Dôm Bruk Ngak 10
10
Kot-nei dial Pô Yê-su
1Tak dhan Sê-sa-rê, hu tha urang angan Kot-nei, puk ginôr jabôl I-ta-li. 2Ong takrung nạn mưnuix jalan adat, abih mưnga vôm jang hôic taka di Pô Lingik; ong bhian dakhah dakhat ka bôl bhap thong thapkal lang kar thong Pô Lingik. 3Nôic tuk klau biêr harei, dalam tha catôi, ong ƀôh pajip tha umat Pô Lingik tamư thang drei bloh đôm: “Hơic Kot-nei!” 4Ong thur mưk mong ƀlan ƀlan umat bloh pathau: “Pô lơy, hu bruk haget nan?” Umat thuuk: “Panôic lang kar thubik gruk dakhah dakhat hư krung hu tagôk tal Pô Lingik thong bihu Bhô đom kanal. 5Urak ni xang pađar mưnuix mưrai dhan Yôp-bê daa Si-môn, lijang iêu nạn Phi-e-rơ. 6Ong nan krưh dok thong Si-môn, ragei pajhul kalik, thang dok jek tathik.” 7Tuk umat đôm thong ong krung hu nao truh, Kot-nei iêu dwa dalam dôm halun anưd ong thong tha urang jabôl dial taka ala gon drei, 8lak vơk abih kabha ka khol nhu pang, bloh pachai khol nhu mưrai Yôp-bê.
9Harei hadei, dalam tuk klau urang nan krưh nao di jalan, tal jek mưdin yơ Phi-e-rơ tagôk pabung thang piêh lang kar; tuk nan, nôic krưh biđiak. 10Ong lipa thong mưhu di ƀang, min dalam tuk mưnuix urang krưh thai vār yơ ong tangui lingưk. 11Ong ƀôh lingik pơh tabiak, thong hu pakar haget drơh yau blah khan prong ikak pāk akiêng patrun tanưh, 12dalam nan hu tal dôm pukar mưnưk pāk takai; pukar kalan rôi ngok tanưh thong cim birim. 13Gilaic hu xap bican thong ong laic: “Hơic Phi-e-rơ, xang tagôk, ngak rilo bloh ƀang.” 14Min Phi-e-rơ pathau: “Pô lơy, ôh bihu ô! Kaywa dahlak ôh tuk halei ƀang kaya haget haruk haram ngan ôh haci hacih.” 15Xap nan gilaic đôm thong ong ƀang ya dwa laic: “Kaya haget Pô Lingik krung hu ngak ka haci hacih bloh yơ jôi mong yau haruk haram.” 16Bruk nan mưjiơng tabiak klau ƀang; bloh blah khan nan bihu ba tagôk thôr riga.
17Dalam tuk Phi-e-rơ dok krưh parabha tian ka gimnit ar anưd catôi drei krung hu ƀôh, dêh, dôm urang Kot-nei pađar nao krung hu dwah bihu thang Si-môn thong krưh dang di anak baƀang. 18Khol nhu iêu piêh tanhi iơk hu njaup Si-môn nạn Phi-e-rơ krưh mưdok sani lei. 19Tuk Phi-e-rơ dok krưh xanưng ka catôi nan ka Pô Nưbi Ginrơh bican thong ong: “Dêh, hu klau urang#10:19 klau urang: Dalam tha thanôn blah vak tangin nạn dwa urang; dalam tha thanôn blah vak tangin pakan nạn dôm urang. dok krưh dwah hư. 20Yau nan, xang dang tagôk, trun nao thong khol nhu, jôi kalman kaywa Ita krung hu pađar khol nhu.” 21Phi-e-rơ trun nao thong khol nhu bloh đôm: “Dahlak êng nạn mưnuix dôm ong dok krưh dwah. Dôm ong mưrai sani hu bruk haget?” 22Khol nhu thuuk: “Kot-nei puk ginôr nạn mưnuix kahanôt, hôic taka di Pô Lingik, bihu abih bôl Yo Thaic ngak kaxan siam. Ong nan bihu tha umat nưbi ariêng ba, pađar daa ong mưrai thang piêh pang panôic ong pato.” 23Phi-e-rơ daa khol nhu tamư thang, brei mưdok tak nan. Harei hadei, Phi-e-rơ tagôk jalan nao thong khol nhu; hu dôm dei ai mưng Yôp-bê nao tui thubik. 24Harei hadei nan, khol nhu mưrai Sê-sa-rê. Kot-nei thubik thong mik va thong dôm ayut tanhrao nhom vơk tak thang, krưh dok cang khol nhu. 25Phi-e-rơ yam tamư, Kot-nei tabiak rok, khôi ala takai ong bloh kakuh. 26Min Phi-e-rơ vơh ong tagôk bloh đôm: “Dang tagôk mek, êng dahlak lijang nạn mưnuix min.” 27Hadei di tuk đôm pôic thong Kot-nei, Phi-e-rơ yam tamư dalam thang ƀôh ralô urang nhom vơk. 28Ong đôm thong khol nhu: “Dôm ong thau mưnuix Yo Thaic takrung ôh bihu idin atadha ngan mưrai thang mưnuix diya lingiu; min Pô Lingik krung hu sahadah ka dahlak thau laic ukhin iêu tha urang halei nạn haruk haram ngan ôh haci hacih. 29Ywa nan ka, tuk bihu daa yơ dahlak mưrai vêt, ôh kađa haget. Yau nan dahlak likau tanhi kaywa gađi kadha haget dôm ong daa dahlak mưrai?” 30Kot-nei thuuk: “Pāk harei dahlau, nôic tuk ni, nạn tuk klau biêr harei, dahlak krưh dok pak thang lang kar#10:30 lang kar: Dalam tha thanôn blah vak tangin nạn ikak tian ơk thong lang kar. yơ asak hu tha urang cuk ao tanrak ƀlet bhat tabiak di anak dahlak 31thong đôm: ‘Hơic Kot-nei, panôic lang kar hư krung bihu hamit bloh thong bruk dakhah dakhat hư krung bihu Pô Lingik đom kanal. 32Yau nan, hư xang pađar mưnuix mưrai Yôp-bê daa Si-môn, iêu nạn Phi-e-rơ, mưrai sani. Ong nan krưh dok thong Si-môn, ragei pajhul kalik, thang jek tathik.’ 33Binhêt dahlak pađar daa ong, thong ong krung hu bui tian mưrai tak ni. Yau nan urak ni, abih khol dahlak krưh dok di anak Pô Lingik piêh pang abih kabha Pô krung hu tathit kakei ong.”
Phi-e-rơ lang pahơh ka Bôl-Lingiu
34Phi-e-rơ raup đôm: “Biak jơh, dahlak krưn thau Pô Lingik ôh jwak jih thei, 35min dalam abih paran, mưyah thei hôic taka di Pô Lingik thong ngak kabha kahanôt yơ bihu Bhô halar ciup. 36Pô Lingik krung hu paywa anga mưrai ka anưk bik I-sra-ên, rao lang Khao Siam thug siam kaywa Pô Yê-su Krist, nạn Pô abih drei. 37Dôm ong thau pajip bruk mưjiơng tabiak, raup mưng Ga-li-lê bloh ravak dalam abih nưgar Yu-đê, hadei di tuk Yâng rao lang ka ƀap-tem; 38yau halei Pô Lingik krung hu luk mưnhưk ka Pô Yê-su mưnuix Na-xa-ret mưng Pô Nưbi Ginrơh thong gon xagta, bloh Bhô nao graup libik ngak bruk dhar phôl thong pajru dhit abih mưnuix gok Abilêh gơk tatơk, kaywa Pô Lingik dok mưthong Bhô. 39Khol dahlak nạn dôm rakaxan ka dôm kabha Bhô krung hu ngak pak Yu-đê thong Yê-ru-sa-lem. Mưnuix urang krung hu tôr Bhô ngok gai kayau bloh pamưtai. 40Min harei ya klau, Pô Lingik krung hu ngak ka Bhô diup vơk thong bhat tabiak, 41ôh njaup ka abih bôl bhap, min ka khol dahlak nạn dôm rakaxan Pô Lingik krung hu rwah dahlau, ar nạn dôm urang krung hu ƀang mưnhum thong Bhô hadei di tuk Bhô mưng lôg mưtai diup vơk. 42Bhô krung hu tathit ka khol dahlak xang rao lang ka bôl bhap, thong paxakrưn Bhô nạn Dê Pô Lingik krung hu papôk tagôk piêh bican inư mưnuix diup thong ra mưtai. 43Abih pakat hôr jang ngak kaxan laic thei dial Bhô yơ nhơ di angan Bhô bihu ampun glaic.”
Mưnuix Bôl-Lingiu bihu tôk mưk Pô Nưbi Ginrơh
44Tuk Phi-e-rơ dok krưh đôm yơ Pô Nưbi Ginrơh jrang ngok abih drei pang anga. 45Dôm mưnuix dial Pô ciup khao tan, nạn dôm urang nao thubik thong Phi-e-rơ, jang plơng kadơng kaywa kaya alin nạn Pô Nưbi Ginrơh lijang tuh trun ka dôm mưnuix Bôl-Lingiu gêk. 46Dôm mưnuix dial Pô nan pang khol nhu đôm dôm xap pakan#10:46 xap pakan: Dalam xap Hi-lap nạn glossa ar nạn đôm mưng dalah. thong pôk mưyom Pô Lingik. Kal nan Phi-e-rơ đôm: 47“Thei hu mưda kamlah klāk ƀap-tem mưng ia ka dôm urang krung hu tôk mưk Pô Nưbi Ginrơh lijang yau khol drei kaic?” 48Yau nan, ong thurah ngak ƀap-tem ka khol nhu nưmax angan Pô Yê-su Krist. Bloh khol nhu daa ong dok vơk paƀlwak hadôm harei tra.
Currently Selected:
Dôm Bruk Ngak 10: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Dôm Bruk Ngak 10
10
Kot-nei dial Pô Yê-su
1Tak dhan Sê-sa-rê, hu tha urang angan Kot-nei, puk ginôr jabôl I-ta-li. 2Ong takrung nạn mưnuix jalan adat, abih mưnga vôm jang hôic taka di Pô Lingik; ong bhian dakhah dakhat ka bôl bhap thong thapkal lang kar thong Pô Lingik. 3Nôic tuk klau biêr harei, dalam tha catôi, ong ƀôh pajip tha umat Pô Lingik tamư thang drei bloh đôm: “Hơic Kot-nei!” 4Ong thur mưk mong ƀlan ƀlan umat bloh pathau: “Pô lơy, hu bruk haget nan?” Umat thuuk: “Panôic lang kar thubik gruk dakhah dakhat hư krung hu tagôk tal Pô Lingik thong bihu Bhô đom kanal. 5Urak ni xang pađar mưnuix mưrai dhan Yôp-bê daa Si-môn, lijang iêu nạn Phi-e-rơ. 6Ong nan krưh dok thong Si-môn, ragei pajhul kalik, thang dok jek tathik.” 7Tuk umat đôm thong ong krung hu nao truh, Kot-nei iêu dwa dalam dôm halun anưd ong thong tha urang jabôl dial taka ala gon drei, 8lak vơk abih kabha ka khol nhu pang, bloh pachai khol nhu mưrai Yôp-bê.
9Harei hadei, dalam tuk klau urang nan krưh nao di jalan, tal jek mưdin yơ Phi-e-rơ tagôk pabung thang piêh lang kar; tuk nan, nôic krưh biđiak. 10Ong lipa thong mưhu di ƀang, min dalam tuk mưnuix urang krưh thai vār yơ ong tangui lingưk. 11Ong ƀôh lingik pơh tabiak, thong hu pakar haget drơh yau blah khan prong ikak pāk akiêng patrun tanưh, 12dalam nan hu tal dôm pukar mưnưk pāk takai; pukar kalan rôi ngok tanưh thong cim birim. 13Gilaic hu xap bican thong ong laic: “Hơic Phi-e-rơ, xang tagôk, ngak rilo bloh ƀang.” 14Min Phi-e-rơ pathau: “Pô lơy, ôh bihu ô! Kaywa dahlak ôh tuk halei ƀang kaya haget haruk haram ngan ôh haci hacih.” 15Xap nan gilaic đôm thong ong ƀang ya dwa laic: “Kaya haget Pô Lingik krung hu ngak ka haci hacih bloh yơ jôi mong yau haruk haram.” 16Bruk nan mưjiơng tabiak klau ƀang; bloh blah khan nan bihu ba tagôk thôr riga.
17Dalam tuk Phi-e-rơ dok krưh parabha tian ka gimnit ar anưd catôi drei krung hu ƀôh, dêh, dôm urang Kot-nei pađar nao krung hu dwah bihu thang Si-môn thong krưh dang di anak baƀang. 18Khol nhu iêu piêh tanhi iơk hu njaup Si-môn nạn Phi-e-rơ krưh mưdok sani lei. 19Tuk Phi-e-rơ dok krưh xanưng ka catôi nan ka Pô Nưbi Ginrơh bican thong ong: “Dêh, hu klau urang#10:19 klau urang: Dalam tha thanôn blah vak tangin nạn dwa urang; dalam tha thanôn blah vak tangin pakan nạn dôm urang. dok krưh dwah hư. 20Yau nan, xang dang tagôk, trun nao thong khol nhu, jôi kalman kaywa Ita krung hu pađar khol nhu.” 21Phi-e-rơ trun nao thong khol nhu bloh đôm: “Dahlak êng nạn mưnuix dôm ong dok krưh dwah. Dôm ong mưrai sani hu bruk haget?” 22Khol nhu thuuk: “Kot-nei puk ginôr nạn mưnuix kahanôt, hôic taka di Pô Lingik, bihu abih bôl Yo Thaic ngak kaxan siam. Ong nan bihu tha umat nưbi ariêng ba, pađar daa ong mưrai thang piêh pang panôic ong pato.” 23Phi-e-rơ daa khol nhu tamư thang, brei mưdok tak nan. Harei hadei, Phi-e-rơ tagôk jalan nao thong khol nhu; hu dôm dei ai mưng Yôp-bê nao tui thubik. 24Harei hadei nan, khol nhu mưrai Sê-sa-rê. Kot-nei thubik thong mik va thong dôm ayut tanhrao nhom vơk tak thang, krưh dok cang khol nhu. 25Phi-e-rơ yam tamư, Kot-nei tabiak rok, khôi ala takai ong bloh kakuh. 26Min Phi-e-rơ vơh ong tagôk bloh đôm: “Dang tagôk mek, êng dahlak lijang nạn mưnuix min.” 27Hadei di tuk đôm pôic thong Kot-nei, Phi-e-rơ yam tamư dalam thang ƀôh ralô urang nhom vơk. 28Ong đôm thong khol nhu: “Dôm ong thau mưnuix Yo Thaic takrung ôh bihu idin atadha ngan mưrai thang mưnuix diya lingiu; min Pô Lingik krung hu sahadah ka dahlak thau laic ukhin iêu tha urang halei nạn haruk haram ngan ôh haci hacih. 29Ywa nan ka, tuk bihu daa yơ dahlak mưrai vêt, ôh kađa haget. Yau nan dahlak likau tanhi kaywa gađi kadha haget dôm ong daa dahlak mưrai?” 30Kot-nei thuuk: “Pāk harei dahlau, nôic tuk ni, nạn tuk klau biêr harei, dahlak krưh dok pak thang lang kar#10:30 lang kar: Dalam tha thanôn blah vak tangin nạn ikak tian ơk thong lang kar. yơ asak hu tha urang cuk ao tanrak ƀlet bhat tabiak di anak dahlak 31thong đôm: ‘Hơic Kot-nei, panôic lang kar hư krung bihu hamit bloh thong bruk dakhah dakhat hư krung bihu Pô Lingik đom kanal. 32Yau nan, hư xang pađar mưnuix mưrai Yôp-bê daa Si-môn, iêu nạn Phi-e-rơ, mưrai sani. Ong nan krưh dok thong Si-môn, ragei pajhul kalik, thang jek tathik.’ 33Binhêt dahlak pađar daa ong, thong ong krung hu bui tian mưrai tak ni. Yau nan urak ni, abih khol dahlak krưh dok di anak Pô Lingik piêh pang abih kabha Pô krung hu tathit kakei ong.”
Phi-e-rơ lang pahơh ka Bôl-Lingiu
34Phi-e-rơ raup đôm: “Biak jơh, dahlak krưn thau Pô Lingik ôh jwak jih thei, 35min dalam abih paran, mưyah thei hôic taka di Pô Lingik thong ngak kabha kahanôt yơ bihu Bhô halar ciup. 36Pô Lingik krung hu paywa anga mưrai ka anưk bik I-sra-ên, rao lang Khao Siam thug siam kaywa Pô Yê-su Krist, nạn Pô abih drei. 37Dôm ong thau pajip bruk mưjiơng tabiak, raup mưng Ga-li-lê bloh ravak dalam abih nưgar Yu-đê, hadei di tuk Yâng rao lang ka ƀap-tem; 38yau halei Pô Lingik krung hu luk mưnhưk ka Pô Yê-su mưnuix Na-xa-ret mưng Pô Nưbi Ginrơh thong gon xagta, bloh Bhô nao graup libik ngak bruk dhar phôl thong pajru dhit abih mưnuix gok Abilêh gơk tatơk, kaywa Pô Lingik dok mưthong Bhô. 39Khol dahlak nạn dôm rakaxan ka dôm kabha Bhô krung hu ngak pak Yu-đê thong Yê-ru-sa-lem. Mưnuix urang krung hu tôr Bhô ngok gai kayau bloh pamưtai. 40Min harei ya klau, Pô Lingik krung hu ngak ka Bhô diup vơk thong bhat tabiak, 41ôh njaup ka abih bôl bhap, min ka khol dahlak nạn dôm rakaxan Pô Lingik krung hu rwah dahlau, ar nạn dôm urang krung hu ƀang mưnhum thong Bhô hadei di tuk Bhô mưng lôg mưtai diup vơk. 42Bhô krung hu tathit ka khol dahlak xang rao lang ka bôl bhap, thong paxakrưn Bhô nạn Dê Pô Lingik krung hu papôk tagôk piêh bican inư mưnuix diup thong ra mưtai. 43Abih pakat hôr jang ngak kaxan laic thei dial Bhô yơ nhơ di angan Bhô bihu ampun glaic.”
Mưnuix Bôl-Lingiu bihu tôk mưk Pô Nưbi Ginrơh
44Tuk Phi-e-rơ dok krưh đôm yơ Pô Nưbi Ginrơh jrang ngok abih drei pang anga. 45Dôm mưnuix dial Pô ciup khao tan, nạn dôm urang nao thubik thong Phi-e-rơ, jang plơng kadơng kaywa kaya alin nạn Pô Nưbi Ginrơh lijang tuh trun ka dôm mưnuix Bôl-Lingiu gêk. 46Dôm mưnuix dial Pô nan pang khol nhu đôm dôm xap pakan#10:46 xap pakan: Dalam xap Hi-lap nạn glossa ar nạn đôm mưng dalah. thong pôk mưyom Pô Lingik. Kal nan Phi-e-rơ đôm: 47“Thei hu mưda kamlah klāk ƀap-tem mưng ia ka dôm urang krung hu tôk mưk Pô Nưbi Ginrơh lijang yau khol drei kaic?” 48Yau nan, ong thurah ngak ƀap-tem ka khol nhu nưmax angan Pô Yê-su Krist. Bloh khol nhu daa ong dok vơk paƀlwak hadôm harei tra.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.