak tung, 47pôk mưyom Pô Lingik thong bihu karun di anak abih drei. Yāup harei, Pô paƀlwak thanôn mưnuix bihu dong tamư Nhom Nưbi.
Currently Selected:
Dôm Bruk Ngak 2: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Dôm Bruk Ngak 2
2
Pô Nưbi Ginrơh jrang trun
1Tal harei Rija Limư Akok Karaup, dôm anưk xêh patom nhom tha libik. 2Asak, hu danưy yava mưng thôr riga mưrai yau yava angin yuk jhaw jhaw, bak graup thang anưk xêh dok. 3Dôm anưk xêh ƀôh dôm dalah yau dalah mưng apui bhat tabiak, thong đam di yāup urang dalam khol nhu. 4Abih jang bihu bak lamak Pô Nưbi Ginrơh, raup đôm dôm xap pakan,#2:4 xap pakan: Dalam xap Hi-lap nạn glossa ar nạn đôm mưng dalah. tui yau Pô Nưbi Ginrơh brei ka khol nhu đôm.
5Kal nan hu dôm urang Yo Thaic hag takrư agama mưng dôm bôl dalam dunya mưrai, dok lơh ywa tak Yê-ru-sa-lem. 6Tuk hamit xap nan, bôl bhap katung gaup mưrai thong plơng kadơng kaywa yāup urang lijang pang dôm anưk xêh đôm xap paran drei. 7Khol nhu biak plơng kadơng thong tanhi gaup: “Abih urang dok đôm nạn ôh njaup mưnuix Ga-li-lê ô? 8Yau nan habar yāup urang khol drei lijang pang khol nhu đôm xap paran drei? 9Mưni nạn mưnuix Ƀat-thê, mưnuix Mê-đi, mưnuix Ê-la-mit, ra dok tak Mê-sô-pô-ta-mi, Yu-đê, Kap-pa-đôg, Pông, A-si-a, 10Phi-ri-gi, Pam-phi-li, Ai-kâp, abih bhum gah Li-ƀi jek Ki-re-ne, thong tôi mưng Rô-ma mưrai, 11abih mưnuix Yo Thaic ngan mưnuix tui agama Yo Thaic, mưnuix Kơ-rêt thong A-râp gêk, khol drei lijang pang khol nhu angui xap khol drei bloh đôm ka dôm bruk gon xagta Pô Lingik.” 12Abih drei jang plơng kadơng thong karung karang, đôm thong gaup: “Bruk ni hu ar haget?” 13Min gilaic hu ra klao bilei laic: “Khol nhu mưbuk alag birau min.”
Kadha lang anưd Phi-e-rơ
14Phi-e-rơ krưh dang thong tha pluh tha Xêh Pachai, ƀai panôic đôm thong bôl bhap: “Pathau dei ai nạn mưnuix Yo Thaic thong abih mưnuix dok pak Yê-ru-sa-lem! Xang thau pajip kabha ni thong pangik pang panôic dahlak đôm: 15Dôm urang ni ôh njaup mưbuk yau dei ai xanưng ô, kaywa urak ni birau nạn thalipan tuk pagê! 16Min sani nạn kabha Pô krung hu bican tapa pakat hôr Yô-ên:
17‘Pô Lingik bican: Dalam dôm harei taluic,
Mưca Ita tuh Pô Nưbi Ginrơh Ita ngok graup rilo darah;
Anưk likei thong anưk kamei khol hư mưca đôm hôr,
Dam dara mưca ƀôh catôi,
Thong urang taha mưca ƀôh panik lipei.
18Njaup, dalam dôm harei nan, mưca Ita tuh Pô Nưbi Ginrơh Ita ngok dôm halun likei thong halun kamei Ita,
Bloh mưca khol nhu đôm hôr;
19Mưca Ita gilaic ngak dôm thunau ginrơh ngok thôr riga,
Thong nưm crih di ala tanưh, nạn darah, apui, thong lipong athak.
20Mưca ia harei gilaic jiơng xup palup,
Ia bilan mưca gilaic bhông yau darah,
Dahlau di harei prong di prong thong xêh mưlang Pô mưrai.
21Thong thei kanư likau di angan Pô yơ mưca bihu dong.’
22Mưnuix I-sra-ên lơy, likau xang pang dahlak đôm: Pô Yê-su mưnuix Na-xa-ret krung bihu Pô Lingik pakrưn pak anak dei ai mưng dôm bruk gon xagta, dôm thunau ginrơh, thong nưm crih. Tapa di Bhô, Pô Lingik krung hu ngak dôm kabha nan di krưh dei ai yau êng dei ai jang thau pajip. 23#Mat 27:35; Mag 15:24; Lu 23:33; Yâ 19:18.Bhô krung hu gok jao tui thukak radak krung hu jarô thong gruk Pô Lingik thau dahlau, dôm ong hu nhim tangin dôm ra xag mưjưy#2:23 ra xag mưjưy: Dalam xap Hi-lap nạn anomos ar nạn ra ôh hu hakum jakar, đôm xam ka mưnuix Bôl-Lingiu. pang đin di Pô ngok gai gan gak bloh pamưtai. 24#Mat 28:5,6; Mag 16:6; Lu 24:5.Min Pô Lingik krung hu ngak ka Pô diup vơk, talơh taleh Bhô klah di dôm pađik pađwa, gruk mưtai, kaywa nhu ôh mưda pan khik Pô bihu. 25Kaywa patao Đa-vit hu đôm ka Bhô:
‘Dahlak takung ƀôh Pô dok di anak dahlak,
Kaywa Bhô dok gah hanuk dahlak, nan yơ dahlak ôh bik gok tayun mưgei.
26Ywa nan ka, tian dahlak bui be, dalah dahlak ôn tabôn,
Thong thap dahlak lijang mưca lơh padei dalam pachôm,
27Mưca Pô ôh klāk thap xwan dahlak libik tajôt xala,#2:27 tajôt xala: Dalam xap Hi-lap nạn Hades đôm ka camoh ra mưtai mưdok.
Lijang ôh lôi Dê Nưbi Bhô ƀôh gruk pao tayah.
28Pô krung hu brei ka dahlak thau jalan gruk diup,
Lijang mưca ngak ka dahlak boh ôn bak lamak di anak Bhô.’
29Dei ai lơy, dahlak hu mưda đôm mat thong dei ai laic Đa-vit muk kei khol drei, nạn mưnuix krung hu mưtai, bihu dar, thong urak ni tanum ong jang dok thong khol drei. 30Min ong nạn tha pakat hôr, thau Pô Lingik krung hu hapah laic mưca Bhô papôk tha urang bha talei pajeh ong dok ngok thing mưnga drei. 31Ywa nan ka, mưnuix krung hu ƀôh dahlau bloh thong đôm ka gruk diup vơk anưd Dê Krist laic:
Bhô ôh gok klāk libik tajôt xala,
Rup pabhap Bhô ôh ƀôh gruk bhôic rôic.
32Pô Lingik krung hu ngak ka Pô Yê-su ni diup vơk; abih khol dahlak jang ngak kaxan ka kabha nan. 33Hadei di tuk krung bihu papôk glong dok gah hanuk Pô Lingik thong krung hu tôk mưk panôic he ka Pô Nưbi Ginrơh mưng pak Amư, Bhô tuh Pô Nưbi Ginrơh tabiak yau dei ai krưh ƀôh thong hamit. 34Patao Đa-vit ôh bik tagôk thôr riga, min êng ong hu đôm:
‘Pô Yê-hô-va krung hu bican thong Pô dahlak laic:
Xang dok gah hanuk Ita,
35Ka tal tuk halei Ita padok dôm ra thutruh anưk ngak libik cek takai ka anưk.’
36Ywa nan ka, abih bôl I-sra-ên xang thau kardak laic Pô Yê-su ni, Dê bloh dei ai krung hu pang đin ngok gai gan gak, krung bihu Pô Lingik papôk ngak Pô thong Dê Krist.”
37Tuk pang kabha nan, tian pađik yau cakak, khol nhu binhêt tanhi Phi-e-rơ thong dôm Xêh Pachai pakan laic: “Dei ai lơy, khol dahlak xang ngak haget ni?” 38Phi-e-rơ thuuk: “Xang tumal, yāup urang xang nưmax angan Pô Yê-su Krist tôk ƀap-tem piêh bihu ampun glaic drei, bloh mưca tôk mưk kaya alin nạn Pô Nưbi Ginrơh. 39Kaywa panôic he nan cek caga ka dei ai, thong ka anưk taco dei ai, thong ka abih drei dok atah, ar nan abih dôm urang bloh Pô nạn Pô Lingik khol drei mưca iêu.” 40Phi-e-rơ gilaic mưk ralô panôic ngak kaxan, bloh pabruh khol nhu laic: “Dei ai xang dong êng drei klah truh di rai rak xag mưjưy ni!” 41Yau nan, dôm urang takabal panôic nan jang tôk ƀap-tem, thong dalam harei nan, hu nôic klau ribau urang paƀlwak tamư Nhom Nưbi.
Gruk ginum tha thong tiak anit ranam anưd dôm mưnuix dial Pô tamưrơp
42Dôm mưnuix dial Pô harat hatai khik panôic pato dôm Xêh Pachai, hajei atadha thong dei ai, rija apek tapei, thong gruk lang kar. 43Abih drei jang hôic taka kaywa hu ralô thunau ginrơh thong nưm crih bihu ngak tapa dôm Xêh Pachai. 44#Bruk 4:32-35.Abih mưnuix dial Pô jang ginum vơk thong gaup thong mưk rim pakar ngak anưd harung. 45Khol nhu pablei abih ƀang angui, drap ar drei hu bloh rabha takhat ka gaup patui kanư jat yāup urang. 46Harei halei khol nhu lijang harat hatai mưrai huji; mưng thang ni tal thang dêh, khol nhu pek tapei ƀang vār mưthong gaup thong tian bui be, tapak tung, 47pôk mưyom Pô Lingik thong bihu karun di anak abih drei. Yāup harei, Pô paƀlwak thanôn mưnuix bihu dong tamư Nhom Nưbi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.