I Kô-rinh-tô 2
2
Ndroong u rn'êch chhuôr kne Phao-lô ri
1Ơi oh bi, tơt lôh u oh bi, hei 'bưn nhôq pal ntil prêh jru paich jhai rpech jah tơmbơh baak chmlih chmleek Brah Ưn#2:1 baak chmlih chmleek Brah Ưn: Knông m'baak plơơp 'bian ti lah ndraanh teq u Brah Ưn. ri aan oh bi. 2Đươm gôq lwah oh bi, hei ja rwach 'bưn gưt ơơn nday huôih Brah Jê-sus Krist, u Brah Jê-sus Krist dol pơng đênh teq u chhư rglaang. 3Nơơm hei ja gôq lwah oh bi knông baak lhok lhơơi, n'hai ơk baak n'hông n'hing pndrơm.#Kênh 18:9. 4Baak mor u baak preh hei ri 'bưn chhing teq u baak klech rmeh jah ndit, dôh đươm laa baak tơrsau dang kmheng Brah Wêêng ri; 5jah chưt jơrnơ oh bi 'bưn chhing lơ baak jhai rpech koon bnih ri, baah lơ dang kmheng Brah Ưn ri.
Brah Wêêng tơrsau baak jhai rpech Brah Ưn ri
6Đươm bei nei, n'hai bơl bnih ttih raap, bơl hei kot chhuôr baak jhai rpech, dôh 'bưn geh baak jhai rpech klap au, paich bơl bnih liêu troong klap au laa bơl bnih a kươi phrui han rlach. 7Dôh bơl hei chhuôr baak jhai rpech, chmlih chmleek u a pôn Brah Ưn ri, ntil ja kươt Brah Ưn ja waat ơơm a noor pal klap aan baak chring chraang bơl bơn ri. 8'Bưn geh bnih liêu troong êch klap au gưt kươt ntil nei, đươm mơq gưt, bu ja 'bưn pơng đênh Brah chring chraang teq u chhư rglaang. 9Dôh, bei ntil ja 'bian:
“Ntil ơơn mat ndah sau, tôr ndah ttang,
U chưt ndah gênh tơt
Nei Brah Ưn ja ơn ơơm aan bơl bnih srlanh Pang.”
10Dôh#2:10 Dôh: Knông m'baak plơơp 'bian ti lah Đươm. Brah Ưn ja tơrsau pal ntil au aan bơl bơn rlach Brah Wêêng. Đươm Brah Wêêng sau sơp jôm baak, leq dơng pal ntil prêh jru Brah Ưn ri. 11'Bơơn gưt kươt gơrninh koon bnih ri, mơq 'bưn geh laa chưt kmlơt a knông nơơm bnih nei? Kot bei nei, awap 'bưn 'bơơn gưt kươt gơrninh Brah Ưn ri, êêng Brah Wêêng Brah Ưn ri. 12Dôh, bơl bơn 'bưn chơp pơih wêêng swich teh ri baah laa Brah Wêêng a Brah Ưn, jah awap gưt kươt pal ntil baak smlaang Brah Ưn ươn bơl bơn. 13Bơl hei chhuôr kươi ntil au, 'bưn chkhôm pal baak mor riên ôp kươt ktôk baak jhai rpech koon bnih ri, dôh chkhôm baak kne Brah Wêêng ri, krơơ chhuôr pal soong klanh wêêng yaang aan bơl bơn geh Brah Wêêng.#2:13 krơơ chhuôr pal soong klanh wêêng yaang aan bơl bơn geh Brah Wêêng: Paich laa krơơ chhuôr pal soong klanh wêêng yaang chkhôm pal baak mor đươm a Brah Wêêng. 14Bnih 'bưn geh Brah Wêêng 'bưn pơih kươt pal ntil a Brah Wêêng Brah Ưn ri, đươm bnih nei mơq pal ntil au laa wơơng pniêm u 'bưn geh gưt kươt, đươm phrui kươt sơ glap tênh wêêng yaang. 15Dôh, bnih geh Brah Wêêng nei pơrkat jôm baak, nha nơơm bnih nei 'bưn dol 'bơơn pơrkat.
16“Đươm 'bơơn ja gưt kươt chưt gơrninh Brah ri,
Jah chong kne Pang?”
Dôh bơl bơn geh chưt gơrninh Yaang Krist ri.
Currently Selected:
I Kô-rinh-tô 2: SBL2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
I Kô-rinh-tô 2
2
Ndroong u rn'êch chhuôr kne Phao-lô ri
1Ơi oh bi, tơt lôh u oh bi, hei 'bưn nhôq pal ntil prêh jru paich jhai rpech jah tơmbơh baak chmlih chmleek Brah Ưn#2:1 baak chmlih chmleek Brah Ưn: Knông m'baak plơơp 'bian ti lah ndraanh teq u Brah Ưn. ri aan oh bi. 2Đươm gôq lwah oh bi, hei ja rwach 'bưn gưt ơơn nday huôih Brah Jê-sus Krist, u Brah Jê-sus Krist dol pơng đênh teq u chhư rglaang. 3Nơơm hei ja gôq lwah oh bi knông baak lhok lhơơi, n'hai ơk baak n'hông n'hing pndrơm.#Kênh 18:9. 4Baak mor u baak preh hei ri 'bưn chhing teq u baak klech rmeh jah ndit, dôh đươm laa baak tơrsau dang kmheng Brah Wêêng ri; 5jah chưt jơrnơ oh bi 'bưn chhing lơ baak jhai rpech koon bnih ri, baah lơ dang kmheng Brah Ưn ri.
Brah Wêêng tơrsau baak jhai rpech Brah Ưn ri
6Đươm bei nei, n'hai bơl bnih ttih raap, bơl hei kot chhuôr baak jhai rpech, dôh 'bưn geh baak jhai rpech klap au, paich bơl bnih liêu troong klap au laa bơl bnih a kươi phrui han rlach. 7Dôh bơl hei chhuôr baak jhai rpech, chmlih chmleek u a pôn Brah Ưn ri, ntil ja kươt Brah Ưn ja waat ơơm a noor pal klap aan baak chring chraang bơl bơn ri. 8'Bưn geh bnih liêu troong êch klap au gưt kươt ntil nei, đươm mơq gưt, bu ja 'bưn pơng đênh Brah chring chraang teq u chhư rglaang. 9Dôh, bei ntil ja 'bian:
“Ntil ơơn mat ndah sau, tôr ndah ttang,
U chưt ndah gênh tơt
Nei Brah Ưn ja ơn ơơm aan bơl bnih srlanh Pang.”
10Dôh#2:10 Dôh: Knông m'baak plơơp 'bian ti lah Đươm. Brah Ưn ja tơrsau pal ntil au aan bơl bơn rlach Brah Wêêng. Đươm Brah Wêêng sau sơp jôm baak, leq dơng pal ntil prêh jru Brah Ưn ri. 11'Bơơn gưt kươt gơrninh koon bnih ri, mơq 'bưn geh laa chưt kmlơt a knông nơơm bnih nei? Kot bei nei, awap 'bưn 'bơơn gưt kươt gơrninh Brah Ưn ri, êêng Brah Wêêng Brah Ưn ri. 12Dôh, bơl bơn 'bưn chơp pơih wêêng swich teh ri baah laa Brah Wêêng a Brah Ưn, jah awap gưt kươt pal ntil baak smlaang Brah Ưn ươn bơl bơn. 13Bơl hei chhuôr kươi ntil au, 'bưn chkhôm pal baak mor riên ôp kươt ktôk baak jhai rpech koon bnih ri, dôh chkhôm baak kne Brah Wêêng ri, krơơ chhuôr pal soong klanh wêêng yaang aan bơl bơn geh Brah Wêêng.#2:13 krơơ chhuôr pal soong klanh wêêng yaang aan bơl bơn geh Brah Wêêng: Paich laa krơơ chhuôr pal soong klanh wêêng yaang chkhôm pal baak mor đươm a Brah Wêêng. 14Bnih 'bưn geh Brah Wêêng 'bưn pơih kươt pal ntil a Brah Wêêng Brah Ưn ri, đươm bnih nei mơq pal ntil au laa wơơng pniêm u 'bưn geh gưt kươt, đươm phrui kươt sơ glap tênh wêêng yaang. 15Dôh, bnih geh Brah Wêêng nei pơrkat jôm baak, nha nơơm bnih nei 'bưn dol 'bơơn pơrkat.
16“Đươm 'bơơn ja gưt kươt chưt gơrninh Brah ri,
Jah chong kne Pang?”
Dôh bơl bơn geh chưt gơrninh Yaang Krist ri.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.