Chibkees 3
3
Noosneej Tsi Noog Luz
1Naas yog is tug kwg ntse phed tshaaj txhua yaad tsaj qud kwg tuz Tswb kwg yog Vaajtswb taw tsid hubtsig. Naas ha noog tuz puj has tas, “Vaajtswb yeej txwb kuas mej tsi xod noj txhua yaad txibntoo kwg nyos hub lus vaaj na tag los?”#Tsd 12.9; 20.2
2Tuz puj tes has tas, “Pes os tug yeej noj taw txhua yaad txibntoo kwg nyos hub lus vaaj na, 3tsuas yog tshwj tsos txibntoo hub pliab vaaj ha tsi noj nyaz. Vaajtswb yeej txwb tsi pus pes os tug noj tsos ntoo qhai tej txib lossis tsi pus kob tsos ntoo qhai; yog pes os tug noj, pes os tug yiad tuag.”
4Naas tes tuz puj has tas, “Tej luz qhai tsi tsees, mej yiad tsi tuag is zag ni. 5Vaajtswb has ni qhai, tu qhob niz paws has tas thaws twg mej noj tsos txibntoo qhai, mej yiad zoo ni Vaajtswb#3.5 Vaajtswb; lossis tej vaajtswb. has mej yiad paws qhob phed has qhob zoo.”#3.5 paws qhob phed has qhob zoo; lossis paws txhua yaad hubtsig.
6Tuz puj pud has tas tsos ntoo qhai zoo nkawj has tej txib ntxid qaas heeb ni, tsi yog ni qhai nyaz, niz xaab has tas tej txibntoo qhai tseed yiad ua tu niz muaj tswbyid has. Ces niz txiad ceb tez muz de cob txib luz noj. Niz muas tu niz tuz yiag noj has. 7Thaws ostug noj taaz liad, ostug os lug qhobmuag txiad qhes tuaj has paws has tas ostug lasqaas, ostug ha muz de nplooj txib cua luz xiad hnaab.
8Thaws yiad tsaws ntuj ostug hnob tuz Tswb kwg yog Vaajtswb muz keb hub lus vaaj, ostug ha tsib muz nkawd tu hub cob ntoo liad. 9Tadsis tuz Tswb kwg yog Vaajtswb hu tuz yiag has tas, “Koj nyos qhob twg?”
10Niz tes has tas, “Kud hnob koj luz tu hub lus vaaj na, kud ntshai kud ha tsib muz nkawd liad, tu qhob kud lasqaas.”
11Vaajtswb noog has tas, “Tuz twg has tu koj tas koj lasqaas? Tsi yog koj noj tsos txibntoo kwg kud txwb tsi pus koj noj liad los?”
12Tuz yiag tes has tas, “Ted yog tuz puj kwg koj muas tu kud, niz muas cob txibntoo qhai ceb tu kud noj, kud ha ni taw noj liad.”
13Tuz Tswb kwg yog Vaajtswb noog tuz puj has tas, “Vid nicaaz koj ha ua ni ko?”
Niz tes has tas, “Naas ntxaz kud noj!”#2 Klt 11.3; 1 Tim 2.14
Vaajtswb Qha Txug Keb Txabtxid
14Tuz Tswb kwg yog Vaajtswb ha has tu naas has tas, “Koj yiad rawg txid, vid qhob kwg koj ntxaz tuz puj na ua txhud. Taaznrhiab tej tsaj qud hubtsig, koj yog tuz kwg yiad taw ris lu luz food tsi zoo na: Txij hnoos na muz, koj yiad muas koj lus plaas lawg saw npoo aab muz ni has noj hmoob aab muz taaz koj lus neej. 15Kud yiad ua kuas koj has tuz puj na ua yeesncuas, niz tuz xeesntxwz has koj tuz xeesntxwz los yiad ua yeesncuas muz ni. Niz tuz xeesntxwz yiad tsoo koj tawshaw kuas ntsoog, has koj yiad tud niz#3.15 niz; lossis cud. lus lawjtia.”#Tsd 12.17
16Tuz Tswb kwg yog Vaajtswb has tu tuz puj qhai tas, “Kud yiad cuag keb txodnyed tu koj thaws koj hai minyuas has cuag keb mos tu koj thaws koj yug minyuas. Txiad yog ni qhai los koj tseed xaab nrug koj tuz yiag ua txij nkiad, tadsis niz yiad tswjfwd koj.”
17Tuz Tswb kwg yog Vaajtswb has tu Adaas has tas, “Ted yog vid koj noog koj tuz puj luz has noj cob txibntoo kwg kud txwb tsi pus koj noj. Vid koj taw ua ni qhai aab ha rawg food tsi zoo. Koj yiad taw siab zug khwb muz taaz sidneej koj ha taw noj taw haws. 18Aab yiad tuaj nroj has tuaj khawpuz, has koj yiad de nroj tsuag tod tej tes luz ua zaws noj.#Hen 6.8 19Koj yiad ua tes khwb lus fws nrug, koj ha taw noj muz txug thaws koj rob muz tu hub cob aab kwg koj tiad luz. Kud muas aab luz puas koj, has koj yiad rob muz ua aab Kua.”
20Adaas#3.20 Adaas: Lu luz na luz Henplais has tas, “neeg.” tis niz tuz puj npe hu ua Evas,#3.20 Evas: Lu luz na has ni Henplais lu luz kwg has tas “muaj sa nyos,” kwg phaw na txhais tas yog “neeg.” tu qhob Evas yog txhua yaad neeg tuz nad. 21Tuz Tswb kwg yog Vaajtswb txiad muas tia tsaj luz ua rig tsho tu Adaas has niz tuz puj, has muas tu ostug hnaab.
Adaas has Evas Rawg Liab Tiad hub Lus Vaaj Edees
22Tuz Tswb kwg yog Vaajtswb has tas, “Nizna tuz yiag na zoo ni pes has niz paws qhob phed has qhob zoo.#3.22 paws qhob phed has qhob zoo; lossis paws txhua yaad hubtsig. Yiad tsi pus niz muz de tsos txibntoo ciad taw txuj sa luz noj, nyos tsaad niz yiad muaj sa nyos muz istxhis.”#Tsd 22.14 23Tuz Tswb kwg yog Vaajtswb ha liab Adaas tsib tiad hub lus Vaaj Edees has kuas niz muz khiaj aab ua noj ua haws qhais cob aab kwg Vaajtswb muas coj luz puas niz. 24Thaws tuz Tswb kwg yog Vaajtswb muas ostug neeg qhai liab tiad liad, Vaajtswb tso is cob qhelunpees#3.24 Qhelunpees: nuad cob luz kwg teeb tu tod qaas. tuab is raas ntaaj nplaid tiaz kwg tig taw muz tu txhua phaas luz zub lus Vaaj Edees saas hnoostuaj, tsi pus tuz twg muz ze tsos txibntoo kwg ciad taw txuj sa.
Currently Selected:
Chibkees 3: CQD2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Chibkees 3
3
Noosneej Tsi Noog Luz
1Naas yog is tug kwg ntse phed tshaaj txhua yaad tsaj qud kwg tuz Tswb kwg yog Vaajtswb taw tsid hubtsig. Naas ha noog tuz puj has tas, “Vaajtswb yeej txwb kuas mej tsi xod noj txhua yaad txibntoo kwg nyos hub lus vaaj na tag los?”#Tsd 12.9; 20.2
2Tuz puj tes has tas, “Pes os tug yeej noj taw txhua yaad txibntoo kwg nyos hub lus vaaj na, 3tsuas yog tshwj tsos txibntoo hub pliab vaaj ha tsi noj nyaz. Vaajtswb yeej txwb tsi pus pes os tug noj tsos ntoo qhai tej txib lossis tsi pus kob tsos ntoo qhai; yog pes os tug noj, pes os tug yiad tuag.”
4Naas tes tuz puj has tas, “Tej luz qhai tsi tsees, mej yiad tsi tuag is zag ni. 5Vaajtswb has ni qhai, tu qhob niz paws has tas thaws twg mej noj tsos txibntoo qhai, mej yiad zoo ni Vaajtswb#3.5 Vaajtswb; lossis tej vaajtswb. has mej yiad paws qhob phed has qhob zoo.”#3.5 paws qhob phed has qhob zoo; lossis paws txhua yaad hubtsig.
6Tuz puj pud has tas tsos ntoo qhai zoo nkawj has tej txib ntxid qaas heeb ni, tsi yog ni qhai nyaz, niz xaab has tas tej txibntoo qhai tseed yiad ua tu niz muaj tswbyid has. Ces niz txiad ceb tez muz de cob txib luz noj. Niz muas tu niz tuz yiag noj has. 7Thaws ostug noj taaz liad, ostug os lug qhobmuag txiad qhes tuaj has paws has tas ostug lasqaas, ostug ha muz de nplooj txib cua luz xiad hnaab.
8Thaws yiad tsaws ntuj ostug hnob tuz Tswb kwg yog Vaajtswb muz keb hub lus vaaj, ostug ha tsib muz nkawd tu hub cob ntoo liad. 9Tadsis tuz Tswb kwg yog Vaajtswb hu tuz yiag has tas, “Koj nyos qhob twg?”
10Niz tes has tas, “Kud hnob koj luz tu hub lus vaaj na, kud ntshai kud ha tsib muz nkawd liad, tu qhob kud lasqaas.”
11Vaajtswb noog has tas, “Tuz twg has tu koj tas koj lasqaas? Tsi yog koj noj tsos txibntoo kwg kud txwb tsi pus koj noj liad los?”
12Tuz yiag tes has tas, “Ted yog tuz puj kwg koj muas tu kud, niz muas cob txibntoo qhai ceb tu kud noj, kud ha ni taw noj liad.”
13Tuz Tswb kwg yog Vaajtswb noog tuz puj has tas, “Vid nicaaz koj ha ua ni ko?”
Niz tes has tas, “Naas ntxaz kud noj!”#2 Klt 11.3; 1 Tim 2.14
Vaajtswb Qha Txug Keb Txabtxid
14Tuz Tswb kwg yog Vaajtswb ha has tu naas has tas, “Koj yiad rawg txid, vid qhob kwg koj ntxaz tuz puj na ua txhud. Taaznrhiab tej tsaj qud hubtsig, koj yog tuz kwg yiad taw ris lu luz food tsi zoo na: Txij hnoos na muz, koj yiad muas koj lus plaas lawg saw npoo aab muz ni has noj hmoob aab muz taaz koj lus neej. 15Kud yiad ua kuas koj has tuz puj na ua yeesncuas, niz tuz xeesntxwz has koj tuz xeesntxwz los yiad ua yeesncuas muz ni. Niz tuz xeesntxwz yiad tsoo koj tawshaw kuas ntsoog, has koj yiad tud niz#3.15 niz; lossis cud. lus lawjtia.”#Tsd 12.17
16Tuz Tswb kwg yog Vaajtswb has tu tuz puj qhai tas, “Kud yiad cuag keb txodnyed tu koj thaws koj hai minyuas has cuag keb mos tu koj thaws koj yug minyuas. Txiad yog ni qhai los koj tseed xaab nrug koj tuz yiag ua txij nkiad, tadsis niz yiad tswjfwd koj.”
17Tuz Tswb kwg yog Vaajtswb has tu Adaas has tas, “Ted yog vid koj noog koj tuz puj luz has noj cob txibntoo kwg kud txwb tsi pus koj noj. Vid koj taw ua ni qhai aab ha rawg food tsi zoo. Koj yiad taw siab zug khwb muz taaz sidneej koj ha taw noj taw haws. 18Aab yiad tuaj nroj has tuaj khawpuz, has koj yiad de nroj tsuag tod tej tes luz ua zaws noj.#Hen 6.8 19Koj yiad ua tes khwb lus fws nrug, koj ha taw noj muz txug thaws koj rob muz tu hub cob aab kwg koj tiad luz. Kud muas aab luz puas koj, has koj yiad rob muz ua aab Kua.”
20Adaas#3.20 Adaas: Lu luz na luz Henplais has tas, “neeg.” tis niz tuz puj npe hu ua Evas,#3.20 Evas: Lu luz na has ni Henplais lu luz kwg has tas “muaj sa nyos,” kwg phaw na txhais tas yog “neeg.” tu qhob Evas yog txhua yaad neeg tuz nad. 21Tuz Tswb kwg yog Vaajtswb txiad muas tia tsaj luz ua rig tsho tu Adaas has niz tuz puj, has muas tu ostug hnaab.
Adaas has Evas Rawg Liab Tiad hub Lus Vaaj Edees
22Tuz Tswb kwg yog Vaajtswb has tas, “Nizna tuz yiag na zoo ni pes has niz paws qhob phed has qhob zoo.#3.22 paws qhob phed has qhob zoo; lossis paws txhua yaad hubtsig. Yiad tsi pus niz muz de tsos txibntoo ciad taw txuj sa luz noj, nyos tsaad niz yiad muaj sa nyos muz istxhis.”#Tsd 22.14 23Tuz Tswb kwg yog Vaajtswb ha liab Adaas tsib tiad hub lus Vaaj Edees has kuas niz muz khiaj aab ua noj ua haws qhais cob aab kwg Vaajtswb muas coj luz puas niz. 24Thaws tuz Tswb kwg yog Vaajtswb muas ostug neeg qhai liab tiad liad, Vaajtswb tso is cob qhelunpees#3.24 Qhelunpees: nuad cob luz kwg teeb tu tod qaas. tuab is raas ntaaj nplaid tiaz kwg tig taw muz tu txhua phaas luz zub lus Vaaj Edees saas hnoostuaj, tsi pus tuz twg muz ze tsos txibntoo kwg ciad taw txuj sa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.