Lukas 8
8
Cob Puj Kwg Cawd Yexus Qaas
1Tod qaas qhai Yexus muz txhua nrhiab hub tej nroog has tej zoz, Yexus qha Txuj Moo Zoo kwg has txug Vaajtswb lus Teschias. Yexus kawd os tug thwjtid nrug niz muz, 2has cob puj qeetuz kwg yaab taaz luz rawg daas kwg Yexus liab daas tiad has khu cud tej mos zoo liad. Cob puj qhai yog Malis (kwg hu ua Madalas), niz yog tuz kwg yaab taaz luz, Yexus liab xyaa tuz daas tiad liad; 3Yaw-anas kwg yog Khuxas tuz puj. Khuxas yog tuz kwg zub Helawj lus tseb; Xuxaanas, has muaj kua os pes tug puj, cud yog cob kwg pheej muas cud tej nyaj has qhob txhua chia paas Yexus has niz cob thwjtid.
Zaaj Luz Pibtxwb Has Txug tuz Tses Nplej
4Pheej muaj neeg tuaj hub tej nroog tuaj cuag Yexus tsi tu ncua ni. Thaws cob neeg tuaj ua ke coos coos liad, Yexus has is zaaj luz pibtxwb tu cud has tas:
5“Muaj is tug yiag nqaa noos nplej muz tses, thaws niz tses cob noos nplej tu hub daid tes, muaj qee lus poos tu hub pliab keb qhob kwg neeg tsuj muz tsuj luz, has noog saw ntuj txiad luz khiad noj liad. 6Muaj qee lus poos tu qhais qhob aab kwg hub muaj poszes tib liad, thaws lus nplej tuaj kawz, tuz kawz ca ni qhuab liad, tu qhob aab tsi hnoos. 7Muaj qee lus poos tu hub qaas tsos khawpuz, ces tsos khawspuz hlus tuaj liad tsos nplej tuag taaz liad. 8Has muaj qee lus poos tu qhais qhob aab zoo. Cob qhai tuaj zoo has txhiab tawz, is hnaas twg txi taw is puas lus.”
Yexus xaws luz has tas, “Yog tuz twg muaj qhobntsej, ca ni noog.”
Lus Hodphaj qhai Zaaj Luz Pibtxwb
9Yexus cob thwjtid noog Yexus nuad, zaaj luz pibtxwb kwg Yexus has qhai txhais nyaab. 10Yexus tes has tas, “Zaaj kwg neeg tsi taw paws has txug Vaajtswb lus Teschias, kud ted qha tu mej paws liad, tadsis kua ni lwd tuz, kud ua luz pibtxwb qha nyaz, txiad yog cud nuad los cud yiad tsi pud, txiad yog cud noog los cud yiad tsi totaws.
Yexus Txhais Zaaj Luz Pibtxwb Has Txug tuz Tses Nplej
11“Zaaj luz pibtxwb na txhais has tas: cob noos nplej yog pib txug Vaajtswb txujlug. 12Cob noos nplej kwg poos tu qhais txuj keb, pib txug Vaajtswb txujlug kwg neeg hnob, tadsis Daag Ntxwgnyoog txiad luz txees txujlug qhai tiad hub cud lus sas liad, kuas cud tsi ntseeg has tsi taw txuj keb ciad kig. 13Cob noos nplej kwg poos tu qhais qhob aab kwg hub muaj poszes tib liad, pib txug Vaajtswb txujlug kwg thaws neeg hnob dheeb, cud txaws sas hlo txais yuab, tadsis txujlug qhai cog caag tsi ruaj tu hub cud lus sas; cud ntseeg is ntus nyaz, thaws cud rawg keb sid sas, ces cud ca ni thid rob qaas liad. 14Cob noos nplej kwg poos tu hub qaas tsos khawspuz, pib txug Vaajtswb txujlug kwg neeg hnob; tadsis cud tej keb ntxhub sas, keb ntshia nyaj, has keb lodzed hub ntajtes na, hlus tuaj liad Vaajtswb txujlug liad, cud txuj keb ntseeg ha tsi luj hlus. 15Cob noos nplej kwg poos tu qhais qhob aab zoo, pib txug Vaajtswb txujlug kwg neeg hnob, cud muaj lus sas mos muas, sas dias sas zoo khiad txujlug qhai ca tu hub cud lus sas, has ua sas nteb muz txug hnoos kwg txujlug qhai tiag paaj has txi txib.
Muas Phaaj Khws Lus Tees
16“Tsi muaj tuz twg tias tees has muas phaaj khws tu lossis muas txias tu hub qaas txaag. Tadsis tsuas muaj yiad muas txias tu saw qhob chia sas nyaz, kuas cob neeg kwg tuaj hub tseb ha pud keb.
17“Tej kwg muas zais ca liad, yeej yiad muaj neeg pud, has tej kwg muas npug ca liad, yeej yiad muaj tuz muas nthuab luz qha tu tuadtxhij.
18“Yog ni qhai, mej yiadtsud ceebfaaj has ua tuaszoo noog, tu qhob tuz kwg muaj liad, yiad muas ntxib kuas tuz qhai muaj nplua mag, tadsis tuz kwg tsi muaj, txiad yog niz xaab has tas niz muaj isntsis los yiad muas rhu qhai niz muz.”
Yexus Nad has Yexus Cob Kwb
19Yexus nad has Yexus cob kwb yiad tuaj cuag Yexus, tadsis muaj neeg coos coos, cud tsi taw keb muz cuag niz. 20Muaj is tug luz has tu Yexus has tas, “Koj nad has koj cob kwb tuaj siab saas nraw, cud xaab ntsis koj.”
21Yexus has tu tuadtxhij has tas, “Cob kwg hnob Vaajtswb txujlug has ua rias ni txujlug qhai, ha yog kud nad has kud cob kwb.”
Yexus Txwb Cua
22Muaj is hnoos Yexus has niz cob thwjtid nce muz tu hub nkoj, Yexus has tu cud tas, “Pes ca ni hlaa habtxwb muz tusaas tid u.” Ces cud txiad muz. 23Thaws cud taastod nkuad nkoj hlaa habtxwb muz, Yexus txiad pw tsawg zawg liad. Taadsij qhai txiad muaj cua kaaj cua dus hlus heeb ntsiaj dej ntaad luz tu hub lus nkoj, cud tuadtxhij ntshai nyos tsaad lus nkoj toz. 24Cob thwjtid muz tsaa Yexus has has tas, “Tuz Tswb, Tuz Tswb, pes ted yiad tuag!”
Yexus siab tseez luz txwb cua has dej; ces cua txiad tu has dej habtxwb kwg nphoo tej nad twb txiad tuz tsi ntaad liad. 25Yexus has tu cob thwjtid has tas, “Mej keb ntseeg kua twg taaz liad?”
Cob thwjtid xaab tsi thoos has ntshai heeb ni, cud sis thaad has tas, “Tuz na yog tuz twg, niz yiad txwb taw cua has dej, cua has dej kuj noog niz luz has!”
Yexus Khu tuz Yiag Rawg Daag
26Yexus has niz cob thwjtid caij nkoj muz txug qhais cheestsaad Nkelaxas#8.26 Nkelaxas; tej phaw qus has tas, Nkadalas (nuad Mat 8.28); has lwd phaw has tas, Nkenkexas. kwg nyos saas Habtxwb Kalilais tid u. 27Thaws Yexus tiad luz tu tid ntug, niz ntsis is tug yiag rawg daas kwg nyos hub nroog tuaj. Niz tsi hnaab rig tsho has tsi nyos hub tseb luz nteb liad, niz nyos tod roos toj ntxaas nyaz. 28Thaws niz pud Yexus, niz quaj qw txhud cawg hlo qhai Yexus xusntag, has has nrob nrob has tas, “Yexus kwg yog Vaajtswb Tuz Luj Kiag Nkaws leej Tus! Koj tuaj thaas kud ua daastsi? Kud thob koj tsi xod tsidtxod kud!” 29Niz has ni qhai, tu qhob Yexus ted has kuas daas ca ni tiad qhai niz muz. Daas nkaas tu hub niz ntaw zag, txiad yog muas sia hlaw khi niz tez niz tia has tso neeg zub los niz muas ntag tu taaz hubtsig, has daas yuad niz muz tu tod roos mojsaas qhua.
30Yexus noog niz has tas, “Koj lus npe hu nyaab?”
Niz tes has tas, “Kud lus npe hu ua Coos,” ru qhob muaj ntaw tuz daas nyos tu hub niz. 31Cob daag qhai thob Yexus has tas, “Tsi xod liab pes muz tu hub ntujtiag.”#8.31 Ntujtiag; Lag ntseeg has tas tej daas qhai rawg txid nyos hub lus qhob kwg tus tshaaj pliaz hub nruas tibtxwb muz txug hnoos kwg txabtxid thaws kiag.
32Nyos ze qhai muaj is paas npua coos coos taastod nrhab noj qhai is ntaa toj. Cob daas qhai thob Yexus has tas, “Ca pes muz tu hub paas npua qhai.” Ces Yexus txiad ca cud muz. 33Daas tiad pliaz hub tuz yiag qhai muz nkaas tu hub paas npua. Paas npua ca ni dha muz poos tsaag tsua tu hub habtxwb tuag taaz hubtsig liad.
34Thaws cob neeg zub npua pud ni qhai, cud txiad dha rob qaas muz qha tej qhai tu cob neeg kwg nyos hub tej zoz kwg nyos isncid lus nroog qhai. 35Ces tuadtxhij txiad tiad tuaj muz nuad muaj nyaab tag, thaws cud tuaj txug qhais Yexus, cud pud tuz yiag rawg daas qhai, niz fees meej liad, niz hnaab rig tsho has niz nyos qhais Yexus kuatia; cud ntshai heeb ni. 36Cob neeg kwg pud tej na, cud qha tu tuadtxhij paws has tas ua nyaab tuz rawg daas qhai zoo liad. 37Cob neeg kwg nyos hub cheestsaad Nkelaxas thob kuas Yexus ca ni tiad hub cheestsaad qhai muz, tu qhob cud ntshai heeb. Yog ni qhai, Yexus txiad nce tu hub nkoj has muz liad. 38Tuz yiag kwg Yexus liab daas tiad qhai, niz thob Yexus has tas, “Ca kud nrug koj muz.”
Tadsis Yexus kuas niz rob qaas muz has has tu niz tas, 39“Koj ca ni rob qaas muz tseb, has qha tej kwg Vaajtswb paas koj liad tu tuadtxhij noog.”
Tuz yiag qhai txiad muz thoos pliaz lus nroog, has qha tej kwg Yexus paas niz liad tu tuadtxhij noog.
Yailus tuz Ntxhais has tuz Puj Kwg Kob Yexus Tw Tsho
40Thaws Yexus rob luz txug saas ntug habtxwb tid na, muaj neeg coos coos tuaj nyos qhob qhai toz niz, thaws cud pud niz cud zoo sas heeb ni. 41Muaj is tug yiag npe hu ua Yailus, niz yog tuz kwg nuad hujlwd hub lus tseb saaslaaj hub lus nroog qhai. Thaws niz tuaj txug, niz txhud cawg hlo qhai Yexus kuatia has thob kuas Yexus muz tu tod niz lus tseb, 42tu qhob niz tuz ntxhais kwg muaj hnoosnyood kawd os xyoos, mos heeb ted yiad tuag.
Thaws Yexus taastod tawgkeb muz, muaj neeg coos coos nrug Yexus muz si nphoo quas tshua. 43Muaj is tug puj kwg coj khawsduag taw kawd os xyoos tsi tu, has niz txodnyed heeb ni. Niz muas taaznrhiab niz tej nyaj muz txheeb kwg tshuaj khu,#8.43 Tej phaw qus has tas, Niz muas taaznrhiab niz tej nyaj muz txheeb kwg tshuaj khu. tadsis tsi muaj is tug kwg tshuaj khu taw niz tis. 44Niz txib ntag luz tu tod Yexus nrawqawd, niz ceb tez muz kob Yexus lus tw tsho, taadsij qhai ntshaab txiad tu nrhiab liad. 45Yexus noog has tas, “Tuz twg kob kud?”
Tadsis tsi muaj tuz twg leez ni. Petus tes has tas, “Tuz Tswb, cob neeg coos coos kwg nyos puagncig koj chwb koj nyaz.”
46Tadsis Yexus has tas, “Yeej muaj is tug kob kud nyaz, tu qhob kud paws has tas fwjchid tu tiad qhai kud liad.” 47Tuz puj qhai paws has tas Yexus paws liad. Niz txiad luz txhud cawg hlo qhai Yexus kuatia ua isce tshee hnyo. Niz qha tu Yexus taasmeeg tuadtxhij has tas, vid nyaab niz kob Yexus lus tw tsho, has yog nyaab, niz tuz mos ha zoo liad. 48Yexus has tu niz tas, “Mintxhais, koj tuz mos zoo liad, ted yog vid koj ntseeg. Koj ca ni muz kaajsas lug.”
49Thaws Yexus taastod has ni qhai, muaj is tug tuaj tod Yailus tseb tuaj qha tu Yailus has tas, “Koj tuz ntxhais ted tuag liad, koj tsi xod taaskud Xisfws ntxib liad.”
50Thaws Yexus hnob ni qhai, Yexus has tu Yailus has tas, “Koj tsi xod ntshai; ca ni ntseeg, koj tuz ntxhais yeej yiad taw ciad caj.”
51Thaws Yexus muz txug hub Yailus tseb liad, niz tsi pus tuz twg nrug niz muz tu hub txaaj, tsuas pus Petus, Yawhaas has Yakawnpaws, has tuz ntxhais nad has vaid nrug niz muz nyaz. 52Cob neeg kwg nyos hub tseb, quaj nyab tuz ntxhais qhai ntsoog qeeg. Yexus has tu cud has tas, “Mej tsi xod quaj quaj; tuz mintxhais na tsi tuag, niz pw tsawg zawg nyaz!”
53Cob neeg qhai rus Yexus zus ziaz, tu qhob cud yeej paws has tas tuz ntxhais qhai tuag liad tag. 54Tadsis Yexus muz tuab nkaws tuz ntxhais qhai tez has has tas, “Mintxhais, koj ca ni siab!” 55Tuz ntxhais qhai txiad rob muaj sa has siab tseez taadsij qhai. Yexus kuas cud muas mo luz tu tuz ntxhais noj. 56Tuz ntxhais qhai nad has vaid xaab tsi thoos ni, tadsis Yexus txwb tsi pus ostug qha tej na tu tuz twg.
Currently Selected:
Lukas 8: CQD2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Lukas 8
8
Cob Puj Kwg Cawd Yexus Qaas
1Tod qaas qhai Yexus muz txhua nrhiab hub tej nroog has tej zoz, Yexus qha Txuj Moo Zoo kwg has txug Vaajtswb lus Teschias. Yexus kawd os tug thwjtid nrug niz muz, 2has cob puj qeetuz kwg yaab taaz luz rawg daas kwg Yexus liab daas tiad has khu cud tej mos zoo liad. Cob puj qhai yog Malis (kwg hu ua Madalas), niz yog tuz kwg yaab taaz luz, Yexus liab xyaa tuz daas tiad liad; 3Yaw-anas kwg yog Khuxas tuz puj. Khuxas yog tuz kwg zub Helawj lus tseb; Xuxaanas, has muaj kua os pes tug puj, cud yog cob kwg pheej muas cud tej nyaj has qhob txhua chia paas Yexus has niz cob thwjtid.
Zaaj Luz Pibtxwb Has Txug tuz Tses Nplej
4Pheej muaj neeg tuaj hub tej nroog tuaj cuag Yexus tsi tu ncua ni. Thaws cob neeg tuaj ua ke coos coos liad, Yexus has is zaaj luz pibtxwb tu cud has tas:
5“Muaj is tug yiag nqaa noos nplej muz tses, thaws niz tses cob noos nplej tu hub daid tes, muaj qee lus poos tu hub pliab keb qhob kwg neeg tsuj muz tsuj luz, has noog saw ntuj txiad luz khiad noj liad. 6Muaj qee lus poos tu qhais qhob aab kwg hub muaj poszes tib liad, thaws lus nplej tuaj kawz, tuz kawz ca ni qhuab liad, tu qhob aab tsi hnoos. 7Muaj qee lus poos tu hub qaas tsos khawpuz, ces tsos khawspuz hlus tuaj liad tsos nplej tuag taaz liad. 8Has muaj qee lus poos tu qhais qhob aab zoo. Cob qhai tuaj zoo has txhiab tawz, is hnaas twg txi taw is puas lus.”
Yexus xaws luz has tas, “Yog tuz twg muaj qhobntsej, ca ni noog.”
Lus Hodphaj qhai Zaaj Luz Pibtxwb
9Yexus cob thwjtid noog Yexus nuad, zaaj luz pibtxwb kwg Yexus has qhai txhais nyaab. 10Yexus tes has tas, “Zaaj kwg neeg tsi taw paws has txug Vaajtswb lus Teschias, kud ted qha tu mej paws liad, tadsis kua ni lwd tuz, kud ua luz pibtxwb qha nyaz, txiad yog cud nuad los cud yiad tsi pud, txiad yog cud noog los cud yiad tsi totaws.
Yexus Txhais Zaaj Luz Pibtxwb Has Txug tuz Tses Nplej
11“Zaaj luz pibtxwb na txhais has tas: cob noos nplej yog pib txug Vaajtswb txujlug. 12Cob noos nplej kwg poos tu qhais txuj keb, pib txug Vaajtswb txujlug kwg neeg hnob, tadsis Daag Ntxwgnyoog txiad luz txees txujlug qhai tiad hub cud lus sas liad, kuas cud tsi ntseeg has tsi taw txuj keb ciad kig. 13Cob noos nplej kwg poos tu qhais qhob aab kwg hub muaj poszes tib liad, pib txug Vaajtswb txujlug kwg thaws neeg hnob dheeb, cud txaws sas hlo txais yuab, tadsis txujlug qhai cog caag tsi ruaj tu hub cud lus sas; cud ntseeg is ntus nyaz, thaws cud rawg keb sid sas, ces cud ca ni thid rob qaas liad. 14Cob noos nplej kwg poos tu hub qaas tsos khawspuz, pib txug Vaajtswb txujlug kwg neeg hnob; tadsis cud tej keb ntxhub sas, keb ntshia nyaj, has keb lodzed hub ntajtes na, hlus tuaj liad Vaajtswb txujlug liad, cud txuj keb ntseeg ha tsi luj hlus. 15Cob noos nplej kwg poos tu qhais qhob aab zoo, pib txug Vaajtswb txujlug kwg neeg hnob, cud muaj lus sas mos muas, sas dias sas zoo khiad txujlug qhai ca tu hub cud lus sas, has ua sas nteb muz txug hnoos kwg txujlug qhai tiag paaj has txi txib.
Muas Phaaj Khws Lus Tees
16“Tsi muaj tuz twg tias tees has muas phaaj khws tu lossis muas txias tu hub qaas txaag. Tadsis tsuas muaj yiad muas txias tu saw qhob chia sas nyaz, kuas cob neeg kwg tuaj hub tseb ha pud keb.
17“Tej kwg muas zais ca liad, yeej yiad muaj neeg pud, has tej kwg muas npug ca liad, yeej yiad muaj tuz muas nthuab luz qha tu tuadtxhij.
18“Yog ni qhai, mej yiadtsud ceebfaaj has ua tuaszoo noog, tu qhob tuz kwg muaj liad, yiad muas ntxib kuas tuz qhai muaj nplua mag, tadsis tuz kwg tsi muaj, txiad yog niz xaab has tas niz muaj isntsis los yiad muas rhu qhai niz muz.”
Yexus Nad has Yexus Cob Kwb
19Yexus nad has Yexus cob kwb yiad tuaj cuag Yexus, tadsis muaj neeg coos coos, cud tsi taw keb muz cuag niz. 20Muaj is tug luz has tu Yexus has tas, “Koj nad has koj cob kwb tuaj siab saas nraw, cud xaab ntsis koj.”
21Yexus has tu tuadtxhij has tas, “Cob kwg hnob Vaajtswb txujlug has ua rias ni txujlug qhai, ha yog kud nad has kud cob kwb.”
Yexus Txwb Cua
22Muaj is hnoos Yexus has niz cob thwjtid nce muz tu hub nkoj, Yexus has tu cud tas, “Pes ca ni hlaa habtxwb muz tusaas tid u.” Ces cud txiad muz. 23Thaws cud taastod nkuad nkoj hlaa habtxwb muz, Yexus txiad pw tsawg zawg liad. Taadsij qhai txiad muaj cua kaaj cua dus hlus heeb ntsiaj dej ntaad luz tu hub lus nkoj, cud tuadtxhij ntshai nyos tsaad lus nkoj toz. 24Cob thwjtid muz tsaa Yexus has has tas, “Tuz Tswb, Tuz Tswb, pes ted yiad tuag!”
Yexus siab tseez luz txwb cua has dej; ces cua txiad tu has dej habtxwb kwg nphoo tej nad twb txiad tuz tsi ntaad liad. 25Yexus has tu cob thwjtid has tas, “Mej keb ntseeg kua twg taaz liad?”
Cob thwjtid xaab tsi thoos has ntshai heeb ni, cud sis thaad has tas, “Tuz na yog tuz twg, niz yiad txwb taw cua has dej, cua has dej kuj noog niz luz has!”
Yexus Khu tuz Yiag Rawg Daag
26Yexus has niz cob thwjtid caij nkoj muz txug qhais cheestsaad Nkelaxas#8.26 Nkelaxas; tej phaw qus has tas, Nkadalas (nuad Mat 8.28); has lwd phaw has tas, Nkenkexas. kwg nyos saas Habtxwb Kalilais tid u. 27Thaws Yexus tiad luz tu tid ntug, niz ntsis is tug yiag rawg daas kwg nyos hub nroog tuaj. Niz tsi hnaab rig tsho has tsi nyos hub tseb luz nteb liad, niz nyos tod roos toj ntxaas nyaz. 28Thaws niz pud Yexus, niz quaj qw txhud cawg hlo qhai Yexus xusntag, has has nrob nrob has tas, “Yexus kwg yog Vaajtswb Tuz Luj Kiag Nkaws leej Tus! Koj tuaj thaas kud ua daastsi? Kud thob koj tsi xod tsidtxod kud!” 29Niz has ni qhai, tu qhob Yexus ted has kuas daas ca ni tiad qhai niz muz. Daas nkaas tu hub niz ntaw zag, txiad yog muas sia hlaw khi niz tez niz tia has tso neeg zub los niz muas ntag tu taaz hubtsig, has daas yuad niz muz tu tod roos mojsaas qhua.
30Yexus noog niz has tas, “Koj lus npe hu nyaab?”
Niz tes has tas, “Kud lus npe hu ua Coos,” ru qhob muaj ntaw tuz daas nyos tu hub niz. 31Cob daag qhai thob Yexus has tas, “Tsi xod liab pes muz tu hub ntujtiag.”#8.31 Ntujtiag; Lag ntseeg has tas tej daas qhai rawg txid nyos hub lus qhob kwg tus tshaaj pliaz hub nruas tibtxwb muz txug hnoos kwg txabtxid thaws kiag.
32Nyos ze qhai muaj is paas npua coos coos taastod nrhab noj qhai is ntaa toj. Cob daas qhai thob Yexus has tas, “Ca pes muz tu hub paas npua qhai.” Ces Yexus txiad ca cud muz. 33Daas tiad pliaz hub tuz yiag qhai muz nkaas tu hub paas npua. Paas npua ca ni dha muz poos tsaag tsua tu hub habtxwb tuag taaz hubtsig liad.
34Thaws cob neeg zub npua pud ni qhai, cud txiad dha rob qaas muz qha tej qhai tu cob neeg kwg nyos hub tej zoz kwg nyos isncid lus nroog qhai. 35Ces tuadtxhij txiad tiad tuaj muz nuad muaj nyaab tag, thaws cud tuaj txug qhais Yexus, cud pud tuz yiag rawg daas qhai, niz fees meej liad, niz hnaab rig tsho has niz nyos qhais Yexus kuatia; cud ntshai heeb ni. 36Cob neeg kwg pud tej na, cud qha tu tuadtxhij paws has tas ua nyaab tuz rawg daas qhai zoo liad. 37Cob neeg kwg nyos hub cheestsaad Nkelaxas thob kuas Yexus ca ni tiad hub cheestsaad qhai muz, tu qhob cud ntshai heeb. Yog ni qhai, Yexus txiad nce tu hub nkoj has muz liad. 38Tuz yiag kwg Yexus liab daas tiad qhai, niz thob Yexus has tas, “Ca kud nrug koj muz.”
Tadsis Yexus kuas niz rob qaas muz has has tu niz tas, 39“Koj ca ni rob qaas muz tseb, has qha tej kwg Vaajtswb paas koj liad tu tuadtxhij noog.”
Tuz yiag qhai txiad muz thoos pliaz lus nroog, has qha tej kwg Yexus paas niz liad tu tuadtxhij noog.
Yailus tuz Ntxhais has tuz Puj Kwg Kob Yexus Tw Tsho
40Thaws Yexus rob luz txug saas ntug habtxwb tid na, muaj neeg coos coos tuaj nyos qhob qhai toz niz, thaws cud pud niz cud zoo sas heeb ni. 41Muaj is tug yiag npe hu ua Yailus, niz yog tuz kwg nuad hujlwd hub lus tseb saaslaaj hub lus nroog qhai. Thaws niz tuaj txug, niz txhud cawg hlo qhai Yexus kuatia has thob kuas Yexus muz tu tod niz lus tseb, 42tu qhob niz tuz ntxhais kwg muaj hnoosnyood kawd os xyoos, mos heeb ted yiad tuag.
Thaws Yexus taastod tawgkeb muz, muaj neeg coos coos nrug Yexus muz si nphoo quas tshua. 43Muaj is tug puj kwg coj khawsduag taw kawd os xyoos tsi tu, has niz txodnyed heeb ni. Niz muas taaznrhiab niz tej nyaj muz txheeb kwg tshuaj khu,#8.43 Tej phaw qus has tas, Niz muas taaznrhiab niz tej nyaj muz txheeb kwg tshuaj khu. tadsis tsi muaj is tug kwg tshuaj khu taw niz tis. 44Niz txib ntag luz tu tod Yexus nrawqawd, niz ceb tez muz kob Yexus lus tw tsho, taadsij qhai ntshaab txiad tu nrhiab liad. 45Yexus noog has tas, “Tuz twg kob kud?”
Tadsis tsi muaj tuz twg leez ni. Petus tes has tas, “Tuz Tswb, cob neeg coos coos kwg nyos puagncig koj chwb koj nyaz.”
46Tadsis Yexus has tas, “Yeej muaj is tug kob kud nyaz, tu qhob kud paws has tas fwjchid tu tiad qhai kud liad.” 47Tuz puj qhai paws has tas Yexus paws liad. Niz txiad luz txhud cawg hlo qhai Yexus kuatia ua isce tshee hnyo. Niz qha tu Yexus taasmeeg tuadtxhij has tas, vid nyaab niz kob Yexus lus tw tsho, has yog nyaab, niz tuz mos ha zoo liad. 48Yexus has tu niz tas, “Mintxhais, koj tuz mos zoo liad, ted yog vid koj ntseeg. Koj ca ni muz kaajsas lug.”
49Thaws Yexus taastod has ni qhai, muaj is tug tuaj tod Yailus tseb tuaj qha tu Yailus has tas, “Koj tuz ntxhais ted tuag liad, koj tsi xod taaskud Xisfws ntxib liad.”
50Thaws Yexus hnob ni qhai, Yexus has tu Yailus has tas, “Koj tsi xod ntshai; ca ni ntseeg, koj tuz ntxhais yeej yiad taw ciad caj.”
51Thaws Yexus muz txug hub Yailus tseb liad, niz tsi pus tuz twg nrug niz muz tu hub txaaj, tsuas pus Petus, Yawhaas has Yakawnpaws, has tuz ntxhais nad has vaid nrug niz muz nyaz. 52Cob neeg kwg nyos hub tseb, quaj nyab tuz ntxhais qhai ntsoog qeeg. Yexus has tu cud has tas, “Mej tsi xod quaj quaj; tuz mintxhais na tsi tuag, niz pw tsawg zawg nyaz!”
53Cob neeg qhai rus Yexus zus ziaz, tu qhob cud yeej paws has tas tuz ntxhais qhai tuag liad tag. 54Tadsis Yexus muz tuab nkaws tuz ntxhais qhai tez has has tas, “Mintxhais, koj ca ni siab!” 55Tuz ntxhais qhai txiad rob muaj sa has siab tseez taadsij qhai. Yexus kuas cud muas mo luz tu tuz ntxhais noj. 56Tuz ntxhais qhai nad has vaid xaab tsi thoos ni, tadsis Yexus txwb tsi pus ostug qha tej na tu tuz twg.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.