Rô-ma 7
7
Dơrluh rlach ch'bap
1Ơi oh bi — hei mor n'hai pal bnih gưt ch'bap — oh bi 'bưn gưt laah ch'bap dơơn kan bôôk bu nday plah bu nha rêh ei laang? 2Đươm nei, mbu dơur geh sai klau, mơq sai klau nha rêh pal êch nei bnih dơur nei nha dol ch'bap kơt kơlwơn phrui rêh n'hai sai klau pal nei; dôh mơq sai klau chhưt nei bnih nei 'bưn nha dol ch'bap kơt kơlwơn n'hai sai klau hôm. 3Bei nei, mơq plah sai klau nha rêh baah sai ur han pơih klau êêng nei a kươi chôôl laa dơur ta tưr. Dôh mơq sai klau chhưt, bnih sai ur kươt dơrluh rlach ch'bap, mơq geh pơih bnih êêng kot 'bưn geh laa mei dơur ta tưr. 4Kot bei nei, ơi oh bi hei ri, chkhôm chhak jan Yaang Krist ri baah oh bi ja chhưt teq u ch'bap u bei au laa pơơn teq u mbu bnih nday, laa Yaang ja rêh kươi a ktôk chhưt, jah bơl bơn kat kao hao play aan Brah Ưn. 5Khal bơl bơn nha rêh knông pêêk pai, pal sơ ôp dôih 'baap hei ri rlach ch'bap, kaar lơh knông chhak jan bơl bơn jah play kao aan baak chhưt. 6Dôh bei au bơl bơn ja kươt dơrluh rlach ch'bap, ja chhưt teq u ntil ja groon bơl bơn, jah bơl bơn jraih kaar tênh ndroong mhei Brah Wêêng ri, 'bưn geh tênh ndroong ndơm 'bian sêr ner hôm.
Dôih 'baap u ch'bap
7Bei nei bơl bơn a kươi mor bei êch? Ch'bap laa dôih 'baap neh? 'Bưn geh bei nei! Dôh mơq 'bưn chkhôm ch'bap nei hei 'bưn gưt tơt dôih 'baap. Mơq ch'bap 'bưn mor: “'Bei khơơm m'oh n'haan” nei hei ja 'bưn gưt m'oh n'haan laa pi ơơn. 8Dôh dôih 'baap ja kơrnham phrui knông baak ch'bap, pơrlay knông hei sơp jôm ntil sơ ôp, đươm 'bưn geh ch'bap nei dôih 'baap chhưt. 9Noor tôw, 'bưn geh ch'bap nei hei rêh; dôh tơt geh baak ch'bap nei dôih 'baap rêh kươi, 10nha hei nei chhưt; bei nei ch'bap liêu baak rêh tơt aan hei leet liêu hei tơt baak chhưt. 11Đươm dôih 'baap kơrnham phrui, nhôq baak ch'bap lhiat hei u jơl nei lưm chhưt hei. 12Nei mơ, ch'bap laa jrah, baak ch'bap kot laa jrah, sêch song, u klanh room.
13Bei nei, geh lah ntil klanh liêu baak chhưt tơt aan hei 'bưn? 'Bưn geh bei nei! Dôh nei laa dôih 'baap ja nhôq ntil klanh lơh aan hei chhưt, jah pêêk pai a ngan dôih 'baap ri kươt tơrsau, u rlach baak ch'bap, dôih 'baap but jrươk huôih.
Ta lơh knông chưt
14Bơl bơn gưt laah ch'bap laa wêêng brlơng; dôh hei laa bnih pêêk pai ja tach aan dôih 'baap. 15Hei 'bưn gưt ntil bơn lơh. Đươm hei 'bưn lơh ntil nơơm êch baah leet lơh ntil bơn a kiêr.#Ga 5:21. 16Dôh mơq hei lơh ntil bơn 'bưn êch nei hei mơq kơơi ch'bap laa klanh room. 17Bei au 'bưn geh hei lơh ntil nei nha, dôh đươm dôih 'baap gôq knông hei. 18Đươm hei gưt laah ntil lơ ưt 'bưn gôq knông hei, rơih laa knông pêêk pai hei. Hei geh rnđêch lơh ntil lơ ưt, dôh hei 'bưn geh lpat jah lơh. 19Đươm hei 'bưn lơh ntil lơ ưt bơn êch, baah leet lơh ntil đơơk bơn 'bưn êch. 20Mơq hei lơh ntil bơn 'bưn êch nei 'bưn dip laa hei, pa nơơm dôih 'baap knông hei lơh ntil nei.
21Đươm bei nei, hei lôh sau ch'bap au: Tơt hei êch lơh ntil lơ ưt nei ntil đơơk bat tênh lơ hei. 22Đươm knông gơrninh, hei broh êch đat ch'bap Brah Ưn ri; 23dôh hei 'bưn ja gưt knông chhak jan hei geh di ch'bap êêng ta lơh n'hai ch'bap knông chưt gơrninh hei, nhôp hei phrui lơh dêch aan ch'bap dôih 'baap ri, laa ch'bap gôq knông chhak jan hei. 24Ji rngiêl aan hei! 'Bơơn a kươi đoh jraih hei rlach chhak jan kmlơt chhưt au? 25Or Brah Ưn, chkhôm Brah Jê-sus Krist, laa Brah bơl bơn! Bei nei, nơơm hei nhôq chưt gơrninh nơơm chôh ch'bap Brah Ưn ri, dôh pơih pêêk pai nơơm chôh ch'bap dôih 'baap ri.
Currently Selected:
Rô-ma 7: SBL2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Rô-ma 7
7
Dơrluh rlach ch'bap
1Ơi oh bi — hei mor n'hai pal bnih gưt ch'bap — oh bi 'bưn gưt laah ch'bap dơơn kan bôôk bu nday plah bu nha rêh ei laang? 2Đươm nei, mbu dơur geh sai klau, mơq sai klau nha rêh pal êch nei bnih dơur nei nha dol ch'bap kơt kơlwơn phrui rêh n'hai sai klau pal nei; dôh mơq sai klau chhưt nei bnih nei 'bưn nha dol ch'bap kơt kơlwơn n'hai sai klau hôm. 3Bei nei, mơq plah sai klau nha rêh baah sai ur han pơih klau êêng nei a kươi chôôl laa dơur ta tưr. Dôh mơq sai klau chhưt, bnih sai ur kươt dơrluh rlach ch'bap, mơq geh pơih bnih êêng kot 'bưn geh laa mei dơur ta tưr. 4Kot bei nei, ơi oh bi hei ri, chkhôm chhak jan Yaang Krist ri baah oh bi ja chhưt teq u ch'bap u bei au laa pơơn teq u mbu bnih nday, laa Yaang ja rêh kươi a ktôk chhưt, jah bơl bơn kat kao hao play aan Brah Ưn. 5Khal bơl bơn nha rêh knông pêêk pai, pal sơ ôp dôih 'baap hei ri rlach ch'bap, kaar lơh knông chhak jan bơl bơn jah play kao aan baak chhưt. 6Dôh bei au bơl bơn ja kươt dơrluh rlach ch'bap, ja chhưt teq u ntil ja groon bơl bơn, jah bơl bơn jraih kaar tênh ndroong mhei Brah Wêêng ri, 'bưn geh tênh ndroong ndơm 'bian sêr ner hôm.
Dôih 'baap u ch'bap
7Bei nei bơl bơn a kươi mor bei êch? Ch'bap laa dôih 'baap neh? 'Bưn geh bei nei! Dôh mơq 'bưn chkhôm ch'bap nei hei 'bưn gưt tơt dôih 'baap. Mơq ch'bap 'bưn mor: “'Bei khơơm m'oh n'haan” nei hei ja 'bưn gưt m'oh n'haan laa pi ơơn. 8Dôh dôih 'baap ja kơrnham phrui knông baak ch'bap, pơrlay knông hei sơp jôm ntil sơ ôp, đươm 'bưn geh ch'bap nei dôih 'baap chhưt. 9Noor tôw, 'bưn geh ch'bap nei hei rêh; dôh tơt geh baak ch'bap nei dôih 'baap rêh kươi, 10nha hei nei chhưt; bei nei ch'bap liêu baak rêh tơt aan hei leet liêu hei tơt baak chhưt. 11Đươm dôih 'baap kơrnham phrui, nhôq baak ch'bap lhiat hei u jơl nei lưm chhưt hei. 12Nei mơ, ch'bap laa jrah, baak ch'bap kot laa jrah, sêch song, u klanh room.
13Bei nei, geh lah ntil klanh liêu baak chhưt tơt aan hei 'bưn? 'Bưn geh bei nei! Dôh nei laa dôih 'baap ja nhôq ntil klanh lơh aan hei chhưt, jah pêêk pai a ngan dôih 'baap ri kươt tơrsau, u rlach baak ch'bap, dôih 'baap but jrươk huôih.
Ta lơh knông chưt
14Bơl bơn gưt laah ch'bap laa wêêng brlơng; dôh hei laa bnih pêêk pai ja tach aan dôih 'baap. 15Hei 'bưn gưt ntil bơn lơh. Đươm hei 'bưn lơh ntil nơơm êch baah leet lơh ntil bơn a kiêr.#Ga 5:21. 16Dôh mơq hei lơh ntil bơn 'bưn êch nei hei mơq kơơi ch'bap laa klanh room. 17Bei au 'bưn geh hei lơh ntil nei nha, dôh đươm dôih 'baap gôq knông hei. 18Đươm hei gưt laah ntil lơ ưt 'bưn gôq knông hei, rơih laa knông pêêk pai hei. Hei geh rnđêch lơh ntil lơ ưt, dôh hei 'bưn geh lpat jah lơh. 19Đươm hei 'bưn lơh ntil lơ ưt bơn êch, baah leet lơh ntil đơơk bơn 'bưn êch. 20Mơq hei lơh ntil bơn 'bưn êch nei 'bưn dip laa hei, pa nơơm dôih 'baap knông hei lơh ntil nei.
21Đươm bei nei, hei lôh sau ch'bap au: Tơt hei êch lơh ntil lơ ưt nei ntil đơơk bat tênh lơ hei. 22Đươm knông gơrninh, hei broh êch đat ch'bap Brah Ưn ri; 23dôh hei 'bưn ja gưt knông chhak jan hei geh di ch'bap êêng ta lơh n'hai ch'bap knông chưt gơrninh hei, nhôp hei phrui lơh dêch aan ch'bap dôih 'baap ri, laa ch'bap gôq knông chhak jan hei. 24Ji rngiêl aan hei! 'Bơơn a kươi đoh jraih hei rlach chhak jan kmlơt chhưt au? 25Or Brah Ưn, chkhôm Brah Jê-sus Krist, laa Brah bơl bơn! Bei nei, nơơm hei nhôq chưt gơrninh nơơm chôh ch'bap Brah Ưn ri, dôh pơih pêêk pai nơơm chôh ch'bap dôih 'baap ri.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.