Lu-ka 11
11
Baak r'bon dan
(Ma-thi-ơ 6:9-13; 7:7-11)
1Brah Jê-sus nha r'bon dan a ktôk tôw. Ja r'bon dan hơơi, di mbu jơrnơ lah n'hai Pang: “Brah ơi, dan kne bơl hei r'bon dan, bei Jang ja kne bơl jơrnơ nơơm bu.” 2Brah lah teq u bu, “Tơt bơl 'bei r'bon dan, phrui mor:
‘Smbah Bươp! Saak Bươp kươt lư klanh.
Nggoor Bươp kươt lôh.
3Dan aan bơl koon griêng sa nar êch sơp aan nar nei.
4Dan krôih dôih aan bơl koon,
đươm bơl koon kot krôih aan bơl geh dôih#11:4 S'bt: knđi. teq u bơl koon.
Dan khơơm teq bơl koon dol lêch lung!’”
5Ja nei Pang lah n'hai bu: “'Bơơn knông bơl 'bei geh di mbu gnasaal u nggơl mang lôh mor teq u bnih nei laah: ‘Gnasaal ơi, aan hei waang baar ơơk nom, 6đươm gnasaal hei han troong mhei lôh dôh hei 'bưn geh ơơn jah ddôk bu nei.’ 7Mơq bnih tôw lôh a knông nhi nei ơh: ‘Khơơm jơrloh kliên hei hôm, lpôông tang hơơi, koon sau u hei bêch hơơi, 'bưn kah jah pơih nom aan 'bei kươt!’ 8Hei lah bơl 'bei, paich bnih nei 'bưn kah pơih nom jah aan gnasaal, dôh đươm gnasaal jjuh leh yoot nggan mơ bnih nei a kươi kah kơơt jah pơih nom u aan bnih gnasaal nei sơp sa. 9Bei nei, Hei lah bơl 'bei: Phrui dan, a kươi kươt; phrui wơng, a kươi a mơp; phrui goh, lpôông a kươi pơơk aan bơl 'bei. 10Đươm 'bơơn dan nei kươt, 'bơơn wơng nei a mơp, u 'bơơn goh lpôông a kươi kươt pơơk.#11:10 lpôông a kươi kươt pơơk: Knông m'baak plơơp 'bian ti laa lpôông kươt pơơk. 11Knông bơl 'bei geh 'bơơn lơh bươp, tơt koon bơn dan nom baah aan tmau pan? Paich laa dan ka baah leet aan bêh gơl đươm ka pan? 12Paich laa dan ttap leet aan sdui lah 'bưn? 13Bei nei, mơq bơl 'bei laa bnih ap nha gưt aan koon sau nơơm pal griêng klanh, huôih ơơn Bươp a lơ trôôk leet 'bưn ươn Brah Wêêng aan bnih dan Pang laang!”
Brah Jê-sus u Bê-ên-sê-bun
(Ma-thi-ơ 12:22-30,38-45; Mak 3:20-27)
14Brah Jê-sus prơh mlơm chaak kơrlôw; tơt chaak sot rlach, bnih kơrlôw mor kươt drơh. Phung raih kot êêng aang. 15Dôh geh mbu baar du klung bu mor: “Bnih au chkhôm Bê-ên-sê-bun laa snđach chaak baah prơh chaak.”#Mat 9:34; 10:25. 16M'baak bnih nday êch tuul Pang, dan Pang aan di chmlih chmleek lôh a trôôk.#Mat 12:38; 16:1; Mak 8:11.
17Brah Jê-sus gưt gơrninh bu mơ lah: “Nggoor êch ta pơrgah êêng nei a kươi a rlơm, nhi êch ta pơrgah nei a kươi dol luôch. 18Bei nei, mơq Sa-tan ta pơrgah êêng nei nggoor bu lơh bei êch nh'ơơm kươt? Đươm bơl 'bei lah Hei chkhôm Bê-ên-sê-bun baah prơh chaak. 19Mơq Hei chkhôm Bê-ên-sê-bun baah prơh chaak, bei nei koon sau bơl 'bei chkhôm 'bơơn baah prơh chaak? Đươm nei, nơơm bơl bu a kươi laa bnih pơrkat bơl 'bei. 20Dôh mơq Hei chkhôm koon dong Brah Ưn ri baah prơh chaak, nei nggoor Brah Ưn ja lôh n'hai bơl 'bei hơơi. 21Di mbu geh kmlang, sơndal sơp ntil, gôq kray nhi nơơm nei griêng grau kươt sroong. 22Dôh tơt geh bnih kơndang huôih lôh ta wêêl, jn'ah kươt nei hin gơrnaat baah bnih tôw chkhôm, u tacheq griêng grau ja piit kươt.
23'Bơơn 'bưn gôq n'hai Hei nei ta wal kươi Hei, 'bơơn 'bưn prơgap n'hai Hei nei a brơh.#Mak 9:40. 24Tơt wêêng 'bưn jrah sot rlach mbu bnih, bu han rloot pal ktôk sdơơh jah wơng ktôk rlu, dôh 'bưn wơng kươt, bu lah: ‘Hei a kươi plơq siq nhi hei, ktôk hei mhei sot rlach.’ 25Tơt plơq siq, sau nhi kươt pôih kwaih u dap dơih sraap 26nei bu han siêr poh chaak nday kraanh huôih mưt gôq pôl knông nei. Bei nei, klap jat kươi bnih au ri lôh jrươk huôih noor.”
27Jơl knông Brah Jê-sus lah pal ntil nei, geh mbu dơur a knông jơng phung geh baak ơh: “Smlaang aan tôn soot ja baq mbun Pang u ptoh ja aan Pang oq!” 28Dôh Pang ơh: “Bơl 'bơơn iat u prap baak Brah Ưn nha geh smlaang huôih!”
29Tơt jơng phung pơrgum kươi ơk huôih, Pang ptơơm lah: “Klap au laa klap đơơk đaak. Bu wơng joi di chmlih chmleek, dôh a kươi 'bưn geh di chmlih chmleek êch kươt ươn bu di gaaih chmlih chmleek Jô-na ri.#Mat 16:4; Mak 8:12. 30Đươm Jô-na laa chmlih chmleek aan bnih Ni-ni-we bei êch nei Koon Bnih a kươi laa chmlih chmleek aan klap au bei nei đêêl. 31Knông nar pơrkat, dơur snđach mak ma nar nhơp a kươi kah kơơt ta wal kươi bơl bnih klap au u pnđing bu; đươm a bôôk pôl play teh, bu lôh iat baak jhai rpech Sa-lô-môn ri, au nha, tu au geh Yaang ttih đat huôih Sa-lô-môn! 32Knông nar pơrkat, bnih Ni-ni-we a kươi kah kơơt pôl klap au n'hai pnđing dôih bu, đươm raih nei ja iat baak chhuôr Jô-na ri u teq lơi dôih, dôh tu au geh Yaang ttih đat huôih Jô-na!
33'Bưn 'bơơn kkaat đeng baah teq ktôk km'ang paich a teh thông#11:33 paich a teh thông: Knông m'baak plơơp 'bian ti 'bưn geh pal sêr au. , dôh dơih lơ jơng đeng jah bơl 'bơơn mưt u nhi kot sau rơn aang.#Mat 5:15; Mak 4:21; Lu 8:16. 34Pi mat 'bei ri laa đeng chhak jan. Pi mat 'bei klanh nei leq chhak jan 'bei kot bêêng aang, dôh tơt pi mat a khuich nei leq chhak jan kot jơ ngôw. 35Bei nei, phrui nhjrang, daq rơn aang knông 'bei but jơ ngôw. 36Mơq leq chhak jan 'bei bêêng rơn aang, 'bưn geh tu êch mang jơ ngôw, nei bu a kươi kươt aang sơp, kot bei bôl đeng yơr sm'baang aan 'bei ei.”
Brah Jê-sus chhuôr aan bơl Pha-ri-si u yau kne ch'bap
(Ma-thi-ơ 23:1-36; Mak 12:38-40)
37Tơt Brah Jê-sus lah luôih, geh di mbu Pha-ri-si siêr Pang siq u nhi jah sôông sa. Pang lap mưt ja nei gôq teq u bliêng sôông. 38Bnih Pha-ri-si au êêng aang sau Pang 'bưn rao ti noor nang sôông. 39Bei nei, Brah lah: “Bnih Pha-ri-si bơl 'bei rao jrah mak gaaih giaam tgaan, dôh mak klung nei bêêng bơm baak m'oh n'haan u đơơk đaak. 40Ơi bơl kơrlung! Yaang ja tơmbut mak gaaih leet 'bưn tơmbut mak klung dơơh laang? 41Dôh phrui trah chưt tak ươn ntil ơơn bơn geh, nei jôm baak a kươi sot sêch jrah aan bơl 'bei. 42Gmaak chhak aan bơl 'bei, bơl Pha-ri-si! Đươm bơl 'bei ndơơp di bôh jmơt klôih, krui rgơm, u jôm ntil chhei jhư, dôh leet a wich baak soong klanh u chưt chuh srlanh Brah Ưn! Bơl 'bei phrui lơh pal ntil au kot 'bưn kươt a wich pal ntil tôw ơơm. 43Gmaak chhak aan bơl 'bei, bơl Pha-ri-si! Đươm bơl 'bei êch ktôk klanh đat knông nhi pơrgum, u êch kươt bơl bu chah klung đôôn pơsaar! 44Gmaak chhak aan bơl 'bei! Đươm bơl 'bei bei kmôôch rhang u bơl bu chwaat a lơ nei baah 'bưn gưt ơơm!” 45Di mbu yau rpach ơh drơh: “Ơi Yau, Yau mor ntil nei laa đam điêl leq bơl hei broih.” 46Brah Jê-sus ơh: “Gmaak chhak aan bơl 'bei nha, laa bơl yau rpach! Đươm bơl 'bei dap aan bu nday rơn aanh jjơk rngiêl, nha nơơm bơn na nei 'bưn pưt koon dong ti pôw ơơm! 47Gmaak chhak aan bơl 'bei! Đươm bơl 'bei sun kmôôch bơl grnưt noor baah yau yi 'bei ja lưm! 48Bei nei, bơl 'bei lơh bnih ndraanh u rgoh kaar lơh yau yi bơl 'bei; đươm bu ja lưm bơl grnưt noor, nha bơl 'bei leet sun kmôôch aan bơl pang nei. 49Nei mơ, baak jhai rpech Brah Ưn ri ja lah: ‘Hei a kươi maanh bơl grnưt noor n'hai bơl jơt jơng lôh u bơl bu. Bơl bu a kươi lưm chhưt bnih au, nhôp kơt bnih tôw.’ 50Bei nei, klap au a kươi dol drơnan knđi mhaam leq sêch bơl grnưt noor ri ja chai a bơh tơmbut, 51nei laa mhaam A-bên ri aan tơt mhaam Sa-cha-ri ri, bu dol lưm lwah bliêng r'bưn u ktôk jrah. Dip, Hei maanh bơl 'bei, klap au a kươi dol drơnan knđi mhaam nei. 52Gmaak chhak aan bơl 'bei, laa bơl yau rpach! Đươm bơl 'bei ja dơp ơn gơl noh gưt jhai ri, nơơm bơl 'bei 'bưn mưt dôh leet pơrkhaang bơl bnih nday êch mưt!” 53Tơt Brah Jê-sus sot rlach nei, bơl yau gưt jhai u bơl Pha-ri-si ptơơm ta wal Pang bơm yoh rkhach ôp Pang sơp ntil, 54wak dak jah mech muôl rêêng baak mor Pang ri.
Currently Selected:
Lu-ka 11: SBL2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Lu-ka 11
11
Baak r'bon dan
(Ma-thi-ơ 6:9-13; 7:7-11)
1Brah Jê-sus nha r'bon dan a ktôk tôw. Ja r'bon dan hơơi, di mbu jơrnơ lah n'hai Pang: “Brah ơi, dan kne bơl hei r'bon dan, bei Jang ja kne bơl jơrnơ nơơm bu.” 2Brah lah teq u bu, “Tơt bơl 'bei r'bon dan, phrui mor:
‘Smbah Bươp! Saak Bươp kươt lư klanh.
Nggoor Bươp kươt lôh.
3Dan aan bơl koon griêng sa nar êch sơp aan nar nei.
4Dan krôih dôih aan bơl koon,
đươm bơl koon kot krôih aan bơl geh dôih#11:4 S'bt: knđi. teq u bơl koon.
Dan khơơm teq bơl koon dol lêch lung!’”
5Ja nei Pang lah n'hai bu: “'Bơơn knông bơl 'bei geh di mbu gnasaal u nggơl mang lôh mor teq u bnih nei laah: ‘Gnasaal ơi, aan hei waang baar ơơk nom, 6đươm gnasaal hei han troong mhei lôh dôh hei 'bưn geh ơơn jah ddôk bu nei.’ 7Mơq bnih tôw lôh a knông nhi nei ơh: ‘Khơơm jơrloh kliên hei hôm, lpôông tang hơơi, koon sau u hei bêch hơơi, 'bưn kah jah pơih nom aan 'bei kươt!’ 8Hei lah bơl 'bei, paich bnih nei 'bưn kah pơih nom jah aan gnasaal, dôh đươm gnasaal jjuh leh yoot nggan mơ bnih nei a kươi kah kơơt jah pơih nom u aan bnih gnasaal nei sơp sa. 9Bei nei, Hei lah bơl 'bei: Phrui dan, a kươi kươt; phrui wơng, a kươi a mơp; phrui goh, lpôông a kươi pơơk aan bơl 'bei. 10Đươm 'bơơn dan nei kươt, 'bơơn wơng nei a mơp, u 'bơơn goh lpôông a kươi kươt pơơk.#11:10 lpôông a kươi kươt pơơk: Knông m'baak plơơp 'bian ti laa lpôông kươt pơơk. 11Knông bơl 'bei geh 'bơơn lơh bươp, tơt koon bơn dan nom baah aan tmau pan? Paich laa dan ka baah leet aan bêh gơl đươm ka pan? 12Paich laa dan ttap leet aan sdui lah 'bưn? 13Bei nei, mơq bơl 'bei laa bnih ap nha gưt aan koon sau nơơm pal griêng klanh, huôih ơơn Bươp a lơ trôôk leet 'bưn ươn Brah Wêêng aan bnih dan Pang laang!”
Brah Jê-sus u Bê-ên-sê-bun
(Ma-thi-ơ 12:22-30,38-45; Mak 3:20-27)
14Brah Jê-sus prơh mlơm chaak kơrlôw; tơt chaak sot rlach, bnih kơrlôw mor kươt drơh. Phung raih kot êêng aang. 15Dôh geh mbu baar du klung bu mor: “Bnih au chkhôm Bê-ên-sê-bun laa snđach chaak baah prơh chaak.”#Mat 9:34; 10:25. 16M'baak bnih nday êch tuul Pang, dan Pang aan di chmlih chmleek lôh a trôôk.#Mat 12:38; 16:1; Mak 8:11.
17Brah Jê-sus gưt gơrninh bu mơ lah: “Nggoor êch ta pơrgah êêng nei a kươi a rlơm, nhi êch ta pơrgah nei a kươi dol luôch. 18Bei nei, mơq Sa-tan ta pơrgah êêng nei nggoor bu lơh bei êch nh'ơơm kươt? Đươm bơl 'bei lah Hei chkhôm Bê-ên-sê-bun baah prơh chaak. 19Mơq Hei chkhôm Bê-ên-sê-bun baah prơh chaak, bei nei koon sau bơl 'bei chkhôm 'bơơn baah prơh chaak? Đươm nei, nơơm bơl bu a kươi laa bnih pơrkat bơl 'bei. 20Dôh mơq Hei chkhôm koon dong Brah Ưn ri baah prơh chaak, nei nggoor Brah Ưn ja lôh n'hai bơl 'bei hơơi. 21Di mbu geh kmlang, sơndal sơp ntil, gôq kray nhi nơơm nei griêng grau kươt sroong. 22Dôh tơt geh bnih kơndang huôih lôh ta wêêl, jn'ah kươt nei hin gơrnaat baah bnih tôw chkhôm, u tacheq griêng grau ja piit kươt.
23'Bơơn 'bưn gôq n'hai Hei nei ta wal kươi Hei, 'bơơn 'bưn prơgap n'hai Hei nei a brơh.#Mak 9:40. 24Tơt wêêng 'bưn jrah sot rlach mbu bnih, bu han rloot pal ktôk sdơơh jah wơng ktôk rlu, dôh 'bưn wơng kươt, bu lah: ‘Hei a kươi plơq siq nhi hei, ktôk hei mhei sot rlach.’ 25Tơt plơq siq, sau nhi kươt pôih kwaih u dap dơih sraap 26nei bu han siêr poh chaak nday kraanh huôih mưt gôq pôl knông nei. Bei nei, klap jat kươi bnih au ri lôh jrươk huôih noor.”
27Jơl knông Brah Jê-sus lah pal ntil nei, geh mbu dơur a knông jơng phung geh baak ơh: “Smlaang aan tôn soot ja baq mbun Pang u ptoh ja aan Pang oq!” 28Dôh Pang ơh: “Bơl 'bơơn iat u prap baak Brah Ưn nha geh smlaang huôih!”
29Tơt jơng phung pơrgum kươi ơk huôih, Pang ptơơm lah: “Klap au laa klap đơơk đaak. Bu wơng joi di chmlih chmleek, dôh a kươi 'bưn geh di chmlih chmleek êch kươt ươn bu di gaaih chmlih chmleek Jô-na ri.#Mat 16:4; Mak 8:12. 30Đươm Jô-na laa chmlih chmleek aan bnih Ni-ni-we bei êch nei Koon Bnih a kươi laa chmlih chmleek aan klap au bei nei đêêl. 31Knông nar pơrkat, dơur snđach mak ma nar nhơp a kươi kah kơơt ta wal kươi bơl bnih klap au u pnđing bu; đươm a bôôk pôl play teh, bu lôh iat baak jhai rpech Sa-lô-môn ri, au nha, tu au geh Yaang ttih đat huôih Sa-lô-môn! 32Knông nar pơrkat, bnih Ni-ni-we a kươi kah kơơt pôl klap au n'hai pnđing dôih bu, đươm raih nei ja iat baak chhuôr Jô-na ri u teq lơi dôih, dôh tu au geh Yaang ttih đat huôih Jô-na!
33'Bưn 'bơơn kkaat đeng baah teq ktôk km'ang paich a teh thông#11:33 paich a teh thông: Knông m'baak plơơp 'bian ti 'bưn geh pal sêr au. , dôh dơih lơ jơng đeng jah bơl 'bơơn mưt u nhi kot sau rơn aang.#Mat 5:15; Mak 4:21; Lu 8:16. 34Pi mat 'bei ri laa đeng chhak jan. Pi mat 'bei klanh nei leq chhak jan 'bei kot bêêng aang, dôh tơt pi mat a khuich nei leq chhak jan kot jơ ngôw. 35Bei nei, phrui nhjrang, daq rơn aang knông 'bei but jơ ngôw. 36Mơq leq chhak jan 'bei bêêng rơn aang, 'bưn geh tu êch mang jơ ngôw, nei bu a kươi kươt aang sơp, kot bei bôl đeng yơr sm'baang aan 'bei ei.”
Brah Jê-sus chhuôr aan bơl Pha-ri-si u yau kne ch'bap
(Ma-thi-ơ 23:1-36; Mak 12:38-40)
37Tơt Brah Jê-sus lah luôih, geh di mbu Pha-ri-si siêr Pang siq u nhi jah sôông sa. Pang lap mưt ja nei gôq teq u bliêng sôông. 38Bnih Pha-ri-si au êêng aang sau Pang 'bưn rao ti noor nang sôông. 39Bei nei, Brah lah: “Bnih Pha-ri-si bơl 'bei rao jrah mak gaaih giaam tgaan, dôh mak klung nei bêêng bơm baak m'oh n'haan u đơơk đaak. 40Ơi bơl kơrlung! Yaang ja tơmbut mak gaaih leet 'bưn tơmbut mak klung dơơh laang? 41Dôh phrui trah chưt tak ươn ntil ơơn bơn geh, nei jôm baak a kươi sot sêch jrah aan bơl 'bei. 42Gmaak chhak aan bơl 'bei, bơl Pha-ri-si! Đươm bơl 'bei ndơơp di bôh jmơt klôih, krui rgơm, u jôm ntil chhei jhư, dôh leet a wich baak soong klanh u chưt chuh srlanh Brah Ưn! Bơl 'bei phrui lơh pal ntil au kot 'bưn kươt a wich pal ntil tôw ơơm. 43Gmaak chhak aan bơl 'bei, bơl Pha-ri-si! Đươm bơl 'bei êch ktôk klanh đat knông nhi pơrgum, u êch kươt bơl bu chah klung đôôn pơsaar! 44Gmaak chhak aan bơl 'bei! Đươm bơl 'bei bei kmôôch rhang u bơl bu chwaat a lơ nei baah 'bưn gưt ơơm!” 45Di mbu yau rpach ơh drơh: “Ơi Yau, Yau mor ntil nei laa đam điêl leq bơl hei broih.” 46Brah Jê-sus ơh: “Gmaak chhak aan bơl 'bei nha, laa bơl yau rpach! Đươm bơl 'bei dap aan bu nday rơn aanh jjơk rngiêl, nha nơơm bơn na nei 'bưn pưt koon dong ti pôw ơơm! 47Gmaak chhak aan bơl 'bei! Đươm bơl 'bei sun kmôôch bơl grnưt noor baah yau yi 'bei ja lưm! 48Bei nei, bơl 'bei lơh bnih ndraanh u rgoh kaar lơh yau yi bơl 'bei; đươm bu ja lưm bơl grnưt noor, nha bơl 'bei leet sun kmôôch aan bơl pang nei. 49Nei mơ, baak jhai rpech Brah Ưn ri ja lah: ‘Hei a kươi maanh bơl grnưt noor n'hai bơl jơt jơng lôh u bơl bu. Bơl bu a kươi lưm chhưt bnih au, nhôp kơt bnih tôw.’ 50Bei nei, klap au a kươi dol drơnan knđi mhaam leq sêch bơl grnưt noor ri ja chai a bơh tơmbut, 51nei laa mhaam A-bên ri aan tơt mhaam Sa-cha-ri ri, bu dol lưm lwah bliêng r'bưn u ktôk jrah. Dip, Hei maanh bơl 'bei, klap au a kươi dol drơnan knđi mhaam nei. 52Gmaak chhak aan bơl 'bei, laa bơl yau rpach! Đươm bơl 'bei ja dơp ơn gơl noh gưt jhai ri, nơơm bơl 'bei 'bưn mưt dôh leet pơrkhaang bơl bnih nday êch mưt!” 53Tơt Brah Jê-sus sot rlach nei, bơl yau gưt jhai u bơl Pha-ri-si ptơơm ta wal Pang bơm yoh rkhach ôp Pang sơp ntil, 54wak dak jah mech muôl rêêng baak mor Pang ri.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.