Lukas 10
10
Yexus Txis Xyaa Cawd Os Tug Muz Qha Txuj Moo Zoo
1Tod qaas qhai tuz Tswb xaib kua xyaa cawd os#10.1 xyaa cawd os; tej phaw qus has tas xyaa cawd tuz. leez, has txis cud os tug muz is qho, ua Yexus ntej muz tu txhua lus nroog has txhua lus zoz kwg Yexus yiad muz. 2Yexus has tu cud tas, “Cob nplej kwg zoo hlais liad muaj ntaw, tadsis cob neeg kwg hlais muaj tsiag. Mej ca ni thob tuz Tswb tes kuas niz txis coos tuz neeg muz paas hlais niz cob nplej. 3Mej ca ni muz! Kud txis mej muz is yaad ni paas yaaj kwg yiad muz tu hub paas hmaa. 4Mej tsi xod nqaa hnaas nyaj lossis hnaas thoospuas lossis khaw; yog mej ntsis tuz twg qhai keb, mej tsi xod nrug tuz qhai thaad. 5Thaws mej muz tu hub tuz twg tseb, mej yiadtsud has ua ntej has tas, ‘Thob Vaajtswb food kooshmoob tu mej.’ 6Yog tseb neeg qhai muaj is tug xaab taw Vaajtswb txuj kooshmoob, ces tuz qhai yiad taw rias ni kwg mej has. Tadsis yog tsi muaj tuz kwg xaab taw Vaajtswb txuj kooshmoob, ces lu luz kooshmoob qhai yiad rob luz tu qhais mej. 7Mej ca ni nyos hub lus tseb qhai, cud pus tu mej noj has haws nyaab, Mej ca ni noj has haws ni qhai. Tu qhob yeej tsidnyog tuz kwg ua hujlwd taw nqai zug. Tsi xod tiad hub lus tseb qhai muz pw kua lwd lus tseb. 8Thaws mej muz txug lus nroog twg, yog cob neeg qhai pus mej su, tej zaws mo kwg cud ua tu mej noj, mej ca ni noj, 9mej ca ni khu tej neeg kwg muaj mos hub lus nroog qhai, has qha tu cud paws has tas ‘Vaajtswb lus Teschias ted luz ze mej liad.’ 10Tadsis thaws mej muz txug hub lus nroog twg, yog cob neeg qhai tsi txaistoz mej, mej ca ni muz tu tod tej keb has qha has tas, 11‘Txiad yog tej nyuas pliab aab hub mej lus nroog kwg lu pes kuatia los pes yiad so hubtsig, kuas mej paws has tas mej yiad rawg keb puadtsuaj. Tadsis kuas mej ncu ntsoob has tas Vaajtswb lus Teschias ted luz ze mej liad!’ 12Kud has tsees tu mej has tas, hnoos kwg Vaajtswb txabtxid, niz yiad raw txid tu lus nroog qhai hnyaab kua ni niz raw txid tu lus nroog Xawdoos!
Tej Nroog Kwg tsi Tso Keb Txhud Tseg
13“Lus nroog Khawlaxis, koj yiad rawg keb puadtsuaj! Lus nroog Npexaidas, koj yiad rawg keb puadtsuaj! Tej txujci tseedcees kwg lag ted ua tu mej pud liad, yog ua tej qhai tu hub lus nroog Tiles has lus nroog Xidoos, ces cob neeg kwg nyos hub os lus nroog qhai, ted xus muas hnaas tsaaj luz npua, nyos hub qhob tshawb has tsuas tshawb luz nphoo tu isce ntxub luz liad. Cud ua ni qhai, kuas tuadtxhij paws has tas cud ted tso cud tej keb txhud tseg liad! 14Hnoos kwg Vaajtswb txabtxid, niz yiad raw txid tu mej hnyaab kua ni kwg niz raw txid tu lus nroog Tiles has lus nroog Xidoos. 15Lus nroog Kapena-us, koj yiad yaad koj lus fwjchid kuas muz txij ntuj los? Kud yiad muas koj laid muz tu hub ntujtiag!”
16Yexus has tu niz cob thwjtid has tas, “Tuz kwg noog mej luz, tuz qhai yeej noog kud luz. Tuz kwg tsi leez paws mej, tuz qhai yeej tsi leez paws kud; has tuz kwg tsi leez paws kud, tuz qhai yeej tsi leez paws tuz kwg txis kud luz.”
Cob Thwjtid Xyaa Cawd Os Tug Rob Qaas Luz
17Thaws xyaa cawd os tug#10.17 xyaa cawd os tug; tej phaw qus has tas, xyaa cawd tuz (nuad nqai 1). thwjtid rob qaas luz, cud zoo sas heeb ni. Cud has tu Yexus has tas, “Tuz Tswb, thaws pes tuab koj lus npe liab daas, daag kuj noog pes luz has!”
18Yexus tes cud has tas, “Kud pud Xataas poos saw ntuj luz is yaad ni tsazxus laid. 19Mej ua tuaszoo noog! Kud ted pus fwjchid tu mej liad, mej yiad tsuj taw naas has phajhab qhuab, has mej yiad muaj fwjchid kobyeej mej tej yeesncuas, has yiad tsi muaj daastsi ua tu mej rawg mos. 20Tadsis mej tsi xod zoo sas tu qhob kwg daas noog mej luz qhai; mej ca ni zoo sas tu qhob kwg Vaajtswb ted saw mej lus npe ca tu saw ntuj ceestsheej liad.”
Yexus Zoo Sas
21Thaws qhai Vaaj Ntsujplig tuz Diashub#10.21 Tej phaw qus has tas, Vaaj Ntsujplig; lwd phaw has tas, niz tuz ntsujplig. ua tu Tswb Yexus zoo sas heeb ni, Yexus has tas, “Kud Vaid, tuz Tswb kwg kaab lus ntuj has lus ntajtes na! Kud ua koj tsawg, tu qhob koj ted muas tej na zais ca tsi qha tu cob neeg kwg muaj tswbyid has txiaj ntse paws, tadsis koj qha tej qhai tu cob neeg kwg tsi txiaj tsi ntse paws nyaz. Vaid, koj yeej pud zoo ua ni qhai.
22“Kud Vaid ted muas is puas tsaab yaad tu kud liad. Tsi muaj tuz twg paws leej Tus, tsuas yog leej Vaid ha paws nyaz, has tsi muaj tuz twg paws leej Vaid, tsuas yog leej Tus ha paws nyaz, tsuas yog leej Tus has cob kwg leej Tus pud zoo qha tu ha paws nyaz.”
23Yexus txiad tig muz has tuasyws tu cob thwjtid has tas, “Tej kwg mej pud na, yog mej muaj hmoo heeb, mej ha pud! 24Kud qha tu mej has tas, ‘Cob kwg ceb Vaajtswb luz has cob vaajntxwb ntaw tuz xaab pud tej kwg mej pud, tadsis cud tsi pud, cud xaab hnob tej kwg mej hnob, tadsis cud tsi taw hnob.’ ”
Zaaj Luz Pibtxwb Kwg Has Txug tuz Neeg Xamalis Sas Zoo
25Muaj is tug xisfws qha Vaajtswb txuj Kebcai tuaj nrug Yexus thaad, has sid nuad Yexus yiad tes nyaab. Niz noog Yexus has tas, “Xisfws, kud yiad ua nyaab, kud ha taw txujsa nteb dhaw muz is txhis tsi kiag?”
26Yexus tes niz has tas, “Nyos qhais txuj kebcai qha nyaab? Tej kwg koj nyeed qhai koj totaws nyaab?”
27Tuz yiag qhai tes has tas, “ ‘Hlus tuz Tswb kwg yog koj tuz Vaajtswb kuas kiag sas kiag ntswd, kiag plaas kiag pliab, has kiag tuz daag tuz zug,’ has ‘Hlus koj tej kwbtij zej zoz is yaad ni yug hlus yug lus ceb.’ ”
28Yexus tes has tas, “Yog ni koj has liad; koj ca ni ua ni qhai, koj has taw txujsa.”
29Tadsis tuz xisfws kwg qha Vaajtswb Kebcai khaab has tas, niz yog neeg ncaajnceeg, niz txiad noog Yexus has tas, “Tuz twg has yog kud tej kwbtij zej zoz?”
30Yexus tes has tas, “Muaj is tug yiag tawgkeb qhai lus nroog Yeluxalees muz tu nraaz lus nroog Yelikaws, thaws niz muz txug is toz keb, txiad muaj is paas tusnyas muas niz tej rig tsho lwz taaz, has muas niz ntaws yiad lawg tuag tso tu qhais keb. 31Ces muaj is tug pobthiaj tawg txuj keb qhai tuaj, thaws niz pud tuz qhai, niz txiad tshu keb dus muas txig muz liad. 32Tod qaas qhai muaj is tug Levis tawgkeb tuaj txug qhais has, niz muz nuad tuz qhai is muas, niz txiad tshu keb dus muas txig muz liad has. 33Tadsis muaj is tug neeg Xamalis tawgkeb tuaj txug qhais, thaws niz pud tuz kwg tusnyas ntaws, niz hlus tuz qhai heeb. 34Niz txaab zog muz nuad, niz muas roj has muas ciab txib hmaas laws tu tuz mos qhai tej qhob txhaas has muas ntaws qhwb; niz ca tuz mos qhai caij niz tuz neeg luab, niz coj tuz mos muz pw tod is lus tseb su, has tu tuz mos qhai. 35Thaws pud keb tuz neeg Xamalis muas taw os lus nyaj tu tuz tswb tseb qhai has has tas, ‘Thob koj paas tu tuz neeg mos na, yog koj sib tshaaj os lus nyaj na, thaws kud rob qaas luz, kud maad ni ntxib tu koj.’ ”
36Yexus noog has tas, “Koj sid xaab ses, pes tug na, tuz twg yog tuz kwg tusnyas ntaws qhai tuz kwbtij?”
37Tuz xisfws kwg qha Vaajtswb txuj Kebcai tes has tas, “Tes yog tuz kwg hlus tuz kwg tusnyas ntaws qhai ntag.”
Yexus has tu niz tas, “Koj ca ni muz ua is yaad ni qhai.”
Yexus Muz Nuad Mathas has Malis
38Thaws Yexus has niz cob thwjtid muz txug hub is lus zoz, muaj is tug puj npe hu ua Mathas, txiad hu Yexus muz su hub niz tseb. 39Mathas muaj is tug nad hluas hu ua Malis, Malis luz nyos qhais Tswb Yexus kuatia has noog Yexus qha. 40Mathas ntxhub sas tu tej hujlwd ntaw kwg niz kob tsi yeej, niz luz has tu Yexus has tas, “Tuz Tswb, koj tsi paws has tas kud tuz nad hluas ca kud tuas tug ua hujlwd nyaz los? Koj has kuas niz ca ni luz paas kud ua hujlwd!”
41Tuz Tswb tes has tas, “Mathas, Mathas! Koj txhiaj has ntxhub sas tu ntaw yaad hujlwd heeb ni, 42tadsis tsuas muaj is yaad zoo nyaz. Malis ted xaib yaad zoo qhai liad, tsi muaj tuz twg yiad txees taw yaad kwg niz muaj qhai muz ni.”
Currently Selected:
Lukas 10: CQD2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Lukas 10
10
Yexus Txis Xyaa Cawd Os Tug Muz Qha Txuj Moo Zoo
1Tod qaas qhai tuz Tswb xaib kua xyaa cawd os#10.1 xyaa cawd os; tej phaw qus has tas xyaa cawd tuz. leez, has txis cud os tug muz is qho, ua Yexus ntej muz tu txhua lus nroog has txhua lus zoz kwg Yexus yiad muz. 2Yexus has tu cud tas, “Cob nplej kwg zoo hlais liad muaj ntaw, tadsis cob neeg kwg hlais muaj tsiag. Mej ca ni thob tuz Tswb tes kuas niz txis coos tuz neeg muz paas hlais niz cob nplej. 3Mej ca ni muz! Kud txis mej muz is yaad ni paas yaaj kwg yiad muz tu hub paas hmaa. 4Mej tsi xod nqaa hnaas nyaj lossis hnaas thoospuas lossis khaw; yog mej ntsis tuz twg qhai keb, mej tsi xod nrug tuz qhai thaad. 5Thaws mej muz tu hub tuz twg tseb, mej yiadtsud has ua ntej has tas, ‘Thob Vaajtswb food kooshmoob tu mej.’ 6Yog tseb neeg qhai muaj is tug xaab taw Vaajtswb txuj kooshmoob, ces tuz qhai yiad taw rias ni kwg mej has. Tadsis yog tsi muaj tuz kwg xaab taw Vaajtswb txuj kooshmoob, ces lu luz kooshmoob qhai yiad rob luz tu qhais mej. 7Mej ca ni nyos hub lus tseb qhai, cud pus tu mej noj has haws nyaab, Mej ca ni noj has haws ni qhai. Tu qhob yeej tsidnyog tuz kwg ua hujlwd taw nqai zug. Tsi xod tiad hub lus tseb qhai muz pw kua lwd lus tseb. 8Thaws mej muz txug lus nroog twg, yog cob neeg qhai pus mej su, tej zaws mo kwg cud ua tu mej noj, mej ca ni noj, 9mej ca ni khu tej neeg kwg muaj mos hub lus nroog qhai, has qha tu cud paws has tas ‘Vaajtswb lus Teschias ted luz ze mej liad.’ 10Tadsis thaws mej muz txug hub lus nroog twg, yog cob neeg qhai tsi txaistoz mej, mej ca ni muz tu tod tej keb has qha has tas, 11‘Txiad yog tej nyuas pliab aab hub mej lus nroog kwg lu pes kuatia los pes yiad so hubtsig, kuas mej paws has tas mej yiad rawg keb puadtsuaj. Tadsis kuas mej ncu ntsoob has tas Vaajtswb lus Teschias ted luz ze mej liad!’ 12Kud has tsees tu mej has tas, hnoos kwg Vaajtswb txabtxid, niz yiad raw txid tu lus nroog qhai hnyaab kua ni niz raw txid tu lus nroog Xawdoos!
Tej Nroog Kwg tsi Tso Keb Txhud Tseg
13“Lus nroog Khawlaxis, koj yiad rawg keb puadtsuaj! Lus nroog Npexaidas, koj yiad rawg keb puadtsuaj! Tej txujci tseedcees kwg lag ted ua tu mej pud liad, yog ua tej qhai tu hub lus nroog Tiles has lus nroog Xidoos, ces cob neeg kwg nyos hub os lus nroog qhai, ted xus muas hnaas tsaaj luz npua, nyos hub qhob tshawb has tsuas tshawb luz nphoo tu isce ntxub luz liad. Cud ua ni qhai, kuas tuadtxhij paws has tas cud ted tso cud tej keb txhud tseg liad! 14Hnoos kwg Vaajtswb txabtxid, niz yiad raw txid tu mej hnyaab kua ni kwg niz raw txid tu lus nroog Tiles has lus nroog Xidoos. 15Lus nroog Kapena-us, koj yiad yaad koj lus fwjchid kuas muz txij ntuj los? Kud yiad muas koj laid muz tu hub ntujtiag!”
16Yexus has tu niz cob thwjtid has tas, “Tuz kwg noog mej luz, tuz qhai yeej noog kud luz. Tuz kwg tsi leez paws mej, tuz qhai yeej tsi leez paws kud; has tuz kwg tsi leez paws kud, tuz qhai yeej tsi leez paws tuz kwg txis kud luz.”
Cob Thwjtid Xyaa Cawd Os Tug Rob Qaas Luz
17Thaws xyaa cawd os tug#10.17 xyaa cawd os tug; tej phaw qus has tas, xyaa cawd tuz (nuad nqai 1). thwjtid rob qaas luz, cud zoo sas heeb ni. Cud has tu Yexus has tas, “Tuz Tswb, thaws pes tuab koj lus npe liab daas, daag kuj noog pes luz has!”
18Yexus tes cud has tas, “Kud pud Xataas poos saw ntuj luz is yaad ni tsazxus laid. 19Mej ua tuaszoo noog! Kud ted pus fwjchid tu mej liad, mej yiad tsuj taw naas has phajhab qhuab, has mej yiad muaj fwjchid kobyeej mej tej yeesncuas, has yiad tsi muaj daastsi ua tu mej rawg mos. 20Tadsis mej tsi xod zoo sas tu qhob kwg daas noog mej luz qhai; mej ca ni zoo sas tu qhob kwg Vaajtswb ted saw mej lus npe ca tu saw ntuj ceestsheej liad.”
Yexus Zoo Sas
21Thaws qhai Vaaj Ntsujplig tuz Diashub#10.21 Tej phaw qus has tas, Vaaj Ntsujplig; lwd phaw has tas, niz tuz ntsujplig. ua tu Tswb Yexus zoo sas heeb ni, Yexus has tas, “Kud Vaid, tuz Tswb kwg kaab lus ntuj has lus ntajtes na! Kud ua koj tsawg, tu qhob koj ted muas tej na zais ca tsi qha tu cob neeg kwg muaj tswbyid has txiaj ntse paws, tadsis koj qha tej qhai tu cob neeg kwg tsi txiaj tsi ntse paws nyaz. Vaid, koj yeej pud zoo ua ni qhai.
22“Kud Vaid ted muas is puas tsaab yaad tu kud liad. Tsi muaj tuz twg paws leej Tus, tsuas yog leej Vaid ha paws nyaz, has tsi muaj tuz twg paws leej Vaid, tsuas yog leej Tus ha paws nyaz, tsuas yog leej Tus has cob kwg leej Tus pud zoo qha tu ha paws nyaz.”
23Yexus txiad tig muz has tuasyws tu cob thwjtid has tas, “Tej kwg mej pud na, yog mej muaj hmoo heeb, mej ha pud! 24Kud qha tu mej has tas, ‘Cob kwg ceb Vaajtswb luz has cob vaajntxwb ntaw tuz xaab pud tej kwg mej pud, tadsis cud tsi pud, cud xaab hnob tej kwg mej hnob, tadsis cud tsi taw hnob.’ ”
Zaaj Luz Pibtxwb Kwg Has Txug tuz Neeg Xamalis Sas Zoo
25Muaj is tug xisfws qha Vaajtswb txuj Kebcai tuaj nrug Yexus thaad, has sid nuad Yexus yiad tes nyaab. Niz noog Yexus has tas, “Xisfws, kud yiad ua nyaab, kud ha taw txujsa nteb dhaw muz is txhis tsi kiag?”
26Yexus tes niz has tas, “Nyos qhais txuj kebcai qha nyaab? Tej kwg koj nyeed qhai koj totaws nyaab?”
27Tuz yiag qhai tes has tas, “ ‘Hlus tuz Tswb kwg yog koj tuz Vaajtswb kuas kiag sas kiag ntswd, kiag plaas kiag pliab, has kiag tuz daag tuz zug,’ has ‘Hlus koj tej kwbtij zej zoz is yaad ni yug hlus yug lus ceb.’ ”
28Yexus tes has tas, “Yog ni koj has liad; koj ca ni ua ni qhai, koj has taw txujsa.”
29Tadsis tuz xisfws kwg qha Vaajtswb Kebcai khaab has tas, niz yog neeg ncaajnceeg, niz txiad noog Yexus has tas, “Tuz twg has yog kud tej kwbtij zej zoz?”
30Yexus tes has tas, “Muaj is tug yiag tawgkeb qhai lus nroog Yeluxalees muz tu nraaz lus nroog Yelikaws, thaws niz muz txug is toz keb, txiad muaj is paas tusnyas muas niz tej rig tsho lwz taaz, has muas niz ntaws yiad lawg tuag tso tu qhais keb. 31Ces muaj is tug pobthiaj tawg txuj keb qhai tuaj, thaws niz pud tuz qhai, niz txiad tshu keb dus muas txig muz liad. 32Tod qaas qhai muaj is tug Levis tawgkeb tuaj txug qhais has, niz muz nuad tuz qhai is muas, niz txiad tshu keb dus muas txig muz liad has. 33Tadsis muaj is tug neeg Xamalis tawgkeb tuaj txug qhais, thaws niz pud tuz kwg tusnyas ntaws, niz hlus tuz qhai heeb. 34Niz txaab zog muz nuad, niz muas roj has muas ciab txib hmaas laws tu tuz mos qhai tej qhob txhaas has muas ntaws qhwb; niz ca tuz mos qhai caij niz tuz neeg luab, niz coj tuz mos muz pw tod is lus tseb su, has tu tuz mos qhai. 35Thaws pud keb tuz neeg Xamalis muas taw os lus nyaj tu tuz tswb tseb qhai has has tas, ‘Thob koj paas tu tuz neeg mos na, yog koj sib tshaaj os lus nyaj na, thaws kud rob qaas luz, kud maad ni ntxib tu koj.’ ”
36Yexus noog has tas, “Koj sid xaab ses, pes tug na, tuz twg yog tuz kwg tusnyas ntaws qhai tuz kwbtij?”
37Tuz xisfws kwg qha Vaajtswb txuj Kebcai tes has tas, “Tes yog tuz kwg hlus tuz kwg tusnyas ntaws qhai ntag.”
Yexus has tu niz tas, “Koj ca ni muz ua is yaad ni qhai.”
Yexus Muz Nuad Mathas has Malis
38Thaws Yexus has niz cob thwjtid muz txug hub is lus zoz, muaj is tug puj npe hu ua Mathas, txiad hu Yexus muz su hub niz tseb. 39Mathas muaj is tug nad hluas hu ua Malis, Malis luz nyos qhais Tswb Yexus kuatia has noog Yexus qha. 40Mathas ntxhub sas tu tej hujlwd ntaw kwg niz kob tsi yeej, niz luz has tu Yexus has tas, “Tuz Tswb, koj tsi paws has tas kud tuz nad hluas ca kud tuas tug ua hujlwd nyaz los? Koj has kuas niz ca ni luz paas kud ua hujlwd!”
41Tuz Tswb tes has tas, “Mathas, Mathas! Koj txhiaj has ntxhub sas tu ntaw yaad hujlwd heeb ni, 42tadsis tsuas muaj is yaad zoo nyaz. Malis ted xaib yaad zoo qhai liad, tsi muaj tuz twg yiad txees taw yaad kwg niz muaj qhai muz ni.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.