Rô-ma 16
16
Phao-lô mbơh ptơơm dơur jraih kaar Phê-bê
1Hei dan tơrsau mat n'hai oh bi, bi Phê-bê laa bnih mei ruh bơl hei, kot laa dơur jraih kaar Phung Jrah Sen-kơ-rê ri. 2Phrui wơơt ruh di ndroong klanh dip knông Brah bei wơơt bơl koon sơih, u joq jraih ruh khal êch ruh chkhôm tơt oh bi; đươm nơơm ruh u ja jraih ơk bnih, u leq hei nha.
Baak chah nhjook
3Hei dan baak chah nhjook Pê-rit-sin u A-ki-la, bơl bnih pôl lơh kaar n'hai hei knông Yaang Krist Jê-sus,#Kênh 18:2. 4laa baar du baanh chhưt jah đoh smlaang rêh hei; 'bưn geh dơơn hei gưt or baar du, baah leq pal Phung Jrah raih agaih ri nha. 5Kot dan baak chah nhjook Phung Jrah pơrgum tu nhi baar du. Dan chah Ê-bai-nêt, bnih gnasaal srlanh hei ri, u laa play tơơm aan Yaang Krist knông kwaal A-si-a. 6Dan chah Ma-ri, bnih ja lơh kaar bool hưl đươm oh bi. 7Dan chah An-trô-ni-kơ u Ju-nia#16:7 Ju-nia: Knông m'baak plơơp 'bian ti laa Ju-lia. laa poh pôl#16:7 poh pôl: Paich laa phung mbaang. u gnasaal pôl khaam n'hai hei, kot laa baar du a sring knông nak bơl jơt jơng n'hai pơơn teq u Yaang Krist noor hei. 8Dan chah Am-lia, bnih srlanh đat hei ri knông Brah. 9Dan chah U-rơ-banh, gnasaal lơh kaar pôl n'hai hei knông Yaang Krist, u Êch-ta-chi, bnih gnasaal srlanh hei ri. 10Dan chah A-be-lơ, bnih kươt wơơt knông Yaang Krist. Dan chah pal bnih klung nhi nak A-rich-tô-bu. 11Dan chah Hê-rô-đi-ôn, bnih mbaang gơna hei ri. Dan chah bơl bnih knông nhi nak Nat-sit, laa bơl bnih knông Brah. 12Dan chah Tri-phe-nơ u Tri-phô-sơ, laa baar ruh du ja bool hưl đươm Brah. Dan chah Pet-si-đơ, bnih ruh hei êch srlanh, ja lơh kaar bool aan Brah. 13Dan chah Ru-phu, bnih kươt Brah sach, u dan chah tơt mei bi ri kot laa mei hei.#Mak 15:21. 14Dan chah A-sin-kơ-rich, Phơ-le-gôn, Het-me, Pa-trô-ba, Het-ma, u bơl oh bi gôq n'hai bu. 15Dan chah Phi-lô-lô-gơ u Ju-li, baar oh nur Nê-rê u oh ur bu nei ri, Ô-lim, u leq sêch koon sơih gôq n'hai bu. 16Phrui ta chah dơng baak phêp jrah. Leq sêch pal Phung Jrah Yaang Krist ri kot dan baak chah oh bi.
Nhjrang bah lơh chrlek êêng
17Ơi oh bi, hei buôi oh bi phrui mơq njrang pal bah ldơk lơh chrlek êêng u root baak trơnih, ta wal kươi baak kne baah oh bi ja riên. Phrui het ngngai bu ơơi. 18Đươm bơl bah nei 'bưn jraih kaar Yaang Krist, Brah bơl bơn, dôh jraih kaar nơơm pul bu ri; bu nhôq baak kah lngôt, llêch jah lhiat pal chưt nuih trah. 19Jôm bnih kot gưt chưt chôh oh bi ri; bei nei, hei broh s'bai teq u oh bi, ndưng laah oh bi jhai rpech teq u ntil klanh u kươt sêch jrah teq u baak kraanh. 20Brah Ưn sroong boong a kươi jaq tơl Sa-tan a jơng oh bi. R'bon dan brêêng smlaang Brah bơl bơn ri laa Brah Jê-sus#16:20 Brah Jê-sus: Knông m'baak plơơp 'bian ti laa Brah Jê-sus Krist. gôq n'hai oh bi!
Baak chah nhjook bơl gnasaal Phao-lô ri
21Ti-mô-thê, bnih lơh kaar pôl n'hai hei dan chah oh bi; Lu-si-ut, Ja-sôn u Sô-si-pa-tê, laa pal mbaang gơna hei ri kot chah oh bi.#Kênh 16:1. 22Hei laa Tet-tiu, bnih 'bian khaak au, dan chah oh bi knông Brah. 23Gai-ut, bnih waq wơơt hei u leq Phung Jrah, dan chah oh bi. Ê-rat, bnih kan prak poh, u lah koon sơih Kua-rơ-tu, kot piyơ baak chah nhjook oh bi. #Kênh 19:29; I Kô 1:14; II Ti 4:20. 24[Dan chak leq sêch oh bi mei ruh dơơn brêêng smlaang Brah bơl bơn ri laa Brah Jê-sus Krist gôq n'hai oh bi! A-men.]#16:24 Knông m'baak plơơp 'bian ti 'bưn geh ndroong 24.
Baak or
25[Pơt wơơl Yaang geh kmheng lơh jap ndang oh bi tênh Baak Sroong Klanh hei ri u baak chhuôr Brah Jê-sus Krist ri, tênh baak tơrsau teq u ntil chmlih chmleek ơơm ja kươt pôn kơndơp a ban snam khal hư, 26dôh bei au, tênh rmaanh Brah Ưn ri rêh yoot u rlach pal sm'bưt grnưt noor, ntil chmlih chmleek ja kươt tơrsau aan ơp raih bal kot gưt, jah liêu bu tơt chưt jơrnơ chôh, 27u rlach Brah Jê-sus Krist, Brah Ưn laa Yaang jhai rpech mbu ei, kươt chring chraang yoot yôw! A-men.]#16:25-27 [Pơt wơơl... A-men.]: Knông m'baak plơơp 'bian ti 'bưn geh ndroong 14:23, paich kươi 15:33. Knông m'baak plơơp 'bian ti nday, pal sêr au lôh sot baar wưt kươi 14:23 n'hai kươi 15:33; paich kươi 14:23 n'hai kươi 16:23.
Currently Selected:
Rô-ma 16: SBL2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Rô-ma 16
16
Phao-lô mbơh ptơơm dơur jraih kaar Phê-bê
1Hei dan tơrsau mat n'hai oh bi, bi Phê-bê laa bnih mei ruh bơl hei, kot laa dơur jraih kaar Phung Jrah Sen-kơ-rê ri. 2Phrui wơơt ruh di ndroong klanh dip knông Brah bei wơơt bơl koon sơih, u joq jraih ruh khal êch ruh chkhôm tơt oh bi; đươm nơơm ruh u ja jraih ơk bnih, u leq hei nha.
Baak chah nhjook
3Hei dan baak chah nhjook Pê-rit-sin u A-ki-la, bơl bnih pôl lơh kaar n'hai hei knông Yaang Krist Jê-sus,#Kênh 18:2. 4laa baar du baanh chhưt jah đoh smlaang rêh hei; 'bưn geh dơơn hei gưt or baar du, baah leq pal Phung Jrah raih agaih ri nha. 5Kot dan baak chah nhjook Phung Jrah pơrgum tu nhi baar du. Dan chah Ê-bai-nêt, bnih gnasaal srlanh hei ri, u laa play tơơm aan Yaang Krist knông kwaal A-si-a. 6Dan chah Ma-ri, bnih ja lơh kaar bool hưl đươm oh bi. 7Dan chah An-trô-ni-kơ u Ju-nia#16:7 Ju-nia: Knông m'baak plơơp 'bian ti laa Ju-lia. laa poh pôl#16:7 poh pôl: Paich laa phung mbaang. u gnasaal pôl khaam n'hai hei, kot laa baar du a sring knông nak bơl jơt jơng n'hai pơơn teq u Yaang Krist noor hei. 8Dan chah Am-lia, bnih srlanh đat hei ri knông Brah. 9Dan chah U-rơ-banh, gnasaal lơh kaar pôl n'hai hei knông Yaang Krist, u Êch-ta-chi, bnih gnasaal srlanh hei ri. 10Dan chah A-be-lơ, bnih kươt wơơt knông Yaang Krist. Dan chah pal bnih klung nhi nak A-rich-tô-bu. 11Dan chah Hê-rô-đi-ôn, bnih mbaang gơna hei ri. Dan chah bơl bnih knông nhi nak Nat-sit, laa bơl bnih knông Brah. 12Dan chah Tri-phe-nơ u Tri-phô-sơ, laa baar ruh du ja bool hưl đươm Brah. Dan chah Pet-si-đơ, bnih ruh hei êch srlanh, ja lơh kaar bool aan Brah. 13Dan chah Ru-phu, bnih kươt Brah sach, u dan chah tơt mei bi ri kot laa mei hei.#Mak 15:21. 14Dan chah A-sin-kơ-rich, Phơ-le-gôn, Het-me, Pa-trô-ba, Het-ma, u bơl oh bi gôq n'hai bu. 15Dan chah Phi-lô-lô-gơ u Ju-li, baar oh nur Nê-rê u oh ur bu nei ri, Ô-lim, u leq sêch koon sơih gôq n'hai bu. 16Phrui ta chah dơng baak phêp jrah. Leq sêch pal Phung Jrah Yaang Krist ri kot dan baak chah oh bi.
Nhjrang bah lơh chrlek êêng
17Ơi oh bi, hei buôi oh bi phrui mơq njrang pal bah ldơk lơh chrlek êêng u root baak trơnih, ta wal kươi baak kne baah oh bi ja riên. Phrui het ngngai bu ơơi. 18Đươm bơl bah nei 'bưn jraih kaar Yaang Krist, Brah bơl bơn, dôh jraih kaar nơơm pul bu ri; bu nhôq baak kah lngôt, llêch jah lhiat pal chưt nuih trah. 19Jôm bnih kot gưt chưt chôh oh bi ri; bei nei, hei broh s'bai teq u oh bi, ndưng laah oh bi jhai rpech teq u ntil klanh u kươt sêch jrah teq u baak kraanh. 20Brah Ưn sroong boong a kươi jaq tơl Sa-tan a jơng oh bi. R'bon dan brêêng smlaang Brah bơl bơn ri laa Brah Jê-sus#16:20 Brah Jê-sus: Knông m'baak plơơp 'bian ti laa Brah Jê-sus Krist. gôq n'hai oh bi!
Baak chah nhjook bơl gnasaal Phao-lô ri
21Ti-mô-thê, bnih lơh kaar pôl n'hai hei dan chah oh bi; Lu-si-ut, Ja-sôn u Sô-si-pa-tê, laa pal mbaang gơna hei ri kot chah oh bi.#Kênh 16:1. 22Hei laa Tet-tiu, bnih 'bian khaak au, dan chah oh bi knông Brah. 23Gai-ut, bnih waq wơơt hei u leq Phung Jrah, dan chah oh bi. Ê-rat, bnih kan prak poh, u lah koon sơih Kua-rơ-tu, kot piyơ baak chah nhjook oh bi. #Kênh 19:29; I Kô 1:14; II Ti 4:20. 24[Dan chak leq sêch oh bi mei ruh dơơn brêêng smlaang Brah bơl bơn ri laa Brah Jê-sus Krist gôq n'hai oh bi! A-men.]#16:24 Knông m'baak plơơp 'bian ti 'bưn geh ndroong 24.
Baak or
25[Pơt wơơl Yaang geh kmheng lơh jap ndang oh bi tênh Baak Sroong Klanh hei ri u baak chhuôr Brah Jê-sus Krist ri, tênh baak tơrsau teq u ntil chmlih chmleek ơơm ja kươt pôn kơndơp a ban snam khal hư, 26dôh bei au, tênh rmaanh Brah Ưn ri rêh yoot u rlach pal sm'bưt grnưt noor, ntil chmlih chmleek ja kươt tơrsau aan ơp raih bal kot gưt, jah liêu bu tơt chưt jơrnơ chôh, 27u rlach Brah Jê-sus Krist, Brah Ưn laa Yaang jhai rpech mbu ei, kươt chring chraang yoot yôw! A-men.]#16:25-27 [Pơt wơơl... A-men.]: Knông m'baak plơơp 'bian ti 'bưn geh ndroong 14:23, paich kươi 15:33. Knông m'baak plơơp 'bian ti nday, pal sêr au lôh sot baar wưt kươi 14:23 n'hai kươi 15:33; paich kươi 14:23 n'hai kươi 16:23.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.