Dôm Bruk Ngak 15
15
Ginum biai tak Yê-ru-sa-lem
1Hu dôm urang mưng Yu-đê mưrai thong pato dôm dei ai laic: “Mưyah dei ai ôh ciup khao tan tui hakum jakar Mô-se yơ ôh mưda bihu dong paklah.” 2Kal nan, hu gruk ôh bram ganap mong thong binhôr jajek danưh mưjiơng tabiak krưh Phao-lô thong Ƀa-na-ƀa thubik thong hadôm mưnuix dalam khol nhu bihu kamưnrat nao tagôk Yê-ru-sa-lem, mưrai tom dôm Xêh Pachai thong ginôr taha piêh tanhi ka bruk ni. 3Yau nan, hadei di tuk bihu Nhom Nưbi paralao tagôk jalan, khol nhu tapa Phê-ni-xi thong Sa-ma-ri lak vơk bruk dôm mưnuix Bôl-Lingiu gilaic mai dial Pô Yê-su, ngak ka abih dei ai jang biak bui ôn. 4Tuk mưrai Yê-ru-sa-lem, khol nhu bihu Nhom Nưbi, dôm Xêh Pachai thong ginôr taha rok daa, bloh khol nhu lak vơk dôm kabha Pô Lingik krung hu ngak tapa khol nhu. 5Min hu hadôm mưnuix dial Pô bha kavôm Pha-ri-si dang tagôk đôm: “Xang ngak khao tan ka dôm mưnuix Bôl-Lingiu thong pađar khol nhu xang pang khik hakum jakar Mô-se.”
6Dôm Xêh Pachai thong dôm ginôr taha nhom vơk piêh pachang iơk masalah ni. 7#Bruk 10:1-43.Hadei di tuk xin biai tani tanat, Phi-e-rơ dang tagôk đôm thong khol nhu laic: “Dei ai lơy, dei ai thau laic mưng dôm harei tamưrơp, Pô Lingik krung hu rwah dahlak dalam thanôn dôm dei ai, piêh tapa caƀôi dalah dahlak, dôm mưnuix Bôl-Lingiu bihu pang anga Khao Siam thong dial. 8#Bruk 10:44; Bruk 2:4.Pô Lingik nạn Dê thau tian abih drei, krung hu xakrưn Bhô halar ciup khol nhu tuk ƀai brei Pô Nưbi Ginrơh ka khol nhu lijang yau ka khol drei. 9Pô Lingik ôh krưn khol drei thong mưnuix Bôl-Lingiu ô, min Bhô rao hacih tian khol nhu kaywa sagar. 10Yau nan urak ni, habar dei ai khin long Pô Lingik, pagam ka dôm anưk xêh tha boh ayau bloh muk kei khol drei ngan êng khol drei lijang ôh mưda ba nôi? 11Gilaic vơk, khol drei dial laic nhơ di karun hanim Pô nạn Pô Yê-su, khol drei bihu dong thubik tha ganap yau khol nhu rei.”
12Abih nhom biai jang gađang krap pangik pang Ƀa-na-ƀa thong Phao-lô lak vơk dôm nưm crih thong thunau ginrơh bloh Pô Lingik krung hu angui dwa ong ngak di krưh mưnuix Bôl-Lingiu. 13Tuk khol nhu luic panôic, Ya-kơ đôm: “Dei ai lơy, likau xang pang dahlak! 14Si-môn krung hu lak vơk yau halei Pô Lingik ƀang tamưrơp ravang dôm mưnuix Bôl-Lingiu, piêh mưng khol nhu mưk tabiak tha bôl ka angan Bhô. 15Kabha nan thor thong panôic dôm pakat hôr krung hu vak:
16‘Hadei dôm bruk ni, mưca Ita gilaic vơk,
Padang vơk thang Đa-vit krung hu gok drup jalơh.
Mưca Ita tamar dôm libik gok parong pareh
Thong thulih nhu;
17Piêh ka dôm urang dok vơk
Thong abih mưnuix Bôl-Lingiu bihu iêu mưng angan Ita, jang pachang dwah Pô.
Pô nạn Dê krung hu ngak dôm bruk nan bican yau nan.
18Nan nạn dôm bruk bihu thau tal mưng kal lak.’
19Yau nan, dahlak pachang ƀôh ukhin tamưplơh dôm urang dalam mưnuix Bôl-Lingiu dok krưh gilaic mai thong Pô Lingik; 20min khol drei xang vak harak kakei khol nhu khik rup klah di gok haruk haram kaywa dôm hayap yang thong gruk payar, lijang jôi ƀang rilo athur bhiêp mưtai bhao thong darah. 21Kaywa mưng dôm rai rak kal lak, dalam yāup dhan, jang hu dôm urang lang pato hakum jakar Mô-se thong pôic adat nạn yāup harei Sa-ƀat dalam dôm thang nhom.”
Harak gar paywa ka mưnuix dial Pô mưnuix Bôl-Lingiu
22Hadei di nan, dôm Xêh Pachai thong ginôr taha mưthong bih Nhom Nưbi mư irat rwah dôm urang dalam thanôn khol nhu piêh pachai nao thong Phao-lô thong Ƀa-na-ƀa mưrai An-ti-ôt. Khol nhu pachai Yu-đe, lijang iêu Ƀa-sa-ba, thong Si-la, nạn dwa urang pan akok dalam kavôm dei ai, 23thubik thong harak yau ni: “Dei ai khol dahlak nạn dôm Xêh Pachai thong ginôr taha paywa panôic ravang tal dei ai bha dôm mưnuix Bôl-Lingiu tak An-ti-ôt, Si-ri thong Si-li-si! 24Kaywa khol dahlak hu hamit laic hadôm mưnuix dalam khol dahlak, kanê ôh tôk gon halei di khol dahlak, krung hu đôm dôm kabha ngak thrau laba hadang thong takaplung glo akok dei ai. 25Ywa nan ka, khol dahlak krung hu bram rwah thong papôk dôm urang ni nao thubik dwa urang biak uranam anưd khol dahlak nạn Ƀa-na-ƀa thong Phao-lô, mưrai thong dei ai. 26Dwa urang ni takrung krung hu kadran drei kaywa angan Pô khol drei nạn Pô Yê-su Krist. 27Ywa nan ka khol dahlak krung hu pachai Yu-đe thong Si-la thrah đôm thong dei ai dôm kabha khol dahlak vak dalam harak. 28Kaywa Pô Nưbi Ginrơh thong khol dahlak krung hu bram laic ukhin dak paƀlwak anong trak ka dei ai, klāk tabiak dôm kabha hajat ni: 29Jôi ƀang kaya limah hayap yang, darah, athur bhiêp mưtai bhao, thong jôi payar. Dei ai khik dôm kabha nan nạn siam. Xalam salamat!”
30Yau nan, dôm urang nan likau drei trun nao An-ti-ôt, daa patom bhap pari vơk thong jao harak. 31Hadei di tuk pôic harak, khol nhu jang bui ôn ka panôic paxơh nan. 32Yu-đe thong Si-la nạn dôm pakat hôr angui ralô panôic lang pato piêh paxơh thong ngak ka khol nhu paƀlwak khang kajap. 33Hadei di tuk mưdok tak nan takik tuk vag, khol nhu bihu dôm dei ai ba palao tha ganap thug siam piêh gilaic mai mưthong dôm urang krung hu pachai khol nhu nao. 34[Min Si-la yơ mư irat mưdok vơk An-ti-ôt.]#15:34 Dalam tha thanôn blah vak tangin ôh hu kanen 34.
Phao-lô thong Ƀa-na-ƀa klah nưh gaup
35Min Phao-lô thong Ƀa-na-ƀa dok vơk An-ti-ôt, ginum thong ralô urang pakan lang Khao Siam thong pato panôic Pô. 36Hadei di nan takik tuk vag, Phao-lô đôm thong Ƀa-na-ƀa: “Khol drei xang gilaic vơk ravang dei ai dalam yāup dhan bloh khol drei krung hu pablo panôic Pô, iơk khol nhu yau halei nao.” 37Ƀa-na-ƀa ưng ba Yâng tui lijang iêu nạn Mag. 38#Bruk 13:13.Min Phao-lô yơ xanưng ukhin ba Mag tui, kaywa Mag krung hu niga klāk dwa urang tak Pam-phi-li, ôh thubik Khol nhu kakal gruk hit. 39Ywa nan ka, hu gruk jajek danưh thangak dwa urang klah nưh gaup: Ƀa-na-ƀa ba Mag mưthong đik gilai nao mưrai ƀôn palao Sip. 40Dok Phao-lô yơ tagôk jalan, hadei di tuk krung hu rwah Si-la, thong nhơ di dei ai jao kloh drei ka karun hanim Pô. 41Ong nao graup Si-ri thong Si-li-si, ngak ka dôm Nhom Nưbi bihu khang kajap.
Currently Selected:
Dôm Bruk Ngak 15: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Dôm Bruk Ngak 15
15
Ginum biai tak Yê-ru-sa-lem
1Hu dôm urang mưng Yu-đê mưrai thong pato dôm dei ai laic: “Mưyah dei ai ôh ciup khao tan tui hakum jakar Mô-se yơ ôh mưda bihu dong paklah.” 2Kal nan, hu gruk ôh bram ganap mong thong binhôr jajek danưh mưjiơng tabiak krưh Phao-lô thong Ƀa-na-ƀa thubik thong hadôm mưnuix dalam khol nhu bihu kamưnrat nao tagôk Yê-ru-sa-lem, mưrai tom dôm Xêh Pachai thong ginôr taha piêh tanhi ka bruk ni. 3Yau nan, hadei di tuk bihu Nhom Nưbi paralao tagôk jalan, khol nhu tapa Phê-ni-xi thong Sa-ma-ri lak vơk bruk dôm mưnuix Bôl-Lingiu gilaic mai dial Pô Yê-su, ngak ka abih dei ai jang biak bui ôn. 4Tuk mưrai Yê-ru-sa-lem, khol nhu bihu Nhom Nưbi, dôm Xêh Pachai thong ginôr taha rok daa, bloh khol nhu lak vơk dôm kabha Pô Lingik krung hu ngak tapa khol nhu. 5Min hu hadôm mưnuix dial Pô bha kavôm Pha-ri-si dang tagôk đôm: “Xang ngak khao tan ka dôm mưnuix Bôl-Lingiu thong pađar khol nhu xang pang khik hakum jakar Mô-se.”
6Dôm Xêh Pachai thong dôm ginôr taha nhom vơk piêh pachang iơk masalah ni. 7#Bruk 10:1-43.Hadei di tuk xin biai tani tanat, Phi-e-rơ dang tagôk đôm thong khol nhu laic: “Dei ai lơy, dei ai thau laic mưng dôm harei tamưrơp, Pô Lingik krung hu rwah dahlak dalam thanôn dôm dei ai, piêh tapa caƀôi dalah dahlak, dôm mưnuix Bôl-Lingiu bihu pang anga Khao Siam thong dial. 8#Bruk 10:44; Bruk 2:4.Pô Lingik nạn Dê thau tian abih drei, krung hu xakrưn Bhô halar ciup khol nhu tuk ƀai brei Pô Nưbi Ginrơh ka khol nhu lijang yau ka khol drei. 9Pô Lingik ôh krưn khol drei thong mưnuix Bôl-Lingiu ô, min Bhô rao hacih tian khol nhu kaywa sagar. 10Yau nan urak ni, habar dei ai khin long Pô Lingik, pagam ka dôm anưk xêh tha boh ayau bloh muk kei khol drei ngan êng khol drei lijang ôh mưda ba nôi? 11Gilaic vơk, khol drei dial laic nhơ di karun hanim Pô nạn Pô Yê-su, khol drei bihu dong thubik tha ganap yau khol nhu rei.”
12Abih nhom biai jang gađang krap pangik pang Ƀa-na-ƀa thong Phao-lô lak vơk dôm nưm crih thong thunau ginrơh bloh Pô Lingik krung hu angui dwa ong ngak di krưh mưnuix Bôl-Lingiu. 13Tuk khol nhu luic panôic, Ya-kơ đôm: “Dei ai lơy, likau xang pang dahlak! 14Si-môn krung hu lak vơk yau halei Pô Lingik ƀang tamưrơp ravang dôm mưnuix Bôl-Lingiu, piêh mưng khol nhu mưk tabiak tha bôl ka angan Bhô. 15Kabha nan thor thong panôic dôm pakat hôr krung hu vak:
16‘Hadei dôm bruk ni, mưca Ita gilaic vơk,
Padang vơk thang Đa-vit krung hu gok drup jalơh.
Mưca Ita tamar dôm libik gok parong pareh
Thong thulih nhu;
17Piêh ka dôm urang dok vơk
Thong abih mưnuix Bôl-Lingiu bihu iêu mưng angan Ita, jang pachang dwah Pô.
Pô nạn Dê krung hu ngak dôm bruk nan bican yau nan.
18Nan nạn dôm bruk bihu thau tal mưng kal lak.’
19Yau nan, dahlak pachang ƀôh ukhin tamưplơh dôm urang dalam mưnuix Bôl-Lingiu dok krưh gilaic mai thong Pô Lingik; 20min khol drei xang vak harak kakei khol nhu khik rup klah di gok haruk haram kaywa dôm hayap yang thong gruk payar, lijang jôi ƀang rilo athur bhiêp mưtai bhao thong darah. 21Kaywa mưng dôm rai rak kal lak, dalam yāup dhan, jang hu dôm urang lang pato hakum jakar Mô-se thong pôic adat nạn yāup harei Sa-ƀat dalam dôm thang nhom.”
Harak gar paywa ka mưnuix dial Pô mưnuix Bôl-Lingiu
22Hadei di nan, dôm Xêh Pachai thong ginôr taha mưthong bih Nhom Nưbi mư irat rwah dôm urang dalam thanôn khol nhu piêh pachai nao thong Phao-lô thong Ƀa-na-ƀa mưrai An-ti-ôt. Khol nhu pachai Yu-đe, lijang iêu Ƀa-sa-ba, thong Si-la, nạn dwa urang pan akok dalam kavôm dei ai, 23thubik thong harak yau ni: “Dei ai khol dahlak nạn dôm Xêh Pachai thong ginôr taha paywa panôic ravang tal dei ai bha dôm mưnuix Bôl-Lingiu tak An-ti-ôt, Si-ri thong Si-li-si! 24Kaywa khol dahlak hu hamit laic hadôm mưnuix dalam khol dahlak, kanê ôh tôk gon halei di khol dahlak, krung hu đôm dôm kabha ngak thrau laba hadang thong takaplung glo akok dei ai. 25Ywa nan ka, khol dahlak krung hu bram rwah thong papôk dôm urang ni nao thubik dwa urang biak uranam anưd khol dahlak nạn Ƀa-na-ƀa thong Phao-lô, mưrai thong dei ai. 26Dwa urang ni takrung krung hu kadran drei kaywa angan Pô khol drei nạn Pô Yê-su Krist. 27Ywa nan ka khol dahlak krung hu pachai Yu-đe thong Si-la thrah đôm thong dei ai dôm kabha khol dahlak vak dalam harak. 28Kaywa Pô Nưbi Ginrơh thong khol dahlak krung hu bram laic ukhin dak paƀlwak anong trak ka dei ai, klāk tabiak dôm kabha hajat ni: 29Jôi ƀang kaya limah hayap yang, darah, athur bhiêp mưtai bhao, thong jôi payar. Dei ai khik dôm kabha nan nạn siam. Xalam salamat!”
30Yau nan, dôm urang nan likau drei trun nao An-ti-ôt, daa patom bhap pari vơk thong jao harak. 31Hadei di tuk pôic harak, khol nhu jang bui ôn ka panôic paxơh nan. 32Yu-đe thong Si-la nạn dôm pakat hôr angui ralô panôic lang pato piêh paxơh thong ngak ka khol nhu paƀlwak khang kajap. 33Hadei di tuk mưdok tak nan takik tuk vag, khol nhu bihu dôm dei ai ba palao tha ganap thug siam piêh gilaic mai mưthong dôm urang krung hu pachai khol nhu nao. 34[Min Si-la yơ mư irat mưdok vơk An-ti-ôt.]#15:34 Dalam tha thanôn blah vak tangin ôh hu kanen 34.
Phao-lô thong Ƀa-na-ƀa klah nưh gaup
35Min Phao-lô thong Ƀa-na-ƀa dok vơk An-ti-ôt, ginum thong ralô urang pakan lang Khao Siam thong pato panôic Pô. 36Hadei di nan takik tuk vag, Phao-lô đôm thong Ƀa-na-ƀa: “Khol drei xang gilaic vơk ravang dei ai dalam yāup dhan bloh khol drei krung hu pablo panôic Pô, iơk khol nhu yau halei nao.” 37Ƀa-na-ƀa ưng ba Yâng tui lijang iêu nạn Mag. 38#Bruk 13:13.Min Phao-lô yơ xanưng ukhin ba Mag tui, kaywa Mag krung hu niga klāk dwa urang tak Pam-phi-li, ôh thubik Khol nhu kakal gruk hit. 39Ywa nan ka, hu gruk jajek danưh thangak dwa urang klah nưh gaup: Ƀa-na-ƀa ba Mag mưthong đik gilai nao mưrai ƀôn palao Sip. 40Dok Phao-lô yơ tagôk jalan, hadei di tuk krung hu rwah Si-la, thong nhơ di dei ai jao kloh drei ka karun hanim Pô. 41Ong nao graup Si-ri thong Si-li-si, ngak ka dôm Nhom Nưbi bihu khang kajap.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.