Chibkees 6
6
Neeg Ua Phed Ua Qas
1Thaws neeg fuadvaad muz nyos pub ntajtes, has yug taw tej ntxhais coos, 2muaj is cob tidtswb qawd ntuj#6.2 tidtswb qawd ntuj; lossis cob tidtswb tej tus; lossis Vaajtswb tej tus. pud cob ntxhais qhai zoo nkawj heeb, yog ni qhai cud txiad tuaj yuab cob ntxhais kwg cud nyad ua puj. 3Ces tuz Tswb has tas, “Kud yiad tsi pus neeg muaj sa nyos nteb muz istxhis, tu qhob cud yog neeg kwg txiaj tuag. Txij na muz cud tsuas muaj sa nyos nteb ni is puas neez nkawd xyoo liad nyaz.” 4Tad qhai has tad tod qaas na, muaj cob neeg luj heeb nyos hub ntajtes na, cud yog xeesntxwz qhais neeg ntajtes tej ntxhais kwg yuab cob tidtswb qawd ntuj. Cud yog cob neeg kwg ua taw heeb has muaj koos meej nyos txheej thaws na luz.#Yas 1.6; 2.1#Tnp 13.33
5Thaws tuz Tswb pud txhua tuz neeg kwg nyos hub ntajtes na, muaj lus sas ua phed ua qas has xaab phed txhua lus sijhiad, 6tuz Tswb tu sas has khubxid qhob kwg niz tsid neeg luz nyos hub lus ntajtes na. Niz tu sas heeb ni. 7Yog ni qhai, tuz Tswb ha has tas, “Kud yiad muas cob neeg kwg kud taw tsid na has tej tsaj luj tsaj yaw, tej noog kwg yaa saw nruas ntug ua kuas puadtsuaj hubtsig muz. Kud tu sas heeb, vid kud taw tsid cud luz.” 8Tadsis tuz Tswb txaws sas heeb tu Naw-es.#Mat 24.37; Luk 17.26; 1 Pet 3.20
Naw-es Txua Nkoj
9-10Zaaj na yog has txug Naw-es lus neej. Naw-es muaj pes tug tus, Xees, Haas has Yafej. Naw-es yog is tug neeg ncaajnceeg has niz yeej istxwd ua zoo taaz niz sidneej. Niz ua neej rias ni Vaajtswb sas nyad, #2 Pet 2.5 11tadsis kua ni lwd tuz, Vaajtswb pud has tas tuadtxhij puabtsig ua txhud hubtsig, has pheej ua keb phed keb qas heeb zuj zug muz thoos pliaz txhua qhob chia. 12Vaajtswb nuad lus ntajtes, niz pud keb phed keb qas pub nkaws, tu qhob tej neeg puabtsig ua phed heeb ni.
13Vaajtswb ha has tu Naw-es has tas, “Kud txabtxid sas yiad ua kuas neeg tuag tu noos. Kud yiad ua kuas cud rawg keb puadtsuaj taaz hubtsig muz, tu qhob lus ntajtes na pub nkaws cud txuj keb ua nruj ua tsib nyaz. 14Koj ca ni muz muas cob ntoo kustwg luz txua ua is lus nkoj, ua kuas muaj ntaw chaab tu hub lus nkoj qhai has muas roj ntoos luz leed kuas thoos pliaz saas hub has saas nraw hubtsig. 15Txua lus nkoj qhai qhob nteb kuas muaj pes puas tshid, qhob kaab kuas muaj tsis cawg tshid, has qhob sas kuas muaj pes cawg tshid. 16Muas vuaz#6.16 vuaz; lossis qhob xaadyeez. vub lus nkoj qhai tu has tseg ni is tshid thoos pliaz, tsi xod xob kuas ti tu saw cob vuaz. Lus nkoj qhai ua kuas muaj pes tshooj has ua lus qhob rooj tu is saas. 17Kud yiad tso dej luz nyaas lus ntajtes na kuas txhua tsaab yaad kwg muaj sa nyos rawg puadtsuaj muz. Txhua yaad kwg nyos hub ntajtes na yiad tuag taaz hubtsig. 18Tadsis kud yiad cogluz tu koj. Koj ca ni coj koj tuz puj, koj cob tus, has koj cob nyaas muz nyos hub lus nkoj. 19-20Coj txhua yaad tsaj is yaad is nkiad has txhua yaad noog is yaad is nkiad nrug koj muz nyos hub lus nkoj, kuas tej tsaj qhai ha tsi tuag. 21Npaaj txhua yaad zaws mo coj muz tu koj tseb neeg has tej tsaj taw noj nyos hub lus nkoj.” 22Naw-es ha ua txhua yaad rias ni Vaajtswb taw has.#Hen 11.7
Currently Selected:
Chibkees 6: CQD2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Chibkees 6
6
Neeg Ua Phed Ua Qas
1Thaws neeg fuadvaad muz nyos pub ntajtes, has yug taw tej ntxhais coos, 2muaj is cob tidtswb qawd ntuj#6.2 tidtswb qawd ntuj; lossis cob tidtswb tej tus; lossis Vaajtswb tej tus. pud cob ntxhais qhai zoo nkawj heeb, yog ni qhai cud txiad tuaj yuab cob ntxhais kwg cud nyad ua puj. 3Ces tuz Tswb has tas, “Kud yiad tsi pus neeg muaj sa nyos nteb muz istxhis, tu qhob cud yog neeg kwg txiaj tuag. Txij na muz cud tsuas muaj sa nyos nteb ni is puas neez nkawd xyoo liad nyaz.” 4Tad qhai has tad tod qaas na, muaj cob neeg luj heeb nyos hub ntajtes na, cud yog xeesntxwz qhais neeg ntajtes tej ntxhais kwg yuab cob tidtswb qawd ntuj. Cud yog cob neeg kwg ua taw heeb has muaj koos meej nyos txheej thaws na luz.#Yas 1.6; 2.1#Tnp 13.33
5Thaws tuz Tswb pud txhua tuz neeg kwg nyos hub ntajtes na, muaj lus sas ua phed ua qas has xaab phed txhua lus sijhiad, 6tuz Tswb tu sas has khubxid qhob kwg niz tsid neeg luz nyos hub lus ntajtes na. Niz tu sas heeb ni. 7Yog ni qhai, tuz Tswb ha has tas, “Kud yiad muas cob neeg kwg kud taw tsid na has tej tsaj luj tsaj yaw, tej noog kwg yaa saw nruas ntug ua kuas puadtsuaj hubtsig muz. Kud tu sas heeb, vid kud taw tsid cud luz.” 8Tadsis tuz Tswb txaws sas heeb tu Naw-es.#Mat 24.37; Luk 17.26; 1 Pet 3.20
Naw-es Txua Nkoj
9-10Zaaj na yog has txug Naw-es lus neej. Naw-es muaj pes tug tus, Xees, Haas has Yafej. Naw-es yog is tug neeg ncaajnceeg has niz yeej istxwd ua zoo taaz niz sidneej. Niz ua neej rias ni Vaajtswb sas nyad, #2 Pet 2.5 11tadsis kua ni lwd tuz, Vaajtswb pud has tas tuadtxhij puabtsig ua txhud hubtsig, has pheej ua keb phed keb qas heeb zuj zug muz thoos pliaz txhua qhob chia. 12Vaajtswb nuad lus ntajtes, niz pud keb phed keb qas pub nkaws, tu qhob tej neeg puabtsig ua phed heeb ni.
13Vaajtswb ha has tu Naw-es has tas, “Kud txabtxid sas yiad ua kuas neeg tuag tu noos. Kud yiad ua kuas cud rawg keb puadtsuaj taaz hubtsig muz, tu qhob lus ntajtes na pub nkaws cud txuj keb ua nruj ua tsib nyaz. 14Koj ca ni muz muas cob ntoo kustwg luz txua ua is lus nkoj, ua kuas muaj ntaw chaab tu hub lus nkoj qhai has muas roj ntoos luz leed kuas thoos pliaz saas hub has saas nraw hubtsig. 15Txua lus nkoj qhai qhob nteb kuas muaj pes puas tshid, qhob kaab kuas muaj tsis cawg tshid, has qhob sas kuas muaj pes cawg tshid. 16Muas vuaz#6.16 vuaz; lossis qhob xaadyeez. vub lus nkoj qhai tu has tseg ni is tshid thoos pliaz, tsi xod xob kuas ti tu saw cob vuaz. Lus nkoj qhai ua kuas muaj pes tshooj has ua lus qhob rooj tu is saas. 17Kud yiad tso dej luz nyaas lus ntajtes na kuas txhua tsaab yaad kwg muaj sa nyos rawg puadtsuaj muz. Txhua yaad kwg nyos hub ntajtes na yiad tuag taaz hubtsig. 18Tadsis kud yiad cogluz tu koj. Koj ca ni coj koj tuz puj, koj cob tus, has koj cob nyaas muz nyos hub lus nkoj. 19-20Coj txhua yaad tsaj is yaad is nkiad has txhua yaad noog is yaad is nkiad nrug koj muz nyos hub lus nkoj, kuas tej tsaj qhai ha tsi tuag. 21Npaaj txhua yaad zaws mo coj muz tu koj tseb neeg has tej tsaj taw noj nyos hub lus nkoj.” 22Naw-es ha ua txhua yaad rias ni Vaajtswb taw has.#Hen 11.7
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.