I Kô-rir-tô 9
9
Kayom hanim anưd Xêh Pachai
1Dahlak ôh bihu salalah ô? Dahlak xang ôh njaup nạn Xêh Pachai ô? Dahlak krung hu ôh bhian ƀôh Pô Yê-su, Pô khol drei ô? Dei ai ôh njaup nạn jiơng athar anưd dahlak dalam Pô ô? 2Mưyah dahlak ôh njaup Xêh Pachai jom thong mưnuix pakan yơ takik ralô lijang nạn Xêh Pachai jom thong dei ai; kaywa dei ai nạn nưm tamtra ka rapajan Xêh Pachai dahlak dalam Pô. 3Sani nạn panôic đôm palah anưd dahlak piêh mưradhag vơk dôm ra tharumư dahlak. 4Hu njaup khol dahlak ôh hu gon ƀang mưnhum ô? 5Hu njaup khol dahlak ôh hu gon ba tui hadiup dial Pô Yê-su dalam dôm mưƀôk nao, yau dôm Xêh Pachai pakan, lijang yau dôm adei Pô thong Sê-pha ô? 6Hai ciêt dahlak thong Ƀa-na-ƀa nạn ôh hu gon bihu klah di ngak bruk dwah ƀang ô? 7Hu thei ƀang lithei thang bloh nao tong kalin kaic? Hu thei pala bơn nho bloh ôh ƀang boh? Ngan hu thei glang tapôr athur bhiêp bloh ôh angui ia tathau tapôr nhu kaic? 8Dahlak đôm yau nan, hu njaup nạn tui ganap dunya lei? Hakum jakar lijang ôh đôm yau nan ô? 9#I Ti 5:18.Kaywa hakum jakar Mô-se hu vak:
“Jôi buh galing pabah limo krưh dok jwak padai.”
Hu njaup Pô Lingik jari jarô ka limo lei? 10Hai kaywa khol drei bloh Bhô đôm kabha nan? Njaup nạn kaywa di khol drei mưng hu panôic nan; kaywa mưnuix liwa xang liwa thong pachôm, mưnuix papoh padai xang papoh padai thong pachôm bihu rabha nôk. 11#Rô 15:27.Mưyah khol dahlak krung hu drāk dôm kabha bha nưbi ginrơh krưh dei ai, yơ bruk ywak bihu athal mưnưk mưng dei ai nạn bruk pathak pathwôn min? 12Mưyah dôm urang pakan dok hu gon nan ngok dei ai, laic haget nạn khol dahlak? Yau nan min khol dahlak ôh angui gon ni; min khol dahlak ưn ciup abih gruk, piêh ôh ngak ajal ka Khao Siam Dê Krist. 13Dei ai ôh thau laic, thei ragxa bruk huji yơ ƀang kaya ƀai dalam huji, dok thei ragxa bruk jaban yơ hu nôk pak jaban ô? 14#Mat 10:10; Lu 10:7.Lijang yau nan, Pô hu tathit laic, thei rao lang Khao Siam yơ bihu rong ba kaywa Khao Siam.
Dôm kabha Phao-lô kamlah klāk
15Min dahlak ôh bik angui gon nan, lijang ôh vak harak ni piêh đôk gon nan; kaywa dahlak dak mưtai dok hơl piêh ka pathar pathar urang halei mưblah mưk lihik boh mưyeh mưyom ni. 16Mưyah dahlak rao lang Khao Siam, dahlak ôh hu thrơh kadha piêh mưyeh mưyom, kaywa dahlak gok jiang ikak xang ngak yau nan; min mưyah dahlak ôh rao lang Khao Siam yơ biak kathrưg ka dahlak. 17Mưyah dahlak êng that ngak bruk ni yơ bihu alin; dok mưyah ôh êng that dahlak, rapajan lijang jao kloh ka dahlak. 18Nan yơ kaya alin anưd dahlak nạn haget? Ywa nan ka tuk rao lang Khao Siam, dahlak rao lang ôh kong, ôh đôk kayom hanim halei di anưd mưnuix rao lang Khao Siam.
19Kanê thong abih drei, dahlak nạn mưnuix salalah, min dahlak krung hu êng gilaic jiơng halun kloh ka abih drei piêh hu mưda tiriya paƀlwak ralô urang. 20Thong mưnuix Yo Thaic, dahlak gilaic hajiơng yau tha mưnuix Yo Thaic piêh tiriya bihu mưnuix Yo Thaic. Jom thong dôm urang mưdok ala hakum jakar — kanê êng dahlak ôh mưdok ala hakum jakar — dahlak gilaic hajiơng yau tha urang mưdok ala hakum jakar piêh hu mưda tiriya dôm urang mưdok ala hakum jakar. 21Thong dôm urang ôh hu hakum jakar – kanê jom thong Pô Lingik, dahlak ôh njaup ôh hu hakum jakar, kaywa dahlak dok ala hakum jakar Dê Krist – dahlak gilaic jiơng yau tha urang Bôl-Lingiu piêh hu mưda tiriya dôm urang Bôl-Lingiu. 22Thong dôm urang kre, dahlak gilaic jiơng yau tha urang kre piêh hu mưda tiriya dôm urang kre. Dahlak krung hu gilaic jiơng abih ganap ka abih drei piêh hu mưda dong bihu hadôm urang, pathar pathar ganap halei. 23Dahlak ngak abih gruk kaywa di Khao Siam piêh hu mưda thubik klah rabha hanim siam anưd Khao Siam.
24Dei ai ôh thau laic dalam binhôr đôic kacah pak ƀlang pathram, abih drei jang đôic min ciêt hu tha urang mưblah chiơt ô? Yau nan, xang đôic yau halei piêh dei ai hu mưda tha urang mưblah chiơt. 25Abih ra pamưgei xang êng adat paya dalam abih gruk. Khol nhu ciup yau nan piêh bihu ginrang bhian pao tayah. Min khol drei ciup yau nan piêh bihu ginrang ôh bhian pao lihik. 26Lijang yau nan, dahlak đôic, ôh njaup nạn đôic ôh kaxat; dahlak tong, ôh njaup nạn tong tamư arthak. 27Min dahlak payak rup pabhap dahlak ganap thur, mưk nhu xang halar tui, hôic lô hadei di tuk dahlak lang pato ka urang pakan, bloh êng drei gilaic gok kah klāk kaic.
Currently Selected:
I Kô-rir-tô 9: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
I Kô-rir-tô 9
9
Kayom hanim anưd Xêh Pachai
1Dahlak ôh bihu salalah ô? Dahlak xang ôh njaup nạn Xêh Pachai ô? Dahlak krung hu ôh bhian ƀôh Pô Yê-su, Pô khol drei ô? Dei ai ôh njaup nạn jiơng athar anưd dahlak dalam Pô ô? 2Mưyah dahlak ôh njaup Xêh Pachai jom thong mưnuix pakan yơ takik ralô lijang nạn Xêh Pachai jom thong dei ai; kaywa dei ai nạn nưm tamtra ka rapajan Xêh Pachai dahlak dalam Pô. 3Sani nạn panôic đôm palah anưd dahlak piêh mưradhag vơk dôm ra tharumư dahlak. 4Hu njaup khol dahlak ôh hu gon ƀang mưnhum ô? 5Hu njaup khol dahlak ôh hu gon ba tui hadiup dial Pô Yê-su dalam dôm mưƀôk nao, yau dôm Xêh Pachai pakan, lijang yau dôm adei Pô thong Sê-pha ô? 6Hai ciêt dahlak thong Ƀa-na-ƀa nạn ôh hu gon bihu klah di ngak bruk dwah ƀang ô? 7Hu thei ƀang lithei thang bloh nao tong kalin kaic? Hu thei pala bơn nho bloh ôh ƀang boh? Ngan hu thei glang tapôr athur bhiêp bloh ôh angui ia tathau tapôr nhu kaic? 8Dahlak đôm yau nan, hu njaup nạn tui ganap dunya lei? Hakum jakar lijang ôh đôm yau nan ô? 9#I Ti 5:18.Kaywa hakum jakar Mô-se hu vak:
“Jôi buh galing pabah limo krưh dok jwak padai.”
Hu njaup Pô Lingik jari jarô ka limo lei? 10Hai kaywa khol drei bloh Bhô đôm kabha nan? Njaup nạn kaywa di khol drei mưng hu panôic nan; kaywa mưnuix liwa xang liwa thong pachôm, mưnuix papoh padai xang papoh padai thong pachôm bihu rabha nôk. 11#Rô 15:27.Mưyah khol dahlak krung hu drāk dôm kabha bha nưbi ginrơh krưh dei ai, yơ bruk ywak bihu athal mưnưk mưng dei ai nạn bruk pathak pathwôn min? 12Mưyah dôm urang pakan dok hu gon nan ngok dei ai, laic haget nạn khol dahlak? Yau nan min khol dahlak ôh angui gon ni; min khol dahlak ưn ciup abih gruk, piêh ôh ngak ajal ka Khao Siam Dê Krist. 13Dei ai ôh thau laic, thei ragxa bruk huji yơ ƀang kaya ƀai dalam huji, dok thei ragxa bruk jaban yơ hu nôk pak jaban ô? 14#Mat 10:10; Lu 10:7.Lijang yau nan, Pô hu tathit laic, thei rao lang Khao Siam yơ bihu rong ba kaywa Khao Siam.
Dôm kabha Phao-lô kamlah klāk
15Min dahlak ôh bik angui gon nan, lijang ôh vak harak ni piêh đôk gon nan; kaywa dahlak dak mưtai dok hơl piêh ka pathar pathar urang halei mưblah mưk lihik boh mưyeh mưyom ni. 16Mưyah dahlak rao lang Khao Siam, dahlak ôh hu thrơh kadha piêh mưyeh mưyom, kaywa dahlak gok jiang ikak xang ngak yau nan; min mưyah dahlak ôh rao lang Khao Siam yơ biak kathrưg ka dahlak. 17Mưyah dahlak êng that ngak bruk ni yơ bihu alin; dok mưyah ôh êng that dahlak, rapajan lijang jao kloh ka dahlak. 18Nan yơ kaya alin anưd dahlak nạn haget? Ywa nan ka tuk rao lang Khao Siam, dahlak rao lang ôh kong, ôh đôk kayom hanim halei di anưd mưnuix rao lang Khao Siam.
19Kanê thong abih drei, dahlak nạn mưnuix salalah, min dahlak krung hu êng gilaic jiơng halun kloh ka abih drei piêh hu mưda tiriya paƀlwak ralô urang. 20Thong mưnuix Yo Thaic, dahlak gilaic hajiơng yau tha mưnuix Yo Thaic piêh tiriya bihu mưnuix Yo Thaic. Jom thong dôm urang mưdok ala hakum jakar — kanê êng dahlak ôh mưdok ala hakum jakar — dahlak gilaic hajiơng yau tha urang mưdok ala hakum jakar piêh hu mưda tiriya dôm urang mưdok ala hakum jakar. 21Thong dôm urang ôh hu hakum jakar – kanê jom thong Pô Lingik, dahlak ôh njaup ôh hu hakum jakar, kaywa dahlak dok ala hakum jakar Dê Krist – dahlak gilaic jiơng yau tha urang Bôl-Lingiu piêh hu mưda tiriya dôm urang Bôl-Lingiu. 22Thong dôm urang kre, dahlak gilaic jiơng yau tha urang kre piêh hu mưda tiriya dôm urang kre. Dahlak krung hu gilaic jiơng abih ganap ka abih drei piêh hu mưda dong bihu hadôm urang, pathar pathar ganap halei. 23Dahlak ngak abih gruk kaywa di Khao Siam piêh hu mưda thubik klah rabha hanim siam anưd Khao Siam.
24Dei ai ôh thau laic dalam binhôr đôic kacah pak ƀlang pathram, abih drei jang đôic min ciêt hu tha urang mưblah chiơt ô? Yau nan, xang đôic yau halei piêh dei ai hu mưda tha urang mưblah chiơt. 25Abih ra pamưgei xang êng adat paya dalam abih gruk. Khol nhu ciup yau nan piêh bihu ginrang bhian pao tayah. Min khol drei ciup yau nan piêh bihu ginrang ôh bhian pao lihik. 26Lijang yau nan, dahlak đôic, ôh njaup nạn đôic ôh kaxat; dahlak tong, ôh njaup nạn tong tamư arthak. 27Min dahlak payak rup pabhap dahlak ganap thur, mưk nhu xang halar tui, hôic lô hadei di tuk dahlak lang pato ka urang pakan, bloh êng drei gilaic gok kah klāk kaic.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.