Lu-ka 8
8
Bơl dơur jơrnơ
1Kơi nei, Brah Jê-sus han a poh au tơt poh tôw, poh dêq au tơt poh dêq nday, tơmbơh u chhuôr Baak Sroong Klanh nggoor Brah Ưn ri. Jmơt baar du jơt jơng han n'hai Pang. 2Kot geh pal du dơur han tênh Pang, lah bơl bnih ja kươt tơmbah sot rlach wêêng chaak ap u tơmbah pơrtanh: Ma-ri chôôl laa Ma-đơ-len, lah bnih kươt Brah đoh kwaai rlach poh du chaak kraanh;#Mat 27:55-56; Mak 15:40-41; Lu 23:49. 3Jan-nơ sai ur Chu-sa, klei klôn snđach Hê-rôt ri; Su-san-nơ u ơk bnih dơur nday dơq ja nhôq griêng grau nơơm jah jraih aan Pang u bơl jơrnơ Pang.
Pn'geh ruk teq u bnih siêm ba
(Ma-thi-ơ 13:1-23; Mak 4:1-20)
4Tơt phung raih ơk pơrgum, u bu nday a pal poh lôh u Pang nei Pang nhôq pn'geh ruk lah n'hai bu: 5“Geh mbu bnih han sot brơh ba. Tơt chrôôi ba, m'baak grap a tup rgoq troong, bu jaq bu tơl u chum trôôk choh leq; 6m'baak nday tup lơ tmau, tơt mhei hoon, kơndaal ranh, đươm khwaq l'ơh steh; 7M'baak nday tup lwah pih look, hoon pôl n'hai look u dol look lơh aan sêêt soonh; 8kươi geh m'baak nday dơq a tup lơ teh klanh, hoon, play kao huôih riêng wưt.” Tơt plah lah pal baak nei, Pang mor mơh: “'Bơơn geh tôr jah iat, phrui iat chmlam!”
Rơih pn'geh ruk
9Bơl jơrnơ ôp Pang teq u rpach pn'geh ruk nei. 10Pang ơh: “Bơl 'bei ja kươt ươn baak gưt jhai teq u pal ntil chmlih chmleek nggoor Brah Ưn ri; dôh teq u bơl nday nei Hei nhôq pn'geh ruk baah mor aan bu
Mơq dôh 'bưn sau,
Iat dôh 'bưn gưt.
11Pn'geh ruk nei geh rơih bei au: Grap ba laa baak preh Brah Ưn. 12Pal grap tup rgoq troong laa bơl bnih ja iat baak preh, dôh teq u kươi chaak ap lôh ttung pơih baak preh nei rlach chưt bu, ach laah bu jơ baah kươt đoh pan. 13Pal grap tup lơ tmau laa bnih iat baak preh broh s'bai dơơp pơih; dôh đươm 'bưn geh driêh, dơơn jơ rbaq rbôông mơ tơt a mơp tuul loong nei bu a kơq a bôông. 14Pal grap tup lwah pih look laa bơl bnih ja iat baak preh dôh teq aan baak a gênh, khunh khwaan, broh s'bai klap au lơh sêêt soonh mơ 'bưn hao ttih kươt. 15Dôh pal grap tup lơ teh klanh laa bơl bnih iat u prap baak preh n'hai chưt ngan kaar u rnđêch klanh, chkhôm baak ơt ơl baah kươt play kao.
16'Bưn 'bơơn kkaat đeng leet pơih pi thông grup dơih paich laa teq a teh krôôm ndơl, dôh teq lơ jơng đeng, jah aan 'bơơn mưt u nhi kot sau rơn aang.#Mat 5:15; Lu 11:33. 17Đươm 'bưn geh ntil ơơn pôn kơndơp baah a kươi 'bưn dol klach, 'bưn geh ntil ơơn a ruk baah 'bưn dol bu nday gưt tơt u ndơơp sot rơn aang.#Mat 10:26; Lu 12:2. 18Bei nei, phrui njrang teq u troong bơl 'bei iat. Đươm 'bơơn ja geh a kươi kươt aan top, nha 'bơơn 'bưn geh a kươi dol prap broih ntil bu gênh laa nơơm geh.”#Mat 25:29; Lu 19:26.
Mei n'hai bơl oh Brah Jê-sus
(Ma-thi-ơ 12:46-50; Mak 3:31-35)
19Mei u bơl oh Brah Jê-sus han wơng Pang, dôh đươm ơk bnih mơ 'bưn han dơơh Pang kươt. 20Geh bnih tơmbơh aan Pang gưt: “Mei u oh bi Yau plah ta yoong a gaaih êch a mơp Yau.” 21Dôh Pang ơh: “Mei Hei u oh bi Hei laa bơl bnih iat u lơh tênh baak Brah Ưn.”
Brah kwaih chaal kuông rmưt rlai
(Ma-thi-ơ 8:23-27; Mak 4:35-41)
22Di nar tôw, Brah Jê-sus jưr u duuk n'hai bơl jơrnơ u maanh: “Bơl bơn phrui han rlach mak tôw tơrlung.” Bei nei, bu bla duuk han. 23Plah knông bu bla duuk nei Pang bêch. Geh mi kơndaal chaal kơndang lôh lơ daak, daak mưt bêêng duuk, u bu plah a mơp ap êêng. 24Bơl jơrnơ lôh pơrlay Pang u mor: “Yau ơi, Yau ơi, bơl bơn chhưt hơơi au!” Pang kah bêch, gmhaar chaal u kmbuôl, bu srung kơndaal u rngơt rngơl bei ơơm. 25Pang lah teq u bơl jơrnơ: “Chưt jơrnơ bơl 'bei a êch?” Bơl jơrnơ n'hông sot êêng aang ôp tơrnang nơơm: “Pang laa 'bơơn baah tak lơh leq chaal dang daak kot phrui iat baak Pang?”
Brah tơmbah bnih dol chaak rup a Jê-ra-sê
(Ma-thi-ơ 8:28-34; Mak 5:1-20)
26Pang n'hai jơrnơ bla duuk tơt kwaal Jê-ra-sê, rdang kwaal Ga-li-lê.#8:26 Ga-li-lê: Knông m'baak plơơp 'bian ti laa Ga-đa-rê paich laa Get-gê-sê. 27Tơt Brah Jê-sus hao kơh, geh di mbu bnih dol chaak rup a poh nei lôh a mơp Pang. N'au 'bau bu nei 'bưn dook khôw ao, 'bưn gôq knông nhi dơơn gôq a gaaih kmôôch kchhaach. 28Tơt sau Brah Jê-sus, bu hao troh, kun saak u teh di mat Pang u mor mơh: “Smbah Jê-sus, Koon Brah Ưn Prêh Huôih, hei geh ta dơơh ơơn tơt Ay laang? Hei dan Ay khơơm lơh rngiêl hei.” 29Đươm Brah Jê-sus ja tơmbơh aan wêêng 'bưn jrah phrui sot rlach bu nei. Ja ơk wưt chaak rup teq u bu nei; paich bu nday kơt, tkông u kray, bu nei nha pak chrwak pơk tkông u dol chaak ap liêu teq u ktôk trenh sngat. 30Brah Jê-sus ôp: “'Bei chhak ơơn?” Bu ơh: “Lênh phung”#8:30 Lênh phung: Di m'bal lênh Rô-ma tơmlai 5000-6000 du. đươm ơk chaak ja rup teq u bu nei. 31Bơl chaak dan jjuh Pang khơơm prơh bu u teh tơrlung jru. 32Bei au, geh di phung sôr ơk đat plah chha lơ bnơm. Bơl chaak dan Brah Jê-sus aan bơl bu rup teq u phung sôr nei; Pang aan ch'bap. 33Bei nei, bơl chaak sot rlach bnih nei u rup teq u phung sôr. Phung sôr a lơ tuun sing jroh u tơrlung chhưt a buk. 34Bơl bnih gwaal sôr sau bei nei, tuôt kup u lư baak nei jôm poh bri, nhi ktôk. 35Leq swich teh raan lôh mơq kaar mhei lôh tơt. Bơl bu han tơt n'hai Brah Jê-sus, sau bnih bơl chaak mhei sot rlach plah gôq a teh jơng Brah Jê-sus, dook khôw ao, bôôk rklook ngan đươm nei n'hông đat. 36Bơl bnih ja ndraanh sau baak kaar nei chhuôr kươi aan jôm bnih teq u baak bnih dol chaak rup kươt tơmbah lah bei êch. 37Leq sêch phung raih rlum kwaal Jê-ra-sê dan Brah Jê-sus lơơi rlach bu đươm bu n'hông mơt. Bei nei, Pang jưr duuk plơq siq. 38Bnih kươt Brah Jê-sus prơh chaak dan gôq kươi n'hai Pang, dôh Pang aan bu siq u maanh: 39“'Bei phrui siq nhi, krơơ kươi pal kaar ttih mưn Brah Ưn ja lơh aan 'bei.” Bei nei bnih nei han, tơmbơh chhuôr jôm poh pal ntil ttih mưn Brah Jê-sus ja lơh aan nơơm bu.
Koon ur Jai-ru u mei dơur dol ruung mhaam
(Ma-thi-ơ 9:18-26; Mak 5:21-43)
40Tơt Brah Jê-sus plơq siq, phung raih ơk han wak wơơt Pang đươm jôm bnih kot cham Pang. 41Geh di mbu yau kan bôôk nhi pơrgum chôôl chhak laa Jai-ru lôh kơl tưt kôq tang a teh jơng Brah Jê-sus u dan jjuh Pang mưt u nhi nơơm bu, 42đươm bu geh koon ur mlơm ei jmơt baar snam dơơh chhưt.
Brah Jê-sus plah han, phung raih jhoon điat Pang puôn bôh. 43Geh di mbu dơur dol ruung mhaam jmơt baar snam hơơi; [paich ja wait leq prak aan ơk yau kơrya],#8:43 [paich ja wait leq prak aan ơk yau kơrya]: Knông m'baak plơơp 'bian ti 'bưn geh pal sêr au. dôh 'bưn geh 'bơơn sam kươt aan bu. 44Mei han mak kươi u buut teq u bơr ao Pang nei kơndaal mhaam 'bưn a rung hôm. 45Brah Jê-sus lah: “'Bơơn ja buut chhak Hei?” 'Bưn di mbu bnih 'bơơn ơh leq, mơ Phi-e-rơ#8:45 Phi-e-rơ: Knông m'baak plơơp 'bian ti laa Phi-e-rơ n'hai nang drơơl. [u bơl gnasaal] mor: “Ơi Yau, phung raih rlum u jhoon điat Yau nei!” 46Brah Jê-sus lah: “Geh bnih 'bơơn ja buut tơt Hei, đươm Hei gưt geh kmlang a Hei ksat.” 47Tơt sau nơơm bu 'bưn kươt jah pôn hôm, mei dơur n'hông n'hing lôh kơl tưt kôq tang bôôk mat Pang u tơrsau ngan di mat phung raih rơ kheet ơơn mei ja buut tơt Pang u kơndaal kươt tơmbah pơrtanh sot bei êch. 48Brah Jê-sus lah n'hai mei: “Ơi koon ur Hei, chưt jơrnơ 'bei ja tơmbah 'bei; phrui han sroong boong!” 49Jơl knông Pang nha mor, geh bnih a nhi yau kan bôôk nhi pơrgum lôh tơmbơh: “Koon ur 'bei chhưt hơơi; khơơm tơmbool Yau hôm.” 50Brah Jê-sus ttang bei nei mơ lah n'hai Jai-ru: “Khơơm n'hông, dơơn chkhôm jơ nei koon 'bei a kươi kươt đoh rêh.” 51Han tơt nhi, Pang 'bưn aan 'bơơn mưt n'hai Pang a klung dơơn geh Phi-e-rơ, Ja-kơ, Jang, u mei bươp koon drêên ei. 52Jôm bnih nha nhim ngliêng, chhong rmlơng teq u bu; nei Pang lah: “Khơơm nhim, bu 'bưn geh chhưt laang dôh nha bêch song.” 53Bơl bu gưt koon ur chhưt a ngan hơơi mơ đam gươm Pang. 54Brah Jê-sus dơp ti drêên ur khuôl ttih: “Koon ơi, phrui kah kơơt!” 55Wêêng yaang plơq kươi, koon drêên kơndaal kah kơơt, u Pang maanh aan bu sôông. 56Mei bươp koon drêên nei sot êêng aang đat, dôh Pang tơmbơh aan bu 'bưn kươt chhuôr paich teq u 'bơơn baak kaar ja lôh tơt.
Currently Selected:
Lu-ka 8: SBL2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Lu-ka 8
8
Bơl dơur jơrnơ
1Kơi nei, Brah Jê-sus han a poh au tơt poh tôw, poh dêq au tơt poh dêq nday, tơmbơh u chhuôr Baak Sroong Klanh nggoor Brah Ưn ri. Jmơt baar du jơt jơng han n'hai Pang. 2Kot geh pal du dơur han tênh Pang, lah bơl bnih ja kươt tơmbah sot rlach wêêng chaak ap u tơmbah pơrtanh: Ma-ri chôôl laa Ma-đơ-len, lah bnih kươt Brah đoh kwaai rlach poh du chaak kraanh;#Mat 27:55-56; Mak 15:40-41; Lu 23:49. 3Jan-nơ sai ur Chu-sa, klei klôn snđach Hê-rôt ri; Su-san-nơ u ơk bnih dơur nday dơq ja nhôq griêng grau nơơm jah jraih aan Pang u bơl jơrnơ Pang.
Pn'geh ruk teq u bnih siêm ba
(Ma-thi-ơ 13:1-23; Mak 4:1-20)
4Tơt phung raih ơk pơrgum, u bu nday a pal poh lôh u Pang nei Pang nhôq pn'geh ruk lah n'hai bu: 5“Geh mbu bnih han sot brơh ba. Tơt chrôôi ba, m'baak grap a tup rgoq troong, bu jaq bu tơl u chum trôôk choh leq; 6m'baak nday tup lơ tmau, tơt mhei hoon, kơndaal ranh, đươm khwaq l'ơh steh; 7M'baak nday tup lwah pih look, hoon pôl n'hai look u dol look lơh aan sêêt soonh; 8kươi geh m'baak nday dơq a tup lơ teh klanh, hoon, play kao huôih riêng wưt.” Tơt plah lah pal baak nei, Pang mor mơh: “'Bơơn geh tôr jah iat, phrui iat chmlam!”
Rơih pn'geh ruk
9Bơl jơrnơ ôp Pang teq u rpach pn'geh ruk nei. 10Pang ơh: “Bơl 'bei ja kươt ươn baak gưt jhai teq u pal ntil chmlih chmleek nggoor Brah Ưn ri; dôh teq u bơl nday nei Hei nhôq pn'geh ruk baah mor aan bu
Mơq dôh 'bưn sau,
Iat dôh 'bưn gưt.
11Pn'geh ruk nei geh rơih bei au: Grap ba laa baak preh Brah Ưn. 12Pal grap tup rgoq troong laa bơl bnih ja iat baak preh, dôh teq u kươi chaak ap lôh ttung pơih baak preh nei rlach chưt bu, ach laah bu jơ baah kươt đoh pan. 13Pal grap tup lơ tmau laa bnih iat baak preh broh s'bai dơơp pơih; dôh đươm 'bưn geh driêh, dơơn jơ rbaq rbôông mơ tơt a mơp tuul loong nei bu a kơq a bôông. 14Pal grap tup lwah pih look laa bơl bnih ja iat baak preh dôh teq aan baak a gênh, khunh khwaan, broh s'bai klap au lơh sêêt soonh mơ 'bưn hao ttih kươt. 15Dôh pal grap tup lơ teh klanh laa bơl bnih iat u prap baak preh n'hai chưt ngan kaar u rnđêch klanh, chkhôm baak ơt ơl baah kươt play kao.
16'Bưn 'bơơn kkaat đeng leet pơih pi thông grup dơih paich laa teq a teh krôôm ndơl, dôh teq lơ jơng đeng, jah aan 'bơơn mưt u nhi kot sau rơn aang.#Mat 5:15; Lu 11:33. 17Đươm 'bưn geh ntil ơơn pôn kơndơp baah a kươi 'bưn dol klach, 'bưn geh ntil ơơn a ruk baah 'bưn dol bu nday gưt tơt u ndơơp sot rơn aang.#Mat 10:26; Lu 12:2. 18Bei nei, phrui njrang teq u troong bơl 'bei iat. Đươm 'bơơn ja geh a kươi kươt aan top, nha 'bơơn 'bưn geh a kươi dol prap broih ntil bu gênh laa nơơm geh.”#Mat 25:29; Lu 19:26.
Mei n'hai bơl oh Brah Jê-sus
(Ma-thi-ơ 12:46-50; Mak 3:31-35)
19Mei u bơl oh Brah Jê-sus han wơng Pang, dôh đươm ơk bnih mơ 'bưn han dơơh Pang kươt. 20Geh bnih tơmbơh aan Pang gưt: “Mei u oh bi Yau plah ta yoong a gaaih êch a mơp Yau.” 21Dôh Pang ơh: “Mei Hei u oh bi Hei laa bơl bnih iat u lơh tênh baak Brah Ưn.”
Brah kwaih chaal kuông rmưt rlai
(Ma-thi-ơ 8:23-27; Mak 4:35-41)
22Di nar tôw, Brah Jê-sus jưr u duuk n'hai bơl jơrnơ u maanh: “Bơl bơn phrui han rlach mak tôw tơrlung.” Bei nei, bu bla duuk han. 23Plah knông bu bla duuk nei Pang bêch. Geh mi kơndaal chaal kơndang lôh lơ daak, daak mưt bêêng duuk, u bu plah a mơp ap êêng. 24Bơl jơrnơ lôh pơrlay Pang u mor: “Yau ơi, Yau ơi, bơl bơn chhưt hơơi au!” Pang kah bêch, gmhaar chaal u kmbuôl, bu srung kơndaal u rngơt rngơl bei ơơm. 25Pang lah teq u bơl jơrnơ: “Chưt jơrnơ bơl 'bei a êch?” Bơl jơrnơ n'hông sot êêng aang ôp tơrnang nơơm: “Pang laa 'bơơn baah tak lơh leq chaal dang daak kot phrui iat baak Pang?”
Brah tơmbah bnih dol chaak rup a Jê-ra-sê
(Ma-thi-ơ 8:28-34; Mak 5:1-20)
26Pang n'hai jơrnơ bla duuk tơt kwaal Jê-ra-sê, rdang kwaal Ga-li-lê.#8:26 Ga-li-lê: Knông m'baak plơơp 'bian ti laa Ga-đa-rê paich laa Get-gê-sê. 27Tơt Brah Jê-sus hao kơh, geh di mbu bnih dol chaak rup a poh nei lôh a mơp Pang. N'au 'bau bu nei 'bưn dook khôw ao, 'bưn gôq knông nhi dơơn gôq a gaaih kmôôch kchhaach. 28Tơt sau Brah Jê-sus, bu hao troh, kun saak u teh di mat Pang u mor mơh: “Smbah Jê-sus, Koon Brah Ưn Prêh Huôih, hei geh ta dơơh ơơn tơt Ay laang? Hei dan Ay khơơm lơh rngiêl hei.” 29Đươm Brah Jê-sus ja tơmbơh aan wêêng 'bưn jrah phrui sot rlach bu nei. Ja ơk wưt chaak rup teq u bu nei; paich bu nday kơt, tkông u kray, bu nei nha pak chrwak pơk tkông u dol chaak ap liêu teq u ktôk trenh sngat. 30Brah Jê-sus ôp: “'Bei chhak ơơn?” Bu ơh: “Lênh phung”#8:30 Lênh phung: Di m'bal lênh Rô-ma tơmlai 5000-6000 du. đươm ơk chaak ja rup teq u bu nei. 31Bơl chaak dan jjuh Pang khơơm prơh bu u teh tơrlung jru. 32Bei au, geh di phung sôr ơk đat plah chha lơ bnơm. Bơl chaak dan Brah Jê-sus aan bơl bu rup teq u phung sôr nei; Pang aan ch'bap. 33Bei nei, bơl chaak sot rlach bnih nei u rup teq u phung sôr. Phung sôr a lơ tuun sing jroh u tơrlung chhưt a buk. 34Bơl bnih gwaal sôr sau bei nei, tuôt kup u lư baak nei jôm poh bri, nhi ktôk. 35Leq swich teh raan lôh mơq kaar mhei lôh tơt. Bơl bu han tơt n'hai Brah Jê-sus, sau bnih bơl chaak mhei sot rlach plah gôq a teh jơng Brah Jê-sus, dook khôw ao, bôôk rklook ngan đươm nei n'hông đat. 36Bơl bnih ja ndraanh sau baak kaar nei chhuôr kươi aan jôm bnih teq u baak bnih dol chaak rup kươt tơmbah lah bei êch. 37Leq sêch phung raih rlum kwaal Jê-ra-sê dan Brah Jê-sus lơơi rlach bu đươm bu n'hông mơt. Bei nei, Pang jưr duuk plơq siq. 38Bnih kươt Brah Jê-sus prơh chaak dan gôq kươi n'hai Pang, dôh Pang aan bu siq u maanh: 39“'Bei phrui siq nhi, krơơ kươi pal kaar ttih mưn Brah Ưn ja lơh aan 'bei.” Bei nei bnih nei han, tơmbơh chhuôr jôm poh pal ntil ttih mưn Brah Jê-sus ja lơh aan nơơm bu.
Koon ur Jai-ru u mei dơur dol ruung mhaam
(Ma-thi-ơ 9:18-26; Mak 5:21-43)
40Tơt Brah Jê-sus plơq siq, phung raih ơk han wak wơơt Pang đươm jôm bnih kot cham Pang. 41Geh di mbu yau kan bôôk nhi pơrgum chôôl chhak laa Jai-ru lôh kơl tưt kôq tang a teh jơng Brah Jê-sus u dan jjuh Pang mưt u nhi nơơm bu, 42đươm bu geh koon ur mlơm ei jmơt baar snam dơơh chhưt.
Brah Jê-sus plah han, phung raih jhoon điat Pang puôn bôh. 43Geh di mbu dơur dol ruung mhaam jmơt baar snam hơơi; [paich ja wait leq prak aan ơk yau kơrya],#8:43 [paich ja wait leq prak aan ơk yau kơrya]: Knông m'baak plơơp 'bian ti 'bưn geh pal sêr au. dôh 'bưn geh 'bơơn sam kươt aan bu. 44Mei han mak kươi u buut teq u bơr ao Pang nei kơndaal mhaam 'bưn a rung hôm. 45Brah Jê-sus lah: “'Bơơn ja buut chhak Hei?” 'Bưn di mbu bnih 'bơơn ơh leq, mơ Phi-e-rơ#8:45 Phi-e-rơ: Knông m'baak plơơp 'bian ti laa Phi-e-rơ n'hai nang drơơl. [u bơl gnasaal] mor: “Ơi Yau, phung raih rlum u jhoon điat Yau nei!” 46Brah Jê-sus lah: “Geh bnih 'bơơn ja buut tơt Hei, đươm Hei gưt geh kmlang a Hei ksat.” 47Tơt sau nơơm bu 'bưn kươt jah pôn hôm, mei dơur n'hông n'hing lôh kơl tưt kôq tang bôôk mat Pang u tơrsau ngan di mat phung raih rơ kheet ơơn mei ja buut tơt Pang u kơndaal kươt tơmbah pơrtanh sot bei êch. 48Brah Jê-sus lah n'hai mei: “Ơi koon ur Hei, chưt jơrnơ 'bei ja tơmbah 'bei; phrui han sroong boong!” 49Jơl knông Pang nha mor, geh bnih a nhi yau kan bôôk nhi pơrgum lôh tơmbơh: “Koon ur 'bei chhưt hơơi; khơơm tơmbool Yau hôm.” 50Brah Jê-sus ttang bei nei mơ lah n'hai Jai-ru: “Khơơm n'hông, dơơn chkhôm jơ nei koon 'bei a kươi kươt đoh rêh.” 51Han tơt nhi, Pang 'bưn aan 'bơơn mưt n'hai Pang a klung dơơn geh Phi-e-rơ, Ja-kơ, Jang, u mei bươp koon drêên ei. 52Jôm bnih nha nhim ngliêng, chhong rmlơng teq u bu; nei Pang lah: “Khơơm nhim, bu 'bưn geh chhưt laang dôh nha bêch song.” 53Bơl bu gưt koon ur chhưt a ngan hơơi mơ đam gươm Pang. 54Brah Jê-sus dơp ti drêên ur khuôl ttih: “Koon ơi, phrui kah kơơt!” 55Wêêng yaang plơq kươi, koon drêên kơndaal kah kơơt, u Pang maanh aan bu sôông. 56Mei bươp koon drêên nei sot êêng aang đat, dôh Pang tơmbơh aan bu 'bưn kươt chhuôr paich teq u 'bơơn baak kaar ja lôh tơt.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.