Yawhaas 4
4
Yexus has tuz Puj Xamalis
1Cob Falixais hnob has tas Yexus txais neeg has muas neeg ua kebcai raws dej has ua thwjtid coos kua Yawhaas. 2(Qhob tsees, Yexus yeej tsi muas neeg ua kebcai raws dej, tsuas yog Yexus cob thwjtid muas nyaz.) 3Thaws Yexus hnob ni qhai, niz txiad tiad hub xeeb Yudais rob qaas muz tu pes xeeb Kalilais; 4niz yiadtsud tawg txuj keb kwg muz hlaa lus xeeb Xamalis muz.
5Yexus muz txug qhais lus nroog Xikhas kwg nyos hub xeeb Xamalis, lus nroog qhai nyos tsi kes qhai thaaj tes kwg Yakhawj muas tu niz leej tus Yawxej. 6Qhai muaj lus qhobdej Yakhawj, vid tawgkeb saas heeb, Yexus has nyos qhais ntug qhobdej qhai. Lus sijhiad qhai yog thaws taab su.
7Muaj is tug puj Xamalis tuaj nqaa dej. Yexus has tu tuz puj qhai has tas, “Thob koj muas isntsis dej tu kud haws.” 8(Yexus cob thwjtid muz yuab zaws mo tu tod nroog liad.)
9Tuz puj qhai tes Yexus has tas, “Koj yog neeg Yudais, has kud yog neeg Xamalis, ua nyaab koj laad thob dej qhai kud haws?” (Cob Yudais yeej istxwd tsi kood sib cob Xamalis tej khos has tej taiz ni.)#4.9 Cob Yudais yeej istxwd tsi kood sib cob Xamalis tej khos has tej taiz ni; lossis Cob Yudais tsi muaj feed kood nrug cob Xamalis ni.
10Yexus tes niz has tas, “Yog koj paws yaad kwg Vaajtswb yiad pus tu koj, has paws tuz kwg thob dej qhai koj haws yog tuz twg, ces koj yeej yiad thob niz, has niz yiad muas cob dej kwg ciad txujsa tu koj haws.”
11Tuz puj qhai has tas, “Koj ted tsi muaj thoos ntaws dej, has lus qhobdej na tus heeb. Koj yiad muas cob dej kwg ciad txujsa qhob twg luz? 12Pes yiadkoos Yakhawj muas lus qhobdej na tu pes; niz has niz cob tus has niz tej tsaj puabtsig haws dej hub lus qhobdej na. Koj tseed muaj fwjchid luj kua pes yiadkoos Yakhawj has los?”
13Yexus tes has tas, “Txhua tuz kwg haws cob dej hub lus qhobdej na tseed yiad rob nqhes kua, 14tadsis tuadtxhij kwg haws cob dej kwg kud muas tu niz, niz yiad tsi nqhes kua is zag ni liad. Cob dej kwg kud muas tu niz yiad txhiab hub niz lus sas has ciad niz txujsa muz is txhis.”
15Tuz puj qhai has tu Yexus has tas, “Thob muas cob dej kwg koj has ko tu kud! Kud has yiad tsi nqhes kua has tsi tsud tuaj nqaa dej hub lus qhobdej na liad.”
16Yexus has tu tuz puj qhai tas, “Koj ca ni muz hu koj tuz yiag has mej ostug tuaj qhais na.”
17Tuz puj qhai tes has tas, “Kud tsi muaj yiag.”
Yexus tes has tas, “Koj has tas koj tsi muaj yiag, koj has yog liad. 18Koj ted yuab tsis tug yiag liad, has tuz yiag kwg nizna koj nrug nyos qhais los yeej tsi yog koj tuz yiag. Tej kwg koj qha tu kud qhai, koj has tsees liad.”
19Tuz puj qhai has tu Yexus has tas, “Kud paws has tas koj yog is tug ceb Vaajtswb luz. 20Pes cob kwg yog neeg Xamalis cob yiadkoos istxwd pehiad Vaajtswb saw lus roos na, tadsis mej cob kwg yog neeg Yudais, mej has tas tuadtxhij yiadtsud muz pehiad Vaajtswb nraaz lus nroog Yeluxalees has yog.”
21Yexus has tu tuz puj qhai tas, “Koj ca ni ntseeg kud tej luz, ted yiad txug lus sijhiad kwg neeg yiad tsi pehiad leej Vaid saw lus roos na lossis nraaz lus nroog Yeluxalees liad. 22Mej cob kwg yog neeg Xamalis, mej tsi paws tuz kwg mej pehiad yog tuz twg; tadsis pes cob kwg yog neeg Yudais, pes paws tuz kwg pes pehiad, tu qhob txuj keb ciad kig luz qhais cob neeg Yudais luz. 23Lus sijhiad qhai taastod luz, has ted luz txug qhais na liad, cob neeg kwg pehiad tsees yiad pehiad leej Vaid luz qhais saas ntsujplig has qhob tsees, tu qhob leej Vaid xaab kuas tuadtxhij muaj nplooj sas dias pawg pehiad niz tag. 24Vaajtswb yog Ntsujplig, cob kwg pehiad Vaajtswb yiadtsud pehiad qhais saas ntsujplig has qhob tsees.”
25Tuz puj qhai has tu Yexus has tas, “Kud paws has tas tuz Mexiyas yiad luz, has thaws niz luz liad, niz yiad qha txhua yaad tu pes.”
26Yexus tes has tas, “Kud yog niz, kud taastod nrug koj thaad na ntag.”
27Taadsij qhai Yexus cob thwjtid txiad luz txug, cud pud Yexus nrug tuz puj qhai thaad, cud xaab tsi thoos ni. Tadsis tsi muaj is tug noog tuz puj qhai has tas, “Koj xaab yuab daastsi?” Lossis noog Yexus has tas, “Vid nyaab koj nrug tuz puj qhai thaad?”
28Ces tuz puj qhai txiad muas niz lus hus dej tso plhuab tseg, niz rob qaas muz tu tod nroog, has niz has tu cob neeg hub nroog tas, 29“Mej ca ni muz nuad tus yiag kwg nyos tod nuad, niz qha txhua yaad kwg kud taw ua taaz luz liad hubtsig tu kud noog! Niz puas yog tuz Mexiyas?” 30Yog ni qhai, tuadtxhij txiad tiad zus ziaz hub nroog tuaj nuad Yexus.
31Thaws qhai cob thwjtid has tu Yexus has tas, “Xisfws, ca ni luz noj mo taws!”
32Tadsis Yexus tes has tas, “Kud ted muaj mo noj liad, tej qhai mej tsi paws.”
33Yog ni qhai, cob thwjtid txiad sis noog has tas, “Tuz twg ted nqaa mo tuaj tu niz noj liad taz los?”
34Yexus has tu cob thwjtid has tas, “Kud tej mo yog ua rias ni tuz kwg txis kud luz lus sas nyad, has ua tez hujlwd kwg niz tso tu kud ua liad kuas tab. 35Muaj is lu luz kwg mej has tas, ‘Tshuab plaws hlis, maad ni txug caij hlais nplej.’ Tadsis kud qha tu mej has tas, mej ca ni tsaa qhobmuag nuad tej tes; nplej ted sab heeb zoo hlais liad! 36Tuz neeg kwg hlais nplej ted taw nqai zug liad, has tej kwg niz saw luz ca ted taw txujsa nteb dhaw muz is txhis liad; yog ni qhai, tuz kwg cos has tuz kwg hlais yiad zoo sas heeb ni. 37Vid ni qhai lu luz kwg has tas, ‘Muaj is tug cos, has muaj kua is tug hlais,’ lu luz qhai yeej muaj tsees tag! 38Kud txis mej muz hlais cob nplej hub daid tes kwg tsi yog mej tuz zug ua; daid tes qhai yog lwd tuz tuz zug ua, tadsis mej taw saw tej kwg yog lwd tuz tuz zug ua.”
39Cob neeg Xamalis kwg nyos hub lus nroog qhai, muaj ntaw tuz ntseeg Yexus, tu qhob tuz puj qhai has tu cud tas, “Niz qha txhua yaad kwg kud taw ua taaz luz liad hubtsig tu kud noog.” 40Yog ni qhai, thaws cob neeg Xamalis tuaj cuag Yexus, cud cheed kuas Yexus nrug cud nyos, ces Yexus txiad muz nyos hub lus nroog qhai taw os hnoos.
41Muaj ntaw tuz luz ntseeg Yexus ntxib, tu qhob cud hnob Yexus tej luz qha, 42has cud has tu tuz puj qhai tas, “Nizna pes ntseeg, tsi yog vid tej luz kwg koj has, tadsis pes ntseeg vid pes taw hnob niz tej luz, has pes paws has tas niz yog neeg ntajtes tuz Ciadseej tag.”
Yexus Khu Is tus Thiaj Tusrog leej Tus
43Tod qaas kwg Yexus nyos hub lus nroog qhai taw os hnoos, niz txiad muz tu pez lus xeeb Kalilais liad. 44Tu qhob Yexus tuz kheej kag taw has tas, “Cob neeg kwg nyos hub lus teschias kwg tuz ceb Vaajtswb luz nyos, cob neeg qhai yeej tsi fwd niz.” 45Thaws Yexus muz txug pez xeeb Kalilais, tuadtxhij tuaj toz txais niz, tu qhob cud taw muz ua Kebcai Hlaa Dhaw nraaz lus nroog Yeluxalees, has taw pud txhua yaad kwg Yexus ua thaws ua kebcai Hlaa Dhaw qhai.
46Ces Yexus txiad rob qaas muz tu hub lus zoz Kanas kwg nyos hub xeeb Kalilais kwg thaws Yexus muas dej txa ua ciab txib hmaas. Muaj is tug nud nyos hub lus nroog Kapena-us, niz leej tus mos heeb. 47Thaws niz hnob has tas Yexus rob qaas nraaz xeeb Yudais luz txug tu hub xeeb Kalilais liad, niz txiad muz cuag Yexus has thob kuas Yexus muz khu niz leej tus kwg mos heeb yiad tuag hub lus nroog Kapena-us. 48Yexus has tu tuz nud qhai tas “Yog mej tsi pud tej txujci tseedcees, mej yeej tsi ntseeg kud tej luz ni.”
49Tuz nud qhai has tu Yexus has tas, “Tuz Tswb, tsheed kud tuz tu tseed tsi taw tuag, thob koj luz paas khu!”
50Yexus has tu tuz nud qhai tas, “Koj ca ni muz, koj leej tus yeej yiad caj!”
Tuz nud qhai ntseeg Yexus tej luz, niz txiad muz liad. 51Thaws niz taastod tawgkeb muz tseb, niz cob tusqhe rias niz qaas tuaj has qha tu niz has tas, “Koj tuz tus caj liad.”
52Niz noog cud has tas thaws twg niz leej tus zoo liad, has cud tes has tas, “Naag thaws is teeb taab su, ces niz tuz na txiad tu liad.” 53Ces leej vaid ncu dheeb txug has tas, thaws qhai yog lus sijhiad kwg Yexus has tu niz tas, “Koj leej tus yiad caj.” Yog ni qhai, niz has niz tseb neeg txiad ntseeg Yexus.
54Txij thaws Yexus rob nraaz xeeb Yudais luz txug tu hub xeeb Kalilais, niz ua txujci tseedcees os zag tu zag na.
Currently Selected:
Yawhaas 4: CQD2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Yawhaas 4
4
Yexus has tuz Puj Xamalis
1Cob Falixais hnob has tas Yexus txais neeg has muas neeg ua kebcai raws dej has ua thwjtid coos kua Yawhaas. 2(Qhob tsees, Yexus yeej tsi muas neeg ua kebcai raws dej, tsuas yog Yexus cob thwjtid muas nyaz.) 3Thaws Yexus hnob ni qhai, niz txiad tiad hub xeeb Yudais rob qaas muz tu pes xeeb Kalilais; 4niz yiadtsud tawg txuj keb kwg muz hlaa lus xeeb Xamalis muz.
5Yexus muz txug qhais lus nroog Xikhas kwg nyos hub xeeb Xamalis, lus nroog qhai nyos tsi kes qhai thaaj tes kwg Yakhawj muas tu niz leej tus Yawxej. 6Qhai muaj lus qhobdej Yakhawj, vid tawgkeb saas heeb, Yexus has nyos qhais ntug qhobdej qhai. Lus sijhiad qhai yog thaws taab su.
7Muaj is tug puj Xamalis tuaj nqaa dej. Yexus has tu tuz puj qhai has tas, “Thob koj muas isntsis dej tu kud haws.” 8(Yexus cob thwjtid muz yuab zaws mo tu tod nroog liad.)
9Tuz puj qhai tes Yexus has tas, “Koj yog neeg Yudais, has kud yog neeg Xamalis, ua nyaab koj laad thob dej qhai kud haws?” (Cob Yudais yeej istxwd tsi kood sib cob Xamalis tej khos has tej taiz ni.)#4.9 Cob Yudais yeej istxwd tsi kood sib cob Xamalis tej khos has tej taiz ni; lossis Cob Yudais tsi muaj feed kood nrug cob Xamalis ni.
10Yexus tes niz has tas, “Yog koj paws yaad kwg Vaajtswb yiad pus tu koj, has paws tuz kwg thob dej qhai koj haws yog tuz twg, ces koj yeej yiad thob niz, has niz yiad muas cob dej kwg ciad txujsa tu koj haws.”
11Tuz puj qhai has tas, “Koj ted tsi muaj thoos ntaws dej, has lus qhobdej na tus heeb. Koj yiad muas cob dej kwg ciad txujsa qhob twg luz? 12Pes yiadkoos Yakhawj muas lus qhobdej na tu pes; niz has niz cob tus has niz tej tsaj puabtsig haws dej hub lus qhobdej na. Koj tseed muaj fwjchid luj kua pes yiadkoos Yakhawj has los?”
13Yexus tes has tas, “Txhua tuz kwg haws cob dej hub lus qhobdej na tseed yiad rob nqhes kua, 14tadsis tuadtxhij kwg haws cob dej kwg kud muas tu niz, niz yiad tsi nqhes kua is zag ni liad. Cob dej kwg kud muas tu niz yiad txhiab hub niz lus sas has ciad niz txujsa muz is txhis.”
15Tuz puj qhai has tu Yexus has tas, “Thob muas cob dej kwg koj has ko tu kud! Kud has yiad tsi nqhes kua has tsi tsud tuaj nqaa dej hub lus qhobdej na liad.”
16Yexus has tu tuz puj qhai tas, “Koj ca ni muz hu koj tuz yiag has mej ostug tuaj qhais na.”
17Tuz puj qhai tes has tas, “Kud tsi muaj yiag.”
Yexus tes has tas, “Koj has tas koj tsi muaj yiag, koj has yog liad. 18Koj ted yuab tsis tug yiag liad, has tuz yiag kwg nizna koj nrug nyos qhais los yeej tsi yog koj tuz yiag. Tej kwg koj qha tu kud qhai, koj has tsees liad.”
19Tuz puj qhai has tu Yexus has tas, “Kud paws has tas koj yog is tug ceb Vaajtswb luz. 20Pes cob kwg yog neeg Xamalis cob yiadkoos istxwd pehiad Vaajtswb saw lus roos na, tadsis mej cob kwg yog neeg Yudais, mej has tas tuadtxhij yiadtsud muz pehiad Vaajtswb nraaz lus nroog Yeluxalees has yog.”
21Yexus has tu tuz puj qhai tas, “Koj ca ni ntseeg kud tej luz, ted yiad txug lus sijhiad kwg neeg yiad tsi pehiad leej Vaid saw lus roos na lossis nraaz lus nroog Yeluxalees liad. 22Mej cob kwg yog neeg Xamalis, mej tsi paws tuz kwg mej pehiad yog tuz twg; tadsis pes cob kwg yog neeg Yudais, pes paws tuz kwg pes pehiad, tu qhob txuj keb ciad kig luz qhais cob neeg Yudais luz. 23Lus sijhiad qhai taastod luz, has ted luz txug qhais na liad, cob neeg kwg pehiad tsees yiad pehiad leej Vaid luz qhais saas ntsujplig has qhob tsees, tu qhob leej Vaid xaab kuas tuadtxhij muaj nplooj sas dias pawg pehiad niz tag. 24Vaajtswb yog Ntsujplig, cob kwg pehiad Vaajtswb yiadtsud pehiad qhais saas ntsujplig has qhob tsees.”
25Tuz puj qhai has tu Yexus has tas, “Kud paws has tas tuz Mexiyas yiad luz, has thaws niz luz liad, niz yiad qha txhua yaad tu pes.”
26Yexus tes has tas, “Kud yog niz, kud taastod nrug koj thaad na ntag.”
27Taadsij qhai Yexus cob thwjtid txiad luz txug, cud pud Yexus nrug tuz puj qhai thaad, cud xaab tsi thoos ni. Tadsis tsi muaj is tug noog tuz puj qhai has tas, “Koj xaab yuab daastsi?” Lossis noog Yexus has tas, “Vid nyaab koj nrug tuz puj qhai thaad?”
28Ces tuz puj qhai txiad muas niz lus hus dej tso plhuab tseg, niz rob qaas muz tu tod nroog, has niz has tu cob neeg hub nroog tas, 29“Mej ca ni muz nuad tus yiag kwg nyos tod nuad, niz qha txhua yaad kwg kud taw ua taaz luz liad hubtsig tu kud noog! Niz puas yog tuz Mexiyas?” 30Yog ni qhai, tuadtxhij txiad tiad zus ziaz hub nroog tuaj nuad Yexus.
31Thaws qhai cob thwjtid has tu Yexus has tas, “Xisfws, ca ni luz noj mo taws!”
32Tadsis Yexus tes has tas, “Kud ted muaj mo noj liad, tej qhai mej tsi paws.”
33Yog ni qhai, cob thwjtid txiad sis noog has tas, “Tuz twg ted nqaa mo tuaj tu niz noj liad taz los?”
34Yexus has tu cob thwjtid has tas, “Kud tej mo yog ua rias ni tuz kwg txis kud luz lus sas nyad, has ua tez hujlwd kwg niz tso tu kud ua liad kuas tab. 35Muaj is lu luz kwg mej has tas, ‘Tshuab plaws hlis, maad ni txug caij hlais nplej.’ Tadsis kud qha tu mej has tas, mej ca ni tsaa qhobmuag nuad tej tes; nplej ted sab heeb zoo hlais liad! 36Tuz neeg kwg hlais nplej ted taw nqai zug liad, has tej kwg niz saw luz ca ted taw txujsa nteb dhaw muz is txhis liad; yog ni qhai, tuz kwg cos has tuz kwg hlais yiad zoo sas heeb ni. 37Vid ni qhai lu luz kwg has tas, ‘Muaj is tug cos, has muaj kua is tug hlais,’ lu luz qhai yeej muaj tsees tag! 38Kud txis mej muz hlais cob nplej hub daid tes kwg tsi yog mej tuz zug ua; daid tes qhai yog lwd tuz tuz zug ua, tadsis mej taw saw tej kwg yog lwd tuz tuz zug ua.”
39Cob neeg Xamalis kwg nyos hub lus nroog qhai, muaj ntaw tuz ntseeg Yexus, tu qhob tuz puj qhai has tu cud tas, “Niz qha txhua yaad kwg kud taw ua taaz luz liad hubtsig tu kud noog.” 40Yog ni qhai, thaws cob neeg Xamalis tuaj cuag Yexus, cud cheed kuas Yexus nrug cud nyos, ces Yexus txiad muz nyos hub lus nroog qhai taw os hnoos.
41Muaj ntaw tuz luz ntseeg Yexus ntxib, tu qhob cud hnob Yexus tej luz qha, 42has cud has tu tuz puj qhai tas, “Nizna pes ntseeg, tsi yog vid tej luz kwg koj has, tadsis pes ntseeg vid pes taw hnob niz tej luz, has pes paws has tas niz yog neeg ntajtes tuz Ciadseej tag.”
Yexus Khu Is tus Thiaj Tusrog leej Tus
43Tod qaas kwg Yexus nyos hub lus nroog qhai taw os hnoos, niz txiad muz tu pez lus xeeb Kalilais liad. 44Tu qhob Yexus tuz kheej kag taw has tas, “Cob neeg kwg nyos hub lus teschias kwg tuz ceb Vaajtswb luz nyos, cob neeg qhai yeej tsi fwd niz.” 45Thaws Yexus muz txug pez xeeb Kalilais, tuadtxhij tuaj toz txais niz, tu qhob cud taw muz ua Kebcai Hlaa Dhaw nraaz lus nroog Yeluxalees, has taw pud txhua yaad kwg Yexus ua thaws ua kebcai Hlaa Dhaw qhai.
46Ces Yexus txiad rob qaas muz tu hub lus zoz Kanas kwg nyos hub xeeb Kalilais kwg thaws Yexus muas dej txa ua ciab txib hmaas. Muaj is tug nud nyos hub lus nroog Kapena-us, niz leej tus mos heeb. 47Thaws niz hnob has tas Yexus rob qaas nraaz xeeb Yudais luz txug tu hub xeeb Kalilais liad, niz txiad muz cuag Yexus has thob kuas Yexus muz khu niz leej tus kwg mos heeb yiad tuag hub lus nroog Kapena-us. 48Yexus has tu tuz nud qhai tas “Yog mej tsi pud tej txujci tseedcees, mej yeej tsi ntseeg kud tej luz ni.”
49Tuz nud qhai has tu Yexus has tas, “Tuz Tswb, tsheed kud tuz tu tseed tsi taw tuag, thob koj luz paas khu!”
50Yexus has tu tuz nud qhai tas, “Koj ca ni muz, koj leej tus yeej yiad caj!”
Tuz nud qhai ntseeg Yexus tej luz, niz txiad muz liad. 51Thaws niz taastod tawgkeb muz tseb, niz cob tusqhe rias niz qaas tuaj has qha tu niz has tas, “Koj tuz tus caj liad.”
52Niz noog cud has tas thaws twg niz leej tus zoo liad, has cud tes has tas, “Naag thaws is teeb taab su, ces niz tuz na txiad tu liad.” 53Ces leej vaid ncu dheeb txug has tas, thaws qhai yog lus sijhiad kwg Yexus has tu niz tas, “Koj leej tus yiad caj.” Yog ni qhai, niz has niz tseb neeg txiad ntseeg Yexus.
54Txij thaws Yexus rob nraaz xeeb Yudais luz txug tu hub xeeb Kalilais, niz ua txujci tseedcees os zag tu zag na.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.