I Kô-rinh-tô 6
6
Pnđing di mat bnih agaih baak jơ
1Tơt knông oh bi geh bnih au ta piit n'hai bnih nday, a hay 'bưn liêu tơt di mat bơl koon sơih baah leet baanh teq aan bơl 'bưn sêch song pơrkat? 2Oh bi 'bưn gưt bơl koon sơih a kươi bu pơrkat swich teh laang? Mơq swich teh dol oh bi pơrkat nei a hay oh bi leet 'bưn geh pơrkat pal kaar dêq drêên? 3Oh bi 'bưn gưt bơl bơn a kươi pơrkat bơl lênh brah laang? Huôih ơơn pal kaar rêh ngrơi ntơi! 4Nei baah, a hay tơt geh pal baak kaar rêh ngrơi ntơi bei nei oh bi leet liêu lôh aan bơl bnih pa Phung Jrah mơq 'bưn lôh ơơn pơrkat? 5Hei mor bei nei jah oh bi prêêng mat! Huôih nha knông oh bi 'bưn geh mbu bnih jhai rpech sơp jah gah pơrkat klung oh bi nơơm laang? 6Dôh oh bi ta pnđing, ja nei liêu tơt di mat bơl bah 'bưn jơ! 7Ngan bei nei, dơơn kaar ta pnđing laa di 'bưn jn'ah hôm. N'hop laah oh bi ơt ơl bu lơh 'bưn tpal geh huôih laang? N'hop n'hal oh bi pndol kơhok lhiat geh huôih 'bưn? 8Dôh đươm oh bi bn'ap, kơhok lhiat n'hai leet gôq rêh bei nei u oh bi nơơm!
9Oh bi 'bưn gưt laah bơl bah 'bưn sêch song a kươi 'bưn kươt dơơn ryơơng nggoor Brah Ưn laang? 10Khơơm tak lhiat chhak nơơm. Bơl bah jrôq jrơm, bah chuh pơsun, bah ta tưr, bah mrơơ klau, bơl tơrnang kiat mrơơ, bah ttung chôr, bah m'oh n'haan, bah bnhưl bnhoq, bah raak daai, bah ttung prơk, a kươi 'bưn kươt dơơn ryơơng nggoor Brah Ưn. 11Noor n'au oh bi geh pal du bei nei. Dôh knông saak Brah laa Brah Jê-sus Krist u knông Brah Wêêng Brah Ưn bơl bơn ri, oh bi ja kươt jhut rao, kươt lơh jrah u kươt chôôl sêch song.
Buôi kne het baak jrơơk jrơơm
12Hei kươt ch'bap lơh jôm baak, dôh 'bưn geh jôm baak kot geh thlay. Hei kươt ch'bap lơh jôm baak, dôh 'bưn lơh dêch aan paich ntil ơơn.#I Kô 10:23. 13“Griêng sa đươm pul, pul đươm griêng sa,” Brah Ưn a kươi kluôch leq pa au dang pa tôw. Chhak jan 'bưn đươm kiat mrơơ, dôh đươm Brah, u Brah đươm chhak jan; 14Brah Ưn ja lơh Brah rêh kươi, a kươi kot lơh bơl bơn rêh kươi đươm dang kmheng Pang ri. 15Oh bi 'bưn gưt laah chhak jan oh bi ri laa jơng ti Yaang Krist ri laang? Bei nei, hei geh kươt pơih jơng ti Yaang Krist ri lơh but jơng ti ur mrơơ ri 'bưn? 'Bưn khal êch! 16Oh bi 'bưn gưt laah, bah 'bơơn ta pơrgap n'hai ur mrơơ nei a kươi but mlơm chhak n'hai bu laang? Đươm geh 'bian laah:
“Baar du a kươi but di mlơm chhak.”
17Nha 'bơơn ta pơrgap n'hai Brah nei a kươi but chưt kmlơt mlơm n'hai Pang.
18Phrui het baak jrôq jrơm. Jôm dôih baah bu nday kot dôih a gaaih chhak jan, dôh bah kiat mrơơ nei dôih tơt chhak jan nơơm. 19Oh bi 'bưn gưt laah chhak jan oh bi laa nhi r'bưn Brah Wêêng ri plah gôq knông oh bi, Yaang pa Brah Ưn ja ươn oh bi laang? Oh bi kot 'bưn nh'hơơm pơơn teq u chhak nơơm hôm,#I Kô 3:16; II Kô 6:16. 20đươm oh bi ja kươt pook drơơl prak thlay đat. Bei nei, phrui nhôq chhak jan oh bi baah tư wơơl Brah Ưn.
Currently Selected:
I Kô-rinh-tô 6: SBL2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
I Kô-rinh-tô 6
6
Pnđing di mat bnih agaih baak jơ
1Tơt knông oh bi geh bnih au ta piit n'hai bnih nday, a hay 'bưn liêu tơt di mat bơl koon sơih baah leet baanh teq aan bơl 'bưn sêch song pơrkat? 2Oh bi 'bưn gưt bơl koon sơih a kươi bu pơrkat swich teh laang? Mơq swich teh dol oh bi pơrkat nei a hay oh bi leet 'bưn geh pơrkat pal kaar dêq drêên? 3Oh bi 'bưn gưt bơl bơn a kươi pơrkat bơl lênh brah laang? Huôih ơơn pal kaar rêh ngrơi ntơi! 4Nei baah, a hay tơt geh pal baak kaar rêh ngrơi ntơi bei nei oh bi leet liêu lôh aan bơl bnih pa Phung Jrah mơq 'bưn lôh ơơn pơrkat? 5Hei mor bei nei jah oh bi prêêng mat! Huôih nha knông oh bi 'bưn geh mbu bnih jhai rpech sơp jah gah pơrkat klung oh bi nơơm laang? 6Dôh oh bi ta pnđing, ja nei liêu tơt di mat bơl bah 'bưn jơ! 7Ngan bei nei, dơơn kaar ta pnđing laa di 'bưn jn'ah hôm. N'hop laah oh bi ơt ơl bu lơh 'bưn tpal geh huôih laang? N'hop n'hal oh bi pndol kơhok lhiat geh huôih 'bưn? 8Dôh đươm oh bi bn'ap, kơhok lhiat n'hai leet gôq rêh bei nei u oh bi nơơm!
9Oh bi 'bưn gưt laah bơl bah 'bưn sêch song a kươi 'bưn kươt dơơn ryơơng nggoor Brah Ưn laang? 10Khơơm tak lhiat chhak nơơm. Bơl bah jrôq jrơm, bah chuh pơsun, bah ta tưr, bah mrơơ klau, bơl tơrnang kiat mrơơ, bah ttung chôr, bah m'oh n'haan, bah bnhưl bnhoq, bah raak daai, bah ttung prơk, a kươi 'bưn kươt dơơn ryơơng nggoor Brah Ưn. 11Noor n'au oh bi geh pal du bei nei. Dôh knông saak Brah laa Brah Jê-sus Krist u knông Brah Wêêng Brah Ưn bơl bơn ri, oh bi ja kươt jhut rao, kươt lơh jrah u kươt chôôl sêch song.
Buôi kne het baak jrơơk jrơơm
12Hei kươt ch'bap lơh jôm baak, dôh 'bưn geh jôm baak kot geh thlay. Hei kươt ch'bap lơh jôm baak, dôh 'bưn lơh dêch aan paich ntil ơơn.#I Kô 10:23. 13“Griêng sa đươm pul, pul đươm griêng sa,” Brah Ưn a kươi kluôch leq pa au dang pa tôw. Chhak jan 'bưn đươm kiat mrơơ, dôh đươm Brah, u Brah đươm chhak jan; 14Brah Ưn ja lơh Brah rêh kươi, a kươi kot lơh bơl bơn rêh kươi đươm dang kmheng Pang ri. 15Oh bi 'bưn gưt laah chhak jan oh bi ri laa jơng ti Yaang Krist ri laang? Bei nei, hei geh kươt pơih jơng ti Yaang Krist ri lơh but jơng ti ur mrơơ ri 'bưn? 'Bưn khal êch! 16Oh bi 'bưn gưt laah, bah 'bơơn ta pơrgap n'hai ur mrơơ nei a kươi but mlơm chhak n'hai bu laang? Đươm geh 'bian laah:
“Baar du a kươi but di mlơm chhak.”
17Nha 'bơơn ta pơrgap n'hai Brah nei a kươi but chưt kmlơt mlơm n'hai Pang.
18Phrui het baak jrôq jrơm. Jôm dôih baah bu nday kot dôih a gaaih chhak jan, dôh bah kiat mrơơ nei dôih tơt chhak jan nơơm. 19Oh bi 'bưn gưt laah chhak jan oh bi laa nhi r'bưn Brah Wêêng ri plah gôq knông oh bi, Yaang pa Brah Ưn ja ươn oh bi laang? Oh bi kot 'bưn nh'hơơm pơơn teq u chhak nơơm hôm,#I Kô 3:16; II Kô 6:16. 20đươm oh bi ja kươt pook drơơl prak thlay đat. Bei nei, phrui nhôq chhak jan oh bi baah tư wơơl Brah Ưn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.