Mak 13
13
Tơmbơh baak noor teq u baak lơh rlơm Jê-ru-sa-lem n'hai baak plơq kươi Brah ri
(Ma-thi-ơ 24:1,2; Lu-ka 21:5,6)
1Tơt Brah Jê-sus mhei sot rlach nhi r'bưn, di mbu jơrnơ mor n'hai Pang: “Ơi Yau, Yau mơq tôw, pal tmau ttih u pal nhi ttih đat lơh bei êch!” 2Brah Jê-sus ơh: “'Bei sau pal nhi au ttih đat neh? Hơơi au a kươi 'bưn nh'ơơm graap tmau êch rơ kơơl lơ graap tmau êch hôm. Leq sêch kot a kươi dol ha pling.”
3Tơt Pang gôq lơ bnơm Ô-liu, rdang n'hai nhi r'bưn, Phi-e-rơ, Ja-kơ, Jang, u Anh-rê lôh ôp êêng Pang: 4“Dan Yau mor aan bơl hei gưt khal êch pal ntil nei lôh tơt, u geh chmlih chmleek ơơn jah gưt tơt jơl ptut leq sêch pal kaar nei 'bưn?” 5Brah Jê-sus ptơơm mor n'hai bu: “Phrui nhjrang, khơơm teq 'bơơn kơhok lhiat bơl 'bei. 6Đươm geh ơk bơl bnih a kươi lhiat saak Hei baah lôh u mor laah: ‘Nơơm hei laa yaang nei!’ u bơl bu a kươi kơhok lhiat ơk bnih. 7Tơt bơl 'bei ttang lah teq u talơh tapanh baak lư teq u talơh tapanh nei khơơm rhơq rpơq; kaar nei phrui lôh tơt, dôh ndah phrui laa ptut laang. 8Đươm raih au a kươi kn'hao kmang kươi raih nday, daak ti wal teq u daak su. A kươi geh rlơm teh ơk ktôk, n'hai nh'hit pngot lôh tơt. Au mhei dơơn laa bôôk daak pal kro rngiêl#13:8 S'bt: baak ji dơơh lgơơch. ei.
9Teq u bơl 'bei, phrui nhjrang đươm bu a kươi ndơơp bơl 'bei aan pal ktôk pơrkat dôih;#13:9 S'bt: Phung kliêu Jưm mlưm. bơl 'bei a kươi dol pơm sơmboong knông pal nhi pơrgum; đươm u Hei, bơl 'bei a kươi phrui ta yoong bôôk mat bơl yau tông u bơl snđach jah lơh ndraanh aan bu.#Mat 10:17-20; Lu 12:11-12. 10Dôh noor leq, Baak Sroong Klanh phrui kươt chhuôr aan jôm raih bal. 11Tơt bu jưn ndơơp bơl 'bei, khơơm gênh noor teq u ntil bơn a kươi mor, dôh knông bêl nei, phrui mor tênh baak a kươi kươt ươn bơl 'bei; đươm 'bưn geh bơl 'bei mor laang, dôh laa Brah Wêêng. 12Bi a kươi ndơơp oh jah dol lưm; bươp a kươi ndơơp koon; koon sau a kươi hao kmang kươi mei bươp u lơh bu phrui chhưt. 13Bơl 'bei a kươi dol jôm bnih a kiêr đươm saak Hei. Dôh 'bơơn jap chưt aan tơt ptut nei a kươi kươt đoh.#Mat 10:22.
14Dôh tơt bơl 'bei sau ntil jrơơk jrơơm but rook jat abrơh abrah tu ktôk 'bưn kươt ch'bap rook sot ('bơơn chôôl phrui gưt), nei 'bơơn plah gôq knông kwaal Ju-đê phrui kup hao bnơm; 15'bơơn gôq lơ kmbung nhi nei khơơm jưr kot khơơm tuôt mưt u nhi jah pơih paich griêng ơơn;#Lu 17:31. 16'bơơn a srei khơơm plơq siq pơih ao ryoq. 17Knông pal nar nei, ji rngiêl ngan aan dơur mbưn u bơl mei nha aan koon oq! 18Phrui r'bon dan aan kaar nei 'bưn lôh tơt knông khal chaal puh. 19Đươm knông pal nar nei a kươi geh r'baak a bơh ptơơm mbut teh trôôk, khal Brah Ưn tơmbut teh trôôk aan tơt bei au kot ndah geh ơơm, teq u kươi kot 'bưn khal êch geh bei nei.#Pơơk 7:14. 20Mơq Brah 'bưn rưt gleh pal nar nei 'bưn geh di mbu 'bơơn kươt đoh; dôh đươm bơl bnih Pang ja sach mơ Pang rưt gleh pal nar nei. 21Tơt khal nei, mơq geh 'bơơn mor n'hai bơl 'bei: ‘Au, Yaang Krist a au!’ paich ‘Tôw, Pang a tôw!’ nei khơơm jơ. 22Bơl lhiat saak Yaang Krist u bơl grnưt noor lhiat a kươi lôh sot; bơl bu lơh ơk chmlih chmleek, r'bon r'bian jah mơq kươt nei kơhok lhiat leq bơl bnih kươt sach. 23Phrui nhjrang. Hei ja mor noor jôm baak aan bơl 'bei hơơi.
24Knông pal nar nei, jơl kươi r'baak,
Mat nar a kươi mang jơ ngôw,
Mat khay a kươi 'bưn yơr aang,
25Pal smanh a kươi lơ trôôk a tup u teh,
U pal kmheng lơ trôôk a kươi dol luônh lơgơh.
26Bei au bu nday a kươi sau Koon Bnih pơih kmheng ttih, a sroh ttih gôq lôh a klung nduq. 27Pang a kươi maanh bơl lênh brah pơrgum bơl bnih kươt sach rlum play teh, a ptơơm trôôk tơt ptut teh.
28Phrui rưt sot baak riên a tơơm lwi, tơơm mhei lôh kmuôn sơơp lla nei bơl 'bei gưt khal waai êch dơơh lôh. 29Kot bei nei, tơt bơl 'bei sau pal ntil nei lôh tơt nei gưt Koon Bnih êch dơơh, plah gôq ndap a bôôk lpôông.#13:29 Koon Bnih êch dơơh, plah gôq ndap a bôôk lpôông: Paich laa jơrnơl êch dơơh lôh, plah gôq ndap a bôôk lpôông. 30A ngan, Hei lah bơl 'bei, klap au a kươi 'bưn han rlach noor tơt khal jôm kaar tôw lôh tơt. 31Teh trôôk a kươi han rlach, dôh pal baak Hei mor a kươi 'bưn khal êch rlach laang.
32Nha teq u nar paich laa bêl nei 'bưn geh 'bơơn gưt kươt, leq bơl lênh brah lơ trôôk paich laa Koon kot bei nei, dơơn di mbu Bươp ei gưt.#Mat 24:36. 33Phrui nhjrang u kah rngeh đươm bơl 'bei 'bưn gưt bêl nei lôh khal êch. 34Kot bei di mbu tôw êch dơơh han ngngai, tơt lơơi a nhi, ndơơp kmheng aan bơl dêch, jôm bnih di kaar, u pn'ak bnih kray lpôông phrui kah rngeh.#Lu 12:36-38. 35Bei nei, phrui kah rngeh đươm bơl 'bei 'bưn gưt nnơơm nhi siq khal êch, paich mau jơ ngôw, nggơl mang, plah iêr ndrau, paich brung aang, 36daq nnơơm siq a drot, sau amơp bơl 'bei nha bêch pan. 37Ntil ơơn Hei mor n'hai bơl 'bei, Hei kot mor aan jôm bnih: Phrui kah rngeh!”
Currently Selected:
Mak 13: SBL2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Mak 13
13
Tơmbơh baak noor teq u baak lơh rlơm Jê-ru-sa-lem n'hai baak plơq kươi Brah ri
(Ma-thi-ơ 24:1,2; Lu-ka 21:5,6)
1Tơt Brah Jê-sus mhei sot rlach nhi r'bưn, di mbu jơrnơ mor n'hai Pang: “Ơi Yau, Yau mơq tôw, pal tmau ttih u pal nhi ttih đat lơh bei êch!” 2Brah Jê-sus ơh: “'Bei sau pal nhi au ttih đat neh? Hơơi au a kươi 'bưn nh'ơơm graap tmau êch rơ kơơl lơ graap tmau êch hôm. Leq sêch kot a kươi dol ha pling.”
3Tơt Pang gôq lơ bnơm Ô-liu, rdang n'hai nhi r'bưn, Phi-e-rơ, Ja-kơ, Jang, u Anh-rê lôh ôp êêng Pang: 4“Dan Yau mor aan bơl hei gưt khal êch pal ntil nei lôh tơt, u geh chmlih chmleek ơơn jah gưt tơt jơl ptut leq sêch pal kaar nei 'bưn?” 5Brah Jê-sus ptơơm mor n'hai bu: “Phrui nhjrang, khơơm teq 'bơơn kơhok lhiat bơl 'bei. 6Đươm geh ơk bơl bnih a kươi lhiat saak Hei baah lôh u mor laah: ‘Nơơm hei laa yaang nei!’ u bơl bu a kươi kơhok lhiat ơk bnih. 7Tơt bơl 'bei ttang lah teq u talơh tapanh baak lư teq u talơh tapanh nei khơơm rhơq rpơq; kaar nei phrui lôh tơt, dôh ndah phrui laa ptut laang. 8Đươm raih au a kươi kn'hao kmang kươi raih nday, daak ti wal teq u daak su. A kươi geh rlơm teh ơk ktôk, n'hai nh'hit pngot lôh tơt. Au mhei dơơn laa bôôk daak pal kro rngiêl#13:8 S'bt: baak ji dơơh lgơơch. ei.
9Teq u bơl 'bei, phrui nhjrang đươm bu a kươi ndơơp bơl 'bei aan pal ktôk pơrkat dôih;#13:9 S'bt: Phung kliêu Jưm mlưm. bơl 'bei a kươi dol pơm sơmboong knông pal nhi pơrgum; đươm u Hei, bơl 'bei a kươi phrui ta yoong bôôk mat bơl yau tông u bơl snđach jah lơh ndraanh aan bu.#Mat 10:17-20; Lu 12:11-12. 10Dôh noor leq, Baak Sroong Klanh phrui kươt chhuôr aan jôm raih bal. 11Tơt bu jưn ndơơp bơl 'bei, khơơm gênh noor teq u ntil bơn a kươi mor, dôh knông bêl nei, phrui mor tênh baak a kươi kươt ươn bơl 'bei; đươm 'bưn geh bơl 'bei mor laang, dôh laa Brah Wêêng. 12Bi a kươi ndơơp oh jah dol lưm; bươp a kươi ndơơp koon; koon sau a kươi hao kmang kươi mei bươp u lơh bu phrui chhưt. 13Bơl 'bei a kươi dol jôm bnih a kiêr đươm saak Hei. Dôh 'bơơn jap chưt aan tơt ptut nei a kươi kươt đoh.#Mat 10:22.
14Dôh tơt bơl 'bei sau ntil jrơơk jrơơm but rook jat abrơh abrah tu ktôk 'bưn kươt ch'bap rook sot ('bơơn chôôl phrui gưt), nei 'bơơn plah gôq knông kwaal Ju-đê phrui kup hao bnơm; 15'bơơn gôq lơ kmbung nhi nei khơơm jưr kot khơơm tuôt mưt u nhi jah pơih paich griêng ơơn;#Lu 17:31. 16'bơơn a srei khơơm plơq siq pơih ao ryoq. 17Knông pal nar nei, ji rngiêl ngan aan dơur mbưn u bơl mei nha aan koon oq! 18Phrui r'bon dan aan kaar nei 'bưn lôh tơt knông khal chaal puh. 19Đươm knông pal nar nei a kươi geh r'baak a bơh ptơơm mbut teh trôôk, khal Brah Ưn tơmbut teh trôôk aan tơt bei au kot ndah geh ơơm, teq u kươi kot 'bưn khal êch geh bei nei.#Pơơk 7:14. 20Mơq Brah 'bưn rưt gleh pal nar nei 'bưn geh di mbu 'bơơn kươt đoh; dôh đươm bơl bnih Pang ja sach mơ Pang rưt gleh pal nar nei. 21Tơt khal nei, mơq geh 'bơơn mor n'hai bơl 'bei: ‘Au, Yaang Krist a au!’ paich ‘Tôw, Pang a tôw!’ nei khơơm jơ. 22Bơl lhiat saak Yaang Krist u bơl grnưt noor lhiat a kươi lôh sot; bơl bu lơh ơk chmlih chmleek, r'bon r'bian jah mơq kươt nei kơhok lhiat leq bơl bnih kươt sach. 23Phrui nhjrang. Hei ja mor noor jôm baak aan bơl 'bei hơơi.
24Knông pal nar nei, jơl kươi r'baak,
Mat nar a kươi mang jơ ngôw,
Mat khay a kươi 'bưn yơr aang,
25Pal smanh a kươi lơ trôôk a tup u teh,
U pal kmheng lơ trôôk a kươi dol luônh lơgơh.
26Bei au bu nday a kươi sau Koon Bnih pơih kmheng ttih, a sroh ttih gôq lôh a klung nduq. 27Pang a kươi maanh bơl lênh brah pơrgum bơl bnih kươt sach rlum play teh, a ptơơm trôôk tơt ptut teh.
28Phrui rưt sot baak riên a tơơm lwi, tơơm mhei lôh kmuôn sơơp lla nei bơl 'bei gưt khal waai êch dơơh lôh. 29Kot bei nei, tơt bơl 'bei sau pal ntil nei lôh tơt nei gưt Koon Bnih êch dơơh, plah gôq ndap a bôôk lpôông.#13:29 Koon Bnih êch dơơh, plah gôq ndap a bôôk lpôông: Paich laa jơrnơl êch dơơh lôh, plah gôq ndap a bôôk lpôông. 30A ngan, Hei lah bơl 'bei, klap au a kươi 'bưn han rlach noor tơt khal jôm kaar tôw lôh tơt. 31Teh trôôk a kươi han rlach, dôh pal baak Hei mor a kươi 'bưn khal êch rlach laang.
32Nha teq u nar paich laa bêl nei 'bưn geh 'bơơn gưt kươt, leq bơl lênh brah lơ trôôk paich laa Koon kot bei nei, dơơn di mbu Bươp ei gưt.#Mat 24:36. 33Phrui nhjrang u kah rngeh đươm bơl 'bei 'bưn gưt bêl nei lôh khal êch. 34Kot bei di mbu tôw êch dơơh han ngngai, tơt lơơi a nhi, ndơơp kmheng aan bơl dêch, jôm bnih di kaar, u pn'ak bnih kray lpôông phrui kah rngeh.#Lu 12:36-38. 35Bei nei, phrui kah rngeh đươm bơl 'bei 'bưn gưt nnơơm nhi siq khal êch, paich mau jơ ngôw, nggơl mang, plah iêr ndrau, paich brung aang, 36daq nnơơm siq a drot, sau amơp bơl 'bei nha bêch pan. 37Ntil ơơn Hei mor n'hai bơl 'bei, Hei kot mor aan jôm bnih: Phrui kah rngeh!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.